ନନ୍ଦିଘୋଷ ବ୍ୟୁରୋ: ସିନ୍ଧୁ ଜଳ ଚୁକ୍ତି ବାତିଲ ପରେ ଚିନ୍ତାରେ ପଡ଼ିଯାଇଛି ପାକିସ୍ତାନ । ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଫାଙ୍କା ଧମକ ଦେଇଛନ୍ତି, କହିଛନ୍ତି ପାଣି ବନ୍ଦ କଲେ ଦୃଢ଼ ଜବାବ ଦେବ ପାକିସ୍ତାନ । ଶାନ୍ତି ଆମର ପ୍ରାଥମିକତା ଦେଶର ସୁରକ୍ଷା ଓ ଅଖଣ୍ଡତା ସହ କୌଣସି ସାଲିସ ହେବନାହିଁ ।

ପହଲଗାମ ଆକ୍ରମଣ ପରେ ଭାରତ ପାକିସ୍ତାନ ମଧ୍ୟରେ ସମ୍ପର୍କ ତିକ୍ତ ହେବାରେ ଲାଗିଛି । ଉଭୟ ଦେଶ ପରସ୍ପର ବିରୁଦ୍ଧରେ ଅନେକ କିଛି ବନ୍ଦ ଘୋଷଣା କରିଛନ୍ତି । ଭାରତର ସିନ୍ଧୁ ନଦୀ ଜଳ ଚୁକ୍ତି ବାତିଲ କରାଯାଇଛି । ଏହି ଚୁକ୍ତି ବାତିଲ ହେବା ପରେ ପାକିସ୍ତାନ ଏବେ କ୍ରୋଧର ନିଆଁରେ ଜଳୁଛି । ଏ ନେଇ ଆଜି ପାକିସ୍ତାନ ପ୍ରଧାନମନ୍ତ୍ରୀଙ୍କ ବୟାନ ଆସିଛି । ସେ କହିଛନ୍ତି, ପାକିସ୍ତାନକୁ ପାଣି ନ ମିଳିଲେ ଏହାର ଜବାବ ଦିଆଯିବ । ଆମେ ଏହି ଦୁଃସାହସର ଯବାବ ଦେବୁ । ଆମେ ୨୪୦ ନିୟୁତ ଲୋକଙ୍କ ଦେଶ । ଆମେ ଆମର ସାହସୀ ସଶସ୍ତ୍ର ବାହିନୀ ପଛରେ ଠିଆ ହୋଇଛୁ । ଆମର ଶାନ୍ତି ପ୍ରାଥମିକତା । ଆମେ ଆମର ଅଖଣ୍ଡତା ଏବଂ ସୁରକ୍ଷାରେ କେବେବି ସାଲିକ କରିବୁ ନାହିଁ ।

ପୂର୍ବରୁ ପାକିସ୍ତାନୀ ନେତା ବିଲାଓ୍ବାଲ ଭୁଟ୍ଟୋ କହିଥିଲେ ସିନ୍ଧୁ ନଦୀର ପାଣି ପ୍ରବାହିତ ନ ହେବା ମାନେ ରକ୍ତ ପ୍ରବାହିତ ହେବ । ସିନ୍ଧୁ ନଦୀ ଆମର ଏବଂ ଆମର ହେଇ ରହିବ ।

ନନ୍ଦିଘୋଷ ବ୍ୟୁରୋ: ଜାମ୍ମୁ କାଶ୍ମୀର ପହଲଗାମ ଆକ୍ରମଣ ଘଟଣାରେ ଆଦିଲ ଅହମ୍ମଦ ଠୋକର ଆତଙ୍କବାଦୀଙ୍କୁ କରିଥିଲା ସାହାଯ୍ୟ । ଆଦିଲ ସେହି ବ୍ୟକ୍ତି ଯିଏ କି ଆତଙ୍କବାଦୀଙ୍କୁ ଭାରତରେ ଗୁପ୍ତ ଭାବେ ପ୍ରବେଶ କରାଇଥିଲା ।

ଆଦିଲ ବିଜବେହାରାର ଏକ ଛୋଟ ଗାଁ ଗୁରିର ବାସିନ୍ଦା । ଗୁଇନ୍ଦା ସଂସ୍ଥା ଅନୁସାରେ, ପାକିସ୍ତାନ ଅତଙ୍କବାଦୀଙ୍କୁ ଭାରତରେ ଅନୁପ୍ରବେଶ କରାଇବା ଏବଂ ଆକ୍ରମଣ ଷଡ଼ଯନ୍ତ୍ର କରିବାରେ ସାହାଯ୍ୟ କରିଥିଲା ।

ଆଦିଲ ୨୦୧୮ରେ ଛାତ୍ର ଭିସା ଜରିଆରେ ପାକିସ୍ତାନ ଯାଇଥିଲା । ସେ ମୌଳବାଦୀ ଚିନ୍ତାଧାରା ଦ୍ବାରା ପ୍ରଭାବିତ ହୋଇଥିଲା । ସୀମା ପାରରେ କାମ କରୁଥିବା ସଂଗଠନର ମୁଖ୍ୟମାନଙ୍କ ସହ ଯୋଗାଯୋଗରେ ଥିଲା । ଏହି ସମୟରେ ସେ ପ୍ରାୟ ୮ ମାସ ଯାଏ ସୁରକ୍ଷା କର୍ମୀ ଏବଂ ଏଜେନ୍ସିମାନଙ୍କ ଦୃଷ୍ଟିରେ ନିଖୋଜ ଥିଲା । ଭାରତୀୟ ଗୁଇନ୍ଦା ସଂସ୍ଥା ତା ଘର ଏବଂ ସୋସିଆଲ ମିଡିଆ ଉପରେ ନଜର ରଖିଥିଲା । ୨୦୨୪ ଅକ୍ଟୋବରରେ ଆଦିଲ ପୁଞ୍ଚ-ରାଜୌରୀ ଅଞ୍ଚଳର ଦୁର୍ଗମ ଅଞ୍ଚଳ ଦେଇ ଭାରତରେ ପଶିଥିଲା । ୩ରୁ ୪ ଜଣିଆ ଦଳ ସହ ସେ ଏଲଓସି ପାର୍ କରିଥିଲା । ସେ ଆତଙ୍କବାଦୀଙ୍କୁ କିଛି ସମୟ ପାଇଁ ଆଶ୍ରୟ ମଧ୍ୟ ଦେଇଥିଲା । ଅନନ୍ତନାଗ ଯାତ୍ରା ଯୋଗୁ ବୈସାରଣ ଉପତ୍ୟାକା ବନ୍ଦ ଥିଲା । ଏହା ମାର୍ଚ୍ଚ ମାସରୁ ପର୍ଯ୍ୟଟକଙ୍କ ପାଇଁ ପୁଣି ଖୋଲିଥିବାରୁ ଏହାର ସୁଯୋଗ ନେଇ ଆକ୍ରମଣ କରିବା ଆତଙ୍କବାଦୀ ନିଷ୍ପତ୍ତି ନେଇଥିଲେ ।

ନନ୍ଦିଘୋଷ ବ୍ୟୁରୋ: ପହଲଗାମ ଆକ୍ରମଣ ପରେ ପାକିସ୍ତାନ ନିୟନ୍ତ୍ରଣ ରେଖା ଏଲଓସିରେ ଲଗାତାର ଗୁଳି ବର୍ଷଣ ଚାଲିଛି । ପାକିସ୍ତାନ ପଟୁ ହେଉଥିବା ଗୁଳିମାଡ଼ର କଡ଼ା ଜବାବ ଦେଉଛି ଭାରତୀୟ ସେନା । ସେନା ଏ ନେଇ କହିଛି ଯେ, ଗତ ରାତିରେ ପାକିସ୍ତାନୀ ସେନା ଗୁଳି ମାଡ଼ କରିଥିଲା । ଭାରତୀୟ ସେନା ଏହାର କଡ଼ା ଜବାବ ଦେଇଥିଲା । ଏହି ଗୁଳି ବିନିମୟ ନେଇ କ୍ଷୟକ୍ଷତିର କୌଣସି ସୂଚନା ନାହିଁ ।

ଏହି ଆକ୍ରମଣକୁ ଦୃଷ୍ଟିରେ ରଖି ସେନା ମୁଖ୍ୟ ବରିଷ୍ଠ କମାଣ୍ଡରଙ୍କ ସମେତ ବୈଠକ କରାଯାଇଛି । ଏହା ପରେ ସୁରକ୍ଷା ବ୍ୟବସ୍ଥା ନେଇ କଡ଼ା ଯାଞ୍ଚ ହୋଇଛି ।

ପହଲଗାମ ଆକ୍ରମଣ ପରେ ସିନ୍ଧୁ ଜଳ ଚୁକ୍ତି ବାତିଲ ହୋଇଛି । ଓ୍ବାଘା ଅଟାରୀ ବର୍ଡରକୁ ମଧ୍ୟ ବନ୍ଦ କରିଦିଆଯାଇଛି । ଭାରତରେ ରହୁଥିବା ପାକିସ୍ତାନ ନାଗରିକଙ୍କୁ ଶୀଘ୍ର ଫେରିଯିବାକୁ କୁହାଯାଇଛି ।