ଆଜି ପବିତ୍ର ଦେବସ୍ନାନ ପୁର୍ଣ୍ଣିମା । ରତ୍ନବେଦୀ ଛାଡି ସ୍ନାନ ବେଦୀରେ ୧୦୮ ଗଡୁ ସୁବାସିତ ଜଳରେ ସ୍ନାନ କରି ଦୁର୍ଲଭ ଗଜାନନ ବେଶରେ ଦର୍ଶନ ଦେବେ ମହାପ୍ରଭୁ । ଏଥିପାଇଁ ପ୍ରାତଃ ୪ଟା ୩୦ରୁ ଶ୍ରୀମନ୍ଦିରରେ ଆରମ୍ଭ ହୋଇଛି ନୀତିକାନ୍ତି । ଗତକାଲି ଦଇତାପତି ସେବାୟତଙ୍କ ପକ୍ଷରୁ ମହାପ୍ରଭୁଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ସର୍ବସାଧାରଣ ଦର୍ଶନ ବନ୍ଦ କରାଯାଇ ସେନାପଟା ଲାଗି କାର୍ଯ୍ୟ କରାଯିବା ସହ ରାତିରେ ବାହୁଟ କଣ୍ଟ ଲାଗି କାର୍ଯ୍ୟ ସମ୍ପାଦନ କରାଯାଇଥିଲା । ଏହାପରେ ଆରମ୍ଭ ହୋଇଥିଲା ସ୍ନାନ ନୀତିକାନ୍ତି । ସକାଳ ୯ଟାରେ ମଙ୍ଗଳ ଆଳତୀ, ୯ଟା ୧୫ରେ ମଇଲମ, ୯ଟା ୨୫ରେ ତଡପଲାଗି, ୯ଟା ୪୫ରେ ଅଧରପୋଛା, ୧୦ଟା ୨୦ରେ ରୋଷହୋମ, ୧୦ଟା ୩୦ରେ ସୂର୍ଯ୍ୟପୂଜା, ୧୦ଟା ୫୫ରେ ଦ୍ବାରପାଳ ପୂଜା, ୧୧ଟା ୧୦ରେ ବେଶ ଶେଷ କରାଯାଇ ଦିବା ୧୨ଟା ୨୦ରୁ ଗୋଟାଏ ୪୫ ରେ ଜଳବିଜେ କରାଯିବ । ୨ଟା ୫୦ରେ ମଇଲମ, ମେକାପ ସର୍ବାଙ୍ଗ, ନୂଆଲୁଗା ଲାଗି ହୋଇ ୩ଟା ୩୦ରେ ହେବ ଛେରା ପହଁରା । ୪ଟା ୩୦ରେ ହାତୀ ବେଶ ଅନୁଷ୍ଠିତ ହେବ । ସେହିପରି ୪ଟା ୩୦ରେ ମହନ୍ତ ଶାଢିବନ୍ଧା, ୫ଟା ୪୫ରୁ ୭ଟା ୨୦ରେ ଘଣ୍ଟଛତା ସକାଳ ଧୂପ, ସଂଧ୍ଯା ୬ଟା ୩୦ରେ ଦକ୍ଷିଣିଘର ଭୋଗ, ୭ଟା ୩୦ରୁ ୧୦ଟା ୩୦ ମଧ୍ୟରେ ସାହାଣମେଲା ଦର୍ଶନ ହେବ । ରାତି ୧୧ଟାରେ ହାତୀବେଶ ମଇଲମ, ୧୧ଟା ୧୦ରେ ପୁଷ୍ମାଞ୍ଜଳି ଓ ଡୋରଲାଗି ହୋଇ ୧୧ଟା ୩୦ରୁ ଦୁଇଟା ମଧ୍ଯରେ ହେବ ବାହୁଡ଼ା ପହଣ୍ଡି ।….
ଅଭିଯୁକ୍ତକୁ ନ ଛାଡ଼ିବାରୁ ପୋଲିସକୁ ମାଡ଼
ନନ୍ଦିଘୋଷ ବ୍ୟୁରୋ: ଅଭିଯୁକ୍ତକୁ ନ ଛାଡ଼ିବାରୁ ପୋଲିସକୁ ମାଡ଼ । କୌଣସି ଉପାନ୍ତ ଅଞ୍ଚଳ ନୁହେଁ । ଖୋଦ ରାଜଧାନୀର ଇନଫୋସିଟି ଥାନାରେ ଦେଖିବାକୁ ଏଭଳି ଅଭାବନୀୟ କାଣ୍ଡ । ଥାନାରେ କାର୍ଯ୍ୟରତ ମହିଳା ସବ-ଇନସପେକ୍ଟରଙ୍କୁ ମାଡ଼ ମାରୁଥିବା ବେଳର ଏକ୍ସକ୍ଲୁସିଭ ଭିଜୁଆଲ ଲାଗିଛି ନନ୍ଦିଘୋଷ ଟିଭି ହାତରେ । ଜଣେ ଠକଙ୍କ ଗିରଫଦାରୀକୁ ନେଇ ଅଳସୁଆ ଗାଁର କିଛି ଲୋକେ ଆଜି ମଧ୍ୟାହ୍ନରେ ଥାନା ଘେରାଉ କରିଥିଲେ । ଥାନା ଗେଟ୍ରେ ତାଲା ପକାଇଥିଲେ । ଇନଫୋସିଟି ଥାନା ସମ୍ମୁଖରେ ରାସ୍ତା ଅବରୋଧ କରି ପୋଲିସ ବିରୋଧରେ ଦେଇଥିଲେ ନାରାବାଜି । ସ୍ଥାନୀୟ ଏସିପି ଘଟଣାସ୍ଥଳରେ ପହଞ୍ଚି ବୁଝାଶୁଝା କରିଥିଲେ ମଧ୍ୟ ଶାନ୍ତ ପଡ଼ିନଥିଲେ ଉତ୍ତ୍ୟକ୍ତ ଲୋକେ । କିଛି ସମୟର ହୋହଲ୍ଲା ପରେ ଥାନା ଭିତରକୁ ସେମାନେ ଧଶେଇ ପଶିଥିଲେ । ବରିଷ୍ଠ ଅଧିକାରୀଙ୍କ ଉପସ୍ଥିତିରେ ମହିଳା ସବ-ଇନସପେକ୍ଟରଙ୍କୁ ମାଡ଼ ମାରିବା ସହ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ । ଏପରିକି ଅଟକ ଅଭିଯୁକ୍ତଙ୍କୁ ଥାନା ଭିତରୁ ନେଇ ଯିବାକୁ ଚେଷ୍ଟା କରିଥିଲେ । ଉତ୍ତେଜନାମୂଳକ ପରିସ୍ଥିତିର ଖବର ପାଇ ଥାନା ଭିତରେ ଓ ବାହାରେ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ସେପଟେ ଅଭିଯୁକ୍ତ ଅଜୟ ମହାନ୍ତିକୁ କୋର୍ଟ ଚାଲାଣ କରିଛି ପୋଲିସ୍ ।
ICC ହଲ୍ ଅଫ୍ ଫେମରେ ସ୍ଥାନ ପାଇବା ପରେ ଏମିତି କହିଲେ ଧୋନୀ
ନନ୍ଦିଘୋଷ ବ୍ୟୁରୋ: ICC ହଲ୍ ଅଫ୍ ଫେମରେ ସ୍ଥାନ ପାଇଛନ୍ତି ୭ ଜଣ କ୍ରିକେଟର । ଯେଉଁଥିରେ ରହିଛନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ । ଟିମ ଇଣ୍ଡିଆକୁ ୨୦୦୭ ଟି-୨୦, ୨୦୧୧ ବିଶ୍ବକପ ଏବଂ ୨୦୧୩ ଚାମ୍ପିୟନ୍ସ ଟ୍ରଫିରେ ବିଜୟୀ କରିଥିବା ଅଧିନାୟକ ହେଉଛନ୍ତି ଧୋନୀ । ତାଙ୍କ ଆଇସିସି ପକ୍ଷରୁ ଏହି ସମ୍ମାନ ଦିଆଯାଉଥିବାବେଳେ ସେ ନିଜର ପ୍ରତିକ୍ରିୟା ରଖିଛନ୍ତି । ଧୋନୀ କହିଛନ୍ତି ଏହା ସମସ୍ତ ଖେଳାଳିଙ୍କ ସ୍ବପନ ଥାଏ । ମୋତେ ଆଇସିସି ପକ୍ଷରୁ ଏହି ସମ୍ମାନ ଦିଆଯାଇଥିବାରୁ ଧନ୍ୟବାଦ ।
ମହେନ୍ଦ୍ର ସିଂହ ଧୋନିଙ୍କ ବ୍ୟତୀତ ଦକ୍ଷିଣ ଆଫ୍ରିକାର କିମ୍ବଦନ୍ତୀ ଓପନର ହାସିମ ଆମଲାଙ୍କ ନାମ ମଧ୍ୟ ICC ହଲ୍ ଅଫ୍ ଫେମ୍ରେ ଅଛି। ଅଷ୍ଟ୍ରେଲିଆର ଓପନର ମାଥ୍ୟୁ ହେଡେନ୍ ମଧ୍ୟ ଏଥିରେ ସ୍ଥାନ ପାଇଛନ୍ତି। ଏକ ସମୟରେ ହେଡେନ୍ଙ୍କ ନାମରେ ଟେଷ୍ଟରେ ସବୁଠାରୁ ବଡ଼ ୩୮୦ ରନ୍ ଖେଳିବାର ରେକର୍ଡ ଥିଲା। ସର୍ବାଧିକ ଟେଷ୍ଟ ମ୍ୟାଚ୍ ଜିତିଥିବା ଅଧିନାୟକ ଗ୍ରେମ୍ ସ୍ମିଥ୍ ମଧ୍ୟ ଏଥିରେ ସାମିଲ ହୋଇଛନ୍ତି। ସ୍ମିଥ୍ ୨୨ ବର୍ଷ ବୟସରେ ଦକ୍ଷିଣ ଆଫ୍ରିକାର ଅଧିନାୟକତ୍ୱ ପାଇଥିଲେ। ଏଥିରେ ସାମିଲ ହୋଇଥିବା ପଞ୍ଚମ ଏବଂ ଶେଷ ପୁରୁଷ ଖେଳାଳି ହେଉଛନ୍ତି ନ୍ୟୁଜିଲ୍ୟାଣ୍ଡର ଡାନିଏଲ୍ ଭିଟୋରି।
NTPC ଇଏମ ପାଓ୍ବାର ଅନ୍ତଃରାଜ୍ୟ ଟି-୨୦ କ୍ରିକେଟ ଟୁର୍ଣ୍ଣାମେଣ୍ଟ : ଫାଇନାଲରେ ଆନ୍ଧ୍ରକୁ ଭେଟିବ ଓଡ଼ିଶା
ନନ୍ଦିଘୋଷ ବ୍ୟୁରୋ: ଦୃଷ୍ଟିହୀନ ମହିଳା NTPC ଇଏମ ପାଓ୍ବାର ଅନ୍ତଃରାଜ୍ୟ ଟି-୨୦ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୫ ଫାଇନାଲରେ ଓଡ଼ିଶା । ଆସନ୍ତାକାଲି ଆନ୍ଧ୍ରପ୍ରଦେଶ ସହ ଫାଇନାଲରେ ହେବ ମୁକାବିଲା । ବିଶାଖାପାଟଣାମରେ ସକାଳ ୮ଟା ସମୟରେ ଏହି ମ୍ୟାଚଟି ଅନୁଷ୍ଠିତ ହେବ । ଓଡ଼ିଶା ଏବଂ ଆନ୍ଧ୍ର ଲିଗ୍ ପର୍ଯ୍ୟାୟରେ ଦିଲ୍ଲୀ ଏବଂ କେରଳକୁ ପରାସ୍ତା କରି ଫାଇନାଲରେ ପ୍ରବେଶ କରିଛନ୍ତି । ତେବେ ଆଜି ଶେଷ ଲିଗ୍ ମ୍ୟାଚରେ ଓଡ଼ିଶା ଏବଂ ଆନ୍ଧ୍ର ମଧ୍ୟରେ ଖେଳାଯାଉଥିଲା । ମାତ୍ର ବର୍ଷା ଯୋଗୁଁ ମ୍ୟାଚଟି ବାତିଲ ହୋଇଛି । ଓଡ଼ିଶା ୧୦ ଓଭରରେ ୨ ଓ୍ବିକେଟ ବିନିମୟରେ ୯୬ ରନ କରିଥିଲା । ସେପଟେ ଆନ୍ଧ୍ର ଏହାର ଜବାବରେ ବ୍ୟାଟିଂ କରୁଥିବା ସମୟରେ ବର୍ଷା ହୋଇଥିଲା । ମାତ୍ର ୨ଟି ବଲ ପଡ଼ିଥିବାବେଳେ କୌଣସି ନିଷ୍ପତ୍ତି ହୋଇନଥିଲା । ତେବେ ଉଭୟ ଦଳ ଲିଗରେ ବିଜୟୀ ହୋଇଥିବାବେଳେ ଫାଇନାଲରେ ପୁଣିଥରେ ଭେଟ ହେବେ ।
ସୋନମଙ୍କୁ ମେଘାଳୟ ପୋଲିସର ୧୩ ପ୍ରଶ୍ନ, ଜାଣନ୍ତୁ ଏସବୁ କଣ ?
ନନ୍ଦିଘୋଷ ବ୍ୟୁରୋ: ହନିମୁନରେ ଯାଇ ସ୍ବାମୀଙ୍କ ହତ୍ୟା କରିବା ଘଟଣା ଏବେ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ରାଜା ରଘୁବଂଶୀଙ୍କୁ ପତ୍ନୀ ସୋନମ ହତ୍ୟା କରିବା ଘଟଣା ସମସ୍ତଙ୍କୁ ସ୍ତବ୍ଧ କରି ଦେଇଛି । ତେବେ ଏହି ଘଟଣାରେ ମୁଖ୍ୟ ଅଭିଯୁକ୍ତ ସୋନମଙ୍କ ସହ ପ୍ରେମିକ ରାଜ ଏବଂ ତିନି ଜଣ ସୁପାରି କିଲରଙ୍କୁ ଗିରଫ କରିଛି ମେଘାଳୟ ପୋଲିସ । ସ୍ବାମୀଙ୍କ ହତ୍ୟା କରିବା ପରେ ନିଜକୁ ନିର୍ଦ୍ଦୋଷ କରିବା ପାଇଁ ସୋନମ କରିଥିଲେ ଯୋଜନା । କିନ୍ତୁ ଅନେକ ଗୁଡ଼ିଏ ତଥ୍ୟ ପ୍ରମାଣ ସାଙ୍ଗକୁ ସିସିଟିଭି ଫୁଟେଜ ଆଧାରରେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି । ମେଘାଳୟ ପୋଲିସ ପକ୍ଷରୁ ସୋନମଙ୍କୁ ପଚରାଯାଇଥିଲା ୧୩ କଠୋର ପ୍ରଶ୍ନ । ଯେଉଁ ପ୍ରଶ୍ନ ଶୁଣି ଆକ୍ତାମାକ୍ତା ହୋଇଥିଲେ ସୋନମ । ତେବେ ଏହି ୧୩ ପ୍ରଶ୍ନ କଣ ?
୧- ମେଘାଳୟକୁ ହନିମୁନ ଆସିବା ପାଇଁ କେବେ ଯୋଜନା କଲ ?
୨- ଫେରିବାର ଟିକେଟ କାହିଁକି ବୁକିଂ କରିନଥିଲେ ? ଏହା ହତ୍ୟାର ଯୋଜନା ନଥିଲା ତ ?
୩- ତୁମେ ବିବାହ ପୂର୍ବରୁ ରାଜ କୁଶଓ୍ବାହାଙ୍କୁ ଜାଣିଥିଲ କି ? ଉଭୟଙ୍କ ନିରନ୍ତର ଯୋଗାଯୋଗର ପ୍ରମାଣ ଅଛି ।
୪- ଚାଟରୁ ପ୍ରମାଣ ମିଳିଛି କି ତୁମେ ହନିମୁନ ଆସିବା ସମୟରେ ମଧ୍ୟ ରାଜଙ୍କ ସମ୍ପର୍କରେ ଥିଲ । ତୁମେ କଣ କଥା ହେଉଥିଲ ?
୫- ଅଭିଯୁକ୍ତଙ୍କୁ କାହିଁକି ସେୟାର କରିଥିଲା ଲାଇଭ୍ ଲୋକେସନ ?
୬- ୩ ଜଣ ହିନ୍ଦୀ ଭାଷାଭାଷି ଲୋକଙ୍କ ସହ ତୁମର ସାକ୍ଷାତ ହୋଇଥିଲା । ସେମାନଙ୍କ ସହ କଣ କଥା ହୋଇଥିଲ ?
୭- ଗାଇଡ୍ କହିଛନ୍ତି କି, ତୁମେ ୨୨ ତାରିଖରେ ସେବା ମନା କରିଥିଲ । ଏମିତି କାହିଁକି କଲ ?
୮- ଅଭିଯୁକ୍ତଙ୍କୁ ତୁମେ କେମିତି ଚିହ୍ନିଲ ? ରାଜଙ୍କର ସେମାନଙ୍କ କଣ ସମ୍ପର୍କ ?
୯- ଆପଣଙ୍କ ସ୍ବାମୀଙ୍କ ଘଣ୍ଟାଠାରୁ ଆରମ୍ଭ କରି ଫୋନ ଏବଂ ୧୦ ଲକ୍ଷ ଟଙ୍କାର ସୁନା ଗହଣା ଗାଏବ ରହିଛି । କିନ୍ତୁ ତୁମର କୌଣସି ଜିନିଷ କାହିଁକି କେହି ନେଲେନି ?
୧୦- ମେଘାଳୟ ଆସିବାକୁ ରାଜାଙ୍କ ମା ମନା କରୁଥିଲେ, ତୁମେ କାହିଁକି ବାଛିଲ ?
୧୧- ବିବାହ ସମୟରେ ତୁମେ ଅଲଗା ପ୍ରକାର ମନେ ହେଉଥିଲ, ଯଦି ମନ ନଥିଲା କାହିଁକି ବିବାହ କଲ ?
୧୨- ତଦନ୍ତରେ ତୁମ ଏବଂ ରାଜ କୁଶୱାହାଙ୍କ ବିରୁଦ୍ଧରେ ହତ୍ୟା ମାମଲା ରୁଜୁ କରିବା ପାଇଁ ଯଥେଷ୍ଟ ପ୍ରମାଣ ମିଳିଛି। ତୁମର ଉତ୍ତର କ’ଣ?
୧୩ – ତୁମେ କ’ଣ ରାଜ କୁଶୱାହାଙ୍କ ସହିତ ମିଶି ରାଜାଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର କରିଥିଲ?
ପାର୍ଟନରଙ୍କ ମାନସିକ ଚାପରେ ଜୀବନ ହାରିଲେ ଯୁବକ
ନନ୍ଦିଘୋଷ ବ୍ୟୁରୋ: ଘରୋଇ ଡାକ୍ତରଖାନାରେ ଜଣେ ବ୍ୟକ୍ତିଙ୍କ ଆତ୍ମହତ୍ଯା। ପାର୍ଟନରଙ୍କ ମାନସିକ ଚାପରେ କଟକ ବାଙ୍କି ସିମିଳିପୁର ଗାଁର ଜଣେ ଯୁବକ ଆତ୍ମହତ୍ୟା କରିଛନ୍ତି। ଚାପ ପକାଇଥିବା ପାଟର୍ନରକୁ ଗିରଫ ଦାବିରେ ରାସ୍ତା ରୋକ କରିଛନ୍ତି ସ୍ଥାନୀୟ ଲୋକେ। କଟକ ଅରୁଣୋଦୟ ମାର୍କେଟରେ ଥିବା ଏକ ଘରୋଇ ଡାକ୍ତରଖାନାକୁ ଦୁଇ ଜଣ ପାର୍ଟନରରେ ଚଳାଇଥିଲେ। ମାତ୍ର ପାଟନର୍ ଥିବା ବାଙ୍କୀ ସିମିଳିପୁରର କିଶୋର ଅମୃତ ସୁବୁଦ୍ଧି ନାମକ ଯୁବକଙ୍କୁ ସବୁବେଳେ ମାନସିକ ଚାପ ପକାଇବା ସହିତ ଆର୍ଥିକ ସହଯୋଗ ମଧ୍ଯ କରୁ ନଥିଲେ ଅନ୍ୟ ପାର୍ଟନର।ମାତ୍ରାଧିକ ଚାପଗ୍ରସ୍ତ ହୋଇ ଘରେ ଆତ୍ମହତ୍ୟା କରିଛନ୍ତି କିଶୋର ଅମୃତ।
ଆତ୍ମହତ୍ୟାର କାରଣ ଛାଡି ଯାଇଥିବା ଏକ ସୁଇସାଇଡ ନୋଟରୁ ଜଣାପଡିଛି। ତେଣୁ ଯେଉଁ ପାଟନରଙ୍କ ଯୋଗୁ ଆତ୍ମ ହତ୍ୟା କଲେ ତାଙ୍କୁ ଗିରଫ କରିବା ଦାବିରେ ପୋଲିସ ନିକଟରେ ଅଭିଯୋଗ ହୋଇଛି। ପୋଲିସ କୌଣସି ପଦକ୍ଷେପ ନନେବାରୁ ବାଧ୍ୟ ହୋଇ ବାଙ୍କୀ କଟକ ରାସ୍ତାର ସିମିଳିପୁର ଛକରେ ରାସ୍ତା ଉପରେ ଶବ ରଖି ଧାରଣା ଦେଉଛନ୍ତି ଗ୍ରାମବାସୀ।ଦୁଇ ପଟେ ଶହ ଶହ ଗାଡି ଅଟକି ରହିଛି ।
ରାଜ୍ୟର ନଦୀ ଜଳ ପ୍ରସଙ୍ଗରେ ବିଜେପି ସରକାରଙ୍କ ବିରୋଧରେ ବିଶାଳ ଆନ୍ଦୋଳନ
ନନ୍ଦିଘୋଷ ବ୍ୟୁରୋ: ରାଜ୍ୟର ନଦୀ ଜଳ ପ୍ରସଙ୍ଗରେ ବିଜେପି ସରକାରଙ୍କ ବିରୋଧରେ ବିଶାଳ ଆନ୍ଦୋଳନ। ଜଳ ମାନବ ରାଜେନ୍ଦ୍ର ସିଂଙ୍କ ନେତୃତ୍ୱରେ ଓଡ଼ିଶାରେ ହେବ ବିଶାଳ ନଦୀ ଆନ୍ଦୋଳନ। ନଦୀକୁ ନେଇ ଲଢ଼େଇ କରୁଥିବା ରାଜ୍ୟର ସମସ୍ତ ସଂଗଠନ, ଆନ୍ଦୋଳନକାରୀ ଆକ୍ଟିଭିଷ୍ଟ ଓ ସାଧାରଣ ଲୋକେ ଆନ୍ଦୋଳନରେ ଯୋଡ଼ିହେବେ । ଓଡ଼ିଶାର ନଦୀଗୁଡ଼ିକ ପ୍ରଦୂଷିତ ଓ ଦୟାର ଦୂଷିତ ଜଳ ବ୍ୟବହାର କରି ସାତ ଆଠ ଜଣ ଲୋକ ମୃତ୍ୟୁମୁଖରେ ପଡ଼ିଲେ । ମୁଖ୍ୟମନ୍ତ୍ରୀଙ୍କୁ ବିଭିନ୍ନ ସଂଗଠନ ଭେଟିବା ପରେ ମଧ୍ୟ ଦୟା ନଦୀର ସାମାନ୍ୟ ଦଳ ମଧ୍ୟ ସଫା ହେଲାନାହିଁ । ସେପଟେ ମହାନଦୀ ଶୁଖିଲା ପଡ଼ିଛି। ଏସବୁ ପ୍ରତିବାଦରେ ଆସନ୍ତାକାଲିଠାରୁ ଜଳମାନବ ରାଜେନ୍ଦ୍ର ସିଂଙ୍କ ନେତୃତ୍ୱରେ ରାଜ୍ୟରେ ସଂଗଠନ ଗୁଡିକ କାର୍ଯ୍ୟ ଆରମ୍ଭ କରିବେ ।
ଆସନ୍ତାକାଲି କଣାସ ଠାରେ ଦୟା ନଦୀ ଜଳ ବ୍ୟବହାର କରି ମୃତ୍ୟୁବରଣ କରିଥିବା ପରିବାର ଓ ସ୍ଥାନୀୟ ବାସିନ୍ଦାଙ୍କୁ ଭେଟିବେ ରାଜେନ୍ଦ୍ର ସିଂ ଓ ଅନ୍ୟ ପ୍ରତିନିଧି ଦଳ। ଦୟାନଦୀ ପ୍ରଦୂଷଣ ସମସ୍ୟା ବିଷୟରେ ସ୍ଥାନୀୟ ନଦୀ ଉପକୁଳିଆ ବାସିନ୍ଦାଙ୍କ ସହ ଆଲୋଚନା ଓ ନଦୀ ପରିଦର୍ଶନ କରାଯିବ । ସେହିପରି ୧୨ ତାରିଖରେ ଯାଜପୁର ରୋଡଠାରେ ବ୍ରାହ୍ମଣୀ ଓ ବୈତରଣୀ ନଦୀର ପ୍ରଦୂଷଣ ସମ୍ପର୍କରେ ନାଗରିକଙ୍କ ସହିତ ବିଚାର ବିମର୍ଷ ହେବ । ଭଦ୍ରକ ଟାଉନ ହଲ ଠାରେ ବୈତରଣୀ – ସାଳନ୍ଦୀ ନଦୀ ସୁରକ୍ଷା ସମ୍ମିଳନୀ କରାଯିବ ।
ଆସନ୍ତା ୧୩ ତାରିଖରେ ଭୁବନେଶ୍ୱରରେ ଓଡ଼ିଶା ନଦୀ ସୁରକ୍ଷା ସମ୍ମିଳନୀ ହେବ। ଯେଉଁଥିରେ ରାଜ୍ୟର ସବୁ ବର୍ଗର ଲୋକ, ନଦୀ ଆନ୍ଦୋଳନର ବ୍ୟକ୍ତି ବିଶେଷ ଓ ଅନ୍ୟାନ୍ୟ ବର୍ଗ ସାମିଲ ହେବେ । ଏହା ପରେ ଜଳ ମାନବ ରାଜେନ୍ଦ୍ର ସିଂ ଓଡ଼ିଶାର ମୁଖ୍ୟମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ ମଧ୍ୟ ରହିଛି । ଆଗକୁ ଏସବୁକୁ ନେଇ ଆନ୍ଦୋଳନ କିଭଳି ବ୍ୟାପକ ହେବ ସେ ନେଇ ନିଷ୍ପତ୍ତି ହେବ । ରାଜ୍ୟବ୍ୟାପୀ ରାଜେନ୍ଦ୍ର ସିଂଙ୍କ ନେତୃତ୍ୱରେ ବହୁ ଲୋକଙ୍କୁ ନଦୀ ଆନ୍ଦୋଳନରେ ସାମିଲ କରିବା ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ ହୋଇଛି।
ସାମ୍ନାକୁ ଆସିଲା ଆଉ ଏକ ସତ, ହତ୍ୟା ପରେ ଇନ୍ଦୋର ଆସିଥିଲେ ସୋନମ୍
ନନ୍ଦିଘୋଷ ବ୍ୟୁରୋ: ହନିମୁନ ହତ୍ୟାକାଣ୍ଡ । ଏବେ ସବୁଠି ଚର୍ଚ୍ଚା । ରାଜା ରଘୁବଂଶୀଙ୍କୁ ସ୍ତ୍ରୀ ସୋନମ ହତ୍ୟା କରିବା ଘଟଣା ସବୁଠି ଚର୍ଚ୍ଚାର ବିଷୟ ପାଲଟିଥିବାବେଳେ ପ୍ରତିଦିନ ସାମ୍ନାକୁ ଆସୁଛି ନୂଆ ନୂଆ ତଥ୍ୟ । ମେଘାଳୟରେ ରାଜାଙ୍କୁ ହତ୍ୟା କରିବା ପରେ ଇନ୍ଦୋର ଆସିଥିଲେ ସୋନମ । ସେଠାରେ ପ୍ରେମିକ ରାଜ ସହ ହୋଟେଲରେ ରହିଥିଲେ । ଏହାପରେ ଡ୍ରାଇଭର ତାଙ୍କୁ ନେଇ ୟୁପିରେ ଛାଡ଼ିଥିବା ଖବର ସାମ୍ନାକୁ ଆସିଛି । ତେବେ ପରେ ସୋନମ ନିଜକୁ ନିର୍ଦ୍ଦୋଷ କରିବା ପାଇଁ କରିଥିବା ଯୋଜନା ଫସର ଫାଟିଛି । ମେଘାଳୟ ପୋଲିସ ଘଟଣାକୁ ଚ୍ୟାଲେଞ୍ଜର ସହ ନେଇଥିବାବେଳେ ଅପରେସନ ହନିମୁନ ନାଁରେ ତଦନ୍ତ ଆରମ୍ଭ କରିଥିଲା ।
ଏହି ହତ୍ୟା ଘଟଣାରେ ପୋଲିସ ୨୦ ଜଣଙ୍କୁ ତଦନ୍ତ ପରିସରଭୁକ୍ତ କରିଛି । ସେପଟେ ୫ ଜଣ ଗିରଫ ହୋଇଥିବାବେଳେ ଅଧିକ ତଦନ୍ତ ଚାଲିଛି । ମେ ୨୩ ତାରିଖରେ ଏହି ହତ୍ୟାକାଣ୍ଡ ଘଟିଥିବାବେଳେ ସୋନମଙ୍କ ବାପା ଏବେ ମଧ୍ୟ କହୁଛନ୍ତି କି, ମୋ ଝିଅ ନିର୍ଦ୍ଦୋଷ । ସୂଚନା ଅନୁଯାୟୀ, ୨୩ ମଇରେ ତାଙ୍କ ସ୍ୱାମୀଙ୍କୁ ହତ୍ୟା କରିବା ପରେ, ସୋନମ ଗୌହାଟିରୁ ଟ୍ରେନ୍ ଯୋଗେ ଇନ୍ଦୋର ପହଞ୍ଚିଥିଲେ। ସେ ୨୫ ମଇରେ ଇନ୍ଦୋରରେ ପହଞ୍ଚି ତାଙ୍କ ପ୍ରେମିକ ରାଜ କୁଶୱାହାଙ୍କୁ ଭେଟିଥିଲେ। ସେ ତାଙ୍କ ପ୍ରେମିକ ରାଜଙ୍କ ସହିତ ଏକ ହୋଟେଲରେ ଏକ ଭଡା ଘରେ ଗୋଟିଏ ଦିନ ବିତାଇଥିଲେ। ଏହା ପରେ ଜଣେ ଡ୍ରାଇଭର ତାଙ୍କୁ କାର ଯୋଗେ ବନାରସ ଛାଡି ଦେଇଥିଲେ। ସେଠାରୁ ସୋନମ ବସ୍ ଯୋଗେ ଗାଜିପୁର ଯାଇଥିଲେ। ହତ୍ୟା ପରେ ସୋନମ ଏବଂ ରାଜ ପରସ୍ପର ସମ୍ପର୍କରେ ଥିବା ଜଣାପଡ଼ିଛି। ସେପଟେ ଏହି ଘଟଣାରେ ପୋଲିସ ପାଖରେ ଅନେକ ଗୁଡ଼ିଏ ସିସିଟିଭି ଫୁଟେଜ୍ ରହିଥିବା କୁହାଯାଇଛି ।
ସ୍କୁଲରେ ଆଖିବୁଜା ଗୁଳିମାଡ଼, ୯ ଜଣଙ୍କ ମୃତ୍ୟୁ
ନନ୍ଦିଘୋଷ ବ୍ୟୁରୋ: ଅଷ୍ଟ୍ରିଆର ଗ୍ରାଜର ଏକ ସ୍କୁଲରେ ଆଖିବୁଜା ଗୁଳିମାଡ଼। ଗୁଳିମାଡ଼ରେ ୯ ମୃତ, ଅନେକ ଆହତ ହୋଇଛନ୍ତି। ଗୁଳିମାଡ଼ ପରେ ଅଭିଯୁକ୍ତ ଆତ୍ମହତ୍ୟା କରିଥିବା ସୂଚନା। ହତ୍ୟାକାରୀଜଣକ ଜଣେ ଛାତ୍ର ବୋଲି ସୂଚନା ମିଳିଛି। ଗୁଳିକାଣ୍ଡ ପରେ ଛାତ୍ରଜଣକ ଏକ ୱାସରୁମରେ ଆତ୍ମହତ୍ୟା କରିଛି। ଗୁଳିମାଡ ପରେ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ଗୁଳିମାଡ଼ରେ ବହୁ ଛାତ୍ର ଓ ଶିକ୍ଷକ ଆହତ ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ସ୍କୁଲକୁ କର୍ଡନ କରାଯାଇ ସର୍ଚ୍ଚ ଅପରେସନ ଜାରି ରହିଛି। ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ଗତ ୨୦୧୫ ଜୁନ ୨୦ରେ ଗ୍ରାଜ ସହରରେ ହୋଇଥିବା ଗୁଳିକାଣ୍ଡରେ ପ୍ରାଣ ହରାଇଥିଲେ ୩ ଜଣ।
ଏହି ୩ ଫିଲ୍ମ ବଦଳାଇ ପାରିଥାନ୍ତା ଅଭିଶେକଙ୍କ କ୍ୟାରିୟର, କିନ୍ତୁ…
ନନ୍ଦିଘୋଷ ବ୍ୟୁରୋ: ବିଗ୍ ବି ଅମିତାଭ ବଚ୍ଚନଙ୍କ ପୁଅ ଅଭିଶେକ ବଚ୍ଚନ । ବଲିଉଡର ଜଣେ ଜଣାଶୁଣା କଳାକାର ଭାବେ ପରିଚିତ ଅଭିଶେକ ନିଜ କ୍ୟାରିୟର ମଧ୍ୟରେ ବହୁ ଫ୍ଲପ ଫିଲ୍ମ କରି ରେକର୍ଡ କରିଛନ୍ତି । ଯଦିଓ ଦର୍ଶକେ ତାଙ୍କ ଅଭିନୟକୁ ବେଶ ପସନ୍ଦ କରିଛନ୍ତି ତଥାପି ତାଙ୍କ ଫିଲ୍ମ ଗୁଡ଼ିକ ବକ୍ସ ଅଫିସରେ ଭଲ ସଫଳତା ହାସଲ କରିପାରିନାହିଁ । ନିକଟରେ ରିଲିଜ ହୋଇଛି ମଲ୍ଟିଷ୍ଟାର ଫିଲ୍ମ ‘ହାଉସଫୁଲ୍ ୫’ । ଯେଉଁଥିରେ ଅଭିଶେକ ବଚ୍ଚନ ମଧ୍ୟ ନଜର ଆସିଛି । ତେବେ ନିଜର ୨୫ ବର୍ଷର କ୍ୟାରିୟର ମଧ୍ୟରେ ସେ ଅନେକ ଗୁଡ଼ିକ ଫ୍ଲପ ଫିଲ୍ମ କରିଛନ୍ତି । କିନ୍ତୁ ତାଙ୍କୁ ଏଭଳି କିଛି ଫିଲ୍ମର ଅଫର ମିଳିଥିଲା । ଯାହାକି ତାଙ୍କ କ୍ୟାରିୟରକୁ ବଦଳାଇ ପାରିଥାନ୍ତା । କିନ୍ତୁ ସେ ପ୍ରତ୍ୟାଖ୍ୟାନ କରିଥିଲେ ।
ଅଭିଶେକ ବଚ୍ଚନଙ୍କୁ ତିନୋଟି ଫିଲ୍ମର ଅଫର ମିଳିଥିଲା । ଯାହାକୁ ସେ ପ୍ରତ୍ୟାଖ୍ୟାନ କରିଥିଲେ । କିନ୍ତୁ ଏହି ଫିଲ୍ମରେ ଅଭିନୟ କରିଥିଲେ ଆମୀର ଖାନ୍ । ଏହି ତିନୋଟି ଫିଲ୍ମ ବ୍ଲକବ୍ଲାଷ୍ଟର ହିଟ୍ ହୋଇଥିଲା । ଦର୍ଶକେ ଏହି ଫିଲ୍ମ ଗୁଡ଼ିକୁ ମଧ୍ୟ ବେଶ ଭଲପାଇବା ଦେଇଥିଲେ । ତେବେ ଏହି ତିନି ଫିଲ୍ମ ହେଲା ଲଗନ୍, ଦିଲ୍ ଚାହାତା ହେ ଏବଂ ରଙ୍ଗ ଦେ ବସନ୍ତୀ । କହି ରଖୁଛୁ କି, ୨୦୦୦ ମସିହାରେ ରିଫ୍ୟୁଜି ଫିଲ୍ମ ଜରିଆରେ ବଲିଉଡରେ ଡେବ୍ୟୁ କରିଥିଲେ ଅଭିଶେକ । କିନ୍ତୁ ତାଙ୍କ ବାପାଙ୍କଠାରୁ ଦର୍ଶକେ ଯେତିକି ଆଶା ରଖିଥିଲେ ଅଭିଶେକଙ୍କଠାରୁ ପାଇନଥିଲେ । ଅନେକ ଫିଲ୍ମ ଫ୍ଲପ ହେବା ପରେ କେବଳ ମଲ୍ଟି ଷ୍ଟାର ଫିଲ୍ମ ଗୁଡ଼ିକରେ ନଜର ଆସୁଛନ୍ତି ଅଭିଶେକ ।