ଥିଲେ ଡିଜିପି, ହେଲେ ଓଏସଡି
ଭୁବନେଶ୍ୱର: ଡିଜିପି ଭାବେ ଦାୟିତ୍ୱ ନେବାର ମାତ୍ର ୩ ମାସ ୧୩ ଦିନ ପରେ ବିକେ ଶର୍ମାଙ୍କୁ ଅପସାରଣ କରିଛନ୍ତି ରାଜ୍ୟ ସରକାର । ତାଙ୍କୁ ଗୃହ ବିଭାଗର ଓଏସଡି ଭାବେ ନିଯୁକ୍ତି ମିଳିଛି ।
କଣ ଥିଲା ଅଭିଯୋଗ ?
ଅଗ୍ନିଶମ ଡିଜି ଦାୟିତ୍ୱରେ ଥିବାବେଳେ ବହୁ ସଂଖ୍ୟାରେ ଅଗ୍ନିଶମ ସୁରକ୍ଷା ସାର୍ଟିଫିକେଟ୍ ଆବେଦନ ପଡ଼ି ରହିଥିଲା । ଏପରିକି ବହୁ ବ୍ୟବସାୟିକ ପ୍ରତିଷ୍ଠାନ, ଶିଳ୍ପ ସଂସ୍ଥା, ଶିକ୍ଷାନୁଷ୍ଠାନ ଓ ମେଡିକାଲ ସବୁ ଆନୁଷଙ୍ଗିକ ବ୍ୟବସ୍ଥା ଥାଇ ଫାୟାର ସେଫଟି ସାର୍ଟିଫିକେଟ୍ ପାଇନଥିବା ଅଭିଯୋଗ ହୋଇଥିଲା । ଫାୟାର ସେଫଟି ସାର୍ଟିଫିକେଟ୍ ପ୍ରଦାନରେ ବିଭାଗ ଟାଳଟୁଳ ନୀତି ଅବଲମ୍ବନ କରୁଥିବା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅଭିଯୋଗ ହୋଇଥିଲା । ଏପରିକି ପୋଲିସ ବିଭାଗ ତରଫରୁ ଟ୍ରାଫିକ ନିୟମର ଆଳ ଦେଖାଇ ବିଭିନ୍ନ ମଲ୍ ଉପରେ ପୋଲିସ ଚଢ଼ାଉ କରାଯାଇଥିଲା । ତେବେ, ଏହି ଚଢ଼ାଉରୁ ହିଁ ଆରମ୍ଭ ହୋଇଥିଲା ସନ୍ଦେହର ସୂତ୍ରପାତ । ନିକଟରେ କମିଶନରେଟ ପୋଲିସ କଳ୍ପନା ଛକ ନିକଟରେ ଥିବା କନିକା ମଲ ସମେତ ବିଭିନ୍ନ ମଲ ଉପରେ ଚଢ଼ାଉ କରିଥିଲା । ଏବଂ ଆବେଦନ ଓ ସବୁ ସର୍ତ୍ତ ପାଳନ ସତ୍ତ୍ୱେ ସେମାନଙ୍କୁ ସମୟାନୁସାରେ ଫାୟାର ସେଫଟି ଲାଇସେନ୍ସ ଦିଆଯାଉନଥିଲା । ଏ ସମ୍ପର୍କରେ ଅଭିଯୋଗ ଉଠିବା ପରେ ବିଏମସି ଓ ପୋଲିସ ବିଭାଗ ମଧ୍ୟରେ ବେଶ୍ ଛକାପଞ୍ଚା ଆରମ୍ଭ ହୋଇଥିଲା । ପରିଣାମରେ ଅନିୟମିତତାର ଅଭିଯୋଗ ଅଣାଯାଇ ରାତାରାତି ବିଜୟ କୁମାର ଶର୍ମାଙ୍କୁ ହଟାଇ ଦିଆଯାଇଛି । ସୂଚନା ଯୋଗ୍ୟ ଯେ, ଗତକାଲି ଏହାର ପରୋକ୍ଷ ଆଭାସ କିଛି ମାତ୍ରାରେ ମିଳିଥିଲା, ଯେତେବେଳେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ବଡ଼ ବଡ଼ିଆଙ୍କ ହାତରୁ କାଢ଼ି ତଳ ତଳିଆ ଫାୟାର ଅଫିସରଙ୍କ ହାତରେ ଫାୟାର ସେଫଟି ପ୍ରମାଣପତ୍ର ଦେବାର ଅଧିକାର ଦେଇଥିଲେ । ଯାହାଫଳରେ 5T ସୁଶାସନ ବ୍ୟବସ୍ଥା ଅଗ୍ନିଶମ ବିଭାଗରେ ମଧ୍ୟ ହୋଇ ପାରିବ । ଏହି ବଦଳି ବରିଷ୍ଠ ଆଇପିଏସ ସ୍ତରରେ ହଲଚଲ ସୃଷ୍ଟି କରିଛି । ରାଜ୍ୟ ସରକାର ବିକେ ଶର୍ମାଙ୍କୁ ଡିଜିପି ପଦ ସହ ଅଗ୍ନିଶମ ସେବା ନିର୍ଦ୍ଦେଶକ ପଦରୁ ଅପସାରଣ କରି ଗୃହ ବିଭାଗର ଓଏସଡି ଭାବେ ନିଯୁକ୍ତି ଦେଇଛନ୍ତି ।
ଏଥିସହ ବିକେ ଶର୍ମାଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତ ପାଇଁ ସରକାର ୩ ଜଣିଆ କମିଟି ଗଠନ କରିଛନ୍ତି । କମିଟିରେ ପ୍ରମୁଖ ଶାସନ ସଚିବ, ଉନ୍ନୟନ କମିଶନର ଓ ଗୃହ ବିଭାଗ ସଚିବ ରହିଛନ୍ତି । ଏହି କମିଟି ଫାୟାର ସେଫଟି ସାର୍ଟିଫିକେଟର ତଦନ୍ତ କରିବ ।
https://nandighoshatv.com1986-batch-ips-abhay-appointed-as-odisha-dgp/
୩ ମାସ ୧୩ ଦିନରେ ଡିଜି ପଦରୁ ହଟିଲେ ବିଜୟ କୁମାର ଶର୍ମା, ଅଭୟଙ୍କୁ ନୂଆ ଦାୟିତ୍ୱ
ଭୁବନେଶ୍ୱର: ବଦଳିଲେ ରାଜ୍ୟ ପୋଲିସ ଡିଜି ବିଜୟ କୁମାର ଶର୍ମା । ୧୯୮୬ ବ୍ୟାଚର ଅଭୟ ନୂଆ ଡିଜିପି ଦାୟିତ୍ୱ ନେବେ । ସେ ପର୍ଯ୍ୟନ୍ତ ସତ୍ୟଜିତ ମହାନ୍ତି ଇନଚାର୍ଜ ଡିଜିପି ଦାୟିତ୍ୱ ତୁଲାଇବେ । ସେହିଭଳି ଅଗ୍ନିଶମ ସେବା ଓ ହୋମଗାର୍ଡର ନୂଆ ନିର୍ଦ୍ଦେଶକ ଭାବେ ସୁନୀଲ ରୟଙ୍କୁ ନିଯୁକ୍ତି ଦିଆଯାଇଛି ।
୧୯୮୬ ବ୍ୟାଚର ଆଇପିଏସ ଅଫିସର ଅଭୟ ଏବେ କେନ୍ଦ୍ରୀୟ ଡେପୁଟେସନରେ ଅଛନ୍ତି । ଅଭୟ ହାଇଦ୍ରାବାଦର ସର୍ଦ୍ଦାର ବଲ୍ଲଭଭାଇ ପଟେଲ ନ୍ୟାସନାଲ ପୋଲିସ ଏକାଡେମୀର ନିର୍ଦ୍ଦେଶକ ଅଛନ୍ତି । ଏହା ପୂର୍ବରୁ ସେ ଏନସିବିର ନିର୍ଦ୍ଦେଶକ ଥିଲେ ।
କାହିଁକି ହଟିଲେ ବିକେ ଶର୍ମା ?
ବିକେ ଶର୍ମା ଅଗ୍ନିଶମ ଡିଜି ଦାୟିତ୍ୱରେ ଥିବାବେଳେ ବହୁ ସଂଖ୍ୟାରେ ଅଗ୍ନିଶମ ସୁରକ୍ଷା ସାର୍ଟିଫିକେଟ୍ ଆବେଦନ ପଡ଼ି ରହିଥିଲା । ଏପରିକି ବହୁ ବ୍ୟବସାୟିକ ପ୍ରତିଷ୍ଠାନ, ଶିଳ୍ପ ସଂସ୍ଥା, ଶିକ୍ଷାନୁଷ୍ଠାନ ଓ ମେଡିକାଲ ସବୁ ଆନୁଷଙ୍ଗିକ ବ୍ୟବସ୍ଥା ଥାଇ ଫାୟାର ସେଫଟି ସାର୍ଟିଫିକେଟ୍ ପାଇନଥିବା ଅଭିଯୋଗ ହୋଇଥିଲା । ଏଣୁ, ଦୁର୍ନୀତି ଅଭିଯୋଗରେ ରାଜ୍ୟ ସରକାର ବିକେ ଶର୍ମାଙ୍କୁ ଡିଜିପି ପଦ ସହ ଅଗ୍ନିଶମ ସେବା ନିର୍ଦ୍ଦେଶକ ପଦରୁ ଅପସାରଣ କରି ଗୃହ ବିଭାଗର ଓଏସଡି ଭାବେ ନିଯୁକ୍ତି ଦେଇଛନ୍ତି ।
https://nandighoshatv.comwhy-bk-sharma-removed-from-the-post-of-dgp/
ଜଗାକୁ ନେଇ ଗାଁକୁ ଯିବାକୁ ଏସସିବି କର୍ତ୍ତୃପକ୍ଷଙ୍କୁ ଅନୁରୋଧ କଲେ ବାପା, ମାଆ
କଟକ: ଦିଲ୍ଲୀରୁ ଓଡ଼ିଶା ଆସିବା ପରେ ଏବେ ଜଗା, କାଳିଆଙ୍କ ବାପାମାଆଙ୍କୁ ଘାରିଲାଣି ଗାଁ ନିଶା । ସୁସ୍ଥ ହୋଇଥିବା ଜଗାକୁ ନେଇ ଗାଁ ବୁଲି ଆସିବାକୁ ଜଗା, କାଳିଆଙ୍କ ବାପାମାଆ ଇଚ୍ଛା ପ୍ରକାଶ କରିଛନ୍ତି । ଜଗା, କାଳିଆଙ୍କ ସହ ସେମାନେ ଏବେ କଟକ ଏସ୍ସିବି ମେଡିକାଲରେ ଅଛନ୍ତି । ଗାଁକୁ ଯାଇ ବୁଲି ଆସିବାକୁ ଅନୁମତି ଦେବା ପାଇଁ ସେମାନଙ୍କ ପକ୍ଷରୁ କଟକ ଏସ୍ସିବି ଅଧୀକ୍ଷକଙ୍କୁ ଅନୁରୋଧ କରାଯାଇଛି । ଏସ୍ସିବି କର୍ତ୍ତୃପକ୍ଷ ରାଜ୍ୟ ସରକାରଙ୍କ ଅନୁମତି ମାଗିଛନ୍ତି । ଅନୁମତି ମିଳିଲେ ଜଗାକୁ ନେଇ ବାପାମାଆ କନ୍ଧମାଳ ଜିଲ୍ଲାରେ ଥିବା ନିଜ ଘରକୁ କିଛି ଦିନ ପାଇଁ ଯିବେ । କାଳିଆ ଅସୁସ୍ଥ ଥିବାରୁ ଏସ୍ସିବିରେ ରହିବ ।
୨୦୧୭ ଅକ୍ଟୋବର ୨୫ରେ ଦିଲ୍ଲୀ ଏମ୍ସରେ ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କୁ ସଫଳତାର ସହ ଅଲଗା କରାଯାଇଥିଲା । ଏଥିପାଇଁ ରାଜ୍ୟ ସରକାର ସମସ୍ତ ଖର୍ଚ୍ଚ ବହନ କରିଥିଲେ । ଦିଲ୍ଲୀ ଏମ୍ସରେ ଦୀର୍ଘଦିନ ଚିକିତ୍ସା ପରେ ଜଗା-କାଳିଆ ଗତ ସେପ୍ଟେମ୍ବର ୮ ତାରିଖରେ ଓଡ଼ିଶା ଫେରିଥିଲେ । ଓଡ଼ିଶା ଫେରିବା ପରେ ଦୁହିଁଙ୍କ ଚିକତ୍ସା ଏସ୍ସିବିରେ ଚାଲିଛି । ରାଜ୍ୟ ସରକାର ସେମାନଙ୍କ ସମସ୍ତ ଖର୍ଚ୍ଚ ବହନ କରୁଛନ୍ତି । ଏବେ ଜଗା ସୁସ୍ଥ ଥିବାରୁ ତାକୁ ନେଇ ଗାଁ ବୁଲି ଆସିବାକୁ ବାପାମାଆ ଇଚ୍ଛା ପ୍ରକାଶ କରିଛନ୍ତି । ଏବେ ରାଜ୍ୟ ସରକାରଙ୍କ ଅନୁମତିକୁ ଅପେକ୍ଷା ।
ଇଚ୍ଛାଶକ୍ତି ଆଗରେ ହାର ମାନିଲା ବାର୍ଦ୍ଧକ୍ୟ,୧୦୫ ବର୍ଷ ବୟସରେ ଚତୁର୍ଥ ଶ୍ରେଣୀ ପାଠ ସାରିଲେ ବୃଦ୍ଧା
କେରଳ : ପାଠ ପଢିବାକୁ ବୟସ ନୁହେଁ, କେବଳ ଦରକାର ଦୃଢ଼ ଇଚ୍ଛାଶକ୍ତି । ଏହାର ଉଦାହରଣ ହେଉଛନ୍ତି କେରଳର କୋଲ୍ଲମର ୧୦୫ ବର୍ଷର ବୃଦ୍ଧା ଭାଗୀରଥୀ ଆମ୍ମା । ପିଲାବେଳୁ ଭାଗୀରଥିଙ୍କର ପଢ଼ିବାରେ ଥିବା ଇଚ୍ଛା ୧୦୫ ବର୍ଷ ବୟସରେ ପୂରଣ ହୋଇଛି । ସେ ରାଜ୍ୟ ସାକ୍ଷରତା ମିଶନରେ ପାଠପଢ଼ି ଚତୁର୍ଥ ଶ୍ରେଣୀରେ ପରୀକ୍ଷା ଦେଇ ସାରା ଦେଶ ପାଇଁ ଏକ ଉଦାହରଣ ସୃଷ୍ଟି କରିଛନ୍ତି । ଭାଗୀରଥିଙ୍କ ମା’ ମରିଯିବା ପରେ ସେ ଏକ ପ୍ରକାର ପାଠରେ ଡୋରି ବାନ୍ଧି ଦେଇଥିଲେ । କାରଣ ମା’ଙ୍କ ପରେ ତାଙ୍କ ଉପରେ ଥିଲା ଭାଇ ଭଉଣୀଙ୍କ ଦାୟିତ୍ୱ । ପାରିବାରିକ ଜଞ୍ଜାଳରେ ପେସି ହୋଇଯାଉଥିଲେ ଆମ୍ମା । ଗୋଟିଏ ପରେ ଗୋଟିଏ ବିପଦ ତାଙ୍କ ଉପରେ ମାଡ଼ି ପଡ଼ୁଥିଲା । ତାଙ୍କୁ ଯେତେବେଳେ ୩୦ ବର୍ଷ ବୟସ ସେତେବେଳକୁ ତାଙ୍କ ପତିଙ୍କର ଦେହାନ୍ତ ହୋଇଥିଲା ଏବଂ ପୁଣି ଛଅ ପିଲାଙ୍କର ଜଞ୍ଜାଳ ଭାର ତାଙ୍କ ଉପରେ ପଡ଼ିଥିଲା ।
କର୍ମମୟ ଜଞ୍ଜାଳରୁ ବାହାରି ପାଠ ପଢିବାକୁ ବାରମ୍ବାର ଚେଷ୍ଟା କରି ବିଫଳ ହେଉଥିଲେ ଭାଗୀରଥି । ପିଲାମାନେ ବଡ଼ ହେବା ପରେ ଶେଷରେ ୧୦୫ ବର୍ଷ ବୟସରେ ୮ ବର୍ଷରେ ପାସ କରିଥିବା ତୃତୀୟଶ୍ରେଣୀ ପରର ପାଠ ପଢ଼ା ଆରମ୍ଭ କରିଥିଲେ । ଏବେ ବି ତାଙ୍କର ସୃତିଶକ୍ତି ପ୍ରଖର ରହିଛି । ଶୁଣିବାରେ ବି କୌଣସି ଅସୁବିଧା ନାହିଁ । କିନ୍ତୁ ବାର୍ଦ୍ଧକ୍ୟ ଯୋଗୁଁ ହାତ ଥରୁଥିବାରୁ ସେ ପରୀକ୍ଷା ଦେବାକୁ ଅଧିକ ସମୟ ନେଇଛନ୍ତି। ପାଠ ପଢ଼ି ପରୀକ୍ଷା ଦେଇଥିବାରୁ ଭାଗୀରଥି ଆମ୍ମା ବହୁତ ଖୁସୀ ଅଛନ୍ତି ।
ମହାପ୍ରଭୁ ଶ୍ରୀଜଗନ୍ନାଥଙ୍କ ମାମୁଁ ଘରକୁ ନେଇ ବଢ଼ିଲା ବିବାଦ । ନିଆଳି ମାଧବରୁ କାହିଁକି ଆସିଲା ଅଷ୍ଟମୀ ଭାର ?
ପୁରୀ : ଶ୍ରୀଜଗନ୍ନାଥଙ୍କ ମାମୁଁ ଘର କେଉଁଠି ? ପ୍ରଥମାଷ୍ଟମୀରେ କିଛି ଏଭଳି ଅସମାହିତ ପ୍ରଶ୍ନକୁ ନେଇ ଶ୍ରୀକ୍ଷେତ୍ର ସରଗରମ । ବିବାଦ ମଧ୍ୟ ଦେଖାଦେଲାଣି । ଶ୍ରୀଜଗନ୍ନାଥଙ୍କ ସେଭଳି କୌଣସି ମାମୁଁ ଘର ଥିବା ତଥ୍ୟ ସତ୍ଵଲିପି ଏବଂ ଇତିହାସ ରେ ବର୍ଣ୍ଣିତ ନଥିବା ମନ୍ଦିର ପ୍ରଶାସନ ଓ ଗବେଷକ ମାନେ ମତ ରଖିଛନ୍ଥିତି । ନିଆଳି ମାଧବାନନ୍ଦ ଜୀଉଙ୍କ ପକ୍ଷରୁ ମାମୁଁଘର ବୋଲି ଦାବି ଭିତ୍ତିହୀନ । ତେବେ ପ୍ରଭୁ ଶ୍ରୀଜଗନ୍ନାଥଙ୍କ ପ୍ରକୃତ ମାମୁଁ ଘର କେଉଁଠି ଏହା ଉପରେ ଅଧିକ ଗବେଷଣା କରାଯିବାର ଆବଶ୍ୟକତା ଥିବା ଦାବି ଉଠାଇଛନ୍ତି ସେବାୟତ ।
ଜଗତସିଂହପୁରର ନିଆଳି ମାଧବ ମନ୍ଦିରରୁ ମାଧବାନନ୍ଦ ଜୀଉ ବିକାଶ ପରିଷଦ ପକ୍ଷରୁ ଆଜି ପ୍ରଥମାଷ୍ଟମୀ ଅବସରରେ ନୂତନ ପଢ଼ୁଆଁ ବସ୍ତ୍ର ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ଲାଗି କରାଇବା ପାଇଁ ଗତକାଲି ଅନୁଷ୍ଠାନ ପକ୍ଷରୁ ବିଶାଳ ଶୋଭାଯାତ୍ରାରେ ପ୍ରଦାନ କରାଯାଇଥିଲା । ନିଆଳି ମାଧବାନନ୍ଦ ଜୀଉ ମନ୍ଦିର ପକ୍ଷରୁ ଶ୍ରୀଜଗନ୍ନାଥଙ୍କ ମାମୁଁଘର ନିଆଳି ବୋଲି ଦାବି ହେବା ପରେ ବଢ଼ିଥିଲା ବିବାଦ । ଶ୍ରୀମନ୍ଦିର ସତ୍ଵଲିପି ଅଥବା ଇତିହାସରେ ଶ୍ରୀଜଗନ୍ନାଥଙ୍କ ସେଭଳି କୌଣସି ମାମୁଁ ଘର ନଥିବା ଗବେଷକ କହିଛନ୍ତି । ମାମୁଁଘର ବୋଲି ଦାବି କରୁଥିବା ନିଆଳି ମାଧବ ମନ୍ଦିରଙ୍କର ପ୍ରକୃତ ପକ୍ଷେ ଶ୍ରୀମନ୍ଦିର ସହିତ କୌଣସି ସମ୍ପର୍କ ନଥିବା ବେଳେ ମହାପ୍ରଭୁ ଶ୍ରୀଜଗନ୍ନାଥ ପରଂବ୍ରହ୍ମ ହୋଇଥିବାରୁ ତାଙ୍କର ମାମୁଁଘରକୁ ନେଇ ସେଭଳି କୌଣସି ତଥ୍ୟ ମାଦଳାପାଞ୍ଜି ଅଥବା ସତ୍ଵଲିପିରେ ନଥିବା କଥା ଗବେଷକ ମତ ରଖିଛନ୍ତି |
ଏପରିକି ଶ୍ରୀମନ୍ଦିର ପ୍ରଶାସନ ପକ୍ଷରୁ ମଧ୍ୟ ନିଆଳି ମାଧବ ମନ୍ଦିରରୁ ଆସିଥିବା ପଢ଼ୁଆଁ ବସ୍ତ୍ରକୁ ଦାନ ହିସାବରେ ଗ୍ରହଣ କରାଯାଇ ଥିବା ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହଯାଇଛି । ଅନ୍ୟପଟେ ଶ୍ରୀଜଗନ୍ନାଥଙ୍କ ଭାଇଆଳି ସେବକ ଭାବେ ପରିଚିତ ଦଇତାପତି ମାନେ ମଧ୍ୟ ମାମୁଁଘର ନିଆଳିରେ ଥିବା ନେଇ ପ୍ରଶ୍ନ ଉଠାଇଛନ୍ତି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଏନେଇ ଅନୁସନ୍ଧାନ କରିବାକୁ ଦାବି କରାଯାଇଛି । ଏପରିକି ବିଭ୍ରାନ୍ତିକର ତଥ୍ୟ ପ୍ରଦାନ କରାନଯାଇ ପ୍ରକୃତ ତଥ୍ୟ ଉନ୍ମୋଚନ ପାଇଁ ମନ୍ଦିର ପ୍ରଶାସନ ପ୍ରଚେଷ୍ଟା କରିବାକୁ ସେବାୟତ ଦାବି କରିଛନ୍ତି ।
ଶ୍ରୀଜଗନ୍ନାଥଙ୍କ ସଂସ୍କୃତି ପରମ୍ପରା ସାରା ବିଶ୍ୱରେ ଅନନ୍ୟ ହୋଇଥିବା ବେଳେ ଭକ୍ତ ଓ ଶ୍ରଦ୍ଧାଳୁ ମାନଙ୍କ ଭାବାବେଗକୁ ଭ୍ରମିତ କଲା ଭଳି କୌଣସି ତଥ୍ୟ ପ୍ରକାଶ କରିବା ଉଚିତ ନୁହଁ ବୋଲି ସାଧାରଣରେ ମତ ପ୍ରକାଶ ପାଇଛି । ଏବେ ଆହୁରି ଅନେକ ପ୍ରଶ୍ନ ମଧ୍ୟ ସାମ୍ନାକୁ ଆସିଲାଣି । ଯଦି ନିଆଳିରେ ମହାପ୍ରଭୁଙ୍କର ମାମୁଁଘର ନୁହେଁ ତେବେ ସେଠାରୁ ଭାର ଆସିଲା କାହିଁକି ? ଆଗରୁ କେବେବି ଏଭଳି ଭାର ଶୋଭାଯାତ୍ରାରେ ଆସିବା କେହି ଦେଖିନଥିବା ବେଳେ ଏଥର ଏମିତି କେଲା କାହିଁକି ? ଏହା ମହାପ୍ରଭୁଙ୍କ ସଂପର୍କିତ ରୀତିନୀତିକୁ ଭ୍ରମିତ କରିବାକୁ କରାଯାଇନି ତ ? ଶ୍ରୀମନ୍ଦିର ପ୍ରଶାସନ ଏହା ବିରୋଧରେ କିଛି ପଦକ୍ଷେପ ନେବ ନା ନାହିଁ ?
ମହାପ୍ରଭୁଙ୍କ ମାମୁଁଘର ସଂପର୍କିତ ତଥ୍ୟ ହାସଲ ପାଇଁ ଅଧିକ ଗବେଷଣା ହେବ କି ?