ଆକାଶରୁ ସିଧା ମଣ୍ଡପକୁ ଓହ୍ଲାଇ ଆସିଲା ବର
ସମସ୍ତେ ଚାହାଁନ୍ତି ନିଜ ନିଜ ବାହାଘରକୁ ସବୁଦିନ ପାଇଁ ଚିର ସ୍ମରଣୀୟ କରିବା ପାଇଁ । ସେଥିପାଇଁ ନୂଆ ନୂଆ ପ୍ଲାନିଂ ବି କରନ୍ତି । ଏମିତି କି ଆଜିକାଲି ବଲିଉଡରେ ବାହାଘରରେ ବି ନୂଆ ଟ୍ରେଣ୍ଡ ଦେଖିବାକୁ ମିଳୁଛି । ଡେଷ୍ଟିନେସନ୍ କିମ୍ବା ଥିମ୍ ୱେଡିଂର ପ୍ଲାନ୍ କରାଯାଉଛି । କିନ୍ତୁ ଏବେ ଆଉ ଏକ ଟ୍ରେଣ୍ଡ ଦେଖିବାକୁ ମିଳିଛି । ଆକାଶରୁ ଉଡ଼ି ଉଡ଼ି ଆସି ବେଦୀରେ ବର ପହଞ୍ଚିବା କଥା ଆପଣ କେବେ ଶୁଣିଛନ୍ତି କି ? କଥାଟି ଅଜବ ଲାଗୁଥିଲେ ବି ସତ । ଏମିତି ଏକ ନିଆରା ବାହାଘର ଦେଖିବାକୁ ମିଳିଛି, ଯାହାର ଭିଡିଓ ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହୋଇଛି ।
ଭିଡିଓରେ ଦେଖାଯାଉଛି କି ଟିକେ ହଟକେ ଅନ୍ଦାଜରେ ନିଜ ବାହାଘରରେ ଗ୍ରାଣ୍ଡ ଏଣ୍ଟ୍ରି ମାରିଛନ୍ତି ଅକ୍ଷୟ ଯାଦବ । ସେ ଭାରତୀୟ ହୋଇଥିବା ବେଳେ ଆମେରିକାରେ ରହୁଥିବା ଜଣାପଡ଼ିଛି । ମେକ୍ସିକୋର ଲାଁସ୍ କୈବୋସର ଗଗନ୍ ପ୍ରୀତଙ୍କୁ ବାହା ହେବା ପାଇଁ ବେଦୀରେ ଏମିତି ଏଣ୍ଟ୍ରି କରିଛନ୍ତି ଅକ୍ଷୟ । ଏହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଆକାଶ ଯାଦବ ପାରାଚ୍ୟୁଟରେ ଉଡ଼ି ଉଡ଼ି ଆସି ପହଞ୍ଚିଥିବା ଦେଖିବାକୁ ମିଳିଛି । ତେବେ, ବରକନ୍ୟା ଦୁହେଁ ପେଶାରେ ଆକ୍ଟର୍ ଏବଂ ଡ୍ୟାନ୍ସର୍ ହୋଇଥିବାବେଳେ ଆମେରିକାରେ ରହୁଛନ୍ତି ।
ମାର୍ଚ୍ଚ ୧ ଯାଏଁ ଟ୍ରାଫିକ୍ ଯାଞ୍ଚ କୋହଳ, କିନ୍ତୁ ଡିସେମ୍ବର ୧ରୁ ଜାରିହେବ ଏ ସବୁ ଚେକିଂ
ଭୁବନେଶ୍ୱର : ଡିସେମ୍ବର ୧ ତାରିଖରୁ ସାରା ରାଜ୍ୟରେ ନୂଆ ମୋଟରଯାନ ନିୟମ ଲାଗୁ ହେବାର ଥିଲା । ଏଥିପାଇଁ ଆରଟିଓ ଅଫିସ ଗୁଡିକରେ ଭିଡ଼ କହିଲେ ନସରେ । ସକାଳ ୬ଟାରୁ ଲୋକେ ଲାଇନରେ ଠିଆ ହେଉଥିଲେ । କିଏ ଟଙ୍କା ଡିପୋଜିଟ୍ ପାଇଁ ଧାଡ଼ିରେ ଠିଆ ହେଉଥିଲା ତ ଆଉ କିଏ ଫଟୋ ଉଠାଇବାକୁ । ସରକାରୀ ତଥ୍ୟ ଅନୁସାରେ ୧୦ ଲକ୍ଷ ଲୋକ ଲାଇସେନ୍ସ ପାଇଁ ଆବେଦନ କରିଛନ୍ତି । ସେମାନଙ୍କ ମଧ୍ୟରୁ ୬୦ ପ୍ରତିଶତ ଲୋକଙ୍କୁ ଲାଇସେନ୍ସ ଦିଆସରିଛି । ଏବେ କଥାହେଲା, ସବୁଥିରୁ ଆପଣଙ୍କୁ ଚେକିଂରୁ ତ୍ରାହି ମିଳିବ ନାହିଁ । ଗାଡ଼ିର କାଗଜପତ୍ର ପ୍ରସ୍ତୁତି ପାଇଁ ମାର୍ଚ୍ଚ ୧ ଯାଏଁ ଡେଡଲାଇନ୍ ବଢ଼ାଯାଇଥିବା ବେଳେ, ଡିସେମ୍ବର ୧ରୁ କିଛି ଯାଞ୍ଚ ମଧ୍ୟ ଆରମ୍ଭ ହେବ । କଣ କଣ ଯାଞ୍ଚ ହେବ । ଆପଣ କଣ କଲେ ଫସିବେ ଏବଂ କଣ କଲେ ଖସିବେ ତାର ବିସ୍ତୃତ ବିବରଣୀ ତଳେ ଦିଆଗଲା ।
କଣ କଲେ ଫସିବେ ?
୧. ହେଲମେଟ୍ ଓ ସିଟବେଲ୍ଟ ନପିନ୍ଧି ଗାଡ଼ି ଚଳାଉଥିଲେ ଫସିବେ ।
୨. ମଦପିଇ ଗାଡ଼ି ଚଳାଇଲେ ଫସିବା ଥୟ ।
୩. ଦୁଇ ଜଣ ବଦଳରେ ଟୁ ହୁଇଲରରେ ୩ ଜଣ ବସିଲେ ଫସିବେ ।
୪.ଟ୍ରାଫିକରେ ଥିବା ରେଡ୍ ଲାଇଟ୍ ଅତିକ୍ରମ କଲେ ଫସିବେ ।
୫. ଆବଶ୍ୟକତା ଠାରୁ ଓଭର ଲୋଡିଂ ନେଉଥିଲେ ଫସିବେ ।
୬. ଭୁଲ୍ ରାସ୍ତାରେ ଗାଡ଼ି ଚଳାଉଥିଲେ ଫସିବେ ।
୭. ଗାଡ଼ିର ରେଜିଷ୍ଟ୍ରେସନ୍ ସାର୍ଟିଫିକେଟ୍ ନଥିଲେ ଫସିବେ ।
୮. ମୋବାଇଲରେ କଥା ହୋଇ ହୋଇ ଗାଡ଼ି ଚଳାଉଥିଲେ ଫସିବେ ।
୯. ଦୃତ ଗତିରେ କିମ୍ୱା ବିପଦପୂର୍ଣ୍ଣ ଭାବେ ଗାଡ଼ି ଚଳାଉଥିଲେ ଫସିବେ
୧୦. ଟ୍ରାଫିକରେ ବିଶୃଙ୍ଖଳା କଲେ ଚେକ୍ ହେବ ଗାଡ଼ିର କାଗଜପତ୍ର ଓ ଫସିବା ଥୟ ।
ତେଣୁ ଗାଡ଼ି ଚାଳନା ସମୟରେ ଏ ସବୁ ଦିଗପ୍ରତି ଦୃଷ୍ଟିଦେବା ଦରକାର । ଗାଡିର କାଗଜପତ୍ରକୁ ତୁରନ୍ତ ଠିକ୍ କରିବାକୁ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ କୁହାଯାଇଛି । ଯେଉଁମାନେ କରିନାହାନ୍ତି ସେମାନେ ଏହି ସମୟ ମଧ୍ୟରେ କରାଇନେବା ଉଚିତ୍ ।
https://nandighoshatv.comnew-traffic-rules-to-be-implemented-after-4-days/
କଣ କଲେ ଖସିବେ ?
୧. ଗାଡ଼ି ଚଳାଇବା ବେଳେ ସିଟବେଲ୍ଟ ଓ ହେଲମେଟ୍ ପିନ୍ଧନ୍ତୁ
୨. ମଦପିଇ ଗାଡ଼ି ଚଳାଇବେ ନାହିଁ ।
୩. ଦୁଇ ଜଣ ବଦଳରେ ଟୁ ହୁଇଲରରେ ୩ ଜଣ ବସିବେ ନାହିଁ ।
୪.ଟ୍ରାଫିକରେ ଥିବା ରେଡ୍ ଲାଇଟ୍ ଜଳୁଥିବା ବେଳେ ଟ୍ରାଫିକ୍ ଅତିକ୍ରମ କରିବେ ନାହିଁ ।
୫. ଆବଶ୍ୟକତା ଠାରୁ ଓଭର ଲୋଡିଂ ନେବେ ନାହିଁ ।
୬. ଭୁଲ୍ ରାସ୍ତାରେ ଗାଡ଼ି ଚଳାଇବେ ନାହିଁ ।
https://nandighoshatv.comone-year-of-dl-expiry-to-be-fresh-driving-test/
୭. ଗାଡ଼ିର ରେଜିଷ୍ଟ୍ରେସନ୍ ସାର୍ଟିଫିକେଟ୍ ନିଜ ପାଖରେ କିମ୍ୱା ଡିଜି ଲକରରେ ରଖିବେ ।
୮. ମୋବାଇଲରେ କଥା ହୋଇ ହୋଇ ଗାଡ଼ି ଚଳାଇବେ ନାହିଁ ।
୯. ଦୃତ ଗତିରେ କିମ୍ୱା ବିପଦପୂର୍ଣ୍ଣ ଭାବେ ଗାଡ଼ି ଚଳାଇବେ ନାହିଁ ।
୧୦. ଟ୍ରାଫିକରେ ବିଶୃଙ୍ଖଳା କରିବେ ନାହିଁ । ଗାଡ଼ିର କାଗଜପତ୍ର ସାଙ୍ଗରେ ରଖିବେ ।
ଗଡସେ ବୟାନ୍ ପ୍ରସଙ୍ଗରେ ଲୋକସଭାରେ କ୍ଷମା ମାଗିଲେ ବିଜେପି ସାଂସଦ ପ୍ରଜ୍ଞା ଠାକୁର
ନୂଆଦିଲ୍ଲୀ : ମହାତ୍ମା ଗାନ୍ଧିଙ୍କ ହତ୍ୟାକାରୀ ନାଥୁରାମ ଗଡସେଙ୍କୁ ନେଇ ଦେଇଥିବା ବିବାଦୀୟ ଟିପ୍ପଣି ଉପରେ ଲୋକସଭାରେ କ୍ଷମା ପ୍ରାର୍ଥନା କରିଛନ୍ତି ବିଜେପି ସାଂସଦ ପ୍ରଜ୍ଞା ସିଂ ଠାକୁର । କହିଛନ୍ତି, ଯଦି ତାଙ୍କର ଟିପ୍ପଣି କାହାକୁ ଆଘାତ ଦେଇଛି ତେବେ ସେ କ୍ଷମା ପ୍ରାର୍ଥନା କରୁଛନ୍ତି । ଗଡସେଙ୍କ ଉପରେ ସେ ଦେଇଥିବା ଟିପ୍ପଣିକୁ ଭୁଲ୍ ଭାବେ ଉପସ୍ଥାପନ କରାଯାଇଛି ।
ରାହୁଲ ଗାନ୍ଧିଙ୍କୁ ପରୋକ୍ଷରେ ଟାର୍ଗେଟ୍ କରି କହିଛନ୍ତି ଯେ, ଜଣେ ସାଂସଦ ତାଙ୍କୁ ଆତଙ୍କବାଦୀ କହିଛନ୍ତି । କୌଣସି ମାମଲାରେ ସେ ଦୋଷୀ ସାବ୍ୟସ୍ତ ହୋଇନଥିବା ବେଳେ ତାଙ୍କୁ କାହିଁକି ଏଭଳି ବଦନାମ୍ କରାଯାଉଛି ସେ ନେଇ ପ୍ରଶ୍ନ କରିଛନ୍ତି ।
ଗତ ୨ ଦିନ ହେବ ଗଡସେଙ୍କୁ ଦେଶଭକ୍ତ କହିବା ପ୍ରସଙ୍ଗରେ ସଂସଦ ହୁଲସ୍ତୁଲ ହୋଇଛି । ପ୍ରଜ୍ଞାଙ୍କୁ ପ୍ରତିରକ୍ଷା ପ୍ୟାନେଲରୁ ମଧ୍ୟ ବାଦ୍ ଦିଆଯାଇଛି । ଆଜି ସେ ଲୋକସଭାରେ କ୍ଷମା ପ୍ରାର୍ଥନା କରିବା ପରେ କଂଗ୍ରେସ ଅଭିଯୋଗ ଆଣିଥିଲା ଯେ, ଏହା କୌଣସି ପାର୍ଟି କିମ୍ୱା ବ୍ୟକ୍ତିଙ୍କର ମାମଲା ନୁହେଁ । କକ୍ଷତ୍ୟାଗ କରିଥିଲେ କଂଗ୍ରେସ ସାଂସଦ ।
ବାରିପଦାରେ ଶବ ରଖି ମେଡିକାଲ ପରିସରରେ ଧାରଣା, ଭଦ୍ରକରେ ନକଲି ଡାକ୍ତର ନେଲା ଛାତ୍ର ଜୀବନ !
ବାରିପଦା/ଭଦ୍ରକ: ଚିକିତ୍ସା ଅଭାବରୁ ବାରିପଦା ପିଆରଏମ୍ ମେଡିକାଲ କଲେଜ ଆଣ୍ଡ ହସ୍ପିଟାଲରେ ରୋଗୀ ମୃତ୍ୟୁ । ପ୍ରତିବାଦରେ ମେଡିକାଲ ମୁଖ୍ୟ ଫାଟକ ଆଗରେ ମୃତଦେହ ରଖି ପରିବାର ଲୋକେ ଧାରଣା ଦେଇଛନ୍ତି । ଏହାକୁ ନେଇ ହସ୍ପିଟାଲ ପରିସରରେ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ଟାଉନ୍ ଥାନା ପୋଲିସ ମୃତକଙ୍କ ପରିବାର ଲୋକଙ୍କୁ ବୁଝାସୁଝା କରୁଛନ୍ତି । ମୃତକ ହେଉଛନ୍ତି ବାରିପଦା ପୌରପାଳିକା ମଧୁବନ ଅଞ୍ଚଳର ହୃଷିକେଶ ବୈଶାଖ ।
ଗତକାଲି ସକାଳେ ତାଙ୍କୁ ଚିକିତ୍ସା ପାଇଁ ମେଡିକାଲକୁ ଅଣାଯାଇଥିଲା । ତେବେ ସେଠାରେ ଡାକ୍ତର ଓ ନର୍ସ ଉପଯ଼ୁକ୍ତ ଚିକିତ୍ସା କରିନଥିବା ଅଭିଯୋଗ ହୋଇଛି । ଫଳରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ି ଯାଇଥିଲା । ଏହାପରେ ତାଙ୍କୁ ଇଞ୍ଜେକ୍ସନ ଦିଆଯାଇଥିଲା । ବିଳମ୍ବିତ ରାତିରେ ହୃଷିକେଶଙ୍କ ମୃତ୍ୟୁ ହୋଇଥିଲା । ଏହାପରେ ଆଜି ସକାଳେ ପରିବାର ଲୋକେ ମେଡିକାଲ ପରିସରରେ ଧାରଣା ଦେଇଛନ୍ତି ।
ଜୀବନ ନେଲା ନକଲି ଡାକ୍ତର !
ଅନ୍ୟପଟେ ଭଦ୍ରକ ଜିଲ୍ଲା ଚାନ୍ଦବାଲି ଘଣ୍ଟେଶ୍ୱର ଅଞ୍ଚଳରୁ ଆସିଛି ସାଂଘାତିକ ଅଭିଯୋଗ । ନକଲି ଡାକ୍ତରଙ୍କ ପାଇଁ ଚାଲିଯାଇଛି ଛାତ୍ରଙ୍କ ଜୀବନ । ଘଣ୍ଟେଶ୍ୱର ବଜାରରେ ଥିବା ତାରିଣୀ କ୍ଲିନିକ ବିରୋଧରେ ଏମିତି ଅଭିଯୋଗ ହୋଇଛି । ସେଠାରେ ବିନା କୈାଣସି ଟେଷ୍ଟରେ କ୍ଲିନିକର ମାଲିକ ଔଷଧ ଓ ଇଞ୍ଜେକ୍ସନ ଦେଇଥିଲେ । ଫଳରେ ଘଣ୍ଟେଶ୍ୱର ଗାଁର ଗଙ୍ଗାଧର ବାରିକଙ୍କ ପୁଅର ମୃତ୍ୟୁ ହୋଇଥିଲା । ପୁଅ ଭଲ ହୋଇଯିବ କହି ଘରକୁ ପଠାଇ ଦେଇଥିଲେ ।
ତେବେ, ଘରେ ପହଞ୍ଚି ଅବସ୍ଥା ଗୁରୁତର ହୋଇଥିଲା । ଏହା ପରେ ଅସୁସ୍ଥ ପୁଅକୁ ନେଇ ଭଦ୍ରକ ମେଡିକାଲ ଯାଇଥିଲେ ଗଙ୍ଗାଧରଙ୍କ ପରିବାର । ତେବେ ସେଠାରେ ତାଙ୍କୁ ବଞ୍ଚାଇପାରି ନ ଥିଲେ ଡାକ୍ତର । ତେବେ ଡାକ୍ତରଙ୍କ ଅନୁସାରେ ଠିକ୍ ମେଡିସିନ ନ ଦେବାରୁ ମୃତ୍ୟୁ ହୋଇଛି । ତେଣୁ କ୍ଲିନିକ କରିଥିବା ଡାକ୍ତରଙ୍କ ଲାଇସେନ୍ସର ଯାଞ୍ଚ କରିବାକୁ ଦାବି ହୋଇଛି । ସେ ପ୍ରକୃତରେ ଡାକ୍ତର ନା ନୁହେଁ ତାକୁ ନେଇ ଏବେ ଚର୍ଚ୍ଚା ହେଉଛି ।