ଭୁବନେଶ୍ୱର: ରାଜ୍ୟର ସବୁ ଦୋକାନ ଓ ବାଣିଜ୍ୟିକ ପ୍ରତିଷ୍ଠାନରେ ଓଡ଼ିଆ ନାମ ଫଳକ ବାଧ୍ୟତାମୂଳକ । ନଚେତ ୧ ହଜାର ଟଙ୍କାରୁ ଆରମ୍ଭ କରି ୨୫ ହଜାର ଟଙ୍କା ପର୍ଯ୍ୟନ୍ତ ଜରିମାନା ପଡ଼ିବ । ଦୋକନ ଓ ବାଣିଜ୍ୟିକ ପ୍ରତିଷ୍ଠାନ ଆଇନ- ୧୯୫୬କୁ କଡ଼ାକଡି କରିଛନ୍ତି ରାଜ୍ୟ ସରକାର । ଏହି ଆଇନ୍‌ ଅନୁଯାୟୀ ସବୁ ଦୋକନ ଓ ବାଣିଜ୍ୟିକ ପ୍ରତିଷ୍ଠାନରେ ଓଡ଼ିଆ ନାମ ଫଳକ ଲଗାଯିବା ବାଧ୍ୟତାମୂଳକ କରାଯାଇଛି । ନିୟମ ଅବମାନନା କଲେ, ଅର୍ଥଦଣ୍ଡର ବ୍ୟବସ୍ଥା ଥିବା ସକରାର ସୂଚନା ଦେଇଛନ୍ତି । ପ୍ରଥମଥର ଆଇନ ଉଲ୍ଲଙ୍ଘନ କଲେ ୧ ହଜାରରୁ ୫ ହଜାର ପର୍ଯ୍ୟନ୍ତ ଜରିମାନା ଗଣିବେ । ଦ୍ୱିତୀୟ ଥର ନିୟମ ଉଲ୍ଲଙ୍ଘନ କଲେ ୨ ହଜାରରୁ ୨୫ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ଗଣିବେ । ଏନେଇ ସଚେତନ କରିବା ଓ ଅଭିଯ଼ୋଗ କରିବା ପାଇଁ ଓ୍ୱେବ୍‌ ପୋର୍ଟାଲ ‘ଓଡ଼ିଆ ଫଳକ’ ଲୋକାର୍ପିତ ହୋଇଛି  । ଖାରବେଳ ଭବନରେ ପୋର୍ଟାଲକୁ ଶ୍ରମ ଓ କର୍ମଚାରୀ ରାଜ୍ୟବୀମା ମନ୍ତ୍ରୀ ସୁଶାନ୍ତ ସିଂ ଲୋକର୍ପଣ କରିଛନ୍ତି । www. odiaphalaka.odisha.gov.inରେ ଅଭିଯ଼ୋଗ କରାଯାଇପାରିବ ।

ନୂଆଦିଲ୍ଲୀ: ଶ୍ରୀମନ୍ଦିର ତଥା ଓଡ଼ିଶାର ପ୍ରାଚୀନ ମନ୍ଦିର ଓ କୀର୍ତ୍ତିରାଜିର ସଂରକ୍ଷଣ ବାବଦରେ ଭାରତୀୟ ପ୍ରତ୍ନତତ୍ତ୍ଵ ବିଭାଗ ପ୍ରତିବର୍ଷ ଖର୍ଚ୍ଚ କମାଉଛି । ସୁନ୍ଦରଗଡ଼ ସାଂସଦ ଜୁଏଲ ଓରାମଙ୍କ ପ୍ରଶ୍ନର ଉତ୍ତରରେ କେନ୍ଦ୍ର ସଂସ୍କୃତି ମନ୍ତ୍ରୀ ପ୍ରହଲ୍ଲାଦ ସିଂ ପଟେଲଙ୍କ ଉତ୍ତରରୁ ଏହା ଜଣାପଡ଼ିଛି । ଶ୍ରୀମନ୍ଦିରର ରକ୍ଷଣାବେକ୍ଷଣ ପାଇଁ ୨୦୧୬-୧୭ରେ ୬କୋଟି ୭ ଲକ୍ଷ ଟଙ୍କା ଖର୍ଚ୍ଚ କରାଯାଇଛି । ୨୦୧୭-୧୮ରେ କିନ୍ତୁ ଏହା ୪ କୋଟି ୨ ଲକ୍ଷକୁ ହ୍ର।ସ ପାଇଥିଲା । ସେହିପରି ୨୦୧୮-୧୯ରେ ଏହା ୨ କୋଟି ୧୭ ଲକ୍ଷ ଟଙ୍କା ବ୍ୟୟ କରାଯାଇଥିବା ମନ୍ତ୍ରୀ ସଂସଦରେ ଉତ୍ତର ରଖିଛନ୍ତି  ।

ସେହିପରି ଅନ୍ୟ ୮୦ ଟି କୀର୍ତ୍ତିରାଜି ବାବଦରେ ୨୦୧୬-୧୭ରେ ୮ କୋଟି ୬୫ ଲକ୍ଷ ଖର୍ଚ୍ଚ ହୋଇଥିବାବେଳେ ୨୦୧୭-୧୮ରେ ୬ କୋଟି ୮୯ ଲକ୍ଷ, ୨୦୧୮-୧୯ରେ ୫ କୋଟି ୯୦ ଲକ୍ଷ ଖର୍ଚ୍ଚ ହୋଇଥିବା କହିଛନ୍ତି ମନ୍ତ୍ରୀ । ସେହିଭଳି ଲିଙ୍ଗରାଜ ମନ୍ଦିର ପାଇଁ ୨୦୧୬-୧୭ରେ ୧୧ ଲକ୍ଷ ୮୬ ହଜାର, ୨୦୧୭-୧୮ରେ ୭ ଲକ୍ଷ ୧୨ ହଜାର, ୨୦୧୮-୧୯ରେ ମାତ୍ର ଏକ ଲକ୍ଷ ଟଙ୍କା ଖର୍ଚ୍ଚ ହୋଇଛି ବୋଲି ଗୃହକୁ ଜଣାଇଛନ୍ତି ମନ୍ତ୍ରୀ । ତେବେ କେଉଁ କାରଣରୁ ଓଡ଼ିଶାର ପ୍ରାଚୀନ କୀର୍ତ୍ତିରାଜିର ସଂରକ୍ଷଣ ବାବଦ ଖର୍ଚ୍ଚ ହ୍ର।ସ କରାଯାଇଛି ସେ ନେଇ ମନ୍ତ୍ରୀ କୈାଣସି ସ୍ପଷ୍ଟ ଉତ୍ତର ରଖିନାହାଁନ୍ତି ।