କଟକ: ସ୍କୁଲରୁ ଚାଉଳ ଚୋରା ଚାଲାଣ ଘଟଣା । ସ୍କୁଲ ଭିତରେ ଶିକ୍ଷକଙ୍କୁ ତାଲା ପକାଇଲେ ଗ୍ରାମବାସୀ । ଗତକାଲି ମଧ୍ୟାହ୍ନ ଭୋଜନରେ ବ୍ୟବହୃତ ଚାଉଳ ବାହାରକୁ ଚୋରା ଚାଲାଣ କରାଯାଉଥିବା ଘଟଣା ସାମ୍ନାକୁ ଆସିଥିଲା । ଏହାପରେ ସ୍ଥାନୀୟ ଗ୍ରାମବାସୀ ସ୍କୁଲ ଘରେ ଶିକ୍ଷକଙ୍କୁ ତାଲା ପକାଇଥିଲେ । ଘଟଣା ସ୍ଥଳରୁ ପୋଲିସ ଉକ୍ତ ଶିକ୍ଷକଙ୍କୁ ଉଦ୍ଧାର କରି ଥାନାକୁ ଆଣିଥିବା ଦୃଶ୍ୟ ସାମ୍ନାକୁ ଆସିଛି ।

ତେବେ ଗତ କାଲି କଟକ ଜିଲ୍ଲା ବଡ଼ମ୍ବା ବ୍ଲକ ଝାଜିଆ ହାଇସ୍କୁଲର ପ୍ରଧାନ ଶିକ୍ଷକଙ୍କ ସହଯୋଗରେ ତାଙ୍କ ସହକାରୀ ଶିକ୍ଷକ ଶରତ କୁମାର ପଣ୍ଡା ଦିନଦ୍ୱି-ପ୍ରହରରେ ମଧ୍ୟାହ୍ନ ଭୋଜନରେ ବ୍ୟବହୃତ ଚାଉଳକୁ ବାହାରକୁ ଚାଲାଣ କରୁଥିବାର ଅଭିଯୋଗ ହୋଇଥିଲା । ଆଗରୁ ଅନେକ ଥର ଏଭଳି ଭାବେ ଚାଉଳ ବିକ୍ରିକରୁଥିବାର ଅଭିଯୋଗ ଥିଲେ ମଧ୍ୟ ଉକ୍ତ ପ୍ରଧାନ ଶିକ୍ଷକଙ୍କ ବିରୋଧରେ ଉଚ୍ଚପଦସ୍ଥ  କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନଥିଲା ।

ଗତ ୧୧ତାରିଖ ଦିନ ପ୍ରାୟ୧୨ ଟା ସମୟରେ ସ୍କୁଲ ଭିତରୁ ଚାଉଳ ଚାଲାଣ ହୋଇଥିବା ଦେଖିବାକୁ ମିଳିଥିଲା । ଅନ୍ୟପଟେ ଭିଡିଓରେ ସ୍କୁଲରେ ପାଠପଢୁଥିବା ପିଲାଙ୍କୁ ଚାଉଳ ଟେକିବାକୁ କୁହାଯାଉଥିବା ଦେଖିବାକୁ ମିଳିଛି । ଏହି ଘଟଣା ସାମ୍ନାକୁ ଆସିବା ପରେ ସ୍କୁଲ୍ ର ପ୍ରଧାନ ଶିକ୍ଷକ ସେଭଳି କିଛି ହୋଇନଥିବା କହିଛନ୍ତି ଓ ସ୍କୁଲକୁ ବଦନାମ କରିବାକୁ କିଛି ମୁଷ୍ଟିମେୟ ବ୍ୟକ୍ତି ଏଭଳି କରୁଛନ୍ତି ବୋଲି ସେ କହିଛନ୍ତି ।

https://nandighoshatv.comid-day-meal-selling-in-cuttack-badamba/

ଏଠି ଗୋଟିଏ ପ୍ରଶ୍ନ ଉଠୁଛି ଯେ ସ୍ପଷ୍ଟ ଦିବାଲୋକରେ ସ୍କୁଲ ଭିତରୁ ଚାଉଳ ଚାଲାଣ ହୋଇଛି । ଅନ୍ୟପଟେ ପ୍ରଧାନ ଶିକ୍ଷକ ମନ୍ତବ୍ୟ ଶୁଣିଲେ ଲାଗୁଛି ସତେ ଯେମିତି ସେ ତାଙ୍କ ସହକାରୀ ଶିକ୍ଷକଙ୍କୁ ଘଣ୍ଟ ଘୋଡାଇବାକୁ ଚେଷ୍ଟା କରୁଛନ୍ତି । ତେବେ ଏହା ମଧ୍ୟରେ ଥିବା ସତ୍ୟତା ଏବେ ମଧ୍ୟ ସ୍ପଷ୍ଟ ହୋଇନାହିଁ ।

ଆଠଗଡ଼: ଆଠଗଡ଼ରେ ପହଞ୍ଚିଲେ ୱାଇଡ୍ ଲାଇଭ କ୍ରାଇମ କଣ୍ଟ୍ରୋଲ ବ୍ୟୁରୋର ୩ଜଣିଆ ଟିମ୍ । ବଜ୍ରକାପ୍ତା ଚୋରା ଚାଲାଣ ମାମଲାର ତଦନ୍ତ ପାଇଁ ଆସିଛି ଟିମ୍ ।

ଗତ ୮ ତାରିଖରେ ଆଠଗଡ ବନଖଣ୍ଡ ଅଞ୍ଚଳରୁ ଧରା ପଡିଥିଲା ବଜ୍ରକାପ୍ତା । ଏହା ପୂର୍ବରୁ ଏକାଧିକ ବଜ୍ରକାପ୍ତା ଜବତ କରିଛି ବନ ବିଭାଗ ଓ କ୍ରାଇମ ବ୍ରାଞ୍ଚ ଏସଟିଏଭ । ଓଡିଶାରୁ ବାହାର ଦେଶକୁ ବଜ୍ରକାପ୍ତା ଚୋରା ଚାଲାଣ ହେଉଥିବା ମିଳିଥିଲା ସୁରାକ ।

ନୂଆପଡ଼ା: ଭକ୍ତଙ୍କ ହାତରୁ ଭୋଗ ଖାଉଛି ଭାଲୁ । ଆଜ୍ଞା ହଁ ! ସାଧାରଣତଃ ଭାଲୁ ଦେଖିଲେ ଭୟରେ ଲୋକ ଦୌଡ଼ି ପଳାନ୍ତି, ସେଇଠି ଭାଲୁ ଆଜି ମଣିଷ ହାତରୁ ପ୍ରସାଦ ସେବନ କରୁଛି ।

ନୂଆପଡ଼ା ବୋଡେନ ବ୍ଲକ ଲରକା ଗାଁରେଏଭଳି ଦୃଶ୍ୟ ଦେଖିବାକୁ ମିଳିଛି । ଏଠାରେ ଥିବା ଏକ ହନୁମାନ ମନ୍ଦିରକୁ ଆସୁଛି ଭାଲୁ । ନିକଟରେ ଥିବା ପାହାଡରୁ ପ୍ରତ୍ୟେକ ମଙ୍ଗଳବାର ଓ ଶନିବାର ସନ୍ଧ୍ୟା ସମୟରେ ଭାଲୁ ଆସୁଥିବା ଦେଖିବାକୁ ମିଳିଛି । ତେବେ ଭାଲୁଟି କାହାର କିଛି କ୍ଷତି କରୁନଥିବା ସ୍ଥାନୀୟ ଲୋକ କହିଛନ୍ତି ।

ମନ୍ଦିର ବେଢାରେ ଭକ୍ତ ଭୋଗ ଖାଇବାକୁ ଡାକିଲେ ଆସି ଭୋଗ ଖାଉଥିବା ଭିଡିଓ ଏବେ ଭାଇରାଲ ହୋଇଛି । ଅନ୍ୟପଟେ ଲୋକ ମଧ୍ୟ ଭାଲୁ ସହିତ ସେଲଫି ନେବା ସହ ଲୋକଙ୍କ ପ୍ରବଳ ଭିଡ ଲାଗୁଛି । ପାଖରେ ଜଙ୍ଗଲ ଘେରା ପାହାଡ ରହିଥିବାରୁ ବେଳେ ବେଳେ ବହୁ ସଂଖ୍ୟାରେ ଭାଲୁ ମନ୍ଦିର ନିକଟକୁ ଆସିଥାଆନ୍ତି ।

ପୁଣି ଲଜ୍ଜା । ଭଦ୍ରକ ରମ୍ଭିଳା କେଶପୁର ଗାଁରେ ଆଦିବାସୀ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଗତ ୧୦ ତାରିଖରେ ନାବାଳିକାଙ୍କ ସହିତ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ତେବେ ଭୟରେ ସେ ପରିବାର ଆଗରେ କିଛି ବି କହି ନଥିଲେ । ପରେ ଦେହ ଖରାପ ହେବାରୁ ଘଟଣା ସାମ୍ନାକୁ ଆସିଛି ।

ପୀଡ଼ିତାଙ୍କୁ ଭଦ୍ରକ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ରପେୟା ପଞ୍ଚାୟତ ଧଉଳି ଗାଁ ଜଣେ ଯୁବକଙ୍କ ନାଁରେ ଦୁଷ୍କର୍ମ ଅଭିଯୋଗ କରିଛନ୍ତି ନାବାଳିକା । ଏକ ଉତ୍ସବରେ ଯୋଗ ଦେଇଥିବା ବେଳେ ନାବାଳିକାଙ୍କ ସହିତ ଦୁଷ୍କମ ହୋଇଥିଲା । ତେବେ ଅଭିଯ଼ୁକ୍ତ ଯ଼ୁବକ ଫେରାର ହୋଇଯାଇଛି । ପରିବାର ଲୋକ ଗ୍ରାମାଞ୍ଚଳ ଥାନାରେ ଅଭିଯୋଗ କରିବା ପରେ ତଦନ୍ତ ଆରମ୍ଭ କରିଛି ପୋଲିସ ।

୧୨ ଡିସେମ୍ବରରେ ମଧ୍ୟ ଭଦ୍ରକରେ ଦୁଷ୍କର୍ମ ଅଭିଯୋଗରେ ଜଣଙ୍କୁ ଗିରଫ କରିଥିଲା ପୋଲିସ ।

ନୂଆଦିଲ୍ଲୀ: ଓଡ଼ିଶାରେ ଆରମ୍ଭ ହୋଇଥିବା ‘ଜାଗା ଯୋଜନା’ ଢ଼ାଞ୍ଚାରେ ସର୍ବଭାରତୀୟସ୍ତରରେ ଏକ ସ୍ୱତନ୍ତ୍ର ଯୋଜନା ଆରମ୍ଭ କରିବାକୁ ଦାବି । ରାଜ୍ୟସଭା ସାଂସଦ ଡ. ସସ୍ମିତ ପାତ୍ର ଗୁରୁବାର ଗୃହରେ ଏହି ଦାବି ଉଠାଇଛନ୍ତି । ଓଡ଼ିଶା ସରକାର ରାଜ୍ୟର ସହରାଞ୍ଚଳରେ ବାସ କରୁଥିବା ବସ୍ତିବାସିନ୍ଦାଙ୍କ ପାଇଁ ‘ଜାଗା ଯୋଜନା’ ନାଁରେ ଏକ ଯୋଜନା ଆରମ୍ଭ କରିଛନ୍ତି । ସର୍ବଭାରତୀୟସ୍ତରରେ ଏଭଳି ଯୋଜନା ସହରାଞ୍ଚଳ ବସ୍ତିବାସିନ୍ଦାଙ୍କ ପାଇଁ ଲାଗୁ କରାଗଲେ ଲୋକେ ବେଶ୍‌ ଉପକୃତ ହୋଇପାରିବେ ବୋଲି ସେ କହିଛନ୍ତି ।