ଭୁବନେଶ୍ୱର : ଭାରତୀୟ ଗଣତନ୍ତ୍ର ବ୍ୟବସ୍ଥାରେ ଓଡ଼ିଶା ସରକାର ଆରମ୍ଭ କରିଥିବା ୫-ଟି କାର୍ଯ୍ୟକ୍ରମର ପ୍ରଭାବକୁ ନେଇ ଏବେ ସାରା ଦେଶରେ ଚର୍ଚ୍ଚା । ସବୁ ଅଧିକାରୀ ଲୋକଙ୍କ ପାଖରେ ଉତ୍ତରଦାୟୀ ରହିବେ ଏବଂ ଲୋକ ଙ୍କ କାମକୁ ନିର୍ଦ୍ଧାରିତ ସମୟରେ ସାରିବାର ପ୍ରତିଶ୍ରୁତି ଦେଇଥିବା ଓଡ଼ିଶା ସରକାର ଏହାର ଖିଲାପକାରୀଙ୍କ ବିରୋଧରେ ଯେ, ଏତେ କଠୋର ହୋଇପାରନ୍ତି ତାର ପ୍ରମାଣ ବୁଧବାର ମଧ୍ୟରାତ୍ରିରେ ଦେଖିବାକୁ ମିିଳିଲା ।
କାମରେ ଅବହେଳା କିମ୍ୱା ଦୁର୍ନୀତିର ଗନ୍ଧ ଆସିଲେ ବ୍ଲକ୍ ଓ ଜିଲ୍ଲାସ୍ତରର ଅଧିକାରୀଙ୍କ ଉପରେ ହେଉଥିଲା କାର୍ଯ୍ୟାନୁଷ୍ଠାନ । ୫-ଟିର ଛାଟରେ ସମସ୍ତଙ୍କୁ ସାବାଡ କରିବାର ପ୍ରକ୍ରିୟା ଗାନ୍ଧି ଜୟନ୍ତୀରୁ ଆରମ୍ଭ ହୋଇଥିଲା । ୫-ଟିର ସଚିବ ଗାଁ ଗାଁ, ବ୍ଲକ୍ ସ୍ତରୀୟ ସ୍ୱାସ୍ଥ୍ୟକେନ୍ଦ୍ର, ଥାନା, ଛୋଟ ସହର ପରିଦର୍ଶନ କରି ଲୋକଙ୍କୁ ଭେଟୁଥିଲେ । ସେମାନଙ୍କର ପ୍ରତିକ୍ରିୟା ନେଉଥିଲେ । ଏହାପରେ ଲୋକସେବା ଭବନରୁ ସେମାନଙ୍କ ପାଇଁ ପ୍ରସ୍ତୁତ ହେଉଥିଲା ନିର୍ଦ୍ଦେଶ । ଭଲ କାମକୁ ସାବାସି, ଖିଲାପକାରୀଙ୍କ ବିରୋଧରେ ହେଉଥିଲା କାର୍ଯ୍ୟାନୁଷ୍ଠାନ । ଦିନେ ବ୍ଲକ୍ ପ୍ରଶାସନ ଓ ଜିଲ୍ଲା ପ୍ରଶାସନର ଅଧିକାରୀଙ୍କ ବିରୋଧରେ ହେଉଥିବା ୫-ଟିର ଖଣ୍ଡା ଯେ, ରାଜ୍ୟ ପୋଲିସ ମୁଖିଆଙ୍କ ମୁଣ୍ଡରେ ବାଜିବ ତାହା ଖୋଦ୍ ବିକେ ମଧ୍ୟ କେବେ କଳ୍ପନା କରି ନଥିବେ ।
BK Sharma
ନଭେମ୍ୱର ୨୦ ରାତି ପ୍ରାୟ ୧୦ଟା । ଚଳଚଞ୍ଚଳ ହୋଇଥିଲା ରାଜ୍ୟ ପ୍ରଶାସନ । ଡିଜିପି ବିକେ ଶର୍ମାଙ୍କ ବିରୋଧରେ ଥିବା ଅଭିଯୋଗ ଆଧାରରେ ତାଙ୍କୁ ବଦଳାଇବାର ଆସିଲା ନିର୍ଦ୍ଦେଶ । ଗୃହ ବିଭାଗ ଜାରି କଲା ୬ ପୃଷ୍ଠିଆ ନିର୍ଦ୍ଦେଶନାମା । ସବୁ ଅଭିଯୋଗକୁ ଗୋଟି ଗୋଟି ଦର୍ଶାଯାଇଥିଲା । ୫-ଟିର ଏହା ଥିଲା ବର୍ତ୍ତମାନ ଯାଏଁ ସବୁଠାରୁ ବଡ଼ କାର୍ଯ୍ୟାନୁଷ୍ଠାନ । ବିଭାଗରେ ସ୍ୱଚ୍ଛତା ଓ ଲୋକଙ୍କୁ ନ୍ୟାୟ ଦେବାକୁ ନିୟୋଜିତ ଅଧିକାରୀଙ୍କ ବିରୋଧରେ ଅଭିଯୋଗ ଆସିଲେ ସରକାର ଯେ, ମୁଖିଆଙ୍କୁ ବି ବାଦ୍ ଦିଅନ୍ତି ନାହିଁ ତାର ବଡ଼ ପ୍ରମାଣ ଦେଖିବାକୁ ମିଳିଲା । ଦେଶରେ ଏହାକୁ ମଧ୍ୟ ଏକ ବିରଳ ଘଟଣା କହିଲେ ଭୁଲ୍ ହେବନି । କାରଣ ଜଣେ ବରିଷ୍ଠ IPS ଅଧିକାରୀଙ୍କୁ ଡିଜିପି ପଦରୁ ହଟାଇ ଗୃହ ବିଭାଗର ଓଏସଡି ଦାୟିତ୍ୱ ଦିଆଗଲା ।
ଅଗ୍ନିଶମ ବିଭାଗର ଡିଜି ଦାୟିତ୍ୱରେ ଥିବାବେଳେ ବହୁ ସଂଖ୍ୟାରେ ଅଗ୍ନିଶମ ସୁରକ୍ଷା ସାର୍ଟିଫିକେଟ୍ ଆବେଦନ ପଡ଼ି ରହିଥିଲା । ଏପରିକି ବହୁ ବ୍ୟବସାୟିକ ପ୍ରତିଷ୍ଠାନ, ଶିଳ୍ପ ସଂସ୍ଥା, ଶିକ୍ଷାନୁଷ୍ଠାନ ଓ ମେଡିକାଲରେ ଆନୁସଙ୍ଗିକ ବ୍ୟବସ୍ଥା ଥାଇ ମଧ୍ୟ ଫାୟାର ସେଫଟି ସାର୍ଟିଫିକେଟ୍ ପାଇନଥିବା ଅଭିଯୋଗ ହୋଇଥିଲା । ଫାୟାର ସେଫଟି ସାର୍ଟିଫିକେଟ୍ ପ୍ରଦାନରେ ବିଭାଗ ଟାଳଟୁଳ ନୀତି ଅବଲମ୍ବନ କରୁଥିବା ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ହୋଇଥିଲା ଅଭିଯୋଗ । ନିକଟରେ କମିଶନରେଟ ପୋଲିସ କଳ୍ପନା ଛକରେ ଥିବା କନିକା ମଲ୍ ସମେତ ବିଭିନ୍ନ ମଲ ଉପରେ ଚଢ଼ାଉ କରିଥିଲା । ଏପରିକି କନିକା ମଲ୍ ପାଇଁ କମିଶନରଙ୍କ ନିର୍ଦ୍ଦେଶକ୍ରମେ ୧୪୪ ଧାରା ଜାରି କରାଯାଇଥିଲା । ଯାହା ପଛରେ ବିକେଙ୍କ ଅଲିଖିତ ନିର୍ଦ୍ଦେଶ ଥିବା କୁହାଯାଉଛି । ଆବେଦନ ଓ ସବୁ ସର୍ତ୍ତ ପାଳନ ସତ୍ତ୍ୱେ ସେମାନଙ୍କୁ ସମୟାନୁସାରେ ଫାୟାର ସେଫଟି ଲାଇସେନ୍ସ ଦିଆଯାଉ ନଥିଲା । ୧୯ ତାରିଖରେ ଏହାର ପରୋକ୍ଷ ଆଭାସ କିଛି ମାତ୍ରାରେ ମିଳିଥିଲା, ଯେତେବେଳେ ବଡ଼ ବଡ଼ିଆଙ୍କ ହାତରୁ କାଢ଼ି ତଳ ତଳିଆ ଫାୟାର ଅଫିସରଙ୍କ ହାତରେ, ଫାୟାର ସେଫଟି ପ୍ରମାଣପତ୍ର ଦେବାର ଅଧିକାର ଦେଇଥିଲେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ । ଯାହାଫଳରେ 5-T ସୁଶାସନ ବ୍ୟବସ୍ଥା ଅଗ୍ନିଶମ ବିଭାଗରେ ମଧ୍ୟ ହୋଇ ପାରିବ ବୋଲି ବାର୍ତ୍ତା ଦେଇଥିଲେ ସରକାର ।
ଆଇପିଏସ୍ ବିଜୟ କୁମାର ଶର୍ମାଙ୍କ ପୂର୍ବରୁ ବହୁ ଓଏଏସ୍, ବିଭାଗୀୟ ଅଧିକାରୀ, ପୋଲିସ ଅଧିକାରୀ ୫-ଟି ଛାଟର ଶିକାର ହୋଇଛନ୍ତି । କେତେବେଳେ ନିଲମ୍ବନ ତ ଆଉ କେତେବେଳେ ବହିଷ୍କାର, ପୁଣି କେତେବେଳେ ବନ୍ଦ ହୋଇଛି ପେନସନ୍ । ୨୦୧୯ ସେପ୍ଟେମ୍ବର ୩୦ ପର୍ଯ୍ୟନ୍ତ ୬୮୧୭ ସରକାରୀ ଅଧିକାରୀଙ୍କ ବିରୋଧରେ ଭିଜିଲାନ୍ସ ମାମଲା ଦାୟର ହୋଇଛି । ଦୁର୍ନୀତି ବିରୋଧରେ ମୁଖ୍ୟମନ୍ତ୍ରୀଙ୍କ ଜୀରୋ ଟଲରାନ୍ସ ନିୟମ ଯାହା ୨୦୦୦ରେ ଥିଲା ଏବେ ୨୦୧୯ରେ ମଧ୍ୟ ବଳବତ୍ତର ରହିଥିବା ଦେଖିବାକୁ ମିଳିଛି ।
https://nandighoshatv.comaction-against-11-corrupt-govt-officials-2/
ଅକ୍ଟୋବର ୨୬ରେ ରାଜ୍ୟର ୧୧ ଜଣ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଥିଲା ରାଜସ୍ୱ ବିଭାଗ । ଯେଉଁମାନଙ୍କ ବିରୋଧରେ ପୂର୍ବରୁ ଭିଜିଲାନ୍ସ ମାମଲା ରହିଥିଲା ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥିଲା । ୨ ଜଣ ଓଏଏସ୍ ଅଧିକାରୀଙ୍କୁ ବହିଷ୍କୃତ କରାଯାଇଥିବା ବେଳେ ୯ ଜଣଙ୍କ ପେନସନ୍ ବନ୍ଦ ପାଇଁ ନିଷ୍ପତ୍ତି ନେଇଥିଲା ରାଜସ୍ୱ ବିଭାଗ । ନଭେମ୍ୱର ୪ ତାରିଖରେ ୬ ଜଣ ଅଧିକାରୀଙ୍କୁ ଚାକିରିରୁ ବରଖାସ୍ତ କରିବା ସହ ୫ଜଣଙ୍କ ପେନସନ୍ ସୁବିଧା ସ୍ଥାୟୀଭାବରେ ବନ୍ଦ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ଗତ ୨ ମାସ ମଧ୍ୟରେ ୪୪ଜଣ ଅଧିକାରୀଙ୍କୁ ଚାକିରିରୁ ବରଖାସ୍ତ କରାଯାଇଥିବା ବେଳେ ୧୧ଜଣଙ୍କ ପେନସନ୍ ସ୍ଥାୟୀଭାବରେ ବନ୍ଦ କରାଯାଇଛି ଏବଂ ୧୦ ଜଣଙ୍କୁ ବାଧ୍ୟତାମୂଳକ ଅବସର ଦିଆଯାଇଛି । ସ୍ଥାୟୀଭାବରେ ପେନସନ୍ ବନ୍ଦ ହୋଇଥିବା ଅଧିକାରୀମାନଙ୍କ ମଧ୍ୟରେ ଅଛନ୍ତି ୩ ଜଣ ଅବସରପ୍ରାପ୍ତ ଓଏଏସ୍ ଅଫିସର୍ ।
ତାକୁ ବନ ବିଭାଗ କର୍ମଚାରୀ ସେହି ପାଖ ଜଙ୍ଗଲରେ ଛାଡ଼ି ଦେଇଥିଲେ । କିନ୍ତୁ ବାଘଟି କୁକୁଡ଼ା ଲୋଭରେ ପୁଣି ଆସି ଯନ୍ତାରେ ପଡ଼ିଥିବା ଅନୁମାନ କରାଯାଉଛି । ଏଥର ବାଘଟିକୁ ଦୂରରେ, ଘଞ୍ଚ ଜଙ୍ଗଲରେ ଛଡ଼ାଯିବ ବୋଲି ବନ ଅଧିକାରୀ କହିଛନ୍ତି ।
