ଯାଜପୁର: ପାଣିରେ ବୁଡି ଯୁବକ ମୃତ । ଯାଜପୁର ରୋଡ ଡୋଲିପୁର ସ୍କୁଲ ନିକଟସ୍ଥ ମେଟୁଆଣି ପୋଖରୀରେ ଜଣେ ଯୁବକଙ୍କ ମୃତ୍ୟୁ ହୋଇଛି । ଗାଧୋଇବାକୁ ଯାଇଥିବା ବେଳେ ଯୁବକ ଜଣକ ବୁଡି ନିଖୋଜ ହୋଇଯାଇଥିଲେ । ପରେ ସ୍ଥାନୀୟ ଲୋକଙ୍କ ବହୁ ଖୋଜା ଖୋଜି ପରେ ଯୁବକଙ୍କ ମୃତଦେହ ମିଳଥିଲା । ଏବଂ ପରେ ଅଗ୍ନଶମ ବାହିନୀଙ୍କ ସହାୟତାରେ ମୃତଦେହ ଉଦ୍ଧାର କରାଯାଇଛି । ମୃତକ ସ୍ଥାନୀୟ ଅଞ୍ଚଳର ମଦନ ସାହୁ ବୋଲି ଜଣାପଡିଛି ।

କଲାହାଣ୍ଡି: କଲାହାଣ୍ଡି ଜିଲ୍ଲା ଆମ୍ବପାଣି ଥାନା ଭୂର୍ସ।ଗୁଡ଼ାରେ ମାଟି ଅତଡ଼ା ଖସି ଶ୍ରମିକ ମୃତ । ମୃତକ ହେଲେ କୋକସରା ବୋବ୍‌ରିଆର କବିରାଜ ଖମାରୀ । ମାଟି ଖୋଳା କାମ କରୁଥିବା ବେଳେ ମୃତ ଶ୍ରମିକଙ୍କ ଉପରେ ମାଟି ଅତଡ଼ା ଖସି ପଡିଥିଲା ।

ତେବେ ଅଳ୍ପକେ ବଞ୍ଚିଯାଇଛି ୫ ଜୀବନ । ୬ ଜଣ ଶ୍ରମିକ କାମ କରୁଥିବା ବେଳେ ଜଣଙ୍କର ମୃତ୍ୟୁ ହୋଇଯାଇଛି ଏବଂ ଅନ୍ୟ ୫ ଜଣ ଶ୍ରମିକ ବଞ୍ଚିଯାଇଛନ୍ତି । ଘଟଣାସ୍ଥଳରେ ଆମ୍ବପାଣି ପୋଲିସ ପହଞ୍ଚି ଶ୍ରମିକଙ୍କ ମୃତଦେହ ଉଦ୍ଧାର କରିଛି ।

କଳାହାଣ୍ଡି : ବନ୍ଧୁକ ମୁନରେ ଲୁଟ୍‌। କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଭାଇରିପାଲି ଗାଁରେ ସଶସ୍ତ୍ର ଡକାୟତି। ଗତକାଲି ବିଳମ୍ବିତ ରାତିରେ ଗାଁର ସୌରଭ ଜୈନଙ୍କ ଘରେ ମୁଖା ପିନ୍ଧିଥିବା ୪ରୁ ୫ ଦୁର୍ବୃତ୍ତ ଆସି ଟଙ୍କା ଓ ଗହଣା ଲୁଟ୍‌ କରିଛନ୍ତି ।

ଏସଂପର୍କରେ ଖବର ପାଇ ଜୟପାଟଣା ପୋଲିସ ପହଞ୍ଚି ତଦନ୍ତ କରୁଛି। କଳାହାଣ୍ଡି ଏସପି ବାତୁଲା ଗଙ୍ଗାଧର ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି।

ସୁରାଗ ଖୋଜିବାକୁ ସନ୍ଧାନୀ କୁକୁରର ସାହାଯ୍ୟ ନିଆଯିବ ଏବଂ ଖୁବ୍‌ ଶୀଘ୍ର ଲୁଟେରାଙ୍କୁ ଗିରଫ କରାଯିବ ବୋଲି ପୋଲିସ କହିଛି ।

ଭୁବନେଶ୍ୱର: ଆଜି ପ୍ରବଳ ଜାଡ଼ରେ ଥରୁଛି ସାରା ଓଡ଼ିଶା । ଅସହ୍ୟ ଥଣ୍ଡା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । କିଛି ସ୍ଥାନରେ କୁହୁଡ଼ି ଯୋଗୁ ଯାତାୟତ ମଧ୍ୟ ବାଧାପ୍ରାପ୍ତ ହୋଇଛି । ତେବେ ଦିନବେଳା ତାପମାତ୍ରା ବଢ଼ୁଥିବାବେଳେ, ରାତିରେ ପ୍ରବଳ ଶୀତ ଅସହ୍ୟ ହେଉଛି ।

୯ଟି ସହରରେ ୧୦ ଡିଗ୍ରୀ ତଳେ ରହିଛି ପାରଦ । ଫୁଲବାଣୀରେ ସର୍ବନିମ୍ନ ୫.୫ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏହା ପଛକୁ ଅନୁଗୁଳ, ସୋନପୁର ଓ ଦାରିଙ୍ଗିବାଡି ରହିଛି । ସେପଟେ କାଲିଠୁ ପାଗରେ ପରିବର୍ତ୍ତନ ଆସିବ । ଶୀତର ପ୍ରକୋପ କମିବ ବୋଲି ଆକଳନ କରିଛି ପାଣିପାଗ କେନ୍ଦ୍ର ।