ବେଜିଂ: ୮୦୦ ଟପିଲା କରୋନା ଭାଇରସରେ ମୃତ୍ୟୁ ସଂଖ୍ୟା । ଏବେ ସୁଦ୍ଧା କରୋନାରେ ୩୭ ହଜାରରୁ ଊର୍ଦ୍ଧ୍ୱ ଆକ୍ରାନ୍ତ ।
EXIT POLL: ପୁଣି କ୍ଷମତାକୁ ଫେରିବ ‘ଆପ୍’
ଦିଲ୍ଲୀ ବିଧାନସଭା ନିର୍ବଚାନ ନେଇ ସରିଛି ଭୋଟଗ୍ରହଣ । ଏହାପରେ ଦିଲ୍ଲୀ ଦଙ୍ଗଲରେ କିଏ ଜିତିବ ଏନେଇ ବିଭିନ୍ନ ଏଜେନ୍ସି ଓ ନ୍ୟୁଜ୍ ଚ୍ୟାନେଲ ପକ୍ଷରୁ ଆରମ୍ଭ ହୋଇଛି ପୂର୍ବାନୁମାନ । EXIT POLL ଅନୁଯାୟୀ ଅରବିନ୍ଦ କେଜ୍ରିଓ୍ୱାଲଙ୍କ ନେତୃତ୍ୱାଧିନ ‘ଆପ୍’ ପୁଣି କ୍ଷମତାକୁ ଫେରୁଥିବା ବେଳେ ୨୦୧୫ ବିଧାନସଭା ନିର୍ବାଚନ ଅପେକ୍ଷା ଭଲ ପ୍ରଦର୍ଶନ କରିଛି ଭାରତୀୟ ଜନତା ପାର୍ଟି । କଂଗ୍ରେସକୁ ୩%ରୁ ୫% ଭୋଟ ଅଧିକ ମିଳିଥିବା ଆକଳନ କରାଯାଉଥିଲେ ସୁଦ୍ଧା ଏହା ସିଟ୍ରେ ପରିବର୍ତ୍ତନ ହୋଇପାରିନି । କେନ୍ଦ୍ର ସରକାରଙ୍କ ସିଏଏ ଓ ଏନ୍ଆରସିକୁ ଶକ୍ତ ଝଟକା ଲାଗିଥିବା ବିରୋଧୀ କହିଛନ୍ତି । ଅପରପକ୍ଷରେ ବେଳେ ଲୋକେ ସ୍ଥାନୀୟ ପ୍ରସଂଗକୁ ନେଇ ଭୋଟ ଦେଇଥିବା କହିଛନ୍ତି ରାଜନୀତିକ ବିଶେଷଜ୍ଞ ।
EXIT POLL
ଇଣ୍ଡିଆ ନ୍ୟୁଜ–ନେତା: AAP-53-57/ BJP-11-17/ CONG-0-2
ଇଣ୍ଡିଆ ଟିଭି : AAP-44/ BJP-26/ CONG-0
ରିପବ୍ଲିକ୍ ଟିଭି : AAP-48-61/ BJP-9-21/ CONG 0-1
ଟାଇମ୍ସ ନାଓ : AAP-44/ BJP-26/ CONG-0
ଜାଣନ୍ତୁ କେଉଁ ସବୁ ବିଜ୍ଞାପନ ଉପରେ ଲାଗିପାରେ ପ୍ରତିବନ୍ଧକ ?
ଆପଣ ବିଜ୍ଞାପନ ଦେଖିକି ପ୍ରଡକ୍ଟ କିଣୁଛନ୍ତି କି ? ବିଜ୍ଞାପନରେ ଯେମିତି ଦେଖାଉଛି ସେମିତି କିଛି ଆପଣଙ୍କୁ ଅନୁଭବ ହେଉନି କି ? ଆପଣମାନେ ଭାବୁଛନ୍ତି କି ପ୍ରଡକ୍ଟର ବିଜ୍ଞାପନ ମିଛ, ଆଉ ଆପଣ ଠକାମୀରେ ପଡ଼ିଛନ୍ତି ? ତେବେ ଏନେଇ କେନ୍ଦ୍ର ସରକାର ଖୁବ ଶୀଘ୍ର ନେଇ ପାରନ୍ତି ଏକ ନୂଆ ପଦକ୍ଷେପ । ଫେୟାରନେସ କ୍ରିମ, ଛୋଟ ପିଲାଙ୍କ ଉଚ୍ଚତା ବଢାଇବାର ପ୍ରଡକ୍ଟ ଏବଂ ଓଜନ କମାଇବା ଭଳି ବିଭିନ୍ନ ସମସ୍ୟା ଗୁଡ଼ିକ ପାଇଁ ବାହାରୁଥିବା ପ୍ରଡକ୍ଟ ଉପରେ ପ୍ରତିବନ୍ଧକ ଲଗାଯାଇପାରେ ? ମିଛ ପ୍ରମୋଟିଂ ବିଜ୍ଞାପନ ଦେଲେ ନିଆଜିବ ଦୃଢ କାର୍ଯ୍ୟାନୁଷ୍ଠନ ? କେବଳ ସେତିକି ନୁହେଁ ଏମିତି ମିଛ ପ୍ରମୋସନ କରି ପ୍ରଡକ୍ଟର ଆଡଭାଟାଇଜ କଲେ ୫୦ଲକ୍ଷ ଟଙ୍କାର ଜୋରିମାନା ସହ ୫ ବର୍ଷର ଜେଲ ଦଣ୍ଡ ମିଳିପାରେ ।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଡ୍ରଗ୍ସ ଏବଂ ମୈଜିକ ରେମେଡି ଧାରା ୧୯୫୪ରେ ସଂସୋଧନ କରିବାର ପ୍ରସ୍ତୁତି କରିସାରିଲାଣି । ଏହି ବିଲ ପାଖରେ ଉଚ୍ଚତା ବଢାଉଥିବା, ଓଜନ କମାଉଥିବା ଏବଂ ତ୍ୱଚାକୁ ସଫା କରୁଥିବା ବିଜ୍ଞାପନ ଦେଇ ଲେକଙ୍କ ଭାବନା ସହ ଖେଳୁଥିବା କମ୍ପାନୀ ଉପରେ ୫୦ଲକ୍ଷ ଟଙ୍କା ସହ ୫ ବର୍ଷର ଜେଲ ଦଣ୍ଡ ମିଳିପାରେ ।
ମନ୍ତ୍ରାଳୟ କହିବା ଅନୁସାରେ ବଦଳୁଥିବା ପରିସ୍ଥିତି ଓ ସମୟକୁ ଦେଖିକି ଏଭଳି ନିର୍ଣ୍ଣୟ ନିଆଯାଇଛି । ଏହି ସବୁ ବିଜ୍ଞାପନ ବି ହୋଇପାରେ ଲିଷ୍ଟରେ ସାମିଲ ।
ଫେୟାରନେସ କ୍ରିମ, ଉଚ୍ଚତା ବଢାଉଥିବା ବିଜ୍ଞାପନ ବ୍ୟତୀତ ଧଳା କେଶକୁ କଳା,ଓଜନ କମାଉଥିବା, କେଶକୁ ଲମ୍ବା କରୁଥିବା, ସ୍ମରଣ ଶକ୍ତିକୁ ବଢାଇବା ଏବଂ ଦାନ୍ତକୁ ମଜବୁତ ରଖିବା ଭଳି ବିଜ୍ଞାପନ ଗୁଡ଼ିକୁ ମଧ୍ୟ ଏଥିରେ ସାମିଲ କରାଯାଇପାରେ ।
ଟିଭି, ଖବର କାଗଜ, ରେଡ଼ିଓ ସହ ବହୁ ସ୍ଥାନରେ ବିଜ୍ଞାପନ ଗୁଡ଼ିକୁ ପ୍ରମୋସନ କରାଯାଉଛି । ଏହି ଆକ୍ଟରେ ଧାରା ୭ ଅନୁସାରେ ଦୋଷୀ ପ୍ରମାଣିତ ହେବା ମାତ୍ରେ ୫ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ଏବଂ ଜୋରିମାନା ମିଳିପାରେ ?
ଚୀନ ମେଡିକାଲରେ କରୋନା ଆକ୍ରାନ୍ତଙ୍କୁ ଦିଆଯାଉଛି କଇଁଛ ମାଂସ, ଜାଣନ୍ତୁ କଣ ରହିଛି କାରଣ ?
ବେଜିଂ: ମହାମାରୀ କରୋନାକୁ ନେଇ ଥରୁଛି ଚୀନ । ଆଶା ଆଶଙ୍କାରେ ବିଶ୍ୱ । ମୁକାବିଲା ପାଇଁ ସମସ୍ତେ ଖୋଜୁଛନ୍ତି ମହୋଷଧୀ । ଅନ୍ୟପଟେ କରୋନା ଭାଇରସରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ବେଳକୁ ବେଳ ମୃତ୍ୟୁସଂଖ୍ୟା ବି ବଢ଼ୁଛି । ଏବେ ଯାଏଁ କରୋନାରେ ୭୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ୩୪, ୫୪୬ ଜଣ ଲୋକ ଆକ୍ରାନ୍ତ ହୋଇଥିବା ଜଣାପଡ଼ିଛି ।
ଏହାରି ଭିତରେ ଚୀନର ବୁହାନର ଆସିଛି ଏକ ଖବର । ବୁହାନ ଚିକିତ୍ସାଳୟରେ କରୋନା ଆକ୍ରାନ୍ତଙ୍କୁ ଖାଇବାରେ କଇଁଛ ମାଂସ ଦିଆ ଯାଉଥିବା ଜଣାପଡ଼ିଛି । ଚିକିତ୍ସାଳୟ କର୍ତ୍ତୃପକ୍ଷଙ୍କ ଏଭଳି ନିଷ୍ପତ୍ତିକୁ ନେଇ ଗମ୍ଭୀର ଚିନ୍ତାପ୍ରକଟ କରିଛନ୍ତି ବିଶେଷଜ୍ଞ । କାରଣ କୁହାଯାଉଛି ସାପଙ୍କ ଠାରୁ ହିଁ ମଣିଷକୁ କରୋନା ଭାଇରସ୍ ବ୍ୟାପିଛି ।
ଡେଲିମେଲରେ ପ୍ରକାଶିତ ରିପୋର୍ଟ ମୁତାବକ, ବୁହାନ ହସ୍ପିଟାଲରେ ଅଲଗା ଅଲଗା ଭାବେ ରଖାଯାଇଥିବା କରୋନା ଆକ୍ରାନ୍ତଙ୍କୁ ରାତି ଖାଇବାରେ କଇଁଛ ମାଂସ ଦିଆଯାଉଛି । ଚୀନ ଗଣମାଧ୍ୟମରେ ମଧ୍ୟ ଏହି ଦାବିକୁ ଦୋହରାଉଥିବା ଖବର ପରିବେଷଣ କରାଯାଇଛି । ଯେଉଁଥିରେ ଜଣେ ବ୍ୟକ୍ତି ଖାଦ୍ୟରେ କଇଁଛ ମାଂସ ଖାଇବାକୁ ଦିଆଯାଉଥିବା ଭିଡିଓରେ ଦାବି କରିଛନ୍ତି । ଚୀନର ପାରମ୍ପରିକ ଚିକିତ୍ସା ବିଜ୍ଞାନ ଅନୁଯାୟୀ କଇଁଛ ମାଂସରେ ବହୁ ପରିମାଣର ପୋଷକ ତତ୍ତ୍ୱ ରହିଛି ।
ଚୀନ ଲୋକଙ୍କ ଅନୁଯାୟୀ, ତାଙ୍କ ଦେଶରେ ମିଳୁଥିବା କଇଁଛଙ୍କ ଠାରେ ପ୍ରଚୁର ପରିମାଣରେ ପ୍ରୋଟିନ୍ ମିଳିଥାଏ । ଯାହାକି ରୋଗୀଙ୍କୁ ରୋଗ ସହ ଲଢ଼ିବା ପାଇଁ ବଳ ଯୋଗାଏ ।
ଟି-୨୦ର ବଦଲା ଏକଦିବସୀୟରେ: ୨-୦ରେ ସିରିଜ୍ ହାତେଇଲା ନ୍ୟୁଜିଲାଣ୍ଡ
ନ୍ୟୁଜିଲାଣ୍ଡ ବିପକ୍ଷ ଏକଦିବସୀୟରେ ପୁଣି ପରାସ୍ତ ହୋଇଛି ଭାରତ । ୩ଟିକିଆ ସିରିଜରେ ଲଗାତାର ଦ୍ୱିତୀୟ ବିଜୟ ସହ ସିରିଜ୍ ହାତେଇଛି ନ୍ୟୁଜିଲାଣ୍ଡ । ଏହା ପୂର୍ବ ଏକଦିବସୀୟକୁ ୪ ଓ୍ୱିକେଟରେ ଜିତିଥିଲା କ୍ୱିଓ୍ୱି ଟିମ୍ । ଆସନ୍ତ ୧୧ ଫେବ୍ରୁଆରୀ ଶେଷ ଦିନିକିଆ ଖେଳାଯିବ ।
ଦ୍ୱିତୀୟ ଦିନିକିଆରେ ପ୍ରଥମେ ଟସ୍ ହାରି ଫିଲ୍ଡିଂ ନିଷ୍ପତ୍ତି ନେଇଥିଲା ଟିମ୍ ଇଣ୍ଡିଆ । ନିର୍ଦ୍ଧାରିତ ଓଭରରେ ୮ଓ୍ୱିକେଟ୍ ବିନିମୟରେ ୨୭୩ ରନ୍ କରିଛି କରିଥିଲା ନ୍ୟୁଜିଲାଣ୍ଡ । ପୁଣି ଭାରତ ବିପକ୍ଷରେ ଭଲ ପ୍ରଦର୍ଶନ କରିଛନ୍ତି ରସ୍ ଟେଲର୍ । ନବମ୍ ଓ୍ୱିକେଟରେ ଜେମିସନ୍ ସହ ମିଶି ୫୧ ବଲ୍ରେ ୭୬ ରନ୍ ସଂଗ୍ରହ କରିଥିଲେ । ନ୍ୟୁଜିଲାଣ୍ଡ ଶେଷ ୫ ଓଭରରେ ୫୩ ରନ୍ ସଂଗ୍ରହ କରିଥିଲେ ।
୨୭୪ରନ୍ର ବିଜୟ ଲକ୍ଷ୍ୟ ନେଇ ମଇଦାନ ଓହ୍ଲାଇଥିଲା ଟିମ୍ ଇଣ୍ଡିଆର ଆରମ୍ଭ ଭଲ ହୋଇନଥିଲା । ମାତ୍ର ୩ରନ୍ କରି ଆଉଟ ହୋଇ ପ୍ୟାଭିଲିୟନ୍ ଫେରିଯାଇଥିଲେ ମୟଙ୍କ ଅଗ୍ରଓ୍ୱାଲ । ଦଳ ପକ୍ଷରୁ ଅଲ୍ରାଉଣ୍ଡର ଜାଡେଜା ୫୫ ରନ୍ ସଂଗ୍ରହ କରିଥିବା ବେଳେ ଶ୍ରେୟସ୍ ଆୟର ୫୨ ରନ୍ କରିଥିଲେ । ଏବଂ ନିମ୍ନକ୍ରମରେ ବ୍ୟାଟିଂ କରିଥିବା ସାଇନିଙ୍କ ୪୫ ରନ୍ ବଳରେ ଟିମ୍ଇଣ୍ଡିଆ ମାତ୍ର ୨୫୧ ରନ୍ କରିବାକୁ ସକ୍ଷମ ହୋଇଥିଲା ।
ଆଇନ୍ ଫାଶରେ ନିର୍ଭୟା ଦୋଷୀଙ୍କୁ ଫାଶୀ, ବିଚାରପତି କହିଲେ ଏମିତି କଥା…
ନୂଆଦିଲ୍ଲୀ: ୪ ‘ନିର୍ଭୟା’ ଦୋଷୀଙ୍କୁ ଫାଶୀ କେବେ ? ଆଉ କେତେ ଥର ଘୁଞ୍ଚିବ ଫାଶୀ ତାରିଖ । ଦେଶବାସୀଙ୍କ ମୁହଁରେ ଏବେ ସେ ଗୋଟିଏ ପ୍ରଶ୍ନ । ସମସ୍ତ ଦୋଷୀଙ୍କୁ କେବେ ମିଳିବ ମୃତ୍ୟୁଦଣ୍ଡ । ଏଭଳି ସ୍ଥଳେ ଦୋଷୀଙ୍କ ପାଇଁ ନୂଆ ଡେଥ୍ ୱାରେଣ୍ଟ ଜାରି କରିବା ପାଇଁ ଦିଲ୍ଲୀ ପଟିଆଲା କୋର୍ଟ ମନା କରି ଦେଇଛନ୍ତି । କୋର୍ଟ ଡେଥ୍ ୱାରେଣ୍ଟ ଆବେଦନକୁ ଖାରଜ କରିବା ସହ କହିଛନ୍ତି, ଯଦି ଆଇନ୍ ଦୋଷୀଙ୍କୁ ବଞ୍ଚିବାକୁ ଅନୁମତି ଦେଉଛି ତେବେ ଫାଶୀ ଖୁଣ୍ଟରେ ଚଢ଼ାଇବା ପାପ ହେବ ।
ଡେଥ୍ ୱାରେଣ୍ଟ ଜାରି ପାଇଁ ଦିଲ୍ଲୀ ସରକାର କରିଥିବା ଆବେଦନ ଉପରେ କୋର୍ଟ ଶୁଣାଣି କରିଥିଲେ । ଶୁଣାଣି ବେଳେ ୪ ଦୋଷୀଙ୍କୁ କୌଣସି ଆବେଦନ କେଉଁ କୋର୍ଟରେ ପଡ଼ିନଥିବା ନେଇ ତଥ୍ୟ ରଖିଥିଲେ ଦିଲ୍ଲୀ ସରକାର । କୋର୍ଟ ସରକାରୀ ଓକିଲଙ୍କୁ କୌଣସି ଦୋଷୀ ଦୟା ଆବେଦନ ଓ କ୍ୟୁରେଟିଭ୍ ପିଟିସନ୍ ଦେବା ବାକି ଅଛି କି ବୋଲି ପ୍ରଶ୍ନ କରିଥିଲେ । ତେବେ, ତିହାର ଜେଲ୍ କର୍ତ୍ତୃପକ୍ଷ ଦୋଷୀଙ୍କୁ କୌଣସି ଆଇନଗତ ପନ୍ଥା ଗ୍ରହଣ କରିବାକୁ ବାଧ୍ୟ କରିପାରିବେ ନାହିଁ ବୋଲି କହିଥିଲେ ସରକାରୀ ଓକିଲ ।
ସୂଚନାଯୋଗ୍ୟ ଯେ, ୪ ଦୋଷୀଙ୍କ ମଧ୍ୟରୁ ଅକ୍ଷୟ, ମୁକେଶ ଓ ବିନୟଙ୍କ ପାଖରେ ଆଇନର ଆଉ କୌଣସି ବିକଳ୍ପ ବାକି ନାହିଁ । ଚତୁର୍ଥ ଦୋଷୀ ପୱନ କ୍ୟୁରେଟିଭ୍ ପିଟିସନ୍ ଦାଖଲ କରିନଥିବା ବେଳେ ଦୟା ଆବେଦନ ବି କରିନାହିଁ । କୋର୍ଟ ଡେଥ୍ ୱାରେଣ୍ଟ ଆବେଦନ ଉପରେ ସହମତି ପ୍ରକାଶ କରିନଥିଲେ । ପଟିଆଲା ହାଉସ କୋର୍ଟ ଡେଥ୍ ୱାରେଣ୍ଟ ଆବେଦନକୁ ଖାରଜ କରି ଦେଇଥିଲେ । ଏଥିସହ ଅତିରିକ୍ତ ଦୌରାଜଜ ଧର୍ମେନ୍ଦ୍ର ରାଣା କହିଥିଲେ, ‘ଯେତେବେଳେ ଆଇନ୍ ଦୋଷୀଙ୍କୁ ବଞ୍ଚିବାର ବା ଜିଇଁବାର ଅନୁମତି ଦେଉଛି ସେଠି ଫାଶୀ ପାପ’ ।
ଏକାସାଥିରେ ଫାଶୀ ପାଇବେ ସମସ୍ତ ଦୋଷୀ: ୭ ଦିନ ମଧ୍ୟରେ ସମସ୍ତ ଆଇନଗତ ଉପାୟ ଅପଣାଇବାକୁ ନିର୍ଦ୍ଦେଶ
୨୦୧୨ ‘ନିର୍ଭୟା’ ନିର୍ଭୟା ମାମଲାରେ ୪ ଦୋଷୀ ମୁକେଶ କୁମାର, ପୱନ ଗୁପ୍ତା, ବିନୟ କୁମାର ଓ ଅକ୍ଷୟ କୁମାରକୁ ଫାଶୀ ଦଣ୍ଡାଦେଶ ହୋଇଛି । ଏବେ ୪ ଦୋଷୀ ତିହାଡ଼ ଜେଲରେ ଅଛନ୍ତି । ୩ ଦୋଷୀଙ୍କ କ୍ୟୁରେଟିଭ୍ ପିଟିସନ୍ ସହ ଦୟା ଆବେଦନ ଖାରଜ ହୋଇଯାଇଛି । କେବଳ, ପୱନ ଗୁପ୍ତା ପାଖରେ କ୍ୟୁରେଟିଭ୍ ପିଟିସନ୍ ସହ ଦୟା ଆବେଦନ ବିକଳ୍ପ ରହିଛି । ଏହି ଆଧାରରେ ପଟିଆଲା ହାଉସ୍ କୋର୍ଟ ଡେଥ୍ ୱାରେଣ୍ଟ ଜାରି ଆବେଦନକୁ ଅଗ୍ରାହ୍ୟ କରି ଦେଇଥିଲେ ।
ମାର୍କେଟ ବିଲ୍ଡିଂ ଗଣ୍ଡଗୋଳ ଘଟଣାରେ ମୁଖ୍ୟ ଅଭିଯୁକ୍ତ ଗିରଫ
ଭୁବନେଶ୍ୱର: ମାର୍କେଟ ବିଲ୍ଡିଂ ଗଣ୍ଡଗୋଳ ଘଟଣାର ମୁଖ୍ୟ ଅଭିଯୁକ୍ତ ଗିରଫ । ମୁଖ୍ୟ ଅଭିଯୁକ୍ତ ଗୋପୀନାଥ ନାୟକକୁ କ୍ୟାପିଟାଲ ଥାନା ପୋଲିସ ଗଜପତି ଜିଲ୍ଲାରୁ ଗିରଫ କରିଛି । ଏପର୍ଯ୍ୟନ୍ତ ଏହି ଘଟଣାରେ ମୋଟ୍ ୩୨ ଜଣଙ୍କୁ ଗିରଫ କରାଗଲାଣି ।
ଗତ ଜାନୁଆରୀ ୧୦ ତାରିଖ ସଂଧ୍ୟାରେ ଭୁବନେଶ୍ୱର ମାର୍କେଟ୍ ବିଲ୍ଡିଂରେ ୩୦ରୁ ଅଧିକ ମୁଖାପିନ୍ଧା ଦୁର୍ବୃତ୍ତ ବ୍ୟାପକ ହିଂସାକାଣ୍ଡ ଘଟାଇଥିଲେ । ମୁଖ୍ୟ ଅଭିଯୁକ୍ତ ଗୋପୀନାଥ ନାୟକ ଗଣ୍ଡଗୋଳ ପରେ ଫେରାର ହୋଇଯାଇଥିଲା । ଶେଷରେ ତାକୁ କ୍ୟାପିଟାଲ ଥାନା ପୋଲିସ ଗଜପତି ଜିଲ୍ଲାରୁ ଗିରଫ କରିଛି ।
୨ଦିନ ଧରି ବୈତରଣୀରେ ଭାସୁଥିଲା ଶବ
କେନ୍ଦୁଝର: ବସ୍ତାରୁ ମିଳିଲା ମୃତଦେହ । ୨ ଦିନ ହେଲା ନଦୀରେ ଭାସୁଥିଲା । ଏଭଳି ଘଟଣାକୁ ନେଇ କେନ୍ଦୁଝର ଜିଲ୍ଲାରେ ଚାଞ୍ଚଲ୍ୟ । ଫୁଲକଁଳେଇ ଖଲି ଚଉପତି ଘାଟରୁ ମିଳିଲା ୨ଟି ଶବ । ମୃତକଙ୍କ ପରିଚୟ ମିଳିପାରିନି । ତେବେ ଏଥିରେ ଜଣେ ମହିଳା ଓ ଅନ୍ୟଜଣେ ପୁରୁଷ ରହିଛନ୍ତି ।
ପୂର୍ବରୁ ବୈତରଣୀ ନଦୀରେ ଶବ ଭାସୁଥିବା ଦେଖିଥିଲେ ସ୍ଥାନୀୟଲୋକେ । ଖବର ମିଳିବା ପରେ ପୋଲିସ ପହଞ୍ଚି ଅଖାରୁ ଶବକୁ ଉଦ୍ଧାର କରିଛି । ତେବେ ଏଠି ପ୍ରଶ୍ନ ଉଠୁଛି ଏହି ମୃତଦେହ କାହାର ? ଏମାନଙ୍କୁ ହତ୍ୟା ପରେ ନଦୀରେ କିଏ ଫିଙ୍ଗିଦେଇଛି କି ? ସେମାନେ ସ୍ଥାନୀୟ ଅଞ୍ଚଳର ନା ବାହାର ଜିଲ୍ଲାର ? ପୋଲିସର ତଦନ୍ତ ପରେ ମୃତଦେହର ମିଷ୍ଟ୍ରୀ ଉପରୁ ହଟିବ ପରଦା ।
ମୃତ୍ୟୁରେ ଶେଷ ହେଲା ପୋଲିସ ବାବୁ-ବାବୁଆଣୀଙ୍କ ଏକତରଫା ପ୍ରେମ କାହାଣୀ
ନୂଆଦିଲ୍ଲୀ: ପୋଲିସ ବାବୁଙ୍କ ଏକ ତରଫା ପ୍ରେମ କାହାଣୀ । ପୋଲିସ ବାବୁଆଣୀଙ୍କୁ ମାରି ନିଜେ ଆତ୍ମହତ୍ୟା କଲେ ପୋଲିସ ବାବୁ । ଘଟଣାଟି ହେଉଛି, ଦିଲ୍ଲୀର ରୋହିଣୀ ଅଞ୍ଚଳର । ଯେଉଁଠି ମହିଳା ସବ-ଇନସ୍ପେକ୍ଟର ପ୍ରୀତି ଅହଲାୱତଙ୍କୁ ଶୁକ୍ରବାର ରାତି ପ୍ରାୟ ସାଢ଼େ ୯ଟାରେ ଗୁଳି କରି ହତ୍ୟା କରାଯାଇଛି । ତେବେ ଆଜି ତାଙ୍କର ଜଣେ ପୁରୁଷ ଏସଆଇଙ୍କ ମୃତଦେହକୁ ପୋଲିସ ଉଦ୍ଧାର କରିଛି । ଦିଲ୍ଲୀ ପୋଲିସ ପକ୍ଷରୁ ଗଣମାଧ୍ୟମକୁ ଏହି ସୂଚନା ଦିଆଯାଇଛି ।
ମହିଳା ଇନ୍ସପେକ୍ଟରଙ୍କୁ ହତ୍ୟା କରାଯିବା ଘଟଣାରେ ପୋଲିସ ଏସଆଇ ଦୀପାଂଶୁଙ୍କୁ ସନ୍ଦେହ କରୁଥିଲା, କିନ୍ତୁ ଆଜି ତାଙ୍କ ମୃତଦେହ ସନ୍ଦେହକୁ ସତରେ ପରିଣତ କରିଛି । ଅଭିଯୁକ୍ତ ଦୀପାଂଶୁ ଯେଉଁ ପିସ୍ତଲରେ ମହିଳା ଇନ୍ସପେକ୍ଟରଙ୍କୁ ଗୁଳି କରିଥିଲା, ସେଥିରେ ହିଁ ନିଜକୁ ଗୁଳି କରିଥିବା ଜଣାପଡ଼ିଛି ।
ତେବେ ଏହି ଘଟଣାକୁ ନେଇ ଏକ ବଡ଼ ଖୁଲାସା ହୋଇଛି । ପ୍ରୀତି ଅହଲାବତକୁ ମାରିଥିବା ତାଙ୍କରି ବ୍ୟାଚ (୨୦୧୮)ର ସବ-ଇନସ୍ପେକ୍ଟର ଦିପାଂଶୁ ରାଠି । ଦିପାଂଶୁ ପ୍ରୀତିଙ୍କୁ ବିବାହ କରିବାକୁ ଚାହୁଁଥିଲେ କିନ୍ତୁ ପ୍ରୀତି ମନାକରୁଥିଲେ । ତେବେ ଏହି କାରଣରୁ ଦିପାଂଶୁ ପ୍ରୀତିଙ୍କୁ ହତ୍ୟା କରି ନିଜେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ତାରାତରିଣୀ ପୀଠର ଉନ୍ନତିକରଣ ପାଇଁ ଆରମ୍ଭ ହେଲା ସଫେଇ କାର୍ଯ୍ୟ
ଗଞ୍ଜାମ: ତାରାତରିଣୀ ପୀଠର ଉନ୍ନତିକରଣ ପାଇଁ ଆରମ୍ଭ ହୋଇଯାଇଛି ସଫେଇ କାର୍ଯ୍ୟ । ଗତ କିଛିଦିନ ତଳେ ପୀଠର ଉନ୍ନତିକରଣ ପାଇଁ ପ୍ୟାକେଜ୍ ଘୋଷଣା କରିଥିଲେ ମୁଖ୍ୟମନ୍ତ୍ରୀ । ଘୋଷଣା ପରେ ସ୍ଥାନୀୟବାସୀଙ୍କ ମଧ୍ୟରେ ଉତ୍ସାହ ଦେଖାଦେଇଥିଲା । ମୁଖ୍ୟମନ୍ତ୍ରୀଙ୍କୁ ଭେଟି ଧନ୍ୟବାନ ମଧ୍ୟ ଜଣାଇଥିଲେ ତାରାତାରିଣୀ ସେବାୟତ ।
ତେବେ ମୁଖ୍ୟମନ୍ତ୍ରୀଙ୍କ ଘୋଷଣା ପରେ ଏବେ ସ୍ଥାନୀୟବାସୀଙ୍କ ପକ୍ଷରୁ ଆରମ୍ଭ ହୋଇଯାଇଛି ମନ୍ଦିର ଚାରିପଟୁ ସଫେଇ କାର୍ଯ୍ୟ । ସ୍ଥାନୀୟ ସରପଞ୍ଚଙ୍କ ନେତୃତ୍ୱରେ ସ୍ଥାନୀୟ ଲୋକେ, ବ୍ଲକ କର୍ମଚାରୀ ଓ ବିଜୁ ଯୁବବାହିନୀ ମିଳିତଭାବେ ସଫେଇ କାର୍ଯ୍ୟ କରିଛନ୍ତି । ଏହାସହ ପୀଠ ପରିସରରେ ପ୍ଲାଷ୍ଟିକ ବ୍ୟବହାର ନକରିବାକୁ ଶ୍ରଦ୍ଧାଳୁଙ୍କୁ ସଚେତନ କରିଛନ୍ତି ।