ଚୀନ: କରୋନା ଭାଇରସ ଯୋଗୁଁ ସାରା ବିଶ୍ୱରେ ବର୍ତ୍ତମାନ ସୁଦ୍ଧା ୭୦ ହଜାର ଲୋକ ମୃତ୍ୟୁ ବରଣ କରିଲେଣି ଏବଂ ୧୩ ଲକ୍ଷ ଲୋକ ଏହାଦ୍ୱାରା ସଂକ୍ରମିତ ହୋଇସାରିଲେଣି । ଗୋଟିଏ ଭାଇରସ ସହ ଲଢ଼ିବା କଷ୍ଟକର ହେଇଯାଇଥିବାବେଳେ ଆଉ ଏକ ନୂଆ କରୋନା ଭାଇରସ ସଂକ୍ରମିତ ହେଉଥିବା ସୂଚନା ମିଳୁଛି । ଏହି ନୂଆ କରୋନା ଭାଇରସ ଚୀନର ସେହି ଉହାନ ଅଞ୍ଚଳରୁ ଆସିଛି ଯେଉଁଠି ପୁରୁଣା କରୋନା ଭାଇରସର ଉତ୍ପତ୍ତି ହୋଇଥିଲା । ସୂଚନା ଅନୁଯାୟୀ, ନୂଆ କରୋନା ଭାଇରସ ପୁରୁଣା କରୋନା ଭାଇରସ ଠାରୁ ଅଧିକ ଭୟଙ୍କର । କାରଣ ଏହି ନୂଆ କରୋନା ଭାଇରସର କୌଣସି ଲକ୍ଷଣ ନାହିଁ । ଅର୍ଥାତ ଏହି ଭାଇରସ ଦ୍ୱାରା ଆକ୍ରାନ୍ତ ବ୍ୟକ୍ତିଙ୍କ ପାଖରେ ସଂକ୍ରମଣର କୌଣସି ଲକ୍ଷଣ ନଜର ଆସିବ ନାହି ।

ଏଯାବତ ଥଣ୍ଡା, କାଶ, ତଣ୍ଟିରେ ପିଡା ଅନୁଭବ କରିବା, ଜ୍ୱର ହେବା, ନିଶ୍ୱାସ ନେବାରେ କଷ୍ଟ ହେବା ଆଦି କରୋନାର ଲକ୍ଷଣ ଥିଲା । କିନ୍ତୁ ଏହି ଭାଇରସ ଅଧିକ ଭୟଙ୍କର ସାବ୍ୟସ୍ତ ହୋଇପାରେ କାରଣ ନୂଆ କରୋନା ଭାଇରସର କୌଣସି ଲକ୍ଷଣ ଆପଣ ଜାଣିପାରିବେ ନାହିଁ ।  ଏହାକୁ  Asymptomatic କୁହାଯାଏ ।

Asymptomatic ର ଅର୍ଥ ଜଣେ କରୋନା ଭାଇରସ ଦ୍ୱାରା ସଂକ୍ରମିତ ହୋଇସାରିବା ପରେ ବି ଏହାର ଲକ୍ଷଣ ବାବଦରେ କିଛି ଅନୁଭବ କରିପାରିବେ ନାହିଁ । ତାମାନେ ଏହି ଭାଇରସ ବିଷୟରେ ନା ସଂକ୍ରମିତ ବ୍ୟକ୍ତି ଜାଣିପାରିବେ ଆଉ ବିନା ଟେଷ୍ଟ କରି ଡାକ୍ତର ମଧ୍ୟ ଏ ବିଷୟରେ ଜାଣିପାରିବେ ନାହିଁ ।

କରୋନାର ଏହି ନୂଆ ବିପଦ ସହ କେମିତି ଲଢ଼ିବ ଦୁନିଆ ?

ପ୍ରଥମ ଚିକିତ୍ସା – ସରକାର ଲକଡ଼ାଉନକୁ ବଳବତ୍ତର ରଖନ୍ତୁ ।

ଦ୍ୱିତୀୟ ଚିକିତ୍ସା  -କରୋନା କବଳରୁ ସୁସ୍ଥ ହୋଇଥିବା ଆକ୍ରାନ୍ତଙ୍କୁ  ବାହାରକୁ ଯିବାକୁ ଦିଇନ୍ତୁ ନାହିଁ । ସପ୍ତାହକୁ ଥରେ ତାଙ୍କର ହେଲଥ୍ ଚେକ୍ କରାନ୍ତୁ ସେ Asymptomaticରେ ଆକ୍ରାନ୍ତ ନୁହଁନ୍ତି ତ ।

ହୁବେଇରେ ଲକଡାଉନକୁ ଉଠାଇବା ଏବଂ ଜନଜୀବନକୁ ପୁଣି ସ୍ୱାଭାବିକ କରିବାର ଏହି ଭୁଲ ଚୀନକୁ ଭାରି ପଡ଼ିପାରେ । ଚୀନରେ କୋରନାର ୧୫୪୧ Asymptomatic ମାମଲା ସାମ୍ନାକୁ ଆସିଛି । ଯାହା ଲୋକଙ୍କ ଜୀବନକୁ ଆହୁରି ବିପଦରେ ପକାଇବାର ସମ୍ଭାବନା ରହିଛି ।

ସାରା ବିଶ୍ୱ ଏବେ କରୋନା ଭାଇରସ ସହ ଲଢ଼ିବାପାଇଁ ସଂଘର୍ଷ କରୁଛି । କରୋନା ମଣିଷ ଠାରୁ ମଣିଷକୁ ବ୍ୟାପିଥାଏ। ସେଥିପାଇଁ ଏହି ଭାଇରସ କୁ ରୋକିବାପାଇଁ ଦେଶରେ ୨୧ ଦିନିଆ ଲକଡାଉନ କରାଯାଇଛି। କିନ୍ତୁ ଏସବୁ ମଧ୍ୟରେ ଅନେକ ଲୋକ ଅଛନ୍ତି ଯେଉଁମାନେ ଦିନରାତି କଠିନ ପରିଶ୍ରମ କରୁଛନ୍ତି । ସେଥିମଧ୍ୟରୁ ଜଣେ ହେଉଛି ସଫେଇ କର୍ମଚାରୀ। ଯାହା ଉପରେ ଦେଶକୁ ସଫା କରିବାର ଦାୟିତ୍ବ ରହିଛି। ତେବେ ସଫେଇ କର୍ମଚାରୀଙ୍କ କାର୍ଯ୍ୟକୁ ଦେଖି ଆନ୍ଧ୍ରପ୍ରଦେଶର ଜଣେ ବ୍ୟକ୍ତି ନୋଟ୍  ମାଳ ଦେଇ ସଫେଇ କର୍ମଚାରୀଙ୍କୁ ସମ୍ମାନିତ କରିଛନ୍ତି ।

ସୂଚନା ଅନୁଯାୟୀ, ଆନ୍ଧ୍ରପ୍ରଦେଶର ଚିତ୍ତର ଜିଲ୍ଲାରେ ଯେତେବେଳେ ସଫେଇ କର୍ମଚାରୀ ସ୍ଥାନୀୟ ଅଂଚଳକୁ ଅଳିଆ ସଂଗ୍ରହ କରିବାକୁ ଯାଇଥିଲେ, ସେଠାରେ ରହୁଥିବା ବାସିନ୍ଦା ତାଙ୍କୁ ସମ୍ମାନିତ କରିଥିଲେ। ସ୍ଥାନୀୟ ବାସିନ୍ଦା କର୍ମଚାରୀଙ୍କୁ ନୋଟର ମାଳା ପିନ୍ଧାଇଥିଲେ ଏବଂ କିଛି ରାସନ ମଧ୍ୟ ଦେଇଥିଲେ । ଏହି ସମୟରେ ଘରର ବାଲକୋନିରୁ ଅନ୍ୟ ଲୋକମାନେ କରତାଳି ଦେଇଥିବାର ନଜର ଆସିଥିଲା ।

ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ମଙ୍ଗଳବାର ଅପରାହ୍ନ ପର୍ଯ୍ୟନ୍ତ ଆନ୍ଧ୍ରପ୍ରଦେଶରେ ୨୦୦ ରୁ ଅଧିକ କରୋନା ଆକ୍ରାନ୍ତ ହୋଇଥିବା ଜଣାଯାଇଛି।

ଇଷ୍ଟାଣ୍ଟ ମେସେଜିଂ ଆପ  ହ୍ୱାଟ୍ସଆପ ତା’ର ଫରୱାର୍ଡ ମେସେଜ୍ ନୀତିରେ ପରିବର୍ତ୍ତନ କରିଛି । ହ୍ୱାଟ୍ସଆପ୍ ଏବେ ମେସେଜ୍ ଫରୱାର୍ଡ ଲିମିଟ୍ ନିର୍ଦ୍ଧାରଣ କରିଛି । ଆଗରୁ ଜଣେ ଏକାଥରକେ ୫ ଜଣକୁ ମେସେଜ୍ ଫରୱାର୍ଡ କରି ପାରୁଥିଲେ । କିନ୍ତୁ ନୂଆ ନିୟମ ଅନୁସାରେ ଜଣେ ଏବେ କେବଳ ଗୋଟିଏ କଣ୍ଟାକ୍ଟକୁ ମେସେଜ୍ ଫରୱାର୍ଡ କରିପାରିବେ ।  କମ୍ପାନୀ କରୋନା ଭାଇରସକୁ ନେଇ ଦୃତ ଗତିରେ ବିସ୍ତାର ହେଉଥିବା ଗୁଜବକୁ ଧ୍ୟାନରେ ରଖି ଏଭଳି ନିଷ୍ପତ୍ତି ନେଇଛି ।

ହ୍ୱାଟ୍ସଆପ୍  ସୂଚନା ଦେଇଛି ଯେ, ମେସେଜ ଫରୱାଡ କରିବା ଦିଗରେ ଏକ ନୂଆ ନିୟମ ଲାଗୁ କରାଯାଇଛି । ଏହାକୁ ବଶ୍ୱବ୍ୟାପି ଏକା ସାଙ୍ଗରେ ଲାଗୁ କରାଯିବ । ଅଧିକ ଫରୱାଡ ହୋଇଥିବା ମେସେଜକୁ ଏବେ ଥରେ ମାତ୍ର ଫରୱାଡ କରାଯାଇପାରିବ ।

ପ୍ରଥମେ କୌଣସି ଏକ ମେସଜକୁ ଫରୱାଡ କରିବାର ଲିମିଟ ୫ ଥିଲା । ଏବେ ଏହାକୁ ଆପଣ ଜଣଙ୍କ ପାଖକୁ ଫରୱାଡ କରିପାରିବେ  । କମ୍ପାନୀ ଏହା ମଧ୍ୟ କରହିଛି ଯେ, ଭୁଲ ମସେଜ ଫରୱାଡ କରିବା ଉଚିତ ନୁହେଁ । ୱାଟସାପ ଏହି ପରିବର୍ତ୍ତନ ସମେତ NGO, GOVT ଏବଂ WHO ସହ ମିଶି କାମ କାର୍ଯ୍ୟ କରୁଛି ଯାହାଫଳରେ ଲୋକଙ୍କ ପାଖକୁ ଭୁଲ ତଥ୍ୟ ଯିବନାହିଁ ।