ଭୁବନେଶ୍ବର:  ଗତକାଲି ଦିଲ୍ଲୀର ଜେଏନୟୁରେ ଛାତ୍ରଛାତ୍ରୀ,ଶିକ୍ଷକ ଓ ଶିକ୍ଷୟିତ୍ରୀଙ୍କ ଉପରେ ହେଇଥିବା ଅମାନୁଷିକ ଆକ୍ରମଣକୁ ବିଜୁ ଛାତ୍ର ଜନତା ଦଳ ପକ୍ଷରୁ ଘୋର ନିନ୍ଦା କରାଯାଇଛି । ଶିକ୍ଷା ଓ ବୁଦ୍ଧିଜୀବୀମାନଙ୍କର ଗନ୍ତାଘର କୁହାଯାଉଥିବା ଜେଏନୟୁରେ ଦୁର୍ବୃତ୍ତମାନଙ୍କ ଆତଙ୍କରାଜ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ବିଜୁ ଛାତ୍ର ଜନତା ଦଳ ପକ୍ଷରୁ ଦାବି କରାଯାଇଛି ।

ଜେଏନୟୁ ଦେଶର ଏକ ପ୍ରତିଷ୍ଠିତ ବିଶ୍ୱବିଦ୍ୟାଳୟ ଭାବେ ପରିଚିତ । ଶୈକ୍ଷିକ ବାତାବରଣରେ ଯେଉଁଭଳି ହିଂସାକାଣ୍ଡ ହୋଇଛି ତାହା ଅତ୍ୟନ୍ତ ନିନ୍ଦନୀୟ ଓ ଗ୍ରହଣଯୋଗ୍ୟ ନୁହେଁ । ଛାତ୍ର ସମାଜ ଉପରେ ହୋଇଥିବା ଏପରି ଘୃଣ୍ୟ କାର୍ଯ୍ୟକୁ ସାରା ଦେଶରେ ଛାତ୍ର ସମାଜ ବିରୋଧ କରିଛି । ଶିକ୍ଷାର ମନ୍ଦିରରେ ହିଂସାର ସ୍ଥାନ ନାହିଁ ବୋଲି ବିଜୁ ଜନତା ଦଳର ଛାତ୍ର ଉପଦେଷ୍ଟା ଶ୍ରୀ ଚିନ୍ମୟ ସାହୁ ପ୍ରେସ୍‌ ବିଜ୍ଞପ୍ତିରେ ଜଣାଇଛନ୍ତି।

ଏଭଳି ଘଟଣାକୁ ନିନ୍ଦାକରି ବିଜୁ ଛାତ୍ର ଜନତା ଦଳ ପକ୍ଷରୁ ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ମାନଙ୍କରେ ହିଂସାରେ ଆହତ ହୋଇଥିବା ଛାତ୍ରଛାତ୍ରୀଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି । ଅନ୍ୟପକ୍ଷରେ ଏଭଳି ହିଂସାକାଣ୍ଡଙ୍କୁ ନିନ୍ଦା କରି ସମଗ୍ର ରାଜ୍ୟରେ ବିଜୁ ଛାତ୍ର ଜନତା ଦଳ ପକ୍ଷରୁ କ୍ୟାଣ୍ଡେଲ ରାଲି କରିବା ସହ ଶାନ୍ତିପୂର୍ଣ୍ଣ ଭାବେ ବିକ୍ଷୋଭ କରାଯାଇଛି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ମୋ ସରକାର କାର୍ଯ୍ୟକ୍ରମରେ ଭଦ୍ରକ ଜିଲ୍ଲାରେ ସ୍ୱାସ୍ଥ୍ୟ ସେବର ଉନ୍ନତି ପାଇଁ କେତକ ନିଷ୍ପତ୍ତି ନେଇଛନ୍ତି । ମୋ ସରକାର ଟିମ ର ଭଦ୍ରକ ଗସ୍ତ ପରେ ରୋଗୀମାନଙ୍କ ମତାମତ ଓ ଡାକ୍ତରମାନଙ୍କ ସହ ଆଲେଚନାକୁ ଭିତ୍ତି କରି ରାଜ୍ୟ ସରକାର ନିମ୍ନୋକ୍ତ ପଦକ୍ଷେପ ଗ୍ରହଣ କରିଛନ୍ତି ।

ଏହି ନିଷ୍ପତ୍ତି ଅନୁଯାୟୀ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟର ଉନ୍ନତି ତଥା ଉତ୍ତମ ସ୍ୱାସ୍ଥ୍ୟ ସେବା ପାଇଁ ୭ ମହଲା ବିଶିଷ୍ଟ ଏକ ନୂତନ DHH Complex ନିର୍ମାଣ କରାଯିବ । ଏଥିରେ ୩୦୦ଟି ଶଯ୍ୟା ରହିବ । ବର୍ତ୍ତମାନ ଯେଉଁ ବିଲ୍ଡିଂରେ ଜିଲ୍ଲା ମୁଖ୍ୟ ଚିକିତ୍ସାଳୟ କାର୍ଯ୍ୟ କରୁଛି ସେଥିରେ ୧୯୧ଟି ଶଯ୍ୟା ରହିଛି । ଅଧିକ ରୋଗୀଙ୍କୁ ସେବା ଯୋଗାଇ ଦେବା ପାଇଁ ଏକ ଅନ୍ତରୀଣ ପଦକ୍ଷେପ ଭାବେ ଏହି ଶଯ୍ୟା ସଂଖ୍ୟା ୧୯୧ରୁ ୩୦୦କୁ ବୃଦ୍ଧି କରାଯିବ ।

ରୋଗୀମାନଙ୍କର ଆଟେଣ୍ଡାଣ୍ଟମାନଙ୍କ ପାଇଁ ୨୦ ଲକ୍ଷ ଟଙ୍କାରେ ଏକ ବିଶ୍ରାମ ଗୃହ ନିର୍ମାଣ କରାଯିବା ସହିତ ଓ.ପି.ଡି ପଞ୍ଜିକରଣ ପାଇଁ ଅଧିକ କାଉଣ୍ଟର ଖୋଲାଯିବ । ରୋଗୀ ଓ ଆଟେଣ୍ଡାଣ୍ଟ ମାନଙ୍କ ସୁବିଧା ପାଇଁ ମୁଖ୍ୟ ଚିକିତ୍ସାଳୟ ପରିସର ମଧ୍ୟରେ ପାର୍କିଂ ଏରିଆର ବିକାଶ କରାଯିବ ।

ଭଦ୍ରକ ଜିଲ୍ଲାର ସଦର ମହକୁମା ଚିକିତ୍ସାଳୟ ରୋଗୀ କଲ୍ୟାଣ ନିମନ୍ତେ ବିଭିନ୍ନ କାର୍ଯ୍ୟକ୍ରମ ପାଇଁ ରୋଗୀ କଲ୍ୟାଣ ସମିତିକୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୧୫ ଲକ୍ଷ ଟଙ୍କାର ସହାୟତା ଦିଆଯିବ ।

ଢେଙ୍କାନାଳ: ପ୍ରତାରଣା କଲା ପ୍ରେମିକ । ବିବାହର ପ୍ରଲୋଭନ ଦେଖାଇ ୩ବର୍ଷ କାଳ ଶାରୀରିକ ସମ୍ପର୍କ ପରେ ଅଧା ବାଟରେ ଛାଡି ଦେଲା ପ୍ରେମିକ । ଶେଷରେ ନ୍ୟାୟ ଅପେକ୍ଷାରେ ଥାନାର ଦ୍ୱାରସ୍ତ ହେଲା ସମ୍ପୃକ୍ତ ଯୁବତୀ । ଏବେ ପ୍ରେମିକ ଘର ସାମ୍ନାରେ ଧାରଣାରେ ବସିଛନ୍ତି ସେ । ଯାହାକୁ ନେଇ ଚର୍ଚ୍ଚା ଜୋର ଧରିଛି । ଏମିତି ଘଟଣା ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଆମ୍ବପଳାଶ ଗାଁରେ ଦେଖିବାକୁ ମିଳିଛି ।

ଅଭିଯୋଗ ଅନୁଯାୟୀ ଆଜିକୁ ୩ବର୍ଷ ତଳେ ଆମ୍ବପଳାଶ ଗାଁ ସୁର୍ଯ୍ୟକାନ୍ତ ସାହୁ ଓରଫ ପପୁ କୁଟୁରିଆ ଗାଁର ଜଣେ ଯୁବତୀଙ୍କୁ ପ୍ରେମ କରି ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ । ତେବେ ବିବାହ ପ୍ରଲୋଭନ ଦେଖାଇ ଶାରିରୀକ ସମ୍ପର୍କ ରଖିଥିବା କହିଛନ୍ତି ପିଡିତା ।

ପରେ ପିଡିତା ବିବାହ କରିବାକୁ ପ୍ରେମିକ ସୁର୍ଯ୍ୟକାନ୍ତକୁ କହିବାରୁ ସେ ରୋକ ଠୋକ ମନା କରି ଦେଇଥିଲେ । ଯାହାକୁ ନେଇ ନ୍ୟାୟ ପାଇଁ ପୋଲିସର ସହାୟତା ନେଇଛନ୍ତି ସମ୍ପୃକ୍ତ ଯୁବତୀ । ଏନେଇ ଗତ ଡିସେମ୍ବର ମାସ ୨୩ ତାରିଖରେ ପିଡିତା ପରଜଙ୍ଗ ଥାନାରେ ଅଭିଯୋଗ କରିଥିଲେ । ଫଳରେ ଏକ ସପ୍ତାହ ମଧ୍ୟରେ ଉଭୟ ପ୍ରେମିକ ପ୍ରେମିକାଙ୍କୁ ବିବାହ କରାଯିବାର ପ୍ରତିଶ୍ରୁତି ଦେଇଥିଲେ ପ୍ରେମିକାର ପରିବାର ଲୋକେ । କିନ୍ତୁ ଦିନ ଗଡି ଯାଇଥିଲେ ସୁଦ୍ଧା ଧରା ଛୁଆଁ ଦେଇ ନଥିଲେ ପ୍ରେମିକର ପରିବାର ଲୋକେ । ଶେଷରେ ନ୍ୟାୟ ଅପେକ୍ଷାରେ ପ୍ରେମିକର ଘର ସାମ୍ନାରେ ଧାରଣାରେ ବସିଛନ୍ତି ସମ୍ପୃକ୍ତ ଯୁବତୀ । ନ୍ୟାୟ ନ ମିଳିଲେ ଆତ୍ମହତ୍ୟା କରିବେ ବୋଲି ଯୁବତୀ ଜଣଙ୍କ କ୍ୟାମେରା ସାମ୍ନାରେ କହିଛନ୍ତି । ସେପଟେ ସମ୍ପୃକ୍ତ ଯୁବକ ଏବଂ ତାଙ୍କ ପରିବାର ଲୋକେ ଘରେ ତାଲା ପକାଇ ଫେରାର ଥିବା ଜଣାପଡ଼ିଛି ।

ପୁରୀ: ଶ୍ରୀମନ୍ଦିର ସଂସ୍କାର ମାମଲା ନେଇ ଜଗତଗୁରୁ ଶଙ୍କରାଚାର୍ଯ୍ୟଙ୍କ ସହ ବୈଠକ ଶେଷ ହୋଇଛି । ଧାର୍ମିକ ପ୍ରସଙ୍ଗରେ ଶଙ୍କରାଚାର୍ଯ୍ୟଙ୍କ ମତ ନିଆଯିବ । ବର୍ଷକୁ ଚାରିଥର ପରିଚାଳନା କମିଟି ଶଙ୍କରାଚାର୍ଯ୍ୟଙ୍କୁ ଭେଟିବ । ଯାନିଯାତ୍ରା ସମ୍ପର୍କରେ ମଧ୍ୟ ଶଙ୍କରାଚାର୍ଯ୍ୟଙ୍କ ମାର୍ଗଦର୍ଶନ ନିଆଯିବ ବୋଲି ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଛି । ଶ୍ରୀମନ୍ଦିର ରୀତିନୀତି ପୂରାଣ ଓ ଆଧ୍ୟାତ୍ମିକ ସଂହିତା ଅନୁଯାୟୀ ହେବା ଉଚିତ । ସେହିପରି ରୀତିନୀତି ପ୍ରସଙ୍ଗରେ ଧର୍ମଗୁରୁଙ୍କ ମତ ନେବା ଜରୁରି ବୋଲି ଶଙ୍କରାଚାର୍ଯ୍ୟ କହିଛନ୍ତି ।

ଔଘଟଙ୍କୁ ନେଇ ଦିଲ୍ଲୀରେ ତାତି । ଏହାରି ଭିତରେ ଆଜି ବାଜି ପାରେ ଦିଲ୍ଲୀ ନିର୍ବାଚନୀ ବିଗୁଲ । ଘୋଷଣା ହୋଇପାରେ ବିଧାନସଭା ନିର୍ବାଚନର ତାରିଖ । ସେପଟେ ତାରିଖ ଘୋଷଣା ପୂର୍ବରୁ ରାଜନୈତିକ ଦଳ ପକ୍ଷରୁ ଆରମ୍ଭ ହୋଇଛି ପ୍ରଚାର । ଇଇଚ, ବିଜେପି ଓ କଂଗ୍ରେସ ପକ୍ଷରୁ ପରସ୍ପର ଉପରେ ଆକ୍ରମଣ ଜାରି ରହିଛି । ନିର୍ବାଚନ ତାରିଖ ଘୋଷଣା ପରେ ପ୍ରାର୍ଥୀ ତାଲିକା ଘୋଷଣା କରିପାରନ୍ତି ସବୁ ପ୍ରମୁଖ ଦଳ । ତାରିଖ ଘୋଷଣା ସହ ଲାଗୁ ହେବ ନିର୍ବାଚନୀ ଆଚାରଣ ସଂହିତା । ଆଜି ମୁଖ୍ୟ ନିର୍ବାଚନ କମିଶନଙ୍କ ପକ୍ଷରୁ ଚୂଡ଼ାନ୍ତ ଭୋଟର ଲିଷ୍ଟ ମଧ୍ୟ ଜାରି କରାଯାଇ ପାରେ । ତେବେ ଭୋଟର ଲିଷ୍ଟରେ ନାଁ ନ ଥିଲେ ଭୋଟ ଦେବାରୁ ବଞ୍ଚିତ ହେବେ ଭୋଟର । କୁହାଯାଉଛି ପ୍ରାୟ ଦେଢ଼ କୋଟି ଭୋଟର ଏଥର ନେତାଙ୍କ ଭାଗ୍ୟ ନିର୍ଦ୍ଧାରଣ କରିବେ । ଏଥିରେ ପ୍ରାୟ ଅଢେଇ ଲକ୍ଷ ନୂଆ ଭୋଟର ସାମିଲ ହେବେ ।

ବଲାଙ୍ଗିର: ବଲାଙ୍ଗିର ସିନ୍ଧେକେଲାରେ ଲୋମଟାଙ୍କୁରା ଘଟଣା । ସୂର୍ଯ୍ୟପରାଗ ଦିନ ଭଉଣୀକୁ ବଳି ଦେଇଥିବା ମାନିଲା ଭାଇ । ୨୪ ତାରିଖରୁ ନିଖୋଜ ନାବାଳିକାଙ୍କ ମୃତଦେହ ଉଦ୍ଧାର କରାଯାଇଛି ।

ଗୁଡିଚକା ଗାଁ ଜଙ୍ଗଲରୁ ତାଙ୍କ ମୃତଦେହ ଉଦ୍ଧାର କରିଛି ସିନ୍ଧେକେଲା ପୋଲିସ । ନିଖୋଜ ନାବାଳିକା ଭାଇକୁ ଗତ ୨୭ତାରିଖରୁ ଅଟକ ରଖିଥିଲା ପୋଲିସ । ପୋଲିସ ଆଗରେ ଭଉଣୀକୁ ବଳି ଦେଇଥିବା ମାନିଥିଲା ଭାଇ । ଗତବର୍ଷ ମାମୁ ପୁଅକୁ ବଳି ଦେଇ ଜେଲ୍‌ ଯାଇଥିଲା ଅଭିଯୁକ୍ତ ଶୋଭାବନ ରାଣା ।