ଭାରତରେ କରୋନାର ପ୍ରଥମ କରୋନା ମାମଲା ୩୦ ଜାନୁଆରୀରେ ଆସିଥିଲା ​​ । ମାର୍ଚ୍ଚ ୪ରେ କରେନା ରୋଗୀ ସଂଖ୍ୟା ୭ ରୁ ୨୯କୁ ବୃଦ୍ଧି ପାଇଲା । ତାପରେ କେନ୍ଦ୍ର ସରକାର ଏବଂ ରାଜ୍ୟ ସରକାର ସତର୍କତା ଅବଲମ୍ବନ କରିବା ଆରମ୍ଭ କରିଥିଲେ । ଦିଲ୍ଲୀ ପ୍ରଥମେ ସ୍କୁଲ କଲେଜଗୁଡ଼ିକୁ ବନ୍ଦ କରିଥିଲା । ମାର୍ଚ୍ଚ ୧୦ ରେ ଯେତେବେଳେ ମାମଲା ଦ୍ୱିଗୁଣିତ ହେଲା । ୨୯ ମାମଲାରୁ ୬୦ କୁ ବୃଦ୍ଦି ପାଇଲା ତାପରେ, ବିଭିନ୍ନ ରାଜ୍ୟ ସରକାର ମଧ୍ୟ ସ୍କୁଲ ଏବଂ କଲେଜ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।

ମାର୍ଚ୍ଚ ୧୫ ରେ, ରୋଗୀଙ୍କ ସଂଖ୍ୟା ୧୦୦ ଅତିକ୍ରମ କରିବା ବେଳକୁ ଦେଶର ସମସ୍ତ ଧାର୍ମିକ ସ୍ଥାନ ଗୁଡ଼ିକୁ ଲକ୍‌ଡାଉନ କରାଯାଇଥିଲା । ତାପରେ ମାର୍ଚ୍ଚ ୨୨ରେ, ସମଗ୍ର ଦେଶରେ ଏକ ସାଧାରଣ କର୍ଫ୍ୟୁ ଲାଗୁ କରାଯାଇଥିଲା । ଯାହାପରେ ଦେଶର ବିଭିନ୍ନ ସହରରେ ତାଲଶ ପକାଇବାକୁ ଘୋଷଣା କରାଯାଇଥିଲା ।

କରୋନାର ସର୍ବାଧିକ ପ୍ରଭାବ ଥିବା ୨୦ ଟି ଦେଶ ମଧ୍ୟରୁ ଭାରତରେ କେବଳ ୫୦୦ ଟି ମାମଲା ଆସିବା ପରେ ଲକଡାଉନ କରାଯାଇଥିଲା । ଭାରତ ହେଉଛି ଏକମାତ୍ର ଦେଶ ଯାହାର ଜନସଂଖ୍ୟା ୧୩୫ କୋଟିରୁ ଅଧିକ ଥିବା ବେଳେ ମାତ୍ର ୫୦୦ ମାମଲା ଆସିବା ପରେ ସମ୍ପୁର୍ଣ୍ଣ ଲକଡାଉନ କରାଯାଇଥିଲା । ପ୍ରଧାନମନ୍ତ୍ରୀ ମୋଦୀଙ୍କ ନିଷ୍ପତ୍ତି ଆଶ୍ଚର୍ଯ୍ୟଜନକ ଥିଲା।

ଭାରତ ବ୍ୟତୀତ ଅଷ୍ଟ୍ରିଆ, ସ୍ୱିଜରଲ୍ୟାଣ୍ଡ ଏବଂ ପର୍ତ୍ତୁଗାଲରେ୧୦୦୦ ମାମଲା ଆସିବା ପରେ ଲକଡାଉନ୍ ଲାଗୁ କରାଯାଇଥିଲା । ତେବେ ଏହି ଦେଶର ଜନସଂଖ୍ୟା ଭାରତର ତୁଳନାରେ ୧୦% ନୁହେଁ । ଠିକ୍ ସମୟରେ ତାଲା ପକାଇବା ପରେ ଏହି ଚାରିଟି ଦେଶରେ ଏବେ ସ୍ଥିତି ବିଗିଡ଼ିନାହିଁ । ଆଉ ଯେଉଁ ଦେଶରେ ଲକଡାଉନ୍ ବିଳମ୍ବ ହୋଇଛି କିମ୍ବା ଯେଉଁଠାରେ ଲକଡାଉନ୍ ଲାଗୁ କରାଯାଇ ନାହିଁ, ସେଠାରେ ପରିସ୍ଥିତି ନିୟନ୍ତ୍ରଣ ବାହାରେ ରହିଛି ।

ସର୍ବାଧିକ ପ୍ରଭାବିତ ୨୦ ଦେଶ ମଧ୍ୟରେ ଆମେରିକା ସମେତ ୬ ଟି ଦେଶ ଏପର୍ଯ୍ୟନ୍ତ ସମ୍ପୁର୍ଣ୍ଣ ଭାବରେ ଲକଡାଉନ କରାଯାଇନାହିଁ । ଆମେରିକାରେ ସଂକ୍ରମିତ ମୋଟ ସଂଖ୍ୟା ୭ ଲକ୍ଷରେ ପହଞ୍ଚିଛି । ମୃତ୍ୟୁ ସଂଖ୍ୟା ମଧ୍ୟ ୩୫ ହଜାରରେ ପହଞ୍ଚିଛି । ସେପଟେ ୟୁରୋର ୫ଟା ଦେଶରେ ୫-୫ ହଜାର ମାମଲା ଆସିବା ପରେ ଲକଡାଉନ କରାଯାଇଥିଲା । ଯେଉଁଠାରେ ଏବେ ସଂକ୍ରମଣ ସଂଖ୍ୟା ଲକ୍ଷ ଅତିକ୍ରମ କରିଛି । କିନ୍ତୁ ୧୦ ସବୁଠାରୁ ଅଧିକ ପ୍ରଭାବିତ ଦେଶ ମଧ୍ୟରେ ୩ ଦେଶରେ ଲକଡାଉନ ଏବେ ମଧ୍ୟ ସମ୍ପୂର୍ଣ୍ଣ ଭାବରେ କରାଯାଇନାହିଁ । ସେହି ଦେଶ ଗୁଡ଼ିକ ହେଉଛି ଆମେରିକା, ଚୀନ, ତୁର୍କୀ । ଏହି ସବୁ ଦେଶରେ ସମ୍ପୂର୍ଣ୍ଣ ଲକଡାଉନ ହୋଇନାହିଁ ।

ଇନ୍ଦୋର: ମହାମାରୀ କରୋନା ହେତୁ ୪୧ ବର୍ଷିୟ ପୋଲିସ ଇନ୍ସପେକ୍ଟର ଦେବେଶ ଚନ୍ଦ୍ରବଂଶୀଙ୍କର ଶନିବାର ରାତିରେ ଇନ୍ଦୋରରେ ମୃତ୍ୟୁ ହୋଇଛି । ଅଧିକାରୀଙ୍କ କହିବାନୁସାରେ, ରାଜ୍ୟରେ କୋଭିଡ-୧୯ ରୁ ଜଣେ ପୋଲିସ କର୍ମଚାରୀଙ୍କ ମୃତ୍ୟୁ ହେବା ଏହା ପ୍ରଥମ ଘଟଣା । ପୋଲିସ ଅଧୀକ୍ଷକ ମହେଶଚନ୍ଦ୍ର ଜୈନ ରବିବାର କହିଛନ୍ତି ଯେ ସହରର ଜୁନି ଇନ୍ଦୋର ପୋଲିସ ଷ୍ଟେସନର ଦାୟିତ୍ୱରେ ଥିବା ୪୧ ବର୍ଷୀୟ ଇନ୍ସପେକ୍ଟର କୋଭିଡ -19 ସଂକ୍ରମିତ ହେବା ପୂର୍ବରୁ ଏକ ଘରୋଇ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଜୈନ କହିଛନ୍ତି, ଡାକ୍ତରଙ୍କ ସମସ୍ତ ଉଦ୍ୟମ ସତ୍ତ୍ୱେ ପୋଲିସ ଇନ୍ସପେକ୍ଟର ସୁସ୍ଥ ହୋଇପାରିଲେ ନାହିଁ । ତାଙ୍କ ପତ୍ନୀ ଏବଂ ଦୁଇ ଝିଅ ଅଛନ୍ତି।

COVID-19 ରେ ଇନ୍ସପେକ୍ଟରଙ୍କ ମୃତ୍ୟୁ ପରେ ପୋଲିସ ବିଭାଗରେ ଶୋକର ଲହରୀ ଖେଳିଯାଇଛି । ଅନେକ ଲୋକ ସୋସିଆଲ ମିଡିଆରେ ସେମାନଙ୍କୁ COVID-19 ‘ଯୋଦ୍ଧା’ ବୋଲି କହି ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି | ଏହି ସମୟରେ ମୁଖ୍ୟ ଚିକିତ୍ସା ଓ ସ୍ୱାସ୍ଥ୍ୟ ଅଧିକାରୀ ପ୍ରବୀଣ ଜାଦିଆ କହିଛନ୍ତି ଯେ ଜିଲ୍ଲାର କରୋନା ଜୀବାଣୁ କାରଣର ଅନ୍ୟ ଏକ ମାମଲାରେ ଶୁକ୍ରବାର ଦିନ ଏକ ଘରୋଇ ଡାକ୍ତରଖାନାରେ ୭୦ ବର୍ଷ ବୟସ୍କା ମହିଳାଙ୍କ ମୃତ୍ୟୁ ଘଟିଛି। ଦୁହିଁଙ୍କ ମୃତ୍ୟୁ ପରେ ରାଜ୍ୟରେ କରୋନା ଭାଇରସ ଜନିତ ମୃତ୍ୟୁ ସଂଖ୍ୟା ୪୯ କୁ ବୃଦ୍ଧି ପାଇଛି ।

ଡେରାଡୁନ୍: ଲକଡାଉନରେ ଲକ୍ ହୋଇ ରହିଛନ୍ତି ବିଦେଶୀ, ତା’ପୁଣି ଗୁମ୍ଫା ଭିତରେ । କରୋନା ଭାଇରସ୍ ସଂକ୍ରମଣ ରୋକିବାକୁ ଦେଶରେ ଲକଡାଉନ୍ ଲାଗି ରହିଥିବା ବେଳେ ଉତ୍ତରାଖଣ୍ଡରୁ ଆସିଛି ଏକ ଅଭାବନୀୟ ଖବର । ଋଷିକେଶ ସହରର ଗଙ୍ଗା ଲକ୍ଷ୍ମଣ ଝୁଲା ଅଞ୍ଚଳର ଏକ ଗୁମ୍ଫାରୁ ୬ ଜଣ ବିଦେଶୀଙ୍କୁ ଉଦ୍ଧାର କରାଯାଇଛି । ଯେଉଁମାନେ ମାର୍ଚ୍ଚ ୨୫ ତାରିଖରୁ ଗୁମ୍ଫାରେ ଥିଲେ ।

ସ୍ଥାନୀୟ ଲୋକଙ୍କ ଠାରୁ ଖବର ପାଇ ସ୍ଥାନୀୟ ପୋଲିସ ୬ ବିଦେଶୀ ନାଗରିକଙ୍କୁ ଉଦ୍ଧାର କରିଛି । ସେମାନଙ୍କ ମଧ୍ୟରେ ୩ ଜଣ ମହିଳା ଥିବା ଜଣାପଡ଼ିଛି । ୨ ଜଣ ୟୁକ୍ରେନର ବାସିନ୍ଦା ହୋଇଥିବା ବେଳେ ଜଣେ ତୁର୍କୀର । ଆମେରିକା, ଫ୍ରାନ୍ସ ଓ ନେପାଳର ଅନ୍ୟ ୩ ଜଣ ।

ପୋଲିସ ସୂଚନା ଅନୁଯାୟୀ, ସେମାନେ ପ୍ରାୟ ୨ ମାସ ତଳୁ ଋଷିକେଶ ଆସିଥିଲେ । ମୁନି କି ରେତି ଅଞ୍ଚଳର ଏକ ହୋଟେଲରେ ରହୁଥିଲେ । ସେମାନଙ୍କ ପାଖରେ ଥିବା ଟଙ୍କା ସରିଯିବାରୁ ହୋଟେଲ୍ ବିଲ୍ ଦେବାକୁ ସକ୍ଷମ ହୋଇନଥିଲେ । ପ୍ରଥମ ପର୍ଯ୍ୟାୟ ଲକଡାଉନ୍ ପୂର୍ବରୁ ସେମାନେ ଗୁମ୍ଫାକୁ ଚାଲିଆସି କାଠରେ ରୋଷେଇ କରିବା ସହ ନିକଟରେ ବହୁଥିବା ଗଙ୍ଗା ନଦୀରୁ ଜଳ ଆଣୁଥିଲେ ।

ସମସ୍ତଙ୍କୁ ଉଦ୍ଧାର କରାଯାଇ ଏବେ କ୍ୱାରେଣ୍ଟାଇନ୍ ସେଣ୍ଟରରେ ରଖାଯାଇଛି । ସେମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିବା ବେଳେ କରୋନାର କୌଣସି ଲକ୍ଷଣ ଦେଖାଦେଇ ନଥିବା ଜଣାପଡ଼ିଛି । ଉତ୍ତରାଖଣ୍ଡ ପୋଲିସ ଅନୁୟାୟୀ ଏବେ ଋଷିକେଶରେ ୬୦୦ରୁ ୭୦୦ ବିଦେଶୀ ପର୍ଯ୍ୟଟକ ଫସି ରହିଛନ୍ତି । ସମ୍ପୃକ୍ତ ଦୂତାବାସ ପକ୍ଷରୁ ଦେଶକୁ ଫେରିବା ବ୍ୟବସ୍ଥା ହେଲେ ସେମାନଙ୍କୁ ପଠାଇ ଦିଆଯିବ । ଏବେ ଯାଏଁ ଉତ୍ତରାଖଣ୍ଡରେ ୪୨ ଜଣଙ୍କ ଠାରେ କରୋନା ଚିହ୍ନଟ କରାଯାଇଛି ।

ଯୁକ୍ତରାଷ୍ଟ୍ର ଆମେରିକା: କରୋନା ଭାଇରସ କାରଣରୁ ଦୁନିଆର ଅନେକ ଲୋକ ନିଜ ଘରେ ଲକଡାଉନରେ ରହୁଛନ୍ତି । ଅନ୍ୟପଟେ ଜଣେ ବ୍ୟକ୍ତି ବନ୍ଦ ରେଷ୍ଟୁରାଣ୍ଟରେ ଭିତରେ ପ୍ରବେଶ କରି ସେଠାରେ ୪ ଦିନ ପର୍ଯ୍ୟନ୍ତ ଖାଇ ପିଇ ଶୋଇଥିଲେ। ଏହି ୪୨ ବର୍ଷୀୟ ବ୍ୟକ୍ତି ରେଷ୍ଟୁରାଣ୍ଟ ମଧ୍ୟରେ ଲକ୍ଷ ଲକ୍ଷ ଟଙ୍କାର ଖାଇଥି ଖାଇବା ସହିତ ଏବଂ ମଦ୍ୟପାନ କରିଥିବା ଅଭିଯୋଗ ହୋଇଛି ।

ଏହି ମାମଲା ଆମେରିକାର କନେକ୍ଟିକଟ୍ ରାଜ୍ୟର ନ୍ୟୁ ହେଭେନ ସହରର । ୪୨ ବର୍ଷିୟ ଲୁଇସ୍ ଅରିଟିଜ୍ ଙ୍କୁ ଅନେକ ଅପରାଧିକ ମାମଲାରେ ପୋଲିସ୍ ଗିରଫ କରି ତାଙ୍କୁ ଜେଲ୍ ପଠାଇଛନ୍ତି।

ଏହି ବ୍ୟକ୍ତି ଜଣଙ୍କ ଅର୍ଟିଜ୍ ‘ସୋଲ୍ ଡି କ୍ୟୁବା ନାମକ’ ଏକ ରେଷ୍ଟୁରାଣ୍ଟରେ ପ୍ରବେଶ କରିଥିଲେ ଯାହା କରୋନା ଭାଇରସ କାରଣରୁ ବନ୍ଦ ହୋଇଯାଇଥିଲା । ମଙ୍ଗଳବାର ଦିନ ମ୍ୟାନେଜର ରେଷ୍ଟୁରାଣ୍ଟରେ ଜଣେ ଅପରିଚିତ ବ୍ୟକ୍ତିଙ୍କ ପ୍ରବେଶ ବିଷୟରେ ପୋଲିସକୁ ସୂଚନା ଦେଇଥିଲେ। ପୋଲିସ କହିଛି ଯେ ଅର୍ଟିଜ ପାଖରୁ ଏକ ରମ୍ ବୋତଲ ମଧ୍ୟ ଉଦ୍ଧାର କରାଯାଇଛି। ରେଷ୍ଟୁରାଣ୍ଟ ମ୍ୟାନେଜମେଣ୍ଟ କହିଛି ଯେ ଅର୍ଟିଜ ଲକ୍ଷ ଲକ୍ଷ ଟଙ୍କାର ଖାଦ୍ୟ ଖାଇବା ସହ ୭୦ ବୋତନ ମଦ ପିଇଥିଲେ ।

ସିସିଟିଭି ଫୁଟେଜରୁ ଜଣାପଡିଛି ଯେ ଅଭିଯୁକ୍ତ ଜଣକ ୧୧ ଏପ୍ରିଲରେ ଏକ ଝରକା ଦେଇ ବନ୍ଦ ରେଷ୍ଟୁରାଣ୍ଟ ଭିତରକୁ ଯାଇଥିଲେ । ରେଷ୍ଟୁରଣ୍ଟ ଭିତରୁ ବାହାରିବା ବେଳେ ମଧ୍ୟ ସେ ଖାଇବା ଓ ମଦ ନେଇ ବାହାରକୁ ଆସିଥିଲେ ।

ଅନ୍ୟ ଦେଶମାନଙ୍କ ପରି ଆମେରିକାରେ ମଧ୍ୟ ଲକଡାଉନ୍ କରାଯାଇଛି । ଅଫିସ୍ ବନ୍ଦ ରହିଥିବାବେଳେ ଲୋକଙ୍କୁ ନିଜ ଘରେ ରହିବାକୁ କୁହାଯାଉଛି। ଆମେରିକାରେ କରୋନା ଜୀବାଣୁ ଯୋଗୁଁ ବହୁ ସଂଖ୍ୟକ ଲୋକ ମଧ୍ୟ ବେକାର ହୋଇ ଯାଇଛନ୍ତି। ମାସକର ଖର୍ଚ୍ଚ ଚଳାଇବାରେ ମଧ୍ୟ ସେମାନେ ଅସୁବିଧାର ସମ୍ମୁଖୀନ ହେଉଛନ୍ତି । ଅନେକ ସହରରେ ଲକଡାଉନ କରିବା ବିରୋଧରେ ମଧ୍ୟ ପ୍ରଦର୍ଶନ କରାଯାଇଛି।

ନୂଆଦିଲ୍ଲୀ: କରୋନାଭାଇରସ୍ ସଙ୍କଟ ମଧ୍ୟରେ ଲୋକମାନେ ସମ୍ମୁଖୀନ ହେଉଥିବା ସମସ୍ୟାକୁ ହ୍ରାସ କରିବାକୁ ଏପ୍ରିଲ୍ ୨୦ (ସୋମବାର) ରୁ ଭାରତ ସରକାର କିଛି ସେବା ଏବଂ କାର୍ଯ୍ୟକୁ ଅନୁମତି ଦେବାକୁ ନିଷ୍ପତ୍ତି ନେଇଛନ୍ତି। ଏହି ସେବା ଏବଂ କାର୍ଯ୍ୟକଳାପଗୁଡିକ ଅଣ କୋଭିଡ୍ -୧୯ କ୍ଷେତ୍ର କିମ୍ବା କରୋନା ଦ୍ୱାରା କମ୍ ପ୍ରଭାବିତ ଅଞ୍ଚଳରେ କାର୍ଯ୍ୟକ୍ଷମ ହେବ । ସରକାର ଏହି ସେବା ଏବଂ କାର୍ଯ୍ୟକଳାପ ସହ ଜଡିତ ଏକ ନୂତନ ତାଲିକା ପ୍ରକାଶ କରିଛନ୍ତି। ଅନ୍ୟପଟେ କରୋନା ସଂକ୍ରମିତ ଅଞ୍ଚଳରେ ଏଭଳି କାର୍ଯ୍ୟକଳାପକୁ ଅନୁମତି ଦିଆଯିବ ନାହିଁ। ଗୃହ ମନ୍ତ୍ରଣାଳୟ ରବିବାର ଦିନ ନିର୍ଦ୍ଦେଶାବଳୀ ପରିବର୍ତ୍ତନ କରି ଏହା ସ୍ପଷ୍ଟ କରିଛନ୍ତି ଯେ ଲକଡାଉନ୍ ସମୟରେ ଇ-କମର୍ସ କମ୍ପାନୀଗୁଡିକ ଅତ୍ୟାବଶ୍ୟକ ସାମଗ୍ରୀ ବ୍ୟତୀତ ଅନ୍ୟ ସାମଗ୍ରୀ ଯୋଗାଇ ପାରିବେ ନାହିଁ ।

ଆୟୁଷ, କୃଷି ଏବଂ ଉଦ୍ୟାନ କୃଷି କାର୍ଯ୍ୟକଳାପ, ମତ୍ସ୍ୟଚାଷ (ସାମୁଦ୍ରିକ ତଥା ଆଭ୍ୟନ୍ତରୀଣ), ବୃକ୍ଷରୋପଣ କାର୍ଯ୍ୟ (ଚା, କଫି ଏବଂ ରବର ସର୍ବାଧିକ ୫୦ ପ୍ରତିଶତ ଶ୍ରମ) ଏବଂ ପଶୁପାଳନ ସମେତ ସ୍ୱାସ୍ଥ୍ୟ ସେବା କେନ୍ଦ୍ର ସରକାରଙ୍କ ଛାଡ ତାଲିକାରେ ଅନ୍ତର୍ଭୁକ୍ତ। ଏହା ସହିତ ଚା, କଫି ଏବଂ ରବର ବୃକ୍ଷରେ ସର୍ବାଧିକ ୫୦ ପ୍ରତିଶତ ଶ୍ରମିକଙ୍କ ସହିତ କାର୍ଯ୍ୟ କରାଯାଇପାରିବ ବୋଲି ଗୃହ ମନ୍ତ୍ରାଳୟ ସୂଚନା ଦେଇଛି ।

ମନରେଗା ଅଧୀନରେ କାମ ଅନୁମତି ଦିଆଯିବ, କିନ୍ତୁ ସାମାଜିକ ଦୂରତା ନିୟମ ମାନିବାକୁ ପଡିବ ଏବଂ ମାସ୍କ ପିନ୍ଧିବାକୁ ପଡିବ । ବିଦ୍ୟୁତ୍, ଜଳ ଏବଂ ଗ୍ୟାସ୍ ପରି ଜନସାଧାରଣ ଉପଯୋଗୀ ସାମଗ୍ରୀ କାର୍ଯ୍ୟ ଜାରି ରଖିବ । ରାଜ୍ୟ ଏବଂ ରାଜ୍ୟ ମଧ୍ୟରେ ମାଲ ପରିବହନ ଅନୁମତି ଦିଆଯିବ । ନିର୍ମାଣ କ୍ଷେତ୍ରର କାର୍ଯ୍ୟ ଆରମ୍ଭ କରିବାକୁ ଅନୁମତି ଦିଆଯିବ । ଏପ୍ରିଲ ୨୦ରୁ କେନ୍ଦ୍ର ଏବଂ ରାଜ୍ୟ ସରକାରଙ୍କ କାର୍ଯ୍ୟାଳୟ ମଧ୍ୟ ଖୋଲିବ ବୋଲି ସୂଚନା ଦେଇଛନ୍ତି ଗୃହ ମନ୍ତ୍ରାଳୟ ।