ନୂଆଦିଲ୍ଲୀ: ବିଶ୍ୱରେ ବଢିବାରେ ଲାଗିଛି କରୋନା ସଙ୍କଟ । ଦେଶ ଦେଶ  ପରସ୍ପରକୁ ସହାୟତାର ହାତ ବଢାଉଛନ୍ତି । ଏହା ଭିତରେ ଭାରତ ଅଧିକ ପ୍ରଭାବିତ ଦେଶମାନଙ୍କୁ ସମସ୍ତ ସମ୍ଭାବ୍ୟ ସହାୟତା କରୁଛି । ଆମେରିକା ପରେ ବ୍ରାଜିଲ ମଧ୍ୟ ଏହି ସାହାଯ୍ୟ ପାଇଁ ଭାରତକୁ ଧନ୍ୟବାଦ ଦେଇଛି । ବ୍ରାଜିଲର ରାଷ୍ଟ୍ରପତି ଜେର ବୋଲସନାରୋ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖିଛନ୍ତି, ଯେଉଁଥିରେ ଏହି ସହାୟତାକୁ ସେ ହନୁମାନ ଆଣିଥିବା ସଞ୍ଜୀବନୀ ବୁଟି ସହ ତୁଳନା କରିଛନ୍ତି ।

ଏପ୍ରିଲ ୭ରେ ବ୍ରାଜିଲ ରାଷ୍ଟ୍ରପତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କରୋନା ଭୁତାଣୁ ପ୍ରସଙ୍ଗରେ ଏକ ଚିଠି ଲେଖିଛନ୍ତି ଯେଉଁଥିରେ ସେ ଭାରତ-ବ୍ରାଜିଲ ବନ୍ଧୁତା ବିଷୟରେ କହିଛନ୍ତି । ବ୍ରାଜିଲର ରାଷ୍ଟ୍ରପତି କହିଛନ୍ତି ଯେ, ଏହି ସଙ୍କଟ ସମୟରେ ଭାରତ ବ୍ରାଜିଲକୁ ସେହିପରି ସାହାଯ୍ୟ କରିଛି, ଯେମିତି ଶ୍ରୀରାମଙ୍କ ଭାଇ ଲକ୍ଷ୍ମଣଙ୍କ ଜୀବନ ବଞ୍ଚାଇବା ପାଇଁ ହନୁମାନ ସଞ୍ଜୀବନୀ ଆଣି ଦେଇଥିଲେ ଠିକ୍ ସେମିତି ବ୍ରାଜିଲର ଏହି ବିପଦ ସମୟରେ ମୋଦି କରିଛନ୍ତି ।

ସୂଚନା ଅନୁଯାଇ, ବ୍ରାଜିଲର ଏହି ପ୍ରଶଂସାର କାରଣ ହେଉଛି ଭାରତ ଦ୍ୱାରା ଦିଆଯାଇଥିବା ହାଇଡ୍ରୋକ୍ସିକ୍ଲୋରୋକ୍ୱିନ ।  ମଙ୍ଗଳବାର ଦିନ ଭାରତ କହିଥିଲା ଯେ, ଯେଉଁ ଦେଶରେ ଲୋକମାନେ ଅଧିକ କରୋନାରେ ଆକ୍ରାନ୍ତ ହେଉଛନ୍ତି ଏବଂ ଯେଉଁ ଦେଶ ଗୁଡ଼ିକ ଏହି ଔଷଧ ଅଧିକ ଦରକାର କରୁଛନ୍ତି ସେହି ଦେଶମାନଙ୍କୁ ନିଶ୍ଚିନ୍ତ ଔଷଧ ଦିଆଯିବ ।

ବ୍ରାଜିଲର ରାଷ୍ଟ୍ରପତି ତାଙ୍କ ଚିଠିରେ ଲେଖିଛନ୍ତି ଯେ, ତାଙ୍କ ଦେଶରେ ଦୁଇଟି ଲ୍ୟାବ ଅଛି ଯିଏ କି କରୋନା ଟିକା ପ୍ରସ୍ତୁତ କରୁଛି, କିନ୍ତୁ ସେମାନଙ୍କର ଯୋଗାଣ ସମ୍ପୂର୍ଣ୍ଣ ଭାରତ ଉପରେ ନିର୍ଭର କରୁଛି, ତେଣୁ ସହାୟତା ପାଇଁ ଭାରତରୁ ଆଶା ରହିଛି ।

ଏହି ପ୍ରସଙ୍ଗରେ ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମନ୍ତବ୍ୟ ସାମ୍ନାକୁ ଆସିଥିଲା । ଯେଉଁଠାରେ ସେ ହାଇଡ୍ରୋକ୍ସିକ୍ଲୋରୋକ୍ୱିନ୍ ଯୋଗାଣ ପାଇଁ ଭାରତର ଅନୁମୋଦନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଥିଲେ । ସେ କହିଛନ୍ତି ଯେ ପିଏମ ମୋଦୀ ବହୁତ ଭଲ, ସେ ବହୁତ ଭଲ କାମ କରୁଛନ୍ତି।

ଭରୋଦରା: ଜଣେ ପୋଲିସ କର୍ମଚାରୀ ନିଜ କର୍ତ୍ତବ୍ୟନିଷ୍ଠର ଉଦାହରଣ ଦେଖାଇଛନ୍ତି | ଗୋଟେପଟେ ପତ୍ନୀ ପ୍ରସବ ପାଇଁ ୩ ଦିନ ଧରି ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ଅନ୍ୟପଟେ ପୋଲିସ କର୍ମଚାରୀ ଜଣଙ୍କ ଏହି ଘଡିସନ୍ଧି ମୁହୂର୍ତ୍ତରେ ଡ୍ୟୁଟିରେ ନିଜର କର୍ତ୍ତବ୍ୟ କରୁଥିବା ଦେଖିବାକୁ ମିଳିଛି ।
ସେ କହିଛନ୍ତି ଯେ, ମୋ ଘରକୁ ଲକ୍ଷ୍ମୀ ଆସିଛନ୍ତି। ସ୍ତ୍ରୀ ହସ୍ପିଟାଲରେ ପ୍ରସବ ପୀଡ଼ା ରେ ଥିବା ବେଳେ ପ୍ରଥମେ ଦେଶ ସେବା ବୋଲି କର୍ମଚାରୀ ଜଣଙ୍କ କହିଛନ୍ତି। ଦେଶକୁ ମୋର ଆବଶ୍ୟକତା ରହିଛି। ଏହି ସମୟରେ ପରିବାର ଅପେକ୍ଷା ମୋର କର୍ତ୍ତବ୍ୟ ସବୁଠୁ ଅଧିକ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି।

ଗୋରୱା ପୋଲିସ ଷ୍ଟେସନରେ କାର୍ଯ୍ୟରତ ପୋଲିସ ହିତେଶ ଭେଲାସିଭାଇ ମେଟାଲିଆଙ୍କ ପତ୍ନୀ ଜୋଶନା ବେନଙ୍କୁ ଗତ ୩ ଦିନ ଧରି ସୁରେନ୍ଦ୍ରନଗର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ମଙ୍ଗଳବାର ଦିନ ସେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି।
ହିତେଶ ଦ୍ୟୁଟିରେ ନିଯୋଗ ଥିବାରୁ ସେ ତାଙ୍କ ପତ୍ନୀଙ୍କ ନିକଟକୁ ଯାଇପାରିନଥିଲେ। ଯେତେବେଳେ ଶିଶୁ କନ୍ୟାଟି ଜନ୍ମ ହେଲା, ସେ ମୋବାଇଲରେ ଝିଅର ଚିତ୍ର ଦେଖିଥିଲେ।

ହିତେଶ ଭୋଇ ମେଟାଲିଆ କହିଛନ୍ତି ଯେ, ଲକ୍ଷ୍ମୀ ଆମ ଘରକୁ ଆସିଛନ୍ତି। ମୁଁ ବହୁତ ଖୁସି କିନ୍ତୁ ବର୍ତ୍ତମାନ ଦେଶ ମୋତେ ଆବଶ୍ୟକ କରୁଛି। ପରିସ୍ଥିତି ଏପରି ଯେ ଏହି ସମୟରେ ମୋ କର୍ତ୍ତବ୍ୟ ମୋ ପାଇଁ ସବୁଠୁ ଜରୁରୀ। ସେଥିପାଇଁ ମୁଁ ମୋର କର୍ତ୍ତବ୍ୟ ପାଳନ କରୁଛି।

ସମଗ୍ର ବିଶ୍ୱ କରୋନା ସଙ୍କଟ ସହ ମୁକାବିଲା କରୁଛି। ଏହି ମହାମାରୀ ଯୋଗୁଁ ଅସଂଖ୍ୟ ଲୋକେ ପ୍ରଭାବିତ ହୋଇଛନ୍ତି । ଏଥି ସହିତ ଅନେକ ଲୋକଙ୍କର ମୃତ୍ୟୁ ହୋଇଛି । ବିକଶିତ ଦେଶ ଗୁଡିକ ମଧ୍ୟ ଏହି ଭାଇରସର ଶିକାର ହୋଇଛନ୍ତି। ଭାରତରେ ଏହି ଭୂତାଣୁ କାୟା ବିସ୍ତାର କରୁଛି । ତେବେ ଏଭଳି ପରିସ୍ଥିତିରେ ଭାରତ ଏକ ବଡ଼ ସଫଳତା ହାସଲ କରିଛି। HLL ଲାଇଫ୍ କେୟାର ଲିମିଟେଡ୍ କରୋନାଭାଇରସ୍ ପାଇଁ ଏକ ଆଣ୍ଟିବଡି କିଟ୍ ପ୍ରସ୍ତୁତ କରିଛି ଯାହା କରୋନା ଭୂତାଣୁ ସହ ଲଢିବାରେ ସାହାଯ୍ୟ କରିବ ।

ଏହି କିଟ୍ କୁ NIV ତରଫରୁ ମଧ୍ୟ ଗ୍ରୀନ ସିଗନାଲ ମିଳିଛି । ଗଣମାଧ୍ୟମ ଅନୁଯାୟୀ ଏହି କିଟ୍ ବ୍ୟବହାର କରିବାକୁ ଅନୁମତି ମଧ୍ୟ ଦିଆଯାଇଛି। ଏହି କିଟ୍ ସାହାଯ୍ୟରେ ରୋଗୀର ସେରମ୍, ପ୍ଲାଜମା ଏବଂ ରକ୍ତକୁ ନେଇ ଆଣ୍ଟିବଡି ଜାଞ୍ଚ କରାଯିବ। HLL ଲାଇଫ୍ କେୟାର ଲିମିଟେଡ୍ କେନ୍ଦ୍ରୀୟ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ଅଧୀନରେ କାର୍ଯ୍ୟ କରେ ।

ଆଣ୍ଟିବଡି ରକ୍ତ ପରୀକ୍ଷା କିଟରେ ସାଧାରଣତଃ ରୋଗୀର ବ୍ଲଡ ସାମ୍ପଲ ନିଆଯାଏ । ଏହି ଟେଷ୍ଟରେ ରୋଗୀର ରକ୍ତ ପରୀକ୍ଷାର ଫଳାଫଳ ୧୫ ରୁ ୨୦ ମିନିଟ ମଧ୍ୟରେ ଆସେ । ଏହା ମାଧ୍ୟମରେ ଜଣା ପଡିବ ଯେ, କରୋନା ଭୂତାଣୁ ସହିତ ଲଢିବା ପାଇଁ ସନ୍ଦିଗ୍ଧଙ୍କ ରକ୍ତରେ ଆଣ୍ଟିବଡି କାମ କରୁଛି ନା ନାହିଁ । ଯେଉଁ ଲୋକଙ୍କର କରୋନା ଭାଇରସ ଲକ୍ଷଣ ଆରମ୍ଭ ହୋଇଥାଏ ଏହି ଟେଷ୍ଟ ସେମାନଙ୍କ ପାଇଁ ଅତ୍ୟନ୍ତ ସହାୟକ ହେବ । ଅବଶ୍ୟ, ରାପିଡ୍ ଆଣ୍ଟିବଡି ବ୍ଲଡ୍ ଟେଷ୍ଟ କିଟ୍ ଦ୍ୱାରା କରୋନା ଭାଇରସ୍ ସଂକ୍ରମିତ ହୋଇଛି ନା ନାହିଁ ତାହା ଜଣା ପଡିବ ନାହିଁ । କିନ୍ତୁ ଏହି ଟେଷ୍ଟ ସାହାଯ୍ୟରେ କେଉଁ ଅଞ୍ଚଳରେ କରୋନା ମାମଲା ଅଧିକ ଗତି କରୁଛି ତାହା ଜଣାପଡିବ ।

ଯଦି ରୋଗୀରର ରାପିଡ ଆଣ୍ଟିବଡି ରକ୍ତ ପରୀକ୍ଷା ନେଗେଟିଭ ଆସେ , ତାହେଲେ ଏହାକୁ RT-PCR ଟେଷ୍ଟ କରାଯାଏ  ।  ଯଦି RT-PCR ର ଫଳାଫଳ ପଜିଟିଭ ଆସେ ତାହେଲେ ପ୍ରୋଟୋକଲ୍ ଅନୁସାରେ ରୋଗୀକୁ ଆଇସୋଲେଶନରେ ରଖି ଚିକିତ୍ସା କରାଯାଏ । ଏହା ସହ ସେମାନଙ୍କ ସନ୍ସପର୍ଶରେ ଆସିଥିବା ସମସ୍ତ ଲୋକଙ୍କୁ ଖୋଜାଯାଏ ।