ହିନ୍ଦୋଳ: ହିନ୍ଦୋଳ ଫରେଷ୍ଟ ରେଞ୍ଜରେ ହାତୀ ଆତଙ୍କ । ହାତୀ ଆକ୍ରମଣରେ ଜଣେ ମୃତ । ମୃତକ ଚାମୁଚକଡ଼ା ଗାଁର ଦୁର୍ଯ୍ୟୋଧନ ନାଏକ । ଯୁବକ ଜଣକ ବାଇକରେ ମହିଧରପୁର ଗାଁକୁ ଯାଉଥିବାବେଳେ ଦନ୍ତା ଆକ୍ରମଣର ଶିକାର ହୋଇଥିଲେ ।
ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ଗତ ୨ ତାରିଖରେ ହାତୀ ଆକ୍ରମଣରେ ଖରିଡାଳି ଗାଁର ଦମୃୟନ୍ତୀ ବିଶ୍ୱାଳଙ୍କ ମୃତ୍ୟୁ ହୋଇଛି । କାଜୁ ମଞ୍ଜି ଗୋଟାଇବାକୁ ଯାଇଥିବାବେଳେ ମହିଳା ଜଣକ ହାତୀ ଆକ୍ରମଣର ଶିକାର ହୋଇଥିଲେ । ଗତ ଦୁଇ ସପ୍ତାହରେ ହିନ୍ଦୋଳ ଫରେଷ୍ଟ ରେଞ୍ଜ ଅଞ୍ଚଳରେ ହାତୀ ଆକ୍ରମଣରେ ଦୁଇ ଜଣଙ୍କ ମୃତ୍ୟୁ ହୋଇଥିବାରୁ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।
ବାଲେଶ୍ୱର: ୨ ଦିନ ପାଇଁ ବାଲେଶ୍ୱର ଖଇରା ପଞ୍ଚାୟତ ସଟ୍ଡାଉନ୍ କଲେ ସରପଞ୍ଚ । ଆଜି ସକାଳ ୬ଟାରୁ ୧୪ ତାରିଖ ସକାଳ ୬ଟା ପର୍ଯ୍ୟନ୍ତ ୨ଦିନ ପାଇଁ ସଟ୍ଡାଉନ୍ ଘୋଷଣା କରିଛନ୍ତି ଖଇରା ସରପଞ୍ଚ ସୁଦର୍ଶନ ସେଠୀ ।
ସୁରତ, ତାମିଲନାଡୁ, ମହାରାଷ୍ଟ୍ର ଓ ବେଙ୍ଗଳୁରୁରୁ ପ୍ରବାସୀ ଓଡ଼ିଆ ଶ୍ରମିକ ଆସୁଛନ୍ତି। ସେମାନଙ୍କ ସଂସ୍ପର୍ଶରେ ଯେମିତି କେହି ନଆସିବେ, ସେଥିପାଇଁ ଖଇରା ଓ ଆଖପାଖ ଅଞ୍ଚଳକୁ ୪୮ ଘଣ୍ଟା ପାଇଁ ସଟ୍ଡାଉନ୍ କରାଯାଇଛି । ସଟ୍ଡାଉନ୍ ସମୟରେ କେବଳ ଔଷଧ ଦୋକାନ ଖୋଲା ରହିବ। ବାକି ଦୋକାନ ବଜାର ବନ୍ଦ ରହିବ ।
ପୁରୀ: ଆନ୍ଧ୍ରପ୍ରଦେଶରୁ ଜଳପଥ ଦେଇ ଆସିଲେ ମତ୍ସ୍ୟଜୀବୀ । ସ୍ୱତନ୍ତ୍ର ଡଙ୍ଗାରେ ଚନ୍ଦ୍ରଭାଗାରେ ପହଞ୍ଚିଲେ ୧୬ ମତ୍ସ୍ୟଜୀବୀ। ଆଜି ସକାଳ ୬ଟାରେ ଆନ୍ଧ୍ରପ୍ରଦେଶ ତୁନି ଅଞ୍ଚଳରୁ ୧୬ଜଣ ମତ୍ସ୍ୟଜୀବୀ ଏକ ଡଙ୍ଗାରେ ଆସି କୋଣାର୍କ ଉପକୂଳରେ ପହଞ୍ଚିଛନ୍ତି।
ଏହାପରେ ସମସ୍ତଙ୍କୁ ପ୍ରଶାସନ ପକ୍ଷରୁ ଏକ ସ୍ୱତନ୍ତ୍ର ଗାଡ଼ିରେ କୋଣାର୍କ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର କ୍ୱାରେଣ୍ଟାଇନ୍ ସେଣ୍ଟରରେ ଭର୍ତ୍ତି କରାଯାଇଛି। ଏମାନଙ୍କ ମଧ୍ୟରୁ ୧୧ଜଣ ଚନ୍ଦ୍ରଭାଗାର ହୋଇଥିବା ବେଳେ ୫ଜଣ ପୁରୀ ପେଣ୍ଠକଟାର।
ମତ୍ସ୍ୟଜୀବୀମାନେ ୨ମାସ ହେଲା ଲକ୍ଡାଉନ୍ରେ ଫସିରହିଥିଲେ। ନିଜ ଖର୍ଚ୍ଚରେ ଡଙ୍ଗା କିଣି ଗତ ରବିବାର ସମୁଦ୍ରରେ ଯାତ୍ରା ଆରମ୍ଭ କରିଥିଲେ। ୫ଶହ କିଲୋମିଟର ଯାତ୍ରା କରି ଆଜି ସକାଳେ ଚନ୍ଦ୍ରଭାଗାରେ ପହଞ୍ଚିଥିଲେ।
ଭୁବନେଶ୍ୱର: ଓଡିଶାରେ ବୃଦ୍ଧି ପାଉଛି କରୋନା ଆକ୍ରାନ୍ତଙ୍କ ସଂଖ୍ୟା । ରାଜ୍ୟରେ ଆଉ ୨୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିସହ ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୪୩୭କୁ ବୃଦ୍ଧି ପାଇଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପକ୍ଷରୁ ଏନେଇ ସୂଚନା ଦିଆଯାଇଛି। ୨୩ ସଂକ୍ରମିତଙ୍କ ମଧ୍ୟରୁ ବାଲେଶ୍ୱରରୁ ସର୍ବାଧିକ ୧୫ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିସହ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୫୦ ଟପିଛି। ମୋଟ୍ ଆକ୍ରାନ୍ତ ସଂଖ୍ୟା ୫୭ ରେ ପହଞ୍ଚିଛି। 
ସେପଟେ ଗଞ୍ଜାମ ଓ ଯାଜପୁରରୁ ୩ ଜଣ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି। ଗଞ୍ଜାମରେ ଆକ୍ରାନ୍ତ ସଂଖ୍ୟା ୧୫୭ରେ ପହଞ୍ଚିଥିବା ବେଳେ ଯାଜପୁରରେ ସଂକ୍ରମିତଙ୍କ ସଂଖ୍ୟା ୬୪ କୁ ବୃଦ୍ଧି ପାଇଛି। ସେପଟେ ପୁରୀ ଓ ବୌଦ୍ଧରୁ ଜଣେ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି। ପୁରୀରେ ଆକ୍ରାନ୍ତ ସଂଖ୍ୟା ୪ କୁ ଓ ବୌଦ୍ଧରେ ୫ କୁ ବୃଦ୍ଧି ପାଇଛି। ଏବେ ରାଜ୍ୟରେ ୩୪୯ ଆକ୍ଟିଭ କେସ ରହିଛି । ଅପରପକ୍ଷରେ ୮୫ ଜଣ ସୁସ୍ଥ ହୋଇଥିବାବେଳେ ରାଜ୍ୟରେ କରୋନା ସଂକ୍ରମଣରେ ୩ ଜଣଙ୍କର ମୃତ୍ୟୁ ହୋଇଛି ।
ନୂଆଦିଲ୍ଲୀ: କରୋନା ଭାଇରସ ସଙ୍କଟ ଆଉ ଦେଶରେ ଜାରି ହୋଇଥିବା ଲକଡାଉନ କାରଣରୁ ଅଟକି ଯାଇଥିବା ରେଳ ଚକ ପୁଣି ଥରେ ଗଡ଼ିବା ପାଇଁ ପ୍ରସ୍ତୁତ ହୋଇଛି । ମଙ୍ଗଳବାରରୁ ପୁଣିଥରେ ରେଳ ସେବା ଆରମ୍ଭ ହେବାକୁ ଯାଉଛି । ରେଳ ମନ୍ତ୍ରାଳୟ ତରଫରୁ ଦିଲ୍ଲୀରୁ ଆରମ୍ଭ ହେବାକୁ ଯାଉଥିବା ସମସ୍ତ ୧୫ ଟ୍ରେନ୍ ର ଟାଇମିଂ ଜାରି କରିଛନ୍ତି । ଏହି ଟ୍ରେନ୍ ଦେଶ ବିଭିନ୍ନ ୧୫ ସହରକୁ ଯିବ ଏବଂ ଯୋଡ଼ି ହିସାବରେ ଚାଲିବ । ସୋମବାର ସନ୍ଧ୍ୟା ୪ଟା ପରେ ଟ୍ରେନର ଟିକେଟ ବୁକିଂ ଆରମ୍ଭ ହୋଇଯାଇଛି ।
ନୂଆଦିଲ୍ଲୀରୁ ହାୱଡ଼ା
ରେଳବାଇ ଦ୍ୱାରା ଏକ ସଂଶୋଧିତ କାର୍ଯ୍ୟସୂଚୀ ପ୍ରକାଶ ପାଇଛି, ଯାହା ଅନୁଯାୟୀ ଦୈନିକ ଟ୍ରେନ୍ (02301) ଦିଲ୍ଲୀରୁ ପଶ୍ଚିମବଙ୍ଗ ହାୱଡା ପର୍ଯ୍ୟନ୍ତ ଚାଲିବ । ମେ ୧୨ ତାରିଖରେ ହାୱଡାରୁ ୫.୦୫ଟାରେ ଛାଡିବ, ତା ପରଦିନ ସକାଳ ୧୦ ଟାରେ ଦିଲ୍ଲୀରେ ପହଞ୍ଚିବ । ଏଥିସହିତ ଟ୍ରେନ୍ (02302) ନୂଆଦିଲ୍ଲୀରୁ ୪.୫୫ରେ ଛାଡି ପରଦିନ ସକାଳ ୯.୫୫ ରେ ହାୱାଡାରେ ପହଞ୍ଚିବ ।
ଏହି ମାର୍ଗରେ ଏହି ଟ୍ରେନ୍ ଟି ଆସାନସୋଲ ଜଙ୍କସନ, ଧନବାଡ ଜଙ୍କସନ, ଗୟା ଜଙ୍କସନ, ପଣ୍ଡିତ ଦିନ୍ ଦିୟାଲ ଉପାଧ୍ୟାୟ ଜଙ୍କସନ, ପ୍ରୟାଗ ଜଙ୍କସନ ଏବଂ କାନପୁର ସେଣ୍ଟ୍ରାଲ ଜଙ୍କସନରେ ରହିବ।
ଦିଲ୍ଲୀରୁ ରାଜେନ୍ଦ୍ର ନଗର
ଏହି ଟ୍ରେନ୍ (02309) ବିହାରର ରାଜେନ୍ଦ୍ର ନଗର ରେଳ ଷ୍ଟେସନରୁ ସନ୍ଧ୍ୟା ୭.୨୦ ରୁ ନୂଆଦିଲ୍ଲୀ ଅଭିମୁଖେ ଯାତ୍ରା କରିବ ଯାହା ପରଦିନ ସକାଳ ୭.୪୦ରେ ପହଞ୍ଚିବ ଏବଂ ନୂଆଦିଲ୍ଲୀରୁ ଟ୍ରେନ୍ (02310) ୧୩ ମଇ ସନ୍ଧ୍ୟାରେ ୫.୧୫ ରେ ଛାଡିବ ଯାହା ପରଦିନ ସକାଳ ହେବ । ରାଜେନ୍ଦ୍ର ନଗର ରେଳ ଷ୍ଟେସନ ସନ୍ଧ୍ୟା ୫.୩୦ରେ ପହଞ୍ଚିବ। ଏହି ଦୈନିକ ଚାଲୁଥିବା ଟ୍ରେନ୍ ପାଟନା ଜଙ୍କସନ, ପଣ୍ଡିତ ଦିନ୍ ଦିନଲ ଉପାଧ୍ୟାୟ ଜଙ୍କସନ, ପ୍ରୟାଗ ଜଙ୍କସନ ଏବଂ କାନପୁର ସେଣ୍ଟ୍ରାଲ ଜଙ୍କସନରେ ଅଟକି ରହିବ।
ବେଙ୍ଗାଲୁରୁରୁ ନୂଆଦିଲ୍ଲୀ
ବାଙ୍ଗାଲୋରରୁ ନୂଆଦିଲ୍ଲୀ (02691) ୧୨ ତାରିଖ ଦିନ ସକାଳ ୮.୩୦ରେ ଛାଡିବ, ଯାହା ସକାଳ ୫.୫୫ ରେ ଦିଲ୍ଲୀରେ ପହଞ୍ଚିବ । ଯେତେବେଳେ କି ନୂଆଦିଲ୍ଲୀରୁ ବାଙ୍ଗାଲୋର (02692) ୧୪ ତାରିଖ ସକାଳ ୯.୧୫ ରେ ଛାଡି ସକାଳ ୬.୪୦ ରେ ବେଙ୍ଗାଲୁରୁରେ ପହଞ୍ଚିବ । ଏହି ମାର୍ଗରେ ଅନନ୍ତପୁର, ଗୁଣ୍ଟାକଲ, ସେକୁଣ୍ଡରାବାଦ, ନାଗପୁର, ଭୋପାଳ ଏବଂ ଝାନସିରେ ରହିବ।
ନୂଆଦିଲ୍ଲୀରୁ ତିରୁବନନ୍ତପୁରମ୍
ନୂଆଦିଲ୍ଲୀରୁ ତିରୁବନନ୍ତପୁରମ୍ ଟ୍ରେନ୍ (02432) ସକାଳ ୧୧.୨୫ରେ ଛାଡି ପରଦିନ ସକାଳ ୫.୨୫ରେ ପହଞ୍ଚିବ । ଏହି ଟ୍ରେନ୍ ସପ୍ତାହରେ ୩ ଦିନ ମଙ୍ଗଳବାର, ବୁଧବାର ଏବଂ ରବିବାରରେ ଚାଲିବ | ୧୫ ମଇରେ ଥିରୁବନନ୍ତପୁରମ୍ ରୁ ଟ୍ରେନ୍ (02431, ମଙ୍ଗଳବାର, ଗୁରୁବାର, ଶୁକ୍ରବାର) ସନ୍ଧ୍ୟା ୭.୪୫ ରେ ନୂଆଦିଲ୍ଲୀ ଅଭିମୁଖେ ଯାତ୍ରା କରିବ | ଏହି ମାର୍ଗରେ, ଏର୍ନାକୁଲମ୍, କୋଜିକୋଡେ, ମାଙ୍ଗାଲୁରୁ, ମ୍ୟାଡଗାଓନ୍, ପନଭେଲ୍, ଭରୋଦା ଏବଂ କୋଟା ଷ୍ଟପେଜ୍ ସେଠାରେ ରହିବ ।
ଚେନ୍ନାଇ ସେଣ୍ଟ୍ରାଲକୁ ନୂଆଦିଲ୍ଲୀ
ନୂଆଦିଲ୍ଲୀରୁ ଚେନ୍ନାଇ ସେଣ୍ଟ୍ରାଲ୍ (ବୁଧବାର, ଶୁକ୍ରବାର) କୁ ସ୍ୱତନ୍ତ୍ର ଟ୍ରେନ୍ (02434) ୧୩ ମଇ ଅପରାହ୍ନ ୪ ଟାରେ ଛାଡିବ । ଏହି ଟ୍ରେନ୍ ଚେନ୍ନାଇ ସେଣ୍ଟ୍ରାଲରୁ ନୂଆଦିଲ୍ଲୀ (ଶୁକ୍ରବାର, ରବିବାର)କୁ ୧୫ ମଇ ସକାଳ ୬.୩୫ରେ ଛାଡିବ । ଏହି ମାର୍ଗରେ ବିଜୟୱାଡା, ୱାରଙ୍ଗାଲ, ନାଗପୁର, ଭୋପାଳ, ଜାନସୀ ଏବଂ ଆଗ୍ରା ଠାରେ ଅଟକି ରହିବ ।
ନୂଆଦିଲ୍ଲୀରୁ ଭୁବନେଶ୍ୱର
ଭୁବନେଶ୍ୱରରୁ ନୂଆଦିଲ୍ଲୀ ମଧ୍ୟରେ ମେ ୧୩ରୁ ଟ୍ରେନ୍ ସେବା ଆରମ୍ଭ ହେବ । ଭୁବନେଶ୍ୱରରୁ ସ୍ୱତନ୍ତ୍ର ଟ୍ରେନ୍ (02823) ସକାଳ୧୦ ଟାରେ ଛାଡିଥିବାବେଳେ ଟ୍ରେନ୍ (02824) ସନ୍ଧ୍ୟା ୫.୦୫ରେ ନୂଆଦିଲ୍ଲୀରୁ ଭୁବନେଶ୍ୱର ଅଭିମୁଖେ ଯାତ୍ରା କରିବ । ଏହି ମାର୍ଗରେ ବାଲାସୋର, ହିଜଲି (ଖରାଗପୁର), ଟାଟାନଗର, ବୋକାରୋ ଷ୍ଟିଲ ସିଟି, ଗୟା, ପଣ୍ଡିତ ଦେନ୍ ଦିନିକିଆ ଜଙ୍କସନ ଏବଂ କାନପୁର ସେଣ୍ଟ୍ରାଲରେ ଅଟକି ରହିବ ।
୫୧ ଦିନ ପରେ ଆଜିଠୁ ପୁଣି ଟ୍ରାକ୍ରେ ଦୌଡିବ ରେଳ । ଦେଶରେ ଚାଲିବ ୧୫ ଯୋଡା ଯାତ୍ରୀବାହୀ ଟ୍ରେନ୍ । ଭୁବନେଶ୍ୱର-ଦିଲ୍ଲୀ ମଧ୍ୟରେ ଯାତ୍ରୀ ପାଇବେ ସେବା । ସେପଟେ ମାତ୍ର ଅଧଘଣ୍ଟାରେ କାଲି ସରିଗଲା ଅନଲାଇନ ଟିକେଟ ।
ମେ ୧୨, ୨୦୨୦ ମସିହା, ମେଷ ୩୦ ଦିନ
୧୯୪୨ ଶକାଦ୍ଦଃ, ୧୪୨୭ ସାଲ୍, ୨୦୭୭ ସମ୍ବତ୍
ଜ୍ୟେଷ୍ଠ ମାସ, କୃଷ୍ଣପକ୍ଷ, ପଞ୍ଚମୀ ତିଥି, ମଙ୍ଗଳବାର
ଉତ୍ତରାଷାଢା ନକ୍ଷତ୍ର, ଧନୁ ରାଶିରେ ଚନ୍ଦ୍ର ରହିବେ
ଯୋଗିନୀ ରହିବେ ଦକ୍ଷିଣରେ ସକାଳ ୫ଟା ୫୬ ମିନିଟ୍ ପର୍ଯ୍ୟନ୍ତ
ସକାଳ ୫ଟା ୫୬ ପରେ ପଶ୍ଚିମକୁ ଯାତ୍ରା ନିଷେଧ
ଘାତଚନ୍ଦ୍ର- ତୁଳା,କୁମ୍ଭ ପୁରୁଷ, ବୃଷ, ମିଥୁନ ରାଶିର ମହିଳା
ଘାତବାର- ମକର ରାଶିର
ଶୁଭ ସମୟ- ଦିନ ୧୧ ଟା ୪୩ ରୁ ଦିନ ୧ଟା ୨୦
ଅଶୁଭ ସମୟ- ଦିନ ୨ ଟା ୫୮ ରୁ ଦିନ ୪ ଟା ୩୫ ମିନିଟ୍
ମେଷରାଶି
ଅଶ୍ୱିନୀ ନକ୍ଷତ୍ର- ଖର୍ଚ୍ଚ ବଢିବା ସହ ଅଶାନ୍ତି ବଢିବ
ଦ୍ୱିଜା ନକ୍ଷତ୍ର- ଘରର ସମସ୍ୟାକୁ ନେଇ ଚିନ୍ତାରେ ରହିବେ
କୃତ୍ତିକାନକ୍ଷତ୍ର- ଭାଗ୍ୟ ସହଯୋଗରୁ କାମରେ ଉନ୍ନତି ହେବ
ପ୍ରତିକାର- ଓଁ ଦୁର୍ଗାୟ ନମଃ ମନ୍ତ୍ର ପାଠ କରନ୍ତୁ
ବୃଷରାଶି
କୃତ୍ତିକା ନକ୍ଷତ୍ର- ଅଯଥା କଥାରେ ମୁଣ୍ଡ ପୁରାନ୍ତୁ ନାହିଁ
ରୋହିଣୀ ନକ୍ଷତ୍ର- ବ୍ୟାଙ୍କ ସଂପର୍ତକିତ କାମରେ ସମସ୍ୟା ଦେଖାଦେବ
ମଗଶିରା- ଗୁପ୍ତ ଶତୃଙ୍କ ଦ୍ଵାରା ପ୍ରତିଟି କାମରେ ବାଧା ରହିବ
ପ୍ରତିକାର- ଓଁ ଗଣେଶାୟ ନମଃ ପାଠ କରନ୍ତୁ
ମିଥୁନ ରାଶି
ମୃଗଶିରା ନକ୍ଷତ୍ର- କିଛି ଖୁସି ଖବର ପାଇପାରନ୍ତି
ଆର୍ଦ୍ରା ନକ୍ଷତ୍ର- ବୟସ୍କ ବ୍ୟକ୍ତିଙ୍କ ଠାରୁ ସାହାଯ୍ୟ ପାଇପାରନ୍ତି
ପୁନର୍ବସୁ ନକ୍ଷତ୍ର- ଲୋକସଂପର୍କ ଯୋଗୁ ଫାଇଦାରେ ରହିବେ
ପ୍ରତିକାର- ଓଁ ଆଦିତ୍ୟାୟ ନମଃ ପାଠ କରନ୍ତୁ
କର୍କଟ ରାଶି
ପୁନର୍ବସୁ ନକ୍ଷତ୍ର- କାର୍ଯ୍ୟକୁ ନେଇ ଚିନ୍ତା ବଢିବ
ପୁଷ୍ୟ। ନକ୍ଷତ୍ର- ନିଜ ଲୋକମାନେ ଶତୃଭଳି ଆଚରଣ କରିବେ
ଅଶ୍ଲେଷା ନକ୍ଷତ୍ର- ଅନ୍ୟମାନଙ୍କର ଭଲ କରିଲେ ବି ନିନ୍ଦା ମଳିବ
ପ୍ରତିକାର- ଗାୟତ୍ରୀ ମନ୍ତ୍ର ୯ ଥର ପାଠ କରନ୍ତୁ
ସିଂହ ରାଶି
ମଘାନକ୍ଷତ୍ର- ନିଜ ପିଲାଙ୍କ ପାଇଁ କିଛି ଅଧିକ ସମୟ ଦିଅନ୍ତୁ
ପୂର୍ବା ଫାଲଗୁନୀ ନକ୍ଷତ୍ର- ସୁଖ ପ୍ରାପ୍ତିର ଯୋଗ ରହିଛି
ଉତ୍ତରା ଫାଲଗୁନୀ ନକ୍ଷତ୍ର- ନୂଆ କାର୍ଯ୍ୟର ଯୋଜନା ପ୍ରସ୍ତୁତ କରିବେ
ପ୍ରତିକାର- ହନୁମାନ ଚାଳିଶା ପାଠ କରନ୍ତୁ
କନ୍ୟା ରାଶି
ଉତ୍ତରା ଫାଲଗୁନୀ ନକ୍ଷତ୍ର- କର୍ମକୁ ନେଇ ଅଶାନ୍ତି ଭୋଗ କରିବେ
ହସ୍ତା ନକ୍ଷତ୍ର- ମନରେ ଉତ୍ସାହ ଯୋଗୁଁ କାମ ସବୁ ସହଜରେ ଆଗେଇ ଯିବ
ଚିତ୍ରା ନକ୍ଷତ୍ର- ଅର୍ଥ ସମସ୍ୟାକୁ ମନକୁ ଭାରାକ୍ରାନ୍ତ କରିବ
ପ୍ରତିକାର- ବଜରଙ୍ଗ ବାଣ ପାଠ କରନ୍ତୁ
ତୁଳା ରାଶି
ଚିତ୍ରା ନକ୍ଷତ୍ର- କାମରେ ପ୍ରଶଂସା ପାଇବେ, ନିଷ୍ଠାର ସହ କାର୍ଯ୍ୟ କରିବେ
ସ୍ୱାତୀ ନକ୍ଷତ୍ର- ନୂଆ ଭାବନା ଆସିବ, ନୂଆ କାର୍ଯ୍ୟ କରିବେ
ବିଶାଖା ନକ୍ଷତ୍ର- ଅଯଥା କଥା ଓ କାମରେ ସମୟ ବରବାଦ ହେବ
ପ୍ରତିକାର- ମା’ସରସ୍ୱତୀ ଦ୍ଵାଦଶ ନାମାବଳୀ ପାଠ କରନ୍ତୁ
ବିଛା ରାଶି
ବିଶାଖା ନକ୍ଷତ୍ର- କଥାବାର୍ତ୍ତା ସମୟରେ ଧ୍ୟାନ ଦିଅନ୍ତୁ, ଭୁଲ ହୋଇପାରେ
ଅନୁରାଧା ନକ୍ଷତ୍ର- ଲୋକସଂପର୍କ ଉତ୍ତମ ରହିବ
ଜ୍ୟେଷ୍ଠା ନକ୍ଷତ୍ର- ଜ୍ୟୋତିଷ ଶାସ୍ତ୍ର ପ୍ରତି ଆଗ୍ରହ ବଢିବ
ପ୍ରତିକାର- ଦୁର୍ଗା କବଚ ପାଠ କରନ୍ତୁ
ଧନୁରାଶି
ମୂଳାନକ୍ଷତ୍ର- ଆବଶ୍ୟକୀୟ ଅନୁସାରେ କାର୍ଯ୍ୟ କରନ୍ତୁ
ପୂର୍ବାଷାଢା ନକ୍ଷତ୍ର- ବନ୍ଧୁମାନଙ୍କର ସହଯୋଗରେ ଆଗେଇଯିବେ
ଉତ୍ତରଷାଢା- କର୍ମକୁ ଗୁରୁତ୍ୱ ଦିଅନ୍ତୁ, ଫାଇଦାରେ ରହିବେ
ପ୍ରତିକାର- ଗୀତା ପାଠ କରନ୍ତୁ, ଶୁଭ ରହିବ
ମକର ରାଶି
ଉତ୍ତରାଷାଢା ନକ୍ଷତ୍ର- ବିନା କାରଣରେ ବିବାଦରେ ରହିବେ
ଶ୍ରବଣା ନକ୍ଷତ୍ର- ହଠାତ୍ ଖୁସିରେ ବାଧା ଆସିବ
ଧନିଷ୍ଠା ନକ୍ଷତ୍ର- ଧର୍ମ କାର୍ଯ୍ୟରେ ଅଧିକ ଖର୍ଚ୍ଚ ବଢିବ
ପ୍ରତିକାର- ଓଁ ଅଂ ଅଙ୍ଗାରକାୟ ମନ୍ତ୍ର ଜପ କରନ୍ତୁ
କୁମ୍ଭ ରାଶି
ଧନିଷ୍ଠା ନକ୍ଷତ୍ର- ଅଚାନକ ଧନ ଲାଭ ହେବାର ଯୋଗ
ଶତଭିଷା ନକ୍ଷତ୍ର- ମା’ଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା ବଢିବ
ପୂର୍ବାଭାଦ୍ରପଦ ନକ୍ଷତ୍ର- ପ୍ରେମ ସଂପର୍କ ଆହୁରି ଆଗେଇଯିବ
ପ୍ରତିକାର- ପୁରୁଷ ସୁକ୍ତ ପାଠ କରନ୍ତୁ
ମୀନ ରାଶି
ପୂର୍ବାଭାଦ୍ରପଦ ନକ୍ଷତ୍ର- କାର୍ଯ୍ୟକୁ ନେଇ ବ୍ୟସ୍ତ ରହିବେ
ଉତ୍ତରାଭାଦ୍ରପଦ ନକ୍ଷତ୍ର- ପୋଲିସ୍ ଚାକିରୀ କରୁଥିଲେ ପଦୋନ୍ନତି ରହିଛି
ରେବତୀ ନକ୍ଷତ୍ର- ନୂତନ କର୍ମ ପ୍ରାପ୍ତି , ବ୍ୟବସାୟରେ ଉନ୍ନତି ରହିବ
ପ୍ରତିକାର- ଓଁ ନମଃ ଶିବାୟ ମନ୍ତ୍ର ପାଠ କରନ୍ତୁ
ଜ୍ୟୋତିର୍ବିଦ୍ ପ୍ରଜ୍ଞା ତ୍ରିପାଠୀ
ଯୋଗାଯୋଗ- 8984684801
ନୂଆଦିଲ୍ଲୀ: ଦେଶରେ ସୁଧୁରୁଛି କରୋନା ସ୍ଥିତି । ପ୍ରତି ସପ୍ତାହରେ ବଢୁଛି ଆରୋଗ୍ୟ ହାର । ଆଜିସୁଦ୍ଧା ଆରୋଗ୍ୟ ହାର ୩୧ ଦଶମିକ ୧୫ ପ୍ରତିଶତ ରହିଛି । ୨୪ ଘଣ୍ଟା ଭିତରେ ସୁସ୍ଥ ହୋଇଛନ୍ତି ୬୯୪ ଜଣ । ମୋଟ୍ ସୁସ୍ଥଙ୍କ ସଂଖ୍ୟା ୨୧ ହଜାର ଟପିଛି । ୧୪ଟି ରାଜ୍ୟରେ କରୋନା ନିୟନ୍ତ୍ରଣରେ ରହିଛି । ତେବେ ଦେଶରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୬୯ ହଜାର ପାର କରିଛି । ପୁରା ଦେଶରେ ୨୪ ଘଣ୍ଟାରେ ମାତ୍ର ୪୧ ଜଣଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ବି ସ୍ଥିତିରେ ସୁଧାର ଆସିଛି । ଏଠି ସଂକ୍ରମିତଙ୍କ ସଂଖ୍ୟା ୨୨ ହଜାର ପାର କରିଛି ।
ଗତ ୨୪ ଘଣ୍ଟାରେ ସବୁଠାରୁ କମ୍ ପଜିଟିଭ୍ ମାମଲା ସାମ୍ନାକୁ ଆସିଛି । ଗୁଜୁରାତ ଓ ତାମିଲନାଡୁରେ ୮ ହଜାର ଟପିଛି ରୋଗୀଙ୍କ ସଂଖ୍ୟା । ଦିଲ୍ଲୀରେ କିନ୍ତୁ ୨୪ ଘଣ୍ଟାରେ ୩୧୦ ନୂଆ ମାମଲା ନଜରକୁ ଆସିଛି । ଏଠି ମୋଟ୍ ସଂକ୍ରମିତଙ୍କ ସଂଖ୍ୟା ୭ ହଜାର ପାର କରିଛି । ମଧ୍ୟପ୍ରଦେଶ, ଉତ୍ତରପ୍ରଦେଶ, ପଶ୍ଚିମବଙ୍ଗରେ ଗତକାଲି ଦେଢଶହରୁ କମ୍ ଆକନ୍ତ ଚିହ୍ନଟ ହୋଇଛନ୍ତି । ସେପଟେ ବିଶ୍ୱରେ ୪୨ ଲକ୍ଷ ପାର କରିଛି ପିଜିଟିଭ୍ଙ୍କ ସଂଖ୍ୟା । ମୃତ୍ୟୁ ସଂଖ୍ୟା ୨ ଲକ୍ଷ ୮୫ ହଜାର ପାର କରିଛି । ସୁସ୍ଥ ହୋଇଛନ୍ତି ୧୫ ଲକ୍ଷ ୧୦ ହଜାରରୁ ଉଦ୍ଧ୍ୱ ।
ନୂଆଦିଲ୍ଲୀ: ସାରା ବିଶ୍ୱକୁ ଏବେ କରୋନା ଭୟ ଘାରିଛି । ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢ଼ିବାରେ ଲାଗିଛି । ପ୍ରାୟ ସବୁ ରାଜ୍ୟରେ ଏବେ କରୋନା ଆକ୍ରାନ୍ତ ଚିହ୍ଟ ହୋଇସାରିଲେଣି । ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢ଼ୁଥିବା ସହ ମୃତ୍ୟୁ ସଂଖ୍ୟା ମଧ୍ୟ ବଢ଼ୁଛି । ହେଲେ ଏହାରି ମଧ୍ୟରେ କିଛି ଭଲ ଖବର ମଧ୍ୟ ସାମ୍ନାକୁ ଆସିଛି । ଦେଶରେ କରୋନା ଆକ୍ରନ୍ତ ସୁସ୍ଥ ହେବା ସଂଖ୍ୟା ମଧ୍ୟ ବଢ଼ୁଛି । ଏନେଇ ଆଜି କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରୱାଲ ସୂଚନା ଦେଇଛନ୍ତି ।
ବର୍ତ୍ତମାନ ଦେଶର ପୁନରୁଦ୍ଧାର ହାର ୩୧.୧୫ ପ୍ରତିଶତରେ ପହଞ୍ଚିଲାଣି । ଯାହା କି ଏକ ଭଲ ଖବର ବୋଲି କୁହାଯାଇପାରେ । ସେପଟେ ଦେଶରେ ଏବେ ମୋଟ ଆକ୍ରାନ୍ତଙ୍କ ସଂଖ୍ୟା ରହିଛି ୬୭,୧୫୨ । ମେ ପ୍ରଥମ ସପ୍ତାହ ରେ ପ୍ରତିଦିନ ୩ ହଜାର ସଂକ୍ରମଣ ରେକର୍ଡ ହେଉଥିବା ବେଳେ ଗତ ୨୪ ଘଣ୍ଚା ମଧ୍ୟରେ ୪୨୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ଦେଇଛନ୍ତି ଯୁଗ୍ମ ସଚିବ । ସୋମବାର ପ୍ରଥମ ଥର ପାଇଁ ଆକ୍ରାନ୍ତଙ୍କ ସଂଖ୍ୟା ୪ ହଜାର ଛୁଇଁଛି ।
National Institute of Virology, Pune has developed and validated indigenous IgG ELISA test #CovidKavachElisa for antibody detection for #COVID19: @MoHFW_INDIA
Details: https://t.co/um1MNxkrOZ pic.twitter.com/VJF4ATD97C
— PIB India (@PIB_India) May 11, 2020
ସପଟେ ଦେଶରେ ବର୍ତ୍ତମାନ ୯.୮କୋଟି ଲୋକ ଅରୋଗ୍ୟ ସେତୁ ଆପ୍ ଡାଉନ୍ଲୋଡ୍ କରିସାରିଥିବା ଜଣାପଡ଼ିଛି । ମଙ୍ଗଳବାରଠାରୁ ଏହା ଜିଓ ଫିଚର ସ୍ମାର୍ଟଫୋନରେ ଉପଲବ୍ଧ ହେବ । ବ୍ୟବହାରକାରୀଙ୍କ ଡାଟା ଗୋପନୀୟତା ଉପରେ ବହୁତ ଧ୍ୟାନ ଦିଆଯାଉଛି ବୋଲି କୋଭିଡ୍ ୧୯ ସଂକ୍ରମଣ ସଶକ୍ତୀକରଣ ଗ୍ରୁପ୍ ୯ର ଚେୟାରମ୍ୟାନ୍ ଅଜୟ ସାହନି ଏନେଇ ସୂଚନା ଦେଇଛନ୍ତି ।
#AarogyaSetu App will soon reach a user base of 10 crore; it has created a world record in being the fastest app to reach 5 crore users.
Privacy first – this has been the principle on which the app has been developed
– Chairman, Empowered Group 9
https://t.co/7ilhZmkSdR— PIB India (@PIB_India) May 11, 2020
ସେହିଭଳି କ୍ୱାରେଣ୍ଟାଇନ୍ ସେଣ୍ଟରରେ ଡିସ୍ଚାର୍ଜ କରିବା ନିୟମକୁ ମଧ୍ୟ ବଦଳାଯାଇଛି । ସଂଶୋଧିତ ନୀତି ଅନୁଯାୟୀ କୋଭିଡ୍ କେୟାର ସୁବିଧାରେ ଭର୍ତ୍ତି ହୋଇଥିବା ମୃଦୁ / ଅତି ମୃଦୁ / ପୂର୍ବ-ଲକ୍ଷଣାତ୍ମକ ମାମଲାରେ ୧୦ ଦିନ ପରେ ଡିସଚାର୍ଜ ହୋଇପାରିବେ । ଯଦି ସେମାନଙ୍କୁ ୩ ଦିନ ଜ୍ୱର ନଥାଏ ତେବେ ଡିସଚାର୍ଜ ପୂର୍ବରୁ ପରୀକ୍ଷା କରିବାର କୌଣସି ଆବଶ୍ୟକତା ନାହିଁ । ଡିସଚାର୍ଜ ପରେ ହୋମ୍ ଆଇସୋଲେସନ୍ରେ ରହିବାକୁ ପରାମର୍ଶ ଦିଆଯାଇଛି । ଏନେଇ ଯୁଗ୍ମ ସଚିବ ଳବ୍ ଅଗ୍ରଓ୍ୱାଲ ସୂଚନା ଦେଇଛନ୍ତି ।
— Corona Scanner (@CoronaScanner) May 11, 2020
ଭୁବନେଶ୍ୱର: ଶେଷ ହୋଇଗଲା ଟ୍ରେନ୍ ଟିକେଟ୍ । ମାତ୍ର ଘଣ୍ଟାକ ମଧ୍ୟରେ ଟ୍ରେନ୍ ଟିକଟ ବିକ୍ରି ଶେଷ ହୋଇଯାଇଛି । ଏକଥା ଆମେ କହୁନାହୁଁ କି କୌଣସି ମନଗଢ଼ା କାହାଣି ନୁହେଁ । ରେଳ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ମାତ୍ର ଘଣ୍ଟାକ ମଧ୍ୟରେ ଭୁବନେଶ୍ୱରରୁ ଦିଲ୍ଲୀ ଓ ଦିଲ୍ଲୀରୁ ଭୁବନେଶ୍ୱର ଗଡ଼ିବାକୁ ଥିବା ପ୍ରଥମ ଟ୍ରେନ୍ର ଟିକଟ ଶେଷ ହୋଇଯାଇଛି ।
Passenger services on Indian Railways shall be partially restored w.e.f. from 12th May 2020 in a graded manner. 15 pairs of special trains shall be operated to 15 cities. Only online E-Ticketing will be done through IRCTC website. See attached list.https://t.co/HSfscqd7GQ pic.twitter.com/fUjBiTndDj
— Ministry of Railways (@RailMinIndia) May 11, 2020
ଗୃହମନ୍ତ୍ରାଳୟର ଅନୁମତି ପରେ ଆସନ୍ତା କାଲିଠାରୁ ଦେଶରେ ରେଳ ଚଳାଚଳ ଆରମ୍ଭ ହେବାକୁ ଯାଉଛି । ହେଲେ ଭୁବନେଶ୍ୱରୁ ନୂଆଦିଲ୍ଲୀକୁ ୧୩ ତାରିଖରେ ପ୍ରଥମ ଟ୍ରେନ୍ ଗଡ଼ିବ ବୋଲି ସ୍ଥିର ହୋଇଛି । ଏହା ସହ ୧୪ ତାରିଖରେ ଦିଲ୍ଲୀରୁ ଭୁବନେଶ୍ୱରକୁ ଗଡ଼ିବ ଟ୍ରେନ୍ ବୋଲି ପୂର୍ବତଟ ରେଳବାଇ ସୂଚନା ଦେଇଛି ।
ତେବେ ସବୁଠାରୁ ବଡ଼ ପ୍ରଶ୍ନ ହେଲା, ଟ୍ରେନ୍ ଟିକେଟ ବୁକିଂ ପାଇଁ ଆଇଆର୍ସିଟିସି ଓ୍ୱେବ୍ସାଇଟ୍ ଖୋଲୁନଥିବା ବେଳେ ମାତ୍ର ଘଣ୍ଟାଏ ଭିତରେ କିଭଳି ଟିକେଟ୍ ଶେଷ ହୋଇଗଲା । ସାଧାରଣ ଲୋକଙ୍କୁ ତାହା ଆଶ୍ଚର୍ଯ୍ୟ କରିଛି ।
Timings of Special Trains to be run w.e.f. 12.05.20 pic.twitter.com/mVzMCNwzBa
— Ministry of Railways (@RailMinIndia) May 11, 2020
କେବଳ ଏତିକି ନୁହେଁ IRCTC ଓ ରେଳ ମନ୍ତ୍ର।ଳୟର ଓ୍ୱେବ୍ସାଇଟ୍ ପକ୍ଷରୁ, ରେଳ ଯାତ୍ରା ନେଇ ଦିଆଯାଉଥିବା ତଥ୍ୟ ଲୋକଙ୍କୁ ସମସ୍ୟାରେ ପକାଉଛି । ରେଳ ମନ୍ତ୍ର।ଳୟର ଓ୍ୱେବସାଇଟ୍ରେ ସ୍ପଷ୍ଟ ଭାବେ ଲେଖାଯାଇଛି ଯେ ୧୨ ତାରିଖରୁ ଦିଲ୍ଲୀରୁ ଭୁବନେଶ୍ୱରକୁ ଟ୍ରେନ୍ ଗଡିବ । କିନ୍ତୁ ପୂର୍ବତଟ ରେଳବାଇର ଟ୍ୱିଟ୍ ଅନୁଯାୟୀ ଦିଲ୍ଲୀରୁ ୧୪ ତାରିଖରେ ଭୁବନେଶ୍ୱରକୁ ଗଡିବ ଟ୍ରେନ୍ ବୋଲି ଦର୍ଶାଯାଇଛି । ତେବେ ବାଲେଶ୍ୱର, ହିଜଲି, ଟାଟା, ବୋକାରୋ ଷ୍ଟିଲ୍ ସିଟି, ଗୟା, ଦିନଦୟାଲ ଉପାଧ୍ୟାୟ ଜଙ୍କସନ, କାନପୁର ସେଣ୍ଟ୍ରାଲ ମଧ୍ୟରେ ଟ୍ରେନ୍ ଅଟକିବ ବୋଲି ପୂର୍ବତଟ ରେଳବାଇ ସୂଚନା ଦେଇଛି ।
