ନବରଙ୍ଗପୁର ଆରଟିଓ ଗଣେଶ୍ୱର କହଁରଙ୍କ ନବରଙ୍ଗପୁର ଥିବା ଭଡ଼ା ଘରେ  ଭିଜିଲାନ୍ସ ଚଢ଼ାଉ । ଏକକାଳୀନ ୬ଟି ଜାଗାରେ ଜୟପୁର ଭିଜିଲାନ୍ସ ଦ୍ୱାରା ଚଢ଼ାଉ l ପୂର୍ବରୁ ଆରଟିଓଙ୍କୁ ଲାଞ୍ଚ ଟଙ୍କା ଫେରସ୍ତ ମାଗୁଥିବାବେଳେ ହୋଇଥିବା ଯୁକ୍ତିତର୍କର ଏକ  ଭିଡିଓ ଗତ ୨୧ ତାରିଖରେ ଭାଇରଲ ହୋଇଥିଲା l

ପରବର୍ତ୍ତୀ ସମୟରେ ୨୨ ତାରିଖରେ ଆରଟିଓ ଅଫିସର ଡାଟା ଏଣ୍ଟ୍ରି ଅପରେଟର ଆକାଶ ହରିଜନ ଏନେଇ ନବରଙ୍ଗପୁର ଥାନାରେ ଆରଟିଓଙ୍କ ବିରୋଧରେ ମାମଲା ରୁଜୁ କରିଥିଲେ । ନବରଙ୍ଗପୁର ପୋଲିସ କେସ ନମ୍ବର ୪୮/୨୦ରେ ରେଜିଷ୍ଟର କରି ୪୨୦, ୫୦୬ ଓ  privention of corruption act ୭(କ) ଦଫା ଲଗାଇଥିଲା l  ତେଣୁ ଆଜି ଜୟପୁର ଭିଜିଲାନ୍ସ ଟିମ ତାଙ୍କର ନବରଙ୍ଗପୁର ସ୍ଥିତ ଭଡା ଘର, ଅଫିସ, ଫୁଲବାଣୀର ଘରେ, ଭୁବନେଶ୍ୱର ଘରେ,  ପାରଳାଖେମୁଣ୍ଡି ଘରେ ଓ  ଅନ୍ୟ ଏକ କର୍ମଚାରୀଙ୍କ ଘରେ ଚଢ଼ାଉ ଚାଲିଛି  ।

ରାୟଗଡ଼ା: ବିଭିନ୍ନ ସମୟରେ ଶବକୁ ଅସମ୍ମାନ ଖବର ସାମନାକୁ ଆସୁଛି । କିନ୍ତୁ ଏବେ ନିସ୍ୱାର୍ଥପର ସେବା ଦେଇଛି ନୂଆ ପରିଚୟ । ୨୪ ଘଣ୍ଟା ନିଜ ସେବାକୁ ନେଇ ତତ୍ପର ଥିବା ଦୁଇ ଜଣ ସମାଜସେବୀଙ୍କର ଏହି କଥା ।  ଦୟାନିଧି ଓ ସଂଜୟ ନାମକ ଦୁଇଜଣ ବ୍ୟକ୍ତି ସମସ୍ତଙ୍କ ପାଇଁ ପାଲଟିଛନ୍ତି ଉଦାହରଣ ।

ରାୟଗଡ଼ା ଜିଲ୍ଲା ଗୁଣପୁରରେ ସ୍ଥାନୀୟ ଅଞ୍ଚଳରେ ମାଗଣାରେ ଶବ ବୋହି ଏହି ଦୁଇ ଜଣ ବ୍ୟକ୍ତି ବେଶ ପରିଚିତ ହୋଇ ପାରିଛନ୍ତି । ସ୍ୱାର୍ଥପର ଦୁନିଆରେ ନିସ୍ୱାର୍ଥପରତା ସେମାନଙ୍କୁ ଦେଇଛି ଆତ୍ମତୃପ୍ତି । ମାଗଣାରେ ୪୨୦ଜଣଙ୍କ ଶବବୋହି ପାଲଟିଛନ୍ତି ଉଦାହରଣ । ରାୟଗଡ଼ା ଜିଲ୍ଲା ଗୁଣୁପୁରର ଦୁଇ ସମାଜସେବୀ ସାଉଁଟୁଛନ୍ତି ଏହି ପ୍ରଶଂସା ।

ସେବା ଯୋଗାଉଛି ସ୍ୱର୍ଗରଥ । ଗରିବ ଅସହାୟଙ୍କ ଦେବଦୂତ ପାଲଟିଛନ୍ତି ଗୁଣୁପୁରର ଦୟାନିଧି ବାରିକ ଓ ସଂଜୟ ସାହୁ ।  ୨୪ ଘଣ୍ଟା ନିଜ ସେବାକୁ ନେଇ ଉଭୟେ ବେଶ ସଜାଗ ।  ଆଜି ପର୍ଯ୍ୟନ୍ତ ଦୟାନିଧି ୪୨୦ଜଣଙ୍କ ଶବ ମାଗଣାରେ ଗାଡ଼ିରେ ବୋହି ନେଇଛନ୍ତି । ଏଥିରେ ତାଙ୍କୁ ସହଯୋଗ କରିଛନ୍ତି ସଂଜୟ ସାହୁ ନାମକ ଜଣେ ବ୍ୟକ୍ତି । ଗାଡ଼ିର ଆବଶ୍ୟକୀୟ ଖର୍ଚ୍ଚ ବହନ କରୁଛନ୍ତି ସଂଜୟ ।

ନିଜସ୍ୱ ଉଦ୍ୟମରେ ଦୟାନିଧି ଓ ସଞ୍ଜୟ ଜୟ ଜଗନ୍ନାଥ ମହାପ୍ରୟାଣ ସଂସ୍ଥା ଖୋଲିଛନ୍ତି ଏବଂ ଶବ ବୋହିବା ପାଇଁ ରହିଛି ସ୍ୱର୍ଗରଥ ନାମକ ଏକ ଗାଡ଼ି । ବିଭିନ୍ନ ସମୟରେ ସଂସ୍ଥା ପକ୍ଷରୁ ଅଜଣା ମହିଳା ଓ ପୁରୁଷଙ୍କ ଶବ ସଂସ୍କାର କରାଯାଇଛି । ସ୍ୱର୍ଗରଥ ସେବା ଦ୍ଵାରା ସ୍ଥାନୀୟ ବାସିନ୍ଦା ବେଶ ଉପକୃତ ହେଉଛନ୍ତି ।

ନବରଙ୍ଗପୁର: ଭିଜିଲାନ୍ସ ଜାଲରେ ଲାଞ୍ଚୁଆ ଆରଟିଓ । ନବରଂଗପୁର ଆରଟିଓ ଗଣେଶ୍ୱର କହଁରଙ୍କ ଘରେ ଭିଜିଲାନ୍ସ ଚଢ଼ାଉ । ଚାକିରି କରାଇଦେବା ନାଁରେ ଲକ୍ଷ୍ମୀ ହରିଜନ ନାମକ ଜଣେ ଯୁବକଙ୍କ ଠାରୁ ଲାଞ୍ଚ ନେଉଥିଲେ । ଲାଞ୍ଚ କାରବାର ପରେ ଟଙ୍କା ଫେରାଇବା ପାଇଁ ଯୁକ୍ତିତର୍କର ଏକ ଭିଡ଼ିଓ ଗତ ୨୧ ତାରିଖରେ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା ।

ପରେ ୨୨ତାରିଖରେ ଆର୍‌ଟିଓ ଅଫିସର ଡାଟା ଏଣ୍ଟ୍ରି ଅପରେଟର୍‌  ଲକ୍ଷ୍ମୀ ହରିଜନ, ଆର୍‌ଟିଓଙ୍କ ବିରୋଧରେ ନବରଙ୍ଗରପୁର ଥାନାରେ ଏତଲା ଦେଇଥିଲେ । ବାସଭବନ, ଅଫିସ ଓ ଭଡ଼ାଘର ସହ ଏକକାଳୀନ ୬ ସ୍ଥାନରେ ରେଡ୍‌ କରୁଛି ଭିଜିଲାନ୍ସ ଟିମ୍‌ । କନ୍ଧମାଳ, ବୌଦ୍ଧ, ଭୁବନେଶ୍ୱର ଓ ଗଜପତିରେ ମଧ୍ୟ ରେଡ୍‌ ଚାଲିଛି । ଭିଜିଲାନ୍ସର ୩ ଜଣିଆ ଟିମ୍‌ ଏହି ଚଢାଉରେ ସାମିଲ ହୋଇଛନ୍ତି ।

ଭୁବନେଶ୍ୱର: ରାଜ୍ୟର ଗ୍ରାମାଞ୍ଚଳରେ କଚ୍ଚା ଘରେ ବାସ କରୁଥିବା ୨୫ ଲକ୍ଷ ପରିବାରଙ୍କୁ ଇତି ମଧ୍ୟରେ ପକ୍କାଘର ଯୋଗାଇ ଦେଇ ଉଲ୍ଲେଖନୀୟ ସଫଳତା ହାସଲ କରାଯାଇଛି । ରାଜ୍ୟସ୍ତରୀୟ ପଞ୍ଚାୟତିରାଜ ଦିବସ ପାଳନ ଅବସରରେ ଏହି ସଫଳତାକୁ ରାଜ୍ୟବାସୀଙ୍କ ଉଦ୍ଦେଶ୍ୟରେ ଉତ୍ସର୍ଗ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି,  ଗ୍ରାମାଞ୍ଚଳ ରହୁଥିବା ପ୍ରତ୍ୟେକ ନାଗରିକର ମୁଣ୍ଡ ଉପରେ ଖଣ୍ଡେ ଭଲ ଛାତ ଥାଉ ଏହା ଥିଲା ଜନନାୟକ ବିଜୁବାବୁଙ୍କ ଅଭିଳାଷ । ଏହାକୁ ପୂରଣ କରିବା ପାଇଁ ରାଜ୍ୟ ସରକାର ସର୍ବାଧିକ ପ୍ରାଥମିକତା ଦେଇ ରାଜ୍ୟକୁ କଚ୍ଚାଘର ମୁକ୍ତ କରିବା ଲକ୍ଷ୍ୟରେ ଉଦ୍ୟମ ଆରମ୍ଭ କରିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗ୍ରାମାଞ୍ଚଳର ଯୋଗ୍ୟ ୨୦ ଲକ୍ଷ ପରିବାରଙ୍କୁ ପକ୍କାଘର ଯୋଗ୍ୟତା କାର୍ଡ ଅଧିକାର ପତ୍ର ପ୍ରଦାନ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଯେଉଁମାନଙ୍କୁ ପ୍ରାଥମିକତା ଭିତ୍ତିରେ ପର୍ଯ୍ୟାୟକ୍ରମେ ପକ୍କାଘର ଯୋଗାଇ ଦିଆଯିବ । ଏହି ଅବସରରେ ମାନ୍ୟବର ମୁଖ୍ୟମନ୍ତ୍ରୀ ୯ ଜଣ ହିତାଧିକାରୀଙ୍କୁ ପକ୍କାଘର ଯୋଗ୍ୟତା କାର୍ଡ ଅଧିକାର ପତ୍ର ବଣ୍ଟନ କରିଥିଲେ ।

ଏହି ଅବସରରେ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ୫-ଟି ପ୍ରୟାସ ଅନ୍ତର୍ଗତ ମୁଖ୍ୟମନ୍ତ୍ରୀ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଦ୍ୱାରା ପ୍ରସ୍ତୁତ କରାଯାଇଥିବା ଅନ୍‌ଲାଇନ୍‌ କେସ୍ ରେକର୍ଡ ପରିଚାଳନା ଏବଂ ଆମ ଘର ମୋବାଇଲ ଆପ୍‌ର ଶୁଭାରମ୍ଭ କରିଥିଲେ । ଏହି ଅନ୍‌ଲାଇନ୍‌ କେସ୍ ରେକର୍ଡ ପରିଚାଳନା ମାଧ୍ୟମରେ ହିତାଧିକାରୀମାନେ ବ୍ୟକ୍ତିଗତ ଭାବରେ ଗ୍ରାମୀଣ ବାସଗୃହ ଯୋଗାଣ ସମ୍ପର୍କିତ ସମସ୍ତ ତଥ୍ୟ ପାଇପାରିବେ । ପୁନଶ୍ଚ ଆମ ଘର ମୋବାଇଲ୍‌ ଆପ୍ ମାଧ୍ୟମରେ ଗୃହ ନିର୍ମାଣ ନିମନ୍ତେ ଥିବା ବିଭିନ୍ନ ଥିବା ବିଭିନ୍ନ କିସ୍ତି ଗୁଡ଼ିକର ପ୍ରକ୍ରିୟା ଏବଂ ଫଟୋ ଅପ୍‌ଲୋଡ୍‌  କରାଯାଇପାରିବ । ଆଜିର ଏହି ଉତ୍ସବ ପାଳନ ଅବସରରେ ଗ୍ରାମୀଣ ବାସଗୃହ ଯୋଜନାରେ ରାଜ୍ୟରେ ଉପକୃତ ହୋଇଥିବା ଯୋଗ୍ୟ ହିତାଧିକାରୀଙ୍କ ୨୧ଟି ଅନନ୍ୟ ସଫଳ କାହାଣୀକୁ ନେଇ ସଂକଳନ ହୋଇଥିବା A Coffe Table Book ମୁଖ୍ୟମନ୍ତ୍ରୀ ଉନ୍ମୋଚନ କରିଥିଲା ।

ସମାରୋହରେ ଯୋଗଦେଇଥିବା ମାନ୍ୟବର ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ପଞ୍ଚାୟତିରାଜ ଅନୁଷ୍ଠାନଗୁଡ଼ିକ ସଶକ୍ତ କରିବା ପାଇଁ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ବିଭିନ୍ନ ପଦକ୍ଷେପ ଉପରେ ଗୁରୁତ୍ୱ ଦେଇଥିଲେ ।

ଯୋଜନା ଓ ସମନ୍ୱୟ ବିଭାଗ ମନ୍ତ୍ରୀ ପଦ୍ମନାଭ ବେହେରା ସରକାରଙ୍କ ବିଭିନ୍ନ ବିଭାଗ ମଧ୍ୟରେ ସମନ୍ୱୟ ରକ୍ଷା କରି ଉତ୍ତମ ସେବା ପ୍ରଦାନ କରିବା ଉପରେ ଗୁରୁତ୍ୱ ଦେଇଥିଲେ । ପଞ୍ଚାୟତିରାଜ ବ୍ୟବସ୍ଥାକୁ ସଶକ୍ତ ନିମନ୍ତେ ରାଜ୍ୟ ସରକାର ୪ଟି ବିଭାଗ ଯଥା ବିଦ୍ୟାଳୟ ଓ ଗଣଶିକ୍ଷା, ସ୍ୱାସ୍ଥ୍ୟ ଓ ପରିବାର କଲ୍ୟାଣ, ମତ୍ସ୍ୟ ଓ ପ୍ରାଣୀସମ୍ପଦ ଚିକିତ୍ସାଳୟ, ଅଙ୍ଗନଓ୍ୱାଡି କେନ୍ଦ୍ରର ନିର୍ମାଣ ଓ ରକ୍ଷଣାବେକ୍ଷଣ କାର୍ଯ୍ୟ ଏଣିକି ତ୍ରିସ୍ତରୀୟ ପଞ୍ଚାୟତିରାଜ ଅନୁଷ୍ଠାନ ଦ୍ୱାରା କରାଯିବ । ଏଥିପାଇଁ ଆଜିର ପବିତ୍ର ଦିବସରେ ସମ୍ପୃକ୍ତ ବିଭାଗଗୁଡ଼ିକ ସହ ଆମ ବିଭାଗର ମଧ୍ୟରେ ଚୁକ୍ତିନାମା ସ୍ୱାକ୍ଷରିତ ହୋଇଥିଲା ।

ପଞ୍ଚାୟତିରାଜ ଓ ପାନୀୟଜଳ ବିଭାଗ ଦ୍ୱାରା ଲୋକସେବା ଭବନର ସମ୍ମିଳନୀ କକ୍ଷରେ ଆୟୋଜିତ ହୋଇଥିବା ଏହି ରାଜ୍ୟସ୍ତରୀୟ ପଞ୍ଚାୟତିରାଜ ଦିବସ ଉତ୍ସବରେ ମୁଖ୍ୟମନ୍ତ୍ରୀ, ବାଚସ୍ପତି, ଅର୍ଥମନ୍ତ୍ରୀ , ଯୋଜନା ଓ ସମନ୍ୱୟ ମନ୍ତ୍ରୀ, ରାଜ୍ୟ ମନ୍ତ୍ରିମଣ୍ଡଳର ଅନନ୍ୟ ସଦସ୍ୟ ବୃନ୍ଦ, ମାନ୍ୟବର ସାଂସଦ ବୃନ୍ଦ, ମାନ୍ୟବର ବିଧାୟକ ବୃନ୍ଦ, ମୁଖ୍ୟ ଶାସନ ସଚିବ, ବିଭାଗୀୟ ଶାସନ ସଚିବ ବୃନ୍ଦ ଏବଂ ଅନ୍ୟାନ୍ୟ ସରକାରୀ ପଦାଧିକାରୀ ଉପସ୍ଥିତ ଥିଲେ ।

ମୁଖ୍ୟ ଶାସନ ସଚିବ ଅସିତ୍‌ ତ୍ରିପାଠୀ ସମାରୋହରେ ସ୍ୱାଗତ ଅଭିଭାଷଣ ପ୍ରଦାନ କରିଥିବା ବେଳେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ ଦେଓରଞ୍ଜନ କୁମାର ସିଂହ ସମାରୋହରେ ଉପସ୍ଥିତ ଥିବା ସମସ୍ତ ବରେଣ୍ୟ ଅତିଥିମାନଙ୍କୁ ଧନ୍ୟବାଦ ଅର୍ପଣ କରି କରିଥିଲେ ।