ଗଞ୍ଜାମ: ପ୍ରତି ଶନିବାର ହେବ ନୋ ବ୍ୟାଗ ଡ଼େ । ଏଥର ଛାତ୍ରଛାତ୍ରୀ ସ୍କୁଲ ବ୍ୟାଗ୍ ନ ନେଇ ଯିବେ ସ୍କୁଲ । ଗୋଟିଏ ଦିନ ଫୁରସତ ମିଳିବ ଛାତ୍ରଛାତ୍ରୀଙ୍କୁ ବ୍ୟାଗ୍ ବୋହିବାରୁ । ପାଠ ବଦଳରେ ସ୍କୁଲରେ ମିଳିବ ସାଠର ଜ୍ଞାନ । ଯାହାପାଇଁ ଆଜିଠୁ ଗଞ୍ଜାମରେ ଆରମ୍ଭ ହୋଇଛି ନୋ ସ୍କୁଲ ବ୍ୟାଗ ଡ଼େ । ଛାତ୍ରଛାତ୍ରୀଙ୍କ ଶାରୀରିକ, ମାନସିକ ଓ ବୌଦ୍ଧିକ ବିକାଶ ପାଇଁ ଏହି ପ୍ରୟାସ କରାଯାଇଛି ।
ପୂରାତନ ଯୁଗରେ ଯେଉଁସବୁ ଜ୍ଞାନ ଗୁରୁକୂଳରେ ରହି ଶିଷ୍ୟ ମାନେ ଶିଖୁଥିଲେ । ସେହି ଜ୍ଞାନ ସବୁ ଏବେ ସ୍କୁଲରେ ମିଳିବ । ସପ୍ତାହରେ ଗୋଟିଏ ଦିନ ପଢ଼ାରୁ ମୁକ୍ତି ପାଇବେ । ଶନିବାର ପାଠପଢା ବ୍ୟତିତ ଯୋଗଶିକ୍ଷା, ସଫେଇ, ପ୍ଲାଷ୍ଟିକ ବ୍ୟବହାର ନିଷେଧ ନେଇ ସଚେତନତା କରାଯିବ । ଜିଲ୍ଲା ପ୍ରଶାସନର ଏଭଳି ପ୍ରୟାସକୁ ସାଧାରଣରେ ପ୍ରଶଂସା କରାଯାଇଛି ।
ପାୟଲ ୟେସ୍ ବ୍ୟାଙ୍କକୁ ନେଇ କରିଥିବା ଟ୍ୱିଟରେ ଗୃହ ମନ୍ତ୍ରାଳୟ ଓ ପିଏମଓକୁ ଟ୍ୟାଗ୍ କରିଥିଲେ । ଯେଉଁଥିରେ ଲେଖିଥିଲେ, ‘ଏହା ଠିକ୍ ନୁହେଁ… ପୂର୍ବ ଭଳି ୟେସ୍ ବ୍ୟାଙ୍କକୁ ଚାଲୁ କରାଯାଉ । ବ୍ୟାଙ୍କରେ ମୋ ବାପାଙ୍କ ଟଙ୍କା ବି ଅଛି । ଏହା ବିଗୁଡ଼ୁଥିବା ଅର୍ଥ ବ୍ୟବସ୍ଥାର ସଙ୍କେତ ନୁହେଁ ତ ।’
ତେବେ, ବ୍ୟାଙ୍କ ତରଫରୁ ପୁଞ୍ଜି ଆଣିବା ପାଇଁ ପ୍ରୟାସ କରାଯାଇଥିଲେ ମଧ୍ୟ ସଫଳତା ମିଳିନଥିଲା । ୨୦୦୪ରେ ପ୍ରତିଷ୍ଠା ହୋଇଥିଲା ୟେସ୍ ବ୍ୟାଙ୍କ । ୨୦୧୮ରେ ରିଜର୍ଭ ବ୍ୟାଙ୍କ ଏହାର ବୋର୍ଡରେ ପରିବର୍ତ୍ତନ ପାଇଁ ନିଷ୍ପତ୍ତି ନେଇଥିଲା । ପରେ ଋଣ ଆବଣ୍ଟନରେ ହେରଫେର ଯୋଗୁଁ ବ୍ୟାଙ୍କର ପୁଞ୍ଜି ହ୍ରାସ ପାଇଥିଲା ।
