ଭୁବନେଶ୍ୱର: ବିଦେଶରୁ ଫେରିବେ ପ୍ରବାସୀ ଭାରତୀୟ । ବିଭିନ୍ନ ଦେଶରେ ଫସିରହିଥିବା ପ୍ରବାସୀ ଭାରତୀୟଙ୍କୁ ଫେରାଇ ଆଣିବାକୁ ପ୍ରସ୍ତୁତି ଆରମ୍ଭ କରିଛନ୍ତି ଭାରତ ସରକାର । ବିମାନ କିମ୍ୱା ଜଳପଥରେ ସେମାନଙ୍କୁ ଅଣାଯିବ । ଏ ନେଇ କେନ୍ଦ୍ର ସରକାର ପ୍ରସ୍ତୁତ କରିଛନ୍ତି ଏସ୍‌ଓପି । ଫେରିବାକୁ ଆଗ୍ରହୀଥିବା ପ୍ରବାସୀଙ୍କ ତାଲିକା ପ୍ରସ୍ତୁତ ଭାରତୀୟ ଦୂତାବାସ । ଆଗ୍ରହୀ ଭାରତୀୟ ନିଜ ଖର୍ଚ୍ଚରେ ଫେରିପାରିବ ଭାରତ । ସେମାନଙ୍କ ପାଇଁ  ବାଣିଜ୍ୟିକ ବିମାନର ଆୟୋଜନ କରିବେ ସରକାର । ମେ’ ୭ରୁ ପର୍ଯ୍ୟାୟକ୍ରମେ ଏହି ଯାତ୍ରା ଆରମ୍ଭ ହେବ । କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ସୂଚନା । ଲକ୍ଷଣ ନଥିବା ଲୋକେ ହିଁ ଫେରିପାରିବେ । ଡାକ୍ତରୀ ପରୀକ୍ଷଣ ପରେ ସେମାନଙ୍କୁ ମିଳିବ ଅନୁମତି । ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ୧୪ ଦିନ ସଙ୍ଗରୋଧରେ ରହିବେ । ଏହା ସହ ଆରୋଗ୍ୟ ସେତୁରେ ପଞ୍ଜୀକରଣ ବାଧ୍ୟତାମୂଳକ ।

ଗୁଜରାଟ: କରୋନା ମହାମାରୀକୁ ରୋକିବା ଦେଶରେ ତୃତୀୟ ଥର ପାଇଁ ଲକଡାଉନ୍ ଜାରି ହୋଇଛି । ଯାହା ପ୍ରବାସୀ ଶ୍ରମିକ ମାନଙ୍କର ଧର୍ଯ୍ୟ ହରାଇଦେଇଛି । ସୋମବାର ଗୁଜୁରାଟର ସୁରତରେ ପ୍ରବାସୀ ଶ୍ରମିକମାନେ ପୋଲିସ ସହ ମୁହାଁମୁହିଁ ହୋଇଛନ୍ତି । ପ୍ରବାସୀ ଶ୍ରମିକମାନେ ନିଜ ନିଜ ଘରକୁ ଫେରିବାକୁ ପୋଲିସ ଆଗରେ ଦାବି କରିଥିଲେ । ଖାଲି ସେତିକି ନୁହେଁ ଘରକୁ ଫେରିବା ପାଇଁ ସ୍ୱତନ୍ତ୍ର ଟ୍ରେନ୍ ସେବା ପାଇଁ ଦାବି କରିଥିଲେ । ଏହାକୁ ଦୃଷ୍ଟିରେ ରଖି ପରିବେଶ ଉତ୍ତେଜନାପୂର୍ଣ୍ଣ ହୋଇଥିଲା । ଯାହାକୁ ନେଇ ପୋଲିସକୁ ଲାଠି ଚାଳନା କରିବାକୁ ପଡ଼ିଲା । ସୁରଟ ଉପକଣ୍ଠରେ ଥିବା ଭରେଲି ଗ୍ରାମ ନିକଟରେ ଏହି ଘଟଣା ଘଟିଛି  ।

#WATCH Gujarat: A clash erupts between migrant workers & police in Surat. The workers are demanding that they be sent back to their native places. pic.twitter.com/aiMvjHGukY

— ANI (@ANI) May 4, 2020

ପୋଲିସ ଉପରେ ପ୍ରବାସୀ ଶ୍ରମିକ ମାନେ ଆକ୍ରମଣ କରିବା ପରେ ପୋଲି ମଧ୍ୟ ଆକ୍ସନ ମୁଡକୁ ଆସିଥିଲା । ପରିସ୍ଥିତି ଅଣାୟତ ହେଉଥିବାରୁ ପୋଲିସ ୧୪୪ ଧାରା ଜାରି କରିବା ପରେ ଲୁହ ବୁହା ଗ୍ୟାସ ମାଡ଼ କରିଥିଲା । ସେପଟେ କ୍ରୋଧିତ ଶ୍ରମିକମାନେ ସୁରତ-କାଦୋଦରା ରାସ୍ତାରେ ପାର୍କିଂ ହୋଇଥିବା ଗାଡିଗୁଡ଼ିକୁ ଭଙ୍ଗାରୁଜା କରିଛନ୍ତି । ଯାହାର ଭିଡିଓ ଏବେ ଭାଇରାଲ ହୋଇଛି ।

ନୂଆଦିଲ୍ଲୀ: କରୋନା ଭାଇରସ୍‌ ପାଇଁ ଭ୍ୟାକ୍ସିନ୍‌ ପ୍ରସ୍ତୁତ କରିବାକୁ  ଏବେ ସାରା ବିଶ୍ୱର ଅନେକ ଦେଶ ରେସ୍‌ରେ ଅଛନ୍ତି । ହେଲେ ଚାଇନା ଯଦି ଏହି ରେସ୍‌ରେ ଆଗେଇ ଯାଏ ତେବେ ସେ ଅର୍ଥିକ ଦୃଷ୍ଟିରୁ ସାରା ବିଶ୍ୱକୁ ଲୁଟ୍‌ କରିବା ଆରମ୍ଭ କରିବ । ଏହା ସହ ନିଜର କୁଟନୈତିକ ଫାଇଦା ପାଇଁ ତାହା ବ୍ୟବହାର କରିବ । ଏନେଇ ଆମେରିକା ଆଶଙ୍କା ପ୍ରକାଶ କରିଛି ।

ଦୁନିଆର ଅନେକ ଦେଶ ପରସ୍ପର ସହ ତଥ୍ୟ ଆଦାନ ପ୍ରଦାନ କରି ଭ୍ୟାକ୍ସିନ୍‌ ପ୍ରସ୍ତୁତ କରିବା ଉପରେ କାର୍ଯ୍ୟ କରୁଥିବା ବେଳେ ଆମେରିକା ଏବଂ ଚୀନ୍ ନିଜେ ଏକାକୀ ନିଜ  ଦମରେ ଭ୍ୟାକ୍ସିନ୍‌ ପ୍ରସ୍ତୁତ କରିବାକୁ ଚେଷ୍ଟା କରୁଛନ୍ତି । ପଲିଟିକୋ ରିପୋର୍ଟ ଅନୁଯାୟୀ ଆମେରିକାର ଜାତୀୟ ସୁରକ୍ଷା ସହ ଜଡିତ ଜଣେ ଅଧିକାରୀ କହିଛନ୍ତି, ସେମାନେ (ଚୀନ୍) ଜାଣନ୍ତି ଯେ ପ୍ରଥମେ ଯିଏ ଭ୍ୟାକ୍ସିନ୍‌ ପ୍ରସ୍ତୁତ କରିବ ସେହି ଦେଶ ସମ୍ପୂର୍ଣ୍ଣ ବିଶ୍ୱ ଉପରେ ରାଜ୍‌ କରିବ ।

ପେଣ୍ଟାଗନ୍ ଏବଂ ସିଆଇଏର ପୂର୍ବତନ ଅଧିକାରୀ ମ୍ୟାଟ୍ କ୍ରୋଏନିଗ୍ କହିଛନ୍ତି, ଚାଇନାରୁ ମିଳୁଥିବା ସହାୟତା ପଛରେ ଅନେକ ସମୟରେ କିଛି ନା କିଛି ଅନ୍ୟ ସ୍ୱାର୍ଥ ଥାଏ । ତେଣୁ, ଭ୍ୟାକ୍ସିନ ପ୍ରସ୍ତୁତ କରିବା ପରେ ସେ ଏହା ଦ୍ୱାରା ନିଜର ପ୍ରଭାବ ବିସ୍ତାର ଏବଂ ଆମେରିକାକୁ ପଛକୁ ଠେଲିବା ପାଇଁ ଚେଷ୍ଟା କରିପାରେ । ଏପ୍ରିଲରେ ଚୀନ୍ କହିଥିଲା ଯେ କରୋନା ଭ୍ୟାକ୍ସିନ୍‌ର ପ୍ରଥମ ପରୀକ୍ଷଣ କିଛି ମାତ୍ରାରେ ସଫଳ ରହିଛି । ବଡ କଥା ହେଉଛି କରୋନା ଜୀବାଣୁ ଚାଇନାରୁ ହିଁ ବ୍ୟାପିଛି । ତେଣୁ ଏହା ସମ୍ଭବ ଯେ ଚୀନ୍ ଅନ୍ୟ ଦେଶ ତୁଳନାରେ ଟିକା ପ୍ରସ୍ତୁତ କରିବା କାର୍ଯ୍ୟ ପ୍ରଥମେ ଆରମ୍ଭ କରିସାରିଛି । ଏଥିସହ ବୁହାନରୁ କରୋନା ବ୍ୟାପିଥିବାରୁ ସାରା ବିଶ୍ୱରୁ ଏନେଇ ପ୍ରଶ୍ନ ଉଠିଛି । ଏଭଳି ପରିସ୍ଥିତିରେ ଯଦି ଚୀନ୍ ପ୍ରଥମେ ଭ୍ୟାକ୍ସିନ୍‌ ପ୍ରସ୍ତୁତ କରେ, ତେବେ ତାହା ଅନ୍ୟ ଦେଶକୁ ଯୋଗାଇ ନିଜର ଭାବମୂର୍ତ୍ତିରେ ଉନ୍ନତି ଆଣିବା ପାଇଁ ମଧ୍ୟ ଚେଷ୍ଟା କରିବ ।

ତେବେ ଆମେରିକାର ଜାତୀୟ ସୁରକ୍ଷା ସହ ଜଡିତ ଜଣେ ଅଧିକାରୀ କହିଛନ୍ତି ଯେ, ଭ୍ୟାକ୍ସିନ୍‌ ଉତ୍ପାଦନକୁ ନେଇ ଚୀନ୍ ଏପର୍ଯ୍ୟନ୍ତ କୌଣସି ସଫଳତା ପାଇନାହିଁ । ସେ ଆହୁରି ମଧ୍ୟ କହିଛନ୍ତି ‘ ଚାଇନା ଅନେକ ସମୟରେ ଅନ୍ୟର ରିସର୍ଚ୍ଚ ଚୋରି କରିବାକୁ ଚେଷ୍ଟା କରେ ।’ ପୂର୍ବରୁ ଏଭଳି ନଜିର ମଧ୍ୟ ରହିଛି ।

ଯେଉଁ ଦେଶ ପ୍ରଥମେ ଭ୍ୟକ୍ସିନ୍‌ ପ୍ରସ୍ତୁତ କରିବ ସେ ନିଜର କୂଟନୈତିକ ପ୍ରଭାବ ଅପେକ୍ଷା ଅର୍ଥିକ ସ୍ଥିତିକୁ ସୁଦୃଢ଼ କରିବାକୁ ଚେଷ୍ଟା କରିବ । ଏହାସହ ନିଜର ଲୋକଙ୍କୁ ଏହି ରୋଗରୁ ମୁକ୍ତ କରିବାକୁ ଚେଷ୍ଟା କରିବ । ଏହା ଦ୍ୱାରା ସେହି ଦେଶର ଆର୍ଥିକ ସ୍ଥିତି ସୁଦୃଢ଼ କରିବାକୁ ବାଟ ଖୋଲିଯିବ ।

ଆହୁରି ମଧ୍ୟ ପ୍ରଶ୍ନ ଉଠିଛି ଯେ, ଚୀନ୍‌ ଯଦି ପ୍ରଥମେ ଭ୍ୟାକ୍ସିନ୍‌ ପ୍ରସ୍ତତ କରିବ ତେବେ ସେହି ଭ୍ୟାକ୍ସିନ୍‌ ଉପରେ ଅନ୍ୟ ଦେଶମାନେ କେତେ ବିଶ୍ୱାସ କରିପାରିବେ ? କରୋନା ସମୟରେ ଚୀନ୍‌ ପକ୍ଷରୁ ବିଭିନ୍ନ ଦେଶକୁ ମେଡିକାଲ କିଟ୍‌ ପଠାଯାଇଥିଲା । ଯାହାକି ବହୁତ ଖରାପ କ୍ୱାଲିଟିର ରହିଥିଲା । ଏନେଇ ଅନେକ ଦେଶ ଅଭିଯୋଗ ମଧ୍ୟ କରିଛନ୍ତି ।

ମାସ୍କୋ:  ଚୀନ, ଆମେରିକା, ସ୍ପେନ, ଇଟାଲିର ଅବସ୍ଥା ଖରାପ କରିବା ପରେ ଏବେ କରେନାର ଟାର୍ଗେଟରେ ଆସିଛି ଋଷ । ଋଷରେ ଗତ ୨୪ ଘଣ୍ଟା ମଧ୍ୟରେ ସର୍ବାଧିକ କରେନା ମାମଲା ସାମ୍ନାକୁ ଆସିଛି  । ଋଷରୁ ଗୋଟିଏ ଦିନରେ ୧୦୬୩୩ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ଋଷରେ ଏବେ କରୋନାଭାଇରସରେ ସମୁଦାୟ ୧୩୪,୬ ୮୭ଜଣ ସଂକ୍ରମିତ ହୋଇଛନ୍ତି । କୋରନା ଭାଇରସର ସଂକ୍ରମଣରେ ଋଷ ଦୁନିଆର ୭ନମ୍ବର ସ୍ଥାନରେ ରହିଛି । ଋଷରେ ୧୨୮୦ ଜଣ ଲୋକଙ୍କ ମୃତ୍ୟୁ ହୋଇସାରିଲାଣି । ଆମେରିକା, ସ୍ପେନ, ଇଟାଲି ଭଳି ଦେଶ ତୁଳନା ଋଷରେ ଅଧିକ ଲୋକେ ସଂକ୍ରମଣରେ ମୃତ୍ୟୁ ବରଣ କରିନାହାଁନ୍ତି । ଅନ୍ୟ ଦେଶମାନଙ୍କ ତୁଳନା ଋଷରେ ମୃତ୍ୟୁ ବରଣ କରିଥିବା ଲୋକଙ୍କ ସଂଖ୍ୟା ବହୁତ୍ କମ୍ କିନ୍ତୁ ରବିବାର ଦିନ ହିଁ କରୋନା ଭାଇରସରେ ଋଷରେ ୫୮ ଜଣ ଲୋକ ମୃତ୍ୟୁ ବରଣ କରିଛନ୍ତି । ରୁଷର ରାଜଧାନୀ ମାସ୍କୋ ସବୁଠାରୁ ଖରାପ ଅବସ୍ଥାରେ ଅଛି । କରୋନା ସଂକ୍ରମିତଙ୍କ ସଂଖ୍ୟା  ଏଠାରେ ଅଧିକ । ଏହାସହ ଏଠାକାର ଚିକିତ୍ସା ବ୍ୟବସ୍ଥା ପ୍ରଣାଳୀ ସମ୍ପୂର୍ଣ୍ଣ ଖରାପ ଅବସ୍ଥାରେ ରହିଛି । ତେଣୁ ମସ୍କୋରେ ପ୍ରତିଦିନ ପ୍ରାୟ ୧୭୦୦ ଲୋକ ଭର୍ତ୍ତି ହେଉଛନ୍ତି ।

ମାସ୍କୋର ମେୟର ସର୍ଗେଇ ଶନିବାର ଦିନ କହିଛନ୍ତି ଯେ, ଆମ ସମସ୍ତଙ୍କୁ ଏବେ ସତର୍କ ରହିବାକୁ ପଡ଼ିବ, ଯେମିତି କି ଆମେ କରୋନା ଭାଇରସ୍ ଠାରୁ ବଞ୍ଚି ପାରିବା । କାରଣ ଆମର ଏଠାରେ ଯଦିଓ କରୋନା ମୃତ୍ୟୁ ସଂଖ୍ୟା କମ୍ କିନ୍ତୁ ସଂକ୍ରମିତଙ୍କ ସଂଖ୍ୟା ତୀବ୍ର ଗତିରେ ବୃଦ୍ଧି ପାଉଛି ।

ସେ ଏହା ମଧ୍ୟ କହିଛନ୍ତି ରାଜଧାନୀରେ ୨ ପ୍ରତିଶତ ଅର୍ଥାତ୍ ପ୍ରାୟ ୨.୫୦ ଲକ୍ଷ ଲୋକଙ୍କର କରୋନା ପରୀକ୍ଷା କରାଯାଇଛି । ରବିବାର ଦିନ, ମସ୍କୋରେ ୫୯୪୮ କରୋନା ରୋଗୀ ସାମ୍ନାରୁ ଆସିଥିଲେ । ଏହା ସହିତ ସହରର ମୋଟ କରୋନା ରୋଗୀ ସଂଖ୍ୟା ୬୮,୬୦୬ କୁ ବୃଦ୍ଧି ପାଇଛି ।

ମାସ୍କୋରେ ଲକଡାଉନ୍ କଡ଼ାକଡ଼ି ଭାବେ ପାଳନ କରାଯାଇଛି ।  ଏହି ସହରରେ ପ୍ରାୟ ୧.୨୦ କୋଟି ଲୋକ ନିଜ ଘରେ ହିଁ ରହୁଛନ୍ତି । ରାଷ୍ଟ୍ରପତି ବ୍ଲାଦିମୀରପୁତିନ ଋଷର ଲୋକଙ୍କୁ ଚେତାବନୀ ଦେଇଛନ୍ତି ଯେ, ମହାମାରୀର ସବୁଠାରୁ ଖରାପ ପର୍ଯ୍ୟାୟ ଏପର୍ଯ୍ୟନ୍ତ ଆସି ନାହିଁ ତେଣୁ ସୁରକ୍ଷିତ ରୁହନ୍ତୁ ।

ଏହି ସପ୍ତାହରେ, ଋଷର ପ୍ରଧାନମନ୍ତ୍ରୀ ମିଖାଇଲ୍ ମିଶୁସ୍ତିନ୍ କରୋନା ସଂକ୍ରମିତ ହୋଇଥିଲେ। ଏହା ପରେ ଶୁକ୍ରବାର ଦିନ ଅନ୍ୟ ବରିଷ୍ଠ ମନ୍ତ୍ରି ଭ୍ଲାଦିମିର ୟାକୁଶେଭ ମଧ୍ୟ କରୋନାରେ ପୀଡିତ ଥିଲେ ।

ଋଷରେ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି । ରୁଷ ସରକାର ଦେଶରେ କରାଯାଇଥିବା କରୋନା ପରୀକ୍ଷଣ ସଂଖ୍ୟାକୁ ଦିନକୁ ୪୦ ହଜାରକୁ ବୃଦ୍ଧି କରିଛନ୍ତି । ଯେଉଁମାନେ କରୋନା ସଂକ୍ରମିତ ହେଉଛନ୍ତି, ସେମାନଙ୍କ ଠାରେ ଲକ୍ଷଣ ଦେଖାଯାଉନାହିଁ । ତେଣୁ ଏହା ଏବେ ଚିନ୍ତାର କାରଣ ପାଲଟିଛି ।

ଭ୍ଲାଦିମିର ପୁଟିନ ମଧ୍ୟ ସ୍ୱୀକାର କରିଛନ୍ତି ଯେ ତାଙ୍କ ଦେଶରେ କରୋନା କିଟର ତୀବ୍ର ଅଭାବ ରହିଛି । କିଛି ଦିନ ପୂର୍ବରୁ ପୁତିନ ନିଜେ ମସ୍କୋର ଏକ ଡାକ୍ତରଖାନା ପରିଦର୍ଶନ କରିବାକୁ ଯାଇଥିଲେ। ଯେଉଁଠାରେ ସେ ହଳଦିଆ ରଙ୍ଗର ଏକ ପିପିଇ କିଟ୍ ପିନ୍ଧିଥିବାର ଦେଖାଯାଇଥିଲା ।