ଶ୍ରୀନଗର: ଜମ୍ମୁ କାଶ୍ମୀରରେ ସୁରକ୍ଷା ବାହିନୀ ଉପରେ ଆକ୍ରମଣ । ଏଥିରେ ଦୁଇଜଣ ବିଏସଏଫ ଯବାନ ସହିଦ ହୋଇଥିଲେ। ଯବାନମାନେ ବିଏସଏଫର ୩୭ଟି ବାଟାଲିୟନର | ଶ୍ରୀନଗର ନିକଟ ଗଣ୍ଡରବାଲ ଜିଲ୍ଲାରେ ଏହି ଆକ୍ରମଣ ହୋଇଥିଲା।

ଜମ୍ମୁ କାଶ୍ମୀର ପୋଲିସର ଆଇଜି ବିଜୟ କୁମାର କହିଛନ୍ତି ଯେ, ଡ୍ୟୁଟିରେ ଥିବା ୨ଜଣ ବିଏସ୍ଏଫ୍ କର୍ମଚାରୀ ନିକଟସ୍ଥ ଦୋକାନରୁ କିଛି କିଣିବାକୁ ଯାଇଥିଲେ। ଏହି ସମୟରେ ୨ଜଣ ବାଇକ୍ ଆରୋହୀ ତାଙ୍କୁ ଆକ୍ରମଣ କରିଥିଲେ। ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଡାକ୍ତରଖାନାରେ ମୃତ୍ୟୁ ବରଣ କରିଛନ୍ତି। ଆତଙ୍କବାଦୀମାନେ ମଧ୍ୟ ସେମାନଙ୍କଠାରୁ ଅସ୍ତ୍ରଶସ୍ତ୍ର ଛଡ଼ାଇ ନେଇଥିଲେ।

ସାରା ଦେଶ କରୋନା ଭୂତାଣୁ ସଙ୍କଟ ଦେଇ ଗତି କରୁଥିବା ବେଳେ ଅନ୍ୟପକ୍ଷରେ ଜାମ୍ମୁ କାଶ୍ମୀରରେ ବାରମ୍ବାର ଆତଙ୍କବାଦୀ ଆକ୍ରମଣ ଘଟୁଛି। ନିକଟରେ ଆତଙ୍କବାଦୀଙ୍କ ଆକ୍ରମଣରେ ପୋଲିସର ଜଣେ ହେଡ କନଷ୍ଟେବଳ ସହିଦ ହୋଇଥିଲେ। ଶନିବାର କୁଲଗାମ ଜିଲ୍ଲାର ସୁରକ୍ଷା ବାହିନୀ ଉପରେ ଆତଙ୍କୀ ଆକ୍ରମଣ କରିଛନ୍ତି । ଏହି ଘଟଣାରେ ପୋଲିସର ଜଣେ ହେଡ କନଷ୍ଟେବଳଙ୍କ ମୃତ୍ୟୁ ଘଟିଛି।

କୋଲକାତା: ପଶ୍ଚିମବଙ୍ଗରେ ଲ୍ୟାଣ୍ଡଫଲ୍ କରିଛି ଅତି ଭୀଷଣ ବାତ୍ୟା ‘ଅମ୍ଫାନ’ । ଏହାର ପ୍ରଭାବରେ ଉତ୍ତର ଓଡ଼ିଶା ସମେତ ପଶ୍ଚିମବଙ୍ଗରେ ବ୍ୟାପକ ପ୍ରଭାବ ଦେଖିବାକୁ ମିଳିଛି । ଓଡ଼ିଶା ଅପେକ୍ଷା ପଶ୍ଚିମବଙ୍ଗରେ ଏହାର ଅଧିକ ପ୍ରଭାବ ଦେଖିବାକୁ ମିଳିଛି । ଏଠାରେ ‘ଆମ୍ଫାନ’ରେ ୨ ଜଣଙ୍କର ମୃତ୍ୟୁ ଘଟିଛି । ଉତ୍ତର ୨୪ ପ୍ରଗଣା ମୀନାକ୍ଷୀଠାରେ  ୫୫ ବର୍ଷୀୟା ମହିଳାଙ୍କ ଉପରେ ଗଛ ପଡ଼ିବା ଯୋଗୁ ପ୍ରାଣ ହରାଇଛନ୍ତି । ସେହିପରି ହାଓ୍ୱଡାରେ ଜଣେ ୧୩ ବର୍ଷୀୟ ଝିଅ ଦେହରେ ଉଡ଼ନ୍ତା ଟିଣ ମାଡ଼ ହେବାରୁ ତାଙ୍କର ପ୍ରାଣ ଯାଇଛ । ଅନ୍ୟ ୨ ମୃତକଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ ।

West Bengal: Streets in Kolkata waterlogged, trees uprooted and houses damaged due to strong winds and heavy rain as #Amphan crossed West Bengal-Bangladesh coast between Digha (West Bengal) and Hatiya Islands (Bangladesh) across Sunderbans, between 1530 and 1730 hrs today. pic.twitter.com/obYlwiW9TO

— ANI (@ANI) May 20, 2020

ଘୂର୍ଣ୍ଣିବଳୟ ‘ଆମ୍ଫାନ’ର ଲ୍ୟାଣ୍ଡଫଲ୍

ବୁଧବାର ସନ୍ଧ୍ୟାରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ ଏନଡିଆରଏଫ୍ ଡିଜି ଏସ୍.ଏନ୍ ପ୍ରଧାନ କହିଛନ୍ତି ଯେ ବଙ୍ଗଳାରେ ସୁପର ସାଇକ୍ଲୋନ୍ ଆମ୍ଫାନର ଅବତରଣ ଆରମ୍ଭ ହୋଇଛି। ପରବର୍ତ୍ତୀ କିଛି ଘଣ୍ଟା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ଅବତରଣ ପ୍ରକ୍ରିୟା ପ୍ରାୟ ଚାରି ଘଣ୍ଟା ଚାଲିବ | ଆମେ ପୂରା ପରିସ୍ଥିତି ଉପରେ ନଜର ରଖିଛୁ | ସେ କହିଛନ୍ତି ଯେ ଅବତରଣ ପରେ ଆମର କାମ ଆରମ୍ଭ ହୁଏ।

NDRF ଡିଜି ଏସ୍‌ଏନ୍‌ ପ୍ରଧାନ କହିଛନ୍ତି ଯେ ଆମେ ପଶ୍ଚିମବଙ୍ଗ ଏବଂ ଓଡିଶାର ଉଭୟ ରାଜ୍ୟ ଉପରେ ନଜର ରଖିଛୁ। ଓଡିଶାରେ ୨୦ଟି ଟିମ୍ ଏବଂ ପଶ୍ଚିମବଙ୍ଗରେ ୧୯ଟି ଟିମ୍ ଅଛନ୍ତି। ଏନଡିଆରଏଫ୍‌ର ଡିଜି କହିଛନ୍ତି ଯେ, ସମସ୍ତ ଦଳର ଉପଗ୍ରହ ଯୋଗାଯୋଗ ବ୍ୟବସ୍ଥା ଅଛି। ଆମ ପାଖରେ ଅତ୍ୟାଧୁନିକ ଗଛ କାଟିବା ଏବଂ ସ୍ତମ୍ଭ ଅମଳ ଉପକରଣ ଅଛି | ଉଭୟ ରାଜ୍ୟରେ ୪୧ ଟି ଟିମ୍ ନିୟୋଜିତ ଅଛନ୍ତି | ବଙ୍ଗଳାରେ ଦୁଇଟି ଦଳ ଷ୍ଟାଣ୍ଡରେ ରଖାଯାଇଛି, ଯେଉଁଥିରୁ ବର୍ତ୍ତମାନ ଗୋଟିଏ ଦଳ କୋଲକାତାରେ ନିୟୋଜିତ ଅଛନ୍ତି।

୧୦୬ କିଲୋମିଟର ବେଗରେ ପବନ

ଭାରତୀୟ ପାଣିପାଗ ବିଭାଗ (ଆଇଏମଡି) ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ସୁପର ସାଇକ୍ଲୋନନ୍ ଅମ୍ଫାନ ପଶ୍ଚିମବଙ୍ଗର ସନ୍ଦରବନ ନିକଟକୁ ଆସୁଛି। ବାତ୍ୟା ଯୋଗୁଁ ଓଡିଶାରେ ଘଣ୍ଟା ପ୍ରତି ୧୦୬ କିଲୋମିଟର ବେଗରେ ପବନ ବହିବ। ଆଜି ସନ୍ଧ୍ୟା ସୁଦ୍ଧା ସୁପର ସାଇକ୍ଲୋନ କୋଲକାତାରେ ପହଞ୍ଚିବ ବୋଲି ଆଶା କରାଯାଉଛି। ସେ କହିଛନ୍ତି ଯେ, ଆମର ଆକଳନ ଅନୁଯାୟୀ କୋଲକାତାରେ ପହଞ୍ଚିବା ବେଳକୁ ଘୂର୍ଣ୍ଣିବଳୟର ବେଗ ଘଣ୍ଟା ପ୍ରତି ୧୧୦ କିଲୋମିଟର ହେବ। ଘୂର୍ଣ୍ଣିବଳୟ ଅମ୍ଫାନ ସୁନ୍ଦରବନ ଠାରୁ ପଶ୍ଚିମବଙ୍ଗ-ବାଂଲାଦେଶର ଉପକୂଳବର୍ତ୍ତୀ ଅଞ୍ଚଳ ଯଥା ଦୀଘା (ପଶ୍ଚିମବଙ୍ଗ) ଏବଂ ହାତିୟା ଦ୍ୱୀପପୁଞ୍ଜ (ବାଂଲାଦେଶ) ଦେଇ ଯିବ।

ମେକ୍ସିକୋ: ଆକାଶରୁ ଖସୁଛି ‘କରୋନା’ । ଆମେ ଯେଉଁ କରୋନା କଥା କହୁଛୁ ସେ ଭୟଙ୍କର ଭୂତାଣୁ କରୋନା ନୁହଁ । କରୋନା ଭୂତାଣୁ ଭଳି ଦେଖାଯାଉଥିବା କୁଆପଥର । ମେକ୍ସିକୋରେ ଦେଖିବାକୁ ମିଳିଛି ଏଭଳ ଦୃଶ୍ୟ । ମେକ୍ସିକୋର ନ୍ୟୁ ଲିଓନି ପ୍ରଦେଶରେ ହୋଇଛି କୁଆପଥର ବର୍ଷା ଯାହାର ଆକର କରୋନା ଭୂତାଣୁ ସଦୃଶ୍ୟ । ଯାହାକୁ ଦେଖି ଲୋକେ ଭୟଭୀତ ହୋଇଛନ୍ତି । କିଛି ଲୋକ ଏହାକୁ ସୋସିଆଲ୍ ମିଡିଆରେ ସେୟାର କରିଛନ୍ତି ।

ଲୋକେ ଏହାକୁ ଇଶ୍ୱରଙ୍କ ପ୍ରକୋପ ବୋଲି ମଧ୍ୟ ମଣିଛନ୍ତି । ଏଭଳି କୁଆପଥର ବର୍ଷା କେବେଳ ମେକ୍ସିକୋରେ ହୋଇନାହିଁ । ଜଣେ ଇଣ୍ଟରନେଟ୍ ବ୍ୟବହାରକାରୀ ସାଉଦି ଆରବରେ ମଧ୍ୟ ଏଭଳି କରୋନା ଆକାରର କୁଆପଥର ବର୍ଷା ହୋଇଥିବା ସୂଚନା ଦେଇଛନ୍ତି  । ଏଭଳି କୁଆପଥର ବର୍ଷା ହେବ ସାଧାରଣ କଥା ।

ଏଭଳି ଘଟଣା ନେଇ ପାଣିପାଗ ବିଶେଷଜ୍ଞ  କହିବା ହେଲା ଯେ ବହୁ ସମୟରେ ଅଧିକ ପରିମାଣର କୁଆପଥର ବର୍ଷା ହେବା ଯୋଗୁ ପରସ୍ପର ମଧ୍ୟରେ ଧକ୍କା ହୋଇ ସେମାନଙ୍କ ଆକାର ଭିନ୍ନ ଭିନ୍ନ ରହିଥାଏ । ବେଳେ ପରସ୍ପର ସହିତ ଯୋଡ଼ି ହୋଇ ମଧ୍ୟ ରହିଥାନ୍ତି । ଏଣୁ ସଂଯୋଗବଶତ ସେମାନଙ୍କ ଆକାର ଏଭଳି ରହିଛି  ।

https://twitter.com/A_l_i_n_a__/status/1260615435206053888

କିନ୍ତୁ ମେକ୍ସକୋରେ ଲୋକେ ଆତଙ୍କିତ ହୋଇ ରହିଛନ୍ତି । ଏଠାରେ ମୋଟ ୫୪ ହଜାର ୩୪୬ ମାମଲା ସାମ୍ନାକୁ ଆସିଥିବା ବେଳେ ଗତ ୨୪ ଘଣ୍ଟା ମଧ୍ୟରେ ସର୍ବାଧିକ ୨ ହଜାର ୭୧୩ ନୂଆ ମାମଲା ସାମ୍ନାକୁ ଆସିଛି । ଏହା ଗୋଟିଏ ଦିନର ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା ମଧ୍ୟରେ ସର୍ବାଧିକ ।

ବେଜିଂ: ଚୀନ୍‌ ବିଦେଶ ମନ୍ତ୍ରାଳୟ ବୁଧବାର ତାଇବାନ୍ ପ୍ରସଂଗରେ ଆମେରିକାକୁ ଧମକ ଦେଇଛି । ଆମେରିକା ବିଦେଶମନ୍ତ୍ରୀ ମାଇକ୍‌ ପୋମ୍ପିଓ ଟ୍ୱିଟ୍ କରି ତାଇବାନର ରାଷ୍ଟ୍ରପତି ସାଇ ଇଙ୍ଗ୍‌ ଓ୍ୱେନ୍‌ ତାଙ୍କ ଦ୍ୱିତୀୟ କାର୍ଯ୍ୟକାଳ ପାଇଁ ଅଭିନନ୍ଦନ ଜଣାଇଛନ୍ତି । ଏହି ଟ୍ୱିଟକୁ ନେଇ ବିଦେଶ ମନ୍ତ୍ରାଳୟ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି । ଯେଉଁଥିରେ ଏ ନେଇ ସେ ଅସନ୍ତୋଷ ପ୍ରକାଶ କରିଛନ୍ତି ।

ଚୀନର ବିଦେଶ ମନ୍ତ୍ରାଳୟ କହିଛି କି ଆମେରିକା ବିଦେଶ ମନ୍ତ୍ରୀ ମାଇକ ପମ୍ପିଓ   ତାଇବାନ୍ ଅଞ୍ଚଳର ଶାନ୍ତି ଓ ସ୍ଥିରତା ସହିତ ଆମେରିକା-ଚୀନ ସମ୍ପର୍କକୁ ମଧ୍ୟ ପ୍ରଭାବିତ କରୁଛି । ଚୀନ୍ ଏନେଇ ଜରୁରୀ କାର୍ଯ୍ୟାନୁଷ୍ଠାନ ଗ୍ରହଣ କରିବ ଏବଂ ଆମେରିକାକୁ ଏହାର ପରିଣାମ ଭୋଗିବାକୁ ପଡ଼ିବ ବୋଲି କୁହାଯାଇଛି ।

ଆମେରିକା ବିଦେଶ ମନ୍ତ୍ରୀ ପମ୍ପିଓ ଟ୍ୱିଟ୍ କରିଥିଲେ ଯେ, ତାଇବାନ୍ ରାଷ୍ଟ୍ରପତି ନିଜ ଦ୍ୱିତୀୟ କାର୍ଯ୍ୟକାଳ ପାଇଁ ସାଇ ଇଙ୍ଗ୍‌ ଓ୍ୱେନ୍‌ଙ୍କୁ ଶୁଭେଚ୍ଛା ଜଣାଇଥିଲେ । ତାଇବାନରେ ବିକଶିତ ହେଉଥିବା ଗଣତନ୍ତ୍ର ସମଗ୍ର ବିଶ୍ୱ ଏବଂ ଅନ୍ୟ ଅଞ୍ଚଳ ପାଇଁ ପ୍ରେରଣା । ରାଷ୍ଟ୍ରପତି ସାଇଙ୍କ ନେତୃତ୍ୱରେ ତାଇବାନ ସହିତ ଆମର ସମ୍ପର୍କ ମଜବୁତ ହେବ ।

ଚୀନ ୧୯୪୯ରେ ଗୃହ ଯୁଦ୍ଧର ସମାପ୍ତି ପରେ ତାଇବାନ ନିଜକୁ ସ୍ୱତନ୍ତ୍ର ରାଷ୍ଟ୍ରଭାବେ ନିଜକୁ ଘୋଷିତ କରିଆସୁଛି । କିନ୍ତୁ ଚୀନ୍ ହଂକଂ ଭଳି ତାଇବାନ ଉପରେ ମଧ୍ୟ ଗୋଟିଏ ଦେଶ ୨ଟି ବ୍ୟବସ୍ଥା ଲାଗୁ କରିବାକୁ ଚାହୁଁଛି । ଏଭଳି କି ତାଇବାନ ଉପରେ ଚୀନ ବଳପୂର୍ବକ ଅକ୍ତିଆର କରିବ ବୋଲି କହିଛି । ଏଣୁ କୌଣସି ଦେଶ ଯଦି ତାଇବାନକୁ ସମର୍ଥନ କରେ ଚୀନ ସେହି ଦେଶକୁ ଧମକାଇଥାଏ ।

ତାଇବାନ ରାଷ୍ଟ୍ରପତି  ସାଇ ଇଙ୍ଗ୍‌ ଓ୍ୱେନ୍‌ ‌ କରୋନା ଭାଇରସ ବିରୋଧରେ ଯେଉଁଭଳି ଭାବେ କାମ କରିଛନ୍ତି, ତାକୁ ନେଇ ସାରା ବିଶ୍ୱ ତାଇବାନକୁ ପ୍ରଶଂସା କରୁଛି । ଯେତେବେଳେ ବିଶ୍ୱ ସ୍ୱାସ୍ଥ୍ୟ ସଂଗଠନର ବାର୍ଷିକ ବୈଠକରେ ତାଇବାନକୁ ମଧ୍ୟ ସାମିଲ କରିବା ପ୍ରସ୍ତାବକୁ ଚୀନ ବିରୋଧ କରିଛି । ଚୀନ ପକ୍ଷରୁ କୁହାଯାଇଛି ଯେ, ତାଇବାନକୁ ଗୋଟିଏ ଦେଶର ମାନ୍ୟତା ଦିଆଯାଇପାରିବ ନାହିଁ । ସାଇ ଇଙ୍ଗ୍‌ ଓ୍ୱେନ୍‌ ତାଇବାନକୁ ଏକ ସାର୍ବଭୌମ୍ୟ ଦେଶ । ଏବଂ ସେ ଚୀନର ଅଂଶ ନୁହେଁ । ଆମେ ଗୋଟିଏ ଦେଶ ୨ଟି ବ୍ୟବସ୍ଥା ଆଳରେ ଚୀନର ଆଧିପତ୍ୟ ଗ୍ରହଣ କରିବୁନାହିଁ  ।

ବେଙ୍ଗାଲୁରୁ: ଦେଶରେ ଗୋଟେ ପଟେ କରୋନା ଭାଇରସର ବିପର୍ଯ୍ୟୟ ଚାଲିଥିବା ବେଳେ ଏବଂ ଅନ୍ୟପଟେ ବାତ୍ୟା ଅମ୍ଫାନର ପ୍ରକୋପ ପୂର୍ବ ଭାରତ ରାଜ୍ୟମାନଙ୍କରେ ରହିଛି। ଏହି ସମୟରେ କର୍ଣ୍ଣାଟକର ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟଜନକ ତଥା ବିବ୍ରତ ଖବର ସାମ୍ନାକୁ ଆସିଛି। ବୁଧବାର ଅପରାହ୍ନରେ ବେଙ୍ଗାଲୁରୁରେ ଏକ ଅଜବ ସ୍ୱର ଶୁଣିବାକୁ ମିଳିଛି । ଯାହା ପରେ କଳ୍ପନାଯଳ୍ପନାର ବଜାର ଗରମ ଏବଂ ଅଧିକାରୀମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

The activity reported in Bengaluru is not due to an Earthquake. The Seismometers did not capture any Ground Vibration as generally happens during a mild Tremor. The activity is purely a loud unknown noise.

— Karnataka State Natural Disaster Monitoring Centre (@KarnatakaSNDMC) May 20, 2020

ବୁଧବାର ଅପରାହ୍ନରେ ବେଙ୍ଗାଲୁରୁରେ ଲୋକମାନେ ଏକ ଉଚ୍ଚ ସ୍ୱର ଶୁଣିବାକୁ ପାଇଥିଲେ । ଲୋକମାନେ କୁହନ୍ତି ଯେ ଏହା ଏକ ଉଚ୍ଚ ଭୂମିକମ୍ପ କିମ୍ବା ଝଟକା ଭଳି ଥିଲା | ଲୋକଙ୍କ କହିବାନୁସାରେ, ଏହି ସ୍ୱର ପ୍ରାୟ ପାଞ୍ଚ ସେକେଣ୍ଡ ପର୍ଯ୍ୟନ୍ତ ପ୍ରତିଧ୍ୱନିତ ହେଉଥିଲା। କର୍ଣ୍ଣାଟକ ରାଜ୍ୟ ବିପର୍ଯ୍ୟୟ ନିରୀକ୍ଷଣ କେନ୍ଦ୍ର ପକ୍ଷରୁ ଏକ ବିବୃତ୍ତି ଦିଆଯାଇଛି ଯେ ଏହା କୌଣସି ଭୂକମ୍ପର ଶବ୍ଦ ନୁହେଁ । ଭୂମିରେ କୌଣସି କମ୍ପନ ଦେଖାଯାଇ ନାହିଁ,  କିନ୍ତୁ ସେଠାରେ ଥିବା ସ୍ୱର ସଂପୂର୍ଣ୍ଣ ଅଲଗା ଥିଲା ।

#Bangalore #earthquake #sonicboom here's a recording of the sound if it helps anyone analyze the sound to ascertain what the source was: pic.twitter.com/q78Xu4Rb0E

— Nihar Pradhan (@niharpradhaan) May 20, 2020

ବେଙ୍ଗାଲୁରୁର ହ୍ୱାଇଟଫିଲ୍ଡ ଅଞ୍ଚଳରେ, ଯେଉଁଠାରେ ଏହି ସ୍ୱର ଶୁଣାଗଲା, ସେଠାରେ ଅଧିକାରୀମାନେ ସକ୍ରିୟ ହୋଇଗଲେ | ବାୟୁସେନା, HAL ର କମ୍ପାନୀ ସହିତ ଯୋଗାଯୋଗ କରାଯାଉଛି ଏବଂ ସେମାନଙ୍କର ଉତ୍ତରର ଅପେକ୍ଷା କରାଯାଇଛି ।

Karnataka State Natural Disaster Monitoring Centre : activity reported in Bengaluru is not due to an Earthquake. The Seismometers did not capture any Ground Vibration as generally happens during a mild Tremor. The activity is purely a loud unknown noise. https://t.co/KPRfqg5JAO

— Nagarjun Dwarakanath (@nagarjund) May 20, 2020

ବେଙ୍ଗାଲୁରୁ ପୋଲିସ କମିଶନର ଭାସ୍କର ରାଓ କହିଛନ୍ତି ଯେ ଏହି ସ୍ୱର ପ୍ରାୟ ଏକ ଘଣ୍ଟା ପୂର୍ବରୁ ଆସିଥିଲା, ଏହା କେଉଁଠାରୁ ଆସିଛି ତାହା କେହି ଜାଣି ନାହାଁନ୍ତି । କିନ୍ତୁ କୌଣସି କ୍ଷୟକ୍ଷତି ହୋଇନାହିଁ । ଏହି ସ୍ୱର ପ୍ରାୟ ୨୧ କିଲୋମିଟର ପର୍ଯ୍ୟନ୍ତ ଶୁଣାଯାଇଛି ।