କାଠମାଣ୍ଡୁ: ନେପାଳ ଦେଖଉଛି ନାଲି ଆଖି । ସୀମା ବିବାଦ ନେଇ ଭାରତକୁ ନାଲି ଆଖି ଦେଖାଇଛନ୍ତି ନେପାଳ ପ୍ରତିରକ୍ଷା ମନ୍ତ୍ରୀ ଇଶ୍ୱର ପୋଖରେଲ୍‌ । ସେ କହିଛନ୍ତି, ଆବଶ୍ୟକ ପଡ଼ିଲେ ନେପାଳ ସେନା ଲଢ଼େଇ କରିବ । ଭାରତୀୟ ସେନା ମୁଖ୍ୟ ଏମ୍‌ ଏମ୍‌ ନରଭାଣେ ଦେଇଥିବା ବୟାନର ପ୍ରତିକ୍ରିୟାରେ ଏଭଳି କହିଛନ୍ତି ପୋଖରେଲ୍‌ ।

ସୂଚନା ଯୋଗ୍ୟ ଯେ, ଭାରତୀୟ ସେନା ମୁଖ୍ୟ ଏମ୍‌ ଏମ୍‌ ନରଭାଣେ ଗତ ୧୫ ତାରିଖରେ କଳାପାଣି ବିବାଦକୁ ନେଇ ପ୍ରତିକ୍ରିୟା ରଖିଥିଲେ । ନିଜ ବୟାନରେ ଏମ୍‌ ଏମ୍‌ ନରଭାଣେ କହିଥିଲେ ଯେ, ନେପାଳ ଆଉ କାହା ଇସାରାରେ କାଳାପାଣି ନେଇ ବିରୋଧ କରୁଛି । ସେନା ପ୍ରମୁଖ ପରୋକ୍ଷରେ ଚୀନ ଆଡ଼କୁ ଇସାରା କରିଥିଲେ ।

ଏହି ବୟାନକୁ ନେଇ ଏବେ ନେପାଳ ପ୍ରଧାନମନ୍ତ୍ରୀ ଏବଂ ରକ୍ଷା ମନ୍ତ୍ରୀ ଇଶ୍ୱର ପୋଖରେଲ ପ୍ରତିକ୍ରିୟା ରଖିଛନ୍ତି । ନେପାଳ ରକ୍ଷା ମନ୍ତ୍ରୀଙ୍କ କହିବା ହେଲା ଯେ,  ଭାରତୀୟ ସେନା ମୁଖ୍ୟଙ୍କ ବୟାନ ଦ୍ୱାରା ଗୋରଖାଙ୍କ ଭାବନାକୁ ଆଘାତ ଦେଇଛି । ଗୋରଖାମାନେ ବହୁ ବର୍ଷ ଧରି ଭାରତ ପାଇଁ ବଳିଦାନ ଦେଇଆସିଛନ୍ତି ।

ଦି ରାଇଜିଂ ନେପାଳ ପତ୍ରିକକୁ ନିଜ ପ୍ରତିକ୍ରିୟା ଦେଇ ରକ୍ଷା ମନ୍ତ୍ରୀ କହିଛନ୍ତି ଯେ, ଜେନରାଲ ନରଭାଣେ କୁଟନୈତିକ ବିବାଦରେ ଚୀନ ଆଡ଼କୁ ଇସାରା କରିବା ନିନ୍ଦନୀୟ । ସେନା ପ୍ରମୁଖଙ୍କ ଠାରୁ ଏଭଳି ବୟାନ ଆଶା କରାଯାଉନଥିବା ସେ କହିଛନ୍ତି ।

ସ୍ୱାଧୀନତା ପୂର୍ବରୁ ହିଁ ଭାରତୀୟ ସେନାରେ ଗୋରଖା ଦଳ ସାମିଲ ହୋଇଛନ୍ତି । ଏବଂ ଭାରତ-ନେପାଳ ବିବାଦଠାରୁ ସେମାନଙ୍କ ସବୁବେଳେ ଦୂରରେ ରଖାଯାଇଛି । ଭାରତୀୟ ସେନାରେ ପାଖାପାଖି ୪୦ ବାଟାଲିୟନ ନେପାଳ ସୈନିକ ଅଛନ୍ତି । ତେବେ ଏହା ପ୍ରଥମ ଥର ନୁହେଁ ଯେ, ନେପାଳ-ଭାରତ ବିବାଦରେ ନେପାଳ ରକ୍ଷା ମନ୍ତ୍ରୀ ଗୋରଖା ସମ୍ପ୍ରଦାୟକୁ ଏଥିରେ ଯୋଡ଼ିଛନ୍ତି ।

୮ ମଇରେ ଦାରଚୁଲା-ଲିପୁଲେଖାରେ ଭାରତ ସଡ଼କ କାମ ଆରମ୍ଭ କରିଥିଲା । ଯାହାକୁ ନେଇ ନେପାଳ ବିରୋଧ ପ୍ରଦର୍ଶନ କରିଛି । ନେପାଳ ଏହି ଅଞ୍ଚଳରେ ନିଜର ଦାବି ଉପସ୍ଥାପନ କରିଛନ୍ତି । ସେନା ମୁଖ୍ୟ ନରଭାଣେଙ୍କ ପକ୍ଷରୁ ଦିଆଯାଇଥିବା ବୟାନରେ ଲିଙ୍କ୍‌ ରୋଡ ଭାରତୀୟ କ୍ଷେତ୍ରରେ ରହିଛି ଏଣୁ ନେପାଳ ପାଖରେ ବିରୋଧ କରିବା ନେ କୌଣସି କାରଣ ନାହିଁ ।

ନେପାଳ ସେନା ଏହି ପ୍ରସଂଗରେ ଚୁପ୍‌ ରହିଛି । ନେପାଳ ସେନା ପ୍ରବକ୍ତା ଜେନରାଲ ବିଜ୍ଞାନ ଦେବ ପାଣ୍ଡେ ନରଭାଣେଙ୍କ ବୟନ ଉପରେ ପ୍ରତକ୍ରିୟା ରଖିନାହାନ୍ତି । ରାଜେନୖତିକ ପ୍ରସଂଗରେ ଫସିବାକୁ ଚାହୁଁନଥିବା ସେ କହିଛନ୍ତି । ସୋମବାର ମଧ୍ୟ ନେପାଳ ସେନା ପ୍ରମୁଖ ପୁରୁଣା ମନୋଭାବ ବଜାୟୀ ରଖିଛି ।

ପୋଖରେଲ କହିଛନ୍ତି ଯେ, ତାଙ୍କ ସେନା କଠମାଣ୍ଡୁର ଆବଶ୍ୟକତା ଅନୁସାରେ ଠିକ୍‌ ସମୟ ଆସିଲା ପରେ ନିଜ କାର୍ଯ୍ୟ ନିର୍ବାହ କରିବେ । ଯଦି ଆବଶ୍ୟକ ପଡ଼େ ଆମେ ଲଢ଼ିବୁ । ତେବେ ସେ ରାଜନୈତିକ ବାର୍ତ୍ତା ମଧ୍ୟରେ ନିର୍ଯ୍ୟାସ ବାହାର କରିବାକ ପାଇଁ ଅପିଲ କରିଛନ୍ତି ।

ଅହମ୍ମଦାବାଦ: ମେଡିକାଲ ସାଇନ୍ସ ପାଇଁ ରହସ୍ୟ ରହିଆସିଥିବା ପ୍ରହଲ୍ଲାଦ ଜନିଙ୍କର ମଙ୍ଗଳବାର ଦିନ ଦେହାନ୍ତ ହୋଇଯାଇଛି । ଗୁଜୁରାଟର ଅମ୍ବାଜୀ ଅଂଚଳରେ ରହୁଥିବା ୯୦ ବର୍ଷୀୟ ଜନୀ ବିଗତ ୭୫ ବର୍ଷ ଧରି ଖାଦ୍ୟ ଖାଉନଥିଲେ କି ପାଣି ପିଉନଥିଲେ । ଗତ କିଛି ଦିନ ଧରି ତାଙ୍କୁ କାସ ହେଉଥିଲା । ଏଥିପାଇଁ ତାଙ୍କର କରୋନା ଟେଷ୍ଟ୍ ମଧ୍ୟ ହୋଇଥିଲା । ତେବେ ଟେଷ୍ଟ ନେଗେଟିଭ୍ ଆସିଥିଲା । ମଙ୍ଗଳବାର ସକାଳରେ ଗାନ୍ଧିନଗରର ଚରବଡା ଗ୍ରାମରେ ସେ ଅନ୍ତିମ ନିଶ୍ୱାସ ନେଇଥିଲେ ।
ଜନୀଙ୍କ ମରଶରିରକୁ ଅନ୍ତିମଦର୍ଶନ ପାଇଁ ଅହମ୍ମଦାବାଦର ଅମ୍ବାଜୀ ମନ୍ଦିରରେ ଥିବ ତାଙ୍କ ଆଶ୍ରମରେ ରଖାଯାଇଛି । ଦୁଇ ଦିନ ପରେ ତାଙ୍କୁ ସମାଧୀ ଦିଆଯିବ । ୯୦ ବର୍ଷୀୟ ଜନୀ ୭୫ ବର୍ଷ ଧରି ଖାଦ୍ୟ ଖାଇନଥିଲେ କି ଜଳ ଗ୍ରହଣ କରିନଥିଲେ ।

୨୪ ଘଣ୍ଟା କ୍ୟାମେରା ନିରୀକ୍ଷଣରେ ଥିଲେ ବାବା
୭୫ ବର୍ଷ ଧରି ବିନା ଖାଦ୍ୟା ଓ ବିନା ଜଳରେ ଜଣେ ବ୍ୟକ୍ତି କେମିତି ବଞ୍ଚିପାରିବେ ? ଏହି ପ୍ରଶ୍ନ ଉଠିବା ପରେ ଅହମ୍ମଦାବାଦର ଷ୍ଟର୍ଲିଂ ହସ୍ପିଟାଲର ଚିକିତ୍ସକ,ପ୍ରତିରକ୍ଷା ଅନୁସଂଧାନ ଏବଂ ବିକାଶ ସଂଗଠନ (ଡିଆରଡିଓ) ସହଯୋଗରେ ତାଙ୍କ ଉପରେ ଗବେଷଣା କରିଥିଲେ । ତାଙ୍କୁ ୨୪ ଘଣ୍ଟା ଧରି କ୍ୟାମେରା ନିରୀକ୍ଷଣରେ ରଖାଯାଇଥିଲା । ମୋଟ ୧୫ ଦିନ ପର୍ଯ୍ୟନ୍ତ ସେ ଡିଆରଡିଓ ନିରୀକ୍ଷଣରେ ରହିଥିଲେ । କିନ୍ତୁ ଏଥିରୁ କୌଣସି ଫଳାଫଳ ମିଳିନଥିଲା ।

ମହାକାଶଯାତ୍ରା ପାଇଁ ହୋଇଥିଲା ଗବେଷଣା
୧୫ ଦିନ ଭିତରେ ଜନୀ ଖାଦ୍ୟ ଓ ପାଣି ଛୁଇଁନଥିଲେ । ଏହା ମାନବ ଶରିରର ସିଷ୍ଟମ ହିସାବରୁ କୌଣସି ଚମତ୍କାରଠାରୁ କିଛି କମ ନଥିଲା । ଚିକିତ୍ସକଙ୍କ ଆଶା ଥିଲା ଯେ, ବିନା ଖାଦ୍ୟ ଓ ପାଣିରେ ବଂଚିବା ରହସ୍ୟ ଜଣାପଡିଲେ ମହାକାଶଯାତ୍ର,ଦୁର୍ଗମ ଅଂଚଳରେ ସୈନିକଙ୍କ ପାଇଁ ଉପଯୋଗୀ ହୋଇପାରିବ । କିନ୍ତୁ ବିଜ୍ଞାନ ଜନୀ ବାବାଙ୍କ ରହସ୍ୟ ଉପରୁ ପରଦା ହଟାଇ ପାରିନଥିଲା । ଆଉ ଏବେ ଜନୀଙ୍କ ନିଧନ ସହ ଏହି ରହସ୍ୟ ମଧ୍ୟ ସବୁଦିନ ପାଇଁ ରହସ୍ୟ ହୋଇ ରହିଗଲା ।

ୱାସିଂଟନ: ୨୪ଘଣ୍ଟା ପରେ ଆମେରିକା ବିଜ୍ଞାନର ଇତିହାସ ବଦଳିଯିବ । ଆମେରିକା ମହାକାଶ ବିଜ୍ଞାନ ଜଗତରେ ଏକ ନୂତନ ପଦକ୍ଷେପ ନେବାକୁ ଯାଉଛି । ଯାହାର ସାକ୍ଷୀ ହେବେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ବିଶ୍ୱର ଅନେକ ବୈଜ୍ଞାନିକ । ମହାକାଶକୁ ପୁଣିଥରେ ମାନବ ମିଶନ ପଠାଇବାକୁ ନେଇ ୨୪ ଘଣ୍ଟା ପରେ ହେବାକୁ ଥିବା ଘଟଣା ଆମେରିକା ଇତିହାସରେ ମାଇଲଖୁଣ୍ଟ ପ୍ରମାଣିତ ହୋଇପାରେ  । ଆସନ୍ତୁ ଜାଣିବା ସମସ୍ତ ଘଟଣା ସମ୍ପର୍କରେ  ।

୨୧ ଜୁଲାଇ ୨୦୧୧ ପରେ, ପ୍ରଥମ ଥର ପାଇଁ ଆମେରିକା ମାଟିରୁ କୌଣସି ଏକ ମାନବ ମିଶନ ମହାକାଶକୁ ଯିବ । ତାହା ପୁଣି ଆମେରିକୀୟ ରକେଟ୍ ମାଧ୍ୟମରେ । ଅର୍ଥାତ୍ ୯ ବର୍ଷ ପରେ ଆମେରିକାର ସ୍ପେସ୍ ଏଜେନ୍ସି ନାସା ସେମାନଙ୍କ ମହାକାଶ କେନ୍ଦ୍ରରୁ ସ୍ୱଦେଶୀ ରକେଟରେ ମହାକାଶଚାରୀଙ୍କୁ ପଠାଇବ ଏବଂ ତାହା ଆନ୍ତର୍ଜାତୀୟ ସ୍ପେସ୍ ଷ୍ଟେସନ୍ (ଆଇଏସ୍ଏସ୍) ପର୍ଯ୍ୟନ୍ତ ପଠାଇବ । ନାସା ଏହାର ତାରିଖ ମଧ୍ୟ ସ୍ଥିର କରିସାରିଛି ।

ଆସନ୍ତା  ମେ ୨୭, ୨୦୨୦ରେ, ଅପରାହ୍ନ ୪.୩୩ରେ, ନାସା   ଦୁଇ ଜଣ ଆମେରିକୀୟ ମହାକାଶଚାରୀଙ୍କୁ ଆମେରିକୀୟ ରକେଟରେ ବାସାଇ ISSକୁ ପଠାଇବ । ଏହି ମିଶନରେ ସ୍ପେସ୍ ଷ୍ଟେସନକୁ ଯାଉଥିବା ଆମେରିକୀୟ ମହାକାଶଚାରୀ ମାନେ ହେଲେ ରାବର୍ଟ ବେନକେନ୍ ଏବଂ ଡଗଲସ୍ ହର୍ଲି ।

ଏହି ଦୁଇ ମହାକାଶଚାରୀଙ୍କୁ ଆମେରିକାର କମ୍ପାନୀ ସ୍ପେସ୍-ଏକ୍ସର  ସ୍ପେସକ୍ରାପ୍ଟ ବା ମହାକାଶଯାନ ଡ୍ରାଗନ୍ (ସ୍ପେସ୍ ଏକ୍ସ ଡ୍ରାଗନ୍)​​ରୁ ଅନ୍ତର୍ଜାତୀୟ ସ୍ପେସ୍ ଷ୍ଟେସନକୁ ପଠାଯିବ । ସ୍ପେସ୍-ଏକ୍ସ ହେଉଛି ଆମେରିକୀୟ ଶିଳ୍ପପତି ଏଲନ୍ ମସ୍କଙ୍କ କମ୍ପାନୀ । ଭବିଷ୍ୟତ ପାଇଁ ଏହା ନାସା ସହ ମିଶି ଅନେକ ସ୍ପେସ୍ ମିଶନରେ କାମ କରୁଛି ।

ସ୍ପେସ୍-ଏକ୍ସ ଡ୍ରାଗନ୍ ମହାକାଶଯାନ ଆମେରିକାର ସବୁଠାରୁ ବିଶ୍ୱସ୍ତ ରକେଟ୍ ଫାଲକନ୍ -୯ ଉପରେ ଲଗାଯିବ । ଏହା ପରେ ଫାଲକନ୍ -୯ ରକେଟକୁ ଫ୍ଲୋରିଡାର ଲଞ୍ଚ କମ୍ପ୍ଲେକ୍ସ ୩୯ଏ ରୁ ଉତକ୍ଷେପଣ କରାଯିବ । ଏହି ମିଶନକୁ ଡେମୋ-୨ ମିଶନ୍ ନାଁ ଦିଆଯାଇଛି । ଡେମୋ- ୧ ମିଶନରେ ଡ୍ରାଗନ୍ ସ୍ପେସକ୍ରାଫ୍ଟରୁ ସଫଳତାର ସହିତ ସ୍ପେସ୍ ଷ୍ଟେସନକୁ ସାମଗ୍ରୀ ପଠାଯାଇଥିଲା ।

ଏହି ମିଶନରେ, ରବର୍ଟ ବେନକେନ୍ ମହାକାଶଯାନର ଡକିଂ ଅର୍ଥାତ୍ ସ୍ପେସ୍ ଷ୍ଟେସନରେ ଯୋଡ଼ି ହୋଇ, ଅନଡାକିଂ ସ୍ପେସ୍ ଅର୍ଥାତ୍ ସ୍ପେସ ଷ୍ଟେସନରୁ ପୃଥକତା ହେବା ଏବଂ ଏହାର ପଥ ନିର୍ଣ୍ଣୟ କରିବେ । ବେନକେନ୍ ପୂର୍ବରୁ ଦୁଇଥର ସ୍ପେସ୍ ଷ୍ଟେସନ୍ ପରିଦର୍ଶନ କରିଛନ୍ତି । ପ୍ରଥମ ଥର ପାଇଁ ସେ ୨୦୦୮ ରେ ଏବଂ  ଶେଷଥର ପାଇଁ  ୨୦୧୦ ରେ ସେ ଅନ୍ତର୍ଜାତୀୟ ସ୍ପେସ୍ ଷ୍ଟେଶନକୁ ଯାଇଥିଲେ ।

ଏହାସହ, ଡଗଲସ୍ ହର୍ଲି ଡ୍ରାଗନ୍ ମହାକାଶଯାନର କମାଣ୍ଡର ହେବେ । ଉତକ୍ଷେପଣ, ଅବତରଣ ଏବଂ ପୁନରୁଦ୍ଧାର ପାଇଁ ସେ ଦାୟି ରହିବେ । ୨୦୦୯ ଏବଂ ୨୦୧୧ ରେ ଡଗଲସ୍ ସ୍ପେସ୍ ଷ୍ଟେସନକୁ ଯାଇଛନ୍ତି । ସେ ବୃତ୍ତିରେ ଜଣେ ସିଭିଲ୍ ଇଞ୍ଜିନିୟର ଥିଲେ । ପରେ ୨୦୦୦ ରେ, ସେ ନାସା ସହିତ ଜଡିତ ହୋଇଥିଲେ । ଏହାପୂର୍ବରୁ ଆମେରିକାର ମେରାଇନ୍ କର୍ପସରେ ଯୁଦ୍ଧ ବିମାନର ପାଇଲଟ୍ ଥିଲେ ।

ମେ ମାସରେ ଆରମ୍ଭ ହୋଇଥିବା ଏହି ମିଶନ ପରେ, ଏହି ଉଭୟ ମହାକାଶଚାରୀ ସ୍ପେସ୍ ଷ୍ଟେସନରେ ୧୧୦ଦିନ ରହିବେ । ଆପଣଙ୍କୁ କହି ରଖୁଛୁ ଯେ ସ୍ପେସ୍-ଏକ୍ସ ଡ୍ରାଗନ୍ କ୍ୟାପସୁଲ୍ ଥରକେ ୨୧୦ ଦିନ ପର୍ଯ୍ୟନ୍ତ ମାହାକାଶରେ ସମୟ ବିତାଇପାରିବ । ଏହା ପରେ ତାଙ୍କୁ ମରାମତି ପାଇଁ ପୃଥିବୀକୁ ଫେରିବାକୁ ପଡିବ ।

୯ ବର୍ଷ ପରେ ଆମେରିକାର ସ୍ପେସ୍ ଏଜେନ୍ସି ନାସା ଏହାର ବ୍ୟବସାୟିକ କ୍ରୁ କାର୍ଯ୍ୟକ୍ରମ ଆରମ୍ଭ କରୁଛି। ଏହି ମିଶନର ସଫଳତା ପରେ ଆମେରିକାକୁ ସେମାନଙ୍କ ମହାକାଶଚାରୀଙ୍କୁ ମହାକାଶକୁ ପଠାଇବା ପାଇଁ ଋଷ ଏବଂ ୟୁରୋପୀୟ ଦେଶମାନଙ୍କ ନିକଟକୁ ଯିବାକୁ ପଡିବ ନାହିଁ ।

୨୭ ଜୁଲାଇ ୨୦୧୧ ରେ, ନାସା ତାର ସବୁଠୁ ସଫଳତମ ସ୍ପେସ୍ ସଟଲ୍ ପ୍ରୋଗ୍ରାମ ବନ୍ଦ କରିଦେଇଥିଲା । ସେହି ଦିନ ସ୍ପେସ୍ ସଟଲ୍ ଆଟଲାଣ୍ଟିସ୍ ପୃଥିବୀକୁ ଫେରିଥିଲା । ସ୍ପେସ୍ ସଟଲ୍ ପ୍ରୋଗ୍ରାମ୍ ମାଧ୍ୟମରେ ସ୍ପେସ୍ ଷ୍ଟେସନକୁ ୧୩୫ ବିମାନ ଉଡ଼ାଣ କରାଯାଇଥିଲା । ୩୦ ବର୍ଷ ଧରି ଚାଲିଥିବା ଏହି କାର୍ଯ୍ୟକ୍ରମରେ ୩୦୦ ରୁ ଅଧିକ ମହାକାଶଚାରୀଙ୍କୁ ମହାକାଶକୁ ପଠାଯାଇଥିଲା ।

ୱାରଂଗଲ: ପ୍ରେମିକାର ହତ୍ୟାକୁ ଲୁଚାଇବାକୁ ଏବଂ ପ୍ରେମିକାର ଝିଅକୁ ପାଇବାକୁ ପ୍ରେମିକା ସହ ୧୦ଜଣଙ୍କୁ ହତ୍ୟା କଲା ପ୍ରେମିକ । ତେଲେଙ୍ଗାନାର ୱାରଂଗଲରୁ ଏମିତି ଏକ ଘଟଣା ସାମ୍ନାକୁ ଆସିଛି । ଯାହାର ଘଟଣା କ୍ରମ ଜାଣିବା ପରେ ଆପଣଙ୍କ ପାଦ ତଳୁ ମାଟି ଖସି ଯିବ । ତେଲେଙ୍ଗାନାର ୱାରଂଗଲ ଜିଲ୍ଲାରେ କିଛି ଦିନ ତଳେ ଗୋଟିଏ କୂଅରୁ ୯ଜଣଙ୍କ ଶବ ବାହାରିଥିଲା । ଏବଂ ଏହି ଘଟଣାରେ ପୋଲିସ ଆଜି ୨୪ବର୍ଷିୟ ଯୁବକ ସଞ୍ଜୟ ଯାଦବଙ୍କୁ ଗିରଫ କରିଛି ।

ପୋଲିସର କହିବା ଅନୁସାରେ ଯାଦବ ତା ପ୍ରେମିକା ରାଫିକାର ହତ୍ୟାକୁ ଲୁଚାଇବାକୁ ୯ଜଣଙ୍କ ହତ୍ୟା କରିଛି  । ୯ଜଣଙ୍କ ଭିତରୁ ୬ଜଣ ଗୋଟିଏ ପରିବାରର । ପୋଲିସ ଅନୁସାରେ ଘଟଣାକ୍ରମ କିଛି ଏଭଳି ଥିଲା ।

ସଞ୍ଜୟ ଯାଦବର ମକସୁଦ ଏବଂ ତା ଭାଉଜ ସହ ପରିଚିତ ଥିଲା । ଧିରେ ଧିରେ ଯାଦବ ଏବଂ ରାଫିକା ଭିତରେ ସମ୍ପର୍କ ବଢିଥିଲା ଏବଂ ଦୁହେଁ ଏକାସାଙ୍ଗରେ ରହୁଥିଲେ । ରାଫିକାଙ୍କର ୩ଟି ସନ୍ତାନ ମଧ୍ୟ ସେମାନଙ୍କ ସହ ରହୁଥିଲେ । ଯାଦବ ରାଫିକାଙ୍କ ୧୫ ବର୍ଷିୟା ଝିଅ ସହ ଖରାବ ବ୍ୟବହାର କରିବାରୁ ରାଫିକା ତା ବିରୋଧରେ ପୋଲିସରେ ଅଭିଯୋଗ କରିବାକୁ ଧମକ ଦେଇଥିଲା । ରାଫିକାର ଏମିତି ଧମକ ପାଇଁ ଯାଦବ ରାଫିକାର ଝିଅକୁ ପାଇବା ପାଇଁ ଯୋଜନା କଲା ।

ସେ ରାଫିକାକୁ ବାହାହେବାକୁ କହି ମିଛରେ ଘରକୁ ନେବାର ବାହାନା କରିଥିଲେ ଏବଂ ରାସ୍ତାରେ ରାଫିକା ଖାଇବାରେ ନିଦ ଔଷଧ ମିଶାଇ ତା ତଣ୍ଟି ଚିପି ତାକୁ ଟ୍ରେନରୁ ଫୋପାଡ଼ି ଦେଇଥିଲା । ଏବଂ ପୁଣି ସେ ବାରଂଗଲକୁ ଫେରି ଆସିଥିଲା । ତାକୁ ଦେଖି ମକସୁଦର ସ୍ତ୍ରୀ ରାଫିକା ବିଷୟରେ ପଚାରିବାକୁ ଲାଗିଥିଲେ  । ଯାଦବ ଏନେଇ କିଛି ଉତ୍ତର ନଦେବାରୁ ସେ ମଧ୍ୟ ପୋଲିସରେ ଅଭିଯୋଗ କରିବାକୁ ଧମକ ଦେଇଥିଲେ । ଯାହାକୁ ନେଇ ସେ ବିଚଳିତ ହୋଇପଡ଼ିଥିଲା ଏବଂ ସେମାନଙ୍କୁ ମାରିବାକୁ ଯୋଜନା କରିଥିଲା ।

ସେ ମକସୁଦା ଘରକୁ ଯିବାର ପ୍ଲାନ କରିଥିଲା । ସେମାନେ ଏକ ଫ୍ୟାକ୍ଟ୍ରିରେ କାମ କରନ୍ତି ଏବଂ ସେଠାରେ ହିଁ ରୁହନ୍ତି । ଯାଦବ ଯେଉଁଦିନ ମକସୁଦା ପୁଅର ଜନ୍ମଦିନ ଥିଲା ସେହିଦିନ ଆସି ସମସ୍ତଙ୍କ ଖାଇବାରେ ନିଦ ଔଷଧ ମିଶାଇ ଦେଇଥିଲା । ପରେ ସମସ୍ତେ ଶୋଇଥିବା ସମୟରେ ସମସ୍ତଙ୍କୁ ଅଖାରେ ପୁରାଇ ପାଖରେ ଥିବା କୂଅରେ ପକାଇଦେଇଥିଲା । କେବଳ ସେତିକ ନୁହେଁ ସେ ଫ୍ୟାକ୍ଟ୍ରିରେ କାମ କରୁଥିବା ଅନ୍ୟ ଦୁଇଜଣ ମଧ୍ୟ ବଳି ପଡ଼ି ଯାଇଥିଲେ । ହତ୍ୟା ସମୟରେ କାଳେ ସେମାନେ ଦେଖି ଦେବେ ତାଣୁ ସେ ସେମାନଙ୍କୁ ହତ୍ୟା କରିଥିବା ପୋଲିସ ସୂଚନା ଦେଇଛି ।

କୂଅରୁ ୯ ପ୍ରବାସୀଙ୍କ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?

ଆପଣଙ୍କୁ କହି ରଖୁଛ ଯେ ସମସ୍ତେ ପ୍ରବାସୀ ଶ୍ରମିକ ଥିଲେ ଏବଂ ସେମାନେ କାମ କରିବାକୁ ତେଲେଙ୍ଗାନା ଆସିଥିଲେ । ଉକ୍ତ ଘଟଣା ଉପରେ ପୋଲିସ ସବୁ ପ୍ରକାର ପ୍ରମାଣ ପାଇ ସାରିଛି ଏବଂ ଦୋଷୀକୁ କଠୋରରୁ କଠୋର ଦଣ୍ଡ ଦେବାକୁ ପ୍ରୟାସ କରୁଛି ପୋଲିସ ।