ନୂଆଦିଲ୍ଲୀ: ଆସନ୍ତାକାଲି ଅର୍ଥାତ୍ ଶୁକ୍ରବାର ସକାଳ ଠାରୁ ରବିବାର ପର୍ଯ୍ୟନ୍ତ ପୃଥିବୀ ଆଡ଼କୁ ପଡ଼ିବେ ଉଲକା ପିଣ୍ଡ । ଏଥିରେ କେତୋଟି ଛୋଟ ଥିବାବେଳେ ଆଉ କିଛିର ଆକାର ଷ୍ଟାଡିୟମ ଭଳି । ଆମେରିକା ଅନ୍ତରୀକ୍ଷ ଏଜେନ୍ସି ନାସା ପ୍ରକାରେ ଏଥିରୁ ୮ଟି ଉଲକା ପିଣ୍ଡ ପୃଥିବୀର ଅତି ନିକଟରେ ଅତିକ୍ରମ କରିବେ । ଏହା ଜୁନ୍ ୫ ତାରିଖ ସକାଳଠାରୁ ଆରମ୍ଭ ହୋଇ ସପ୍ତାହ ଶେଷ ଯାଏଁ ଚାଲିବ ।
ନାସାର ସେଣ୍ଟର ଫର୍ ନିଅର ଆର୍ଥ ଅବଜେକ୍ଟସ୍ ଷ୍ଟଡିଜ୍ ଅନୁସାରେ, ଜୁନ୍ ୫ ଭୋର୍ ୪ଟା ୪୪ରେ ଉଲକା ପିଣ୍ଡ ୨୦୨୦ କେଏନ୍୫ ପୃଥିବୀର ଅତି ନିକଟରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୨୪ରୁ ୫୪ ମିଟର । ସେକେଣ୍ଡ ପ୍ରତି ଏହା ୧୨.୬୬ କିମି ଗତି କରୁଛି ଅର୍ଥାତ୍ ଘଣ୍ଟା ପ୍ରତି ୪୫ ହଜାର ୫୭୬ କିଲୋମିଟର ବେଗରେ ମାଡ଼ି ଆସୁଛି । ଏହା ପୃଥିବୀ ପୃଷ୍ଠରୁ ପ୍ରାୟ ୬୧ ଲକ୍ଷ କିଲୋମିଟର ଦୂରରେ ଅତିକ୍ରମ କରିବ ।
୫ ଜୁନ୍ ସନ୍ଧ୍ୟା ୫ଟା ୪୧ରେ ଉଲକା ପିଣ୍ଡ କେଏ୬ ପୃଥିବୀ ପୃଷ୍ଠରୁ ୪୪.୧୩ ଲକ୍ଷ କିଲୋମିଟର ଦୂରରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୨୮ ମିଟର ହୋଇଥିବା ବେଳେ ଏହା ଘଣ୍ଟାପ୍ରତି ୪୧ ହଜାର ୬୫୨ କିମି ବେଗରେ ଅତିକ୍ରମ କରିବ ।
ଜୁନ୍ ୬ ଅପରାହ୍ଣ ୮ଟା ୫୦ରେ ଏନଏନ୪ ଉଲକାପିଣ୍ଡ ପୃଥିବୀର ନିକଟରେ ଅତିକ୍ରମ କରିବ । ପୃଥିବୀ ଠାରୁ ଏହା ୫୧ ଲକ୍ଷ କିମି ଦୂରରେ ଘଣ୍ଟାପ୍ରତି ୪୦ ହଜାର ୧୪୦ କିଲୋମିଟରରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୫୭୦ ମିଟର । ଅର୍ଥାତ୍ ଏହା ୫ଟି ଫୁଟବଲ୍ ପଡ଼ିଆ ସହିତ ସମାନ ।
ଜୁନ୍ ୬ ରାତି ପ୍ରାୟ ୧୧ଟା ୮ରେ କେକ୍ୟୁ୧ ଉଲକାପିଣ୍ଡ ପୃଥିବୀର ନିକଟରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୩୬ରୁ ୮୧ ମିଟର । ପୃଥିବୀ ଠାରୁ ଏହା ୫୧.୨୩ ଲକ୍ଷ କିଲୋମିଟର ଦୂରତାରେ ଘଣ୍ଟାପ୍ରତି ୫୩ ହଜାର ୭୪୮ କିଲୋମିଟର ବେଗରେ ଅତିକ୍ରମ କରିବ ।
ଜୁନ୍ ୬ ବିଳମ୍ବିତ ରାତି ପ୍ରାୟ ୧ଟା ବେଳେ ପୃଥିବୀଠାରୁ ୧୪.୩୧ ଲକ୍ଷ କିଲୋମଟିର ଦୂରରେ ଏଲଏ ଉଲକା ପିଣ୍ଡ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୨୪ରୁ ୫୩ ମିଟର ହୋଇଥିବା ବେଳେ ଏହା ଘଣ୍ଟାପ୍ରତି ୫୫, ୫୮୪ କିଲୋମିଟରେ ବେଗରେ ଅତିକ୍ରମ କରିବ ।
୭ ଜୁନ୍ ଦ୍ୱିପହର ୧୨ଟା ୩ରେ କିଏ୭ ପୃଥିବୀଠାରୁ ୧୪.୬୭ ଲକ୍ଷ କିଲୋମିଟର ଦୂରରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୨୩ରୁ ୫୧ ମିଟର ହୋଇଥିବା ବେଳେ ଏହା ଘଣ୍ଟାପ୍ରତି ୨୬, ୪୨୪ କିଲୋମିଟର ବେଗରେ ଗତି କରିବ ।
ଜୁନ୍ ୭ ଦିନ ୧୨ଟା ୪୫ରେ କେକେ ୩ ପୃଥିବୀ ଠାରୁ ୬୮.୦୨ ଲକ୍ଷ କିଲୋମିଟର ଦୂରରେ ଅତିକ୍ରମ କରିବ । ଏହାର ବ୍ୟାସାର୍ଦ୍ଧ ୨୨ ମିଟରରୁ ୪୯ ମିଟର ହୋଇଥିବା ବେଳେ ଏହା ଘଣ୍ଟାପ୍ରତି ୪୨ ହଜାର ୮୭୬ କିଲୋମିଟର ବେଗରେ ଗତି କରିବ ।
ମେ ୩୦ ତାରିଖରେ ବାହାର ରାଜ୍ୟରୁ ଆସି କ୍ଵାରେଣ୍ଟାଇନ ସେଣ୍ଟରରେ ଥିବା ଜଣେ ଗର୍ଭବତୀ ମହିଳା କରୋନା ସଂକ୍ରମିତ ଜଣା ପଡ଼ିବା ପରେ କିମ୍ସ କୋଭିଜ୍ ହସ୍ପିଟାଲକୁ ସ୍ଥାନାନ୍ତରିତ ହୋଇଥିଲେ । ଜୁନ୍ ୨୧ ତାରିଖରେ ତାଙ୍କର ପ୍ରସବ ହେବ ବୋଲି ଡାକ୍ତର ସମୟ ଦେଇଥିଲେ । ଏହାକୁ ଦୃଷ୍ଟିରେ ରଖି ନମୁନା ନେଗେଟିଭ ଆସିବା ପର୍ଯ୍ୟନ୍ତ ତାଙ୍କର ପ୍ରସବକୁ ସ୍ଥଗିତ ରଖିବା ପାଇଁ କିମ୍ସ ଡାକ୍ତରମାନେ ଯୋଜନା କରିଥିଲେ । ତେବେ ଏହା ପୂର୍ବରୁ ମହିଳାଙ୍କ ଗର୍ଭ ଯନ୍ତ୍ରଣା ହେଲେ ପ୍ରସବ ପାଇଁ ହସ୍ପିଟାଲର ଡାକ୍ତରମାନେ ସମସ୍ତ ବନ୍ଦୋବସ୍ତ କରିଥିଲେ ।
ଜୁନ୍ ୧ ତାରିଖରେ ମହିଳାଙ୍କ ବେଦନା ଆରମ୍ଭ ହେବାରୁ ପ୍ରସବ କରାଇବା ପାଇଁ କିମ୍ସ ଡାକ୍ତରମାନେ ନିଷ୍ପତ୍ତି ନେଇଥିଲେ । ପ୍ରଥମ ପ୍ରସବ ଅସ୍ତ୍ରୋପଚାର ମାଧ୍ୟମରେ ହୋଇଥିବା ବେଳେ ଏବେ ସେ କାରୋନା ଆକ୍ରାନ୍ତ ଥିବାରୁ ତାଙ୍କୁ ସାଧାରଣ ପ୍ରସବ କରାଇବା ବିପଦପୂର୍ଣ୍ଣ ଥିଲେ ମଧ୍ୟ ଏଥିରେ ଡାକ୍ତରମାନେ ସଫଳ ହୋଇଛନ୍ତି । ବର୍ତ୍ତମାନ ମାଆ ଓ ଶିଶୁ ଉଭୟ ସୁସ୍ଥ ଅଛନ୍ତି । ସଫଳତା ପାଇଁ କିଟ୍ ଓ କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ କିମ୍ସ କୋଭିଡ୍ ହସପିଟାଲ, କିମ୍ସ ଡାକ୍ତର ଓ ନର୍ସମାନଙ୍କୁ ଧନ୍ୟବାଦ ଜଣାଇଛନ୍ତି ।
