ସୁନ୍ଦରଗଡ଼: ରାଜ୍ୟରେ କରୋନା ସଂକ୍ରମଣ ବଢ଼ିବାକୁ ଲାଗିଛି । ଦିନକୁ ଦିନ କରୋନା ଗ୍ରାଫରେ ଉପର ମୁହାଁ ହେଉଛି କରୋନା ଟ୍ରାକ୍‌ । ରବିବାର ରାଜ୍ୟରୁ ୭୫ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ଜେଲର ବାଡ଼ ଡ଼େଇଁଛି କରୋନା ।

ପ୍ରଥମ ଥର ପାଇଁ ଜେଲ ମଧ୍ୟକୁ ପ୍ରବେଶ କରିଛି କରୋନା । ପୂର୍ବରୁ ଥାନା ମାନଙ୍କରେ ଅଭିଯୁକ୍ତଙ୍କୁ କରୋନା ହୋଇଥିବା ବେଳେ ଏଥର ପ୍ରଥମ ଥର ପାଇଁ ଜେଲ ମଧ୍ୟରେ କଏଦୀଙ୍କୁ କରୋନା ହୋଇଛି । ରାଉରକେଲା ସ୍ୱତନ୍ତ୍ର ଜେଲ୍‌ରୁ ୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ନେଇ ଜଣାପଡ଼ିଛି । ପଜିଟିଭ ଆସିବା ପରେ ଜେଲ୍‌ରେ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ କ୍ୱାରେଣ୍ଟାଇନରେ ରଖିବା ସହ ଜେଲକୁ ବିଶୋଧନ କରାଯାଇଛି ।

ରାଉରକେଲା ସରକାରୀ ହସ୍ପିଟାଲର୨ଜଣଙ୍କ ଠାରେ କରୋନା ପଜିଟିଭ୍‌ ଚିହ୍ନଟ ହୋଇଛି । ସେମାନେ କୋଭିଡ ମେଡିକାଲ ଡ୍ୟୁଟିରେ ନିୟୋଯିତ ଥିଲେ । ଏବେ ମେଡିକାଲକୁ ସାନିଟାଇଜେସନ କରାଯିବା ସହ କଣ୍ଟାକ୍ଟ ଟ୍ରେସିଂ ଜାରି ରହିଛି ।  ଗତ ୨୪ ଘଣ୍ଟାରେ ସୁନ୍ଦରଗଡ଼ରୁ ୧୮ ପଜିଟିଭ୍‌ ଚିହ୍ନଟ ହୋଇଛନ୍ତି । ୧୮ ଆକ୍ରାନ୍ତଙ୍କ ଭିତରୁ  ୧୫ ଜଣ ପୁରୁଷ ଓ ୩ ଜଣ ମହିଳା ରହିଛନ୍ତି ।

ସୁନ୍ଦରଗଡ଼ ଜିଲ୍ଲାରେ ୯୯ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୫୦ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଏବେ ୪୯ ଜଣ ସକ୍ରିୟ ସଂକ୍ରମିତଙ୍କ ଚିକିତ୍ସା କେଭିଡ ହସ୍ପିଟାଲରେ ଚାଲିଛି ।

ଭୁବନେଶ୍ୱର: ରାଜଧାନୀରେ ଯୁବକଙ୍କୁ ଅପହରଣ ଅଭିଯୋଗ । ଏୟାରଫିଲ୍ଡ ଥାନା ସୁନ୍ଦରପଦାରେ ମାରାଣାସ୍ତ୍ରରେ ଦେଖାଇ ଯୁବକଙ୍କୁ ଅପହରଣ କରାଯାଇଥିବା ସୂଚନା । ହାଇଟେକ୍‌ ପ୍ଲାଜା ସିକ୍ୟୁରିଟି ସୁପରଭାଇଜରଙ୍କୁ ଅପହରଣ କରାଯାଇଛି। ଖଣ୍ଡା ଦେଖାଇ ସିକ୍ୟୁରିଟି ସୁପରଭାଇଜର କୈବଲ୍ୟ ପଟ୍ଟନାୟକଙ୍କୁ ଅପହରଣ କରାଯାଇଛି । ରାତିରେ ଫ୍ଲାଟ ଭିତରକୁ ନଛାଡ଼ିବାରୁ ଟାର୍ଗେଟ କରି ଅପହରଣ କରିଥିବା ଅଭିଯୋଗ ହୋଇଛି । ଆଖିରେ ଲଙ୍କାଗୁଣ୍ଡ ପକାଇ ଅପହରଣ କରିବା ପରେ ନିର୍ଧୁମ ମାଡ଼ ମାରି ଛାଡ଼ିଦେଇଥିବା ଅଭିଯୋଗ ହୋଇଛି । ତେବେ ଅପହରଣ ହୋଇଥିବା ବ୍ୟକ୍ତି ଏବେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।

ସୂଚନା ଅନୁଯାୟୀ, କରୋନା ପଜିଟିଭ ଆସିବା ପରେ ହାଇଟେକ୍‌ ପ୍ଲାଜାରେ କୋଭିଡ୍‌ ସଚେତନତା ନେଇ ଏକ ମିଟିଂ ହୋଇଥିଲା । ଯେଉଁଥିରେ କିଛି ନୂଆ ନିୟମ କରାଯାଇଥିଲା । ରାତି ୮:୩୦ ପରେ ପ୍ଲାଜା ଭିତରକୁ କାହାକୁ ଛଡ଼ା ଯିବନାହିଁ ବୋଲି ଏକ ପ୍ରକାରର ନିର୍ଦ୍ଦେଶ ରହିଥିଲା । ହେଲେ ସେହି ପ୍ଲାଜାରେ ରହୁଥିବା ସମ୍ପୃକ୍ତ ଯୁବକ ମଦ ପିଇ ରାତି ଅଧରେ ପ୍ଲାଜା ମଧ୍ୟକୁ ପ୍ରବେଶ କରୁଥିବାରୁ ସିକ୍ୟୁରିଟି ସୁପରଭାଇଜର ଛାଡ଼ିନଥିଲେ । ଅନେକ ସମୟରେ ସେ ଏକୁଟିଆ ନଆସି ସାଙ୍ଗରେ ବାହାର ଲୋକମାନଙ୍କୁ ମଧ୍ୟ ନେଇ ଆସିଥାନ୍ତି । ଏହାପରେ ଦୁହିଁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ଆଜି ସକାଳୁ ଉକ୍ତ ବ୍ୟକ୍ତି ଜଣକ କୈବଲ୍ୟଙ୍କୁ ଖଣ୍ଡା ଦେଖାଇ ଅପହରଣ କରିଥିଲେ ।

ରବିବାର ସକାଳୁ ସକାଳୁ ଫ୍ଲାଟ ସାମ୍ନାରେ ଆସି କୈବଲ୍ୟଙ୍କ ଆଖିକୁ ଳଙ୍କାଗୁଣ୍ଡା ପକାଇଥଲେ । ଏହାପରେ ଏକ ସୁଇପ୍ଟ କାରରେ ତାଙ୍କୁ ମାରଣାସ୍ତ୍ର ଦେଖାଇ ଅପହରଣ କରିଥିଲେ । ଅପହରଣ କରିବା ପରେ ପୁରା ଭୁବନେଶ୍ୱର ବୁଲାଇବା ପରେ ତାଙ୍କୁ ବରମୁଣ୍ଡାରେ ଛାଡ଼ିଦେଇଥିଲେ । ସେହି ସମୟ ମଧ୍ୟରେ ସିକ୍ୟୁରିଟି ଗାର୍ଡଙ୍କୁ ମାଡ଼ ମାରିବା ସହ ତାଙ୍କୁ କାମୁଡ଼ି ଦେଇ ରକ୍ତାକ୍ତ କରିଦେଇଛନ୍ତି । ବରମୁଣ୍ଡାରେ ତାଙ୍କୁ ଛାଡ଼ିଦେବା ପରେ ସେ ଫୋନକରି ଜଣାଇଥିଲେ । ତାଙ୍କୁ ଉଦ୍ଧାର କରାଯାଇ ଏବେ ଗୁରୁତର ଅବସ୍ଥାରେ କୈବଲ୍ୟ ମେଡିକାଲରେ ଚିକିତ୍ସା କରାଯାଉଛି ।