ଭୁବନେଶ୍ୱର: ଆସିଲା ୪ କରୋନା ପଜିଟିଭଙ୍କ ଟ୍ରାଭେଲ ହିଷ୍ଟ୍ରି । ୩ ସଂକ୍ରମିତଙ୍କର ରହିଛି କୋଲକାତା କନେକ୍ସନ । ୧୧୯ ନମ୍ବର କରୋନା ଆକ୍ରାନ୍ତ ଝାରସୁଗୁଡ଼ା ବ୍ରଜରାଜନଗରର ୧୮ ବର୍ଷର ଯୁବତୀ । ଏପ୍ରିଲ ୨୨ରେ ସେ କଲିକତା ବଡ଼ବଜାରରୁ ଘରକୁ ଫେରିଥିଲେ । ୨୩ ଏପ୍ରିଲରେ ଘରେ ପହଞ୍ଚି ୨୯ ଯାଏ କ୍ୱାରେଣ୍ଟାଇନ୍‌ରେ ରହିଥିଲେ । ଗତକାଲି ତାଙ୍କ ସାମ୍ପୁଲ ଟେଷ୍ଟ ପରେ ରିପୋର୍ଟ ପଜିଟିଭ ଆସିଥିଲା । ତାଙ୍କୁ ରାଉରକେଲା ହାଇ-ଟେକ୍‌ କୋଭିଡ ମେଡିକାଲରେ ଭର୍ତ୍ତି କରାଯାଇଛି ।

ସେହିପରି ୧୨୦ ନମ୍ବର କରୋନା ଆକ୍ରାନ୍ତ ଭୁବନେଶ୍ୱର ମଧୁସୂଦନନଗରର ୭୭ ବର୍ଷର ବୃଦ୍ଧ । ପୂର୍ବ ସଂକ୍ରମିତଙ୍କର ସେ ପରିବାର ସଦସ୍ୟ । ୨୨ ମାର୍ଚ୍ଚରୁ ସେ ଲକଡାଉନରେ ଘରେ ରହିଥିଲେ । ୭ ଏପ୍ରିଲରେ ତାଙ୍କ ପରିବାର ସଦସ୍ୟ ଜଣେ ପଜିଟିଭ ଚିହ୍ନଟ ହୋଇଥିଲେ । ୯ ଏପ୍ରିଲରେ ତାଙ୍କ ନମୁନା ରିପୋର୍ଟ ନେଗେଟିଭ ଆସିଥିଲା । ତେବେ ୨୮ ଏପ୍ରିଲରେ ପୁଣି ସାମ୍ପୁଲ ଟେଷ୍ଟ ପରେ ରିପୋର୍ଟ ପଜିଟିଭ ଆସିଛି ।

ସ୍ଥାନୀୟ ପ୍ରଶାସନର ଅବହେଳାରୁ ଅନେକ ଗରିବଙ୍କ ପେଟରେ ଓଦାକନା

୧୨୧ ନମ୍ବର କରୋନା ଆକ୍ରାନ୍ତ କେନ୍ଦୁଝର ଆନନ୍ଦପୁର ପଞ୍ଚପଲ୍ଲୀର ୬୦ବର୍ଷର ବୃଦ୍ଧ । ୨୮ ମାର୍ଚ୍ଚରୁ କଲିକତା ବଡ଼ବଜାରରୁ ବାହରି ୨୯ରେ ଘରେ ପହଞ୍ଚିଥିଲେ । ୮ ଜଣ ଅନ୍ୟ ପାସେଞ୍ଜରଙ୍କ ସହ ଘରକୁ ଫେରିଥିଲେ ୧୨୧ନଂ ଆକ୍ରାନ୍ତ । ୩୧ ମାର୍ଚ୍ଚରୁ ୨୯ ଏପ୍ରିଲ ଯାଏ ଘରେ ଥିଲେ । ତାଙ୍କୁ କଟକ ଅଶ୍ୱିନୀ କୋଭିଡ ହସ୍ପିଟାଲ ସ୍ଥାନାନ୍ତର କରାଯାଇଛି ।

ସେହିପରି ୧୨୨ ନମ୍ବର କରୋନା ଆକ୍ରାନ୍ତ ଦେବଗଡ଼ ଜିଲ୍ଲା ବାସୁଦେବପୁର ସୁଗୁଡ଼ାର ୩୪ ବର୍ଷର ଯୁବକ । ୨୫ ଏପ୍ରିଲରେ କୋଲକାତାରୁ ରାଇଖୋଲ ଟ୍ରକ ଯୋଗେ ଆସିଥିଲେ । ରାଇଖୋଲରୁ ଘରକୁ ଚାଲିଚାଲି ଯାଇ ୨୯ରେ ଘରେ ପହଞ୍ଚିଥିଲେ । ଗତକାଲି ତାଙ୍କ ରିପୋର୍ଟ ପଜିଟିଭ ଆସିବା ପରେ ତାଙ୍କୁ ରାଉରକେଲା ହାଇ-ଟେକ୍‌ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି ।

ଭୁବନେଶ୍ୱର: ରାଜ୍ୟରେ ବଢ଼ିବାରେ ଲାଗିଛି କରୋନା ସଂକ୍ରମଣ। ଫେରନ୍ତାଙ୍କ ଚିନ୍ତାରେ ଘାଣ୍ଟି ହେଉଛି ଓଡ଼ିଶା । ପଶ୍ଚିମ ବଙ୍ଗରୁ ଫେରିଥିବା ବ୍ୟକ୍ତିଙ୍କ ମଧ୍ୟରେ ବଢ଼ିବାରେ ଲାଗିଛି କରୋନା ସଂକ୍ରମଣ । ଯାହାଫଳରେ ଯାଜପୁରରୁ ଆଉ ୩ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏମାନେ ସମସ୍ତେ ହେଉଛନ୍ତି ପଶ୍ଚିମବଙ୍ଗ ଫେରନ୍ତା । ଏମାନଙ୍କର ସ୍ୱାବ ଟେଷ୍ଟ ପାଇଁ ଯାଇଥିଲା । ରିପୋର୍ଟ ଆସିବା ପରେ ଏମାନେ ପଜିଟିଭ ଥିବା ଜଣା ପଡ଼ିଥିଲା ।

ଯାହାଫଳରେ ଯାଜପୁରରେ କରୋନା ସଂଖ୍ୟା ୨୨କୁ ବୃଦ୍ଧି ପାଇଛି । ଏହି ସଂଖ୍ୟା ଆଗକୁ ଆହୁରି ବଢ଼ିବାର ସମ୍ଭାବନା ରହିଛି । କାରଣ ରାଜ୍ୟକୁ ପଶ୍ଚିମ ବଙ୍ଗ ଲିଙ୍କ୍‌ ରହୁଛି ।  ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ଓ୍ୱେବସାଇଟ୍‌ରେ ଏନେଇ ସୂଚନା ଦିଆଯାଇଛି । ଏଥିସହ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୧୨୮କୁ ବୃଦ୍ଧି ପାଇଛି।

ଗଞ୍ଜାମ: ସୁରତରୁ ବାହାରିଥିବା ବସ୍‌ ବିଳମ୍ବିତ ରାତିରେ ଆସି ଓଡ଼ିଶାରେ ପହଞ୍ଚିଛି । ତିନି ଦିନ ବସ୍‌ ଯୋଗେ ଯାତ୍ରା ପରେ ସୁରତରୁ ଗଞ୍ଜାମକୁ ଫେରିଛନ୍ତି ପ୍ରବାସୀ ଓଡ଼ିଆ l ଚାରୋଟି ବସ୍‌ ରେ ୨୧୭ ଜଣ ପ୍ରବାସୀ ଓଡ଼ିଆ ଆସିଛନ୍ତି । ପ୍ରଥମ ବସ୍‌ରେ ଆସିଛନ୍ତି ୫୨ ଜଣ ଦ୍ୱିତୀୟ ବସରେ ଆସିଛନ୍ତି ୫୬ ଜଣ ତୃତୀୟ ବସରେ ଆସିଛନ୍ତି ୫୬ ଏବଂ ଚତୁର୍ଥ ବସରେ ୫୩ ଜଣ ଆସିଛନ୍ତି । ସମସ୍ତ ୨୧୭ ଜଣ ପ୍ରବାସୀ ଓଡ଼ିଆ ଗଞ୍ଜାମ ଜିଲ୍ଲାର ବିଭିନ୍ନ ବ୍ଲକରେ ତିଆରି ହୋଇଥିବା କ୍ୱାରେଣ୍ଟାଇନ ସେଣ୍ଟରେ ରହିଛନ୍ତି ।

୨୧୭ ଜଣଙ୍କ ମଧ୍ୟରେ ୭ ମହିଳା ଓ ୬ ଶିଶୁ ଅଛନ୍ତି । ସମସ୍ତଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଛି । ସେରଗଡ଼ରୁ ୭ଜଣଙ୍କ ସ୍ୱାସ୍ଥ୍ୟାବସ୍ଥା ଖରାପ ଥିବାରୁ ସେମାନଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ସେଠାରେ ଚିକିତ୍ସା ପରେ ସେମାନଙ୍କୁ ସେରଗଡ଼ ଅଣାଯିବ ।

ସେମାନଙ୍କୁ ଜିଲ୍ଲା ପ୍ରଶାସନ ର କଡ଼ା ସୁରକ୍ଷା ମଧ୍ୟରେ ବିଳମ୍ବିତ ରାତିରେ କ୍ୱାରେଣ୍ଟାଇନ ରୁମକୁ ପଠାଯାଇଥିଲା ।  ବିଳମ୍ବିତ ରାତିରେ ସ୍ଥାନୀୟ ବିଡ଼ିଓ,  ତହସିଲଦାର,ପୋଲିସ ବିଭାଗ ଓ ଡାକ୍ତରୀ ଟିମ ଉପସ୍ଥିତ ଥିବା ଦେଖିବାକୁ ମିଳିଛି l କ୍ୱାରେଣ୍ଟାଇନ କକ୍ଷ ରେ ସମସ୍ତ ସୁବିଧା ରଖାଯାଇଥିବା ବେଳେ ଡାକ୍ତରୀ ଟିମ , ୪ଟି ଆମ୍ବୁଲାନ୍ସ, ଅଗ୍ନିଶମ ବିଭାଗ ର ଗୋଟିଏ ଟିମ ଉପସ୍ଥିତ ରହିଛନ୍ତି ।

ପ୍ରବାସୀ ଓଡ଼ିଆ ମାନଙ୍କ ପାଇଁ ରାଜ୍ୟ ସରକାର ଙ୍କ ଗାଇଡ଼ ଲାଇନ ଅନୁଯାୟି ପ୍ରଥମେ ୧୪ ଦିନ କ୍ୱାରେଣ୍ଟାଇନ ରେ ରହିବେ । ସେମାନଙ୍କ ପାଇଁ ରାଜ୍ୟ ସରକାର ସମସ୍ତ ପ୍ରକାର ଖାଇବା ପିଇବା ଓ ଚିକିତ୍ସା ବ୍ୟବସ୍ତା କରିଛନ୍ତି । ସେପଟେ ଆଉ ୪ଟି ବସରେ ଦ୍ୱିତୀୟ ପର୍ଯ୍ୟାୟରେ ୨୨୦ଜଣ ପ୍ରବାସୀ ଓଡିଆ ରାଜ୍ୟକୁ ଫେରୁଛନ୍ତି । ବସ ଛାଡ଼ିବା ପୂର୍ବରୁ ସାନିଟାଇଜ୍‌ କରାଯାଇଛି । ୩ଟି ବସ ପାଣ୍ଡେସରା ରୁଜୁ ଓ ଗୋଟିଏ ସୁରତରୁ ୬୦ କିଲୋମିଟର ଦୂରରୁ ବାହାରିଛି । ପ୍ରବାସୀ ଓଡିଆ ସମାଜ ଟ୍ରଷ୍ଟ ନେତୃତ୍ୱରେ ୪ଟି ବସ ବାହାରିଛି।