ମୁମ୍ୱାଇ: ମହାରାଷ୍ଟ୍ରର ସତାରାରେ ଜଣେ ଅଙ୍ଗନୱାଡି କର୍ମୀ ହଠାତ୍ ନିଖୋଜ ହୋଇଯାଇଥିଲେ। ପରିବାରର ଲୋକଙ୍କ ଅଭିଯୋଗ ଆଧାରରେ ଅନୁସନ୍ଧାନ କରାଯିବା ପରେ ପୋଲିସ ସାନ୍ତୋଷ ପାଲ୍‌ଙ୍କ ଅଗଣାରୁ ମାଟି ତଳେ ପୋତି ଯାଇଥିବା ନିଖୋଜ କର୍ମୀଙ୍କ ମୃତଦେହକୁ ଉଦ୍ଧାର କରିଥିଲା । ତେବେ ଅଧିକ ଅନୁସନ୍ଧାନରୁ ଜଣାପଡ଼ିଥିଲା ଯେ, ଏହା ସନ୍ତୋଷର ପ୍ରଥମ ଅପରାଧ ନୁହେଁ । ସେ ପ୍ରାୟ ୨୨ ଟି ହତ୍ୟା କରିଥିବା ତଦନ୍ତରୁ ଜଣାପଡ଼ିଥିଲା । ଯଦିଓ କେବଳ ୬ ଟି ହତ୍ୟା ମାମଲା ସାବ୍ୟସ୍ତ ହୋଇପାରିଛି ।

ଲୋକମାନେ ଡାକ୍ତରମାନଙ୍କୁ ଇଶ୍ୱରଙ୍କ ଅବତାର ବୋଲି ବିବେଚନା କରନ୍ତି, କିନ୍ତୁ ଅନେକ ଥର ଏପରି ଘଟଣା ସାମ୍ନାକୁ ଆସେ ଯାହା ଦ୍ୱାରା ଲୋକଙ୍କ ଡାକ୍ତରଙ୍କ ଉପରୁ ଭରସା ଉଠିଯାଏ । ଡାକ୍ତର ସନ୍ତୋଷ ମଧ୍ୟ ଏହିପରି ଏକ ଉଦାହରଣ । ହୋମିଓପାଥିରେ ଡିଗ୍ରୀ ହାସଲ କରିଥିବା ଡାକ୍ତର ସତାରାଠାରେ ରହୁଥିଲେ ଏବଂ ନିଜର ମହିଳା ରୋଗୀଙ୍କୁ ଶିକାର କରୁଥିଲେ। ଅନୁସନ୍ଧାନରୁ ଜଣାପଡିଛି ଯେ ସନ୍ତୋଷ ନିଜକୁ MBBM ବୋଲି କହୁଥିଲେ । କିନ୍ତୁ ସେ ଇଲୋକ୍ଟ୍ରୋ ହୋମିଓପାଥିରେ ଡିଗ୍ରୀ ହାସଲ କରିଛନ୍ତି। ଏହା ବ୍ୟତୀତ ସେ ଅନେକ ବଡ଼ ଡାକ୍ତରଖାନାରେ ଅପରେସନ୍ ଥିଏଟରରେ କାର୍ଯ୍ୟ କରିଥିଲେ ଏବଂ ଅସ୍ତ୍ରୋପଚାର ସମୟରେ ବ୍ୟବହୃତ ସମସ୍ତ ଔଷଧ ବିଷୟରେ ସେ ଭଲ ଭାବରେ ଜାଣିଥିଲେ |

ଚିକିତ୍ସା ପାଇଁ ଆସିଥିବା ମହିଳା ରୋଗୀଙ୍କ ମଧ୍ୟରେ ଯେଉଁ ବେସାହାରା କିମ୍ୱା ଏକୁଟିଆ ଥିଲେ ସେମାନଙ୍କୁ ଟାର୍ଗେଟ କରୁଥିଲା ।  ଚିକିତ୍ସା ଆରମ୍ଭରେ, ସେ ଆତ୍ମବିଶ୍ୱାସ ଜିତୁଥିଲା ଏବଂ ଚିକିତ୍ସା ସମୟରେ ଏକ ଇଞ୍ଜେକ୍ସନ ଦେଉଥିଲେ | ଏହି ଇଞ୍ଜେକ୍ସନରେ succinylcholine ରହିଥିଲା ​​| ଏହା ଏକ ପ୍ରକାର ନ୍ୟୁରୋ ମସ୍କୁଲାରା ପେରାଲିଟିକ ଡ୍ରଗ । ଯାହା ମାଂସପେଶୀକୁ ନିଷ୍କ୍ରିୟ କରିଥାଏ |

ନିଖୋଜ ମହିଳାଙ୍କ ପରିବାରର ଅଭିଯୋଗ ଉପରେ ପ୍ରଥମେ ଜୁନ୍ ୨୦୧୬ ରେ ତଦନ୍ତ ଆରମ୍ଭ ହୋଇଥିଲା। ପୋଲିସ ଏହି ନକଲି ଡାକ୍ତରଙ୍କ ଫାର୍ମ ହାଉସରେ ପହଞ୍ଚି ସେଠାରୁ ଖାଲି ହାତରେ ଫେରିବାକୁ ଯାଉଥିଲାବେଳେ ସର୍ଚ୍ଚ କୁକୁରମାନେ ସୂଚନା ଦେଇଥିଲେ। ସେମାନେ ଅଗଣାରେ ଥିବା ଏକ ନଡ଼ିଆ ଗଛ ତଳେ ଭୁକୁଥିଲେ। ଯେତେବେଳେ ପୋଲିସ ଜେସିବି ମେସିନ ସାହାଯ୍ୟରେ ନଡ଼ିଆ ଗଛ କାଟିଥିଲେ, ସେଠାରେ ନିଖୋଜ ମହିଳା ମଙ୍ଗଳା ଜେଧିଙ୍କ ମୃତଦେହ ମିଳିଥିଲା  । ଏହା ପୋଲିସ ତାକୁ ନିଜ ହେପାଜତକୁ ନେଇଥିଲ । ଏହା ତଦନ୍ତ ବେଳେ ଅନେକ ରୋଗୀଙ୍କୁ ସେ ହତ୍ୟା କରିଥିବା ସ୍ୱୀକାର କରିଥିଲା । ଏହି ସମସ୍ତ ରୋଗୀମାନେ ମହିଳା ଥିଲେ। ସାନ୍ତୋଷ ପାଲ ସେମାନଙ୍କୁ ବିଷାକ୍ତ ଇଞ୍ଜେକ୍ସନ ଦେଇ ହତ୍ୟା କରିଥିବା ମଧ୍ୟ ସ୍ୱୀକାର କରିଛି ।

ତେବେ ସାନ୍ତୋଷ ତାଙ୍କ ଘରେ ଏକ ଚିକେନ୍ ଫାର୍ମ ଖୋଲିଥିଲେ । ଯାହାଦ୍ୱାରା ମୃତଦେହ ପଚି ସାରି ଦୁର୍ଗନ୍ଧ ହେଲେ ତାହା ଅନ୍ୟମାନେ କେହି ଜାଣିପାରିବେ ନାହିଁ । ହତ୍ୟା ପରେ ଜେସିବି ଡାକାଇ ନଡ଼ିଆ ଗଛ ଲଗାଇବା ପାଇଁ ଗାତ ଖୋଳିବାକୁ କହୁଥିଲେ । ଲୋକମାନେ ଯିବା ପରେ ସେଠାରେ ମୃତଦେହକୁ ପୋତିସାରିବା ପରେ ସେଠାରେ ଏକ ନଡ଼ିବ ଗଛ ଲଗାଉଥିଲ । ଲୋକଙ୍କ ସନ୍ଦେହ ଏଡ଼ାଇବା ପାଇଁ ସେ କିଛି ଅନ୍ୟ ଉପାୟ ମଧ୍ୟ ଆପଣାଉଥିଲା । ସାନ୍ତୋଷ ନିଜକୁ ଜଣେ ଡାକ୍ତର ତଥା ସାମାଜିକ କର୍ମୀ ଭାବରେ ପ୍ରତିପାଦିତ କରୁଥିଲା ।

ଅନେକ ଥର ଅନେକ ଦୁର୍ନୀତିର ଖୁଲାସା କରୁଥିଲା । ଏଭଳି ପରିସ୍ଥିତିରେ ପୂରା ଗାଁ ଲୋକଙ୍କ ବିଶ୍ୱାସ ଜିତିପାରିଥିଲା । ଏଭଳି ସ୍ଥିତିରେ ସନ୍ଦେହ ସତ୍ତ୍ୱେ ପୋଲିସ ତଦନ୍ତ କରିବାକୁ ଭୟ କରୁଥିଲା । ବିଶେଷ କଥା ହେଉଛି ପ୍ରତ୍ୟେକ ହତ୍ୟା ପରେ ତୁରନ୍ତ ସାନ୍ତୋଷ ଦୁର୍ନୀତି ବିରୋଧରେ ଅଭିଯାନ ଆରମ୍ଭ କରିଥିଲେ । ତାଙ୍କ ଗର୍ଲଫ୍ରେଣ୍ଡ ଜ୍ୟୋତି ମାଣ୍ଡ୍ରେ ନିଜେ ନର୍ସ ଥିଲେ, ସାନ୍ତୋଷଙ୍କ ସିରିଏଲ ହତ୍ୟାରେ  ସେ ତାଙ୍କୁ ସାହାଯ୍ୟ କରିଥିଲେ। ସାନ୍ତୋଷଙ୍କୁ ୧୧ ଅଗଷ୍ଟ ୨୦୧୬ ରେ ପୋଲିସ ହେପାଜକୁ ନେଇଥିଲା ।  ସେବେଠାରୁ ତଦନ୍ତ ଚାଲିଛି। ୬ ଟି ହତ୍ୟା ବ୍ୟତୀତ ଦୋଷୀ ନିଜେ ଅନ୍ୟ କେଉଁ ହତ୍ୟାକାଣ୍ଡ ଘଟାଇଛି ତାହା ବର୍ତ୍ତମାନ ସୁଦ୍ଧା ପ୍ରକାଶ କରିନାହିଁ। ସେ କିଡନୀ ରାକେଟ୍‌ ସହିତ ସଂଯୁକ୍ତ କି ନାହିଁ ସେ ଦିଗରେ ମଧ୍ୟ ତଦନ୍ତ ଚଳାଇଛି । କିନ୍ତୁ ଯେଉଁ ଫାର୍ମହାଉସରେ ଦୋଷୀ ହତ୍ୟାକାଣ୍ଡ ଭିଆଉଥିଲା ସେଠାରେ କୌଣସି ଅସ୍ତ୍ରୋପଚାର ଚାମ୍ୱର ଥିବା ପୋଲିସ ପାଇନାହିଁ । ମୃତଦେହ ସହିତ ଡାକ୍ତରଙ୍କ ଘରୁ ଇସିଜି ମେସିନ୍, ଔଷଧ ଏବଂ ଆରଟିଆଇ କାଗଜପତ୍ର ମିଳିଥିଲା, ଯେଉଁଥିରୁ ସେ ଦୁର୍ନୀତି ମାମଲା ଖୋଜୁଥିଲେ ଯାହା ଦ୍ୱାରା ସେ ଜଣେ ସାମାଜିକ କର୍ମୀ ଭାବରେ ହତ୍ୟାକାଣ୍ଡକୁ ଲୁଚାଇବାରେ ବହୁ ସମୟ ଧରି ସଫଳ ହୋଇପାରିଥିଲା ।