ମନ୍ କି ବାତ୍ କାର୍ଯ୍ୟକ୍ରମରେ ଦେଶବାସୀଙ୍କୁ ମୋଦିଙ୍କ ସମ୍ବୋଧନ… କହିଲେ ଜାରି ରହିବ ଅନଲକ୍ ଇଣ୍ଡିଆ
ନୂଆଦିଲ୍ଲୀ: ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ କି ବାତ୍ କାର୍ଯ୍ୟକ୍ରମ ଜରିଆରେ ଦେଶବାସୀଙ୍କୁ ସମ୍ବୋଧନ କରିଛନ୍ତି । ସୀମା ସୁରକ୍ଷାରେ ଆଦୌ ବି ସାଲିସ କରାଯିବନାହିଁ । ଲଦାଖରେ ଶତ୍ରୁଙ୍କୁ କଡା ଜବାବ ଦେଇଛନ୍ତି ଆମର ବୀର ଯବାନ । ଭାରତ ବନ୍ଧୁତ୍ୱ ବଢାଇବାରେ ଲାଗିଛି, ଆବଶ୍ୟକ ପଡିଲେ ଜବାବ ଦେବା ମଧ୍ୟ ଜାଣିଛି ବୋଲି କହିଛନ୍ତି ମୋଦି । ନିଜ ସମ୍ୱୋଧନରେ ଶହୀଦ ବୀର ଯବାନଙ୍କ ମାତା ପିତାଙ୍କୁ ସଲାମ ଜଣାଇଛନ୍ତି ମୋଦି । ଯବାନଙ୍କ ବଳିଦାନ କେବେ ବି ବୃଥା ଯିବନାହିଁ । ଏ ଦେଶ ସବୁବେଳେ ତାଙ୍କୁ ଓ ଦେଶ ପାଇଁ ତାଙ୍କ ବଳିଦାନକୁ ମନେ ରଖିବ । ସମସ୍ତଙ୍କ ସଂକଳ୍ପ ଓ ସମର୍ପଣ ଦେଶ ପାଇଁ ଜରୁରି ବୋଲି କହିଛନ୍ତି ମୋଦି ।
କରୋନା ସଙ୍କଟରୁ ମୁକ୍ତ ପାଇବା ପାଇଁ ମୋଦି ମନ୍ତ୍ର ଦେଇଛନ୍ତି । ସଭିଏଁ ମାସ୍କ ପିନ୍ଧିବା ନିହାତି ଆବଶ୍ୟକ ବୋଲି କହିଛନ୍ତି ପ୍ରଧାନମନ୍ତ୍ରୀ । ବାହାରକୁ ଗଲେ ସାମାଜିକ ଦୂରତା ପ୍ରତି ଧ୍ୟାନ ଦେବା ଉଚିତ । ଏଥି ସମେତ ପରିସ୍କାର ଓ ପରିଚ୍ଛନ ରହିବା ଜରୁରି ବୋଲି କହିଛନ୍ତି ପି ଏମ । କରୋନାକୁ ମାତ ଦେଇ ଆଗକୁ ବଢିବା ସହ ଦେଶର ଅର୍ଥନାତିକୁ ଆଗେଇ ନେବା ପାଇଁ ଆହ୍ୱାନ କରିଛନ୍ତି ମୋଦି । ଦେଶର ଚାଷୀଙ୍କ ପାଇଁ ଅନେକ ଯୋଜନା କରିଛନ୍ତି ସରକାର । ସଙ୍କଟ ସମୟର ନିଆଯାଇଛି ଅନେକ ଐତିସାହିକ ନିଷ୍ପତ୍ତି ଦେଶବାସୀ ସବୁବେଳେ ସଙ୍କଟକୁ ସଂକ୍ପଳରେ ପରିଣତ କରିଛନ୍ତି । ସଙ୍କଟ ଯେତେବଡ ହେଉ, ତାହାକୁ ଅତିକ୍ରମ କରିଛନ୍ତି ଭାରତୀୟବାସୀ ।
