ରାହୁଲଙ୍କୁ ଶାହଙ୍କ ପାଲଟା ଜବବା: କହିଲେ, ସଂସଦରେ ଆଲୋଚନା ପାଇଁ ଆମେ ପ୍ରସ୍ତୁତ
1 min read
ନୂଆଦିଲ୍ଳୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଅମିତ ଶାହଙ୍କ ପାଲଟା ଜବବା । ଲଦାଖ ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଘେରି ଆସୁଥିବା ରାହୁଲ ଗାନ୍ଧୀଙ୍କୁ କଡ଼ା ଜବାବ ଦେଇଛନ୍ତି ଶାହ । କହିଛନ୍ତି , ସେ ଆଲୋଚନାକୁ ଡରୁନାହାଁନ୍ତି। ରାହୁଲ ଗାନ୍ଧୀ ଯେ କୌଣସି ସମୟରେ ସଂସଦରେ ଭାରତ-ଚୀନ୍ ବିଷୟରେ ଆଲୋଚନା କରିପାରିବେ। କିନ୍ତୁ ଯେତେବେଳେ ସୈନ୍ୟମାନେ ଚୀନ୍ ସହ ମୁହାଁମୁହିଁ ହେଉଛନ୍ତି,
ସେତେବେଳେ ଏପରି ବିବୃତ୍ତି ଦିଆଯିବା ଉଚିତ ନୁହେଁ ଯାହା ପାକିସ୍ତାନ ଏବଂ ଚୀନ୍କୁ ଖୁସି କରିବ। ଏକ ସାକ୍ଷାତକାରରେ ଅମିତ ଶାହଙ୍କୁ ଲଦାଖର ସାମ୍ପ୍ରତିକ ପରିସ୍ଥିତି ବିଷୟରେ ମଧ୍ୟ ପଚରାଯାଇଥିଲା। ତେବେ ଏହାର ଜବାବ ଦୋବା ପାଇଁ ଉପଯୁକ୍ତ ସମୟ ନୁହେଁ ବୋଲି ସେ କହିଛନ୍ତି ।
ରାହୁଲଙ୍କ ଉପରେ ଶସ୍ତା ରାଜନୀତି ଅଭିଯୋଗ
ଅମିତ ଶାହା ଆହୁରି କହିଛନ୍ତି, ଦେଶ ବିରୋଧୀ ପ୍ରଚାର କରୁଥିବା ଶକ୍ତିଙ୍କ ସହ ଲଢ଼ିବା ପାଇଁ ପ୍ରସ୍ତୁତ । କିନ୍ତୁ ଏତେ ପୁରୁଣା ଦଳର ଜଣେ ପୂର୍ବତନ ସଭାପତି ଏଭଳି କରିବା ଅତ୍ୟନ୍ତ ଦୁର୍ଭାଗ୍ୟ ଜନକ ବୋଲି ସେ କହିଛନ୍ତି । ‘ସରେଣ୍ଡର ମୋଦି’ ପ୍ରସଂଗ ଉପରେ ଅଧିକ ସୂଚନା ଦେଇ ଶାହା କହିଛନ୍ତି ଯେ, କଂଗ୍ରେସ ଏବଂ ରାହୁଲ ନିଜେ ଏହା ବିଷୟରେ ଚିନ୍ତା କରିବା ଉଚିତ୍। ପାକିସ୍ତାନ ଏବଂ ଚୀନ୍ର ଲୋକମାନେ ଏହି ହ୍ୟାସଟ୍ୟାଗ ବ୍ୟବହାର କରି ନିଜର ମତ ରଖିଥିଲେ ।
କଂଗ୍ରେସ ଏହା ବିଷୟରେ ଚିନ୍ତା କରିବା ଉଚିତ ଯେ ସେମାନଙ୍କ ଦଳର ନେତାଙ୍କ ହ୍ୟାସଟ୍ୟାଗ ଚୀନ୍-ପାକିସ୍ଥାନକୁ ପ୍ରୋତ୍ସାହିତ କରୁଛି। ଏପରି ସଙ୍କଟ ସମୟରେ ମଧ୍ୟ |
ସୂଚନା ଯୋଗ୍ୟ ଯେ, ରାହୁଲ ଗାନ୍ଧୀ LAC ବିବାଦ ଉପରେ ଏକ ଟ୍ୱିଟ୍ କରିଥିଲେ। ସେ ଥଟ୍ଟା କରି କହିଛନ୍ତି ଯେ ନରେନ୍ଦ୍ର ମୋଦୀ ପ୍ରକୃତରେ ‘ଆତ୍ମସମର୍ପଣ ମୋଦୀ’। ଏହା ପୂର୍ବରୁ ଏବଂ ପରେ ମଧ୍ୟ ରାହୁଲ ଗାନ୍ଧୀ ଲଦାଖ ମାମଲାରେ ସରକାରଙ୍କୁ ନିରନ୍ତର ପ୍ରଶ୍ନ କରୁଛନ୍ତି। ମନ୍ କି ବାତ୍ କାର୍ଯ୍ୟକ୍ରମ କେବେ ଜାତୀୟ ସୁରକ୍ଷା ନେଇ ଆଲୋଚନା ହେବ ସେ ନେଇ ମଧ୍ୟ ପ୍ରଶ୍ନ କରିଛନ୍ତି ।
