ନୂଆଦିଲ୍ଲୀ: ମୁହାଁମୁହିଁ ହୋଇଛନ୍ତି ଦୁଇ ପରମାଣୁ ଶକ୍ତି । ସୀମାରେ ସଂଘର୍ଷ କରି ଆଉ ଖସିପାରିବନି ଚୀନ । ଦୃଢ ଜବାବ ଦେବାକୁ ଅନେଇ ବସିଛି ଭାରତ । ଖାଲି କମାଣ୍ଡକୁ ଅପେକ୍ଷା । ଭାରତର କଡ଼ା ଚେତାବନୀ ପରେ ବି ସୀମାରୁ ସେନା ଫେରାଉନି ଚୀନ । ପ୍ରଥମେ ବଙ୍କର ଆଉ ଏବେ ହେଲିପ୍ୟାଡ ତିଆରି କରୁଛି । ସାଟେଲାଇଟ୍ ଇମେଜରୁ ଚୀନର ହରକତ୍ ବିଷୟରେ ଜାଣିବାକୁ ମିଳିଛି । ତାଗିଦ ପରେ ବି ସୀମାରେ ଯ଼ୁଦ୍ଧାସ୍ତ୍ର ଠୁଳ କରୁଛି ଚୀନ୍ ।
ଇଣ୍ଡିଆ VS ଚାଇନା ସୀମାରେ ଦୁଇ ଦେଶର ଶକ୍ତି ପରୀକ୍ଷା ତାଗିଦ ପରେ ବି ଚୀନର ଦୋମୁଁହା ନୀତି ଭାରତ ଚୀନ ସୀମାରେ ଯୁଦ୍ଧର କଳା ବାଦଲ । ଭାରତକୁ ଟକ୍କର ଦେବାକୁ ସୀମାରେ ବଙ୍କର ପରେ ଏବେ ହେଲିପ୍ୟାଡ ନିର୍ମାଣ କରୁଛି ଚୀନ । ଏପଟେ ଭାରତ ବି ଚୀନର ପଦକ୍ଷେପ ଦେଖି ଜବାବି ହମଲା ପାଇଁ ତୟାର ରହିଛି ଭାରତୀୟ ସେନା । ଲଦାଖର ଗଲଓ୍ବାନ ଘାଟିରେ ସଂଘର୍ଷ ପରେ ଏବେ ବି ସେଠାରେ ସ୍ଥିତି ଠିକ୍ ନାହିଁ । ଚୀନ ସମସ୍ତ ମାପଦଣ୍ଡ ଭୁଲି ଗୋଟିଏ ପରେ ଗୋଟିଏ କାମ କରିବାରେ ଲାଗିଛି ।
ଏପଟେ ଭାରତ ଏଲଏସିରେ ମୁତୟନ କରିଛି ଶକ୍ତିଶାଳୀ ମିଜାଇଲ ଆକାଶ । ଏହି ଶକ୍ତିଶାଳୀ ମିଜାଇଲ୍ ଆକାଶରେ ଦୃତଗତିରେ ଉଡିବା ସହ ଶତ୍ରୁ ପକ୍ଷକୁ କଡା ଯ଼ବାବ ଦେବାରେ ବେଶ ସକ୍ଷମ ହେବ । ସବୁଠୁ ବଡ କଥ ହେଲା ପାହାଡ ଉପରେ ମଧ୍ୟ ଆକାଶ ସବୁ ପରିସ୍ଥିତିର ମୁକାବିଲା କରିପାରିବ । ଭିଓ- ଏପଟେ ଚୀନ ପ୍ରସଙ୍ଗରେ ବିରୋଧୀଙ୍କ ଆକ୍ଷେପକୁ ଟାର୍ଗେଟ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । କଂଗ୍ରେସ ନେତାଙ୍କ ଆଭିମୁଖ୍ୟ ଅନ୍ୟ ଦେଶକୁ ସୁହାଇଲା ଭଳି ସବୁବେଳେ ରହିଛି । ଚୀନ ଓ ପାକିସ୍ତାନକୁ ସୁହାଇଲା ଭଳି କଥା କହୁଛି କଂଗ୍ରେସ । ଚୀନ ମାମଲାରେ ସରକାର ବିରୋଧୀଙ୍କ ସହ ଚର୍ଚ୍ଚା କରିବା ପାଇଁ ପ୍ରସ୍ତୁତ ଅଛନ୍ତି ବୋଲି ଗୃହମନ୍ତ୍ରୀ କହିଛନ୍ତି । ଏ ନେଇ ସଂସଦରେ ଚର୍ଚ୍ଚା ହେବ ।
