ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କ୍ରମାଗତ ଭାବେ କରୋନା ଭାଇରସ ସଂକ୍ରମଣ ବଢିବାରେ ଲାଗିଛି ।  ବିନା ଲକ୍ଷଣଥିବା ଲୋକ ସଂକ୍ରମିତ ହେବାରେ ଲାଗିଛନ୍ତି । କାରଣ ଯେତେବେଳେ ବିନା ଲକ୍ଷଣ ଥିବା ଲୋକଙ୍କର  କରୋନା ଟେଷ୍ଟ କରାଯାଉଛି ସେତେବେଳେ ସେମାନେ କରୋନା ରିପୋର୍ଟ ପଜିଟିଭ୍ ଆସିଥିଲା । ଯାହାର ଅର୍ଥ ହେଉଛି ଦିଲ୍ଲୀରେ କରୋନା ବ୍ୟାପିଯାଇଛି । ସୋମାବାର ଦିନ କରୋନା ଟେଷ୍ଟର ୨୭ପ୍ରତିଶତ ଲୋକ କରୋନା ପଜିଟିଭି ବାହାରିଛନ୍ତି । ଏହାସହ ଦିଲ୍ଲୀରେ ସଂକ୍ରମିତଙ୍କ ସଂଖ୍ୟା ୩୦ହଜାର ପର୍ଯ୍ୟନ୍ତ ପହଞ୍ଚିଯାଇଛି । ଆଜି ଉପ ରାଜ୍ୟପାଳ ଅନିଲ ବୈଜଲ ଏହାକୁ ନେଇ ବୈଠକ ଡକାଇଛନ୍ତି ।  ଯେଉଁଠାରେ ଅରବିନ୍ଦ କେଜରିୱାଲଙ୍କ ବଦଳରେ ମନିଷ ଶିଶୋଦିଆ  ଉପସ୍ଥିତ ଅଛନ୍ତି ।

ଗତ ୨୪ଘଣ୍ଟାରେ ଦିଲ୍ଲୀରେ ୩୭ଶହ ଲୋକଙ୍କ କରୋନା ଟେଷ୍ଟ କରାଯାଇଥିଲା । ସେମାନଙ୍କ ମଧ୍ୟରୁ ୧୦୦୭ଜଣ ଲୋକଙ୍କ ରିପୋର୍ଟ ପଜିଟିଭ୍ ଆସିଛି । ଯାହା ପରୀକ୍ଷଣର ୨୭ ପ୍ରତିଶତ  । ଯଦି ପୂର୍ବ ସପ୍ତାହ ର କଥା କୁହାଯାଏ ତ ପଜିଟିଭ୍ ସଂଖ୍ୟା ୨୬ ପ୍ରତିଶତ ରହିଥିଲା ।

କମ୍ୟୁନିଟି ସ୍ପ୍ରେଡ୍

ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା ୨୯ହଜାର ୯୪୩ ରହିଛି । ଏମାନଙ୍କ ମଧ୍ୟରୁ ୧୧ହଜାର ୩୫୭ଜଣ ଏପର୍ଯ୍ୟନ୍ତ  ସୁସ୍ଥ ହୋଇଥିବା ବେଳେ ୧୭ହଜାର ୭୧୨ମାମଲା  ସକ୍ରିୟ ଅଛି ।  ଦିଲ୍ଲୀରେ ଏବେ କରୋନା ସଂକ୍ରମଣ ବ୍ୟାପିବାର ଭୟ ମଧ୍ୟ ବଢିବାରେ ଲାଗିଛି । ଯାହାକୁ ଆଜି ଏକ ବୈଠକ ହେବାକୁ ଯାଉଛି । ଏହି ବୈଠକକୁ ନେଇ ଦିଲ୍ଲୀର ଉପ ମୁଖ୍ୟମନ୍ତ୍ରୀ ମନିଷ ସିସୋଦିଆ କହିଥିଲେ ଯେ, ଦିଲ୍ଲୀରେ କରୋନା ମାମଲା ବଢିବାରେ ଲାଗିଛି । କରୋନାର ସ୍ଥିତି ଉପରେ ଏସଡିଏମଏର ବୈଠକ ଅଛି ।

ବର୍ତ୍ତମାନ ଦିଲ୍ଲୀରେ କରୋନାଙ୍କ ସ୍ଥିତି କ’ଣ ତାହାକୁ ନେଇ ବୈଠକରେ ଆଲୋଚନା ହେବ । କଣ କରୋନାର ସ୍ଥିତି କମ୍ୟୁନିଟି ସ୍ପ୍ରେଡରେ ପହଞ୍ଚିଛି ତାହାକୁ ନେଇ ଚର୍ଚ୍ଚା ହୋଇପାରେ । ଏବଂ ଯଦି କରୋନା ଦିଲ୍ଲୀରେ ସମ୍ପ୍ରଦାୟ ବିସ୍ତାର ବା କମ୍ୟୁନିଟି ସ୍ପ୍ରେଡରେ ପହଞ୍ଚିଛି, ତେବେ ଏହାର ମୁକାବିଲା ପାଇଁ ରଣନୀତି କ’ଣ ହେବ ? ସମସ୍ତ ତଥ୍ୟ ସହିତ କିଛି ବିଶେଷଜ୍ଞଙ୍କୁ ଡକାଯାଇଛି । ସେହି ବିଶେଷଜ୍ଞମାନଙ୍କ ସହିତ ଆଲୋଚନା ମଧ୍ୟ ହେବ ।

ଦିଲ୍ଲୀରେ କରୋନା ମାମଲା ବୃଦ୍ଧି ପାଉଛି ଏଭଳି ସ୍ଥିତିରେ ଯଦି ଜାଣାପଡ଼େ ଯେ, ସମ୍ପ୍ରଦାୟ ବିସ୍ତାର ବା କମ୍ୟୁନିଟି ସ୍ପ୍ରେଡ ହେଉଛି, ତେବେ ଦିଲ୍ଲୀ ସରକାରଙ୍କ ରଣନୀତି ବଦଳିଯିବ ।

୧୮୩ଟି ହଟସ୍ପଟ୍

ଦିଲ୍ଲୀରେ ଦିନକୁ ଦିନ ବଢୁଥିବା କରୋନା ସଂକ୍ରମଣ ହେତୁ ଏଠାରେ କରୋନା ହଟସ୍ପଟ୍ ସଂଖ୍ୟା ମଧ୍ୟ ବୃଦ୍ଧି ପାଉଛି । ଗତ ରବିବାର ସୁଦ୍ଧା ଦିଲ୍ଲୀର ହଟସ୍ପଟ୍ ସଂଖ୍ୟା ୧୬୯ ଥିଲା ଯାହା ଏବେ ୧୮୩ରେ ପହଞ୍ଚିଛି ।