ଚୀନ୍ ବୈଜ୍ଞାନିକ ଚନ୍ଦ୍ରରେ ଏକ ଅଜବ ପଦାର୍ଥ ପାଇଛନ୍ତି । ଯାହାକୁ ନେଇ ଦୁନିଆରେ ଏବେ ଚର୍ଚ୍ଚା ଚାଲିଛି । ଗତବର୍ଷ ଚୀନର ରୋବର ୟୁଟ୍ ୨ ଏହାକୁ ଖୋଜିଥିଲା । ଗତବର୍ଷ ଜୁଲାଇ ମାସରେ ଏହାକୁ ଖୋଜାଯାଇଲା । ଚୀନର ଚାଙ୍ଗେ-୪ ମିଶନ ଅନ୍ତର୍ଗତରେ ଚନ୍ଦ୍ରମାର ପୃଷ୍ଠଭାଗର ଅଧ୍ୟୟନ ପାଇଁ ଏକ ରୋଭରକୁ ୮ ଦିନ ପାଇଁ ପଠାଯାଇଥିଲା ।
ଗତବର୍ଷ ମିଳିଥିଲା ଏହି ପଦାର୍ଥ
ଗତବର୍ଷ ଅଗଷ୍ଟ ମାସରେ ଚୀନ୍ ଭାଷାରେ ଲିଖିତ ଏକ ଆର୍ଟିକାଲରେ ଏସମ୍ବନ୍ଧରେ ସୂଚନା ଦିଆଯାଇଥିଲା । ସେତେବେଳେ ଏହି ପଦାର୍ଥକୁ ଜିଆଓ ଜୁଆଁଙ୍ଗ ବୁ କୁହାଯାଇଥିଲା । ଯାହାର ଅର୍ଥ ହେଉଛି ଜେଲ୍ ଭଳି କିଛି ପଦାର୍ଥ । ସେତେବେଳେ ବିନା ଚିତ୍ରର ଏହି ଲେଖା ବୈଜ୍ଞାନିକଙ୍କ ମଧ୍ୟରେ କୌତୁହଳ ସୃଷ୍ଟି ହୋଇଥିଲା ।
କେମିତି ଏହି ପଦାର୍ଥକୁ ଖୋଜା ଯାଇଥିଲା ?
ଏହି ପଦାର୍ଥ ଚଟାଣରୁ ବାହାରିଥିଲା । ଅର୍ଥ ଆଣ୍ଡ୍ ପ୍ଲାନେଟରି ସାଇନ୍ସ ଲେଟର୍ସରେ ପ୍ରକାଶିତ ଆଲେଖ୍ୟରେ ବୈଜ୍ଞାନିକ ଗୋଉ ସେଙ୍ଗ୍ ଓ ତାଙ୍କ ସହଯୋଗୀ ମାନେ ଭିଏନଆଇଏସ ଉପକରଣରୁ ମଳିଥିବା ତଥ୍ୟର ଅଧ୍ୟୟନ କରି ଏହି ପଦାର୍ଥକୁ ପାଇଥିଲେ । ଏହା ଗାଢ ଶାଗୁଆ ରଙ୍ଗର ଚମକୁଥିବା ‘ଇମ୍ପେଟ୍ ମେଲ୍ଟ୍ ବ୍ରେଚିଆ’ ଅର୍ଥାତ ଚଟାଣ ତରଳିବା ଦ୍ୱାରା ସୃଷ୍ଟି ହେଉଥିବା ମୁନିଆ ପଥର ଖଣ୍ଡରୁ ସୃଷ୍ଟି ହୋଇଥାଏ । ଏଥିରେ ସେମାନଙ୍କୁ ଗ୍ଲାସର ଉପସ୍ଥିତିର ସଂକେତ ମିଳିଛି ।
ନାସାର ଆପୋଲୋ ମିଶନରୁ ମିଳିଥିବା ନମୂନା ସହ ସାମଞ୍ଜସ୍ୟ
ନାସାର ୧୫ତମ ଓ ସପ୍ତଦଶ ଆପୋଲୋ ମିଶନ ଦ୍ୱାରା ଅଣାଯାଇଥିବା ଦୁଇଟି ବିଶେଷ ନମୂନା ସହ ଏହି ପଦାର୍ଥ ମିଶୁଛି ବୋଲି ଏଥିରେ ଦାବି କରାଯାଇଛି । କୌଣସି ଉଲକା ପିଣ୍ଡ ଚନ୍ଦ୍ରମା ସହ ଧକ୍କା ଖାଇବା ଦ୍ୱାରା ପଥର ତରଳି ଯାଇ ଏହି ଜେଲ୍ ସୃଷ୍ଟି ହୋଇଥିବା କୁହାଯାଉଛି ।
ଖୋର୍ଦ୍ଧା ଜିଲ୍ଲା ସହ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ଖୋର୍ଦ୍ଧା ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୧୧୯୪ରେ ପହଞ୍ଚିଛି । ସେହିଭଳି ବିଏମସି ଅଞ୍ଚଳରେ ୯ ତାରିଖ ସୁଦ୍ଧା ୫୫୭ ଜଣ ପଜିଟିଭ୍ କେସ୍ ଚିହ୍ନଟ ହୋଇଛି । ସଂକ୍ରମଣ ବଢ଼ୁଥିବା ବେଳେ କରୋନା ଚେକ୍ ପାଇଁ ପ୍ରଶାସନ ଓ ସରକାର ପଦକ୍ଷେପ ନେଉଛନ୍ତି । ଅଧିକ ସଂକ୍ରମିତ ଚିହ୍ନଟ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ କରାଯିବା ସହ ସାନିଟାଇଜ୍ କରାଯାଉଛି ।
ଆଜି ରାଜ୍ୟରେ ସର୍ବାଧିକ ୭୫୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍ ସହ ସ୍ଥାନୀୟ ସଂକ୍ରମଣର ରେକର୍ଡ ମାମଲା ଚିହ୍ନଟ ହୋଇଛି । ରାଜ୍ୟରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୧୧ ହଜାର ୯୫୬ରେ ପହଞ୍ଚିଛି । ରାଜ୍ୟରେ ଏବେ ୪ ହଜାର ୪୭୬ ଜଣ ସକ୍ରିୟ ସଂକ୍ରମିତ ରହିଛନ୍ତି । ସେମାନଙ୍କ ଚିକିତ୍ସା ବିଭିନ୍ନ କୋଭିଡ୍ ହସ୍ପିଟାଲରେ କରାଯାଉଛି । ଆଉ ୪ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ପରେ ରାଜ୍ୟରେ ମୃତ୍ୟୁସଂଖ୍ୟା ୫୬କୁ ବୃଦ୍ଧି ପାଇଛି । ଏଯାଏଁ କରୋନାରୁ ସୁସ୍ଥ ହୋଇ ୭ ହଜାର ୪୦୭ ଜଣ ଫେରିଛନ୍ତି ।
