ନୂଆଦିଲ୍ଲୀ: ଭଲ ଫୋନ୍ କିଣିବା ପାଇଁ ଚାହିଁଲେ ଏବେ ଗ୍ରାହକଙ୍କ ପାଇଁ ଆସିଛି ଏକ ସ୍ୱତନ୍ତ୍ର ସ୍ମାର୍ଟଫୋନ୍ । ଉନ୍ନତ ଫିଚର୍ସ ସହିତ ଭଲ ବଜେଟ୍ ରେ ଏହି ସ୍ମାର୍ଟଫୋନ୍ ଉପଲବ୍ଧ ଅଛି । ଅଧିକାଂଶ ସମୟରେ ବଜେଟ୍ ପାଇଁ ଲୋକେ କେବଳ ମିଡ୍ ରେଞ୍ଜ୍ ଏବଂ ପ୍ରିମିୟମ୍ ଫୋନ୍ ପସନ୍ଦ କରନ୍ତି ।ତେବେ ଏହି ସ୍ମାର୍ଟଫୋନ୍ ର ବଜେଟ୍ ମଧ୍ୟମ ରେଞ୍ଜ୍ ହେବା ସହ ଲୁକ୍ ଓ ଫିଚର ମଧ୍ୟ ଖୁବ ଭଲ ରହିଛି । ରିୟଲମିର ଟ୍ରିପଲ କ୍ୟାମେରା ଫୋନର ମୂଲ୍ୟ ହ୍ରାସ ପାଇଛି । ଏହି ଫୋନର ଦାମ୍ ଏବେ ବହୁତ ହ୍ରାସ ପାଇଛି ।
ଫ୍ଲିପକାର୍ଟରେ ଦିଆଯାଇଥିବା ସୂଚନା ଅନୁସାରେ ରିୟଲମି, ପ୍ରୋ ର ମୂଲ୍ୟ ହ୍ରାସ କରାଯାଇଛି । ପ୍ରଥମେ ଫୋନ୍ ର ଦାମ୍ ୧୫,୯୯୯ ଟଙ୍କା ଥିଲା । ଏବେ ୧୫,୯୯୯ ବଦଳରେ ମାତ୍ର ୯,୯୯୯ ଟଙ୍କାରେ କିଣାଯାଇପାରିବ। ଅର୍ଥାତ୍ ଗ୍ରାହକଙ୍କୁ ଏବେ ଏହି ଫୋନ୍ ପାଇଁ ୬ ହଜାର ଟଙ୍କା କମ୍ ଦେବାକୁ ପଡିବ । ତେବେ ଜାଣନ୍ତୁ ରିୟଲମି ପ୍ରୋ ର ଫିଚର୍ସ ବିଷୟରେ ।
ରିୟଲମି ପ୍ରୋ ରେ ୬.୩ ଇଞ୍ଚ୍ ର ଡ୍ୟୁଡ୍ରପ୍ ନଚ୍ ଡିସପ୍ଲେ ରହିଛି । ଏହାର ଡିସପ୍ଲେରେ FHD + ରେଜୋଲ୍ୟୁସନ ଅଛି । ଫୋନରେ କର୍ନିଙ୍ଗ ଗୋରିଲା ଗ୍ଲାସ ୫ ର ପ୍ରଟେକ୍ସନ ଦିଆଯାଇଛି। କ୍ୱାଲକମ୍ ସ୍ନାପଡ୍ରାଗନ୍ ୭୧୦ ଏବଂ ଜିପିୟୁ ଆଡ୍ରେନୋ ୬୧୬ ସହିତ ରିୟଲମି ୩ ପ୍ରୋ ଲଞ୍ଚ କରାଯାଇଛି । କ୍ୟାମେରାରେ ୧୬ ମେଗାପିକ୍ସେଲ ପ୍ରାଇମେରି କ୍ୟାମେରା ରିୟଲମି ୩ ପ୍ରୋରେ ଦିଆଯାଇଛି ଯାହା ହେଉଛି ସୋନି ର IMX519 ସେନ୍ସର । ଏବଂ ଏହାର ଆପର୍ଚର ହେଉଛି f / 1.7 ।
ଏହା ବ୍ୟତୀତ ଫୋନ ସହିତ ଆଉ ୫ ମେଗାପିକ୍ସେଲ ଯୋଗାଇ ଦିଆଯାଇଛି, ଯାହା f / 2.4 ଆପର୍ଚର ସହିତ ଆସିଥାଏ । ସେଲ୍ଫି କ୍ୟାମେରା ବିଷୟରେ କହିବାକୁ ଗଲେ ଏଥିରେ ୨୫ ମେଗାପିକ୍ସେଲ କ୍ୟାମେରା ରହିଛି । ଏହି ବଜେଟ୍ ରେ ଗ୍ରାହକ ମୋଟ ୪ ଟି କ୍ୟାମେରା ବ୍ୟବହାର କରିବାର ସୁଯୋଗ ପାଇବେ । ବ୍ୟାଟରୀ କ୍ଷେତ୍ରରେ ରିୟଲମି ୩ ପ୍ରୋ ରେ ୪୦୪୫ mAh ବ୍ୟାଟେରୀ ଦିଆଯାଇଛି, ଯାହା CABC ମୋଡ୍ କୁ ସପୋର୍ଟ କରେ । ଏହା ମାଧ୍ୟମରେ ବ୍ୟାଟେରୀ ଲାଇଫ୍ ୧୦% ବୃଦ୍ଧି କରାଯାଇପାରିବ । କମ୍ପାନୀ ଏହି ଫୋନରେ VOOC ୩.୦ ଫ୍ଲାସ୍ ଚାର୍ଜକୁ ସପୋର୍ଟ କରେ ।
