କରୋନା ସଂକ୍ରମଣ ପ୍ରଭାବ ବିଭିନ୍ନ କ୍ଷତ୍ରରେ ପଡ଼ିଛି । ଛୋଟ ସଂସ୍ଥାଠାରୁ ଆରମ୍ଭ କରି ବଡ଼ ବଡ଼ ସଂସ୍ଥା ପର୍ଯ୍ୟନ୍ତ ସମସ୍ତେ କରୋନା ଜାଲରେ ଛନ୍ଦି ହୋଇଛନ୍ତି । କରୋନା ପାଇଁ ବିଭିନ୍ନ କ୍ଷେତ୍ରରେ ଆର୍ଥିକ ମାନ୍ଦାବସ୍ଥା ମଧ୍ୟ ରହିଛି । ଏମିତିକି ଦେଶର ଆର୍ଥିକ ସ୍ଥିତିକୁ ମଧ୍ୟ ଦୋହଲାଇ ଦେଇଛି କରୋନା ମହାମାରୀ ।
ତେବେ ଏଭଳି ପରିସ୍ଥିତିରେ ବିଭିନ୍ନ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ମଧ୍ୟ ବନ୍ଦ ରହିଛି । କାରଣ କାର୍ଯ୍ୟକ୍ରମ ସୁଟିଂ ସେଟ୍ରେ ସାଧାରଣତଃ ଭିଡ଼ ହୋଇଥାଏ । କିନ୍ତୁ ଲକ୍ଡାଉନ୍ ନିୟମ ଯୋଗୁଁ ତାହା ହୋଇପାରୁ ନାହିଁ । ତେବେ ଧିରେ ଧିରେ ସ୍ଥିତି ସୁଧିରିବା ପରେ ଏବେ କିଛି କିଛି ସଂସ୍ଥା ସୁଟିଂ ଆରମ୍ଭ କରିଛନ୍ତି । ବହୁ କଷ୍ଟରେ ବିଭିନ୍ନ ପ୍ରକାର ପ୍ରତିଶୋଧକ ବ୍ୟବହାର କରି ସ୍ୱଳ୍ପ ସଂଖ୍ୟକ କର୍ମଚାରୀଙ୍କୁ ନେଇ ସୁଟିଂ ଆରମ୍ଭ କରିଛନ୍ତି । ତେବେ କିଭଳି ଏବଂ କେଉଁ ପରିସ୍ଥିତିରେ ସୁଟିଂ ହେଉଛି ସେନେଇ ଜଣେ ପ୍ରଯୋଜକ ଏକ ଭିଡିଓ ପୋଷ୍ଟ କରିଛନ୍ତି ।
ଟିଭି ସିରିଏଲ୍ ପ୍ରଯୋଜକ ରଶ୍ମୀ ଶର୍ମା ଏକ ଭିଡିଓ ମାଧ୍ୟମରେ ସେଟରେ କ’ଣ ପରିବର୍ତ୍ତନ ହୋଇଛି ତାହା କହିଛନ୍ତି । ଭିଡିଓରେ ଆମ୍ବୁଲାନ୍ସ ଠାରୁ ଆରମ୍ଭ କରି ଡାକ୍ତର ପର୍ଯ୍ୟନ୍ତ ସମସ୍ତେ ଉପସ୍ଥିତ ଥିବା ନେଇ ସେ ଦେଖାଇଛନ୍ତି । ସମସ୍ତେ ନିଜ ମୁହଁରେ ମାସ୍କ ଲଗାଇଛନ୍ତି ଏବଂ ସାମାଜିକ ଦୂରତାକୁ କଠୋର ଭାବରେ ପାଳନ କରୁଥିବା ସେ ଦେଖାଇଛନ୍ତି । ଏମିତିକି ସବୁ ସ୍ଥାନରେ ସାନିଟାଇଜର ମଧ୍ୟ ଦେଖାଇଛନ୍ତି ।
ତେବେ ଦେଖନ୍ତୁ ଭିଡିଓ…
https://www.instagram.com/tv/CB2xjKrpNsK/?utm_source=ig_embed
