ନୂଆଦିଲ୍ଲୀ: ଭାରତରେ ହେଉଛି ହାୱାଲା କାରବାର। ଆଉ ଏ କାରବାର ସମ୍ପୃକ୍ତ ଅଛନ୍ତି ଚାଇନା କମ୍ପାନୀ । ଏ ସମ୍ପର୍କରେ କୌଣସି ସୂତ୍ରରୁ ଖବର ପାଇବା ପରେ ଭାରତୀୟ ଆୟକର ବିଭାଗ ଗତ ମଙ୍ଗଳବାର ଚଢଉ ଆରମ୍ଭ କରିଛି । ରାଜଧାନୀ ଦିଲ୍ଲୀ ସମେତ ଗୁରୁଗ୍ରାମ ଏବଂ ଗାଜିଆବାଦର ୨୧ଟି ସ୍ଥାନରେ ଆୟକର ବିଭାଗ ପକ୍ଷରୁ କରାଯାଇଛି ଚଢଉ । ପ୍ରାଥମିକ ଭାବେ କରାଯାଇଥିବା ଏକ ଆକଳନ ଅନୁଯାୟୀ, ଆୟକର ବିଭାଗ ପକ୍ଷରୁ ପ୍ରାୟ ୩୦୦ କୋଟି ହାୱାଲ କାରବାର ଠାବ କରାଯାଇଛି । ଯଦି ତଦନ୍ତ ହୁଏ ତେବେ ଏହି କାରବାର ୧୦୦୦ କୋଟି ଟଙ୍କାକୁ ଟପିଯାଇପାରେ ବୋଲି କୁହାଯାଉଛି ।
ଏ ସମ୍ପର୍କରେ ସୂଚନା ଦେଇ ସେଣ୍ଟ୍ରାଲ ବୋର୍ଡ ଅଫ୍ ଡାଇରେକ୍ଟ ଟାକ୍ସ(ସିବିଡିଟି) ଅଧିକାରୀ କୁହନ୍ତି ଯେ, ଦେଶର ବିଭିନ୍ନ ସ୍ଥାନରେ ହୋଇଥିବା ଏହି ହାୱାଲ କାରବାରରେ ଚାଇନିଜ୍ ନାଗରିକମାନଙ୍କ ସଂପୃକ୍ତି ରହିଛି । ସାରା ଦେଶରେ ଏହି କାରବାର କରିବା ପାଇଁ ୪୦ରୁ ଅଧିକ ବ୍ୟାଙ୍କ୍ ଆକାଉଣ୍ଟ ଖୋଲାଯାଇଥିବା ଜଣାପଡିଛି । ଏହି କାରବାରରେ କ୍ରେକିଟ୍ ରାଶି ସଂଖ୍ୟା ପ୍ରାୟ ୧୦୦୦ କୋଟି ହେବ ବୋଲି କୁହାଯାଇଛି । ସେହିପରି ଗୋଟିଏ ସବସିଡାରୀ ଚାଇନିଜ୍ କମ୍ପାନୀ ଏବଂ ଏହାର ସହଯୋଗୀ ୧୦୦ କୋଟିର ବୋଗସ ଆଡଭାନ୍ସ ଗ୍ରହଣ କରିଛନ୍ତି । ଏହି ରାଶିରେ ଭାରତରେ ଖୁଚୁରା ରିଟେଲ ସପ୍ ଖୋଲିବାର ଯୋଜନା କରାଯାଇଥିବା ତଦନ୍ତରୁ ଜଣାପଡିଛି । କେବଳ ଚାଇନିଜ୍ କମ୍ପାନୀ ନୁହେଁ, କେତେକ ଭାରତୀୟ ବ୍ୟାଙ୍କ୍ ଅଧିକାରୀ ଏବଂ ଚାଟାର୍ଜ ଆକାଉଣ୍ଟାଣ୍ଟମାନେ ମଧ୍ୟ ଏଥିରେ ସଂପୃକ୍ତ ରହିଥିବା ଜଣାପଡିଛି । କେବଳ ଭାରତୀୟ ମୁଦ୍ରା ଏବଂ ଚାଇନିଜ ଅର୍ଥ ନୁହେଁ, ବିଦେଶୀ ଲିଙ୍କ୍ ରେ ଏପରି ହାୱାଲା କରାବାରର ଚେର ହକଂ ଏବଂ ୟୁଏସ୍ ଏ କୁ ବ୍ୟାପିଥିବା ଜଣାପଡିଛି ।
ଆୟକର ବିଭାଗ ଦ୍ୱାରା ଧରାହୋଇଥିବା ଚାଇନିଜ୍ ବ୍ୟକ୍ତିଙ୍କ ନାଁ ହେଉଛି-ଲୁଓ ସାଙ୍ଗ । ସେ ଚାର୍ଲି ପାଙ୍ଗ ନାମରେ ଏହି କାରବାର କରୁଥିବା ଜଣାପଡିଛି । ତା ନିକଟରେ ଏକ ନକଲି ଭାରତୀୟ ପାସପୋର୍ଟ ମଧ୍ୟ ରହିଛି । ଏହି ବ୍ୟକ୍ତି ଜଣଙ୍କ ଉତ୍ତର-ପୂର୍ବ ରାଜ୍ୟର ମଣିପୁରରୁ ନିଜ ପାସପୋର୍ଟ ପ୍ରସ୍ତୁତ କରିଛି । ବିଭିନ୍ନ ନାମରେ ସାରା ଦେଶରେ ଏହି ବ୍ୟକ୍ତି ଜଣଙ୍କ ୮ରୁ ୧୦ ବ୍ୟାଙ୍କ୍ ଆକାଉଣ୍ଟ ବ୍ୟବହାର କରୁଥିବା ଜଣାପଡିଛି । ଚାର୍ଲି ପାଙ୍ଗ ହାୱାଲ କାରବାର ପାଇଁ ଭାରତରେ ଏକାଧିକ ଚାଇନିଜ କମ୍ପାନୀଙ୍କ ପ୍ରତିନିଧିଭାବେ କାର୍ଯ୍ୟ କରୁଥିବା ଜଣାପଡିଛି । ପୂର୍ବରୁ ପାଙ୍ଗ ୨୦୧୮ରେ ଦିଲ୍ଲୀ ପୋଲିସ ଦ୍ବାରା ଏକ ହାୱାଲ କାରବାର ପାଇଁ ଗିରଫ ହୋଇଥିବା ଜଣାପଡିଛି । ହେଲେ ପରବର୍ତ୍ତୀ ସମୟରେ କୋର୍ଟ ଦ୍ବାରା ତାଙ୍କୁ ଜାମିନ ପ୍ରଦାନ କରାଯାଇଥିବା ସୂଚନା ମିଳିଛି । ତା ପରେ ପୁନର୍ବାର ପାଙ୍ଗ ଚାଇନିଜ କମ୍ପାନୀ ପାଇଁ ହାୱାଲ କାରବାର ଆରମ୍ଭ କରିଥିବା ଆୟକର ବିଭାଗ ସୂଚନା ଦେଇଛି ।
ଚାର୍ଲି ପାଙ୍ଗ୍, ସେଇ ଚାଇନିଜ୍ ଭାଇରସ ଯିଏ ଭାରତରେ ଚଲାଉଥିଲା ୧ ହଜାର କୋଟିର ହାୱାଲା ରାକେଟ୍
କରୋନା ଭାଇରସ ଭ୍ୟାକ୍ସିନ ୱେବସାଇଟ୍ ଲଂଚ୍
ନୂଆଦିଲ୍ଲୀ: ଲମ୍ବା ପ୍ରତିକ୍ଷା ପରେ କରୋନା ଭାଇରସ ଭ୍ୟାକ୍ସିନ୍ ଲଂଚ୍ ହୋଇଛି । ଋଷ ଏହି ଭ୍ୟାକ୍ସିନ ଲଂଚ୍ କରିଛି । ଏହି ଭ୍ୟାକ୍ସିନକୁ ତିଆରି କରିବା ପାଇଁ ଋଷ ପ୍ରତ୍ୟକ୍ଷ ପୁଂଜି ନିବେଶ ଫଣ୍ଡ୍ ସାହାଯ୍ୟ କରୁଛି । ଏବେ Russian direct investment fund ଅର୍ଥାତ୍ RDIF କରୋନା ଭ୍ୟାକ୍ସିନର ୱେବସାଇଟ୍ ଲଂଚ୍ କରିଛି । ଋଷ ଏହି ଭ୍ୟାକ୍ସିନର ନାମ ସ୍ପୁଟନିକ୍ ଭି ରଖିଛି । ଆରଡିଆଇଏଫ୍ ଯେଉଁ ୱେବସାଇଟ୍ ଲଂଚ୍ କରିଛି ତାହାର ନାମ ହେଉଛି sputnikvaccine.com । ଭାରତରେ ଋଷ ଦୂତାବାସ ଏସମ୍ପର୍କରେ ତଥ୍ୟ ପ୍ରଦାନ କରିଛି ।
ୱେବସାଇଟରେ କଣ ରହିଛି ?
ଏହି ୱେବସାଇଟରେ କରୋନା ଭାଇରସ ଭ୍ୟାକ୍ସିନ୍ ସ୍ପୁଟନିକ୍ ଭି ବାବଦରେ ସବୁ ତଥ୍ୟ ରହିଛି । ଭ୍ୟାକ୍ସିନ ପ୍ରସ୍ତୁତି ପାଇଁ କାହା ସହ ପାର୍ଟନରସିପ୍ କରାଯାଇଛି ସେ ବାବଦରେ ମଧ୍ୟ ଏଥିରେ ତଥ୍ୟ ରହିଛି । ଏଥିରେ ଯୋଗାଯୋଗ ବାବଦରେ ମଧ୍ୟ ତଥ୍ୟ ରହିଛି । ଏହାସହ ପ୍ରଶ୍ନୋତ୍ତର (FAQ)କୁ ନେଇ ଗୋଟିଏ କଲମ ମଧ୍ୟ ରହିଛି ।
୨୦ ବର୍ଷ ପରେ ତିଆରି ହୋଇଛି ଭ୍ୟାକ୍ସିନ୍
ଋଷର ଭ୍ୟାକ୍ସିନକୁ ବିଶ୍ୱସ୍ୱାସ୍ଥ୍ୟ ସଂଗଠନ ଓ ଅନ୍ୟ ବିଦେଶୀ ଫାର୍ମା କଂପାନୀ ସନ୍ଦେହ ଦୃଷ୍ଟିରେ ଦେଖୁଛନ୍ତି । ସେମାନଙ୍କ କହିବା ହେଉଛି ଋଷ ତଥ୍ୟ ଲୁଚାଉଛି । ଏହା ସହ ଖୁବ କମ ସମୟ ମଧ୍ୟରେ ଏହାର ମାନବ ପରୀକ୍ଷଣ ସରିଛି । ତେବେ ଋଷ ଗବେଷକଙ୍କ କହିବା ହେଉଛି ଏହି ଭ୍ୟାକ୍ସିନକୁ ତିଆରି କରିବାକୁ ସେମାନଙ୍କୁ ୨୦ ବର୍ଷ ଲାଗିଛି । ସେମାନଙ୍କ କହିବା ହେଉଛି ୨୦ ୦୦ ମସିହାରେ କରୋନା ଫ୍ୟାମିଲିର ପ୍ରଥମ ଭାଇରସ ଆସିବା ପରଠାରୁ ଭ୍ୟାକ୍ସିନକୁ ନେଇ କାମ ଚାଲିଥିଲା । ଏହାସହ ଋଷ ଗବେଷକଙ୍କ କହିବା ହେଉଛି ଭ୍ୟାକ୍ସିନରେ ଯେଉଁ ପାର୍ଟିକଲସ୍ ଅଛି ତାହା ନିଜକୁ ରେପ୍ଲିକେଟ୍ (କପି) କରିନଥାଏ । ଗବେଷଣାରେ ସାମିଲ ଥିବା ଅନେକ ବ୍ୟକ୍ତି ନିଜକୁ ଏହି ଟିକା ଦେଇଛନ୍ତି ।
ଭ୍ୟାକ୍ସିନର ସାଇଡ୍ ଇଫେକ୍ଟ
ଭ୍ୟାକ୍ସିନ୍ ନେଇଥିବା ବ୍ୟକ୍ତିଙ୍କ ମଧ୍ୟରୁ କିଛିଙ୍କୁ ହାଲୁକା ଜ୍ୱର ହୋଇଥାଏ । ପାରାସିଟାମଲ ଖାଇବା ଦ୍ୱାରା ଜ୍ୱର ଭଲ ହୋଇଯାଏ ବୋଲି ଗବେଷକ କହୁଛନ୍ତି ।
ସ୍ପୁଟନିକ୍ ନାମ କାହିଁକି ?
ଋଷ ତା’ର କରୋନା ଭ୍ୟାକ୍ସିନ୍ ନାମ ସ୍ପୁଟନିକ୍ ଭି ରଖିଛି । ଏହାର କାରଣ କ’ଣ ? ଏହାର ସମ୍ପର୍କ ଶିତଳଯୁଦ୍ଧ ସହ ରହିଛି । ଶିତଳ ଯୁଦ୍ଧ କାଳରେ ଆମେରିକା ଓ ଋଷ ମଧ୍ୟରେ ମହାକାଶକୁ ନେଇ ପ୍ରତିଦ୍ୱନ୍ଦ୍ୱିତା ଚାଲିଥିଲା । କିଏ ମହାକାଶକୁ ପ୍ରଥମ କୃତ୍ରିମ ଉପଗ୍ରହ ପଠାଇବ,ତାକୁ ନେଇ ଦୁଇ ଦେଶ ମଧ୍ୟରେ ପ୍ରତିଦ୍ୱନ୍ଦ୍ୱିତା ରହିଥିଲା । ତେବେ ଋଷ ଆମେରିକାକୁ ଚମକାଇ ବିଶ୍ୱର ପ୍ରଥମ କୃତ୍ରିମ ଉପଗ୍ରହକୁ ପଠାଇଥିଲା । ଅକ୍ଟୋବର ୪ ତାରିଖ ୧୯୫୭ରେ ସ୍ପୁଟନିକ୍ ଲଂଚ୍ କରି ଆମେରିକାକୁ ମାତ୍ ଦେଇଥିଲା ଋଷ । ଏବେ ଋଷ ପ୍ରଥମ କରୋନା ଭ୍ୟାକ୍ସିନ୍ ଲଂଚ୍ କରି ପୁଣି ଆମେରିକାକୁ ମାତ୍ ଦେଇଛି ବୋଲି ଅତିକମରେ ପୁଟିନ୍ ଭାବୁଛନ୍ତି । ସ୍ପୁଟିନିକ୍ ଭି(sputnikv)ରେ ଭି ଭ୍ୟାକ୍ସିନକୁ ବୁଝାଏ ।
ପାଇଲଟ ଫେରିବା ପରେ ରାଜସ୍ଥାନ ପ୍ଲେନ୍ରେ ବସୁନାହାନ୍ତି କଂଗ୍ରେସ ନେତା
ନୂଆଦିଲ୍ଲୀ: ରାଜସ୍ଥାନରେ ଥମୁନି ରାଜନୈତିକ କ୍ଷମତା କନ୍ଦଳ । ସଚିନ ପାଇଲଟଙ୍କ କଂଗ୍ରେସକୁ ଫେରିବା ପରେ ସନ୍ତୁଷ୍ଟ ନୁହନ୍ତି ଦଳର କିଛି ନେତା । ଗତକାଲି ବସିଥିବା ଦଳୀୟ ବୈଠକରେ ବ୍ୟାପକ ଆଲୋଚନା ହୋଇଛି । ବୈଠକରେ ବାଗୀ ନେତା ସଚିନ ପାଇଲଟ ଓ ତାଙ୍କ ସମର୍ଥକଙ୍କ ଦଳକୁ ଫେରିବା ଘଟଣାକୁ ନେଇ ନିଜର ଅସନ୍ତୋଷ ବ୍ୟକ୍ତ କରିଛନ୍ତି ଅନେକ ନେତା । ବୈଠକରେ ସମସ୍ତ ବିଧାୟକଙ୍କ ଧନ୍ୟବାଦ ଜଣାଇଥିଲେ ମୁଖ୍ୟମନ୍ତ୍ରୀ ଅଶୋକ ଗେହେଲଟ ।
ଏହି ରାଜନୈତିକ ସଂକଟ ସମୟରେ ତାଙ୍କ ସପକ୍ଷରେ ଠିଆ ହୋଇଥିବାରୁ ସେ ସମସ୍ତଙ୍କୁ ଆଭାର ବ୍ୟକ୍ତ କରିଥିଲେ । କେନ୍ଦ୍ର ହାଇକମାଣ୍ଡ ନିଷ୍ପତ୍ତିକୁ ସମର୍ଥନ କରି ବନ୍ଧୁତ୍ୱପୂର୍ଣ୍ଣ ଭାବେ ଦଳକୁ ଆଗକୁ ବଢାଇବାକୁ ସେ ସମସ୍ତଙ୍କୁ ନିବେଦନ କରିଥିଲେ । କଂଗ୍ରେସର ତାଙ୍କ ସମର୍ଥକମାନେ ୧୧ ଦିନ ଧରି ଏକ ହୋଟେଲରେ ରହି ଆସୁଥିଲେ । ୧୪ ତାରିଖରେ ବିଧାନସଭା ଅଧିବେଶନ ହେବାକୁ ଯାଉଛି । ତେଣୁ ଏପରି ପରିସ୍ଥିତିରେ ସମସ୍ତଙ୍କ ଏକତା କାମନା କରିଥିଲେ ମୁଖ୍ୟମନ୍ତ୍ରୀ ।
ଭିଜିଲାନ୍ସ ଜାଲରେ ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗର ସ୍ୱତନ୍ତ୍ର ସଚିବ
ଭୁବନେଶ୍ୱର: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗ । ଭିଜିଲାନ୍ସ ଜାଲରେ ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗର ସ୍ୱତନ୍ତ୍ର ସଚିବ । ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗର ସ୍ୱତନ୍ତ୍ର ସଚିବ ଅଜୟ କୁମାର ଦାସ । ସକାଳୁ ସକାଳୁ ୫ଟି ଟିମ ରେଡ କରିଛି । ଅଜୟଙ୍କ ଘର ସମେତ ୬ ଟି ସ୍ଥାନରେ ଛାପା ମାରିଛି ଭିଜିଲାନ୍ସ । ଟଙ୍କପାଣି ରୋଡ଼ ରତ୍ନାକର ବାଗ ଲେନରେ ଥିବା ପୈତୃକ ଓ ଆବାସିକ ଘରେ ଚଢ଼ାଉ କରିଛି । ସେହିପରି ପଟିଆରେ ଥିବା ଫ୍ଲାଟ, ନୂଆଗାଁରେ ଥିବା ଆଉଟ ହାଉସ, ବାଲେଶ୍ୱରରେ ଥିବା ଦୁଇ ମହଲା ଘରରେ ଚଢ଼ାଉ କରିଛି ଟିମ । ତାଙ୍କ ନାଁରେ ଥିବା ୩ ଟି ଫ୍ଲାଟକୁ ଠାବ କରିଛି ଭିଜିଲାନ୍ସ ।
ଭୁବନେଶ୍ୱରରେ ୨ଟି ଓ ପୁରୀରେ ଗୋଟେ ଫ୍ଲାଟର ସୂଚନା ପାଇଛି ଟିମ୍ । ସେପଟେ ଏବେ ମଧ୍ୟ ସ୍ୱତନ୍ତ୍ର ସଚିବ ଅଜୟଙ୍କ ଘରେ ମଧ୍ୟ ଜାରି ରହିଛି ରେଡ । ବର୍ତ୍ତମାନ ଟିମ୍ ୩ଟି ଫ୍ଲାଟକୁ ଜବତ କରିଛି । ଭୁବନେଶ୍ୱରରେ ୨ ଫ୍ଲାଟ୍ ରହିଛି ଏବଂ ପୁରୀରେ ଗୋଟିଏ ଫ୍ଲାଟ୍ ରହିଛି । ସେପଟେ ଆଉ ଦୁଇ ମାସପରେ ଅବସର ନେଇଥାନ୍ତେ । ତେବେ କେମିତି ସେ ଏତେ ଟଙ୍କାର ଅଧିକାରୀ ହେଲେ ତାକୁ ନେଇ ତଦନ୍ଦ କରୁଛି ଭିଜିଲାନ୍ସ । ଭୁବନେଶ୍ୱରରେ ଥିବା ବ୍ୟାଙ୍କ ଲକରକୁ ମଧ୍ୟ ନିଜ ତଦନ୍ତର ଅଧିନକୁ ନେଇଛି । ସଂଧ୍ୟା ସୁଧା ସବୁ ପର୍ଦାଫାସ ହେବ ବୋଲି ସୂଚନା ମିଳିଛି ।
ମ୍ୟାଟ୍ରିକ ପରେ ପ୍ରକାଶ ପାଇଲା ପ୍ଲସ ଟୁ ବିଜ୍ଞାନ ରେଜଲ୍ଟ, ଝିଅଙ୍କୁ ପଛରେ ପକାଇ ପୁଅଙ୍କ ବାଜିମାତ… ମୋଟ ପାସ ହାର ୭୦.୨୧ ପ୍ରତିଶତ
ମ୍ୟାଟ୍ରିକ ପରେ ପ୍ରକାଶ ପାଇଲା ପ୍ଲସ ଟୁ ବିଜ୍ଞାନ ରେଜଲ୍ଟ, ଝିଅଙ୍କୁ ପଛରେ ପକାଇ ପୁଅଙ୍କ ବାଜିମାତ… ମୋଟ ପାସ ହାର ୭୦.୨୧ ପ୍ରତିଶତ
ବେଙ୍ଗାଲୁରୁ ସାମ୍ପ୍ରଦାୟିକ ହିଂସାରେ ୩ ମୃତ,୬୦ ଆହତ,SDPI ନେତା ଗିରଫ
ବେଙ୍ଗାଲୁରୁ: ବେଙ୍ଗାଲୁରରୁରେ ଗତକାଲି (ମଙ୍ଗଳବାର)ରାତିରେ ହୋଇଥିବା ସାମ୍ପ୍ରଦାୟିକ ହିଂସାରେ ମୃତ୍ୟୁ ସଂଖ୍ୟା ୩ ଛୁଇଁଛି । ଏହି ମାମଲାରେ ପୋଲିସ ସୋସିଆଲ ଡେମୋକ୍ରାଟିକ୍ ପାର୍ଟି ଅଫ୍ ଇଣ୍ଡିଆର ଜଣେ ନେତାଙ୍କୁ ଗିରଫ କରିଛି । ଏସଡିପିଆଇ ପକ୍ଷରୁ ନିଜ ନେତାଙ୍କ ଗିରଫଦାରୀ କଥାକୁ ସ୍ୱିକାର କରାଯାଇଛି । ଗିରଫ ହୋଇଥିବା ନେତାଙ୍କ ନାମ ମୁଜମ୍ମିଲ ପାଶା । ହିଂସା ପଛରେ ଏହି ସଂଗଠନ ଥିବା କୁହାଯାଉଛି ।
ଗୋଟିଏ ଫେସବୁକ୍ ପୋଷ୍ଟକୁ ନେଇ ମଙ୍ଗଳବାର ରାତିରେ ହିଂସା ସୃଷ୍ଟି ହୋଇଥିଲା । ଯେଉଁଥିରେ ତିନି ଜଣ ପ୍ରାଣ ହରାଇଛନ୍ତି । ହିଂସାତ୍ମକ ଭିଡ ଜଣେ କଂଗ୍ରେସ ବିଧାୟକଙ୍କ ଘର ଉପରେ ଆକ୍ରମଣ କରି ଭଙ୍ଗାରୁଜା କରିବା ସହ ସେଠାରେ ଥିବା ଲୋକଙ୍କୁ ଆକ୍ରମଣ କରିଥିଲେ । କଂଗ୍ରେସ ବିଧାୟକଙ୍କ ଘର ଉପରେ ଆକ୍ରମଣ କରିବା ପରେ ଏହି ଭିଡ ସ୍ଥାନୀୟ ଥାନା ଉପରେ ମଧ୍ୟ ଆକ୍ରମଣ କରିଥିଲା । ସେମାନେ ଥାନାକୁ ଜାଳି ଦେବାକୁ ଉଦ୍ୟମ କରିଥିଲେ । ଭିଡର ସନ୍ଦେହ ଥିଲା ଯେ, ଫେସବୁକ୍ ପୋଷ୍ଟ କରିଥିବା ବ୍ୟାକ୍ତିଙ୍କୁ ପୋଲିସ ଗିରଫ କରି ଉକ୍ତ ଥାନାରେ ରଖିଛି । ଥାନାରେ ନିଆଁ ଲଗାଇଥିବା ଭିଡକୁ ଘଉଡାଉବା ପାଇଁ ପୋଲିସକୁ ଗୁଳି ଚଳାଇବାକୁ ପଡିଥିଲା । ଭିଡ ଆକ୍ରମଣରେ ୬୦ ପୋଲିସ ଆହତ ହୋଇଛନ୍ତି ।
ପୋଲିସ କମିଶନରଙ୍କ ଅନୁସାରେ ବର୍ତ୍ତମାନ ସ୍ଥିତି କାବୁରେ ଅଛି । ସହରରେ ଧାରା ୧୪୪ ଲାଗୁ କରାଯାଇଛି । ସିଆରିପିଏଫ୍,ଆରଏଏଫକୁ ମୁତୟନ କରାଯାଇଛି ।ଏହି ଘଟଣା ପରେ ମୁଖ୍ୟମନ୍ତ୍ରୀ ଲୋକଙ୍କୁ ଶାନ୍ତି ଶୃଙ୍ଖଳା ବଜାୟ ରଖିବାକୁ ଅପିଲ କରିଛନ୍ତି । ଏହା ସହିତ ଦୋଷୀଙ୍କୁ ଦୃଷ୍ଟାନ୍ତମୁଳକ ଦଣ୍ଡ ଦିଆଯିବା ବୋଲି କହିଛନ୍ତି ।
.
ପ୍ରକାଶ ପାଇଲା +୨ ବିଜ୍ଞାନ ଫଳାଫଳ,ପାସ୍ ହାର ୭୦.୨୧ ପ୍ରତିଶତ
ଭୁବନେଶ୍ୱର: ରାଜ୍ୟ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ଆଜି ପ୍ରକାଶିତ ହୋଇଛି ଯୁକ୍ତ ୨ ବିଜ୍ଞାନ ପରୀକ୍ଷା ଫଳ । ଏଥର ବିଜ୍ଞାନରେ ପାସ୍ ହାର ରହିଛି ୭୦.୨୧ ପ୍ରତିଶତ । ପରୀକ୍ଷା ଦେଇଥିବା ପୁଅଙ୍କ ମଧ୍ୟରୁ ୩୯ ପ୍ରତିଶତ ପାସ କରିଛନ୍ତି । ପାସ୍ କରିଥିବା ପୁଅଙ୍କ ସଂଖ୍ୟା ହେଉଛି ୩୮ ହଜାର ୩୦୧ । ସେହିଭଳି ୩୧ ପ୍ରତିଶତ ଝିଅ ପାସ ହୋଇଛନ୍ତି । ମୋଟ ୩୦ ହଜାର ୩୭ ଜଣ ଝିଅ ବିଜ୍ଞାନ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଚଳିତ ବର୍ଷ ମୋଟ ୯୭ ହଜାର ୩୭୭ ଜଣ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୬୮ ହଜାର ୩୭୪ ଜଣ ପାସ ହୋଇଛନ୍ତି । ନୟାଗଡ ଜିଲ୍ଲାରେ ପାସ ହାର ସର୍ବାଧିକ ରହିଛି । ଏହି ଜିଲାରେ ଯୁକ୍ତ ଦୁଇ ବିଜ୍ଞାନ ଦେଇଥିବା ୧୦୦ ଜଣଙ୍କ ମଧ୍ୟରୁ ୮୬.୫୧ ପ୍ରତିଶତ ପାସ୍ ହୋଇଛନ୍ତି ।
୨୫ ହଜାର ୩୩୯ ଜଣ ପ୍ରଥମ ଶ୍ରେଣୀରେ ପାସ କରିଥିବା ବେଳେ ୨୪ ହଜାର ୧୨୧ ଜଣ ଦ୍ୱିତୀୟ ଶ୍ରେଣୀରେ ଉତିର୍ଣ୍ଣ ହୋଇଛନ୍ତି । ୧୩୭ ଜଣ ପରୀକ୍ଷାର୍ଥୀ ୯୦ ପ୍ରତିଶତ ନମ୍ବର ପାଇଛଛନ୍ତି । ୨୦ଟି ଅନୁଷ୍ଠାନର ପାସ୍ ହାର ଶତ ପ୍ରତିଶତ ରହିଛି । ଅନ୍ୟପକ୍ଷରେ ୧୫ ସ୍କୁଲରେ କେହି ମଧ୍ୟ ପାସ କରି ପାରିନାହାନ୍ତି ।
ଚଳିତ ବର୍ଷ କରୋନା ମହାମାରୀ କାରଣରୁ ସବୁ ପରୀକ୍ଷା ଫଳ ଭଳି ଯୁକ୍ତ ଦୁଇ ବିଜ୍ଞାନ ଫଳ ପ୍ରକାଶିତ ହେବାରେ ବିଳମ୍ବ ହୋଇଥିଲା । ପରୀକ୍ଷା ଫଳ ସଂପର୍କରେ ଘୋଷଣା କରି ରାଜ୍ୟ ବିଦ୍ୟାଳୟ ଓ ଗଣ ଶିକ୍ଷାମନ୍ତ୍ରୀ ସମୀର ରଂଜନ ଦାଶ କହିଛନ୍ତି ଯେ, ସବୁ ପରୀକ୍ଷା ସେଣ୍ଟରରେ ସିସିଟିଭି ଲଗାଯାଇଥିବାରୁ ପରୀକ୍ଷା ଫଳ ଗତ ବର୍ଷ ତୁଳନାରେ ୨ ପ୍ରତିଶତ କମିଛି । ଅନ୍ୟପକ୍ଷରେ ୧୫ ସ୍କୁଲ ପରୀକ୍ଷା ଫଳ ଶୁନ୍ୟ ହେବାକୁ ନେଇ ସେ କ୍ଷୋଭ ପ୍ରକାଶ କରିଛନ୍ତି ।
SMS ଦ୍ୱାରା କେମିତି ରେଜଲ୍ଟ ଜାଣିବେ ?
ଟାଇପ କରନ୍ତୁ RESULT<space>OR12<space>ରୋଲ ନମ୍ବର’ ଓ ଏହାକୁ ୫୬୨୬୩କୁ ପଠାଇ ଦିଅନ୍ତୁ
ୱେବସାଇଟରୁ କେମିତି ଫଳାଫଳ ଜାଣିବେ ?
୧. ଅଫିସିଆଲ ୱେବସାଇଟ୍ orissaresults.nic.in କୁ ଯାଆନ୍ତୁ
୨: ରେଜଲ୍ଟ ପାଇଁ ଥିବା ଲିଙ୍କ୍ ଉପରେ କ୍ଲିକ୍ କରନ୍ତୁ
୩ : ଲଗଇନ୍ ପେଜରେ ରୋଲ୍ ନମ୍ବର ଓ ଅନ୍ୟ ବିବରଣୀ ଦିଅନ୍ତୁ
୪: ସବମିଟ୍ ବଟନ କ୍ଲିକ୍ କରନ୍ତୁ ଓ ରିଜଲ୍ଟର ପ୍ରିଣ୍ଟଆଉଟ୍ ନିଅନ୍ତୁ
ରାଜ୍ୟରେ ଆଉ ୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି
ଭୁବନେଶ୍ୱର: ରାଜ୍ୟରେ ବୁଧବାର ଆଉ ୯ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏଥିସହ କରୋନା ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି ହୋଇଛି । ଗଂଜାମରୁ ସର୍ବାଧିକ ୪ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବାବେଳେ ଅନୁଗୁଳରୁ ୧ ମୃତ । ଅପରପକ୍ଷରେ ରାୟଗଡାରେ ୨ଜଣଙ୍କ ମୃତ୍ୟୁ ହୋଇଛି । ବାଲେଶ୍ୱରରୁ ଓ ଖୋର୍ଦ୍ଧାରୁ ଜେଣେ ଲେଖାଏଁ ମୃତ୍ୟୁ ହୋଇଛି । ଆଜି ସର୍ବାଧିକ ୧୮୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ ସେଣ୍ଟରରୁ ୧୧୮୨ ଓ ଲୋକାଲ କେସ ୬୯୪ । ଏଥିସହ ରାଜ୍ୟରେ ୫୦ ହଜାର ଟପିଲା ସଂକ୍ରମିତଙ୍କ ସଂଖ୍ୟା ।
3. A 48-year old female of Ganjam district who was also suffering from Diabetes & Obesity.
4. A 57-year old male of Ganjam.
5. A 57-year old male of Ganjam district who was also suffering from Diabetes, Hypertension & Chronic Kidney Disease.
— H & FW Dept Odisha (@HFWOdisha) August 12, 2020
ବୁଧବାର ଦିନ ଗଞ୍ଜାମରେ ୪ ଜଣ ସଂକ୍ରମିତଙ୍କ ମଧ୍ୟରୁ ୨ଜଣ ୫୭ ବର୍ଷିୟ ପୁରୁଷ, ୭୪ ବର୍ଷିୟ ମହିଳା, ୪୮ ବର୍ଷିୟ ମହିଳା ମୃତ୍ୟୁବରଣ କରିଛନ୍ତି । ଏହାସହ ଖୋର୍ଦ୍ଧାରୁ ମୃତ୍ୟୁ ବରଣ କରିଥିବା ଜଣେ ସଂକ୍ରମିତ ହେଉଛନ୍ତି ୫୮ ବର୍ଷିୟ ପୁରୁଷ ।
6. A 74-year old female of Ganjam district.
7. A 58-year old male of Khordha district who was also suffering from Diabetes.
8. A 65-year old male of Rayagada district.
9. A 65-year old male of Rayagada district who was also suffering from Diabetes, Hypertension.
— H & FW Dept Odisha (@HFWOdisha) August 12, 2020
ସେହିପରି ବାଲେଶ୍ୱରରୁ ୩୮ ବର୍ଷିୟ ପୁରୁଷଙ୍କର ମୃତ୍ୟୁ ହୋଇଛି । ରାୟଡ଼ରୁ ୨ ଜଣ ୬୫ ବର୍ଷିୟ ପୁରୁଷ ମୃତ୍ୟୁ ବରଣ କରିଛନ୍ତି । ତେବେ ଅନୁଗୁଳରୁ ମଧ୍ୟ ଜଣେ ୪୪ ବର୍ଷିୟ ମହିଳାଙ୍କ ମୃତ୍ୟୁ ହୋଇଛି । ସୂଚନା ଅନୁଯାଇ ଏସମସ୍ତେ ଆକ୍ରାନ୍ତ ଉଚ୍ଚରକ୍ତଚାପ, ମଧୁମେହ ଏବଂ ଅନ୍ୟାନ୍ୟ ରୋଗରେ ପୀଡ଼ିତ ଥିଲେ ।
ରାଜ୍ୟରେ ୫୦ ହଜାର ଟପିଲା ଆକ୍ରାନ୍ତଙ୍କ ସଂଖ୍ୟା, ୩୦ ଜିଲ୍ଲାରୁ ଆଉ ୧୮୭୬ କରୋନା ଆକ୍ରାନ୍ତ ଚିହ୍ନଟ
ଭୁବନେଶ୍ୱର: ପ୍ରତିଦିନ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ପ୍ରତ୍ୟେକ ଦିନ ୧୦୦୦ରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ସେହିଭଳି ବୁଧବାର ମଧ୍ୟ ରାଜ୍ୟରେ ୩୦ ଜିଲ୍ଲାରୁ ୧୮୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ୫୦ ହଜାର ଟପିଲା ମୋଟ ଆକ୍ରାନ୍ତଙ୍କ ସଂଖ୍ୟା । ମୋଟ ପଜିଟିଭଙ୍କ ସଂଖ୍ୟା ୫୦ହଜାର ୬୭୨କୁ ବୃଦ୍ଧି ପାଇଛି । ୧୮୭୬ ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ କେନ୍ଦ୍ରରୁ ୧୧୮୨ ସଂକ୍ରମିତ ଚିହ୍ନଟ ହୋଇଥିବାବେଳେ ୬୯୪ଟି ଲୋକାଲ କେସ୍ ।
6. Boudh: 10
7. Cuttack: 109
8. Deogarh: 2
9. Dhenkanal: 36
10. Gajapati: 71
11. Ganjam: 260
12. Jagatsinghpur: 26
13. Jajpur: 53
14. Jharsuguda: 6
15. Kalahandi: 41
16. Kandhamal: 30
17. Kendrapada: 58
18. Keonjhar: 21
19. Khurda: 297
20. Koraput: 77
21. Malkangiri: 24— I & PR Department, Odisha (@IPR_Odisha) August 12, 2020
ଆଜି ଖୋର୍ଦ୍ଧାରୁ ସର୍ବାଧିକ ୨୯୭ ଚିହ୍ନଟ ହୋଇଛନ୍ତି । ଅପରପକ୍ଷରେ ଗଂଜାମରୁ ୨୬୦, କଟକରୁ ୧୦୯ ପଜିଟିଭ ଚିହ୍ନଟ ହୋଇଛନ୍ତି । ଏହା ବ୍ୟତୀତ ଅନୁଗୁଳରୁ ୧୫, ବାଲେଶ୍ୱରରୁ ୮୧, ବରଗଡ଼ରୁ ୧୫, ଭଦ୍ରକରୁ ୫୦, ବଲାଙ୍ଗିରରୁ ୩୧, ବୌଦ୍ଧରୁ ୧୦, ଦେବଗଡ଼ରୁ ୨, ଢେଙ୍କାନାଳରୁ ୩୬, ଗଜପତିରୁ ୭୧, ଜଗତସିଂହପୁରରୁ ୨୬, ଯାଜପୁରରୁ ୫୩, ଝାରସୁଗୁଡ଼ାରୁ ୬, କଳାହାଣ୍ଡିରୁ ୪୧, କେନ୍ଦ୍ରାପଡ଼ାରୁ ୫୮, କନ୍ଧମାଳରୁ ୩୦, କେନ୍ଦୁଝରରୁ ୨୧, କୋରାପୁଟରୁ ୭୭, ମାଲକାନଗିରିରୁ ୨୪, ମୟୁରଭଞ୍ଜରୁ ୭୦, ନବରଙ୍ଗପୁରରୁ ୩୦, ନୟାଗଡ଼ରୁ ୧୦୫, ନୂଆପଡ଼ାରୁ ୩, ପୁରୀରୁ ୮୦, ରାୟଗଡ଼ାରୁ ୯୮, ସମ୍ବଲପୁରରୁ ୩୬, ସୋନପୁରରୁ ୨୨, ସୁନ୍ଦରଗଡ଼ରୁ ୧୧୯ ଚିହ୍ନଟ ହୋଇଛନ୍ତି ।
22. Mayurbhanj: 70
23. Nawarangpur: 30
24. Nayagarh: 105
25. Nuapada: 3
26. Puri: 80
27. Rayagada: 98
28. Sambalpur: 36
29. Sonepur: 22
30. Sundargarh: 119New Recoveries: 1785
Cumulative Tested: 724354
Positive: 50672
Recovered: 34805
Active Cases: 15509— I & PR Department, Odisha (@IPR_Odisha) August 12, 2020
ଏଥିସହ ରାଜ୍ୟରେ ଏବେ ୧୫୫୦୯ ଆକ୍ଟିଭ୍ କେସ ରହିଛି । ଏଥିସହ ରାଜ୍ୟରେ ଆଜି ଆଉ ୯ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ରାଜ୍ୟରେ କରୋନା ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି ପାଇଛି ।
ଦେଶରେ ଆଜି ଆଉ ୬୦ ହଜାର ୯ ଶହ ୬୩ ନୂଆ ଆକ୍ରାନ୍ତ ଚିହ୍ନଟ, ୮୩୪ ଜୀବନ ନେଲା ମହାମାରୀ
ନୂଆଦିଲ୍ଲୀ: ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୨୩ ଲକ୍ଷ ପାର ହୋଇଛି । ଟେଷ୍ଟିଂ ବଢିବା ସହ ଅଗଷ୍ଟ ମାସରେ କରୋନା ସଂକ୍ରମଣ ସଂଖ୍ୟା ବଢିଛି । ଆଜି ପୁଣି ୬୧ ହଜାର ପାଖାପାଖି ପହଞ୍ଚିଛି କରୋନା ଆକ୍ରାନ୍ତଙ୍କ ସଂଖ୍ୟା । ୨୪ ଘଣ୍ଟାରେ ୬୦ ହଜାର ୯୬୩ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗୋଟିଏ ଦିନରେ ୮୩୪ ଜଣଙ୍କ ଜୀବନ ନେଇଛି ମହାମାରୀ । ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏନେଇ ସ୍ପଷ୍ଟ କରାଯାଇଛି । ଫଳରେ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୩ ଲକ୍ଷ ୨୯ ହଜାର ୬୩୯ରେ ପହଞ୍ଚିଛି । ତେବେ ଦେଶରେ ବର୍ତ୍ତମାନ ୬ ଲକ୍ଷ ୪୩ ହଜାର ୯୪୮ ଜଣ ଆକ୍ଟିଭ ଥିବାବେଳେ ୧୬ ଲକ୍ଷ ୩୯ ହଜାର ୬ଶହ ଜଣ ସୁସ୍ଥ ହୋଇ ଘରକୁ ଫେରିଲେଣି । ତେବେ ମୋଟ ମୃତ୍ୟୁ ସଂଖ୍ୟା ୪୬ ହଜାର ୯୧କୁ ବୃଦ୍ଧି ପାଇଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
କରୋନା ସଂକ୍ରମଣ ସଂଖ୍ୟା ଅନୁଯାୟୀ ଭାରତ ବିଶ୍ୱରେ ତୃତୀୟ ସର୍ବାଧିକ ପ୍ରଭାବିତ ଦେଶ । ବ୍ରାଜିଲ ପରେ କରୋନା ମହାମାରୀ ଦ୍ୱାରା ଆମେରିକା ସର୍ବାଧିକ ପ୍ରଭାବିତ ହୋଇଛି। କିନ୍ତୁ ଦେଶରେ କରୋନା ମାମଲାରେ ବୃଦ୍ଧି ହେବାର ଗତି ମଧ୍ୟ ବିଶ୍ୱରେ ଏକ ନମ୍ବର ରହିଛି। ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ରହିଛି । ଭାରତ ଅପେକ୍ଷା ଅଧିକ ମାମଲା ଆମେରିକା (୫, ୩୦୪, ୩୯୪) ଓ ବ୍ରାଜିଲ (୩, ୧୧୨, ୩୯୩ )ରେ ରହିଛି ।
ସୂଚନାଯୋଗ୍ୟ ଯେ, ଦେଶରେ ସବୁଠାରୁ ସକ୍ରିୟ ମାମଲା ମହାରାଷ୍ଟ୍ରରେ ରହିଛି। ମହାରାଷ୍ଟ୍ରରରେ ଏକ ଲକ୍ଷରୁ ଅଧିକ ସଂକ୍ରମିତ ଲୋକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏହା ପରେ ତାମିଲନାଡୁ ଦ୍ୱିତୀୟ ସ୍ଥାନରେ ରହିଛି । ତୃତୀୟ ସ୍ଥାନରେ ଦିଲ୍ଲୀ, ଚତୁର୍ଥ ସ୍ଥାନରେ ଗୁଜୁରାଟ ଏବଂ ପଞ୍ଚମ ସ୍ଥାନରେ ପଶ୍ଚିମବଙ୍ଗ ରହିଛି। ଏହି ପାଞ୍ଚଟି ରାଜ୍ୟରେ ସର୍ବାଧିକ ସକ୍ରିୟ ମାମଲା ରହିଛି। ଆକ୍ଟିଭ୍ କେସ୍ ମାମଲାରେ ଭାରତ ବିଶ୍ୱରେ ତୃତୀୟ ସ୍ଥାନରେ ରହିଛି।