spot_img
Home Blog Page 6641

ସ୍କୁଲରେ ସ୍ୱାଧିନତା ଦିବସ ପାଳନ ବେଳେ ରହିବେନି ଛାତ୍ରଛାତ୍ରୀ

Soumya shrikanta patra
-
0
ସ୍କୁଲରେ ସ୍ୱାଧିନତା ଦିବସ ପାଳନ ବେଳେ ରହିବେନି ଛାତ୍ରଛାତ୍ରୀ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି । କରୋନା ପାଇଁ ଏବେ ସ୍କୁଲ କଲେଜ ସବୁ ବନ୍ଦ ରହିଛି । ଅନଲକ ୩.୦ ରେ କିଛି ମାତ୍ରାରେ କଟକଣା କୋହଳ ହୋଇଥିଲେ ମଧ୍ୟ ଶିକ୍ଷାନୁଷ୍ଠାନ ମାନଙ୍କରେ କଟକଣା କଡ଼ାକଡ଼ି ରରହିଛି । ତେବେ ଚଳିତ ବର୍ଷ କଟକଣାରେ ସ୍ୱାଧିନତା ଦିବସ ଦେଶରେ ପାଳନ କରାଯାଉଛି । କୋଭିଡ କଟକଣାକୁ ପାଳନ କରି ଏ ବର୍ଷ ପାଳନ ହେଉଛି ସ୍ୱାଧିନତା ଦିବସ ।

ତେବେ ଚଳିତ ବର୍ଷ ସ୍କୁଲରେ କରୋନା କଟକଣାରେ ହେବ ସ୍ୱାଧୀନତା ଦିବସ । ସ୍କୁଲରେ ସ୍ୱାଧୀନତା ଦିବସ ପାଳନ ହେବା ସମୟରେ ଯୋଗଦେବେନି  ଛାତ୍ରଛାତ୍ରୀ । ପତାକା ଉତ୍ତଳନ ବେଳେ କେବଳ ପ୍ରଧାନ ଶିକ୍ଷକ, VEC ଓ ଶିକ୍ଷକ ଶିକ୍ଷୟିତ୍ରୀ ସ୍ୱାଧୀନତା ଦିବସ ପାଳନ କରିବେ । ଯେଉଁଠି VEC ନଥିବେ, ସେଠି ପ୍ରଧାନ ଶିକ୍ଷକ ପତାକା ଉତ୍ତୋଳନ କରିବେ ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସୂଚନା ଦେଇଛନ୍ତି ।

କରୋନା ଏବେ ସ୍ଥିର ରହିଛି, ଆମକୁ ଆହୁରି ସତର୍କ ରହିବାକୁ ପଡ଼ିବ: ଆର୍‌ଏମ୍‌ଆର୍‌ସି ନିର୍ଦ୍ଦେଶିକା

Web Admin
-
0
କରୋନା ଏବେ ସ୍ଥିର ରହିଛି, ଆମକୁ ଆହୁରି ସତର୍କ ରହିବାକୁ ପଡ଼ିବ: ଆର୍‌ଏମ୍‌ଆର୍‌ସି ନିର୍ଦ୍ଦେଶିକା

ଭୁବନେଶ୍ୱର: ସାରା ରାଜ୍ୟରେ କରୋନା ମହାମାରୀ ହୁ ହୁ ହୋଇ ବଢ଼ିଚାଲିଛି । ଏହାରି ମଧ୍ୟରେ ଗୁରୁବାର ସର୍ବାଧିକ ୧୯୮୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୯ ଜଣଙ୍କର ମୃତ୍ୟୁ ହୋଇଛି । କରୋନା ସ୍ଥିତିକୁ ନେଇ ଆରଏମ୍‌ଆର୍‌ସି ନିର୍ଦ୍ଦେଶିକା ଡାକ୍ତର ସଂଘମିତ୍ରା ପତି କହିଛନ୍ତି ଯେ, ‘ଗଞ୍ଜାମରେ ୩ ସପ୍ତାହ ତଳେ ଯାହା ପରିସ୍ଥିତି ଥିଲା, ତାହା ଏବେ ନାହିଁ । ବିଭିନ୍ନ ଜିଲ୍ଲାରେ ସିରୋ ସର୍ଭେ ଆରମ୍ଭ କରାଯାଇଛି । ୩ ରୁ ୭ ଅଗଷ୍ଟ ମଧ୍ୟରେ ବ୍ରହ୍ମପୁରରେ ସେରୋ ସର୍ଭେ ହୋଇଥିଲା । ୨୮୩୦ ଜଣଙ୍କ ଆଣ୍ଡିବଡି ଟେଷ୍ଟଂ କରାଯାଇଥିଲା । ଏକ ତୃତୀୟାଂଶ ଲୋକଙ୍କ ପାଖରେ ଆଣ୍ଡିବଡି ସୃଷ୍ଟି ହୋଇସାରିଛି ।’

କରୋନା ପାଇଁ ଆଦୌ ଡରିବା ନାହିଁ । ରାଜ୍ୟ ସରକାର ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତ ରହିଛନ୍ତି । ପୂର୍ବ ଅପେକ୍ଷା କରୋନା ସଂକ୍ରମଣ ଏବେ ସ୍ଥିର ରହିଛି । ଆଗକୁ ଏହା କମିବ ବୋଲି ଆଶା କରାଯାଉଛି । କରୋନାରୁ ରକ୍ଷା ପାଇବାକୁ ହେଲେ ଆମକୁ ଆହୁରି ସତର୍କ ରହିବାକୁ ପଡ଼ିବ । ଏନେଇ ସୂଚନା ଦେଇଛନ୍ତି ଆର୍‌ଆରସି ନିର୍ଦ୍ଦେଶିକା ସଂଘମିତ୍ରା ପତି ।

https://www.facebook.com/NandighoshaTV/videos/2735463816774421/

ପ୍ରଥମେ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ପୁରୀରେ ସେରୋ ସର୍ଭେ ଆରମ୍ଭ ହୋଇଥିଲା । ଏହା ପରେ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ସେରୋ ସର୍ଭେ କରାଯାଇଥିଲା । ପରେ ବ୍ରହ୍ମପୁର ମଧ୍ୟ ସେରୋ ସର୍ଭେ କରାଯାଇଛି । ତେବେ ଆଗାମୀ ଦିନରେ ଏମିତି ଅନେକ ସହରରେ ସେରୋ ସର୍ଭେ କରାଯିବ ବୋଲି ସରକାର ନିଷ୍ପତ୍ତି ନେଇଛନ୍ତି । ଏକ ତୃତିୟାଂଶ ଲୋକଙ୍କ ମଧ୍ୟରେ ଆଣ୍ଟି ବଡି ସୃଷ୍ଟି ହୋଇସାରିଛି । ଅର୍ବାନ୍‌ ସ୍ଲମ୍‌ରେ ୩୫ ପ୍ରତିଶତ ଆଣ୍ଟିବଡି ସୃଷ୍ଟି ହୋଇଛି ବୋଲି କହିଛନ୍ତି ସଂଘମିତ୍ରା ।

ଅଟୋ ନୁହେଁ ଘର ! ମୂଲ୍ୟ ମାତ୍ର ୧ ଲକ୍ଷ ଟଙ୍କା

Anita Rath
-
0
ଅଟୋ ନୁହେଁ ଘର ! ମୂଲ୍ୟ ମାତ୍ର ୧ ଲକ୍ଷ ଟଙ୍କା

ସୋସିଆଲ ମିଡିଆରେ ଭାଇରାଲ ହେଉଛି ଏଭଳି ଏକ ନିଆରା ଘରର ଫଟୋ ଯାହାର ମୂଲ୍ୟ ୧ ଲକ୍ଷ ଟଙ୍କା । ଖାସ କଥା ହେଉଛି ଏହି ଘରକୁ ନିଜ ଇଛା ମୁତାବକ ସ୍ଥାନକୁ ଅତି ସହଜରେ ନେବା ଆଣିବା କରି ପାରିବେ । ଏକ ଅଟୋ ରିକ୍ସାକୁ ମୋଡିଫାଇ କରାଯାଇ ଏହି ଘରକୁ ତିଆରି କରାଯାଇଛି । ଘରେ ମିଳୁଥିବା ସମସ୍ତ ପ୍ରକାରର ମୌଳିକ ସୁବିଧା ଏଠାରେ ଉପଲବ୍ଧ । ଏହି ନିଆରା ଘରର ନିର୍ମାଣ ତାମିଲନାଡୁର ୨୩ ବର୍ଷୀୟ ଅରୁଣ ପ୍ରଭୁ ନାମକ ଜଣେ ବ୍ୟକ୍ତି କରିଛନ୍ତି । ଘରେ ସମସ୍ତ ପ୍ରକାରର ସୁବିଧା ଯେପରି ବେଡରୁମ, କିଚେନ,ଲିଭିଂ ରୁମ ସହିତ ଟଏଲେଟ ମଧ୍ୟ ରହିଛି । ଏହି ଘରେ ଦୁଇଜଣ ଲୋକ ରହି ପାରିବେ । ଖାଲି ସେତିକି ନୁହେଁ ଖୋଲା ପବନର ମଜା ନେବାକୁ ଏକ ଆରାମଦାୟକ ଚେୟାର ପକାଇ ଛାତ ଉପରେ ବସିବାର ସୁବିଧା ମଧ୍ୟ ରହିଛି । ୩୬ ବର୍ଗ ଫୁଟରେ ନିର୍ମିତ ଏହି ଘରେ ୨୫୦ ଲିଟରର ଓ୍ୱାଟର ଟ୍ୟାଙ୍କ୍‌, ୬୦୦ ଓ୍ୱାଟର ସୋଲା ପ୍ୟାନେଲ ଲଗାଯାଇଛି । ଘରର ଦ୍ୱାରବନ୍ଧ ରହିବା ସହିତ ଛାତ ଉପରକୁ ଯିବା ପାଇଁ ସିଢୀ ମଧ୍ୟ ରହିଛି ।

 

 

View this post on Instagram

 

Super stoked to finally reveal a project that has been in the works! SOLO 01. A stunning, utilitarian design of a Portable / Detachable housing system. This ingenious small space design transforms a customized 3 wheeler into a comfy Mobile home / Commercial space.We’ve maximized the total 6’x6’ to give you value that isn’t minimalist but fully utilitarian.The concept is the fruit of research into actual needs; we’ve outwitted complex challenges with simple solutions. Unveiling our first prototype ! As Clare Booth said “Simplicity is the ultimate sophistication” #thebillboardscollective #billboards #tinyarchitecture #portablehouse #autorickshawhouse #desicaravan #compactliving #slumhousing #smallscalearchitecture #india #architecture #design #sustainable #nomad #hippies #affordablefashion #vanlife #vanlifediaries #vanlifeindia #campervan #autolife #vanlifecamper #vanlifejournal #vanlifedistrict

A post shared by The BILLBOARDS® Collective. (@the.billboards.collective) on

ପୁରୁଣା ଜିନିଷର ପୁନଃଚକ୍ରଣ କରି ଏହି ଘରକୁ ନିର୍ମାଣ କରିଛନ୍ତି ତାମିଲନାଡୁର ଅରୁଣ । ୫ ମାସରେ ନିର୍ମାଣ ହୋଇଥିବା ଏହି ଘରର ଗଠନ ଶୈଳୀକୁ ସମସ୍ତେ ବେଶ୍ ପସନ୍ଦ କରୁଛନ୍ତି । ତାମିଲନାଡୁରେ ରହୁଥିବା ଅରୁଣ ବେଙ୍ଗାଲୁରୁର ଡିଜାଇନ ଏବଂ ଆର୍କିଟେକ୍ଟ କମ୍ପାନୀ ବିଲବୋର୍ଡ ସହିତ ମିଶି ଏହି ଘରକୁ ତିଆରି କରିଛନ୍ତି ।

ଶୂନ ଫଳ ପାଇଁ ୧୫ କଲେଜକୁ କାରଣ ଦର୍ଶାଅ ନୋଟିସ୍‌

Soumya shrikanta patra
-
0
ଶୂନ ଫଳ ପାଇଁ ୧୫ କଲେଜକୁ କାରଣ ଦର୍ଶାଅ ନୋଟିସ୍‌

ଭୁବନେଶ୍ୱର: ଶୂନ୍ୟ ଫଳାଫଳ ହୋଇଥିବା ୧୫ଟି ଯୁକ୍ତ ଦୁଇ ବିଜ୍ଞାନ ସ୍କୁଲକୁ କାରଣ ଦର୍ଶାଅ ନୋଟିସ୍‌ । ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଏହି ନୋଟିସ କରାଯାଇଛି । ୭ ଦିନ ମଧ୍ୟରେ ଏହାର ଜବାବ ରଖିବାକୁ କଡ୍ଡା ନିର୍ଦ୍ଦେଶ ରହିଛି । ଅନ୍ୟଥା ୭ ଦିନରେ ସ୍କୁଲର ସ୍ୱୀକୃତି ପ୍ରତ୍ୟାହାର ପାଇଁ ଚେତାବନୀ ଦେଇଛି ଉଚ୍ଚ ଶିକ୍ଷା ବିଭାଗ । ଯେଉଁ ସ୍କୁଲ ଗତ ବର୍ଷ ଓ ଚଳିତ ବର୍ଷ ଶୂନ୍ୟ ଫଳାଫଳ ଦେଇଛନ୍ତି, ସେମାନଙ୍କ ସ୍ୱୀକୃତି ତୁରନ୍ତ ପ୍ରତ୍ୟାହାର ହେବ । ୩୧ଟି ସ୍କୁଲ ଯେଉଁଠି ମାଟ୍ରିକ ଫଳ ଶୂନ୍ୟ ଆସିଛି, ସେମାନଙ୍କୁ ବି କାରଣ ଦର୍ଶାଓ ମଗାଯିବ ।

ସୂଚନା ଅନୁଯାୟୀ, ଗତକାଲି +୨ ପରୀକ୍ଷା ଫଳ ପ୍ରକାଶ ପାଇଥିଲା । ତେବେ ୨୦ଟି କଲେଜରେ ପିଲା ଶହେ ପ୍ରତିଶତ ରେଜଲ୍ଟ କରିଥିବା ବେଳେ ୧୫ଯି ସ୍କୁଲରେ ପରୀକ୍ଷା ଫଳ ଶୂନ ରହିଛି ।

ଆସ୍ୱସ୍ତି, ବିଏସ୍‌-IV ମଡେଲ୍‌ ଗାଡ଼ି ରେଜିଷ୍ଟ୍ରେସନ୍‌ ପାଇଁ ଅନୁମତି ଦେଲେ ସୁପ୍ରିମ୍‌କୋର୍ଟ

Web Admin
-
0
ଆସ୍ୱସ୍ତି, ବିଏସ୍‌-IV ମଡେଲ୍‌ ଗାଡ଼ି ରେଜିଷ୍ଟ୍ରେସନ୍‌ ପାଇଁ ଅନୁମତି ଦେଲେ ସୁପ୍ରିମ୍‌କୋର୍ଟ

ସୁପ୍ରିମ୍‌କୋର୍ଟଙ୍କ ପକ୍ଷରୁ ଆସିଲା ବଡ଼ ନିଷ୍ପତ୍ତି । ମାର୍ଚ୍ଚରେ ବିଏସ-IV ଗାଡି କିଣିଥିବା ଲୋକଙ୍କୁ ମିଳିଲା ଆସ୍ୱସ୍ତି । ଲକ୍‌ଡାଉନ୍‌ କାରଣରୁ ପଞ୍ଜିକୃତ କରିପାରିନଥିବା ଗାଡ଼ି ଏବେ ହୋଇପାରିବ ପଞ୍ଜିକୃତ । ଲକ୍‌ଡାଉନ୍‌ ପୂର୍ବରୁ ଯେଉଁମାନେ ବିଏସ୍‌-IV ମଡେଲର ଗାଡ଼ି କିଣିଥିଲେ ହେଲେ ପଞ୍ଜିକୃତ କରିପାରି ନଥିଲେ, ସେମାନଙ୍କ ପାଇଁ ଆସ୍ୱସ୍ତି ପ୍ରଦାନ କରିଛନ୍ତି ସୁପ୍ରିମ୍‌କୋର୍ଟ । ଏଣିକି ସେମାନେ ପଞ୍ଜିକୃତ କରିପାରିବେ ବୋଲି କହିଛନ୍ତି କୋର୍ଟ ।

ତେବେ କେବଳ ସେହିମାନଙ୍କୁ ଏହି ଅନୁମତି ଦିଆଯାଇଛି ଯେଉଁମାନେ ଲକ୍‌ଡାଉନ୍ ପୂର୍ବରୁ ଗାଡ଼ି କିଣିଥିଲେ ଏବଂ ଲକ୍‌ଡାଉନ୍‌ ଯୋଗୁଁ ଧାର୍ଯ୍ୟ ତାରିଖ ପୂର୍ବରୁ ରେଜିଷ୍ଟ୍ରେସନ୍‌ କରିପାରିନଥିଲେ । ଲକଡାଉନ୍ ପରେ ବିକ୍ରି ହୋଇଥିବା BS-IV ଗାଡ଼ିଗୁଡିକର ପଞ୍ଜୀକରଣ ଉପରେ ପ୍ରତିବନ୍ଧକ ସେହିଭଳି ରହିବ ବୋଲି ଜଣାପଡ଼ିଛି ।

ଗତ ଶୁଣାଣି ସମୟରେ ସୁପ୍ରିମକୋର୍ଟ ଲକ୍‌ ଡାଉନ୍‌ ସମୟରେ ବିଏସ- IV ଗାଡ଼ି ବିକ୍ରି ଉପରେ ପ୍ରଶ୍ନ କରିଥିଲେ । କୋର୍ଟ କହିଥିଲେ ଯେ ମାର୍ଚ୍ଚ ଶେଷ ସପ୍ତାହରେ ଲକ୍‌ ଡାଉନ୍‌ ଥିବାବେଳେ ପୂର୍ବ ଅପେକ୍ଷା ଅଧିକ ଗାଡି ବିକ୍ରି ହୋଇଥିଲା । ଏହା ସହିତ ସୁପ୍ରିମକୋର୍ଟ ମାର୍ଚ୍ଚ ମାସରେ ବିଏସ- IV ଗାଡି ବିକ୍ରୟ ଆକଳନ ପାଇଁ ମଧ୍ୟ କହିଥିଲେ ।

BS IV

ଅନ୍ୟପଟେ ଏହି ନିୟମ ଦିଲ୍ଲୀ NCRରେ ଲାଗୁ ହେବ ନାହଁ ବୋଲି କୋର୍ଟ କହିଛନ୍ତି । ସୁପ୍ରିମକୋର୍ଟ ୨୦୨୦ ମାର୍ଚ୍ଚ ୩୧ ଯାଏଁ BS-IV ଗାଡି ବିକ୍ରି କରିବା ପାଇଁ ଓ ପଞ୍ଜିକରଣ କରିବା ପାଇଁ ଅନୁମତି ଦେଇଥିଲେ । ତେବେ ମାର୍ଚ୍ଚ ୨୨ ରେ ଜନତା କର୍ପ୍ୟୁ ଓ ୨୫ ତାରିଖରୁ ଲକଡାଉନ୍‌ ଫଳରେ ପଞ୍ଜିକରଣ ଓ ଗାଡି ବିକ୍ରି ସମ୍ଭବ ହୋଇ ପାରିନଥିଲା । ଯାହାଫଳରେ ଏହାକୁ ନେଇ କୋର୍ଟର ଦ୍ୱାରସ୍ଥ ହୋଇଥିଲେ ଡିଲର ସଙ୍ଘ ।

ଏହା ଉପରେ ସୁପ୍ରିମକୋର୍ଟ ଡିଲରମାନଙ୍କୁ BS-IV ଗାଡିର ୧୦ ପ୍ରତିଶତ ବିକ୍ରୟ କରିବାକୁ ଅନୁମତି ଦେଇଛନ୍ତି । ଏହା ପରେ ଜୁଲାଇ ୮ରେ ସୁପ୍ରିମକୋର୍ଟ ମାର୍ଚ୍ଚ ୨୭ ର ଆଦେଶ ପ୍ରତ୍ୟାହାର କରିନେଇଥିଲେ

କମିିଶନରେଟ ପୋଲିସର କଡ଼ା ନିର୍ଦ୍ଦେଶ, ଟ୍ୱିନ ସିଟିରେ ହେବନି ଗଣେଶ ପୂଜା

Rashmipriya lenka
-
0
କମିିଶନରେଟ ପୋଲିସର କଡ଼ା ନିର୍ଦ୍ଦେଶ, ଟ୍ୱିନ ସିଟିରେ ହେବନି ଗଣେଶ ପୂଜା

ଭୁବନେଶ୍ୱର: କରୋନା ପାଇଁ ଫିକା ପଡିଲା ପର୍ବ ପର୍ବାଣୀ । କରୋନାକୁ ନିୟନ୍ତ୍ରଣରେ ଆଣିବାକୁ ସବୁ ପ୍ରକାର ପ୍ରୟାସ ମଧ୍ୟରେ ବଳିପଡ଼ିଯାଉଛି ସଂସ୍କୃତି । ସେ ମୁସଲମାନ ହୁଅନ୍ତୁ କି ହିନ୍ଦୁ, ସମସ୍ତଙ୍କ ସଂସ୍କୃତିକୁ ଫିକା କରିଛି କରୋନା । ପୂର୍ବରୁ ବିଭିନ୍ନ ପର୍ବପର୍ବାଣୀ ଉପରେ କରୋନା ମାଡ଼ ପଡ଼ିଥିବା ବେଳେ ଏବେ ବିଘ୍ନ ହରତା ଅଗ୍ରପୂଜ୍ୟ ଦେବତା ଗଣେଶଙ୍କ ପୂଜା କଟକଣା ଭିତରକୁ ଚାଲି ଆସିଛି । ଚଳିତ ବର୍ଷ ବିଭିନ୍ନ ପର୍ବପର୍ବାଣୀକୁ କଟକଣା ମଧ୍ୟରେ ପାଳିବାକୁ ନିର୍ଦ୍ଦେଶ ଦିଆଯାଇଥିବା ବେଳେ ଏବେ ଗଣେଶ ପୂଜାକୁ ମଧ୍ୟ ଅନ୍ତର୍ଭୁକ୍ତ କରାଯାଇଛି ।

ଟ୍ୱିନ ସିଟିରେ ଗଣେଶ ପୂଜା ଉପରେ ରୋକ୍ ଲଗାଇଛି କମିଶନରେଟ ପୋଲିସ । ଏଥର ସର୍ବସାଧାରଣରେ ପାଳନ ହେବନି ବିଘ୍ନବିନାଶକଙ୍କ ପୂଜା । କୋଭିଡ ମହାମାରୀ ସ୍ଥିତି ନେଇ ପୂଜା ମଣ୍ଡପରେ ଚଳିତ ବର୍ଷ ପୂଜା ପାଇଁ ଅନୁମତି ଦିଆଯିବନି । ଏନେଇ କମିଶନରେଟ୍ ପୋଲିସ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି । କେବଳ ସେତିକି ନୁହେଁ ଚଳିତ ବର୍ଷ ମୁମ୍ବାଇରେ ମଧ୍ୟ ପ୍ରସିଦ୍ଧ ଗଣେଶ ପୂଜା ପାଳନ ହେବ ନାହିଁ । ଏବଂ ଏହାକୁ ଦୃଷ୍ଟିରେ ରଖି କମିଶନରେଟ ପୋଲିସ ସମସ୍ତଙ୍କୁ ସହଯୋଗ କରିବାକୁ ଅନୁରୋଧ କରିଛି ।

ଆପଣଙ୍କୁ କହି ରଖୁଛୁ ଯେ, ମୁମ୍ବାଇର ଗଣେଶ ପୂଜା ଭାରତ ପ୍ରସିଦ୍ଧ । ଏବଂ କରୋନା କାୟାରେ ସବୁଠୁ ଅଧିକ ପ୍ରଭାଭିତ ମୁମ୍ବାଇ ହିଁ ହୋଇଛି । ବର୍ତ୍ତମାନ ମହାରାଷ୍ଟ୍ରରେ ସର୍ବାଧିକ ରହିଛି ସଂକ୍ରମିତଙ୍କ ସଂଖ୍ୟା । ମହାରାଷ୍ଟ୍ରରେ ୫ଲକ୍ଷ ୪୮ହଜାର ୩୧୩ଜଣ କରୋନା ସଂକ୍ରମିତ ହୋଇଥିବା ବେଳେ ୧୮ହଜାର ୬୫୦ଜଣଙ୍କ କରୋନା ଜନିତ ମୃତ୍ୟୁ ହୋଇଛି ।

ବେଙ୍ଗାଲୁରୁ ହିଂସା: ସବୁ ପୋଲିସଙ୍କୁ ହତ୍ୟା କରିବା ଥିଲା ଦଙ୍ଗାକାରୀଙ୍କ ପ୍ଲାନ୍

Dhananjaya das
-
0
ବେଙ୍ଗାଲୁରୁ ହିଂସା: ସବୁ ପୋଲିସଙ୍କୁ ହତ୍ୟା କରିବା ଥିଲା ଦଙ୍ଗାକାରୀଙ୍କ ପ୍ଲାନ୍

ବେଙ୍ଗାଲୁରୁ: ମଙ୍ଗଳବାର ରାତିରେ ବେଙ୍ଗାଲୁରୁରେ ହୋଇଥିବା ସାମ୍ପ୍ରଦାୟିକ ହିଂସାକାଣ୍ଡ ମାମଲାର ବଡ ଖବର ସାମ୍ନାକୁ ଆସିଛି ।  ଦଙ୍ଗାକାରୀ ଥାନାରେ ଥିବା ସବୁ ପୋଲିସ କର୍ମଚାରୀଙ୍କ ହତ୍ୟା ଲକ୍ଷ୍ୟ ନେଇ ଆସିଥିଲେ । ଦଙ୍ଗାରେ ସାମିଲ ଥିବା ୩ ଶହ ଅପରାଧୀଙ୍କୁ ୫ ଜଣ ନେତୃତ୍ୱ ଦେଉଥିଲେ । ପୋଲିସ ତଦନ୍ତରୁ ଏଭଳି କଥା ସାମ୍ନାକୁ ଆସିଛି ।  ଆକ୍ରମଣାକାରୀ ମଙ୍ଗଳବାର ରାତିରେ ଗରିଲା ଯୁଦ୍ଧନୀତି ଅବଲମ୍ବନ କରି ପୋଲିସ ଉପରେ ହମଲା କରିଥିଲେ । ବେଙ୍ଗାଲୁରୁ ହିଂସାରେ ଯାହା କିଛି ହୋଇଥିଲା ତାହା ପୋଲିସ ପାଇଁ ନୂଆ ଥିଲା ।

ବେଙ୍ଗାଲୁରୁର ସଙ୍କିର୍ଣ୍ଣ ଗଳି ଭିତରେ ଭିଡ ପୋଲିସ ଉପରେ ଗରିଲା ଯୁଦ୍ଧ ଶୈଳୀରେ ହମଲା କରୁଥିଲା । କବଲବୀରସାନ୍ଦ୍ରା,କେଜି ହଲ୍ଲି ଓ ଡିଜେ ହଲ୍ଲୀ ଅଂଚଳରେ ଦଙ୍ଗାକାରୀ ରାତି ଦୁଇଟା ପର୍ଯ୍ୟନ୍ତ ଉପଦ୍ରବ କରୁଥିଲେ । କେଜି ହଲ୍ଲୀ ଓ ଡିଜେ ହଲ୍ଲୀ ଥାନାରେ ଦଙ୍ଗାକାରୀ ପ୍ରଥମେ ତାଲା ପକାଇ ଦେଇଥିଲେ  । ତାଲା ପକାଇବା ପରେ ପୋଲିସ ବାହାନରେ ନିଆଁ ଲଗାଇ ଦିଆଯାଇଥିଲା । ଯେମିତି ପୋଲିସ ଦଙ୍ଗା ନିୟନ୍ତ୍ରଣ ପାଇଁ କେଉଁ ଆଡେ ଯାଇ ପାରିବ ନାହିଁ । ଏହି ଦୁଇଥାନାର ପୋଲିସକୁ ସାହାଯ୍ୟ କରିବାକୁ ବାକି ଅଂଚଳରୁ ପୋଲିସ ଆସିଥିଲା ।

ଖୋଦ ପୋଲିସ କମିଶନର ଯେତେବେଳେ ୭୫ ଜଣ ଅଧିକାରୀଙ୍କ ସହ  ଦଙ୍ଗା ନିୟନ୍ତ୍ରଣ ପାଇଁ ରାସ୍ତାକୁ ଓହ୍ଲାଇଲେ ସେତେବେଳେ ତାଙ୍କ ଉପରକୁ ପଥର ମାଡ ହୋଇଥିଲା । ପ୍ରଥମେ ରାସ୍ତାରେ ଥିବା ଷ୍ଟ୍ରିଟ୍ ଲାଇଟକୁ ପଥର ମାଡ କରି ଭାଙ୍ଗି ଦିଆଯାଇଥିଲା । ପରେ ପୋଲିସ ଉପରକୁ ପଥର,ବୋତଲ ସହ ପେଟ୍ରୋଲ ବମ ଫୋପଡା ଯାଇଥିଲା । ପୋଲିସକୁ ଆତ୍ମରକ୍ଷା ପାଇଁ ଫାଙ୍କା ଗୁଳି ମାଡ କରିବାକୁ ପଡିଥିଲା । ପରେ ପୋଲିସ ଗୁଳିରେ ତିନି ଜଣ ଦଙ୍ଗାକାରୀ ପ୍ରାଣ ହରାଇଥିଲେ ।

ମହିଳା କର୍ମଚାରୀଙ୍କୁ ଅସଦାରଣ ପ୍ରସଙ୍ଗ: ଆୟୁଷ ନିର୍ଦ୍ଦେଶକ ବିଭୂ ପ୍ରସାଦ ଷଡଙ୍ଗୀଙ୍କୁ ବାଧ୍ୟତାମୂଳକ ଅବସର

Web Admin
-
0
ମହିଳା କର୍ମଚାରୀଙ୍କୁ ଅସଦାରଣ ପ୍ରସଙ୍ଗ: ଆୟୁଷ ନିର୍ଦ୍ଦେଶକ ବିଭୂ ପ୍ରସାଦ ଷଡଙ୍ଗୀଙ୍କୁ ବାଧ୍ୟତାମୂଳକ ଅବସର

ଭୁବନେଶ୍ୱର : ଆୟୁଷ ବିଭାଗର ନିର୍ଦ୍ଦେଶକ ତଥା ବରିଷ୍ଠ ଓଏଏସ ଅଧିକାରୀ ବିଭୂ ପ୍ରସାଦ ଷଡ଼ଙ୍ଗୀଙ୍କୁ ରାଜ୍ୟ ସରକାର ଆଜି ବାଧ୍ୟତାମୂଳକ ଅବସର ଦେଇଛନ୍ତି । ବିଭାଗରେ କାମ କରୁଥିବା ଜଣେ ମହିଳା କର୍ମଚାରୀଙ୍କ ପ୍ରତି ଅସଦାଚରଣ କରିଥିବା ଅଭିଯୋଗ ଆସିବାପରେ ତାଙ୍କୁ ପଦବୀରୁ ନିଲମ୍ବିତ କରାଯାଇଥିଲା । ପରେ ସେ ଗିରଫ ମଧ୍ୟ ହୋଇଥିଲେ  । ଜୁଲାଇ ୯ତାରିଖରୁ ୧୩ ତାରିଖ ପର୍ଯ୍ୟନ୍ତ ସେ ବିଚାର ବିଭାଗୀୟ ହେପାଜତରେ ରହିଥିଲେ ।

ମୁଖ୍ୟମନ୍ତ୍ରୀ ସର୍ବଦା ସରକାରୀ ଅଧିକାରୀ ଓ କର୍ମଚାରୀଙ୍କ ନୈତିକତା ଓ ସଞ୍ଜମତାକୁ ଗୁରୁତ୍ୱ ଦେଇ ଆସିଛନ୍ତି ।  ସରକାରୀ ଅଧିକାରୀଙ୍କ ଅନୈତିକ ବ୍ୟବହାରକୁ ରାଜ୍ୟ ସରକାର କୌଣସି ପରିସ୍ଥିତିରେ ଗ୍ରହଣ କରିବେ ନାହିଁ । ଏ କ୍ଷେତ୍ରରେ ଜିରୋ ଟଲୋରନ୍ସ ନୀତି ଗ୍ରହଣ କରି ମୁଖ୍ୟମନ୍ତ୍ରୀ ବିଭୂ ପ୍ରସାଦ ଷଡ଼ଙ୍ଗୀଙ୍କୁ ବାଧ୍ୟତାମୂଳକ ଅବସର ପ୍ରଦାନ କରାଯାଇଛି ।  ଉଲ୍ଲେଖଯୋଗ୍ୟ ଯେ, ବିଭୂ ପ୍ରସାଦ ଷଡ଼ଙ୍ଗୀ ସ୍ୱତନ୍ତ୍ର ସଚିବ ପାହ୍ୟାର ଅଧିକାରୀ ଥିଲେ ।

୨୦୨୨ ଉପରେ ଆଖି,ଅଖିଳେଶ ତିଆରି କରୁଛନ୍ତି କୃଷ୍ଣ ମୂର୍ତ୍ତି

Anita Rath
-
0
୨୦୨୨ ଉପରେ ଆଖି,ଅଖିଳେଶ ତିଆରି କରୁଛନ୍ତି କୃଷ୍ଣ ମୂର୍ତ୍ତି

ଲକ୍ଷ୍ନୌ:  ଉତ୍ତର ପ୍ରଦେଶରେ ବିଧାନସଭା ନିର୍ବାଚନକୁ ନେଇ ପ୍ରସ୍ତୁତି ଆରମ୍ଭ ହୋଇଗଲାଣି । ଅଯୋଧ୍ୟାରେ ରାମ ମନ୍ଦିରର ଭୂମି ପୂଜନ ପରେ କିଛି ରାଜନୈତିକ ପାର୍ଟି  ବ୍ରାହ୍ମଣ ଭୋଟ ଟାଣିବା ପାଇଁ ଉଦ୍ୟମ ଆରମ୍ଭ କରିଦେଇଛନ୍ତି । ଯେଉଁଥିପାଇଁ ସମାଜବାଦୀ ପାର୍ଟିଠାରୁ ବିଏସପି ଏବେ ସମସ୍ତଙ୍କର ପର୍ଶୁରାମ ପ୍ରେମ ଦେଖିବାକୁ ମିଳୁଛି । ଶ୍ରୀରାମଙ୍କ ମନ୍ଦିର ନିର୍ମାଣ ଆରମ୍ଭ ହେବା ସହ ରାମ ଜନ୍ମଭୂମି ଆନ୍ଦୋଳନ ପ୍ରାସଙ୍ଗିକତା ହରାଇଛି । ତେଣୁ ଉତ୍ତର ପ୍ରଦେଶରେ ସକ୍ରିୟ ଥିବା ଦଳ ସବୁ ଏବେ ପର୍ଶୁରାମଙ୍କୁ ପ୍ରତୀକ ଭାବେ ଗ୍ରହଣ କଲେଣି । ବିଏସପି ପର୍ଶୁରାମଙ୍କ ବିରାମ ମୁର୍ତ୍ତି ନିର୍ମାଣ କରିବା କଥା କହିସାରିଲାଣି । ଏହା ମଧ୍ୟରେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ଭିନ୍ନ ରାସ୍ତା ଚୟନ କରିଛନ୍ତି । ରାମ ମନ୍ଦିରକୁ ନେଇ ଚାଲିଥିବା ରାଜନୀତି ମଧ୍ୟରେ ଶ୍ରୀକୃଷ୍ଣଙ୍କ ମୂର୍ତ୍ତି ସହିତ ନଜର ଆସିଛନ୍ତି ଅଖିଳେଶ ।


ବାସ୍ତବରେ କୃଷ୍ଣଙ୍କ ଜନ୍ମାଷ୍ଟମୀ ଉପଲକ୍ଷେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ତାଙ୍କ ଇଂଷ୍ଟାଗ୍ରାମ ଆକାଉଂଟରେ ଏକ ଫଟୋ ଶେୟାର କରିଛନ୍ତି , ଯେଉଁଥିରେ ସେ ପତ୍ନି ଡିମ୍ପଲଙ୍କ ସହିତ ନଜର ଆସିଛନ୍ତି । ଫଟୋରେ କୃଷ୍ଣଙ୍କର ଏକ ବଡ଼ ମୂର୍ତ୍ତି ନଜର ଆସିଛି, ଯାହାକୁ ଅଖିଳେଶ ତାଙ୍କ ପୈତୃକ ଗାଁରେ ନିର୍ମାଣ କରୁଛନ୍ତି । ଅଖିଳେଶ ତାଙ୍କ ପୋଷ୍ଟରେ ଲେଖିଛନ୍ତି , ଜୟ କାହ୍ନା ଜୟ କୁଞ୍ଜବିହାରୀ ଜୟ ନନ୍ଦ ଦୁଲାରେ । ଏହା ସହିତ ସମସ୍ତଙ୍କୁ ଜନ୍ମାଷ୍ଟମୀ ଉପଲକ୍ଷେ ଶୁଭକାମନା ମଧ୍ୟ ଜଣାଇଛନ୍ତି । ତେବେ ଅଖିଳେଶ ଅଧିକାଂଶ ସମୟରେ କୁହନ୍ତିଯେ ସମସ୍ତେ ଭଗବାନ ବିଷ୍ଣୁଙ୍କ ଅବତାର ଏବଂ ଆମେ କାହାର ମଧ୍ୟ ପୂଜା କରିଥାଉ ।


ବାସ୍ତବରେ ଗତ କିଛି ଦିନ ହେବ ଉତ୍ତର ପ୍ରଦେଶର ଯୋଗୀ ସରକାରଙ୍କ ବିରୁଦ୍ଧରେ ବ୍ରାହ୍ମଣ ସମ୍ପ୍ରଦାୟର ବିକ୍ଷୋଭ ଆଚରଣ ସାମ୍ନାକୁ ଆସିଥିଲା । ଯେଉଁ କାରଣରୁ ପ୍ରତ୍ୟେକ ରାଜନୈତିକ ପାର୍ଟି ନିଜ ଦିଗ ପରିବର୍ତ୍ତନ କରିଥିଲେ । ୨୦୨୨ରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ନିକଟରେ ଅଖିଳେଶ ଯାଦବ ପ୍ରଚାର ମଧ୍ୟ ଆରମ୍ଭ କଲେଣି ।
ଅଯୋଧ୍ୟରେ ରାମ ମନ୍ଦିର ନିକଟରେ ଯୋଗୀ ସରକାର ରାମଙ୍କ ମୃର୍ତ୍ତି ନିର୍ମାଣ କରୁଛନ୍ତି । ଏହା ପୂର୍ବରୁ ଅଖିଳେଶ ଯାଦବ ଭଗବାନ କୃଷ୍ଣଙ୍କ ମୂର୍ତ୍ତି ନିର୍ମାଣ କରିବାକୁ ଘୋଷଣା କରିଥିଲେ । ଅବଶ୍ୟ ଏହା ଏବେ ପ୍ରାୟ ନିର୍ମାଣ ହୋଇ ଆସିଲାଣି । ଯାହାର ଉଚ୍ଚତା ପ୍ରାୟ ୫୧ ଫୁଟ । ଏହାର ଓଜନ ପ୍ରାୟ ୬୦ ଟନ୍ । ମୂର୍ତ୍ତିର ଆଖପାଖକୁ କୁରୁକ୍ଷେତ୍ରରେ ମହାଭାରତର ଯୁଦ୍ଧର ରୂପ ଦିଆଯିବ ।

କୃଷ୍ଣଙ୍କୁ ଯାଦବ ମାନେ ନିଜ ସହ ଯୋଡନ୍ତି । କୃଷ୍ଣଙ୍କ ମୁର୍ତ୍ତି ନିର୍ମାଣ କରି ଅଖିଳେଶ ହିନ୍ଦୁ ଭୋଟ ବିଶେଷକରି ଯାଦବଙ୍କ ଭୋଟ ଆଶା କରୁଛନ୍ତି ବୋଲି ବିରୋଧୀ କହୁଛନ୍ତି ।

‘ଏଣିକି ହେବ ଦିନକୁ ୫୦ ହଜାର ଟେଷ୍ଟିଂ, ୭ ଦିନରେ ସଂକ୍ରମଣ ନିୟନ୍ତ୍ରଣକୁ ଫେରିବ’

Web Admin
-
0
‘ଏଣିକି ହେବ ଦିନକୁ ୫୦ ହଜାର ଟେଷ୍ଟିଂ, ୭ ଦିନରେ ସଂକ୍ରମଣ ନିୟନ୍ତ୍ରଣକୁ ଫେରିବ’

ଭୁବନେଶ୍ୱର: କରୋନା ସଂକ୍ରମଣକୁ କାବୁ କରିବା ପାଇଁ ରାଜ୍ୟ ସରକାର ସବୁ ପ୍ରକାର ଉଦ୍ୟମ କରୁଛନ୍ତି । ଗତ ୨୪ ଘଣ୍ଟା ମଧ୍ୟରେ ସାରା ରାଜ୍ୟରେ ୪୦ ହଜାର ଟେଷ୍ଟିଂ ହୋଇଛି । ସେହିଭଳି ଦିନକରେ କୋରନା ସଂକ୍ରମିତଙ୍କ ସଂଖ୍ୟା ୧୯୮୦ ।  ଆସନ୍ତା ୨୦ ତାରିଖ ସୁଦ୍ଧା ଦୈନିକ ଟେଷ୍ଟିଂ ୫୦ ହଜାର ହେବ ବୋଲି  ସ୍ୱାସ୍ଥ୍ୟ ବିଭାଗ ଅତିରିକ୍ତ ସଚିବ ପ୍ରଦୀପ୍ତ ମହାପାତ୍ର କହିଛନ୍ତି । ସେହିଭଳି ସପ୍ତାହ ମଧ୍ୟରେ କରୋନା ସଂକ୍ରମିତଙ୍କ ସଂଖ୍ୟା କାବୁକୁ ଆସିବ ବୋଲି ସେ କହିଛନ୍ତି । ତାଙ୍କ କହିବା ଅନୁଯାୟୀ, ରାଜ୍ୟରେ ସଂକ୍ରମଣ ବଢୁଥିଲେ ମଧ୍ୟ ସୁସ୍ଥତା ହାର ବଢାଇବାରେ  ରାଜ୍ୟ ସରକାର ସକ୍ରିୟ ଭାବେ କାମ କରୁଛି । ପ୍ରତିଦିନ ୧୬ ଶହରୁ ୧୭ ଶହ ସଂକ୍ରମିତ ସୁସ୍ଥ ହୋଇ ଫେରୁଛନ୍ତୁ । ଏଣୁ ରାଜ୍ୟରେ ସମସ୍ୟା କମୁଥିବା ଶ୍ରୀ ମହାପାତ୍ର କହିଛନ୍ତି ।

ଉଲ୍ଲେଖଯୋଗ୍ୟ ଯେ ରାଜ୍ୟ ସରକାର ଏକ ବ୍ୟବସ୍ଥିତ ଢଙ୍ଗରେ କରୋନା ମୁକାବିଲା କରି ଆସୁଛନ୍ତି । ସଂକ୍ରମିତ ଅଧିକା ଥିବା ଜିଲ୍ଲାକୁ ସରକାର ସବୁ ପ୍ରକାର ଫୋକସ୍ ଦେବା ସହ ଅତିରିକ୍ତ ସୁବିଧା ମଧ୍ୟ ଯୋଗାଇଛନ୍ତି । ଡାକ୍ତରୀ ସରଞ୍ଜାମଠାରୁ ଆରମ୍ଭ କରି ମାନବ ସମ୍ୱଳ ପର୍ଯ୍ୟନ୍ତ ସବୁ ପ୍ରକାର ସୁବିଧା ଯୋଗାଇଦେବାରେ ଗଞ୍ଜାମ ଓ ଖୋର୍ଦ୍ଧା ଭଳି ଜିଲ୍ଲାକୁ ପ୍ରାଥମିକତା ମିଳିଛି । ଗଞ୍ଜାମ ପାଇଁ ସ୍ୱତନ୍ତ୍ର ପ୍ରଶାସନିକ ଅଧିକାରୀଙ୍କ ଟିମକୁ ନିଯୁକ୍ତ ମଧ୍ୟ କରାଯାଇଥିଲା । ଅଧିକ ବେଡ୍, ସରଞ୍ଜାମ, ସମ୍ପୂର୍ଣ୍ଣ ଲକଡାଉନ୍ ଓ ସଟଡାଉନର ବ୍ୟବସ୍ଥା ସହ ଜିଲ୍ଲାକୁ ସିଲ୍ କରି କୋଭିଡ୍ ସ୍ଥିତିରେ ସୁଧାର ଅଣା ଯାଇଥିଲା । ଗଞ୍ଜାମ ଏବେ ମଧ୍ୟ ସଂକ୍ରମଣ ତାଲିକାରେ ଶୀର୍ଷରେ ଥିଲେ ମଧ୍ୟ ସଂଖ୍ୟା ବଳରେ ପୂର୍ବ ଅପେକ୍ଷା ଦୁର୍ବଳ ହୋଇଛି । ସେହିଭଳି ଖୋର୍ଦ୍ଧା ଜିଲ୍ଲାରେ ସ୍ଥିତି ସାମାନ୍ୟ ଅଣାୟତ୍ତ ଥିଲେ ମଧ୍ୟ ଭୁବନେଶ୍ୱର କ୍ରମଶଃ ଭଲ ପ୍ରଦର୍ଶନ କରୁଛି । ରାଜଧାନୀରେ ଏଇ କିଛି ଦିନ ହେବ ସଂକ୍ରମିତଙ୍କ ସଂଖ୍ୟାଠାରୁ ସୁସ୍ଥଙ୍କ ସଂଖ୍ୟା ଅଧିକ ରହୁଛି ।

1...6,6406,6416,642...7,766Page 6,641 of 7,766

Latest Stories

Location

Popular Tags

Odisha16113NANDIGHOSHA TV5654INDIA3242BHUBANESWAR3016BJD2058Naveen Patnaik1880PURI1679BJP1598NandighoshaTv1558

Contact us