ଗଂଜାମରେ ହେବନି ଗଣେଶ ପୂଜା । କରୋନାକୁ ନଜରରେ ରଖି ଜିଲ୍ଲା ପ୍ରଶାସନର ନିଷ୍ପତ୍ତି ।
ରାଜ୍ୟରେ ଏକ ମିଲିୟନ ଟପିଲା କରୋନା ଟେଷ୍ଟ । ସୂଚନା ଦେଲେ ସ୍ୱାସ୍ଥ୍ୟ ବିଭାଗ ଅତିରିକ୍ତ ଶାସନ ସଚିବ ।
ରାଜ୍ୟରେ ଏକ ମିଲିୟନ ଟପିଲା କରୋନା ଟେଷ୍ଟ । ସୂଚନା ଦେଲେ ସ୍ୱାସ୍ଥ୍ୟ ବିଭାଗ ଅତିରିକ୍ତ ଶାସନ ସଚିବ ।
ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୫୨ହଜାର ପାର୍, ଦିନକରେ ଚିହ୍ନଟ ହେଲେ…
ନୂଆଦିଲ୍ଲୀ: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ପୂର୍ବ ଦିନଠାରୁ କମ୍ ରହିଛି । ଲଗାତାର ଭାବେ କରୋନା ସଂକ୍ରମିତଙ୍କ ସଂଖ୍ୟା ୬୦ହଜାର ଲେଖାଏଁ ଚିହ୍ନଟ ହେଉଥିବା ବେଳେ ମଙ୍ଗଳବାରରେ ଦେଶରେ ୨୪ ଘଣ୍ଟାରେ ୫୫ହଜାର ୭୯ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏବଂ ଗତ ୨୪ଘଣ୍ଟାରେ ଦେଶରେ ୮୭୬ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାରକଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ରହିଛି । ଅନ୍ୟପଟେ ଗତ ୨୪ଘଣ୍ଟାରେ ଆମେରିକା ଏବଂ ବ୍ରାଜିଲରେ ଯଥାକ୍ରମେ ୪୦,୬୧୨ ଏବଂ ୨୩,୦୩୮ ନୂତନ ମାମଲା ଚିହ୍ନଟ ହୋଇଛି। ତେବେ ଦେଶରେ ୧୩ ଅଗଷ୍ଟରେ ଭାରତରେ ସବୁଠୁ ଅଧିକ ୬୬,୯୯୯କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ଦେଶରେ ସବୁଠୁ ଅଧିକ ପ୍ରଭାବିତ ହୋଇଥିବା ରାଜ୍ୟ
ମହାରାଷ୍ଟ୍ରରେ ସର୍ବାଧିକ ୪ଲକ୍ଷ ୪୩ଶହ ୫୮ଜଣ ସଂକ୍ରମିତ ହୋଇଥିବା ବେଳେ ୨୦ହଜାର ୨୬୫ଜଣଙ୍କ ମୃତ୍ୟୁ ହୋଇଛି । ତାମିଲନାଡୁରେ ୩ଲକ୍ଷ ୪୩ହଜାର ୯୪୫ ସଂକ୍ରମିତ ହୋଇଥିବା ବେଳେ ୫ହଜାର ୮୮୬ଜଣଙ୍କ ମୃତ୍ୟୁ ହୋଇଛି । ସେହିଭଳି ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ୨ଲକ୍ଷରୁ ଉର୍ଦ୍ଧ ଲେଖାଏଁ କରୋନା ସଂକ୍ରମିତ ଥିବା ବେଳେ କରୋନା ମୃତ୍ୟୁସଂଖ୍ୟା ଯଥାକ୍ରମେ ୨୭ଶହ ୩୨ ଓ ୪ହଜାର ୭୧ରେ ପହଞ୍ଚିଛି । ସେପଟେ ଉତ୍ତରପ୍ରଦେଶ ,ଦିଲ୍ଲୀ, ୱେଷ୍ଟବେଙ୍ଗଲ ଓ ବିହାରରେ ଲକ୍ଷେରୁ ଅଧିକ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ଆପଣଙ୍କୁ କହି ରଖୁଛୁ ଯେ, ଦେଶରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୨୭ଲକ୍ଷ ୨୭ଶହ ୪୭କୁ ବୃଦ୍ଧି ହୋଇଥିବା ବେଳେ ଆକ୍ଟିଭ୍ କେସ୍ ରହିଛି ୬ଲକ୍ଷ ୭୩ହଜାର ୧୬୬ । ସୁସ୍ଥ ହେଲେଣି ୧୯ଲକ୍ଷ ୭୭ହଜାର ୭୮୦ ଥିବା ବେଳେ କରୋନା ମୃତ୍ୟୁସଂଖ୍ୟା ୫୧ହଜାର ୭୯୭କୁ ବୃଦ୍ଧି ହୋଇଛି ।
ଶ୍ୱଶୂର ଘର ସହ ୫ଟି ସ୍ଥାନରେ ଏକକାଳୀନ ରେଡ କରିଛି ଭିଜିଲାନ୍ସ
ବାଲୁଗାଁ: ଭିଜିଲାନ୍ସ ଜାଲରେ ବାଲୁଗାଁ ଅବସରପ୍ରାପ୍ତ ଫରେଷ୍ଟ ରେଞ୍ଜର । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଅବସରପ୍ରାପ୍ତ ଫରେଷ୍ଟ ରେଞ୍ଜର ଅଭୟ କୁମାର ଜେନାଙ୍କ ଘରେ ଭିଜିଲାନ୍ସ ରେଡ୍ ହୋଇଛି । ୫ଟି ସ୍ଥାନରେ ଏକକାଳୀନ ରେଡ କରିଛି ଭିଜିଲାନ୍ସ । ବାଲୁଗାଁ ସରକାରୀ ବାସଭବନରେ ଚଢ଼ାଉ ହୋଇଥିବା ବେଲେ କଟକସ୍ଥିତ ମହୁମାଛିଗଳି, ହିନ୍ଦୋଳକୋଠି, ତୁଳସିପୁର ବାସଭବନରେ ରେଡ୍ ହୋଇଛି ।
ତେବେ ଭୁବନେଶ୍ୱରସ୍ଥିତ ୨ଟି ବାସଭବନରେ ରେଡ୍ କରିଛି ଭିଜିଲାନ୍ସ । ଏହା ମଧ୍ୟରୁ ଗୋଟିଏ ଘର ଅଭୟଙ୍କ ପତ୍ନୀ ଶୁଭାସିନୀ ଜେନାଙ୍କ ନାଁରେ ରହିଛି । ଚଢାଉ ସମୟରେ କଟକ ଘରୁ ଏକ ବନ୍ଧୁକ ବାହାରିଥିବା ଜଣାପଡିଛି । ବନ୍ଧୁକର ଲାଇସେନ୍ସ ଦେଖାଇ ନପାରିଲେ ଆଉ ଏକ ମାମଲା ରୁଜୁ ହେବ ବୋଲି କହିଛନ୍ତି ଭିଜିଲାନ୍ସ ଅତିରିକ୍ତ ଏସପି ଅକ୍ଷୟ ମିଶ୍ର ।
ଆପଣଙ୍କୁ କହି ରଖୁଛୁ ଯେ, ପୂର୍ବରୁ ମଧ୍ୟ ୧୯୯୯ ମସିହାରେ ତାଙ୍କ ଘରେ ଭିଜିଲାନ୍ସ ରେଡ୍ ହୋଇଥିଲା । ଏହାପରେ ସମ୍ପତ୍ତି ବଢିବାରୁ ପୁଣି ଥରେ ଚଢାଉ କରାଯାଇଥିବା ଭିଜିଲାନ୍ସ ଏସ୍ପି ସୂଚନା ଦେଇଛନ୍ତି । ଏଠାରେ ସୂଚନା ଥାଉ କି, ଗତ ୫ମାସ ତଳେ ଅଭୟ କୁମାର ଜେନା ଅବସର ନେଇଥିଲେ।
ଆଜିଠାରୁ ରାଜ୍ୟରେ ପ୍ରବଳ ବର୍ଷା, ଓଡ଼ିଶାର ଅଧା ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି
ଭୁବନେଶ୍ୱର: ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ । ଏହାର ପ୍ରଭାବରେ ଆଜିଠାରୁ ରାଜ୍ୟରେ ପ୍ରବଳ ବର୍ଷା ହେବ । ଆଜି ଝାରସୁଗୁଡ଼ା, ବରଗଡ଼, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ଏବଂ କାଲି ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ସମ୍ବଲପୁର, ଦେବଗଡ଼ ଓ ଅନୁଗୁଳ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ତେଣୁ ଏହି ସବୁ ଜିଲ୍ଲାଗୁଡ଼ିକ ପାଇଁ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ୟେଲୋ ୱାର୍ଣ୍ଣିଂ ଜାରି କରିଛି ।
ସୂଚନା ଅନୁସାରେ ବଙ୍ଗୋପସାଗରରେ ଦାନା ବାନ୍ଧୁଥିବା ଲଘୁଚାପ ଯଦି ସମ୍ପୂର୍ଣ୍ଣ ମାତ୍ରାରେ ସକ୍ରିୟ ହୁଏ ତେବେ ରାଜ୍ୟରେ ଆଜିଠାରୁ ବିଭିନ୍ନ ସ୍ଥାନରେ ବର୍ଷାର ସମ୍ଭାବନା ରହିଛି । ଯଦି ଏହି ଲଘୁଚାପ ସକ୍ରିୟ ନହୁଏ ତେବେ ବର୍ଷାର ମାତ୍ରା କମି ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିବ ବୋଲି ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି ।
ତେବେ ଯଦି ଏହି ଲଘୁଚାପ ସକ୍ରିୟ ହେବ ତେବେ ଆଜି ସନ୍ଧ୍ୟାରୁ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି । ଏବଂ ଏହା କେତେ ସକ୍ରିୟ ରହିବ ତାହା ବୁଧବାର ସକାଳ ସୂଦ୍ଧା ଜଣା ପଡ଼ିବ ବୋଲି ପାଣିପାଗ ବିଭାଗ ସୂଚନା ଦେଇଛି ।
ଫେଲ୍ ମାରିଲା ଲୁଟ୍ ଯୋଜନା, ରାଗିକି ପୋଡ଼ିଦେଲେ ଏଟିଏମ୍
ମୟୂରଭଞ୍ଜ: ମାତିଛନ୍ତି ଏଟିଏମ ଲୁଟେରା । ଲକଡାଉନରେ ରାସ୍ତାଘାଟ ଖାଁ ଖାଁ ହେଉଯାଉଥିବା ବେଳେ ଏଟିଏମରୁ ଚୋରି କରିବାକୁ ନିରାପଦ ଭାବିଛନ୍ତି ଲୁଟେରା । ଟିକିଏ ମଉକା ପାଇଲା ମାତ୍ରେ ଲୁଟକୁ ସଫଳ କରିବାକୁ ଉଦ୍ୟମ କରୁଛନ୍ତି ଏମାନେ । ସଫଳ ମଧ୍ୟ ହେଉଛନ୍ତି କିନ୍ତୁ ଏଥର ଫେଲ୍ ମାରିଲା ଯୋଜନା । ବୃଥାରେ ଗଲା ସବୁ ପରିଶ୍ରମ । ତାପରେ ଅନ୍ୟ ଉପାୟ ନପାଇ ଶେଷରେ ଦୁର୍ବୃତ୍ତ ପୋଡ଼ିଦେଲେ ଏଟିଏମ । ଘଟଣା ଘଟିଛି ଜିଲ୍ଲା ଉଦଳା କଲେଜ ରାସ୍ତାରେ ।
ସୂଚନା ଅନୁସାରେ, ମୟୂରଭଞ୍ଜରେ ଏଟିଏମ୍ ଲୁଟ୍ ଉଦ୍ୟମ ପଣ୍ଡ ପରେ ଏଟିଏମ ମେସିନ ପୋଡିଲେ ଦୁର୍ବୃତ୍ତ । ଗତକାଲି ବିଳମ୍ବିତ ରାତିରେ ରାସ୍ତା ଶୂନଶାନ ଦେଖି ପ୍ରଥମେ ଏଟିଏମ୍ ଲୁଟିବାକୁ ଚେଷ୍ଟା କରିଥିଲେ ଦୁର୍ବୃତ୍ତ । ବହୁ ସମୟ ଏଟିଏମ ଲୁଟିବାକୁ ଚେଷ୍ଟା କରିବା ପରେ ଶେଷରେ ବିଫଳ ହେବାରୁ ଏଟିଏମ୍ ମେସିନ ପୋଡି ଦେଇଛନ୍ତି ଲୁଟେରା । ଘଟଣାସ୍ଥଳରୁ ପୋଲିସ ଗ୍ୟାସ କଟର ମେସିନ ଜବତ କରିଛି । ତେବେ ଟଙ୍କା ଲୁଟ୍ ହୋଇଛି କି ନାହିଁ ତାହା ଜଣା ପଡିନାହିଁ । ପୋଲିସ ତଦନ୍ତ ଜାରି ରଖିଛି।
ପୂର୍ବ ଶତ୍ରୁତାକୁ ନେଇ ବୋମାମାଡ଼, ସିସିଟିଭିରେ କଏଦ ହେଲା ସମସ୍ତ ଦୃଶ୍ୟ
ଖୋର୍ଦ୍ଧା: ଅନ୍ଧକାରର ସାହାରା ନେଇ ଘର ଉପରକୁ ବୋମା ମାଡ଼ କଲେ ଦୁର୍ବୃତ୍ତ । ପୂର୍ବ ଶତ୍ରୁତାକୁ ନେଇ ବୋମାମାଡ଼ ହୋଇଥିବା ସନ୍ଦେହ କରାଯାଉଛି । ତେବେ ସିସିଟିଭିରେ କଏଦ ହୋଇଛି ବୋମାମାଡ଼ର ଲାଇଭ୍ ଭିଡିଓ । ଘଟଣାଟି ହେଉଛି ଖୋର୍ଦ୍ଧା ସଦର ଥାନା ଅନ୍ତର୍ଗତ ଦଳେଇପୁଟ ଗାଁରେ । ସେହି ଗାଁର ଟୁକୁନି ସ୍ୱାଇଁଙ୍କ ଘରକୁ କେହି ଦୁର୍ବୃତ୍ତ ବିଳମ୍ୱିତ ରାତିରେ ବୋମାମାଡ଼ କରିଛି। ଏଥିରେ ତାଙ୍କ ଘର କ୍ଷତିଗ୍ରସ୍ତ ହୋଇଛି ।
ଗତ ୧୨ ତାରିଖ ରାତିରେ ମଧ୍ୟ ଘର ଉପରକୁ ବୋମାମାଡ଼ ହୋଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ସେପଟେ ପୂରା ଘଟଣାର ଭିଡିଓ ସିସିଟିଭିରେ କଏଦ ହୋଇଛି । ଭିଡ଼ିଓଟିରେ ସ୍ପଷ୍ଟ ଜଣାପଡ଼ିଛି ଯେ, କିଭଳି ବିଳମ୍ବିତ ରାତିରେ ବୋମାମାଡ଼ କରିଛନ୍ତି ଦୁର୍ବୃତ୍ତ । ତେବେ ଏହି ସିସିଟିଭି ଫୁଟେଜ୍ ଆଧାରରେ ପୋଲିସ ତନାଘନା ଚଳାଇଛି ।
ସଫଳ ହେଲା ଯୋଜନା: ବ୍ରାଉନସୁଗାର ବ୍ୟବସାୟୀଙ୍କ ବିଶ୍ୱାସ ଜିତିବା ପାଇଁ ଏମିତି ପ୍ଲାନ କରିଥିଲା ଏସ୍ଟିଏଫ୍ର ସ୍ୱତନ୍ତ୍ର ଟିମ୍
ବାଲେଶ୍ୱର: ବାଲେଶ୍ୱରରେ ଧଳା ଜହର ଜାଲ । ଧଳା ଜହରର ଚେର ଖୋଜି ଖୋଜି ନୟାନ୍ତ ହେଲାଣି ପୋଲିସ । କାରଣ କେତେବେଳେ କଦଳି ଗାଡ଼ିତ କେତେବେଳେ ଖାଲିଗାଡ଼ିରେ ଲୁଚାଇ ଏହି ଧଳା ଜହର କାରବାର କରାଯାଉଥିଲା । କିନ୍ତୁ ଏହାର ଟେର ବି ପାଇପାରୁ ନଥିଲା ପୋଲିସ । ଯଦିଓ ପୋଲିସ ତାର ପ୍ରୟାସ ଜାରି ରଖିଛି ଏବଂ ବିଭିନ୍ନ ସ୍ଥାନରୁ ଏହି ଧଳା ଜହର ଜବତ କରିବାରେ ସଫଳ ହେଉଛି । ଏବଂ ମଙ୍ଗଳବାରରେ ସହରର ୩ଟି ସ୍ଥାନରେ ଚଢାଉ କରି ଏସ୍ଟିଏଫ୍ର ସ୍ୱତନ୍ତ୍ର ଟିମ୍ ପ୍ରାୟ ଦେଢ କିଲୋ ଓଜନର ବ୍ରାଉନସୁଗାର ଜବତ କରିଛି ।
ଏଥିସହିତ ଧଳା ଜହର କାରବାରରେ ସମ୍ପୃକ୍ତ ଜଣେ ଛାତ୍ରଙ୍କୁ ମଧ୍ୟ ଗିରଫ କରିଛି ପୋଲିସ । ତେବେ ଜବତ ବ୍ରାଉନସୁଗାରର ମୂଲ୍ୟ ପ୍ରାୟ ଦେଢ କୋଟି ଟଙ୍କା ବୋଲି ଜଣାପଡ଼ିଛି । ଜବତ ଧଳା ଜହର ଓ ଅଭିଯୁକ୍ତଙ୍କୁ ଏହି ସ୍ୱତନ୍ତ୍ର ଟିମ୍ ମୁଖ୍ୟ କାର୍ଯ୍ୟାଳୟକୁ ନେଇଯାଇଛି । ଏସ୍ଟିଏଫ୍ର ସ୍ୱତନ୍ତ୍ର ଟିମ୍ ଗତ ଦୁଇମାସ ଧରି ବ୍ୟବସାୟୀ ଭାବେ ଭୁବନେଶ୍ୱରରେ ପଢୁଥିବା ଜଣେ ଛାତ୍ରଙ୍କ ମାଧ୍ୟମରେ ବାଲେଶ୍ୱରର ବ୍ୟବସାୟୀଙ୍କ ସହିତ ଯୋଗାଯୋଗରେ ରହିଥିଲେ ।
ପୂର୍ବ ଯୋଜନା ଅନୁସାରେ, ବ୍ରାଉନସୁଗାର ବ୍ୟବସାୟୀ ଭାବେ ଦୁଇ ତିନି ଥର ଧଳା ଜହର କଣିଥିଲେ ଏସ୍ଟିଏଫ୍ର ସ୍ୱତନ୍ତ୍ର ଟିମ୍ । ଏବଂ ଟିମ୍ ବ୍ୟବସାୟୀଙ୍କ ବିଶ୍ୱାସ ଜିତିବା ପରେ ସେମାନଙ୍କୁ ଆଜି ଗିରଫ କରିଛି । ଗତକାଲି ରାତିରେ ଦେଢ କିଲୋ ବ୍ରାଉନସୁଗାର କିଣିବାକୁ ସ୍ଥିର ହୋଇଥିଲା । ଏହି କିଣାବିକା ବେଳେ ଟିମ୍ ଚଢାଉ କରି ବ୍ରାଉନ୍ ସୁଗାର ଜବତ କରିଥିଲା ।
ଆସନ୍ତାକାଲି ପ୍ରକାଶ ପାଇବ ଯୁକ୍ତ ଦୁଇ ବାଣିଜ୍ୟ ପରୀକ୍ଷା ଫଳ… ପୂର୍ବାହ୍ନ ୧୧ ଟା ୩୦ ପରେ ୱେବ୍ସାଇଟରେ ଉପଲବ୍ଧ ହେବ ରେଜଲ୍ଟ
ଆସନ୍ତାକାଲି ପ୍ରକାଶ ପାଇବ ଯୁକ୍ତ ଦୁଇ ବାଣିଜ୍ୟ ପରୀକ୍ଷା ଫଳ… ପୂର୍ବାହ୍ନ ୧୧ ଟା ୩୦ ପରେ ୱେବ୍ସାଇଟରେ ଉପଲବ୍ଧ ହେବ ରେଜଲ୍ଟ
ଏକାମ୍ର କ୍ଷେତ୍ର ଲାଗି ମହାଯୋଜନା, ଶିବରାତ୍ରିରେ ଦୁଇ ଲକ୍ଷ ଭକ୍ତଙ୍କ ସମାଗମ ନେଇ ସୁପର ପ୍ଲାନ
ଏକାମ୍ର କ୍ଷେତ୍ର ଲାଗି ମହାଯୋଜନା, ଶିବରାତ୍ରିରେ ଦୁଇ ଲକ୍ଷ ଭକ୍ତଙ୍କ ସମାଗମ ନେଇ ସୁପର ପ୍ଲାନ