ମୁମ୍ବାଇ: ହ୍ୱାଟ୍ସାଆପ ଚ୍ୟାଟରେ MDMA ଡ୍ରଗ୍ସ ବିଷୟରେ ରିୟା ଆଲୋଚନା କରିଥିବା କୁହାଯାଉଛି । ମୁମ୍ବାଇରେ ସେଲିବ୍ରିଟୀଙ୍କ ମଧ୍ୟରେ ଏବଂ ପାର୍ଟିରେ MDMA ଡ୍ରଗ୍ସ ପ୍ରଚୁର ମାତ୍ରାରେ ନିଆଯାଏ । ଏହା ପାର୍ଟି ଡ୍ରଗ୍ସ ଭାବରେ ମଧ୍ୟ ଜଣାଶୁଣା । ଏହାର ସର୍ଟ ଫର୍ମ MD । ଗୋଟିଏ ବଟିକାର ମୂଲ୍ୟ ୧ ହଜାର ଟଙ୍କା, କିନ୍ତୁ ପାର୍ଟି ହିସାବରେ ଏହାର ମୂଲ୍ୟ ଧାର୍ଯ୍ୟ କରାଯାଏ ।ଏହା ଇଉରୋପରୁ ମୁମ୍ବାଇ ଚୋରା ଚାଲାଣ ହୋଇଥାଏ ।
୧୦ ଅଗଷ୍ଟକୁ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ ହାତରେ ଧରା ପଡ଼ିଥିଲା MDMA ଡ୍ରଗ୍ସ ଚୋରା ଚାଲାଣ । ଯେଉଁଥିରେ ନିହାଲ ନାମକ ଜଣେ DJ ଗିରଫ ହୋଇଥିଲେ ।
କ’ଣ ଏହି ଏମଡିଏମଏ?
ଏହାର ଅର୍ଥ Methylenedioxy methamphetamine । ଏହା ଏକ ପାର୍ଟି ଡ୍ରଗ୍ସ ଏବଂ ଏହା ମାନସିକ ସ୍ତରରେ ପ୍ରଭାବ ପକାଇଥାଏ । ଉତ୍ସାହିତ କରିବା ସହିତ ଭ୍ରମାତ୍ମକ ପରିସ୍ଥିତି ସୃଷ୍ଟି କରେ ଏବଂ ଶକ୍ତି ଓ ଶାନ୍ତିର ଭ୍ରମ ସୃଷ୍ଟି କରାଏ । UNODCର ଓ୍ୱର୍ଲଡ ଡ୍ରଗ ରିପୋର୍ଟ ୨୦୨୦ ଅନୁସାରେ ଏହାକୁ ପୂର୍ବରୁ ଓ୍ୱେଷ୍ଟର୍ଣ୍ଣ ଏବଂ ସେଣ୍ଟ୍ରାଲ ଇଉରୋପରେ ପ୍ରସ୍ତୁତ କରାଯାଉଥିଲା ।
ଇଉରୋପରେ ଦୁନିଆରେ ଥିବା ଦୁଇ ତୃତୀୟାଂଶ ଡ୍ରଗ୍ସ ଉତ୍ପାଦନ ହୋଇଥାଏ । ଯଦିଓ ଏବେ ଏହାକୁ ବେଲଜିୟମରୁ ମଗା ଯାଉଛି, କିନ୍ତୁ ଏହାର ସୋର୍ସ ଇଉରୋପ ବୋଲି କୁହାଯାଏ ।
ଯଦି ୨୦୦୯ରୁ ୨୦୧୮ ମଧ୍ୟରେ ଆକଳନ କରିବା ତେବେ ସାରା ବିଶ୍ୱରେ ସିଜ କରାଯାଇଥିବା ଡ୍ରଗ୍ସ ଦୁଇ ଗୁଣା ହେଉଛି MDMA । ଏଥିରୁ ଏଭଳି ସିନ୍ଥେଟିକ ଡ୍ରଗ୍ସର ଲୋକପ୍ରିୟତା ବଢୁଥିବା ଜଣାପଡ଼େ ।
ଖବର ଅନୁସାରେ ନିକଟରେ ରିୟାଙ୍କ କିଛି ହ୍ୱାଟ୍ସାଆପ ମେସେଜ ଭାଇରାଲ ହୋଇଛି, ଯେଉଁଥିରେ ରିୟା ଡ୍ରଗ୍ସ ବିଷୟରେ ଆଲୋଚନା କରୁଥିବା ଦେଖିବାକୁ ମିଳିଛି । ଏହାକୁ ସୁଶାନ୍ତଙ୍କ ମୃତ୍ୟୁ ମାମଲା ସହିତ ଜଡ଼ିତ କରି ତର୍ଜମା କରାଯାଉଛି । କିନ୍ତୁ ରିୟାଙ୍କ ଓକିଲଙ୍କ ଦାବି ରିୟା କେବେ ମଧ୍ୟ ଡ୍ରଗ୍ସ ନେଇ ନାହାଁନ୍ତି ଏବଂ ସେ ରକ୍ତ ପରୀକ୍ଷା କରିବା ପାଇଁ ପ୍ରସ୍ତୁତ ଅଛନ୍ତି ।
ଗଣମାଧ୍ୟମର ଖବର ଅନୁସାରେ ୧୭ ଅପ୍ରେଲରେ ରିୟା ଚକ୍ରବର୍ତ୍ତୀଙ୍କୁ ମିରାଣ୍ଡା ସୁଶୀ ନାମକ ବ୍ୟକ୍ତି ମେସେଜ ଲେଖିଥିଲେ କି, ହାଏ ରିୟା, ମାଲ ପାଖାପାଖି ଶେଷ ହୋଇଗଲାଣି । ଏହାପରେ ଲେଖିଛନ୍ତି କି, କ’ଣ ମୁଁ ଏହାକୁ ସୌଭିକର ବନ୍ଧୁ ଠାରୁ ନେଇ ପାରିବି ? କିନ୍ତୁ ତା ପାଖରେ କେବଳ ହ୍ୟାଶ ଏବଂ ବଡ୍ ଅଛି ।
୨୫ ନଭେମ୍ବର ୨୦୧୯ରେ ରିୟାଙ୍କର ଜୟା ଶାହଙ୍କ ସହିତ ହୋଇଥିବା ଏକ ଚ୍ୟାଟ ସାମ୍ନାକୁ ଆସିଛି । ଯେଉଁଥିରେ ଡ୍ରଗ୍ସକୁ କେଉଁଭଳି ନେବା ଦରକାର ତାହା ରିୟା ଜୟାଙ୍କୁ ମେସେଜ କରିଛନ୍ତି ।
