ମୁମ୍ବାଇ: ସୁଶାନ୍ତ ସିଂ ରାଜପୂତ ମୃତ୍ୟୁ ମାମଲାରେ ରିୟା ଚକ୍ରବର୍ତ୍ତୀଙ୍କୁ ସିବିଆଇ ପଚରାଉଚରା କରୁଛି । ଶୁକ୍ରବାରକୁ ତଦନ୍ତର ପ୍ରଥମ ଦିନରେ ରିୟା ଟିମ ସାମ୍ନାରେ ଅଭିଯୋଗ ଆଣିଛନ୍ତି କି ତାଙ୍କୁ ନିର୍ଯାତନା ଦିଆଯାଉଛି । ତେବେ ଏହାର ଉତ୍ତରରେ ସିବିଆଇ ଟିମରେ ସାମିଲ ଥିବା ଜଣେ ଅଧିକାରୀଙ୍କ ଯବାବ  ରିୟାଙ୍କୁ ପାଟି ବନ୍ଦ କରିଦେଇଥିଲା ।  ଅଧିକାରୀ ଜଣକ ରିୟାଙ୍କୁ କହିଥିଲେ କି ଯଦି ଏଭଳି ହୋଇଥାନ୍ତା, ତେବେ ପଚରାଉଚରା ପାଇଁ ଆପଣଙ୍କୁ ପାଟନା ଡକା ଯାଇଥାନ୍ତା । ଆମେ ଜାଣିଛୁ କି ସେଠାରେ ଆପଣ ସୁରକ୍ଷିତ ନୁହଁନ୍ତି । ତେଣୁ ମୁମ୍ବାଇରେ ଜେରା କରାଯାଉଛି ।

ସୂଚନାଯୋଗ୍ୟ ଗତ ଶୁକ୍ରବାରକୁ ସିବିଆଇ ରିୟା ଚକ୍ରବର୍ତ୍ତୀଙ୍କୁ ୧୦ ଘଣ୍ଟା ଧରି ପଚରାଉଚରା କରୁଥିଲା । ଏହା ସହିତ ଆଜି ମଧ୍ୟ ରିୟାଙ୍କୁ ପଚରାଉଚରା ପାଇଁ ଡକାଯାଇଛି । ରିୟାଙ୍କ ଅଭିଯୋଗ ପରେ ସିବିଆଇ ମୁମ୍ବାଇ ପୋଲିସକୁ ରିୟାଙ୍କୁ ସୁରକ୍ଷା ଦେବା ପାଇଁ କହିଛନ୍ତି, ଯାହାପରେ ତାଙ୍କୁ ସୁରକ୍ଷା ଦିଆଯାଉଛି ।

କେବଳ ରିୟା ରକ୍ରବର୍ତ୍ତୀ ନୁହଁନ୍ତି ବରଂ ତାଙ୍କ ପୂର୍ବରୁ ସାମୁଏଲ ମିରାଣ୍ଡା,ନୀରଜଙ୍କୁ ମଧ୍ୟ ଆଜି ସିବିଆଇ ଜେରା କରିଥିଲା । ଏହା ସହ ମୁମ୍ବାଇ ପୋଲିସର ତିନି ଜଣ ଅଧିକାରୀଙ୍କୁ ମଧ୍ୟ ସିବିଆଇ ଟିମ୍ ଜେରା କରିଥିବା କଥା କୁହାଯାଉଛି । ବିଭିନ୍ନ ଦିଗକୁ ନେଇ ରିୟାଙ୍କ ବିରୋଧରେ ତଦନ୍ତ ହେଉଛି । ରିୟା ଡ୍ରଗ୍ସ କାରବାରରେ ଲିପ୍ତ ଥିବା ଖବର ଚର୍ଚ୍ଚାର ବିଷୟ ସାଜିଛି । ଉକ୍ତ ଘଟଣା ସାମ୍ନାକୁ ଆସିବା ପରେ ଏନସିବି ରିୟାଙ୍କୁ ପଚରାଉଚରା କରିପାରେ ବୋଲି ଆଲୋଚନା ହେଉଛି ।

ମୁମ୍ବାଇ: ସୁଶାନ୍ତ ସିଂ ରାଜପୂତଙ୍କ ମୃତ୍ୟୁକୁ ପ୍ରାୟ ୪୫ ଦିନ ବିତିଗଲାଣି । ଅଭିନେତାଙ୍କ ପରିବାର,ବନ୍ଧୁ ଓ ପ୍ରଶଂସକ ସୁଶାନ୍ତଙ୍କୁ ନ୍ୟାୟ ଦେବାପାଇଁ ପ୍ରୟାସ ଜାରି ରଖିଛନ୍ତି । ସିବିଆଇ ତଦନ୍ତ ପରେ କେତେକ କଥାର ଖୁଲାସା ହେବାରେ ଲାଗିଛି । ନିକଟରେ ସୁଶାନ୍ତ ସିଂ ରାଜପୂତଙ୍କ ବାପା କେ.କେ ସିଂ ଏକ ଭିଡ଼ିଓ ଜାରି କରିଛନ୍ତି । ଯେଉଁଥିରେ ସେ ଦାବି କରିଛନ୍ତି କି ରିୟା ଚକ୍ରବର୍ତ୍ତୀ ତାଙ୍କ ପୁଅର ହତ୍ୟାକାରୀ । କିନ୍ତୁ ସୁଶାନ୍ତଙ୍କ ମୃତ୍ୟୁ ପରେ ସେ ଆତ୍ମହତ୍ୟା କରିଥିବା ମୁମ୍ବାଇ ପୋଲିସ ରିପୋର୍ଟ ଦେଇଥିଲା । କିନ୍ତୁ ଏବେ କୂପର ହସ୍ପିଟାଲର ଜଣେ କର୍ମଚାରୀ ଆଶ୍ଚର୍ୟ୍ୟ କରିବା ଭଳି କଥା କହିଛନ୍ତି ।  କର୍ମଚାରୀ ଜଣକ ସୁଶାନ୍ତଙ୍କ ଶବ ବ୍ୟବଚ୍ଛେଦ ପରେ ଶ୍ମଶାନକୁ ନେଇ ଯାଇଥିଲା । ସେହି ବ୍ୟକ୍ତିଙ୍କ କହିବା ଅନୁସାରେ ସୁଶାନ୍ତଙ୍କୁ ହତ୍ୟା କରାଯାଇଛି ।

My God!! Listening to news like this breaks my heart a million times…what all they did with my brother. Please, please arrest them!! #ArrestCulpritsOfSSR pic.twitter.com/2fdU0n3lyj

— shweta singh kirti (@shwetasinghkirt) August 29, 2020

ସୁଶାନ୍ତଙ୍କ ଭଉଣୀ ଶ୍ୱେତା ସିଂ କିର୍ତ୍ତୀ ସୋସିଆଲ ମିଡିଆରେ ଏକ ଭିଡ଼ିଓ ଶେୟାର କରିଛନ୍ତି, ଯେଉଁଥିରେ ସୁଶାନ୍ତଙ୍କୁ ହତ୍ୟା କରାଯାଇଥିବା ଦାବି କରୁଛନ୍ତି ହସ୍ପିଟାଲ କର୍ମଚାରୀ । ଗଣମାଧ୍ୟମକୁ  ସାକ୍ଷାତକାରରେ ଦେଇ ସଂପୃକ୍ତ କର୍ମଚାରୀ କହିଛନ୍ତି ଯେ, ସୁଶାନ୍ତଙ୍କୁ ହତ୍ୟା କରାଯାଇଥିଲା । ଡାକ୍ତରମାନେ ମଧ୍ୟ ନିଜ ନିଜ ମଧ୍ୟରେ ଏହା କଥା ହେଉଥିବା ସେ ଦାବି କରିଛନ୍ତି ।

ତାଙ୍କ ଅନୁସାରେ  ସୁଶାନ୍ତଙ୍କ ବେକରେ  ଏକାଧିକ ଦାଗ ରହିଥିଲା । ଯାହା ଛୁଞ୍ଚିରେ କରାଯାଇଥିଲା ।  ପ୍ରାୟ ୨୦ରୁ ୨୫ଟି ଛୁଞ୍ଚି ଦାଗ ଥିଲା । ଏହା ବ୍ୟତୀତ ସୁଶାନ୍ତଙ୍କ ଗୋଡ ମଧ୍ୟ ଭାଙ୍ଗି ଯାଇଥିବା ସେ ଦାବି କରିଛନ୍ତି । ତାଙ୍କ ପାଦ ତଳିପାରେ ମଧ୍ୟ ଛୁଞ୍ଚିଫୋଡା ଦାଗ ଥିବା ସେ ଦାବି କରିଛନ୍ତି ।   ହସ୍ପିଟାଲରୁ ଶ୍ମଶାନ ପର୍ଯ୍ୟନ୍ତ ସୁଶାନ୍ତଙ୍କ ଶବକୁ ନେଇ ଯାଇଥିବା ବ୍ୟକ୍ତି ଜଣକ ଦାବି କରିଥିବା ଭିଡ଼ିଓରେ ନଜର ଆସିଛି । ହସ୍ପିଟାଲକୁ ରିୟା ଚକ୍ରବର୍ତ୍ତୀ ଆସିଥିବା କଥା ମଧ୍ୟ ବ୍ୟକ୍ତି ଜଣକ କହିଛନ୍ତି । ଏହା ବ୍ୟତୀତ ଦୁଇଜଣ ଆସି ସୁଶାନ୍ତଙ୍କ ଶବ ଦେଖିବା ପାଇଁ କହିଲେ ଏବଂ ଶବକୁ ଦେଖି କ୍ଷମା ମାଗିଲେ । କେବଳ ସେତିକି ନୁହେଁ, ବ୍ୟକ୍ତି ଜଣକ କହିଛନ୍ତି କି ବଡ଼ ବଡ଼ ଡାକ୍ତର ମଧ୍ୟ ଏହାକୁ ହତ୍ୟା ବୋଲି କହୁଥିଲେ ।