ଆସନ୍ତାକାଲିଠୁ ପୁଣି ବର୍ଷା, ୯ଟି ଜିଲ୍ଲାକୁ ୟେଲୋ ଆଲର୍ଟ ଜାରି
ଭୁବନେଶ୍ୱର: ଆସନ୍ତାକାଲିଠୁ ପୁଣି ବର୍ଷା । ୯ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । କେନ୍ଦୁଝର, ବାଲେଶ୍ଵର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର, ଗଜପତି, ରାୟଗଡା ,କନ୍ଧମାଳ, ଭଦ୍ରକକୁ ସତର୍କତା ଜାରି କରାଯାଇଛି । ଏହାସହ ଆସନ୍ତା ୨ ତାରିଖରେ କେନ୍ଦୁଝର, ବାଲେଶ୍ଵର, ଭଦ୍ରକ, କେନ୍ଦ୍ରାପଡା, ଗଜପତି, ରାୟଗଡା, ମାଲକାନଗିରି, ଯାଜପୁରରେ ପ୍ରବଳ ବର୍ଷା ସମ୍ଭାବନା ରହିଛି । ୨ ତାରିଖ ସନ୍ଧ୍ୟାରେ ବିଜୁଳି ଘଡଘଡି ସହ ବର୍ଷା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର ।
ପୂର୍ବ କିଛି ଦିନ ହେବ ଲଗାଣ ବର୍ଷା ଯୋଗୁଁ ରାଜ୍ୟ ବିଭିନ୍ନ ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ତେବେ ଆଜି ବନ୍ୟା ସ୍ଥିତିର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଆକାଶ ମାର୍ଗରୁ ବନ୍ୟା ସ୍ଥିତି ପରଖିବେ । ବନ୍ୟାଞ୍ଚଳ ପରିଦର୍ଶନ ପରେ ମୁଖ୍ୟମନ୍ତ୍ରୀ ଏନେଇ ଅଧିକାରୀଙ୍କ ସହ ଆଲୋଚନା କରିବେ । ଏ ନେଇ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ । ଗତ ତିନି ଭିତରେ ଓଡ଼ିଶା ଏବଂ ଛତିଶଗଡ଼ରେ ପ୍ରବଳରୁ ଅତିପ୍ରବଳ ବର୍ଷା ହୋଇଛି । ଉପକୂଳ ଓଡ଼ିଶା ଏବଂ ଉତ୍ତର ଓଡ଼ିଶାରେ ମଧ୍ୟ ପ୍ରବଳ ବର୍ଷା ହୋଇଛି । ଏହା ପ୍ରଭାବରେ ସୁବର୍ଣ୍ଣ ରେଖା, ବୁଢାବଳଙ୍ଗ, ମହାନଦୀରେ ବନ୍ୟା ସୃଷ୍ଟି ହୋଇଛି ।
ମହାନଦୀରେ ଏବେ ୯.୧୧ ଲକ୍ଷ କ୍ୟୁସେକ ପାଣି ପ୍ରବାହିତ ହେଉଛି । ହୀରାକୁଦ ଜଳଭଣ୍ଡାରରୁ ଏବେ ୭.୬ ଲକ୍ଷ କ୍ୟୁସେକରୁ ଅଧିକ ବନ୍ୟାଜଳ ନିଷ୍କାସନ ହେଉଛି । ପରିସ୍ଥିତିକୁ ଦୃଷ୍ଟିରେ ରଖି ଜଳଭଣ୍ଡାରର ତିନୋଟି ଗେଟ୍ ବନ୍ଦ କରାଯାଇଛି । ଏବେ ମାତ୍ର ୪୩ ଗେଟ୍ ଦେଇ ବନ୍ୟାଜଳ ନିଷ୍କାସନ ହେଉଛି । ଆଗକୁ ଆଉ ଗେଟ୍ ବନ୍ଦ କରାଯିବ କି ନାହିଁ ସେ ନେଇ ଜଳ ସମ୍ପଦ ବିଭାଗ ନିଷ୍ପତ୍ତି ନେବ ।
ମହାନଦୀ ବନ୍ୟାଜଳ ଦ୍ୱାରା କେନ୍ଦ୍ରାପଡ଼ା ଜିଲ୍ଲାର ୩ଟି ବ୍ଲକ ପ୍ରଭାବିତ ହେବ । ଜଗତସିଂହପୁର ଜିଲ୍ଲାର କିଛି ଅଞ୍ଚଳ ଓ ପୁରୀ ଜିଲ୍ଲା ପ୍ରଭାବିତ ହେବ । ସେହିଭଳି କଟକର କିଛି ଅଞ୍ଚଳ ମଧ୍ୟ ପ୍ରଭାବିତ ହେବ ବୋଲି କହିଛନ୍ତି ମୁଖ୍ୟ ଶାସନ ସଚିବ । ରାଜ୍ୟର ବିଭିନ୍ନ ସ୍ଥାନରେ ୩୬ଟି ଘାଇ ବନ୍ୟାରେ ସୃଷ୍ଟି ହୋଇଛି । ତେବେ, ଗୋଟିଏ ସ୍ଥାନରେ ମନ୍ୟୁଷକୃତ ନଦୀବନ୍ଧ ଭଙ୍ଗାଯିବା ଘଟଣାରେ ଅଭିଯୁକ୍ତଙ୍କୁ ଗିରଫ କରାଯାଇଥିବା ସେ ସୂଚନା ଦେଇଛନ୍ତି ।
ତାମିଲନାଡୁରେ ସେପ୍ଟେମ୍ବର ୩୦ ଯାଏଁ ବଢିଲା ଲକଡାଉନ୍, କୋହଳ ହେଲା କଟକଣା
ତାମିଲନାଡୁ: ତାମିଲନାଡୁରେ ସେପ୍ଟେମ୍ବର ୩୦ ତାରିଖ ଯାଏଁ ବଢିଲା ଲକଡାଉନ୍ । ବଢୁଥିବା କରୋନା ପ୍ରକୋପକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନେଇଛନ୍ତି ସରକାର । ଏ ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଇ ପାଲାନିସାମି । ତେବେ ସେପ୍ଟେମ୍ବର ମାସର ରବିବାରରେ ସମ୍ପୂର୍ଣ୍ଣ ଭାବେ ଲକଡାଉନ୍ ଲାଗୁ ହେବ ନାହିଁ । ଏଥି ସମେତ ଆନ୍ତଃଜିଲ୍ଲା ପାଇଁ ଇ-ପାସ୍ ପ୍ରକ୍ରିୟାକୁ ରଦ୍ଦ କରିଦିଆଯାଇଛି । ରାଜ୍ୟରେ ସମସ୍ତ ଧାର୍ମିକ ଅନୁଷ୍ଠାନ, ହୋଟେଲ ଓ ରିସର୍ଟ ଖୋଲିବା ପାଇଁ ଅନୁମତି ଦେଇଛନ୍ତି ତାମିଲନାଡୁ ସରକାର । କରୋନା ପାଇଁ ସାରା ଦେଶରେ ଲାଗୁ ହୋଇଛି ଅନଲକ୍ ୪.୦ । ଏଭଳି ସ୍ଥଳେ ଆସନ୍ତା ୩୦ତାରିଖ ଯାଏଁ ଲକଡାଉନ୍ ଘୋଷଣା କରିଛନ୍ତି ତାମିଲନାଡୁ ସରକାର ।
Tamil Nadu lockdown extended till September 30, announces Chief Minister Edappadi K Palaniswami
Under relaxed norms, no complete lockdown on Sundays in Sept. E-pass system for inter-district travel to be discontinued. All places of worship and hotels, resorts& allowed to re-open pic.twitter.com/DMTC3yIaj6
— ANI (@ANI) August 30, 2020
ସୂଚନାଯୋଗ୍ୟ ଯେ, ସେପ୍ଟେମ୍ବର ମାସରେ ରବିବାର ଦିନ ସମ୍ପୂର୍ଣ୍ଣ ତାଲା ପଡ଼ିବ ନାହିଁ । ଏହା ବ୍ୟତୀତ ଜିଲ୍ଲା ମଧ୍ୟରେ ଗତିବିଧି ପାଇଁ ଇ-ପାସ୍ ଆବଶ୍ୟକ ହେବ ନାହିଁ । ସମସ୍ତ ପୂଜାପାଠ, ହୋଟେଲ ଏବଂ ରିସର୍ଟ ଖୋଲିବାକୁ ଅନୁମତି ମଧ୍ୟ ଦିଆଯାଇଛି। ତେବେ ତାମିଲନାଡୁରେ ଗତ କାଲି ତଥା ରବିବାର ଦିନ ୬,୪୯୫ ନୂଆ ସଂକ୍ରମିତ ଚିହ୍ନଟ ହୋଇଥିବା ଦେଖିବାକୁ ମିଳିଛି ଏବଂ ୯୪ ଜଣଙ୍କର ମୃତ୍ୟୁ ହୋଇଛି। ଏହା ସହିତ ତାମିଲନାଡୁର ମୋଟ ସଂକ୍ରମଣ ମାମଲା ଚାରି ଲକ୍ଷରୁ ଅଧିକ ହୋଇଛି । ଏଠାରେ ସକ୍ରିୟ ମାମଲା ସଂଖ୍ୟା ୫୨,୭୨୧ ରହିଛି ଏବଂ ମୋଟ ମୃତ୍ୟୁ ସଂଖ୍ୟା ୭,୨୩୧କୁ ବୃଦ୍ଧି ପାଇଛି ।
ଏହି ସବୁ ରାଶିର ଲୋକଙ୍କର ଆଜି ପ୍ରେମ ସମ୍ପର୍କକୁ ନେଇ ବଢିବ ଚିନ୍ତା…
ଆଜିର ପଞ୍ଚାଙ୍ଗ:
ଅଗଷ୍ଟ ୩୧, ୨୦୨୦, ସୋମବାର
୧୪୨୮ ସାଲ, ୧୯୪୨ ଶକାବ୍ଦ, ୨୦୭୭ ସମ୍ବତ୍,
ସିଂହ ୧୬ ଦିନ, ଭାଦ୍ରବ ଶୁକ୍ଲ ତ୍ରୟୋଦଶୀ ତିଥି
– ମକର ରାଶିରେ ରହିବେ ଚନ୍ଦ୍ର
– ଶ୍ରବଣା ନକ୍ଷତ୍ର
– ଘାତଚନ୍ଦ୍ର- ସିଂହ ରାଶି ପୁରୁଷମାନଙ୍କ ପାଇଁ
– ଘାତ ବାର – ମିଥୁନ ରାଶି ପାଇଁ ଘାତବାର
ଯୋଗିନୀ ପଶ୍ଚିମ ଦିଗରେ ରହିବେ
ତେଣୁ ପଶ୍ଚିମ ଦିଗକୁ ଯାତ୍ରା ନିଷେଧ
– ଶୁଭ ସମୟ –
ସକାଳ ୮ ଟା ୪୫ ମିନିଟ୍ ଠାରୁ ଦିନ ୧୦ ଟା ୪୫ ମିନିଟ୍
ଦିନ ୧ ଟା ୧୫ ମିନିଟ୍ ଠାରୁ ଦିନ ୨ ଟା ୫୦ ମିନିଟ୍
– ଅଶୁଭ ସମୟ –
ସକାଳ ୭ ଟା ଠାରୁ ସକାଳ ୮ ଟା ୩୦ ମିନିଟ୍ ପର୍ଯ୍ୟନ୍ତ
ମେଷ ରାଶି –
ଅଶ୍ୱିନୀ ନକ୍ଷତ୍ର- କାମରେ ସଫଳତା ମିଳିବ,ପୁରୁଣା ବନ୍ଧୁଙ୍କ ସହ ସାକ୍ଷାତ ହେବ
ଦ୍ୱିଜା ନକ୍ଷତ୍ର – ଆକସ୍ମିକ ଧନ ଖର୍ଚ୍ଚ ହୋଇପାରେ, ପ୍ରେମ ସଂପର୍କକୁ ନେଇ ଚିନ୍ତା ବଢିବ
କୃତ୍ତିକା ନକ୍ଷତ୍ର – ନୂଆ କାମ ଆରମ୍ଭ ପାଇଁ ଦିନ ଭଲ ରହିଛି, ନିଜ ଚେଷ୍ଟାରେ ସଫଳ ରହିବେ
ହନୁମାନ ଚାଳିଶା ୩ ଥର ପାଠ କରନ୍ତୁ
ବୃଷ ରାଶି –
କୃତ୍ତିକା ନକ୍ଷତ୍ର – ଉଚ୍ଚପଦସ୍ଥ ଅଧିକାରୀଙ୍କ ପାଇଁ ସହଯୋଗ ମିଳିବ, ନିଜ କାର୍ଯ୍ୟ ପାଇଁ ପ୍ରଶଂସିତ ହେବେ
ରୋହିଣି ନକ୍ଷତ୍ର – ନିଜ ବ୍ୟବହାର ପାଇଁ ସମାଲୋଚିତ ହେବେ, ସତର୍କ ହୋଇ ଚଳନ୍ତୁ
ମୃଗଶିରା ନକ୍ଷତ୍ର – କାର୍ଯ୍ୟରେ ସଫଳତା ପାଇଁ ଅନ୍ୟର ସହଯୋଗ ମିଳିବ, ପରିସ୍ଥିତିରେ ସୁଧାର ଆସିବ
ମା’ଲକ୍ଷ୍ମୀଙ୍କୁ ଲବଙ୍ଗ, ମିଶ୍ରି ଭୋଗ ଲାଗି କରନ୍ତୁ
ମିଥୁନ ରାଶି –
ମୃଗଶିରା ନକ୍ଷତ୍ର – ସମୟ ପୂର୍ବରୁ କାର୍ଯ୍ୟ ସଫଳ ହୋଇଯିବ, ବଡ ସଫଳତା ମିଳିପାରେ
ଆର୍ଦ୍ରା ନକ୍ଷତ୍ର – ସହକର୍ମୀଙ୍କର ସହଯୋଗ ମିଳିବ,ଆଗକୁ ବଢିବା ପାଇଁ ପ୍ରେରଣା ମିଳିବ
ପୂନର୍ବସୁ ନକ୍ଷତ୍ର – କାର୍ଯ୍ୟରେ ବାଧା,ପ୍ରତିବନ୍ଧକ ଆସିବ, ଦାୟିତ୍ୱ ନିର୍ବାହ କରିବାରେ ବିଫଳ ହେବେ
ପ୍ରଭୁ ଜଗନ୍ନାଥଙ୍କୁ ଦୁର୍ବା ଓ ତୁଳସୀ ଅର୍ପଣ କରନ୍ତୁ
କର୍କଟ ରାଶି –
ପୂନର୍ବସୁ ନକ୍ଷତ୍ର – କର୍ମକ୍ଷେତ୍ରକୁ ନେଇ ମନ ଅଶାନ୍ତ ଓ ଦୁଃଖ ରହିବ
ପୁଷ୍ୟା ନକ୍ଷତ୍ର – ଆପଣଙ୍କ ବ୍ୟବହାରରେ ପରିବାରରେ ଶାନ୍ତି ଫେରି ଆସିବ,ବିଶ୍ୱସ୍ତ ବ୍ୟକ୍ତିଙ୍କ ଠାରୁ ଭଲ ପରାମର୍ଶ ମିଳିବ
ଅଶ୍ଲେଷା ନକ୍ଷତ୍ର – ପୁରା ଦିନଟି ଭଲରେ କଟିବ
ଗରିବ ବ୍ୟକ୍ତିକୁ ଭୋଜନ ଦାନ କରନ୍ତୁ
ସିଂହ ରାଶି –
ମଘା ନକ୍ଷତ୍ର – ଶିକ୍ଷା ଓ କ୍ୟାରିୟର କ୍ଷେତ୍ରରେ ସଫଳତା ପାଇବେ, ନିଷ୍ଠାପର ଭାବରେ ପ୍ରୟାସ ଜାରି ରଖନ୍ତୁ
ପୂର୍ବାଫାଲଗୁନି ନକ୍ଷତ୍ର – ସମୟ ଅଭାବରୁ ପୂର୍ବରୁ ରହିଥିବା କାମରେ ପରିବର୍ତ୍ତନ କରିପାରନ୍ତି
ଉତ୍ତରାଫାଲଗୁନୀ ନକ୍ଷତ୍ର – ନିଜର ଲକ୍ଷକୁ ପୁରା କରିବାକୁ ସୁଯୋଗ ମିଳିବ, ପାରିବାରିକ ସୁଖ ବଢିବ
ଗୁଡ ଖାଇ ଜଳପାନ କରନ୍ତୁ
କନ୍ୟା ରାଶି –
ଉତ୍ତରାଫାଲଗୁନୀ ନକ୍ଷତ୍ର – ସ୍ୱାସ୍ଥ୍ୟ ଭଲ ରହିବ, ବନ୍ଧୁଙ୍କର ସହଯୋଗ ପାଇବେ
ହସ୍ତା ନକ୍ଷତ୍ର – ଆଜି କାର୍ଯ୍ୟ ବ୍ୟସ୍ତତା ମଧ୍ୟରେ ସମୟ କଟିବ, ଧାର୍ମିକ କାର୍ଯ୍ୟ ପ୍ରତି ଆଗ୍ରହ ବଢିବ
ଚିତ୍ରା ନକ୍ଷତ୍ର – ସମସ୍ତ କାର୍ଯ୍ୟରେ ସଫଳତା ମିଳିବ, ଆର୍ଥିକ ସ୍ଥିତିରେ ସୁଧାର ଆସିବ
ହନୁମାନଙ୍କ ସମ୍ମୁଖରେ କର୍ପୂର ଆଳତୀ କରନ୍ତୁ
ତୁଳା ରାଶି –
ଚିତ୍ରା ନକ୍ଷତ୍ର – ଜୀବନସାଥୀଙ୍କ ବ୍ୟବହାରକୁ ନେଇ ମନ ପ୍ରସନ୍ନ ରହିବ
ସ୍ୱାତୀ ନକ୍ଷତ୍ର – ଦିନଚର୍ଯ୍ୟାରେ କିଛି ପରିବର୍ତ୍ତନ ଆସିବ, ଭଲରେ ସମୟ କଟିବ
ବିଶାଖା ନକ୍ଷତ୍ର – ଖର୍ଚ୍ଚ ବଢିପାରେ , ଜଗି ରଖି ଖର୍ଚ୍ଚ କରନ୍ତୁ, ଗାଡି ଧିରେ ଚଳାଇବେ
ମା’ଦୁର୍ଗାଙ୍କୁ ଲାଲ ଫୁଲ ଅର୍ପଣ କରନ୍ତୁ
ବିଛା ରାଶି –
ବିଶାଖା ନକ୍ଷତ୍ର – ନୂଆ କାର୍ଯ୍ୟ ପାଇଁ କିଛି ଯୋଜନା କରିପାରନ୍ତି, ଯାହାକି ସଫଳତା ଆଣିଦେବ
– ଅନୁରାଧା ନକ୍ଷତ୍ର –
– ଦିନଟି ଆନନ୍ଦଦାୟକ ରହିବ, ସବୁ ଚିନ୍ତାରୁ ମୁକ୍ତି ପାଇବେ
ଜ୍ୟେଷ୍ଠା ନକ୍ଷତ୍ର – ବାଧା ଓ ପ୍ରତିବନ୍ଧକ ସତ୍ତ୍ୱେ ଆଗକୁ ବଢିବେ, ବିଳମ୍ବରେ ହେଲେ ମଧ୍ୟ ସଫଳତା ମିଳିବ
ପଶୁପକ୍ଷୀଙ୍କୁ ଖାଦ୍ୟ କିଛି ଦାନ କରନ୍ତୁ
ଧନୁ ରାଶି –
ମୂଳା ନକ୍ଷତ୍ର – ଦାମ୍ପତ୍ୟ ଜୀବନକୁ ନେଇ ଖୁସି ରହିବେ, କିଛି ନୂଆ କଥା ଶିଖିବାକୁ ସୁଯୋଗ ପାଇବେ
ପୂର୍ବଷାଢା ନକ୍ଷତ୍ର – ପର୍ବ ଅପେକ୍ଷା ପରିସ୍ଥିତି ଖରାପ ରହିପାରେ, ସତର୍କ ହୋଇ ଚଳିବେ
ଉତ୍ତରାଷାଢା ନକ୍ଷତ୍ର – ସାମ୍ବାଦିକ କ୍ଷେତ୍ରରେ କାର୍ଯ୍ୟରତ ବ୍ୟକ୍ତିମାନଙ୍କ ପାଇଁ ଦିନଟି ଶୁଭ ରହିବ, ନିଜ କାର୍ଯ୍ୟ ପାଇଁ ପ୍ରଶଂସା ପାଇବେ
ରାମରକ୍ଷା ସ୍ତୋତ୍ର ପାଠ କରନ୍ତୁ, ସମସ୍ୟ ଚିନ୍ତା ଦୁର ହେବ
ମକର ରାଶି –
ଉତ୍ତରାଷାଢା ନକ୍ଷତ୍ର – ନିଜ ଚେଷ୍ଟାରେ ସଫଳ ରହିବେ, ଘର କାମରେ ସମୟ କଟିବ
ଶ୍ରବଣା ନକ୍ଷତ୍ର – ଯାହା ବି କିଛି କାର୍ଯ୍ୟ କରିବେ ଅନ୍ୟର ପରାମର୍ଶ ନେଇ କରନ୍ତୁ
ଧନିଷ୍ଠା ନକ୍ଷତ୍ର – ଅନେକ ଦିନ ଧରି ଅଟକି ରହିଥିବା କାମ ସଂପୂର୍ଣ୍ଣ ହେବ
ମା’ଲକ୍ଷ୍ମୀଙ୍କୁ ରସଗୋଲା ଭୋଗ ଲଗାନ୍ତୁ
କୁମ୍ଭ ରାଶି –
ଧନିଷ୍ଠା ନକ୍ଷତ୍ର – ଆଜି କିଛି ଭଲ ଖବର ପାଇପାରନ୍ତି, ପୁରା ଦିନଟି ଖୁସିରେ କଟିବ
ଶତଭିଷା ନକ୍ଷତ୍ର – ପଡୋଶୀଙ୍କ ସହଯୋଗ ପାଇବେ, ଆର୍ଥିକସ୍ଥିତି ପୂର୍ବ ଅପେକ୍ଷା ଭଲ ରହିବ
ପୂର୍ବଭାଦ୍ର ନକ୍ଷତ୍ର – ମାନସମ୍ମାନ ପ୍ରତି ବିପଦ ରହିଛି,ଜଗିରଖି କଥା କୁହନ୍ତୁ
ଦହି ଖାଇ କାମ ଆରମ୍ଭ କରନ୍ତୁ
ମୀନ ରାଶି –
ପୂର୍ବଭାଦ୍ର ନକ୍ଷତ୍ର – ନିଜର ବ୍ୟବହାରକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇପାରେ, ସତର୍କ ରୁହନ୍ତୁ
ଉତ୍ତରଭାଦ୍ର ନକ୍ଷତ୍ର – ବ୍ୟକ୍ତିତ୍ୱରେ ପରିବର୍ତ୍ତନ ଆସିବ, ପରିବାରର ସହଯୋଗ ପାଇବେ
ରେବତୀ ନକ୍ଷତ୍ର – ଆଧ୍ୟାତ୍ମିକ ଦିଗ ପ୍ରତି ଆଗ୍ରହ ବଢିବ, ଖୁସି ଖବର ପାଇବେ
ବ୍ରାହ୍ମଣଙ୍କୁ ଫଳ ଦାନ କରନ୍ତୁ
ଜ୍ୟୋତିର୍ବିଦ୍ ଡ.ଶ୍ୟାମସୁନ୍ଦର ବାଘ
ଯୋଗାଯୋଗ- 9938571935
ଦୁଷ୍କର୍ମ ପରେ ଭଉଣୀଙ୍କୁ କରାଯାଇଥିଲା ହତ୍ୟା, ୧୯ ବର୍ଷ ପରେ ଏମିତି ନେଲେ ପ୍ରତିଶୋଧ
ଲକ୍ଷ୍ନୌ: ଉତ୍ତରପ୍ରଦେଶର ମୁରାଦାବାଦରୁ ଆସିଛି ଏମିତି ଏକ ମାମଲା ଯାହାକୁ ଜାଣିଲେ ଆପଣ ବିସ୍ମିତ ହୋଇଯିବେ । କ୍ରୋଧ ଯେ ହୃଦୟରେ ୧୯ ବର୍ଷ ଧରି ପାଉଁଶ ତଳର ନିଆଁ ପରି ଜଳେ ଆଉ ଦିନେ ଜାଳିଦିଏ ତାହା କେହି କେବେ ଭାବି ନଥିବେ । କିନ୍ତୁ ଏମିତି ହିଁ ଘଟିଛି ମୁରାଦାବାଦରେ । ଜଣେ ଯୁବକ ସାଙ୍ଗମାନଙ୍କ ମିଶି ୧୯ ବର୍ଷେ ତଳେ ତା ଭଉଣୀ ସହ ହୋଇଥିବା ଅପରାଧର ପ୍ରତିଶୋଧ ନେଇଛି । ଗାଁରେ ଥିବା ଅଭିଯୁକ୍ତର ଗଳା କାଟି ବିଭତ୍ସ ଭାବେ ହତ୍ୟା କରିଛି ଭାଇ ।
ସୂଚନା ଅନୁସାରେ, ମୁରାଦାବାଦ ଥାନା ଛଜଲୈଟ ଗ୍ରାମ ଚୌରା ରସୁଲପୁରର ଏହି ଘଟଣା । ଏଠାରେ ୧୯ ବର୍ଷ ତଳେ ଜଣେ ଯୁବତୀଙ୍କୁ ଦୁଷ୍କର୍ମ ପରେ ଯୁବକ ଜଣେ ହତ୍ୟା କରିଥିବା ନେଇ ଅଭିଯୋଗ ହୋଇଥିଲା । ଭଉଣୀ ମୃତ୍ୟୁକୁ ସହଜରେ ସହ୍ୟ କରିପାରି ନଥିଲା ଭାଇ । ପିଲାବେଳରୁ ହିଁ ଭଉଣୀ ମୃତ୍ୟୁର ପ୍ରତିଶୋଧ ପାଇଁ ଅଡ଼ି ବସିଥିଲା । ଆଉ ୧୯ ବର୍ଷ ପରେ ସାଙ୍ଗଙ୍କ ସହ ନେଇଛି ପ୍ରତିଶୋଧ ।
ଉଭଣୀର ହତ୍ୟାକାରୀକୁ ପ୍ରଥମେ ଅପହରଣ କରିବା ପାରେ ମାରି ଦେଇଛି । ପୋଲିସ ହତ୍ୟା କରିଥିବା ଅଭିଯୁକ୍ତ ଭାଇ ସହ ତା ସାଙ୍ଗଙ୍କୁ ଗିରଫ କରିଛି । ଥାନା ଅଧିକାରୀଙ୍କ ଅନୁସାରେ ୧୯ ବର୍ଷ ତଳେ ବରାସତ, ଇରଶାଦର ଭଉଣୀକୁ ଦୁଷ୍କର୍ମ କରିବା ପରେ ହତ୍ୟା କରିଥିଲା । ତାପରେ ପ୍ରତିଶୋଧର ନିଆଁରେ ଜଳୁଥିଲା ଇରଶାଦ । କିଛିଦିନ ତଳେ ଇରଶାଦ ଗାଁର ଜବରୁ ଓ ଫିରାସତ ସହ ମିଶି ବରାସତକୁ ଅପହରଣ କରିନେଇ ହତ୍ୟା କରିଥିଲା । ପୋଲିସ ଇରଶାଦ ଓ ଫିରାସତକୁ ଗିରଫ କରିଥିବା ଆଉଜଣେ ଅଭିଯୁକ୍ତ ଫେରାର ରହିଛି ।
SSR Case: ତୃତୀୟ ଦିନ ରିୟାଙ୍କୁ ୯ ଘଣ୍ଟା ଜେରା କଲା ସିବିଆଇ
ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତ ମାମଲାରେ ରିୟା ଚକ୍ରବର୍ତ୍ତୀ ଫସିଛନ୍ତି । ମୁମ୍ବାଇ ପୋଲିସ ଓ ଇଡିର ପଚରାଉଚରା ପରେ ଏବେ ଲଗାତାର ସିବିଆଇ ଜେରା କରୁଛି । ଘଣ୍ଟା ଘଣ୍ଟା ଧରି ରିୟାଙ୍କୁ ଜେରା କରୁଛି ସିବିଆଇ । ତିନିଦିନ ମଧ୍ୟରେ ସିବିଆଇ ରିୟା ଚକ୍ରବର୍ତ୍ତୀଙ୍କୁ ପ୍ରାୟ ୨୬ ଘଣ୍ଟା ପଚରାଉରଚରା କରି ସାରିଲାଣି । ଆସନ୍ତାକାଲି ସୋମବାର ପୁଣି ଥରେ ଜେରା ପାଇଁ ରିୟାଙ୍କୁ ସିବିଆଇ ସମନ ଜାରି କରିଛି ।
ଶୁକ୍ରବାର ରିୟା ଚକ୍ରବର୍ତ୍ତୀଙ୍କୁ ସିବିଆଇ ପଚରାଉଚରା ଆରମ୍ଭ କରିଥିଲା । ପ୍ରଥମ ଦିନ ୧୦ ଘଣ୍ଟା ଧରି ରିୟା ସିବିଆଇ ପ୍ରଶ୍ନର ଉତ୍ତର ଦେଇଥିଲେ । ତାପରେ ଶନିବାର ୭ ଘଣ୍ଟା ଧରି ଜେରା କରିଥିଲା ସିବିଆଇ । ରବିବାର ୯ ଘଣ୍ଟାର ପ୍ରଶ୍ନ ପରେ ରିୟାଙ୍କୁ ସୋମବାର ହାଜର ହେବା ପାଇଁ ସିବିଆଇ ନୋଟିସ୍ ଦେଇଛି । ୩ ଦିନରେ ରିୟାଙ୍କୁ ୨୬ ଘଣ୍ଟା ଧରି ଜେରା କରାଯାଇଛି । ସୋମବାର ଜେରା ପାଇଁ ଡକରା ହୋଇଥିବା ବେଳେ ପଚରାଉଚରା ସମୟ ବଢ଼ିବା ସହିତ ରିୟାଙ୍କ ଲାଗି ମୁସ୍କିଲ୍ ବଢ଼ି ବଢ଼ି ଚାଲିଛି ।
୨୬ ଘଣ୍ଟାର ଜେରା
ତିନିଦିନ ଜେରାରେ ରିୟାଙ୍କୁ ସିବିଆଇ ଅନେକ ପ୍ରଶ୍ନ ପଚାରିଛି । ରବିବାର ସିବିଆଇର ଫୋକସ୍ ଡ୍ରଗ୍ସ ଉପରେ ଥିଲା । କୁହାଯାଉଛି ସୁଶାନ୍ତଙ୍କୁ ଡ୍ରଗ୍ସର ଓଭରଡୋଜ୍ ଦେବା ନେଇ ରିୟାଙ୍କୁ ସିବିଆଇ ବାରମ୍ବାର ପଚାରିବା ସହ ୮ ଜୁନକୁ ସୁଶାନ୍ତଙ୍କ ଘର କାହିଁକି ଛାଡ଼ିଲ ବୋଲି ପ୍ରଶ୍ନ କରିଛି । ତେବେ, ସୁଶାନ୍ତଙ୍କ ସ୍ୱାସ୍ଥ୍ୟ ଠିକ୍ ନଥିବା ବେଳେ ରିୟା କାହିଁକି ତାଙ୍କୁ ଛାଡ଼ିକରି ପଳାଇଥିଲେ ?
ରିୟାଙ୍କୁ ସୁଶାନ୍ତଙ୍କ ସ୍ୱାସ୍ଥ୍ୟାବସ୍ଥା ନେଇ ସିବିଆଇ କେତକ ପ୍ରଶ୍ନ କରିଛି । ଯେମିତି କି ରିୟା କେବେ ଜାଣିବାକୁ ପାଇଥିଲେ କି ସୁଶାନ୍ତ କେବେ ମାନସିକ ଚାପରେ ଥିବା ଜାଣିବାକୁ ପାଇଲେ ? ସୁଶାନ୍ତ କେବେ ପ୍ରଥମଥର ଡାକ୍ତରଙ୍କୁ ଦେଖାଇଥିଲେ । ସୁଶାନ୍ତଙ୍କୁ ଔଷଧ କିଏ ଦେଉଥିଲା । କାହିଁକି ସୁଶାନ୍ତଙ୍କ ଡାକ୍ତରଙ୍କୁ ବାରମ୍ବାର ପରିବର୍ତ୍ତନ କରାଯାଉଥିଲା । ତିନିଦିନ ମଧ୍ୟରେ ସିବିଆଇ ଏମିତି ପ୍ରଶ୍ନର ଚକ୍ରବ୍ୟୁହରେ ରିୟାଙ୍କୁ ଛନ୍ଦି ଚାଲିଥିବା ବେଳେ ରିୟା ନିଜ ବୟାନର କେତେ କାୟମ ରହିଛନ୍ତି ତାହା ଦେଖିବାର କଥା ।
ବନ୍ୟାଞ୍ଚଳ ପରିଦର୍ଶନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର: ଆସନ୍ତାକାଲି ବନ୍ୟା ସ୍ଥିତିର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଆକାଶ ମାର୍ଗରୁ ବନ୍ୟା ସ୍ଥିତି ପରଖିବେ । ବନ୍ୟାଞ୍ଚଳ ପରିଦର୍ଶନ ପରେ ମୁଖ୍ୟମନ୍ତ୍ରୀ ଏନେଇ ଅଧିକାରୀଙ୍କ ସହ ଆଲୋଚନା କରିବେ । ଏ ନେଇ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ । ଗତ ତିନି ଭିତରେ ଓଡ଼ିଶା ଏବଂ ଛତିଶଗଡ଼ରେ ପ୍ରବଳରୁ ଅତିପ୍ରବଳ ବର୍ଷା ହୋଇଛି । ଉପକୂଳ ଓଡ଼ିଶା ଏବଂ ଉତ୍ତର ଓଡ଼ିଶାରେ ମଧ୍ୟ ପ୍ରବଳ ବର୍ଷା ହୋଇଛି । ଏହା ପ୍ରଭାବରେ ସୁବର୍ଣ୍ଣ ରେଖା, ବୁଢାବଳଙ୍ଗ, ମହାନଦୀରେ ବନ୍ୟା ସୃଷ୍ଟି ହୋଇଛି ।
ମହାନଦୀରେ ଏବେ ୯.୧୧ ଲକ୍ଷ କ୍ୟୁସେକ ପାଣି ପ୍ରବାହିତ ହେଉଛି । ହୀରାକୁଦ ଜଳଭଣ୍ଡାରରୁ ଏବେ ୭.୬ ଲକ୍ଷ କ୍ୟୁସେକରୁ ଅଧିକ ବନ୍ୟାଜଳ ନିଷ୍କାସନ ହେଉଛି । ପରିସ୍ଥିତିକୁ ଦୃଷ୍ଟିରେ ରଖି ଜଳଭଣ୍ଡାରର ତିନୋଟି ଗେଟ୍ ବନ୍ଦ କରାଯାଇଛି । ଏବେ ମାତ୍ର ୪୩ ଗେଟ୍ ଦେଇ ବନ୍ୟାଜଳ ନିଷ୍କାସନ ହେଉଛି । ଆଗକୁ ଆଉ ଗେଟ୍ ବନ୍ଦ କରାଯିବ କି ନାହିଁ ସେ ନେଇ ଜଳ ସମ୍ପଦ ବିଭାଗ ନିଷ୍ପତ୍ତି ନେବ । କାଲି ସୁଦ୍ଧା ବନ୍ୟା ସ୍ଥିତି ସାମାନ୍ୟ ସ୍ୱାଭାବିକ ହେବ ।
ମହାନଦୀ ବନ୍ୟାଜଳ ଦ୍ୱାରା କେନ୍ଦ୍ରାପଡ଼ା ଜିଲ୍ଲାର ୩ଟି ବ୍ଲକ ପ୍ରଭାବିତ ହେବ । ଜଗତସିଂହପୁର ଜିଲ୍ଲାର କିଛି ଅଞ୍ଚଳ ଓ ପୁରୀ ଜିଲ୍ଲା ପ୍ରଭାବିତ ହେବ । ସେହିଭଳି କଟକର କିଛି ଅଞ୍ଚଳ ମଧ୍ୟ ପ୍ରଭାବିତ ହେବ ବୋଲି କହିଛନ୍ତି ମୁଖ୍ୟ ଶାସନ ସଚିବ । ରାଜ୍ୟର ବିଭିନ୍ନ ସ୍ଥାନରେ ୩୬ଟି ଘାଇ ବନ୍ୟାରେ ସୃଷ୍ଟି ହୋଇଛି । ତେବେ, ଗୋଟିଏ ସ୍ଥାନରେ ମନ୍ୟୁଷକୃତ ନଦୀବନ୍ଧ ଭଙ୍ଗାଯିବା ଘଟଣାରେ ଅଭିଯୁକ୍ତଙ୍କୁ ଗିରଫ କରାଯାଇଥିବା ସେ ସୂଚନା ଦେଇଛନ୍ତି ।
ରାଜଧାନୀରେ ଗୋଟିଏ ଦିନରେ କରୋନାର ଦୁଇଟି ରେକର୍ଡ
ଭୁବନେଶ୍ୱର: ୬୭ ୱାର୍ଡରୁ ୫୧୫ ସଂକ୍ରମିତ ଚିହ୍ନଟ । ଗତ ୨୪ ଘଣ୍ଟା ମଧ୍ୟରେ ରାଜଧାନୀରୁ ରେକର୍ଡ ସଂଖ୍ୟକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହ ରାଜଧାନୀରେ ସଂକ୍ରମିତଙ୍କ ସଂଖ୍ୟା ୧୦ ହଜାର ଟପିଛି । ଗୋଟିଏ ଦିନରେ କରୋନା ସଂକ୍ରମଣରେ ଦୁଇ ଦୁଇଟି ଅଲୋଡ଼ା ରେକର୍ଡ କରିଛି ରାଜଧାନୀ ଭୁବନେଶ୍ୱର । ଦିନକରେ ୫୧୫ ସଂକ୍ରମିତ ଚିହ୍ନଟ ହୋଇଥିବା ବେଳେ ସଂକ୍ରମିତଙ୍କ ସଂଖ୍ୟା ୧୦ ହଜାର ୨୧ରେ ପହଞ୍ଚିଛି । ଏନେଇ ବିଏମସି ସୂଚନା ଦେଇଛି ।
Update on newly detected & cured #COVID19 cases in the last 24 hrs under the BMC area on 30th Aug 2020(till 9am).
The ward wise active cases, cured cases are shared. pic.twitter.com/Jsy5xeqzT2
— BMC (@bmcbbsr) August 30, 2020
ଗତ ୨୪ ଘଣ୍ଟାରେ ବିଏମସିର ୪୬ ନମ୍ବର ୱାର୍ଡରୁ ସର୍ବାଧିକ ୩୩ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୱାର୍ଡ ନମ୍ବର ୨୭, ୪୦ରୁ ୨୯ ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ୨ ନମ୍ବର ୱାର୍ଡରେ ସର୍ବାଧିକ ୧୩୯ଟି ସକ୍ରିୟ ସଂକ୍ରମିତ ମାମଲା ରହିଛି । ଗତ ୨୪ ଘଣ୍ଟାରେ ରାଜଧାନୀରୁ ୨୯୭ ଜଣ ସଂକ୍ରମିତ ସୁସ୍ଥ ହୋଇଥିବା ଜଣାପଡ଼ିଛି ।
ରାଜଧାନୀରେ ଏଯାବତ୍ ୧୦ ହଜାର ୨୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୬ ହଜାର ୬୧ ଜଣ ସୁସ୍ଥ ହୋଇଛନ୍ତି । ୪୧ ଜଣଙ୍କ ମୃତ୍ୟୁ ହୋଇଥିବା ବେଳେ ଏବେ ୩ ହଜାର ୯୧୦ଟି କେସ୍ ସକ୍ରିୟ ରହିଛି ।
ରାଜ୍ୟରେ ସଫଳ ହେଉଛି ପ୍ଲାଜମା ଚିକିତ୍ସା, ଦିନକରେ ୧୦୪ ସୁସ୍ଥ
ଭୁବନେଶ୍ୱର: ସଂକ୍ରମଣକୁ ମାତ୍ ଦେଇ ଚାଲିଛି ଓଡ଼ିଶା । ରାଜ୍ୟରେ ଏଯାବତ୍ ୧ ଲକ୍ଷ ୯୩୪ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ୭୩ ହଜାର ୨୩୩ ଜଣ ସୁସ୍ଥ ହୋଇଛନ୍ତି । ଆଜି ଆଉ ୨୫୧୯ ଜଣ ଆରୋଗ୍ୟ ହୋଇଥିବା ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ତେବେ, ବଡ଼ କଥା ହେଉଛି କରୋନା ଯୁଦ୍ଧରେ ଗୁରୁତର ରୋଗୀଙ୍କ ପାଇଁ ସଞ୍ଜିବନୀ ସାଜିଛି ପ୍ଲାଜମା ଥେରାପି । ଗୁରୁତର କରୋନା ପୀଡ଼ିତ ପ୍ଲାଜମା ଚିକିତ୍ସା ଦ୍ୱାରା ସୁସ୍ଥ ହେଉଛନ୍ତି ।
Today, #Odisha achieved a rare distinction of having discharged 104 patients after treatment through Plasma Therapy & it is a commendable achievement. H&FW dept congratulates the entire team of Plasma Therapy & also all the Plasma donors who have made it possible. @CMO_Odisha
— H & FW Dept Odisha (@HFWOdisha) August 30, 2020
ଆଜି ଗୋଟିଏ ଦିନରେ ପ୍ଲାଜମା ନେଇଥିବା ୧୦୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏନେଇ ସ୍ୱାସ୍ଥ୍ୟ ବିଭାଗ ସୂଚନା ଦେଇଛି । ଏଥିପାଇଁ ପ୍ଲାଜମା ଚିକିତ୍ସାରେ ନିୟୋଜିତ ଡାକ୍ତରୀ ଟିମ୍ ଓ ପ୍ଲାଜମା ଦାତାଙ୍କୁ ସ୍ୱାସ୍ଥ୍ୟ ବିଭାଗ ଧନ୍ୟବାଦ ଦେଇଛି । ସୂଚନା ଯୋଗ୍ୟ ଯେ, ଏଯାବତ୍ ରାଜ୍ୟର ୬ଟି ସ୍ଥାନରେ ପ୍ଲାଜମା ବ୍ୟାଙ୍କ ପ୍ରତିଷ୍ଠା କରାଯାଇଛି ।
Another 2519 #COVID19 patients have recovered and are being discharged on 30.08.2020
419 from Khordha
216 from Ganjam
210 from Puri
205 from Rayagada
169 from Koraput
150 from Mayurbhanj
129 from Cuttack
100 from Baleswar
95 from Nayagarh
85 from Sambalpur
84 from Malkangiri— H & FW Dept Odisha (@HFWOdisha) August 30, 2020
ଏଥିସହ ଗତ ୨୪ ଘଣ୍ଟାରେ ରାଜ୍ୟରେ ୨୫୧୯ ଜଣ ସଂକ୍ରମିତ ସୁସ୍ଥ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୪୧୯ ଜଣ ସୁସ୍ଥ ହୋଇଥିବା ବେଳେ ଗଞ୍ଜାମରୁ ୨୧୬, ପୁରୀରୁ ୨୧୦, ରାୟଗଡ଼ା ୨୦୫, କୋରାପୁଟ ୧୬୯, ମୟୂରଭଞ୍ଜ ୧୫୦, କଟକ ୧୨୯, ବାଲେଶ୍ୱର ୧୦୦, ନୟାଗଡ଼ ୯୫, ସମ୍ବଲପୁର ୮୫, ମାଲକାନଗିରି ୮୪, ଭଦ୍ରକ ୭୭, ଢେଙ୍କାନାଳ ୭୬, ନବରଙ୍ଗପୁର ୫୮, କନ୍ଧମାଳ ୪୮, ବଲାଙ୍ଗିର ୪୫, ସୁନ୍ଦରଗଡ଼ ୪୨, ଗଜପତି ୪୦, କେନ୍ଦ୍ରାପଡ଼ା ୩୯, ଝାରସୁଗୁଡ଼ା ଓ କେନ୍ଦୁଝରରୁ ୩୮ ଜଣ ଲେଖାଏଁ, ସୋନପୁର ୩୩, ନୂଆପଡ଼ା ୨୮, ଜଗତସିଂହପୁର ୨୭, ବରଗଡ଼ ୨୫, କଳାହାଣ୍ଡି ୧୯, ଯାଜପୁର ୧୨, ଦେବଗଡ଼ ୭, ବୌଦ୍ଧ ୪ ଓ ଅନୁଗୁଳରୁ ଜଣେ ସୁସ୍ଥ ହୋଇଛନ୍ତି ।
କିଛିଦିନ ତଳେ କରୋନା ସଂକ୍ରମିତ ହୋଇଥିବା ଶ୍ରମମନ୍ତ୍ରୀ ସୁଶାନ୍ତ ସିଂହ କରୋନାରୁ ଆରୋଗ୍ୟ ଲାଭ କରିଛନ୍ତି । ସେ ସୁସ୍ଥ ହୋଇଥିବା ନେଇ ନିଜେ ସୂଚନା ଦେଇଛନ୍ତି । ସୁସ୍ଥ ହେବା ପରେ ସେ ନିଜ କର୍ମକ୍ଷେତ୍ରକୁ ଫେରିଥିବା ସୂଚନା ଦେଇଛନ୍ତି ।