ଋଷ୍: ଖୁବଶୀଘ୍ର ବଦଳୁଥିବା ରାଜନୈତିକ ସମୀକରଣ ମଧ୍ୟରେ ଆମେରିକା ଏବଂ ଋଷ ସେନା ଲଗାତାର ନିଜକୁ ଅତ୍ୟାଧୁନିକ କରିବାକୁ ଚେଷ୍ଟା ଜାରି ରଖିଛନ୍ତି । ଏହି ମଧ୍ୟରେ ଋଷ ସୈନିକଙ୍କୁ ମିଳିଛି ଏକ ବଡ଼ ସଫଳତା । ସେମାନେ ସୈନ୍ୟଙ୍କ ପାଇଁ ଏଭଳି ଏକ ବଡି ସୁଟ ପ୍ରସ୍ତୁତ କରିବାରେ ସଫଳ ହୋଇଛନ୍ତି ଯାହା ନେ କେବଳ ବୁଲେଟ ପ୍ରୁଫ ହେବ, ବରଂ ଏକ ପ୍ରକାରର ଅଭେଦ୍ୟ ରହିବ । ଗୁଳି ବାଜିଲେ ମଧ୍ୟ ଏହାର କୌଣସି କ୍ଷୟକ୍ଷତି ହେବ ନାହିଁ । ଅର୍ଥାତ ଶତ୍ରୁ ସେନା ଚାହିଁଲେ ମଧ୍ୟ କୌଣସି ପ୍ରକାରର କ୍ଷୟ କରି ପାରିବେ ନାହିଁ । ଏହାର ନାମ ରଖା ଯାଇଛି ଆଇରନ-ମ୍ୟାନ ସୁଟ୍ ।

ଆମେରିକା ଏବଂ ଋଷ ମଧ୍ୟରେ କ’ଣ ଚାଲିଛି?

ଋଷ ଏବଂ ଆମେରିକା ମଧ୍ୟରେ ସର୍ବଦା ମହାଶକ୍ତିର ଲଢେଇ ଚାଲି ଆସିଛି । ସୋଭିଏତ ସଙ୍ଘ ଭାଙ୍ଗିଯିବା ପରେ ସୁପର ପାଓ୍ୱାରର ସ୍ଥାନ ସିଧା ସଳଖ ଆମେରିକା ନିକଟକୁ ଚାଲି ଯାଇଛି । ଯାହା ପରେ ଋଷ ଏହାକୁ ନେଇ ରାଗି ଯାଇଥିବା ବିଭିନ୍ନ ସମୟରେ ଦେଖିବାକୁ ମିଳିଛି । ନିକଟରେ ଋଷ ଖୋଲାଖେଲା ଭାବରେ ଆମେରିକାକୁ ଧମକ ଦେଇଥିବା ଜଣା ପଡ଼ିଛି । ଋଷର ରକ୍ଷା ମନ୍ତ୍ରାଳୟ କ୍ରାସନାୟା ଜାଭେଦା ଖବର କାଗଜରେ ଏହି କବର ଆସିଥିଲା । ଆମେରିକା ନିଜକୁ ଖୁବ ଶକ୍ତିଶାଳୀ କରିବାକୁ ଚେଷ୍ଟା କରୁଛି । ସୈନ୍ୟ ସଂଖ୍ୟାରେ ନିଜକୁ ଖୁବ ଦୃଢ କରିବାର ପ୍ରୟାସ ଦୁଇ ଦେଶ ସବୁବେଳେ ଜାରି ରଖିଥାନ୍ତି । ଏହି ମଧ୍ୟରେ ଋଷ ତା’ ସୈନିକଙ୍କ ପାଇଁ ବିଶେଷ ପ୍ରକାରର ବଡି ସୁଟ ପ୍ରସ୍ତୁତ କରିଛନ୍ତି । ଜାତୟ ଗଣ ମାଧ୍ୟମର ଖବର ଅନୁସାରେ ଏହାକୁ ପ୍ରସ୍ତୁତ କରିବାର ପ୍ରୟାସ ଆମେରିକା ମଧ୍ୟ କରିଥିଲା, କିନ୍ତୁ ସଫଳତା ପ୍ରଥମେ ଋଷକୁ ମିଳିଲା ।

ଦୀର୍ଘ ସମୟ ଧରି ୟୁଏସ ମିଲିଟ୍ରି ଏହି ପାଓ୍ୱାର ସୁଟକୁ ପ୍ରସ୍ତୁତ କରିବା ପାଇଁ ପ୍ରୟାସ ଜାରି ରଖିଥିଲା । ଏହି ଟାକ୍ଟିକାଲ ଆସଲ୍ଟ ଲାଇଟ ଅପରେଟର ସୁଟ କାର‌୍ୟ୍ୟକ୍ରମ ୨୦୧୩ରେ ଆରମ୍ଭ ହୋଇଥିଲା । ସେ ତା ସୈନ୍ୟଙ୍କ ପାଇଁ ବାହାରର ଆବରଣ ପ୍ରସ୍ତୁତ କରିଥାନ୍ତା । ଏହା ଦ୍ୱାରା ଗୁଳି ଏବଂ ବମ ଆଦି କୌଣସି ପ୍ରକାରର ପ୍ରଭାବ ପକାଇ ପାରିନଥାନ୍ତା । ଏହା ସହିତ ହେଲମେଟ ଏବଂ ବାର୍ତ୍ତାଳପ ପାଇଁ ଦେଖା ଯାଉନଥିବା କମ୍ୟୁନିକେସନ ସିଷ୍ଟମ ପ୍ରସ୍ତୁତି ଆରମ୍ଭ ହୋଇଥିଲା । ଏଥିରେ ପ୍ରାୟ ୮୦ ମିଲିଅନ ଡଲାର ରିସର୍ଚରେ ଲଗାଯାଇଥିଲା । ଏଥିପାଇଁ ୫ ବର୍ଷ ସମୟ ଲାଗିଥାନ୍ତା, କିନ୍ତୁ ୨୦୧୯ରେ ଏହାକୁ ଅସଫଳ ଭାବି ଆମେରିକା ବନ୍ଦ କରିଦେଲା । କିନ୍ତୁ ଏହାକୁ ପ୍ରସ୍ତୁତ କରିବାରେ ଯଥେଷ୍ଟ ସଫଳତା ପାଇଛି ଋଷ ।

ନୂଆଦିଲ୍ଲୀ:  ଦିଲ୍ଲୀର ଧୌଲାକୁଆଁ ରିଙ୍ଗ ରୋଡ ନିକଟରେ ପୋଲିସ ଓ ଆତଙ୍କୀ ଗୁଳିବିନିମୟ । ପୋଲିସ କହିବା ଅନୁସାରେ ଏହି ଏନକାଉଣ୍ଟର ବେଳେ ଜଣେ ଆତଙ୍କବାଦୀ ଧରାପଡିଛି । ଏନକାଉଣ୍ଟରରେ ISIS ଆତଙ୍କବାଦୀ ଗିରଫ ହୋଇଛି । ଗିରଫ ଆତଙ୍କବାଦୀଙ୍କ ନାଁ ହେଉଛି ଅବ୍ବୁ ୟୁସୁଫ୍ । ଦିଲ୍ଲୀ ପୋଲିସ ସ୍ୱତନ୍ତ୍ର ସେଲର ଅପରେସନ ଜାରି ରହିଛି । ISIS ଆତଙ୍କବାଦୀ ନିକଟରୁ ଆଇଇଡି ଜବତ କରାଯାଇଛି । ଦିଲ୍ଲୀ ପୋଲିସ ସ୍ୱତନ୍ତ୍ର ସେଲ ଡିସିପି ପ୍ରମୋଦ ସିଂ କୁଶଓ୍ୱାହଙ୍କ ସୂଚନା ଅନୁସାରେ କରୋନା ସମୟରେ ଦିଲ୍ଲୀରେ ବଡ଼ ଆତଙ୍କବାଦୀ ହମଲା ଯୋଜନା ଥିଲା । ସେ କହିଛନ୍ତି ଯେ, ବର୍ତ୍ତମାନ ଆହୁରୀ ଅଧିକ ଗିରଫ ହୋଇପାରନ୍ତି ।

ସୂଚନାଯୋଗ୍ୟ ଯେ, ଧରାପଡ଼ିଥିବା ଆତଙ୍କବାଦୀ ନିକଟରୁ ଦୁଇଟି ଆଇଡି ଏବଂ ମାରଣାସ୍ତ୍ର ଜବତ କରାଯାଇଛି। ଗତକାଲି ବିଳମ୍ବିତ ରାତିରେ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଏହାର କାର୍ଯ୍ୟ ଆରମ୍ଭ କରିଛି। ଆତଙ୍କବାଦୀ କିଛି ବଡ଼ ଯୋଜନା କରୁଥିଲେ । ତାଙ୍କ ଟାର୍ଗେଟ୍ ପୂର୍ଣ୍ଣ ହେବା ପୂର୍ବରୁ ପୋଲିସ ନିଜ ଅପରେସନ ଆରମ୍ଭ କରିଥିଲା ।

ଦିଲ୍ଲୀ ପୋଲିସ କହିଛି ଯେ, ଆଇଏସଆଇଏସ୍ ଆତଙ୍କବାଦୀମାନେ ଦିଲ୍ଲୀରେ ଏକ ବଡ଼ ଆତଙ୍କୀ ଆକ୍ରମଣ କରିବାକୁ ଯୋଜନା ଚଲାଇଥିଲେ। ଆତଙ୍କବାଦୀଙ୍କ ପ୍ଲାନ୍ ସଫଳ ହେବା ପୂର୍ବରୁ ଫ୍ଲପ୍ ହୋଇଛି ।

ପୋଲିସର ସୂଚନାନୁସାରେ, ଦିଲ୍ଲୀର କିଛି ଲୋକେ ଆକ୍ରମଣ ପାଇଁ ଅବ୍ବୁ ୟୁସୁଫ୍ କୁ ସହଯୋଗ କରିବା ସହ ତାକୁ ମାରଣାସ୍ତ୍ର ଯୋଗାଉଥିଲେ । ସେମାନଙ୍କୁ ଧରିବା ପାଇଁ ପୋଲିସର ଚଢ଼ାଉ ଏବେ ବି ଜାରି ରହିଛି ।