ବୃହସ୍ପତି ଚଳନ ସମୟରେ ଦ୍ୱାଦଶ ରାଶିଙ୍କ ପ୍ରଭାବ
ମେଷ (୧୦ମ ବୃହସ୍ପତି)- ଦଶମ ସ୍ଥାନସ୍ଥ ବୃହଷ୍ପତି ମାନବକୁ ସ୍ଥାନେ ସ୍ଥାନେ କଳହର ସୁତ୍ରପାତ କରାଇ ଅବିଶ୍ୱାସର ବାତାବରଣ ମଧ୍ୟରେ ସ୍ଥାନଚ୍ୟୁତ୍ କରାଇଥାଏ । ସ୍ୱାସ୍ଥ୍ୟହାନୀ ଓ ଧନହାନୀ ହୋଇଥାଏ ।
ବୃଷ- (୯ମ ବୃହସ୍ପତି)- ନବମ ସ୍ଥାନସ୍ଥ ବୃହଷ୍ପତି (ସୁତାର୍ଥ ଲାଭଂ ନବପଞ୍ଚମେଷୁ) ବ୍ୟକ୍ତିକୁ ବହୁ ଦିଗରୁ ଧନ ଲାଭ କରାଇବା ସହିତ ନୂତନ କର୍ମକ୍ଷେତ୍ର ସୃଷ୍ଟି କରାଇଥାନ୍ତି । ପୁତ୍ର ଲାଭ କରାଇଥାଏ । କର୍ମକ୍ଷେତ୍ରରେ ନିଜର ଦକ୍ଷତା ପ୍ରତିପାଦନ କରାଇଥାଏ ।
ମିଥୁନ- (୮ମସ୍ଥ ବୃହସ୍ପତି)- ଅଷ୍ଟମସ୍ଥ ବୃହଷ୍ପତି ଅବସ୍ୟ ଆଧ୍ୟାତ୍ମିକ ଭାବନା ଧାର୍ମିକ ଚେତନାର ଅଭିବୃଦ୍ଧି ହୋଇଥାଏ । ତଥାପି ନାନାବିଧ ରୋଗର ପୀଡ଼ା ଓ କୋଟ କଚେରୀ ଭୟର ସୂଚନା ଥାଏ ।
କର୍କଟ- (୭ମ ବୃହସ୍ପତି)-ସପ୍ତମସ୍ଥ ବୃହଷ୍ପତି ବ୍ୟକ୍ତିକୁ ବୁଦ୍ଧି ତଥା ବିବେଚନା ବିଷୟରେ ନିପୁଣ, ବିଚକ୍ଷଣ କରାଇବା ସହିତ ନିଜର ସୁଲଳିତ ବଚନ ହେତୁ ସର୍ବଜନପ୍ରିୟ କରାଇଥାନ୍ତି । ଧନ ଉପାର୍ଜ୍ଜନ ହୋଇଥାଏ । ସାତ୍ୱିକ ଭୋଜନ, ଉତମା ସ୍ତ୍ରୀ ଓ ଜାନବାହାନ ପ୍ରାପ୍ତି ହୋଇଥାଏ ।
ସିଂହ- (୬ଷ୍ଠ ବୃହସ୍ପତି)-ଷଷ୍ଠସ୍ଥ ବୃହଷ୍ପତି ବ୍ୟକ୍ତିଙ୍କୁ ବହୁ ଦିଗରୁ ଅସାନ୍ତି ପ୍ରଦାନ କରାଇଥାନ୍ତି । ନିଜର ସ୍ୱଜନ ବନ୍ଧୁବାନ୍ଧବ ମିତ୍ରଗୋଷ୍ଠୀ ମାନଙ୍କର ଭାଗ୍ୟୋଦୟ ତଥା ଧନ ସଂପଦର ଅଭିବୃଦ୍ଧି ହେତୁ ଇର୍ଷା ପରାୟଣ ହୋଇ ଅସୁଖୀ କରାଏ ।
କନ୍ୟା- (୫ମ ବୃହସ୍ପତି)- ବ୍ୟକ୍ତିଙ୍କୁ ଅନେକ ସୁଖ ସମୃଦ୍ଧି ତଥା ଧନ ସଂପଦ ପ୍ରଦାନ କରାଇଥାଏ । ଗୃହରେ ପୁତ୍ର ସନ୍ତାନର ଜନ୍ମୋତ୍ସବ ପାଳିତ ହୋଇଥାଏ । ବହୁ ପ୍ରଶଂସା କରାଇଥାଏ । ଅଳଙ୍କାର, ଗୃହଲାଭ ବିବାହାଦି ମାଙ୍ଗଳିକ କାର୍ଯ୍ୟ କରାଏ ।
ତୁଳା- (୪ର୍ଥ ବୃହସ୍ପତି)- ବ୍ୟକ୍ତିକୁ ବହୁବିଧ କଷ୍ଠ ପ୍ରଦାନ କରିଥାଏ । ମାନସିକ କଷ୍ଟ ଏବଂ ବନ୍ଧୁଙ୍କ ଠାରୁ କ୍ଳେଷ ପ୍ରଦାନ କରାଇଥାଏ ।
ବିଛା- (୩ୟ ବୃହସ୍ପତି)- ତୃତୀୟ ସ୍ଥାନସ୍ଥ ବୃହଷ୍ପତି ମନୁଷ୍ୟକୁ ଧର୍ଯ୍ୟହୀନ, ଅସ୍ଥିରମନା ଓ ସ୍ଥାନଚ୍ୟୁତି କରାଇଥାନ୍ତି । କର୍ମକ୍ଷେତ୍ରରେ ସମସ୍ୟା ଉପୁଜାଏ ।
ଧନୁ- (ଦ୍ୱିତୀୟ ବୃହସ୍ପତି)-ବ୍ୟକ୍ତିକୁ ସମସ୍ତ ଦିଗରୁ ସୁଖ ଓ ସୌଭାଗ୍ୟକୁ ଭୋଗ କରାଇଥାନ୍ତି । ଶତୃମାନଙ୍କର ବିନାଶ ହେବା ସହିତ ଧନ ଓ ଆନନ୍ଦ ପ୍ରାପ୍ତ ହୋଇଥାଏ ।
ମକର- (ଜନ୍ମ ବୃହସ୍ପତି)- ଜନ୍ମ ବୃହଷ୍ପତି ରହିଥିବା ସମୟରେ ବ୍ୟକ୍ତିର ସ୍ଥାନ ପରିବର୍ତ୍ତନ ସହିତ ବହୁ କ୍ଷେତ୍ରରେ କଳହ ହୋଇଥାଏ । କପଟତାର ଶିକାର ହୋଇଥାନ୍ତି । ଧନ ନଷ୍ଟର ସୁଚନା ଥାଏ ।
କୁମ୍ଭ- (୧୨ଶ ବୃହସ୍ପତି)- ଦ୍ୱାଦଶ ସ୍ଥାନସ୍ଥ ବୃହଷ୍ପତି କୁମାର୍ଗରେ ଗତି କରାଏ । ବହୁ ଧନ ବ୍ୟୟ ହୋଇଥାଏ । ଉକ୍ତ ସମୟ ମଧ୍ୟରେ ପୁତ୍ରକନ୍ୟାଙ୍କ ବିବାହ ଉତ୍ସୋବରେ ମାତ୍ରାଧିକ ଅର୍ଥ ବ୍ୟୟ ସହିତ ବୃଥା ଭ୍ରମଣରେ ଅର୍ଥ ନଷ୍ଟ ହୁଏ ।
ମୀନ- (୧୧ଦଶ ବୃହସ୍ପତି)- ଏକାଦଶ ବୃହଷ୍ପତି ବହୁ କ୍ଷେତ୍ରରୁ ଧନ ଲାଭ ପ୍ରଦାୟକ ହେବା ସହିତ କ୍ଷେତ୍ର ସ୍ଥାନାଦିର ଲାଭ ଏବଂ ସ୍ୱାସ୍ଥ୍ୟର ଉନ୍ନତି କରାଇଥାଏ ।
ଅଶୁଭ ନିରାକରଣ ଉପାୟ:
ବ୍ରହ୍ମଜଷ୍ଠି ମୂଳ ଧାରଣ । ପାରାକୁ ଦଧିଅନ୍ନ ବଣ୍ଟନ । ମା’ତାରାଙ୍କ ପାଖକୁ ନଡ଼ିଆ ପ୍ରେରଣ (ଖୋର୍ଦ୍ଧା ଜିଲ୍ଲାର ଭୂଷଣ୍ଡପୁରସ୍ଥ ମା-ଉଗ୍ରତାରା, ପୁରୁଷୋତମପୁରର ମା’-ତାରାତାରିଣୀ, ସମ୍ବଲପୁରର ସମଲେଶ୍ୱରୀ କିମ୍ବା ଘଟଗାଁବାସିନୀ ମା-ତାରିଣୀଙ୍କ ଉଦ୍ଦେଶ୍ୟରେ ସମର୍ପିତ) ।
ବାମନପୁରାଣ ପାଠ ଅତ୍ୟନ୍ତ ଶୁଭ । ହଳଦିଆ ବସ୍ତ୍ର, ହରିଦ୍ରା, ଲବଣ, ଗୋ-ଘୃତ, ମସୁର ଡ଼ାଲୀ, ମିଷ୍ଠାର୍ଣ୍ଣ ଗୌରବର୍ଣ୍ଣର ବ୍ରାହ୍ମଣଙ୍କୁ ଗୁରୁବାର ଦାନ ପ୍ରଦାନ କଲେ ଶୁଭ ।
ଜପ ମନ୍ତ୍ର– ଓଁ ବୃଂ ବୃହସ୍ପତେୟ ନମଃ ।
ଓଁ ଅଙ୍ଗିରସାୟ ବିଦ୍ମହେ ଦିବ୍ୟ ଦେହାୟ ଧୀମହି ତନ୍ନୋ ଜୀବଃ ପ୍ରଚୋଦୟାତ୍ ।
