ପାଟଣା: ଲୋକ ଜନଶକ୍ତି ପାର୍ଟି (ଏଲଜିପି)ର ପ୍ରତିଷ୍ଠାତା ତଥା କେନ୍ଦ୍ରମନ୍ତ୍ରୀ ରାମବିଳାଶ ପାଶୱାନଙ୍କ ଗୁରୁବାର ରାତିରେ ଦେହାନ୍ତ ହୋଇଯାଇଛି । ପାଶୱାନଙ୍କ ପରଲୋକ ଖବର ଦେଶବ୍ୟାପୀ ଖେଳି ଯାଇଥିଲା । ହେଲେ ପାଶୱାନଙ୍କ ପ୍ରଥମ ପତ୍ନୀ ରାଜକୁମାରୀ ଦେବୀଙ୍କୁ ଏହି କଥା ଜଣାଇନଥିଲେ । ରାଜକୁମାର ଦେବୀ ହୃଦ୍ ରୋଗୀ ହୋଇଥିବାରୁ ମୃତ୍ୟୁଖବର ତାଙ୍କୁ ଦିଆଯାଇ ନଥିଲା । ତେବେ, ବିଳମ୍ବିତ ରାତିରେ ସେ ପାଶୱାନଙ୍କ ଦେହାନ୍ତ ଖବର ସହ ଶୁଣି କାନ୍ଦି କାନ୍ଦି ତଳେ ପଡ଼ି ଯାଇଥିଲେ ।
ଏଲଜିପି ନେତା ତଥା କେନ୍ଦ୍ରୀୟ ମନ୍ତ୍ରୀ ରାମବିଳାଶ ପାଶୱାନ ଦୁଇଥର ବିବାହ କରିଥିଲେ । ପାଶୱାନ ପ୍ରଥମେ ୧୯୬୦ ମସିହାରେ ବିହାରର ଖଗିଡ଼ୟାର ରାଜକୁମାରୀ ଦେବୀଙ୍କୁ ବିବାହ କରିଥିଲେ । ୧୯୮୨ରେ ହରିୟାଣାର ରୀନାଙ୍କୁ ବାହା ହୋଇଥିଲେ ପାଶୱାନ ।
ପ୍ରଥମ ପତ୍ନୀଙ୍କ ୨ ଝିଅ ଅଛନ୍ତି । ଝିଅଙ୍କ ନାଁ ହେଉଛି- ଉଷା ଓ ଆଶା । ଉଭୟଙ୍କ ବିବାହ ମଧ୍ୟ ସରିଛି । ଦ୍ୱିତୀୟ ପତ୍ନୀ ରୀନାଙ୍କ ଏକ ପୁଅ ଓ ଗୋଟିଏ ଝିଅ ଅଛି ।
ରାମବିଳାଶ ପାଶୱାନ ୧୯୮୧ରେ ପ୍ରଥମ ପତ୍ନୀ ରାଜକୁମାରୀ ଦେବୀଙ୍କୁ ଛାଡ଼ପତ୍ର ଦେଇଥିଲେ । ଲୋକସଭା ନିର୍ବାଚନରେ ଜେଡିୟୁ ପାଶୱାନଙ୍କୁ ଦୁଇ ପତ୍ନୀ ନେଇ ନାମାଙ୍କନରେ ଘେରିଥିଲା । ତାପରେ ପାଶୱାନଙ୍କ ଓକିଲ ନିର୍ବାଚନ ଅଧିକାରୀଙ୍କ ନିକଟରେ ଦସ୍ତାବିଜ୍ ଦାଖଲ କରିଥିଲେ । ଯେଉଁଥିରୁ ରାଜକୁମାରୀଙ୍କୁ ପାଶୱାନ ଛାଡ଼ପତ୍ର ଦେଇଥିବା ଜଣାପଡ଼ିଥିଲା ।
ଗୁରୁବାର କେନ୍ଦ୍ର ମନ୍ତ୍ରୀ ରାମବିଳାଶ ପାଶୱାନଙ୍କ ନିଧନ ଖବର ଚାରିଆଡ଼େ ବ୍ୟାପି ଯାଇଥିଲା । କିନ୍ତୁ, ଏ ଖବରକୁ ପ୍ରଥମ ପତ୍ନୀ ରାଜକୁମାରୀଙ୍କୁ ପ୍ରଥମେ ଦିଆଯାଇ ନଥିଲା । ରାତି ୧୦ଟା ବେଳେ ସେ ଖବର ଜାଣିବା ପରେ କାନ୍ଦି କାନ୍ଦି ତଳେ ପଡ଼ି ଯାଇଥିଲେ ।
ଅଭ୍ୟାସଗତ ଅମାନିଆ ସାଂସଦ ଅପରାଜିତା ଷଡ଼ଙ୍ଗୀ ପୁଣି ନିୟମ ଉଲ୍ଲଂଘନ କରିଛନ୍ତି । ଗତକାଲି ଜନ୍ମଦିନ ପାଳନ ଅବସରରେ କୋଭିଡ୍ କଟକଣାକୁ ଫୁ କରିଛନ୍ତି ମହାସୟା । ନା ମୁହଁରେ ମାସ୍କ ନା ସାମାଜିକ ଦୂରତା । ଅପରାଜିତାଙ୍କ ଜନ୍ମଦିନ ସେଲିବ୍ରେସନ୍ରେ ମସଗୁଲ ଥିଲେ ଶତାଧିକ ସମର୍ଥକ । ନାଚଗୀତରେ ବିଭୋର ହୋଇଥିଲେ ସମସ୍ତେ ।
