spot_img
Home Blog Page 5999

ରାଜଧାନୀରେ କରୋନା ସ୍ଥିତିକୁ ନେଇ ଆକ୍ସନ ମୋଡରେ ବିଏମସି, ଆଜିଠୁ ଜୋରଦାର ହେବ ଚଢ଼ାଉ

ଭୁବନେଶ୍ୱର: ରାଜଧାନୀରେ କରୋନା ସ୍ଥିତିକୁ ନେଇ ଆକ୍ସନ ମୋଡରେ ବିଏମସି । ରାଜଧାନୀର ବିଭିନ୍ନ ସ୍ଥାନରେ ଆଜିଠୁ ଜୋରଦାର ହେବ ଚଢ଼ାଉ । ଏଥିପାଇଁ ସଚେତନତା କାର୍ଯ୍ୟକ୍ରମକୁ ମଧ୍ୟ ତ୍ୱରାନ୍ତିତ କରାଯାଇଛି । ଉଭୟ ସଚେତନତା ଓ କାର୍ଯ୍ୟାନୁଷ୍ଠାନକୁ ଦିଆଯିବ ଗୁରୁତ୍ୱ । ଅପରାହ୍ନରେ ବିମାନ ବନ୍ଦର ଓ ରେଳ ଷ୍ଟେସନରେ ସ୍ଥିତି ଅନୁଧ୍ୟାନ କରିବେ ବିଏମସି କମିଶନର ପ୍ରେମ ଚନ୍ଦ୍ର ଚୌଧୁରୀ । କରୋନା ନିୟମକୁ କଡାକଡି ନଜର ଦେବାକୁ ଏନଫୋର୍ସମେଣ୍ଟ ଟିମକୁ ଅଧିକ ଫୋର୍ସ ମିଳିଛି । ବିଏମସିର ୩ଟି ଯୋନରେ ୬ରୁ ଅଧିକ ସ୍କ୍ୱାର୍ଡ ଚଢ଼ାଉରେ ସାମିଲ ହୋଇଛନ୍ତି ।

XIMB ରେ ପ୍ରଥମ ଦିନ ୨୦୧ ଓ ଗତକାଲି ୮୬ଜଣଙ୍କ ନମୁନା ସଂଗ୍ରହ କରାଯାଇଥିଲା। ସବୁର RTPCR ଟେଷ୍ଟ କରାଯାଇଛି। ସବୁଗୁଡିକ ନେଗେଟିଭ ଆସିଛି । ଆସନ୍ତାକାଲିଠାରୁ ଭୁବନେଶ୍ୱରର ସମସ୍ତ ଶିକ୍ଷାନୁଷ୍ଠାନର ହଷ୍ଟେଲରେ ମଧ୍ୟ ଯାଞ୍ଚ ଓ ଟେଷ୍ଟିଂକୁ କଡାକଡି କରାଯିବ । ଟ୍ରାଇଡେଣ୍ଟ କଲେଜ ହଷ୍ଟେଲରେ ହେବ ପ୍ରଥମ ଟେଷ୍ଟିଂ କରାଯିବ । CRPF ପକ୍ଷରୁ ଟେଷ୍ଟିଂ ପାଇଁ ଆବେଦନ କରାଯାଇଛି । ପର୍ଯ୍ୟାୟ କ୍ରମେ ସବୁ ହଷ୍ଟେଲରେ ହେବ ଟେଷ୍ଟିଂ । ଏଥିପାଇଁ କୋଭିଡ ସଚେତକଙ୍କୁ ପୁନଃ ନିୟୋଜିତ କରାଯିବ ବୋଲି ସୂଚନା ଦେଇଛନ୍ତି ବିଏମସି ଡେପୁଟି କମିଶନର ଶୁଭେନ୍ଦୁ କୁମାର ସାହୁ।

ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ରାଜ୍ୟ ସରକାର ସାମାଜିକ ଦୂରତା ନିୟମକୁ କଡ଼ାକଡ଼ି କରିଛନ୍ତି । ପୋଲିସ ପ୍ରସାଶନ ମଧ୍ୟ କୋଭିଡ ୧୯ ଆଇନର ପାଳନ ନେଇ ବ୍ୟାପକ ଯାଞ୍ଚ ପ୍ରକ୍ରିୟା ଆରମ୍ଭ କରିଛି । ଗତକାଲିଠାରୁ ଏହି ଯାଞ୍ଚ ପ୍ରକ୍ରିୟାକୁ ଅଧିକ କଡ଼ାକଡ଼ି କରାଯାଇଛି । ଓଡ଼ିଶା ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ୨୩ ତାରିଖ ସକାଳୁ, ୨୪ ତାରିଖ ସକାଳ ମଧ୍ୟରେ କୋଭିଡ ଆଇନ ଉଲଙ୍ଘନ ନେଇ ହୋଇଥିବା ଗୋଟିଏ ମାମଲା ରୁଜୁ ହୋଇଥିବାବେଳେ ୧୬ ଜଣଙ୍କୁ ଗିରଫ କରାଯାଇଛି ଓ ୭୬୩ଟି ଗାଡ଼ି ଜବତ କରାଯାଇଛି । ସେହିଭଳି ୨୨,୫୮,୧୦୦( ୨୨ ଲକ୍ଷ ୫୮ ହଜାର ୧୦୦ ଟଙ୍କା) ଜରିମାନା ଆଦାୟ କରାଯାଇଛି ।

ସେହିପରି ଲଗାତାର ଭାବରେ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଦେଶରେ କରୋନାର ଦ୍ୱିତୀୟ ଲହରୀର ଆତଙ୍କ  । ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୪୭ ହଜାର ୨୬୨ ନୂଆ ପଜିଟିଭ  । ଏଥିସହ କରୋନା ନେଇଛି ଆଉ ୨୭୫ ଜୀବନ  । ସେହିପରି ଦିନକରେ କରୋନାରୁ ସୁସ୍ଥ ହୋଇଛନ୍ତି ଆଉ ୨୩ ହଜାର ୯୦୭ ଜଣ ଆକ୍ରାନ୍ତ  । ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୧୭ ଲକ୍ଷ ୩୪ ହଜାର ୫୮ରେ ପହଞ୍ଚିଛି  ।  ଏବେ ସୁଦ୍ଧା ମୋଟ ୧ କୋଟି ୧୨ ଲକ୍ଷ ୫ ହଜାର ୧୬୦ଜଣ ଆକ୍ରାନ୍ତ ସୁସ୍ଥ ହୋଇଥିବା ବେଳଏ,  ୩ ଲକ୍ଷ ୬୮ ହଜାର ୪୫୭ ସକ୍ରିୟ ମାମଲା ରହିଛି  । ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୬୦ ହଜାର ୪୪୧ରେ ପହଞ୍ଚିଛି  । ଦେଶରେ ଦ୍ବିତୀୟ ପର୍ଯ୍ୟାୟ ଟିକାକରଣ ଜାରି ଥିବା ବେଳେ ଏବେ ସୁଦ୍ଧା ୫ କୋଟି ୮ ଲକ୍ଷ ୪୧ ହଜାର ୨୮୬ଜଣଙ୍କୁ ଟିକା ଦିଆଯାଇଛି  ।

୧୯୬ଟି ସୁନାଦୋକାନରେ ଚଢ଼ାଉ, ଓଜନ ମାପରେ ଠକାମିକୁ ନେଇ ୪ଲକ୍ଷ ୪୫ହଜାର ୫୦୦ ଟଙ୍କା ଜୋରିମାନା ଆଦାୟ

ଭୁବନେଶ୍ୱର: ରାଜ୍ୟରେ ୪୮୫୩ଟି ସୁନା ଦୋକାନ ଅଛି । ୨୦୧୮-୧୯ରେ ୩୭୬ଟି ସୁନାଦୋକାନରେ ଚଢ଼ାଉ ହୋଇଥିଲା । ସେହିପରି ୧୯-୨୦ରେ ୪ଶହ ସୁନା ଦୋକାନରେ ଚଢ଼ାଉ ହୋଇଥିଲା । ସେମାନଙ୍କଠାରୁ ୧୨ଲକ୍ଷ ଟଙ୍କା ଜୋରିମାନା ଆଦାୟ କରାଯାଇଥିଲା  । ସେହିପରି ୨୦୨୦-୨୧ ବର୍ଷରେ ୧୯୬ଟି ସୁନାଦୋକାନରେ ଚଢ଼ାଉ କରିବା ଯାଇଥିବା ବେଳେ, ୪ଲକ୍ଷ ୪୫ହଜାର ୫୦୦ ଟଙ୍କା ଜୋରିମାନା ଆଦାୟ କରାଯାଇଛି । ଓଜନମାପରେ ଯେଉଁମାନେ ଠକୁଛନ୍ତି ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉଛି ବୋଲି  ଗୃହରେ ପ୍ରଶ୍ନୋତ୍ତରରେ କହିଛନ୍ତି ଖାଦ୍ୟଯୋଗଣ ଓ ଖାଉଟି କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ  ।

ରାଜ୍ୟରେ ୧୬୦୦ ବିଜ୍ଞାନ ଶିକ୍ଷକ ପଦବୀ ଖାଲି ପଡ଼ିଛି । ସ୍କୁଲ ମାନଙ୍କରେ ବିଜ୍ଞାନଗାର ଖୋଲିବା, ରାଷ୍ଟ୍ରୀୟ ମାଧ୍ୟମିକ ଶିକ୍ଷା ଅଭିଯାନ ଜରିଆରେ ୨୦୧୫-୧୬ ରୁ ୨୦୧୮-୧୯ ମଧ୍ୟରେ ବିଜ୍ଞାନ ଘର ନିର୍ମାଣ ପାଇଁ ୫୨୦ କୋଟି ଟଙ୍କା ପ୍ରଦାନ କରାଯାଇଛି । ବିଜ୍ଞାନ ଉପକରଣ ପାଇଁ ମଧ୍ୟ ୩୫୧ କୋଟି ଟଙ୍କା ପ୍ରଦାନ କରାଯାଇଛି । ୨୫୬୨ ହାଇସ୍କୁଲରେ ବିଜ୍ଞାନ ଗାର ନିର୍ମାଣ କରାଯାଇଛି । ମୋ ସ୍କୁଲ ଯୋଜନାରେ ୪୨୯ଟି ବିଜ୍ଞାନ ଗାର ନିର୍ମାଣ କରିବାକୁ ଯୋଜନା ରହିଛି। ୧୦୦ଟି ଆଦର୍ଶ ବିଦ୍ୟାଳୟ ରେ ବିଜ୍ଞାନଗାର ଅଛି। ସି ଏସ ଆର ଫଣ୍ଡରେ ୮୧୯ ସ୍କୁଲରେ ବିଜ୍ଞାନଗାର ନିର୍ମାଣ କରାଯାଉଛି। ପୋଷ୍ୟ ସ୍କୁଲ ଜରିଆରେ ୧୦୦ଟି ହାଇସ୍କୁଲରେ ବିଜ୍ଞାନଗାର ନିର୍ମାଣ କରାଯାଉଛି। ୧୦୦ ଟି ଉତ୍କର୍ଷ ବିଦ୍ୟାଳୟରେ ବିଜ୍ଞାନଗାର ପ୍ରତିଷ୍ଠା କରିବା କରାଯାଉଛି ବୋଲି ଗୃହରେ କହିଛନ୍ତି ମନ୍ତ୍ରୀ ।  ଏଥିସହ ଉଚ୍ଚଶିକ୍ଷା ଓ କୃଷିମନ୍ତ୍ରୀ ମଧ୍ୟ ଗୃହରେ ଉତ୍ତର ରଖିଛନ୍ତି ।

ଚିନ୍ତା ବଢ଼ାଇଲା କରୋନା, ୧୮ ରାଜ୍ୟରେ ନୂଆ ଭାରିଆଣ୍ଟ

ନୂଆଦିଲ୍ଲୀ: ଦେଶରେ କୋଭିଡ୍ ସଂକ୍ରମଣ ମାମଲା ବଢ଼ିଥିବା ବେଳେ କେନ୍ଦ୍ର ସରକାର ଦେଇଛନ୍ତି ସାଂଘାତିକ ତଥ୍ୟ । ଭାରତରେ କେବଳ କରୋନା କେସ୍ ବଢ଼ୁନାହିଁ ବରଂ ବ୍ରିଟେନ୍ ଷ୍ଟ୍ରେନ୍ ଭଳି ଦେଶରେ ନୂଆ ଭାରିଆଣ୍ଟ ସୃଷ୍ଟି ହୋଇ ସାରିଛି । ଆଉ ସବୁଠୁ ବଡ଼ କଥା ହେଲା ନୂଆ ଭାରିଆଣ୍ଟ ଦେଶର ଗୋଟିଏ କି ଦୁଇଟି ସ୍ଥାନରେ ନୁହେଁ ବରଂ ୧୮ଟି ରାଜ୍ୟରେ ଠାବ ହୋଇଛି ।

କରୋନାର ‘ଡବଲ୍ ମ୍ୟୁଟାଣ୍ଟ ଭାରିଆଣ୍ଟ’ ଦେଶର ୧୮ଟି ରାଜ୍ୟରେ ମିଳିଛି । ଏହାଛଡ଼ା ଦେଶର ବିଭିନ୍ନ ସ୍ଥାନରେ ଅଲଗା ଷ୍ଟ୍ରେନ୍ ମଧ୍ୟ ଚିହ୍ନଟ ହୋଇଛି । ଏହାକୁ ନେଇ ଦେଶରେ କରୋନାର ଦ୍ୱିତୀୟ ଲହର ଆଶଙ୍କା କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ।

ଦେଶରେ ନୂଆ ଭାରିଆଣ୍ଟ ଚିହ୍ନଟ ହୋଇଥିବା ବେଳେ ଏହା ଅତ୍ୟଧିକ ମାତ୍ରାରେ ନାହିଁ । ତଥାପି ସ୍ଥିତି ଉପରେ ନଜର ରଖାଯାଇଥିବା ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି । ଦେଶରେ ୧୦ ହଜାର ୭୮୭ଟି ଜିନୋମ ସିକ୍ୱେନସିଂ କରାଯାଇଥିବା ବେଳେ ୭୩୬ଟି ମାମଲା ବ୍ରିଟେନ୍ ଷ୍ଟ୍ରେନର ହୋଇଥିବା ବେଳେ ୩୪ଟି ଦକ୍ଷିଣ ଆଫ୍ରିକା ଷ୍ଟ୍ରେନର । ସେହିଭଳି ଗୋଟିଏ ମାମଲା ବ୍ରାଜିଲ ଷ୍ଟ୍ରେନର ହୋଇଥିବା ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି ।

ଜିନୋମ ସିକ୍ୱେନସିଂ ପରେ ହିଁ ସମ୍ପୂର୍ଣ୍ଣ ଜେନେଟିକ୍ ଅର୍ଗାନିଜମ ନେଇ ଜଣାପଡ଼ିବ । ଦେଶର ୧୦ଟ ଜାତୀୟ ଲାବରେ ଏନେଇ ଗବେଷଣା ଚାଲିଛି । ବିଦେଶରୁ ଆସିଥିବା କରୋନା ପଜିଟିଭ ଓ ତାଙ୍କ ସମ୍ପର୍କରେ ଆସିଥିବା ଲୋକଙ୍କ ଠାରୁ ନମୁନା ସଂଗ୍ରହ କରାଯାଇ ଜିନୋମ ଟେଷ୍ଟ କରାଯାଇଥାଏ ।

ଆମୀର ଖାନ୍ କରୋନା ସଂକ୍ରମିତ, ଘରେ ହେଲେ କ୍ୱାରେଣ୍ଟାଇନ୍

ମୁମ୍ବାଇ: ଦେଶରେ ହୁ ହୁ ହୋଇ ବଢ଼ୁଛି କରୋନା ସଂକ୍ରମଣ । ପୂର୍ବରୁ ବଲିଉଡ ଇଣ୍ଡଷ୍ଟ୍ରିର ବହୁତ ଲୋକ ବି କରୋନା ସଂକ୍ରମିତ ହୋଇଥିଲେ । ଆଉ ଏବେ କୋଭିଡର ଦ୍ୱତୀୟ ଲହରିରେ ବଲିଉଡର ମିଷ୍ଟ ପରଫେକଶନିଷ୍ଟ ଆମିର ଖାନ୍ ବି ସଂକ୍ରମିତ ହୋଇଛନ୍ତି । ତାଙ୍କର କରୋନା ରିପୋର୍ଟ ପଜିଟିଭ ଆସିବା ପରେ ସେ ହୋମ କ୍ୱରେଣ୍ଟାଇନରେ ଅଛନ୍ତି।

ଆମୀର‌ଙ୍କ ମୁଖପାତ୍ର  କହିଛନ୍ତି, ‘ଏବେ ଆମୀରଙ୍କ କୋଭିଡ-୧୯ ରିପୋର୍ଟ ପଜିଟିଭ ଆସିଛି । ତାଙ୍କ ସ୍ୱାସ୍ଥ୍ୟାବସ୍ଥା ଭଲ ଅଛି। ଆମୀର ଏବେ ହୋମ କ୍ୱାରେଣ୍ଟାଇନ୍‌ରେ ଅଛନ୍ତି। ସେ ଡାକ୍ତରଙ୍କ ପରାମର୍ଶ ଅନୁଯାୟୀ କରୋନାର ସବୁ ନିୟମ ପାଳନ କରୁଛନ୍ତି।’ ଏଥିସହିତ ସେ ଗତ କିଛି ଦିନ ଭିତରେ ଆମିରଙ୍କ ସହିତ ଯେଉଁମାନେ ସମ୍ପର୍କରେ ଆସିଥିଲେ ସେମାନଙ୍କୁ ସେ କରୋନା ଟେଷ୍ଟ କରାଇବା ପରାମର୍ଶ ଦେଇଛନ୍ତି।

ସୂଚନାଯୋଗ୍ୟ, ବଲିଉଡରେ କରୋନା ତା’ର କାୟା ବିସ୍ତାର କରି ଚାଲିଛି। ଜଣଙ୍କ ପରେ ଜଣେ ସେଲେବ୍ରିଟି ଏହାର ଶିକାର ହେଉଛନ୍ତି। ଆମୀରଙ୍କ ପୂର୍ବରୁ ରଣବୀର କପୁର, ବରୁଣ ଧୱନ, ନୀତୁ ସିଂହ, ମନୋଜ ବାଜପାୟୀ, ଅନୁପମ ଖେର୍, ଅମିତାଭ ବଚ୍ଚନ, ଐଶ୍ୱରିୟା ରାଇବଚ୍ଚନ, ଅଭିଷେକ ବଚ୍ଚନ ଓ ସଂଜୟ ଲୀଲା ଭଂସାଲିଙ୍କ ଭଳି ଅନେକ ସେଲେବ୍ରିଟି କରୋନାରେ ଆକ୍ରାନ୍ତ ହୋଇସାରିଲେଣି। ନିକଟରେ କାର୍ତ୍ତୀକ ଆର୍ଯ୍ୟନ ବି କରୋନା ଆକ୍ରାନ୍ତ ହୋଇଛନ୍ତି ।

ରବିବାର ଶ୍ରୀମନ୍ଦିରରେ ବନ୍ଦ ହୋଇପାରେ ସର୍ବସାଧାରଣ ଦର୍ଶନ

ପୁରୀ: ବଢ଼ୁଛି କରୋନା, ଫେରୁଛି କଟକଣା । ରାଜ୍ୟରେ କରୋନା ସଂକ୍ରମଣ ବଢ଼ିଥିବା ବେଳେ ମଙ୍ଗଳବାର ଶ୍ରୀମନ୍ଦିର ଛତିଶା ନିଯୋଗ ବୈଠକ ବସିଥିଲା । ଶ୍ରୀମନ୍ଦିରକୁ ବିଶୋଧନ ଲାଗି ଗୋଟିଏ ଦିନ ସର୍ବସାଧାରଣ ଦର୍ଶନ ବନ୍ଦ ରଖିବାକୁ ବୈଠକରେ ପ୍ରସ୍ତାବ ଆସିଛି । ଆସନ୍ତା ଦିନେ ଦୁଇଦିନ ମଧ୍ୟରେ ଏନେଇ ଶ୍ରୀମନ୍ଦିର ପ୍ରଶାସନ ଚୂଡ଼ାନ୍ତ ନିଷ୍ପତ୍ତି ନେବ ।

Puri Jagannath Temple Likely To Close In Sunday In View  Of Covid19

କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ସମସ୍ତ ଶ୍ରଦ୍ଧାଳୁ ସାମାଜିକ ଦୂରତା ରକ୍ଷା ପାଇଁ ପ୍ରଶାସନ ନିବେଦନ କରିଛି । ସମସ୍ତ ସେବାୟତଙ୍କୁ ଟିକା ଦିଆଯିବା ନେଇ ବୈଠକରେ ନିଷ୍ପତ୍ତି ହୋଇଛି । ସେହିପରି ଆଗକୁ ରଥଯାତ୍ରା ଥିବାରୁ ରଥ ନିର୍ମାଣରେ ନିୟୋଜିତ ଭୋଇ ଓ ମହାରଣା ସେବକଙ୍କୁ ମଧ୍ୟ ସମୟ ପୂର୍ବରୁ ଟିକାକରଣ କରାଯିବ । ଆସନ୍ତା ୨୮ରେ ଦୋଳପୂର୍ଣ୍ଣିମା, ସୁନାବେଶକୁ ଶୃଙ୍ଖଳିତ କରିବା ପାଇଁ ବୈଠକରେ ଆଲୋଚନା କରାଯାଇଛି ।

ବେଶ ଲାଗି ହୋଇଥିବା ବିବାଦ ନେଇ ଦୁଇ ସେବାୟତ ନିଯୋଗ ସହିତ ଜିଲ୍ଲାପାଳ ଆଲୋଚନା କରିବାକୁ ନିଷ୍ପତ୍ତି ହୋଇଛି । ମେଣ୍ତା ପୋଡ଼ି, ଦୋଳପୂର୍ଣ୍ଣମୀ, ସୁନାବେଶ ନୀତିକାନ୍ତିକୁ ଅନୁମୋଦନ କରିଛି ଛତିଶା ନିଯୋଗ । ନିଳାଦ୍ରୀ ଭକ୍ତ ନିବାସରେ ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଜିଲ୍ଲାପାଳ, ଏସପି, ଛତିଶା ନିଯୋଗ ନାୟକଙ୍କ ସହ ସମସ୍ତ ସେବାୟତ ନିଯୋଗର ପ୍ରତିନିଧି ମାନେ ଯୋଗ ଦେଇଥିଲେ ।

ଓଡ଼ିଆଙ୍କ ମନ ଜିଣୁଛି ମିଲେଟ ମିଶନ, ରାଜ୍ୟରେ ୨୪ ହଜାର ୩୨୪ ଚାଷୀ କରିଛନ୍ତି ମାଣ୍ଡିଆ ଚାଷ

ଭୁବନେଶ୍ୱର: ଓଡ଼ିଆଙ୍କ ମନ ଜିଣୁଛି ମିଲେଟ ମିଶନ । ଦିନକୁ ଦିନ ବଢୁଛି ମାଣ୍ଡିଆ ଚାହିଦା । ୨୦୧୮-୧୯ରେ ୫ ହଜାର ୭୪୦ ଜଣ ଚାଷୀ ମାଣ୍ଡିଆ ଚାଷ କରୁଥିବା ବେଳେ ୨୦୨୦-୨୧ରେ ୨୪ହଜାର ୩୨୪ ଚାଷୀ ମାଣ୍ଡିଆ ଚାଷ କରିଛନ୍ତି। ସେହିପରି ମାଣ୍ଡିଆ ଉତ୍ପାଦନ ବଢିଛି । ୨୦୧୮-୧୯ରେ ୧୮ ହଜାର କୁଇଣ୍ଟାଲ, ୨୦୧୯-୨୦ରେ ୯୪ ହଜାର କୁଇଣ୍ଟାଲ ଓ ୨୦୨୦-୨୧ ରେ ୧ଲକ୍ଷ ୯୪ ହଜାର ୪୮୦ କୁଇଣ୍ଟାଲ ମାଣ୍ଡିଆ ଉତ୍ପାଦନ ହୋଇଛି । ବିଧାନସଭା ପ୍ରଶ୍ନକାଳରେ କୃଷି ମନ୍ତ୍ରୀ ଅରୁଣ ସାହୁ ଏହି ସୂଚନା ଦେଇଛନ୍ତି ।

ଅନ୍ୟପଟେ ଦରଦାମ୍ ବୃଦ୍ଧି ପ୍ରସଙ୍ଗରେ ବିଧାନସଭାରେ କଂଗ୍ରେସ ସଦସ୍ୟଙ୍କ ହୋହଲ୍ଲା । ଗୃହରେ ଅତ୍ୟାବଶ୍ୟକ ସାମଗ୍ରୀର ଦରଦାମ ବୃଦ୍ଧି ପ୍ରସଙ୍ଗ ଉଠାଇଥିଲେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି । ଖାଇବା ତେଲ, ଡିଜେଲ ପେଟ୍ରୋଲ, ରନ୍ଧନ ଗ୍ୟାସ ଦରବୃଦ୍ଧି ପ୍ରସଙ୍ଗରେ ସଂକଳ୍ପ ନେଇ ବିଧାନସଭାରେ ଆଲୋଚନା କରିବା ପାଇଁ ଦାବି କରିଥିଲେ । ଏହାକୁ ନେଇ ଗୃହର ମଧ୍ୟ ଭାଗରେ ଧାରଣାରେ ବସିଥିଲେ କଂଗ୍ରେସ ବିଧାୟକ। ଦରଦାମ୍ ବୃଦ୍ଧି ପ୍ରସଙ୍ଗରେ ଟ୍ୟାକ୍ସ କମାଇବାକୁ ଦାବି କରିଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଗୃହରେ କଂଗ୍ରେସ ବିଧାୟକଙ୍କ ହଟ୍ଟଗୋଳ ପାଇଁ ଅପରାହ୍ନ ୪ଟା ଯାଏଁ ଗୃହକୁ ମୁଲତବି କରିଛନ୍ତି ବାଚସ୍ପତି ।

 

Corona Effect: ତେଲେଙ୍ଗାନାରେ ବନ୍ଦ ହେଲା ସମସ୍ତ ଶିକ୍ଷାନୁଷ୍ଠାନ

ହାଇଦ୍ରାବାଦ: ଦିନକୁ ଦିନ ଦେଶରେ କରୋନା ସଂକ୍ରମଣର ସଂଖ୍ୟା ବଢ଼ିବାରେ ଲାଗିଛି । ତେଲେଙ୍ଗାନାରରେ ମଧ୍ୟ ଏହା ହୁ ହୁ ହୋଇ ବଢ଼ବାରେ ଲାଗିଛି । ବିଷେଷ କରି ଛାତ୍ରଛାତ୍ରୀମାନେ ବେଶି ସଂକ୍ରମିତ ହେଉଛନ୍ତି । ତେଣୁ ଏହାକୁ ଦୃଷ୍ଟିରେ ରଖି ତେଲେଙ୍ଗାନା ସରକାର ରାଜ୍ୟର ଗତ ମଙ୍ଗଳବାର ରାଜ୍ୟର ସମସ୍ତ ଶିକ୍ଷାନୁଷ୍ଠାନକୁ ବୁଧବାରଠୁ ଅସ୍ଥାୟୀ ଭାବେ ବନ୍ଦକରିବାକୁ ଘୋଷଣା କରିଥିଲେ । ତେବେ ଆଜିଠୁ ରାଜ୍ୟର ସମସ୍ତ ସ୍କୁଲ ଓ କଲେଜ ବନ୍ଦ ହୋଇଛି ।  ତେବେ ଅନଲାଇନ କ୍ଲାସ ଜାରି ରହିବ ଏବଂ ପରୀକ୍ଷା ଘୁଞ୍ଚାଇବା ନେଇ ମଧ୍ୟ କୌଣସି ନିଷ୍ପତ୍ତି ହୋଇନାହିଁ ।

ରାଜ୍ୟ ବିଧାନସଭାରେ ଶିକ୍ଷା ମନ୍ତ୍ରୀ ସବିତା ଇନ୍ଦିରା ରେଡ୍ଡୀ କହିଛନ୍ତି ଯେ ଏହି ବନ୍ଦ ଆଦେଶ ସମସ୍ତ ସରକାରୀ ତଥା ବେସରକାରୀ ଶିକ୍ଷାନୁଷ୍ଠାନ, ହଷ୍ଟେଲ ଏବଂ ଗୁରୁକୁଲ ପ୍ରତିଷ୍ଠାନ ଉପରେ ଲାଗୁ ହେବ। କିନ୍ତୁ ମେଡିକାଲ କଲେଜଗୁଡ଼ିକରେ ଲାଗୁ ହେବ ନାହିଁ। ଛାତ୍ରମାନଙ୍କ ପାଇଁ ଅନଲାଇନ୍ କ୍ଲାସ୍ ଜାରି ରହିବ ବୋଲି ସେ କହିଛନ୍ତି। ମନ୍ତ୍ରୀ କହିଛନ୍ତି ଯେ କୋଭିଡ -19 ମାମଲାରେ ଅଭିଭାବକମାନେ ଚିନ୍ତା ପ୍ରକଟ କରିଛନ୍ତି ଏବଂ ଶିକ୍ଷାନୁଷ୍ଠାନଗୁଡ଼ିକୁ ଅସ୍ଥାୟୀ ବନ୍ଦ କରିବାକୁ ଦାବି କରିଛନ୍ତି। ତେଣୁ ସମୀକ୍ଷା ପରେ ରାଜ୍ୟ ସରକାର ମାର୍ଚ୍ଚ ୨୪ ରୁ ସମସ୍ତ ଶିକ୍ଷାନୁଷ୍ଠାନକୁ ସାମୟିକ ଭାବେ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି।

ସୂଚନାଯୋଗ୍ୟ , ଗତ କିଛିଦିନ ମଧ୍ୟରେ ତେଲେଙ୍ଗାନାର ବିଭିନ୍ନ ଘୋରଇ ସ୍କୁଲ, କଲେଜ ଓ ହଷ୍ଟେଲରୁ ପାକାପାଖି ୬୦୦ ଜଣ କରୋନା ପଜିଟିଭ ଚିହ୍ନଟ ହୋିଛନ୍ତି । ତେଣୁ ଅଭିଭାବକ ମାନେ  ନିଜ ପିଲାଙ୍କୁ ସ୍କୁଲ ପଠାଇବା ନେଇ ଚିନ୍ତା ପ୍ରକଟ କରିବାରୁ ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି । କରୋନା କଟକଣା ପାଇଁ ଦୀର୍ଘ ୧୦ ମାସ ହେଲା ବନ୍ଦ ଥିବା ଶିକ୍ଷାନୁଷ୍ଠାନ ଗତ ଫେବୃଆରୀ ୧ ରେ ଖୋଲିଥିଲା । ହେଲେ ବର୍ତ୍ତମାନ ଦେଶରେ କରୋନାର ଦ୍ୱିତୀୟ ଲହରୀର ପ୍ରଭାବ ହେତୁ ମାତ୍ର ୫୧ ଦିନରେ ହିଁ ରାଜ୍ୟର ସମସ୍ତ ଶିକ୍ଷାନୁଷ୍ଟାନଗୁଡ଼ିକୁ ପୁଣିଥରେ ଅସ୍ଥାୟୀ ଭାବେ ବନ୍ଦ କରି୍ଦିଆଯାଇଛି ।

ସୁପ୍ରିମକୋର୍ଟରେ ପରମବୀର ସିଂହଙ୍କ ଆବେଦନ ଖାରଜ, ‘ମାମଲା ଗମ୍ଭୀର, ପ୍ରଥମେ ଯାଅ ହାଇକୋର୍ଟ’

ନୂଆଦିଲ୍ଲୀ: ପୂର୍ବତନ ମୁମ୍ବାଇ ପୋଲିସ କମିଶନରଙ୍କ ଆବେଦନକୁ ସୁ୍ପ୍ରିମକୋର୍ଟ ଖାରଜ କରି ଦେଇଛନ୍ତି । ମହାରାଷ୍ଟ୍ର ଗୃହମନ୍ତ୍ରୀ ଅନୀଲ ଦେଶମୁଖଙ୍କ ବିରୋଧରେ ପରମବୀର ଚାନ୍ଦା ଆଦାୟ ଅଭିଯୋଗ ଆଣି ସୁପ୍ରିମକୋର୍ଟ ଯାଇଥିଲେ । ପରମବୀରଙ୍କ ପକ୍ଷରୁ ଦାଏର ମାମଲାକୁ ସର୍ବୋଚ୍ଚ ଅଦାଲତ ଗମ୍ଭୀର ବୋଲି କହିଛନ୍ତି । ଏଥିସହ ଏହି ମାମଲାକୁ କାହିଁକି ସୁପ୍ରିମକୋର୍ଟ ଶୁଣାଣି କରିବେ, ହାଇକୋର୍ଟ କାହିଁକି ନୁହେଁ ବୋଲି କୋର୍ଟ ପ୍ରଶ୍ନ କରିଛନ୍ତି ।

SC Dismissed Parambir Singh's Plea On Anil Deshmukh

ଏଥିସହ ପରମବୀରଙ୍କ ମୁକୁଲ ରୋହତଗୀଙ୍କ କୋର୍ଟ ପ୍ରଶ୍ନ କରିଛନ୍ତି । ୨୨୬ ଅନୁସାରେ କାହିଁକି ମାମଲାର ଶୁଣାଣି ହେବ ନାହିଁ । ଆପଣ କାହିଁକି ସିଧା ସୁପ୍ରିମକୋର୍ଟ ଆସୁଛନ୍ତି, ହାଇକୋର୍ଟ ଯାଉନାହାଁନ୍ତି ବୋଲି କୋର୍ଟ ପ୍ରଶ୍ନ କରିଥିବା ବେଳେ ମୁକୁଲ ରୋହତଗୀ କହିଛନ୍ତି- ଆମେ କୋର୍ଟ ଯିବୁ, ଆପଣ ଆସନ୍ତାକାଲି ଶୁଣାଣି ଲାଗି ନିର୍ଦ୍ଦେଶ ଦିଅନ୍ତୁ ।

ଆଣ୍ଟିଲିଆ ମାମଲାରେ ଏନଆଇଏ ତନାଘନା ପରେ କ୍ରାଇମବ୍ରାଞ୍ଚ ସ୍ପେଶାଲର ଆଇପିଏସ୍ ସଚିନ ୱାଜେଙ୍କୁ ଗିରଫ କରିଥିଲା । ଏହା ପରେ ପରେ ମହାରାଷ୍ଟ୍ର ସରକାର ମୁମ୍ବାଇ ପୋଲିସ କମିଶନର ପଦରୁ ପରମବୀର ସିଂହଙ୍କୁ ଅପସାରଣ କରିଥିଲେ । ପଦରୁ ଅପସାରଣ ପରେ ପରମବୀର ମହାରାଷ୍ଟ୍ର ଗୃହମନ୍ତ୍ରୀ ଅନୀଲ ଦେଶମୁଖ ମାସିକ ୧୦୦ କୋଟି ଟଙ୍କା ଚାନ୍ଦା ସଚିନ ୱାଜେଙ୍କୁ ମାଗୁଥିବା ନେଇ ଅଭିଯୋଗ କରିବା ସହ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ।

SC Dismissed Parambir Singh's Plea On Anil Deshmukh

ଏହି ମାମଲାକୁ ମହାରାଷ୍ଟ୍ର ରାଜନୀତି ଉଠୁଥିବା ପଡ଼ୁଥିବା ବେଳେ ଦେବେନ୍ଦ୍ର ଫଡ଼ନାବିସଙ୍କ ନେତୃତ୍ୱରେ ବିରୋଧୀ ରାଜ୍ୟପାଳଙ୍କୁ ଭେଟିଛନ୍ତି । ଅନ୍ୟପଟେ ପରମବୀରଙ୍କ ପକ୍ଷରୁ ଦାଏଲ୍ ମାମଲାକୁ ସୁପ୍ରିମକୋର୍ଟ ଖାରଜ କରିବା ସହ ହାଇକୋର୍ଟ ଯିବାକୁ ନିର୍ଦ୍ଦେଶ ଦେଇଛନ୍ତି ।

ରାଜ୍ୟରେ ଦେଢଶହ ପାର କରୋନା ଆକ୍ରାନ୍ତଙ୍କ ସଂଖ୍ୟା, ୨୪ ଘଣ୍ଟାରେ ୧୭୦ ପଜିଟିଭ

ଭୁବନେଶ୍ୱର: ରାଜ୍ୟରେ ଦେଢଶହ ପାର କରୋନା ଆକ୍ରାନ୍ତଙ୍କ ସଂଖ୍ୟା । ଗତ ୨୪ ଘଣ୍ଟାରେ ରାଜ୍ୟରେ ୧୭୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୯୯ ଓ ଲୋକାଲ କଣ୍ଟାକ୍ଟ ୭୧ ଜଣ ଚିହ୍ନଟ ହୋଇଛନ୍ତି ।

ସେଥିମଧ୍ୟରୁ ଅନୁଗୁଳରୁ ୨, ବାଲୋଶ୍ୱରରୁ ୭, ବରଗଡ଼ରୁ ୨, ଭଦ୍ରକରୁ ୧, ବଲାଙ୍ଗିରରୁ ୫, କଟକରୁ ୨୩, ଦେଓଗଡ଼, ଗଜପତି ଏବଂ ଗଞ୍ଜାମରୁ ଜଣଏ ଲେଖାଏଁ, ଯାଜପୁରୁ ୫, ଝାରସୁଗୁଡ଼ାରୁ ୭, କଳାହାଣ୍ଡିରୁ ୮, କେନ୍ଦ୍ରପଡ଼ାରୁ ୧, କେଉଁଝରରୁ ୨, ଖୋର୍ଦ୍ଧାରୁ ୨୩, ମୟୂରଭଞ୍ଜରୁ ୮, ନୂଆପଡ଼ାରୁ ୨୭, ପୁରୀରୁ ୪, ରାୟଗଡ଼ାରୁ ୨, ସମ୍ବଲପୁରରୁ ୭, ସୋନପୁରରୁ ୧, ସୁନ୍ଦରଗଡ଼ରୁ ୨୨ ଏବଂ ଷ୍ଟେଟ ପୁଲରୁ ୬ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

ଏଥିସହ ୨୪ ଘଣ୍ଟା ମଧ୍ୟରେ ୬୦ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ବର୍ତ୍ତମାନ ସମୁଦାୟ କରୋନା ପଜିଟିଭ ସଂଖ୍ୟା ୩୩,୯୨,୨୬୬ ଜଣ ଥିବା ବେଳେ ୧୦୦୮ ଟି ଆକ୍ଟିଭ କେସ ରହିଛି ।

ଜଷ୍ଟିସ୍ ଏନ୍.ଭି ରମଣ ହେବେ ସୁପ୍ରିମକୋର୍ଟର ପ୍ରଧାନ ବିଚାରପତି

ନୂଆଦିଲ୍ଲୀ: ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ୍ ଏନ୍.ଭି ରମଣ । ଏନେଇ ପ୍ରଧାନ ବଚିରପତି ଜଷ୍ଟିସ୍ ଏସ୍.ଏ ବୋବଡେ ତାଙ୍କ ନାଁ ସୁପାରିସ୍ କରିଛନ୍ତି । ସୁପ୍ରିମକୋର୍ଟର ୪୮ତମ ପ୍ରଧାନ ବିଚାରପତି ଲାଗି ଜଷ୍ଟିସ୍ ବୋବଡେ କେନ୍ଦ୍ର ସରକାରଙ୍କୁ ଜଷ୍ଟିସ୍ ଏନ୍.ଭି ରମଣଙ୍କ ନାଁ ସୁପାରିସ୍ କରିଛନ୍ତି । ଏପ୍ରିଲ୍ ୨୩ରେ ଜଷ୍ଟିସ୍ ଏସ୍.ଏ ବୋବଡେ ଅବସର ନେଉଥିବାରୁ ଜଷ୍ଟିସ୍ ଏନ୍.ଭି ରମଣ ଏପ୍ରିଲ୍ ୨୪ରେ ଦାୟିତ୍ୱ ଗ୍ରହଣ କରିବେ ।

CJI SA Bobde Recommends Justice NV Ramana as Successor

ପ୍ରଧାନ ବିଚାରପତିଙ୍କ ପରେ ସୁପ୍ରିମକୋର୍ଟରେ ବରିଷ୍ଠ ଓକିଲ ହେଉଛନ୍ତି ଜଷ୍ଟିସ୍ ରମଣ । ସେ ୨୦୧୪ ଫେବ୍ରୁଆରୀ ୭ରେ ନିଯୁକ୍ତ ହୋଇଥିବା ବେଳେ ୨୦୨୨ ଅଗଷ୍ଟ ୨୬ରେ ତାଙ୍କ କାର୍ଯ୍ୟକାଳ ସରିବ । ୧୯୮୩ ମସିହା ଫେବ୍ରୁଆରୀ ମାସରେ ଆନ୍ଧ୍ରପ୍ରଦେଶ ହାଇକୋର୍ଟରେ ଆଇନଜୀବୀ ଭାବେ ଜଷ୍ଟିସ୍ ରମଣ କାର୍ଯ୍ୟ ଆରମ୍ଭ କରିଥିଲେ । ଏଥିସହ ସେ ବିଭିନ୍ନ ସରକାରୀ ବିଭାଗ ଲାଗି ପରାମର୍ଶଦାତା ଭାବେ କାର୍ଯ୍ୟ କରିଛନ୍ତି ।

CJI SA Bobde Recommends Justice NV Ramana as Successor

ତେବେ ଆନ୍ଧ୍ରପ୍ରଦେଶ ହାଇକୋର୍ଟରୁ ପ୍ରଥମ ବିଚାରପିତ ଭାବେ ଜଷ୍ଟିସ୍ ରମଣ ପ୍ରଧାନ ବିଚାରପତି ହେବେ । ବହୁଚର୍ଚ୍ଚିତ ଅଯୋଧ୍ୟା ରାମ ମନ୍ଦିର ରାୟ ଦେଇଥିବା ସୁପ୍ରିମକୋର୍ଟର ପାଞ୍ଚ ଜଣିଆ ଖଣ୍ଡପୀଠରେ ଜଷ୍ଟିସ୍ ରମଣ ସାମିଲ୍ ଥିଲେ ।