spot_img
Home Blog Page 5977

ଖୋର୍ଦ୍ଧା ଜିଲ୍ଲାରୁ ୩୩, ଭୁବନେଶ୍ୱରରୁ ୩୨

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ପୁଣି ବଢ଼ିଥିବା ବେଳେ ଗତ ୨୪ ଘଣ୍ଟାରେ ଖୋର୍ଦ୍ଧା ଜିଲ୍ଲାରୁ ୩୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ୩୩ ଆକ୍ରାନ୍ତଙ୍କ ମଧ୍ୟରୁ ୩୨ ଜଣ କେବଳ ଭୁବନେଶ୍ୱରରୁ ଥିବା ଜଣାପଡ଼ିଛି । ସେଥିମଧ୍ୟରୁ ଏଲିଏନ ଶିକ୍ଷାନୁଷ୍ଠାନରୁ ସର୍ବାଧିକ ୭ ଜଣ ସଂକ୍ରମିତ ଥିବା ବେଳେ ପଟିଆ ସ୍ଥିତ ଓଡିଏମ ପବ୍ଲିକ ସ୍କୁଲରୁ ୩ ଜଣ ଥିବା ବିଏମସି ପକ୍ଷରୁ ସୂଚନା ଦିଆଯାଇଛି ।

ଏଥିସହ ପଢ଼ନ୍ତୁ- ଶିକ୍ଷାନୁଷ୍ଠାନରେ ବ୍ୟାପୁଛି କରୋନା, ଘରୋଇ କଲେଜରେ ୩୨ ପଜିଟିଭ୍

ଓଡିଏମ ସ୍କୁଲରୁ ଚିହ୍ନଟ ୩ ସଂକ୍ରମିତ ନିଜ ଘରେ ସଂଗରୋଧରେ ଅଛନ୍ତି । ଏଲିଏନ ଶିକ୍ଷାନୁଷ୍ଠାନରେ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବା ଚିନ୍ତା ବଢ଼ାଇଛି । ପୂର୍ବରୁ ଦୁଇଟି ପର୍ଯ୍ୟାୟରେ ୩୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଆଜି ପୁଣି ୭ ଜଣଙ୍କୁ ମିଶାଇ ଏହି ଶିକ୍ଷାନୁଷ୍ଠାନରେ ଆକ୍ରାନ୍ତଙ୍କ ସଂଖ୍ୟା ୪୧ରେ ପହଞ୍ଚିଛି ।

ଗତ ୨୪ ଘଣ୍ଟାରେ ବିଏମସି ଅଞ୍ଚଳରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୬ ଜଣ ପୂର୍ବ ସଂକ୍ରମିତଙ୍କ ସଂସ୍ପର୍ଶରେ ଆସି ଆକ୍ରାନ୍ତ ହୋଇଥିବା ବେଳେ ଅବଶିଷ୍ଟ ୨୬ ଜଣ ସ୍ଥାନୀୟ ସଂକ୍ରମିତ । ଭୁବନେଶ୍ୱରରେ ବିଭିନ୍ନ ଅଞ୍ଚଳରୁ ବିକ୍ଷିପ୍ତ ଭାବେ ସ୍ଥାନୀୟ ସଂକ୍ରମିତ ଚିହ୍ନଟ ହେଉଥିବାରୁ ସଂକ୍ରମଣକୁ ରୋକ ଲଗାଇବାକୁ ବିଏମସି ନିଜର ରଣନୀତି ବଦଳାଇବାକୁ ଚିନ୍ତା କରୁଛି ।

ଜଙ୍ଗଲ ରାସ୍ତାରେ ଦି’ ଦିନ ଗାଡ଼ି ଚଲାଇଲେ ମୁଖ୍ୟମନ୍ତ୍ରୀ, ଭିଡ଼ିଓ ଭାଇରାଲ୍

ଇଟାନଗର: ଅରୁଣାଚଳ ପ୍ରଦେଶର ସିଏମ ପେମା ଖାଣ୍ଡୁଙ୍କ ଏକ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ମିଆଓରୁ ନିଜେ ବିଜୟନଗର ଅଭିମୁଖେ ଗାଡ଼ି ଚଳାଉଥିବାର ଚିତ୍ର ସେ ସୋସିଆଲ୍ ମିଡିଆରେ ସେୟାର କରିଛନ୍ତି । ପେମା ଖାଣ୍ଡୁ ବିଜୟନଗରରେ ରହୁଥିବା ୟବିନ୍ ଜନଜାତିର ଲୋକଙ୍କୁ ଭେଟିବାକୁ ଯାଇଥିଲେ ଏବଂ ଏହି ଯାତ୍ରା ସମୟରେ ସେ ଅନେକ କଷ୍ଟଦାୟକ ରାସ୍ତାରେ ଯାଉଥିଲା ବେଳେ ସୁରକ୍ଷା କର୍ମୀଙ୍କ ସହ ମିଶି କାଦୁଅରେ ଫସିଥିବା ତାଙ୍କ କାର ବାହାର କରୁଥିବା ମଧ୍ୟ ଦେଖିବାକୁ ମିଳୁଛି ।

ପେମା ଖାଣ୍ଡୁ ଏହି ଯାତ୍ରା ସମୟର ଫଟୋ ଏବଂ ଭିଡିଓ ଟୁଇଟ୍ କରି ଲେଖିଛନ୍ତି, ମିଆଓରୁ ବିଜୟନଗର ଯାଏଁ ପ୍ରାୟ ୧୫୭ କିଲୋମିଟର କାର ଓ ପଦଯାତ୍ରାରେ ଯିବାର ସ୍ମୃତି ସ୍ମରଣୀୟ ଥିଲା। ମାର୍ଚ୍ଚ ୨୫ ତାରିଖ ସକାଳ ୫ଟାରୁ ଦେବନରୁ ଆରମ୍ଭ ହୋଇଥିବା ଏହି ଯାତ୍ରା ତା’ ପରଦିନ ଗାନ୍ଧୀଗ୍ରାମ (୧୩୭ କିଲୋମିଟର)ରେ ବିଶ୍ରାମ ନେଇଥିଲୁ । ତା’ ପରଦିନ ଆମେ ପରଦିନ ବିଜୟନଗର ଅଭିମୁଖେ ଯାତ୍ରା କରିଥିଲୁ।

ଲୋକଙ୍କ ସମସ୍ୟା ବିଷୟରେ ଶୁଣିବା ଲାଗି ପହଞ୍ଚିଲେ ମୁଖ୍ୟମନ୍ତ୍ରୀ

ମୁଖ୍ୟମନ୍ତ୍ରୀ ଖାଣ୍ଡୁ ଯାଇଥିବା ବିଜୟନଗରକୁ ଯାତାୟତ ପାଇଁ ଭଲ ରାସ୍ତା ନାହିଁ । ଯେଉଁଥିପାଇଁ ଯାନବାହନ ଚଳାଚଳ ଲୋକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଏଭଳି ସ୍ଥିତିରେ ମୁଖ୍ୟମନ୍ତ୍ରୀ ନିଜେ ସ୍ଥାନୀୟ ଲୋକଙ୍କ ସମସ୍ୟା ଶୁଣିବା ପାଇଁ ସେଠାକୁ ଯାଇଥିଲେ। ତେବେ ଏଭଳି ସମସ୍ୟା କଥା ଜାଣିବା ପରେ ଏହି ରାସ୍ତାରେ ଗମନାଗମନ ପାଇଁ ଖୁବ୍ ଶୀଘ୍ର ଭଲ ରାସ୍ତା ତିଆରି ହେବ ବୋଲି ସେ ପ୍ରତିଶ୍ରୁତି ଦେଇଛନ୍ତି ।

ତେବେ ଖାସ୍ କଥା ହେଉଛି ବିଜୟନଗର ଗସ୍ତ ନେଇ ମୁଖ୍ୟମନ୍ତ୍ରୀ କହିଛନ୍ତି ଯେ ସେଠାରେ ପହଞ୍ଚିବା ପାଇଁ ତାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା।

ଶିକ୍ଷାନୁଷ୍ଠାନରେ ବ୍ୟାପୁଛି କରୋନା, ଘରୋଇ କଲେଜରେ ୩୨ ପଜିଟିଭ୍

ଭବାନୀପାଟଣା: ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରେ କରୋନା ମହାମାରୀ ବ୍ୟାପିବାରେ ଲାଗିଛି । କଟକ, ଭୁବନେଶ୍ୱର, ରାଉରକେଲା, ଢ଼େଙ୍କାନାଳ ପରେ କଳାହାଣ୍ଡି ଜିଲ୍ଲାର କଲେଜରୁ ଚିହ୍ନଟ ହୋଇଛନ୍ତି କରୋନା ସଂକ୍ରମିତ । ଭବାନୀପାଟଣାର ଏକ ଘରୋଇ ମହାବିଦ୍ୟାଳୟରୁ ୩୨ ଜଣ ଛାତ୍ରଛାତ୍ରୀ ପଜିଟିଭ୍ ଚିହ୍ନଟ ହୋଇଛନ୍ତି ।

32 Covid-19 Positive Cases Reported In A Private College Of Kalahandi

ଏନେଇ କଳାହାଣ୍ଡି ସିଡିଏମଓ ସୂଚନା ଦେଇଛନ୍ତି । କଲେଜରୁ ଏକାଧିକ ପଜିଟିଭ୍ କେସ୍ ଚିହ୍ନଟ ପରେ ମେଡିକାଲ୍ ଟିମ୍ ପହଞ୍ଚି କୋଭିଡ୍ ପରୀକ୍ଷା ଆରମ୍ଭ କରିଛି । କଣ୍ଟାକ୍ଟ ଟ୍ରେସିଂ କରି କୋଭିଡ୍ ଟେଷ୍ଟ ବଢ଼ା ଯାଉଥିବା ସୂଚନା ଦେଛନ୍ତି ସିଡିଏମଓ ।

ଭାସି ଯାଉଥିବା ଭଣଜାଙ୍କୁ ଉଦ୍ଧାର କରିବାକୁ ଯାଇ ମାମୁ ମୃତ

ଆଠଗଡ଼: ହୋଲିରେ ଅଘଟଣ । ନରସିଂହପୁର ଥାନା ଘୋରାଡ଼ିଆ ଗାଁରେ ଭଣଜାଙ୍କୁ ବଞ୍ଚାଇବାକୁ ଯାଇ ମାମୁର ମୃତ୍ୟୁ ହୋଇଛି । ଗାଧୋଇବା ବେଳେ ମହାନଦୀରେ ପ୍ରଥମେ ଭଣଜା ଭାସି ଯାଇଥିଲା । ଭଣଜାକୁ ଉଦ୍ଧାର କରିବାକୁ ଯାଇଥିବା ମାମୁ ବି ବୁଡ଼ି ଯାଇଥିଲେ । ଗ୍ରାମବାସୀ ଖୋଜାଖୋଜି କରିବା ପରେ ମାମୁ ପ୍ରକାଶକୁ ଉଦ୍ଧାର କରାଯାଇ ମେଡିକାଲ ନିଆଯାଇଥିଲା । ଡାକ୍ତର ମୃତ ଘୋଷଣା କରିଛନ୍ତି ।

Holi Accident, Uncle And Nephew Drowned Death In Mahanadi

ନୟାଗଡ଼ ଜିଲ୍ଲା ଭାପୁର ଥାନା ଭାପୁର ଗାଁର ୨୪ ପ୍ରକାଶ କୁମାର ବେହେରା ଭଉଣୀ ଘର ନରସିଂହପୁର ଥାନା ଘୋରାଡ଼ିଆକୁ ବୁଲିବାକୁ ଆସିଥିଲେ । ହୋଲି ଖେଳି ସାରିବା ପରେ ମାମୁ ପ୍ରକାଶ ସହ ୧୦ ବର୍ଷର ଭଣଜା ଶାନ୍ତନୁ ଗାଧୋଇବାକୁ ମହାନଦୀର ମାଙ୍କଡ଼ଭୂଇଁଆଁ ଘାଟକୁ ଯାଇଥିଲେ । ନଦୀରେ ଗାଧୋଇବା ସମୟରେ ଭଣଜା ଶାନ୍ତନୁ ଭାସି ଯାଇଥିଲା ।

Holi Accident, Uncle And Nephew Drowned Death In Mahanadi

ଭଣଜାଙ୍କୁ ଉଦ୍ଧାର ଲାଗି ପ୍ରକାଶ ଉଦ୍ୟମ କରିବା ବେଳେ ଭାସି ଯାଇଥିଲେ । ନରସିଂହପୁର ଦମକଳ ବାହିନୀ ଓ ଗ୍ରାମବାସୀ ଦୀର୍ଘ ଦୁଇ ଘଣ୍ଟା ଖୋଜାଖୋଜି କରିବା ପରେ ପ୍ରକାଶଙ୍କୁ ଉଦ୍ଧାର କରି ନରସିଂହପୁର ଡାକ୍ତରଖାନା ନେଇଥିଲେ । ସେଠାରେ ଡାକ୍ତର ନଥିବାରୁ ପ୍ରକାଶଙ୍କୁ ବଡ଼ମ୍ବା ଡାକ୍ତରଖାନା ନିଆଯାଇଥିଲା ବେଳେ ଡାକ୍ତର ମୃତ ଘୋଷଣା କରିଛନ୍ତି । ଗାଁରେ ଶୋକାକୂଳ ପରିବେଶ ଲାଗି ରହିଛି । ଭଣଜା ଶାନ୍ତନୁଙ୍କୁ ଉଦ୍ଧାର କରାଯାଇଥିବା ବେଳେ ସେ ସୁସ୍ଥ ଅଛି ।

ଡରାଉଛି କରୋନାର ଦ୍ୱିତୀୟ ଲହରୀ, ପୁଣି ଫେରିଲା କଟକଣା

ବ୍ରହ୍ମପୁର: ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ରୋକିବାକୁ ଜିଲ୍ଲାପାଳଙ୍କ ଗୁରୁତ୍ୱପୂର୍ଣ୍ଣ ବୈଠକରେ ବଡ଼ ନିଷ୍ପତ୍ତି ନିଆଯାଇଛି । ବାହାର ରାଜ୍ୟ ଜିଲ୍ଲା ବାହାରୁ ଆସୁଥିବା ଲୋକଙ୍କ ଉପରେ କଟକଣା ଲଗାଇଛି ଗଞ୍ଜାମ ଜିଲ୍ଲା ପ୍ରଶାସନ । ପ୍ରବାସୀଙ୍କୁ ଆସିବାକୁ ବାରଣ କରାଯାଇଛି । ଯଦି କେହି ଆସନ୍ତି ତାଙ୍କୁ ସାଙ୍ଗରେ କୋଭିଡ୍ ନେଗେଟିଭ ରିପୋର୍ଟ ଆଣିବାକୁ ଜିଲ୍ଲା ପ୍ରଶାସନ ବାଧ୍ୟ କରିଛି ।

Outsider Who Coming Ganjam Must Carry Covid-19 Negative Certificate

ଜିଲ୍ଲାରେ କରୋନା ସଂକ୍ରମଣକୁ ନେଇ ଲୋକେ ସଚେତନ ହେଉନାହାନ୍ତି । ଫଳରେ ବାଧ୍ୟ ହୋଇ ପ୍ରଶାସନ ଏଭଳି ପଦକ୍ଷେପ ନେଇଛି । ଦଣ୍ଡଯାତ୍ରା, ଠାକୁରାଣୀ ଯାତ୍ରା କିମ୍ବା ଚୈତ୍ର ଯାତ୍ରା ପାଇଁ ଗଞ୍ଜାମ ଜିଲ୍ଲାକୁ ପ୍ରବାସୀଙ୍କୁ ନ ଆସିବା ଲାଗି ପ୍ରଶାସନ ଅନୁରୋଧ କରିଛି । ଏନେଇ ଜିଲ୍ଲାର ସମସ୍ତ ସରପଞ୍ଚ ଏବଂ ଜିଲ୍ଲା ପରିଷଦ ସଭ୍ୟଙ୍କ ସହ ଜିଲ୍ଲାପାଳ ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିଛନ୍ତି । ଏହି ନିୟମକୁ ତୁରନ୍ତ କାର୍ଯ୍ୟକାରୀ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

ଗଞ୍ଜାମ ଜିଲ୍ଲାରେ ଗତ ୨୪ ଘଣ୍ଟାରେ ୩ ଜଣ କୋଭିଡ୍ ସଂକ୍ରମି ଚିହ୍ନଟ ହୋଇଛନ୍ତି । ଜିଲ୍ଲାରେ ଏବେ ୧୮ଟି ସକ୍ରିୟ ସଂକ୍ରମଣ ମାମଲା ରହିଛି । ଜିଲ୍ଲାରେ ଏଯାବତ୍ ୨୧ ହଜାର ୯୫୪ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୨୧ ହଜାର ୬୮୦ ଜଣ ସୁସ୍ଥ ହୋଇଛନ୍ତି । କରୋନାରେ ୨୪୮ ଜଣଙ୍କ ମୃତ୍ୟୁ ହୋଇଛି ।

ରାଜଧାନୀର ରାସ୍ତା ଉପରେ ହାତ କାଟିଦେଲେ ଯୁବତୀ

ଭୁବନେଶ୍ୱର: ହୋଲିକୁ ନେଇ ସାରା ସହର ମସଗୁଲ୍ ଥିଲାବେଳେ ରାଜଧାନୀରେ ଘଟିଛି ଅଭାବନୀୟ ଘଟଣା । ମାଷ୍ଟରକ୍ୟାଣ୍ଟିନ ଛକରେ ଜଣେ ଯୁବତୀ ହାତ କାଟି ଦେଇଛନ୍ତି । ଯୁବତୀ ଜଣଙ୍କୁ ରକ୍ତାକ୍ତ ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି ଖାରବେଳ ନଗର ଥାନା ପୋଲିସ ।

ତେବେ ଯୁବତୀ ଜଣଙ୍କ କାହିଁକି ହାତ କାଟିଦେଲେ ଜଣାପଡ଼ିନାହିଁ । ପୋଲିସ ତଦନ୍ତ ଜାରି ରଖିଥିବା ବେଳେ ସମ୍ପୃକ୍ତ ଯୁବତୀଙ୍କ ପରିଚୟ ମଧ୍ୟ ମିଳିନି । ପ୍ରେମ ବ୍ୟାପାରକୁ ନେଇ ହୋଲିରେ ଯୁବତୀ ଏଭଳି ଚରମ ନିଷ୍ପତ୍ତି ନେଇଥିବା ଆଶଙ୍କା କରାଯାଉଛି ।

ଓଡ଼ିଆ ସାଇକେଲିଷ୍ଟ ସ୍ୱାତୀ ସିଂହଙ୍କୁ ସ୍ୱର୍ଣ୍ଣ ପଦକ, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ହାଇଦ୍ରାବାଦରେ ଖେଳା ଯାଉଥିବା ୭୨ତମ ବରିଷ୍ଠ ଜାତୀୟ ଟ୍ରାକ୍ ସାଇକେଲିଂ ଚାମ୍ପିଅନସିପରେ ସ୍ୱାତୀଙ୍କୁ ସଫଳତା ମିଳିଛି । ଓଡ଼ିଆ ଝିଅ ସ୍ୱାତୀ ସିଂହ ପାଇଛନ୍ତି ସ୍ୱର୍ଣ୍ଣ ପଦକ । ଇଲାଇଟ୍ ୱିମେନ୍ ୩୦୦୦ ମିଟର ବ୍ୟକ୍ତିଗତ ବିଭାଗରେ ସ୍ୱାତୀ ଗୋଲ୍ଡ ମେଡାଲ ଜିତିବା ସହ ଜାତୀୟ ସ୍ତରରେ ଆଉ ଏକ ରେକର୍ଡ କରିଛନ୍ତି । ସ୍ୱାତୀଙ୍କ ଏହି ସଫଳତା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି ।

ରାଉରକେଲା ସହରର ସ୍ୱାତୀ ସିଂହଙ୍କ ସାଇକେଲ ଚାଳନା ନିଶା ୨୦୧୫ ମସିହାରୁ ଆରମ୍ଭ ହୋଇଥିଲା । ନୂଆଦିଲ୍ଲୀର ଇନ୍ଦିରା ଗାନ୍ଧୀ ଷ୍ଟାଡିୟମ୍ କମ୍ପ୍ଲେକ୍ସରେ ସ୍ୱାତୀ ଟ୍ରେନିଂ ନେଉଛନ୍ତି । ଜାତୀୟ ସ୍ତରରେ ନାଁ କରିଥିବା ସ୍ୱାତୀ ଅନ୍ତର୍ଜାତୀୟ ସ୍ତରରେ ବେଶ୍ ଭଲ ପ୍ରଦର୍ଶନ ପାଇଁ ପ୍ରସ୍ତୁତି ଚଳାଇଛନ୍ତି । ସପ୍ତମ କ୍ଲାସ ପଢ଼ିବା ବେଳେ ୨୦୧୫ରେ ସାଇକେଲ୍ ଚାଳନା ଆରମ୍ଭ କରିଥିଲେ ସ୍ୱାତୀ । ସେ ତାଙ୍କ କ୍ୟାରିୟରର ପ୍ରଥମ ରାଜ୍ୟସ୍ତରୀୟ କ୍ରୀଡ଼ାରେ ୪ ଗୋଟି ସ୍ୱର୍ଣ୍ଣ ପଦକ ପାଇଥିଲେ । ଯାହାକି ତାଙ୍କୁ ସଫଳତା ଦେବା ସହ ଆଗକୁ ବଢ଼ିବାକୁ ପ୍ରେରଣା ଯୋଗାଇ ଥିଲା ।

Odisha's Swasti Singh won gold at 72nd Sr. National Track Cycling Championship

୨୦୧୮ରେ ପ୍ରଥମ ଥର ଲାଗି ସ୍ୱାତୀ ଜାତୀୟ ସ୍ତରରେ ପ୍ରଥମ ପଦକ ପାଇଥିଲେ । ୨୩ତମ ଜାତୀୟ ରୋଡ୍ ସାଇକେଲିଂ ଚାମ୍ପିଅନସିପରେ ବ୍ୟକ୍ତିଗତ ଭାବେ ୧୫ କିଲୋମଟିର ସାଇକେଲ ଚାଳନରା ସ୍ୱାତୀ ବ୍ରୋଞ୍ଜ ପାଇଥିଲେ । ପରେ ୨୦୧୮ ଜୁନରେ ସେ ଜାତୀୟ କ୍ୟାମ୍ପ ପାଇଁ ମନୋନୀତ ହୋଇଥିଲେ ।

Odisha's Swasti Singh won gold at 72nd Sr. National Track Cycling Championship

ସେହି ୨୦୧୮ ମସିହାରେ ସ୍ୱାତୀଙ୍କୁ ଅନ୍ତର୍ଜାତୀୟ ସ୍ତରରେ ପ୍ରଥମ ସ୍ୱର୍ଣ୍ଣ ପଦକ ମିଳିଥିଲା । ୧୭ ବର୍ଷ ବୟସରେ ପଞ୍ଚମ ଏସିଆନ୍ କପ୍ ଟ୍ରାକ୍ ସାଇକେଲିଂ ୨୦୧୯ରେ ସେ ଆଉ ଏକ ଜାତୀୟ ରେକର୍ଡର ଅଧିକାରୀ ହୋଇଥିଲେ । ନିଜ ପୂର୍ବ ରେକର୍ଡ ଭାଙ୍ଗି ପାଇଥିଲେ ବ୍ରୋଞ୍ଜ ପଦକ । ପରେ ତୃତୀୟ ଖେଳୋ ଇଣ୍ଡିଆ ୟୁଥ୍ ଗେମରେ ସେ ୨ଟି ସ୍ୱର୍ଣ୍ଣ ସହ ଗୋଟିଏ ରୌପ୍ୟ ପଦକ ପାଇଥିଲେ ।

ପୌର ପରିଷଦ ବୈଠକରେ ଆତଙ୍କବାଦୀ ଆକ୍ରମଣ, କାଉନସିଲର ଓ ପୋଲିସ ମୃତ

ଶ୍ରୀନଗର: ଜମ୍ମୁ-କାଶ୍ମୀରର ସୋପୋର ଅଞ୍ଚଳରେ ଆତଙ୍କବାଦୀଙ୍କ ବଡ଼ ଆକ୍ରମଣ । ସୋପୋରରେ ବିଡିସି ଅଧ୍ୟକ୍ଷ ଫରିଦା ଖାନଙ୍କ ଉପରେ ଆତଙ୍କବାଦୀ ଆକ୍ରମଣ କରିଛନ୍ତି । ଆତଙ୍କବାଦୀଙ୍କ ଆକ୍ରମଣରେ ସ୍ଥାନୀୟ ବିଜେପି କାଉନସିଲର ରିୟାଜ ଅହମଦଙ୍କ ସହ ପୋଲିସ ଅଧିକାରୀ ସଫକତ ଅହମଦଙ୍କ ମୃତ୍ୟୁ ହୋଇଛି । ଅନ୍ୟ ଜଣେ କାଉନସିଲର ଶାମସ ଉଦ-ଦିନ ପୀର ଗୁରୁତର ଆହତ ହୋଇଛନ୍ତି । ସୁରକ୍ଷାକର୍ମୀ ଅଞ୍ଚଳକୁ କର୍ଡନ କରି ନେଇଥିବା ବେଳେ ସର୍ଚ୍ଚ ଅପରେସନ୍ ଜାରି ରହିଛି ।

Terrorists fired at Municipal Office Sopore

ମହାରାଷ୍ଟ୍ରରେ ଏନ୍‌କାଉଣ୍ଟର: ୫ ମାଓବାଦୀ ନିପାତ

ମୁମ୍ୱାଇ: ମହାରାଷ୍ଟ୍ରର ଖବ୍ରମେଣ୍ଢା ଜଙ୍ଗଲରେ ଏନ୍‌କାଉଣ୍ଟର, ୫ମାଓବାଦୀ ମୃତ । ଏନକାଉଣ୍ଟରରେ ୩ପୁରୁଷ ଓ ୨ ଜଣ ମହିଳା ମାଓବାଦୀଙ୍କ ମୃତ୍ୟୁ ହୋଇଛି । ମାଲେଓ୍ୱାଡା ନିକଟ ଖବ୍ରାମେଣ୍ଢା ଜଙ୍ଗଲରେ ଏନକାଉଣ୍ଟର ହୋଇଥିଲା । ଗଡ଼ଚିରୋଲି ଡିଆଇଜି ସନ୍ଦୀପ ପାଟିଲ ଏହି ସୂଚନା ଦେଇଛନ୍ତି  । ଶନିବାରଠାରୁ ପୋଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ ଜାରି ରହିଥିଲା  । ନକ୍ସଲ ଛତ୍ରଭଙ୍ଗ ଦେଇ ଘଞ୍ଚ ଜଙ୍ଗଲକୁ ପଳାଇଥିଲେ  । ଘଟଣାସ୍ଥଳରୁ ବନ୍ଧୁକ ଓ ଗୁଳି ସହ ବିପୁଳ ପରିମାଣର ମାଓ ସାମଗ୍ରୀ ପୋଲିସ ଜବତ କରିଛି  । ଶହ ଶହ ମାଓବାଦୀ ଜଙ୍ଗଲରେ ଏକାଠି ହୋଇଥିବା ସୂଚନା ମିଳିଥିଲା  । ଖବର ପାଇ ଏଏସ୍‌ପି ମନୀଷ କଲଓ୍ୱାନିୟାଙ୍କ ନେତୃତ୍ୱରେ ଆରମ୍ଭ ହୋଇଥିଲା  ଅପରେସନ । ୬୦ଜଣିଆ ପୋଲିସ ଟିମର ନେତୃତ୍ୱ ନେଇଥିଲେ ମନୀଷ  । ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟରେ ୫ଜଣ ମାଓବାଦୀ ପ୍ରାଣ ହରାଇଥିବା ବେଳେ ବହୁ ବନ୍ଧୁକ, ଗୁଳି ଓ ମାଓ ସାମଗ୍ରୀ ଜବତ ହୋଇଛି  ।

ଏଥିସହିତ ପଢ଼ନ୍ତୁ: ୨୪ ଘଣ୍ଟାରେ ୬୮ହଜାର ଟପିଲା କରୋନା ସଂକ୍ରମିତଙ୍କ ସଂଖ୍ୟା

ଗ୍ରାମ୍ୟବ୍ୟାଙ୍କରୁ ଡକାୟତି ଯୋଜନା ପଣ୍ଡ: ୪ ଗିରଫ

ପୁରୀ: ଡେଲାଙ୍ଗ ଥାନା ହରିପୁର ଗ୍ରାମ୍ୟବ୍ୟାଙ୍କରୁ ଡକାୟତି ଯୋଜନା ବେଳେ ୪ ଜଣ ଗିରଫ । ସେମାନଙ୍କ ଠାରୁ ୫ଟି ଅଫୁଟା ବୋମା, ୪ଟି ଚୋରା ମୋଟର ସାଇକେଲ ଓ ଖଣ୍ଡା ଆଦି ଜବତ ହୋଇଛି । ଶୀତଲପୁର ନିକଟରେ ଡକାୟତି ଯୋଜନା କରୁଥିବା ବେଳେ ଡେଲାଙ୍ଗ ପୋଲିସ ଚଢ଼ାଉ କରିଥିଲା । ପୋଲିସ ଉପରକୁ ବୋମାମାଡ଼ ହୋଇଥିବା ବେଳେ ୪ ଜଣଙ୍କୁ ପୋଲିସ ଗିରଫ କରିଛି  । ଆଉ ୪ଜଣ ଫେରାର ହୋଇଯାଇଛନ୍ତି ।

ଏଥିସହିତ ପଢ଼ନ୍ତୁ: ଗର୍ଭବତୀ ମହିଳାଙ୍କୁ ଚଲାଇ ଥାନା ଅଧିକାରୀ ସସ୍‌ପେଣ୍ଡ