ନନ୍ଦିଘଷାଷ ବ୍ୟୁରୋ : କେନ୍ଦ୍ରାପଡା ଛାତ୍ରୀ ମୃତ୍ୟୁ ମାମଲା। ଛାତ୍ରୀଙ୍କ ପୁରୁଷ ବନ୍ଧୁ ପ୍ରମୋଦ ବେହେରା ଗିରଫ। ପ୍ରମୋଦଙ୍କୁ ଚେନ୍ନାଇରୁ ଉଠାଇ ଆଣିଛି ପୋଲିସ । ଆଜି ପୁଣି କାଠିଆପଡ଼ା ଯାଇ ସରଜମିନ ତଦନ୍ତ କରିବେ କେନ୍ଦ୍ରାପଡ଼ା ଏସପି। ଏଫଏମଟି ଓ ସାଇଣ୍ଟିଫିକ ଟିମ ପୀଡ଼ିତାଙ୍କ ଘରକୁ ଯାଇ ପ୍ରମାଣ ସଂଗ୍ରହ କରିବେ। ଏହି ପୂରା ଘଟଣାର ତଦନ୍ତ ନିଜେ ଏସପି ତଦାରଖ କରୁଥିବାରୁ ଖୁବ୍ ଶୀଘ୍ର ମୃତ୍ୟୁ ରହସ୍ୟ ଉପରୁ ପରଦା ହଟିବା ସମ୍ଭାବନା ରହିଛି। ଅପରାହ୍ଣରେ ଏସପି ଏକ ପ୍ରେସମିଟ କରି ବର୍ତ୍ତମାନ ସୁଦ୍ଧା ହୋଇଥିବା ତଦନ୍ତ ଓ ମୃତ୍ୟ ରହସ୍ୟ ସମ୍ପର୍କରେ ଖୁଲାସା କରିପାରନ୍ତି। ଚେନ୍ନାଇରୁ ଗିରଫ ହୋଇଥିବା ପୁରୁଷ ବନ୍ଧୁଙ୍କୁ କେନ୍ଦ୍ରାପଡ଼ା ଅଣାଯିବା ପରେ ତାଙ୍କ ବୟାନ ଓ ମୃତ ଛାତ୍ରୀଙ୍କ ପରିବାରର ବୟାନକୁ ନେଇ ଅଧିକ ତଦନ୍ତ କରାଯିବ ବୋଲି ଏସପି ସୂଚନା ଦେଇଛନ୍ତି। ଅନ୍ୟପଟେ ପ୍ରମୋଦଙ୍କ ମାଆ ପୁଅର ଭଲ ପାଇବାକୁ ସ୍ୱୀକାର କରିଛନ୍ତି । ସେମାନଙ୍କର ବାହାଘର ହୋଇଥାନ୍ତା । ହେଲେ ଆମେ ଗରିବ ବୋଲି ଝିଅର ବାପା ବିରୋଧ କରିବା ସହିତ ବାପା ବାରମ୍ବାର ଝିଅକୁ ମାଡ଼ ମାରୁଥିଲେ ବୋଲି ଅଭିଯୋଗ କରିଛନ୍ତି ମାଆ ।
ଥମୁନି ବିହାର ସ୍ବତନ୍ତ୍ର ଭୋଟର ତାଲିକା ସଂଶୋଧନ ତାତି
ନନ୍ଦିଘୋଷ ବ୍ୟୁରୋ : ଥମୁନି ବିହାର ସ୍ବତନ୍ତ୍ର ଭୋଟର ତାଲିକା ସଂଶୋଧନ ତାତି। ସଂସଦ ବାହାରେ ଆଜି ବିହାର ସ୍ବତନ୍ତ୍ର ଭୋଟର ତାଲିକା ସଂଶୋଧନ ଝଡ଼। କାହିଁକି ବିହାର ଏସଆଇଆର ପ୍ରସଙ୍ଗରେ ଗୃହରେ ସ୍ବତନ୍ତ୍ର ଆଲୋଚନା ହେଉନାହିଁ ବୋଲି ପ୍ରଶ୍ନ କରିଛନ୍ତି ବିରୋଧୀ। ସଂସଦ ଅଧିବେଶନ ଆରମ୍ଭ ଦିନଠାରୁ ଏହି ପ୍ରସଙ୍ଗରେ ଗୃହ ବାହାରେ ଓ ଭିତରେ ଇଣ୍ଡିମେଣ୍ଟ ସାଂସଦ କରିଆସୁଛନ୍ତି ପ୍ରତିବାଦ। ମୌଳିକ ଅଧିକାର କ୍ଷୁଣ୍ଣ କରାଯାଉଥିବା ଅଭିଯୋଗ କରି ସଂସଦ ଭବନ ବାହାରେ ନାରାବାଜି କରିଛନ୍ତି ଇଣ୍ଡିମେଣ୍ଟ ସାଂସଦ। କୌଣସି ପରିସ୍ଥିତିରେ ବିହାର ଏସଆଇଆରକୁ ଗ୍ରହଣ କରାଯିବ ନାହିଁ ବୋଲି ବିରୋଧ ନିଜ ଯୁକ୍ତିରେ ଅଟଳ ରହିଛନ୍ତି। ବିଭିନ୍ନ ରାଜ୍ୟରେ ଭୋଟ ଗଡ଼ବଡ଼ି ନେଇ ଇଣ୍ଡି ମେଣ୍ଟ ପକ୍ଷରୁ ଅଭିଯୋଗ କରାଯାଉଥିବାବେଳେ ନିଜ ଜିଦରେ ଅଟଳ ରହିଛନ୍ତି ନିର୍ବାଚନ କମିଶନ।
ନିଶାରେ ଶୋଇପଡ଼ିଲେ ଆମ୍ବୁଲାନ୍ସ ଡ୍ରାଇଭର, ଅଧାବାଟରେ ଅଟକିଲେ ରୋଗୀ
ନନ୍ଦିଘୋଷ ବ୍ୟୁରୋ : ନିଶାରେ ଶୋଇପଡ଼ିଲେ ଡ୍ରାଇଭର । ଅଧାବାଟରେ ଅଟକିଲେ ରୋଗୀ । ଜଣେ ଗର୍ଭବତୀଙ୍କୁ ମେଡିକାଲ ନେଇ ଯାଉଥିବା ବେଳେ ଏଭଳି ଅଭାବନୀୟ ଦୃଶ୍ୟ ସାମ୍ନାକୁ ଆସିଛି । ୧୦୮ ଆମ୍ବୁଲାନ୍ସ ଭିତରେ ରୋଗୀ ଥିବା ବେଳେ ଡ୍ରାଇଭର ଜଣଙ୍କ ନିଶାରେ ଶୋଇ ପଡ଼ିଛନ୍ତି । ଡ୍ରାଇଭର ମଦ୍ୟପାନ ଯୋଗୁଁ ଅଧା ରାସ୍ତାରେ ଅଟକିଥିଲା ଗର୍ଭବତୀଙ୍କୁ ନେଇ ଯାଉଥିବା ୧୦୮ ଆମ୍ବୁଲାନ୍ସ । ସୂଚନାନୁଯାୟୀ ଗଜପତି ଜିଲ୍ଲା ଆର. ଉଦୟଗିରି ବ୍ଲକ୍ କାନିକିପଦର୍ ଗାଁର ବିଜୟ ରଇତଙ୍କ ପତ୍ନୀ ନନ୍ଦିନୀ ରଇତଙ୍କ ଗର୍ଭ ଯନ୍ତ୍ରଣା ହେବାରୁ ବିଳମ୍ବିତ ରାତିରେ ପରିବାର ଲୋକେ ତାଙ୍କୁ ଚନ୍ଦ୍ରଗିରି ମେଡ଼ିକାଲରେ ଭର୍ତ୍ତି କରିଥିଲେ । ହେଲେ ଗର୍ଭସ୍ତ ଶିଶୁର ଅବସ୍ଥା ଭଲ ନଥିବାରୁ ଡାକ୍ତର ତାଙ୍କୁ ବ୍ରହ୍ମପୁର MKCG ମେଡ଼ିକାଲକୁ ସ୍ତାନାନ୍ତର କରିଥିଲେ ।୧୦୮ ଆମ୍ବୁଲାନ୍ସରେ ବ୍ରହ୍ମପୁର ଯିବା ବେଳେ ଡ୍ରାଇଭର ଅତ୍ୟଧିକ ମଦ୍ୟପାନ କରିଥିବା ଯୋଗୁଁ ବେପରୁଆ ଗାଡ଼ି ଚାଳନା ସହ ଅଧା ରାସ୍ତାରେ ଆମ୍ବୁଲାନ୍ସ ରଖି ଦେଇ ଡ୍ରାଇଭର ଜଣଙ୍କ ଗାଡ଼ିରେ ଶୋଇ ପଡିଥିଲେ । ଏପରିକି ପରିବାର ଲୋକେ ତାଙ୍କୁ ଉଠାଇବା ପରେ ମଧ୍ୟ ସେ ଉଠି ନଥିଲେ । ଫଳରେ ପରିବାର ଲୋକେ ବାଧ୍ୟ ହୋଇ ବିଳମ୍ୱିତ ରାତିରେ ଅନ୍ୟ ଏକ ଗାଡ଼ି ଭଡ଼ା କରି ବ୍ରହ୍ମପୁର ବଡ଼ ଡାକ୍ତରଖାନାରେ ପହଞ୍ଚିଥିଲେ । ଅନ୍ୟପଟେ ଡ୍ରାଇଭର ଅଜିତ ଶତୃଶଲ୍ୟ ମଦ୍ୟପାନ କଥାକୁ ଖଣ୍ଡନ କରିଛନ୍ତି। ଧାରାବାହିକ ପରିଶ୍ରମ ଯୋଗୁଁ ଅଳ୍ପ ସମୟ ବିଶ୍ରାମ ନେଇଥିଲେ। ବିଶ୍ରାମନେବା ବିଷୟକୁ ଏପରି ଅପପ୍ରଚାର କରାଯାଇଥିବା କହିଛନ୍ତି ସମ୍ପୃକ୍ତ ଡ଼୍ରାଇଭର।
ପାର୍କିଂ ବିବାଦକୁ ନେଇ ହୁମା କୁରେଶୀଙ୍କ ଭାଇଙ୍କୁ ହତ୍ୟା
ନନ୍ଦିଘୋଷ ବ୍ୟୁରୋ : ଦିଲ୍ଲୀର ନିଜାମୁଦ୍ଦିନରେ ବଲିଉଡ ଫିଲ୍ମ ଅଭିନେତ୍ରୀ ହୁମା କୁରେଶୀଙ୍କ ଭାଇଙ୍କୁ ହତ୍ୟା କରାଯାଇଥିଲା। ଘର ପାଖରେ ପାର୍କିଂକୁ ନେଇ ଆରମ୍ଭ ହୋଇଥିବା ବିବାଦ ଏତେ ବଢ଼ି ଯାଇଥିଲା ଯେ ଆସିଫ୍ କୁରେଶୀଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଏବଂ ହତ୍ୟାରେ ବ୍ୟବହୃତ ଅସ୍ତ୍ର ଜବତ କରିଛି।
ଗୁରୁବାର ରାତି ପ୍ରାୟ ୧୧ଟା ସମୟରେ ଆସିଫ କୁରେଶୀ ଦୁଇ ବ୍ୟକ୍ତିଙ୍କୁ ତାଙ୍କ ଘର ପ୍ରବେଶ ପଥ ଆଗରେ ସ୍କୁଟର ପାର୍କ ନ କରିବାକୁ ଅନୁରୋଧ କରିଥିଲେ। ଏହାକୁ ନେଇ ପ୍ରଥମେ ବାକଯୁଦ୍ଧ ହୋଇଥିଲା, ଯାହା ପରେ ହିଂସାତ୍ମକ ରୂପ ନେଇଥିଲା।
ଘଟଣା ସମ୍ପର୍କରେ ହୁମା କୁରେଶୀଙ୍କ ପିତା ସଲିମ କୁରେଶୀ କହିଛନ୍ତି, “ଦୁଇ ବ୍ୟକ୍ତି ଆମ ଘର ଆଗରେ ସ୍କୁଟର ପାର୍କ କରିଥିଲେ। ଆସିଫ ସେମାନଙ୍କୁ ଏହାକୁ ଅନ୍ୟତ୍ର ପାର୍କ କରିବାକୁ କହିଥିଲେ, ଯାହା ଦ୍ୱାରା ଘରର ପ୍ରବେଶ ପଥ ଅବରୋଧ ନ ହୁଏ। ଏହା ବାକଯୁଦ୍ଧରେ ପରିଣତ ହେଲା ଏବଂ ପରେ ଶାରୀରିକ ହିଂସାରେ ବଦଳିଗଲା। ସେ ଦୁଇ ଅଭିଯୁକ୍ତ ମିଳିତ ଭାବେ ମୋ ପୁତୁରାକୁ ହତ୍ୟା କଲେ।”
୪୨ ବର୍ଷୀୟ ଆସିଫ କୁରେଶୀ ଏକ କୁକୁଡ଼ା ବ୍ୟବସାୟ ଚଳାଉଥିଲେ। ତାଙ୍କର ଦୁଇ ପତ୍ନୀ ରହିଛନ୍ତି। ପୋଲିସ ଏହି ଘଟଣାର ତଦନ୍ତ ଜାରି ରଖିଛି ଏବଂ ଅଭିଯୁକ୍ତଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି । ଏହି ଘଟଣାକୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।
ଢେଙ୍କାନାଳରେ ବୋମାମାଡ଼ କରି ଦୁର୍ବୃତ୍ତ ଫେରାର
ନନ୍ଦିଘୋଷ ବ୍ୟୁରୋ : ଢେଙ୍କାନାଳରେ ବୋମାମାଡ଼ । କେହି ଦୁର୍ବୃତ୍ତ ବୋମାମାଡ଼ କରି ଫେରାର। ଢେଙ୍କାନାଳ ସଦର ଥାନା ଅନ୍ତର୍ଗତ ନୂଆ ଗାଁ ହରିଜନ ସାହି ବିଜୟ ନାୟକଙ୍କ ଘରେ ବୋମା ମାଡ଼ ଅଭିଯୋଗ ହୋଇଛି ।ଗତକାଲି ବିଜୟଙ୍କ ପରିବାର ଶୋଇଥିବା ବେଳେ ବିଳମ୍ବିତ ରାତିରେ ବୋମାମାଡ଼ କରିଥିଲେ ଦୁବୃର୍ତ୍ତ । ହଠାତ୍ ବୋମା ମାଡ଼ ଶବ୍ଦ ଶୁଣି ଉଠି ପଡ଼ିଥିଲେ ପରିବାର ଲୋକେ । କେହି ଦୁର୍ବୃତ୍ତ ବୋମାମାଡ଼ କରି ଫେରାର ହୋଇଛି । ଥାନାରେ ଅଭିଯୋଗ ପରେ ପୋଲିସ ସବୁ ଦିଗକୁ ନେ ତଦନ୍ତ କରୁଛି । ବୋମା ମାଡ଼ର କାରଣ ଅସ୍ପଷ୍ଟ ଥିବା ବେଳେ ପୋଲିସ ତଦନ୍ତ କରୁଛି । କିଏ, କାହିଁକି ବୋମା ମାଡ କଲା ସେନେଇ ଖୋଳତାଡ଼ କରୁଛି ସଦର ପୋଲିସ ।
ମହାରାଷ୍ଟ୍ର ଓ କର୍ଣ୍ଣାଟକରେ ଭୋଟ ଚୋରି ପ୍ରସଙ୍ଗ : ରାହୁଲଙ୍କ ଯୁକ୍ତିକୁ ସାଂସଦ ଶଶୀ ଥରୁରଙ୍କ ସମର୍ଥନ
ନନ୍ଦିଘୋଷ ବ୍ୟୁରୋ : ମହାରାଷ୍ଟ୍ର ଓ କର୍ଣ୍ଣାଟକରେ ଭୋଟ ଚୋରି ପ୍ରସଙ୍ଗ। ବିରୋଧୀ ଦଳ ନେତା ରାହୁଲ ଗାନ୍ଧିଙ୍କ ଯୁକ୍ତିକୁ ସମର୍ଥନ କଲେ କଂଗ୍ରେସ ସାଂସଦ ଶଶୀ ଥରୁର। ୨୦୨୪ ଲୋକସଭା ନିର୍ବାଚନରେ ଏହି ଦୁଇ ରାଜ୍ୟରେ ବହୁ ସଂଖ୍ୟକ ଭୋଟ ଗଡ଼ବଡ଼ି ହୋଇଥିଲା ବୋଲି ରାହୁଲ ଗତକାଲି ଅଭିଯୋଗ କରିବା ପରେ ଦେଶବ୍ୟାପୀ ଚର୍ଚ୍ଚା ହୋଇଥିଲା। ଭୋଟ ଚୋରି ସମ୍ପର୍କରେ ରାହୁଲ ବଳିଷ୍ଠ ପ୍ରମାଣ ଦର୍ଶାଇଛନ୍ତି। ସମସ୍ତ ଦଳ ଓ ସମସ୍ତ ଭୋଟରଙ୍କ ସ୍ବାର୍ଥକୁ ଏହା ପ୍ରତିଫଳିତ କରୁଛି। ଭାରତର ଗଣତନ୍ତ୍ର ଅତ୍ୟନ୍ତ ମୂଲ୍ୟବାନ ଏବଂ ଏହାକୁ ନଷ୍ଟ ହେବାକୁ ନ ଦିଆଯାଉ ବୋଲି ସେ କହିଛନ୍ତି। ଜାଲ୍ ଭୋଟର ପ୍ରସଙ୍ଗରେ ଗତକାଲି ନିର୍ବାଚନ କମିଶନଙ୍କୁ ପୁଣି ଟାର୍ଗେଟ କରିଥିଲେ ବିରୋଧୀ ଦଳ ନେତା ରାହୁଲ ଗାନ୍ଧି। ବିଜେପି ସହ ନିର୍ବାଚନ କମିଶନ ହାତ ମିଳାଇଥିବା ଅଭିଯୋଗ କରିଥିଲେ ରାହୁଲ। ସେ କହିଥିଲେ- ଲୋକସଭା ନିର୍ବାଚନରେ ଭୋଟର ତାଲିକାରେ ଜାଲ୍ ଭୋଟରଙ୍କୁ ସ୍ଥାନୀତ କରାଯାଇଥିଲା। କର୍ଣ୍ଣାଟକ ଭୋଟର ତାଲିକାରେ ବି ଜାଲ୍ ଭୋଟରଙ୍କୁ ସ୍ଥାନ ଦିଆଯାଇଥିଲା ବୋଲି ସେ ଅଭିଯୋଗ କରିଥିଲେ।
ବାଣିଜ୍ୟ ପ୍ରସଙ୍ଗରେ ଭାରତ ସହ ଆଉ ହେବ ନାହିଁ ଆଲୋଚନା : ଟ୍ରମ୍ପ ଦେଲେ ସୂଚନା
ନନ୍ଦିଘୋଷ ବ୍ୟୁରୋ : ଭାରତ ସହ ବାଣିଜ୍ୟ ପ୍ରସଙ୍ଗରେ ଆଉ ଆଲୋଚନା କରାଯିବ ନାହିଁ ବୋଲି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ଭାରତ ଉପରେ ୫୦ ପ୍ରତିଶତ ଟାରିଫ ଟ୍ରମ୍ପ ଲାଗୁ କରିବା ପରେ ଦୁଇ ଦେଶ ମଧ୍ୟରେ ବାଣିଜ୍ୟଗତ ସହଭାଗିତା ଗଭୀର କ୍ଷତିଗ୍ରସ୍ତ ହୋଇଛି। ଗତ ବୁଧବାର ଭାରତ ଉପରେ ୨୫ ପ୍ରତିଶତ ଅତିରିକ୍ତ ଟାରିଫ ଲାଗୁ କରିଛନ୍ତି ଟ୍ରମ୍ପ। ଆସନ୍ତା ଅଗଷ୍ଟ ୨୭ରୁ ନୂଆ ଟାରିଫ କାର୍ଯ୍ୟକ୍ଷମ ହେବ।
ସେପଟେ ଭାରତ ଉପରେ ଆମେରିକାର ଟାରିଫ ଲାଗୁ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରିଛନ୍ତି ବ୍ରାଜିଲ ରାଷ୍ଟ୍ରପତି ଲୁଇଜ ଇନାସିଓ ଲୁଲା ଦା ସିଲଭ। ଆମେରିକାର ଏକପାଖିଆ ଟାରିଫ ନୀତି ସମ୍ପର୍କରେ ଦୁଇ ନେତା ଆଲୋଚନା କରିଛନ୍ତି। ଟ୍ରେଡ ସମ୍ପର୍କରେ କଥାବାର୍ତ୍ତା ନେଇ ଯଦିଓ ଭାରତ ପକ୍ଷରୁ କୌଣସି ସୂଚନା ଦିଆଯାଇନାହିଁ ତଥାପି ବ୍ରାଜିଲ ପକ୍ଷରୁ ଏହି ସୂଚନା ଦିଆଯାଇଛି। ଦୁଇ ଦେଶ ମଧ୍ୟରେ ବାଣିଜ୍ୟ ସମ୍ପର୍କିତ ବିଭିନ୍ନ ପ୍ରସଙ୍ଗ ଆଲୋଚନା ହୋଇଥିବା କୁହାଯାଇଛଇ। ଦକ୍ଷିଣ ବିଶ୍ବର ବିଭିନ୍ନ ରାଷ୍ଟ୍ର ମଧ୍ଯରେ ସହଯୋଗ ପ୍ରତିଷ୍ଠା ଲାଗି ଦୁଇ ନେତା ଆଲୋଚନା କରିଛନ୍ତି। ବାଣିଜ୍ୟ ପ୍ରସଙ୍ଗରେ ଚୀନ ରାଷ୍ଟ୍ରପତି ସି ଜିନପିଙ୍ଗ ଓ ପ୍ରଧାନମନ୍ତ୍ରୀ ମୋଦିଙ୍କ ସହ ସିଲଭା ଆଲୋଚନା କରିବାକୁ ଯୋଜନା କିରଛନ୍ତି।
ସାପ୍ତାହିକ ହାଟରେ ବ୍ୟବସାୟୀଙ୍କୁ ହତ୍ୟା ଘଟଣା : ୬ ଅଭିଯୁକ୍ତଙ୍କୁ ଗିରଫ
ନନ୍ଦିଘୋଷ ବ୍ୟୁରୋ : ସାପ୍ତାହିକ ହାଟରେ ବ୍ୟବସାୟୀଙ୍କୁ ହତ୍ୟା ଘଟଣା। ୬ ଅଭିଯୁକ୍ତଙ୍କୁ ଗିରଫ କଲା ଯୋଡ଼ା ପୋଲିସ। ଗତକାଲି କେନ୍ଦୁଝର ଜିଲ୍ଲା ଯୋଡା ଥାନା ଅନ୍ତର୍ଗତ କଣ୍ଡରା ସାପ୍ତାହିକ ହାଟରେ ଘଟିଥିଲା ଆକ୍ରମଣ। ଆକ୍ରମଣ। ମୃତକ ହେଲେ ଚମ୍ପୁଆ ଏନଏସି ଅନ୍ତର୍ଗତ ତିନି ନମ୍ବର ଓ୍ବାର୍ଡ ଅଲ୍ଲୀ ନଗରର ମହମ୍ମଦ ସଦ୍ଦାମ। ମହମ୍ମଦ ସାପ୍ତାହିକ ହାଟରେ ମୋବାଇଲ ଦୋକାନ କରିଥିଲୋ। ମୋବାଇଲ କଭର କିଣାକୁ ନେଇ କିଛି ଯୁବକଙ୍କ ସହ ବଚସା ହୋଇଥିଲା। ଏନେଇ କିଛି ଯୁବକ ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲୋ। ଗୁରୁତର ଅବସ୍ଥାରେ ସ୍ଥାନୀୟ ଲୋକେ ତାଙ୍କୁ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରିଥିଲୋ। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥଇଲା। ଘଟଣାକୁ ନେଇ ବାସୁଦେବପୁର ଡାକ୍ତର ଖାନା ପରିସରରେ ଉତ୍ତେଜନା ଦେଖାଯାଇଥିଲା।
ଅଗଷ୍ଟ ୧୪ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ସମ୍ଭାବନା
ନନ୍ଦିଘଷୋଷ ବ୍ୟୁରୋ : ଅଗଷ୍ଟ ୧୪ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ଓ ଘଡ଼ଘଡ଼ି ସହ ଝଟକା ପବନର ସମ୍ଭାବନା ରହିଛି । ଆଜି ରାଜ୍ୟର ଅନେକ ଜିଲ୍ଲାକୁ ୟେଲୋ ଓ୍ବାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । କେନ୍ଦୁଝର, ମୟୂରଭଞ୍ଜ, ବାଲେଶ୍ଵର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ସୁନ୍ଦରଗଡ଼, ଝାରସୁଗୁଡ଼ା. ବରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, ଢେଙ୍କାନାଳ, କେନ୍ଦୁଝର , ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, ବଲାଙ୍ଗୀର, କଳାହାଣ୍ଡି, କନ୍ଧମାଳ, ନବରଙ୍ଗପୁର, ରାୟଗଡ଼ା, କୋରାପୁଟ ଓ ମାଲକାନଗିରି ଜିଲ୍ଲାକୁ ପ୍ରବଳ ବର୍ଷା, ଘଡ଼ଘଡ଼ି ସହ ଘଣ୍ଟା ପ୍ରତି ୩୦-୪୦କିଲୋମିଟର ପର୍ଯ୍ୟନ୍ତ ପବନ ବହିବାର ସମ୍ଭାବନା ରହିଛି ।
ସେହିପରି ଆସନ୍ତାକାଲି ବି କେନ୍ଦୁଝର, ମୟୂରଭଞ୍ଜ, ବାଲେଶ୍ଵର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ସୁନ୍ଦରଗଡ଼, ଝାରସୁଗୁଡ଼ା. ବରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, ଢେଙ୍କାନାଳ, କେନ୍ଦୁଝର , ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, ବଲାଙ୍ଗୀର, କଳାହାଣ୍ଡି, କନ୍ଧମାଳ, ନବରଙ୍ଗପୁର, ରାୟଗଡ଼ା, କୋରାପୁଟ ଓ ମାଲକାନଗିରି ଭଳି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏହିସବୁ ଜିଲ୍ଲା ଗୁଡ଼ିକରେ ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳ ବର୍ଷା, ଘଡ଼ଘଡ଼ି ସହ ଝଟକା ପବନ ବହିବା ନେଇ ସମ୍ଭାବନା ରହିଛି । ପୁଣି ୧୦ ତାରିଖ ପାଇଁ କିଛି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରି ସତର୍କ କରିଛି ପାଣିପାଗ କେନ୍ଦ୍ର I
ରୁଷ ରାଷ୍ଟ୍ରପତି ପୁଟିନଙ୍କୁ ଭେଟିଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ
ନନ୍ଦିଘୋଷ ବ୍ୟୁରୋ : ରୁଷ ରାଷ୍ଟ୍ରପତି ପୁଟିନଙ୍କୁ ଭେଟିଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ। ଭାରତ ଉପରେ ଆମେରିକା ୫୦ ପ୍ରତିଶତ ଟାରିଫ ଲାଗୁ କରିବାର ଦିନକ ପରେ ପୁଟିନଙ୍କୁ ଭେଟିଲେ ଡୋଭାଲ। ଭାରତ ରୁଷ ଦ୍ଵିପାକ୍ଷିକ ସମ୍ପର୍କ ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଛି। ରଣନୀତିକ ସହଭାଗିତା ଓ ପ୍ରତିବଦ୍ଧତା ଉପରେ ଦୁଇ ଦେଶ ଗୁରୁତ୍ଵାରୋ କରିଛନ୍ତି। ରାଷ୍ଟ୍ରପତି ଟ୍ରମ୍ପ ଭାରତରୁ ଆମଦାନୀ ହେଉଥିବା ସାମଗ୍ରୀ ଉପରେ ଅତିରିକ୍ତ ୨୫ ପ୍ରତିଶତ ଶୁଳ୍କ ଲାଗୁ କରିବା ପାଇଁ ଏକ ନିର୍ଦ୍ଦେଶର ପରେ ପୁଣି ମୋଟ ଆମଦାନୀ ଶୁଳ୍କ ୫୦ପ୍ରତିଶତକୁ ବୃଦ୍ଧି ପାଇଛି।
ଆଜି ୟୁକ୍ରେନରେ ଯୁଦ୍ଧ ସମାପ୍ତ କରିବାକୁ ରାଜି ନ ହେଲେ ଏହା ଚତୁର୍ଥ ବର୍ଷରେ ପଦାର୍ପଣ କରିବ। ସେପଟେ ଭାରତ ଉପରେ ଟାରିଫ ବୃଦ୍ଧିକୁ ଦୁର୍ଭାଗ୍ୟଜନକ ବୋଲି କହିଛି ଭାରତ। ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧୀର ଜୟସୱାଲ ଶୁଳ୍କକୁ ଅନୁଚିତ ଏବଂ ଅଯୌକ୍ତିକ ବୋଲି ନିନ୍ଦା କରିଛନ୍ତି। ନୂଆଦିଲ୍ଲୀ ଏହାର ଆର୍ଥିକ ସାର୍ବଭୌମତ୍ୱକୁ ରକ୍ଷା କରିବା ପାଇଁ ଯାହା ଆବଶ୍ୟକ ତାହା ଗ୍ରହଣ କରିବ ବୋଲି କହିଛନ୍ତି ଜୈସୱାଲ। ସେପଟେ ସିଧାସଳଖ ଆମେରିକାର ନାମ ନ ନେଇ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତ ବାହ୍ୟ ଚାପ ଆଗରେ ମୁଣ୍ଡ ନୁଆଁଇବ ନାହିଁ, ଯଦିଓ ଏହାର ମୂଲ୍ୟ ବହନ କରିବାକୁ ପଡିବ।ସେପଟେ ରାଷ୍ଟ୍ରପତି ପୁଟିନ ଏହି ବର୍ଷ ଶେଷ ସୁଦ୍ଧା ଭାରତ ଗସ୍ତ କରିବେ ବୋଲି କହିଛନ୍ତି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ।