spot_img
Home Blog Page 5787

କରୋନା ଭ୍ୟାକ୍ସିନ ଯୋଗାଣ ବଢାଇବା ପାଇଁ ପ୍ରଚେଷ୍ଟା ଚାଲିଛି: ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ ରାଜ୍ୟ ତଥା ଜିଲ୍ଲା ଅଧିକାରୀଙ୍କ ସହ କରୋନା ମହାମାରୀ ସମ୍ପର୍କରେ ଆଲୋଚନା କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ  କଣ୍ଟେନମେଣ୍ଟ ଜୋନ୍, ତୁରନ୍ତ କଣ୍ଟାକ୍ଟ ଟ୍ରେସିଂ ଓ କଳାବଜାରୀ ଉପରେ ରୋକ ଲଗାଇବା ହେଉଛି କରୋନା ବିରୋଧରେ ଲଢେଇ କରିବାର ଆମର ମୁଖ୍ୟ ଅସ୍ତ୍ର ହେଉଛି ।

ସେ ଆହୁରି କହିଛନ୍ତି, ଏହି ଯୁଦ୍ଧରେ ସମସ୍ତଙ୍କର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଆପଣ ମାନେ ଜଣେ ଜଣେ ଏହି ଯୁଦ୍ଧର ଫିଲ୍ଡ କମାଣ୍ଡର । କରୋନା ଠାରୁ ଲଢିବା ସମ୍ପର୍କିତ ନିଜ ଅନୁଭୂତି ମୋତେ ପଠାନ୍ତୁ । ଆମେ ସେ ଗୁଡିକୁ ଅନ୍ୟ ଜିଲ୍ଲାରେ କିପରି ଉପଯୋଗ କରିବୁ ସେନେଇ ଆମେ ନିଶ୍ଚିତ ଭାବେ ଚିନ୍ତା କରିବୁ । ଆପଣଙ୍କ ଇନୋଭେସନ ଦେଶର କାମରେ ଆସିବ ।

ପିଏମ କେୟାର ମାଧ୍ୟମରେ ଅକ୍ସିଜେନ୍ ପ୍ଲାଣ୍ଟ ସ୍ଥାପନ ପାଇଁ ଦ୍ରୁତ ଗତିରେ କାର୍ଯ୍ୟ ଚାଲିଛି। ଅନେକ ହସ୍ପିଟାଲରେ ଅକ୍ସିଜେନ୍ ପ୍ଲାଣ୍ଟ ମଧ୍ୟ ଚାଲିବା ଆରମ୍ଭ କରିଛି | ଏପରିକି ଅମ୍ଳଜାନ ମନିଟରିଂ କମିଟି ଯେତେ ଭଲ କାମ କରିବ, ତଦନୁସାରେ ଅକ୍ସିଜେନର ସଫଳ ବ୍ୟବହାର ହୋଇପାରିବ ବୋଲି ମୋଦି ପ୍ରକାଶ କରିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ କରୋନାଭାଇରସକୁ ରୋକିବା ଲାଗି ଟୀକାକରଣ ହେଉଛି ଏକ ଶକ୍ତିଶାଳୀ ମାଧ୍ୟମ । ଯେଉଁଥିପାଇଁ ବିପୁଳ ପରିମାଣରେ ଟିକା ଯୋଗାଣ ବୃଦ୍ଧି ପାଇଁ ପ୍ରୟାସ କରାଯାଉଛି ।

ଯାଜପୁରରେ ସ୍ବତନ୍ତ୍ର କୋଭିଡ୍ ହସ୍ପିଟାଲକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ

ଭୁବନେଶ୍ୱର: କୋଭିଡ୍ ରୋଗୀଙ୍କ ଚିକିତ୍ସା ପାଇଁ ଯାଜପୁରରେ ଘରୋଇ ସହାୟତାରେ ଏକ ସ୍ବତନ୍ତ୍ର କୋଭିଡ୍ ହସ୍ପିଟାଲ ଖୋଲିବ । ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଏନେଇ ଅନୁମତି ପ୍ରଦାନ କରିଛନ୍ତି । ଏହା ଫଳରେ ଯାଜପୁର ତଥା ଆଖ ପାଖ ଜିଲ୍ଲାର ଗୁରୁତର କୋଭିଡ୍ ରୋଗୀ ମାନଙ୍କୁ ଚିକିତ୍ସା ପାଇଁ ଆଉ କଟକ ଭୁବନେଶ୍ବର ଯିବାକୁ ପଡ଼ିବ ନାହିଁ ।

ଯାଜପୁରର ଭୂମିକା ମଲ୍ଟି ସ୍ପେଶାଲିଟି ହସ୍ପିଟାଲ ସରକାରୀ କୋଭିଡ୍ ହସ୍ପିଟାଲ ଭାବରେ କାମ କରିବ । ରୋଗୀ ମାନେ ସେଠାରେ ସମ୍ପୂର୍ଣ୍ଣ ମାଗଣାରେ କୋଭିଡ୍ ଚିକିତ୍ସା ସୁବିଧା ପାଇ ପାରିବେ । ଚିକିତ୍ସାର ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିବେ । ଏହି ହସ୍ପିଟାଲରେ ୧୫୦ଟି ଅକ୍ସିଜେନ ବେଡ୍ ସହ ୫୦ଟି ICU ବେଡ୍ ରହିବ ।

ରାଜ୍ୟରେ ବଢ଼ିଲା ଲକଡାଉନ୍ ଅବଧି, ଜୁନ୍ ୧ ଯାଏଁ କଟକଣା

ଭୁବନେଶ୍ୱର: ରାଜ୍ୟରେ ବଢ଼ୁଥିବା କୋଭିଡ୍ ସଂକ୍ରମଣକୁ ଦେଖି ସରକାର ଲକଡାଉନ୍ ଅବଧିକୁ ବଢ଼ାଇଛନ୍ତି । ଜୁନ୍ ୧ ଯାଏଁ ରାଜ୍ୟରେ ଲକଡାଉନ୍ କଟକଣା ବଳବତ୍ତର ରହିବ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ରାଜ୍ୟରେ ଦୈନିକ ସଂକ୍ରମଣ ୧୦ ହଜାର ଉପରେ ରହୁଥିବା ବେଳେ ଲକଡାଉନ୍ ସମ୍ପ୍ରସାରଣ ନେଇ ବିଶେଷଜ୍ଞମାନେ ମତ ଦେଉଥିଲେ ।

Odisha Extends Lockdown Till 31st May

ଏଥିସହ ପଢ଼ନ୍ତୁ: ୧୪ ଦିନିଆ ଲକଡାଉନରେ କଣ ବନ୍ଦ, କଣ ଖୋଲା ଜାଣନ୍ତୁ…

ଲକଡାଉନକୁ ସରକାର ୨ ସପ୍ତାହ ବୃଦ୍ଧି କରିଛନ୍ତି । ଲକଡାଉନ୍ କଟକଣା ଜୁନ୍ ୧ ତାରିଖ ସକାଳ ୫ଟା ଯାଏଁ ବୃଦ୍ଧି କରାଯାଇଛି । ପୂର୍ବଭଳି ସପ୍ତାହନ୍ତ ସଟଡାଉନ୍ ଜାରି ରହିବ । ପୂର୍ବାପେକ୍ଷା କଟକଣାକୁ ବଢ଼ାଯାଇଛି । ଏଣିକି ସୋମବାର ଠାରୁ ଶୁକ୍ରବାର ଯାଏ ୪ ଘଣ୍ଟା ମଧ୍ୟରେ ପନିପରିବା କିଣିହେବ । ସକାଳ ୭ଟାରୁ ଦିନ ୧୧ଟା ଯାଏଁ ଚାଲି ଚାଲି ଅତ୍ୟାବଶ୍ୟକୀୟ ସାମଗ୍ରୀ କିଣି ପାରିବେ । ଲକଡାଉନ୍ ନିୟମ ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ନିଆଯିବ ।

ମାଲ୍ ପରିବହନ ଉପରେ କୌଣସି କଟକଣା ରହିବ ନାହିଁ । ବିବାହରେ ସର୍ବାଧିକ ୨୫ ଜଣ ସାମିଲ୍ ହୋଇପାରିବେ । ବର, କନ୍ୟା, ଅତିଥି ସମସ୍ତଙ୍କୁ ମିଶାଇ ସର୍ବାଧିକ ୨୫ ଜଣ ଭାଗନେବେ । ଭୋଜିଭାତ ହୋଇପାରିବ ନାହିଁ । କେବଳ ପ୍ୟାକେଟ୍ ମାଧ୍ୟମରେ ଖାଇବା ଦେଇପାରିବେ । ବିବାହ, ଅନ୍ତ୍ୟେଷ୍ଟି ଆଦି ସମସ୍ତ କାର୍ଯ୍ୟରେ କେହି ଖାଇ ପାରିବେ ନାହିଁ । କେବଳ ପ୍ୟାକେଟ୍ ଖାଦ୍ୟ ଦିଆଯାଇ ପାରିବ ।

ଲକଡାଉନ୍ ସମୟରେ ଟେଷ୍ଟିଂ ଓ ଟିକାକରଣ ଚାଲିବ । ସମସ୍ତ ସ୍ୱାସ୍ଥ୍ୟସେବା ଅନୁଷ୍ଠାନ ଜାରି ରହିବ । ଗ୍ରାମାଞ୍ଚଳରେ କରୋନା ବ୍ୟାପୁଥିବାରୁ ପଞ୍ଚାୟତିରାଜ ସଂସ୍ଥା ନିଜ ଅଞ୍ଚଳରେ ଅନ୍ୟ ଅଞ୍ଚଳରୁ ଆସୁଥିବା ଲୋକଙ୍କ ଉପରେ ନଜର ରଖିବେ । ବାହାରୁ ଆସୁଥିବା ଲୋକଙ୍କୁ ହୋମ୍ ଆଇସୋଲେସନରେ ରହିବା ନେଇ ଗୁରୁତ୍ୱ ଦେବେ । ଘରକୁ ଘର ବୁଲି ୩ ମାସ ଯାଏ କ୍ୟାମ୍ପେନ୍ କରାଯିବ । କରୋନା ଲକ୍ଷଣ ଥିଲେ ଟେଷ୍ଟି କରାଯିବ ବୋଲି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।

ପ୍ରଥମ ପର୍ଯ୍ୟାୟ ଲକଡାଉନ୍  ଅପେକ୍ଷା ଦ୍ୱିତୀୟ ପର୍ଯ୍ୟାୟ ଲକଡାଉନରେ ସରକାରୀ ଓ ବେସରକାରୀ ଅଫିସରେ କର୍ମଚାରୀଙ୍କ ସଂଖ୍ୟା ଆହୁରି କମ୍ ରହିବ । ଏନେଇ ନୂଆ ନିର୍ଦ୍ଦେଶନାମା ଜାରି କରାଯିବ ବୋଲି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ସୂଚନା ଦେଇଛନ୍ତି ।

କୋଭିଡ୍ ଟିକା ସହ ଅନ୍ୟ ଉପକରଣ ଯୋଗାଇ ଦେବାକୁ କେନ୍ଦ୍ରକୁ ଚିଠି

ଭୁବନେଶ୍ୱର: କୋଭିଡ ମୁକାବିଲା ପାଇଁ କେନ୍ଦ୍ରକୁ ଦାବି ଜଣାଇଲା କେନ୍ଦ୍ର । କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର । ଓଡ଼ିଶାକୁ ଅଧିକ ସଂଖ୍ୟାରେ ଆଣ୍ଟିଜେନ୍ କିଟ୍ ଯୋଗାଇ ଦେବାକୁ ସେ ଦାବି କରିଛନ୍ତି । ଟିକା ଅଭାବରୁ ଦ୍ୱିତୀୟ ଡୋଜ୍ ଅପେକ୍ଷାରେ ୧୯ ଲକ୍ଷ ବ୍ୟକ୍ତି ଅଛନ୍ତି । ପର୍ଯ୍ୟାପ୍ତ ପରିମାଣର ଟିକା ଯୋଗାଇ ଦେବାକୁ ଅତିରିକ୍ତ ମୁଖ୍ୟ ଶାସନ ସଚିବ ଦାବି କରିଛନ୍ତି ।

ଅକ୍ସିଜେନ ସିଲିଣ୍ଡର, ଭେଣ୍ଟିଲେଟର, ମାସ୍କ, କିଟ୍ ଯୋଗାଇ ଦେବାକୁ ଦାବି କରାଯାଇଛି । ଡି-ଟାଇପ୍ ଅକ୍ସିଜେନ ସିଲିଣ୍ଡର-୧୦ହଜାର, ବି-ଟାଇପ ଅକ୍ସିଜେନ ସିଲିଣ୍ଡର-୨୦ହଜାର ଦେବାକୁ ଚିଠିରେ ଉଲ୍ଲେଖ କରାଯାଇଛି । ୧୦୦ ଭେଣ୍ଟିଲେଟର, ୫ଲକ୍ଷ N-95 ମାସ୍କ ଯୋଗାଇ ଦେବାକୁ କେନ୍ଦ୍ରକୁ ଚିଠି ଲେଖିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ।

ବିଭିନ୍ନ ପ୍ରତିଷ୍ଠିତ କମ୍ପାନୀ ଓ ମିଡିଆ ହାଉସ୍ ନାଁରେ ଆଇକାର୍ଡ କରି ବିକୁଥିଲେ ଯୁବକ

ଭୁବନେଶ୍ୱର: ଲକଡାଉନରେ ମାତିଛନ୍ତି ଧୂର୍ତ । କଟକଣାର ଫାଇଦା ନେଇ ଯୋଗାଇ ଦେଉଛନ୍ତି ନକଲି ପାସ୍ ପାଇଁ ଆଇଡି କାର୍ଡ଼ । ଗୋଟିଏ କାର୍ଡ଼କୁ ୩୦୦ ରୁ ୫୦୦ ଟଙ୍କାରେ ବିକି ଗିରଫ ହେଲା ଅଭିଯୁକ୍ତ । ଚନ୍ଦ୍ରଶେଖରପୁର ପୋଲିସ ଓ ସ୍ପେଶାଲ ସ୍କ୍ୱାର୍ଡର ଚଢ଼ାଉ ବେଳେ ବିଭିନ୍ନ ନାମୀ ଦାମୀ କମ୍ପାନୀର ବିପୁଳ ପରିମାଣର ଆଇ କାର୍ଡ଼  ଜବତ ହୋଇଛି  । ଅନ୍ୟ ଦୋକାନୀଙ୍କ ଲିଙ୍କ ନେଇ ଖୋଳତାଡ଼ କରୁଛି ପୋଲିସ ।

ପାସ୍ ପାଇଁ ଫେକ ଆଇ କାର୍ଡ଼ । ଆଡ଼ଭାନ୍ସ ଦେଲେ ୩୦୦, ଜରୁରୀ ଥିଲେ ୫୦୦ ଟଙ୍କା । ନକଲି ଆଇ କାର୍ଡ଼  କରି ବନ୍ଧା ହେଲା ଧୂର୍ତ । ଦେଖିବାକୁ ଭୋଲା ଭାଲା । ସୁବାସ ବେହେରା । ଘର ଜଗତସିଂହପୁର । ଡମଣା ଛକରେ ପେପର ଷ୍ଟୋର ଦୋକାନ । ହେଲେ ଲକ୍‌ଡାଉନ୍‌ରେ ଅମାନିଆକୁ ଯୋଗାଉଥିଲେ ଆଇ କାର୍ଡ଼ । କାହାକୁ ଇଞ୍ଜିନିରୟର ତ କାହାକୁ ସୁପର ଭାଇଜର । କାହାକୁ ଟେକ୍ନିସିଆନ ତ କାହାକୁ ଡେଲିଭରି ବଏର କାର୍ଡ  । ତା’ ଠାରୁ ଶତାଧିକ ବିଭିନ୍ନ କମ୍ପାନୀର କାର୍ଡ଼ ଜବତ ହୋଇଛି ।  ରାଜ୍ୟରେ ସଂକ୍ରମଣ ବ୍ୟାପୁଥିବାରୁ ଏଥିରେ ରୋକ ଲଗାଇବା ପାଇଁ ସରକାର ତାଲାବନ୍ଦ ଘୋଷଣା କରିଛନ୍ତି । ଅମାନିଆ ମାନୁନଥିବାରୁ ପୋଲିସ ପକ୍ଷରୁ ପାସ୍ ବ୍ୟବସ୍ଥା କରାଯାଇଛି । ହେଲେ ଏହି ସମୟରେ ନକଲି ପାସ ତିଆରି କରି ଲୋକଙ୍କ ଠାରୁ ପଇସା ଆଦାୟ କରୁଥିଲା ଅଭିଯୁକ୍ତ । ଏହାକୁ ଧରିବାରେ ସଫଳ ହୋଇଛି ପୋଲିସ ।

Police Arrested Man For Producing Fake ID Card In Name Of Reputed Company

ଚେକିଂ ପୋଷ୍ଟରେ ଆଇ କାର୍ଡ଼ ଦେଖି ପୋଲିସ ଛାଡୁଥାନ୍ତି । ହେଲେ କେମିତି ଧରା ପଡିଲା ଏ ଠକ ?  ଧ୍ରୁତକୁ ଧରାଇ ଦେଲା ନୂଆ ନୂଆ ଆଇକାର୍ଡ  । ଚନ୍ଦ୍ରଶେଖରପୁର ଅଂଚଳରେ ଚେକିଂ ବେଳେ ପ୍ରିଣ୍ଟ ମିଡ଼ିଆର ସାମ୍ବାଦିକଙ୍କ ଫୋଟୋ ଚିଲିକା ଫ୍ରେଶ କାର୍ଡ଼ରେ ଲାଗିଥିଲା । ତାଙ୍କ ନାମ ଥିଲା ସୋମୋନାଥ ଭୁଟିଆ । ପୋଲିସର ସନ୍ଦହେ ବଢିଥିଲା । ଶେଷରେ ପୋଲିସ ଜାଲରେ ପଡିଥିଲା ସୁବାଷ । ଡମଣା ଛକରେ ଥିବା ଦୋକାନରେ ଚଢ଼ାଉ କରିଥିଲା ପୋଲିସ  । କେବଳ ଏ ଗୋଟିଏ ଦୋକାନ ନୁହେଁ ଏକାଧିକ ଦୋକାନରେ ଚାଲିଛି ଏହି ନକଲି ଆଇକାର୍ଡ ବେପାର  । ଏ ନେଇ ପୋଲିସର ସ୍ପେଶାଲ ଡ୍ରାଇଭ୍ କରିବାର ଅଵଶ୍ୟକତା ରହଛି।

ରାଜ୍ୟରେ ବଢ଼ିବ କି ଲକଡାଉନ୍ ଅବଧି ? କିଛି ସମୟ ପରେ ମୁଖ୍ୟ ଶାସନ ସଚିବଙ୍କ ପ୍ରେସମିଟ୍

ଭୁବନେଶ୍ୱର: ରାଜ୍ୟରେ ଦୈନିକ କରୋନା ସଂକ୍ରମଣ ମାମଲା ୧୦ ହଜାର ଉପରେ ରହିଛି । ମେ ୫ରୁ ଲାଗିଥିବା ଲକଡାଉନ୍ ଆସନ୍ତା ୧୯ ତାରିଖରେ ସରୁଛି । ହେଲେ ସଂକ୍ରମଣ ମାମଲା ଖସୁ ନଥିବାରୁ ରାଜ୍ୟ ସରକାର ଲକଡାଉନ୍ ବୃଦ୍ଧି କରିବା ଆବଶ୍ୟକ ବୋଲି ମତ ଦେଉଛନ୍ତି ବିଶେଷଜ୍ଞ ।

 Chief Secretary To Make Big Announcement Today Corona

ବିଶେଷଜ୍ଞଙ୍କ ପରାମର୍ଶ ଆଧାରରେ ରାଜ୍ୟ ସରକାର ଲକଡାଉନ୍ ବଢ଼ାଇ ପାରନ୍ତି । ଏନେଇ ଆଜି ସାମ୍ବାଦିକ ସମ୍ମିଳନୀରେ ଘୋଷଣା କରିପାରନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର । ମୁଖ୍ୟ ଶାସନ ସଚିବ ଶ୍ରୀ ମହାପାତ୍ର ଆଜି ଦିନ ଗୋଟାଏ ୪୫ ମିନିଟ୍ ସମୟରେ ସାମ୍ବାଦିକ ସମ୍ମିଳନୀ କରି ଗୁରୁତ୍ୱପୂର୍ଣ୍ଣ ଘୋଷଣା କରିବେ ବୋଲି ଜଣାପଡ଼ିଛି ।

ସରକାର ମେ ୩୧ ଯାଏ ଲକଡାଉନ୍ ଅବଧି ବୃଦ୍ଧି କରିପାରନ୍ତି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬ ଲକ୍ଷ ୩୩ ହଜାର ୩୦୨କୁ ବୃଦ୍ଧି ପାଇଥିବା ବେଳେ ମୋଟ ସୁସ୍ଥ ସଂଖ୍ୟା ୫ ଲକ୍ଷ ୨୬ ହଜାର ୩୫୩ରେ ପହଞ୍ଚିଛି । ଏବେ ରାଜ୍ୟରେ ୧ ଲକ୍ଷ ୪ ହଜାର ୫୩୯ଟି ସକ୍ରିୟ ସଂକ୍ରମଣ ମାମଲା ରହିଛି ।

ଆମେ ଖରାପ, ସେମାନେ ଭଲ, ଏମିତି କହି ବିଜେପି ନେତାଙ୍କୁ ଟାର୍ଗେଟ କଲେ ମଦନ ମିତ୍ର

କୋଲକାତା: ନାରଦ ଷ୍ଟିଙ୍ଗ୍ ଅପରେସନ୍ ମାମଲାରେ ଗିରଫ ହୋଇ ଜେଲରେ ଥିବା ଟିଏମସିର ୪ ନେତା ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏହି ଚାରି ନେତାଙ୍କ ମଧ୍ୟରୁ ମଦନ ମିତ୍ର ଭାରତୀୟ ଜନତା ପାର୍ଟି ନେତାଙ୍କୁ ନିଶାନାକୁ ନେଇଛନ୍ତି । ସୂଚନାଯୋଗ୍ୟ ୟେ, ସିବିଆଇ ଟିଏମସି ନେତା ଫିରହଦ ହାକିମ୍,ସୁବ୍ରତ ମୁଖାର୍ଜୀ,ବିଧାୟକ ମଦନ ମିତ୍ର ଓ କୋଲକତାର ପୂର୍ବତନ ମେୟର ଶୋଭନ ଚାଟାର୍ଜୀଙ୍କୁ ଗିରଫ କରିଥିଲା । ସିବିଆଇ କୋର୍ଟ ଏହି ଚାରି ନେତାଙ୍କୁ ଜାମିନ ପ୍ରଦାନ କରିଥିଲା । କିନ୍ତୁ ପରେ ହାଇକୋର୍ଟ ସେମାନଙ୍କ ଜାମିନକୁ ଖାରଜ କରି ଜେଲକୁ ପଠାଇ ଦେଇଥିଲେ । ଗିରଫ ହେବା ପରେ ହାକିମ୍ ନିଜାମ ପ୍ୟାଲେସ୍ ବାହାରେ କହିଥିଲେ ଯେ, ମୋର ନ୍ୟାୟ ପାଳିକା ଉପରେ ପୂର୍ଣ୍ଣ ଭରସା ରହିଛି । ବିଜେପି ମୋତ ହଇରାଣ କରିବାକୁ କିଛି ମଧ୍ୟ କରିପାରିବ ।

କୋଲକତା ନଗର ନିଗମର ବୋର୍ଡ୍ ଅଫ୍ ଆଡମିନିଷ୍ଟ୍ରେଟର ଶୋଭନ ଚାଟାର୍ଜୀ କହିଥିଲେ ଯେ, ମହାମାରୀ କାଳରେ ସେ ସହର ଲୋକଙ୍କର କୌଣସି ସାହାଯ୍ୟ କରି ପାରୁନଥିବାରୁ ଦୁଃଖିତ । ଅନ୍ୟପକ୍ଷରେ ଟିଏମସି ନେତା ମଦନ ମିତ୍ର କହିଥିଲେ ଯେ, ଆମେ ସମସ୍ତେ ଖରାପ ଲୋକ କିନ୍ତୁ ମୁକୁଲ ଓ ଶୁଭେନ୍ଦୁ ନୁହନ୍ତି।

ବିଜେପିରେ ଅଛନ୍ତି ମୁକୁଲ ଓ ଶୁଭେନ୍ଦୁ

ମୁକୁଲ ରାଏ ଓ ଶୁଭେନ୍ଦୁ ଅଧିକାରୀ ବିଜେପିରେ ସାମିଲ ଅଛନ୍ତି । ପୂର୍ବରୁ ଟିଏମସିର ଛାମୁଆଁ ନେତା ଥିବା ଏହି ଦୁଇ ଜଣ ମମତାଙ୍କ ସହିତ ମତଭେଦ ପରେ ଦଳତ୍ୟାଗ କରିଥିଲେ । ନିକଟରେ ଶେଷ ହୋଇଥିବା ନିର୍ବାଚନରେ ମମତାଙ୍କୁ ନନ୍ଦିଗ୍ରାମ ଆସନରୁ ଶୁଭେନ୍ଦୁ ପରାସ୍ତ କରିଥିଲେ । ଏହି ଦୁଇ ନେତା ନାରଦ ଷ୍ଟିଙ୍ଗ୍ ଅପରେସନ କାଳରେ ଟିଏମସିରେ ଥିଲେ । ଅନ୍ୟପକ୍ଷରେ ଚାଟାର୍ଜୀ କହିଛନ୍ତି ଯେ, ମୁଁ ଡକାଏତ ନୁହେଁ । ମୁଁ କିଛି ମଧ୍ୟ ଭୁଲ କରିନାହିଁ ଯେ,ସିବିଆଇ ମୋତେ ଗିରଫ କରିବାକୁ ମୋ ବେଡ୍ ରୁମ ଭିତରକୁ ଆସିବ ।

ବଙ୍ଗୋପସାଗରରେ ଦାନା ବାନ୍ଧୁଛି ଲଘୁଚାପ, ବାତ୍ୟାର ରୂପ ନେବା ଆଶଙ୍କା

ଭୁବନେଶ୍ୱର: ‘ତଉତେ’ ପରେ ଆସୁଛି ଆଉ ଏକ ବାତ୍ୟା । ଆରବ ସାଗର ପରେ ବଙ୍ଗୋପସାଗରରେ ଦାନା ବାନ୍ଧୁଛି ଲଘୁଚାପ । ଆସନ୍ତା ୭ ଦିନ ମଧ୍ୟରେ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବ । ଧୀରେ ଧୀରେ ଘନୀଭୂତ ହୋଇ ବାତ୍ୟାର ରୂପ ନେଇପାରେ ବୋଲି ଆଶଙ୍କା କରାଯାଉଛି । ଆସନ୍ତା ୨୨ରୁ ୨୮ତାରିଖ ଭିତରେ ବାତ୍ୟାର ରୂପ ନେଇପାରେ ବୋଲି ଅନୁମାନ କରାଯାଉଛି । ୨୩ ତାରିଖ ଆଡ଼କୁ ସ୍ପଷ୍ଟ ହେବ ବାତ୍ୟାର ରୂପରେଖ ।

ଏନେଇ ଟ୍ବିଟ୍ କରି ସୂଚନା ଦେଇଛନ୍ତି ଭୂ-ବିଜ୍ଞାନ ମନ୍ତ୍ରାଳୟର ସଚିବ ମାଧବନ ରାଜୀବନ । ବର୍ତ୍ତମାନ ସୁଦ୍ଧା ବାତ୍ୟା ନେଇ ସ୍ପଷ୍ଟ ସୂଚନା ଦେଇନି ପାଣିପାଗ ବିଭାଗ । ସ୍ଥିତି ଉପରେ ନଜର ରଖାଯାଇଛି । ବାତ୍ୟାର ସ୍ଥିତି, ଗତି ଓ ଲ୍ୟାଣ୍ଡଫଲ ନେଇ ଏଯାଏ ଆକଳନ ହୋଇନି । ପ୍ରତିବର୍ଷ ମେ ମାସରେ ବାତ୍ୟା ହୋଇଥାଏ ।  ଲଘୁଚାପ ସୃଷ୍ଟି ହେଲେ ବାତ୍ୟା ସୃଷ୍ଟି ହେବାର ଆଶଙ୍କା ଥାଏ ବୋଲି ପାଣିପାଗ ବିଶେଷଜ୍ଞ କହିଛନ୍ତି ।

ବଣ୍ଡାଘାଟିରେ କରୋନା ସଂକ୍ରମିତ ଚିହ୍ନଟ ପରେ ଗ୍ରାଉଣ୍ଡରେ ଜିଲ୍ଲାପାଳ

ମାଲକାନଗିରି: ବଣ୍ଡାଘାଟିରେ ପହଞ୍ଚିଲେ ମାଲକାନଗିରି ଜିଲ୍ଲାପାଳ । ବଣ୍ଡାଘାଟିରେ ବସବାସ କରୁଥିବା ଆଦିମ ଅଧିବାସୀ କରୋନା ସଂକ୍ରମିତ ହେବା ପରେ ସ୍ଥିତି ଅନୁଧ୍ୟାନ ପାଇଁ ଜିଲ୍ଲାପାଳ ପହଞ୍ଚିଛନ୍ତି । ପ୍ରଶାସନର ସୂଚନା ଅନୁସାରେ, ବଣ୍ଡାଘାଟିରେ ୧୨ ଜଣ କରୋନା ସଂକ୍ରମିତ ହୋଇଥିବା ବେଳେ ୪ ଜଣ ସୁସ୍ଥ ହୋଇ ସାରିଛନ୍ତି । ଅନ୍ୟାମାନେ ହୋମ୍ ଆଇସୋଲେସନରେ ରହି ଚିକିତ୍ସିତ ହେଉଛନ୍ତି ।

ଆଦିମ ଜନଜାତି ବଣ୍ଡା ଆଦିବାସୀ କରୋନା ସଂକ୍ରମିତ ହେବା ପରେ ପ୍ରଶାସନ ସଜାଗ ରହିଛି । ବଣ୍ଡାଘାଟିରେ ମାଲକାନଗିରି ଜିଲ୍ଲାପାଙ୍କ ସହ ସିଡିଏମଓ ସ୍ଥିତି ପରଖୁଛନ୍ତି । କରୋନାରୁ ରକ୍ଷା ପାଇବା ଲାଗି ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା ନେଇ ଲୋକଙ୍କୁ ବୁଝାଉଛି ଜିଲ୍ଲା ପ୍ରଶାସନ । କାହାରି ଠାରେ କରୋନାର ଲକ୍ଷଣ ଦେଖାଗଲେ ତୁରନ୍ତ ଟେଷ୍ଟିଂ କରିବାକୁ ପ୍ରଶାସନ ବଣ୍ଡାଘାଟିରେ ଥିବା ଲୋକଙ୍କୁ କହିଛି ।

ଅପରେଶନ ବେଳେ ସବୁ ଓ ନୀଳ ରଙ୍ଗର ଡ୍ରେସ୍ କାହିଁକି ପିନ୍ଧନ୍ତୁ ଡାକ୍ତର

ଡାକ୍ତରଖାନାରେ ଆପଣ ଡାକ୍ତରଙ୍କୁ ପ୍ରାୟ ସମୟରେ ସବୁଜ ରଙ୍ଗର ଡରେସ ପିନ୍ଧିଥିବା ଦେଖିଥିବେ। ବିଶେଷ କରି କୌଣସି ସର୍ଜରି ସମୟରେ ଆପଣ ଡାକ୍ତରମାନଙ୍କୁ ନୀଳ କିମ୍ବା ସବୁଜ ରଙ୍କର ଡ୍ରେସ ପିନ୍ଧିଥିବା ଦେଖିଥିବେ।  ଆପଣ କେବେ ଭାବିଛନ୍ତି କି, ଡାକ୍ତରମାନେ ଅପରେଶନ କଲାବେଳେ କାହିଁକି ସବୁଜ କିମ୍ବା ନୀଳ ରଙ୍ଗ ହିଁ ପିନ୍ଧନ୍ତି? ଲାଲ୍, କଳା , ହଳଦିଆ କି ଆଉ କୌଣସି ରଙ୍ଗ କାହିଁକି ନୁହଁ। ତେବେ ଆସନ୍ତୁ ଏ ସମ୍ପର୍କରେ ଜାଣିବା।

କୁହାଯାଏ ଯେ ପୂର୍ବରୁ ଡାକ୍ତରଙ୍କଠୁ ଆରମ୍ଭ କରି ଡାକ୍ତରଖାନାର ସମସ୍ତ କର୍ମଚାରୀ ଧଳା ରଙ୍ଗ ପିନ୍ଧୁଥିଲେ। କିନ୍ତୁ ୧୯୧୪ ମସିହାରେ ଜଣେ ପ୍ରଭାବଶାଳୀ ଡାକ୍ତର ଏହି ପାରମ୍ପାରିକ ପୋଷାକକୁ ସବୁଜ ରଙ୍ଗରେ ବଦଳାଇ ଦେଇଥିଲେ। ସେବେଠାରୁ ଏହା ଏକ ଟ୍ରେଣ୍ଡରେ ପରିଣତ ହୋଇଛି। ତେବେ କେତେକ ଡାକ୍ତର ନୀଳ ରଙ୍ଗର ପୋଷାକ ମଧ୍ୟ ପିନ୍ଧନ୍ତି। ତେବେ ଆପଣ ଦେଖିଥିବେ ଯେ ହସ୍ପିଟାଲରେ ଥିବା ପରଦାଗୁଡ଼ିକର ରଙ୍ଗ ମଧ୍ୟ ସବୁଜ କିମ୍ବା ନୀଳ ହିଁ ଥାଏ । ଏହା ବ୍ୟତୀତ ଡାକ୍ତରଖାନା କର୍ମଚାରୀଙ୍କ ପୋଷାକ ଏବଂ ମାସ୍କ ମଧ୍ୟ ସବୁଜ କିମ୍ବା ନୀଳ ରଙ୍ଗର ହିଁ ହୋଇଥାଏ । ତେବେ ଏଠି ପ୍ରଶ୍ନ ଉଠେ ଯେ ସବୁଜ କିମ୍ବା ନୀଳ ରଙ୍ଗରେ କଣ ଏମିତି ଖାସ ରହିଛି ଯେହା ଆଉ କୌଣସି ରଙ୍ଗରେ ନାହିଁ ?

‘ଟୁଡେ ସର୍ଜିକାଲ୍ ନର୍ସ’ର ୧୯୯୮ ମସିହାର ଏକ ରିପୋର୍ଟ ଅନୁଯାୟୀ, ଅସ୍ତ୍ରୋପଚାର ସମୟରେ ଡାକ୍ତରମାନେ ସବୁଜ ପୋଷାକ ପିନ୍ଧିବା ଏଥିପାଇଁ ଆରମ୍ଭ କରିଥିଲେ କାହିଁକିନା ଏହି ରଙ୍ଗ ଆଖିକୁ ଆରାମ ଦେଇଥାଏ। ଅନେକ ସସୟରେ ଆପଣ ଦେଖିଥିବେ ଯେବେବି ଆମେ କ୍ରମାଗତ ଭାବରେ ଗୋଟିଏ ରଙ୍ଗକୁ ଦେଖିଥାଉ । ଆମ ଆଖିକୁ ଏକ ଅଜବ ପ୍ରକାରର ଅନୁଭବ ହୁଏ। ସୂର୍ଯ୍ୟ କିମ୍ବା ଅନ୍ୟ କୌଣସି ଚକଚକିଆ ଜିନିଷକୁ ଦେଖିଲେ ମଧ୍ୟ ଆମ ଆଖି କ’ଣ ହୋଇଯାଏ। ହେଲେ ଏହାର ତୁରନ୍ତ ପରେ ଯଦି ଆମେ ସବୁଜ ରଙ୍ଗକୁ ଦେଖିବା, ତେବେ ଆମ ଆଖିକୁ ଆରାମ ମିଳିଥାଏ।

ଯଦି ବୈଜ୍ଞାନିକ ଦୃଷ୍ଟିକୋଣରୁ ଦେଖାଯାଏ, ତେବେ ଆମ ଆଖିର ଜୈବିକ ଗଠନ ଏପରି ଭାବରେ ତିଆରି ହୋଇଛି ଯେ ସେମାନେ ଲାଲ, ସବୁଜ ଏବଂ ନୀଳ ରଙ୍ଗ ଦେଖିବାକୁ ସକ୍ଷମ ଅଟନ୍ତି। ଆଉ ଏହି ରଙ୍ଗଗୁଡ଼ିକର ମିଶ୍ରଣରେ ହିଁ ତିଆରି ହୋଇଥିବା ଅନ୍ୟ ଲକ୍ଷ ଲକ୍ଷ ରଙ୍ଗକୁ ମଣିଷର ଆଖି ଚିହ୍ନିପାରେ। କିନ୍ତୁ ଏହି ସମସ୍ତ ରଙ୍ଗ ତୁଳନାରେ ଆମ ଆଖି କେବଳ ସବୁଜ କିମ୍ବା ନୀଳ ରଙ୍ଗକୁ ହିଁ ଭଲ ଭାବେ ଦେଖିପାରେ । ଏଥି ପାଇଁ ହି ଏହି ଦୁଇ ରଙ୍ଗକୁ ଆଖି ପାଇଁ ଭଲ ବୋଲି କୁହାଯାଏ ।

ଆଉ ଏହା ହିଁ ସେହି କାରଣ ଯେଉଁଥିପାଇଁ ଡାକ୍ତରଖାନାରେ କର୍ମଚାରୀଙ୍କ ଡ୍ରେସରୁ ଆରମ୍ଭ କରି ପରଦା ପର୍ଯ୍ୟନ୍ତ ସବୁକିଛି ନୀଳ କିମ୍ବା ସବୁଜ ହିଁ ହୋଇଥାଏ। ? ଯାହା ଫଳରେ ଡାକ୍ତରଖାନାକୁ ଆସୁଥିବା ଓ ସେଠାରେ ଥିବା ସମସ୍ତ ରୋଗୀଙ୍କ ଆଖିକୁ ଆରାମ ମିଳେ।