spot_img
Home Blog Page 5776

ଦକ୍ଷିଣ ବଙ୍ଗୋପସାଗରରେ ସକ୍ରିୟ ହେଲା ମୌସୁମୀ ବାୟୁ

ଭୁବନେଶ୍ୱର: ସକ୍ରିୟ ହେଲା ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ବଙ୍ଗୋପସାଗରରେ ମୌସୁମୀ ବାୟୁ ସକ୍ରିୟ ହୋଇଛି । ଦକ୍ଷିଣ ଆଣ୍ଡାମାନ୍ ଏବଂ ନିକୋବର ଦ୍ୱୀପରେ ଦକ୍ଷିଣପଶ୍ଚିମ ମୌସୁମୀ ବାୟୁ ପ୍ରବେଶ କରିଛି । ୪୮ ଘଣ୍ଟାରେ ଆହୁରି ଅଗ୍ରସର ହେବ । ଦକ୍ଷିଣପୂର୍ବ ଏବଂ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଆଡ଼କୁ ଗତି କରିବ ।

Monsoon Active Over South Bay Of Bengal

ଦକ୍ଷିଣ ପଶ୍ଚିମ ମୌସୁମୀ ବାୟୁ ୩୧ ତାରିଖରେ କେରଳ ଛୁଇଁବା ସମ୍ଭାବନା ରହିଛି । ୨୭ରୁ ଜୁନ୍ ୩ ତାରିଖ ମଧ୍ୟରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ସମ୍ପୂର୍ଣ୍ଣ ଭାବେ କେରଳରେ ପହଞ୍ଚିବ । ଏନେଇ ଭାରତୀୟ ପାଣିପାଗ ବିଭାଗ ଡିଜି ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି ।

ସମ୍ଭାବ୍ୟ ବାତ୍ୟା ନେଇ ଆଲର୍ଟରେ ଓଡ଼ିଶା, ସ୍ଥାନାନ୍ତରଣରେ ସାମିଲ୍ ହେବ ପଞ୍ଚାୟତ

ଭୁବନେଶ୍ୱର: ସମ୍ଭାବ୍ୟ ବାତ୍ୟା ନେଇ ଏସଆରସି ସୂଚନା ଦେଇଛନ୍ତି । ଭାରତୀୟ ପାଣିପାଗ ବିଭାଗ ଆକଳନ ଅନୁସାରେ ଆସନ୍ତାକାଲି ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ । ୨୩ ତାରିଖ ବେଳକୁ ସେଇ ଲଘୁଚାପ କ୍ଷେତ୍ରଟି ଅବପାତରେ ପରିଣତ ହୋଇ ୨୪ରେ ବାତ୍ୟାର ରୂପ ନେଇପାରେ । ସମ୍ଭାବ୍ୟ ବାତ୍ୟା ନେଇ ଆଜି ଆଲୋଚନା ହୋଇଛି ।

Probable Cyclone, Low Pressure Area Likely To Form In Bay Of Bengal

୨୬ ତାରିଖ ବେଳକୁ ବାତ୍ୟା ସ୍ଥଳଭାଗମୁହାଁ ହୋଇ ଉତ୍ତର ଓଡ଼ିଶା ଉପକୂଳର୍ବୀ ଅଞ୍ଚଳ ଠାରୁ ସୁନ୍ଦରବନ ଓ ବାଂଲାଦେଶ ମଧ୍ୟରେ କୌଣସି ସ୍ଥାନରେ ସ୍ଥଳଭାଗ ଛୁଇଁବ । କିନ୍ତୁ ଏବେ ସୁଦ୍ଧା ଆଇଏମଡି ପକ୍ଷରୁ ବାତ୍ୟା ସମ୍ପର୍କରେ ସବିଶେଷ ସୂଚନା ଦିଆଯାଇନାହିଁ ବୋଲି ଏସଆରସି କହିଛନ୍ତି ।

Probable Cyclone, Low Pressure Area Likely To Form In Bay Of Bengal

ଏହାକୁ ଆଖିରେ ରଖି ଏନଡିଏମ ସବୁ ରାଜ୍ୟକୁ ପ୍ରସ୍ତୁତି ରହିବା ପାଇଁ କହିଛନ୍ତି । ବାତ୍ୟା ଆଶ୍ରୟ ସ୍ଥଳୀ ଜିଲ୍ଲାପାଳମାନେ ଚିହ୍ନଟ କରିବା ସହ ଶୁଖିଲା ଖାଦ୍ୟ ଆଦି ପ୍ରସ୍ତୁତ ରଖାଯାଇଛି । ଓଡ୍ରାଫ, ଏନଡିଆରଏଫ ଓ ଫାୟାର ସର୍ଭିସକୁ ପଠାଗଲାଣି । ଆମ ପାଖରେ ପର୍ଯ୍ୟାପ୍ତ ପରିମାଣର ଟିମ୍ ଅଛନ୍ତି । ପଞ୍ଚାୟତ ଗୁଡ଼ିକୁ ସାମିଲ୍ କରି ସ୍ଥାନାନ୍ତରଣ ପକ୍ରିୟାକୁ ସଠିକ୍ ସମୟରେ କରିବା, କୌଣସି ଲୋକ ଯେଭଳି କଚ୍ଚା ଘରେ ରହିବେ ନାହିଁ ସେଥିପାଇଁ ପଦକ୍ଷେପ ନିଆଯାଇଛି । ଆଜି ଠାରୁ ସମୁଦ୍ର ମଧ୍ୟ ଭାଗକୁ ଯିବାକୁ ମତ୍ସ୍ୟଜୀବୀମାନଙ୍କୁ ବାରଣ କରାଯାଇଛି ।

Probable Cyclone, Low Pressure Area Likely To Form In Bay Of Bengal

ବିଭିନ୍ନ ବିଭାଗ ସହ ଆଲୋଚନା ହୋଇଛି । ସମସ୍ତଙ୍କୁ ନିର୍ଦ୍ଦେଶ ଦିଆଯାଇଛି ନିଜ ନିଜର ଆକ୍ସନ ପ୍ଲାନ ପ୍ରସ୍ତୁତ କରିବା ପାଇଁ । ହାଇମାକ୍ସ ଲାଇଟକୁ ତଳକୁ ଖସାଯିବ । ବାତ୍ୟାର କ୍ଷୟକ୍ଷତିକୁ ରୋକିବା ପାଇଁ ସମସ୍ତ ସହରାଞ୍ଚଳରେ ଏହଭଳି କରିବା ପାଇଁ ନଗର ଉନ୍ନୟନ ବିଭାଗକୁ ନିର୍ଦ୍ଦେଶ ଦିଆଯାଇଛି । ବିଜ୍ଞାପନ ବୋର୍ଡ ଖୋଲିବା ପାଇଁ ମାଲିକ ମାନଙ୍କୁ ନିର୍ଦ୍ଦେଶ ଦିଆଯାଇଛି । ଯଦି ନଖୋଲନ୍ତି ମ୍ୟୁନିସିପାଲଟି ଖୋଲି ଦେବ ।

ସହଯୋଗୀଙ୍କୁ ଦୁଷ୍କର୍ମ ମାମଲା, ତରୁଣ ତେଜପାଲ ନିର୍ଦ୍ଦୋଷରେ ଖଲାସ

ଗୋଆ: ତେହେଲକା ପତ୍ରିକାର ପୂର୍ବତନ ମୁଖ୍ୟ ସମ୍ପାଦକ ତରୁଣ ତେଜପାଲଙ୍କୁ ବଡ଼ ଆଶ୍ବସ୍ତି । ସହଯୋଗୀଙ୍କୁ ଦୁଷ୍କର୍ମ ଅଭିଯୋଗ ମାମଲାରେ ତେଜପାଲଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ଗୋଆ ସେସନ କୋର୍ଟ ।  ୨୦୧୩ ମସିହାରେ ଏକ ହୋଟେଲରେ ନିଜ ସହଯୋଗୀଙ୍କୁ ଦୁଷ୍କର୍ମ କରିଥିବା ନେଇ ତେଜପାଲଙ୍କ ବିରୋଧରେ ଅଭିଯୋଗ ହୋଇଥିଲା ।

ଯୌନ ଉତ୍ପୀଡ଼ନ ଓ ଦୁଷ୍କର୍ମ ମାମଲାରେ ଗୋଆ ସେସନ କୋର୍ଟ ତାଙ୍କୁ ନିର୍ଦ୍ଦୋଷରେ ମୁକ୍ତ କରିଛନ୍ତି । ୨୦୧୭ରୁ ମାମଲାର ଶୁଣାଣି ଚାଲିଥିବା ବେଳେ ଆଜି ରାୟ ପ୍ରକାଶ ପାଇଛି । ଅତିରିକ୍ତ ବିଚାରପତି ଜଷ୍ଟିସ କେ ଯୋଶୀ ମାମଲାର ଶୁଣାଣି କରି ତେଜପାଲଙ୍କୁ ଦୋଷମୁକ୍ତ କରିଛନ୍ତି ।

ତରୁଣ ତେଜପାଲଙ୍କ ବିରୋଧରେ ଆଇପିସିର ଧାରା ୩୪୨, ୩୫୪, ୩୫୪(ଏ), ୩୭୬ (୨), ଓ ୩୭୬ (୨) (କେ)ରେ ମକଦ୍ଦମା ଚାଲିଥିଲା ।

ରାଜ୍ୟର ୮୦ ପ୍ରତିଶତ ଆଇସିୟୁ, ୫୦ ପ୍ରତିଶତ ଭେଣ୍ଟିଲେଟରରେ ରୋଗୀ,

ଭୁବନେଶ୍ୱର: ଟେଷ୍ଟିଂ ବଢ଼ିବାରୁ ରାଜ୍ୟରେ ବଢ଼ୁଛି ସଂକ୍ରମଣ ଓ ମୃତ୍ୟୁସଂଖ୍ୟା । ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି ଏବେ ରାଜ୍ୟରେ ୮୦ ପ୍ରତିଶତ ଆଇସିୟୁରେ ରୋଗୀ ଅଛନ୍ତି । ୫୦ ପ୍ରତିଶତରୁ ଅଧିକ ଭେଣ୍ଟିଲେଟରରେ କରୋନା ଆକ୍ରନ୍ତଙ୍କ ଚିକିତ୍ସା କରାଯାଉଛି । ବହୁତ ଗୁରୁତର ଲୋକେ ଏବେ ମେଡିକାଲରେ ଅଛନ୍ତି । ସେ ଦୃଷ୍ଟିରୁ ମୃତ୍ୟୁ ସଂଖ୍ୟା ଏବେ ଟିକିଏ ବଢ଼ିବ । ମେ ୧୫ରୁ ୨୦ ତାରିଖକୁ ଦେଖିଲେ ମୃତ୍ୟୁସଂଖ୍ୟା ବଢ଼ୁଥିବା ଜଣାପଡ଼ୁଛି ।

ଯେତିକି ରୋଗୀ ମେଡିକାଲରେ ଅଛନ୍ତି ସେମାନଙ୍କ ଭିତରୁ କିଛି ସୁସ୍ଥ ହେବେ ନଚେତ୍ କିଛି ଜଣ ମୃତ୍ୟୁବରଣ କରିବେ । ସେହି ଅନୁପାତରେ ମୃତ୍ୟୁ ସଂଖ୍ୟା ବଢ଼ିବାର ଆକଳନ କରାଯାଉଛି । ମେ ମାସ ଶେଷ ବେଳକୁ ରାଜ୍ୟରେ ସଂକ୍ରମଣ କମିବ ବୋଲି ଆମେ ଆଶା ରଖିଛୁ । କରୋନାର ପ୍ରଥମ ଲହରରେ ୧୮ ବର୍ଷ ତଳକୁ ୧୦ ପ୍ରତିଶତ ମୃତ୍ୟୁ ହୋଇଥିଲା । ବର୍ତ୍ତମାନ ଯୁବବର୍ଗ ଅଧିକ ସଂକ୍ରମିତ ହେଉଛନ୍ତି । ଯେହେତୁ ଭ୍ୟାକ୍ସିନ ନଥିଲା ତେଣୁ ବର୍ତ୍ତମାନ ଡେଥ୍ ରେଟ ବଢ଼ୁଛି । ଯେତେ ଶୀଘ୍ର ଆମେ ଭ୍ୟାକ୍ସିନେସନ ସାରିବା ସେହି ଅନୁପାତରେ ମୃତ୍ୟୁହାର କମିବ ।

ଆମେ ଧୀରେ ଧୀରେ ଆଇସିୟୁ ବଢ଼ାଉଛୁ । ଆଜି ବି କିମ୍ସ ହସ୍ପିଟାଲରେ ଆଇସିୟୁ ବଢ଼ାଇବା ପାଇଁ ପ୍ରକ୍ରିୟା ଆରମ୍ଭ ହୋଇଛି । ବ୍ଲାକ ଫଙ୍ଗସ ଥିଲା, ହ୍ଵାଇଟ ଫଙ୍ଗସ୍ ବି ପୂର୍ବରୁ ରହିଥିଲା । ଲୋକ ମାନେ ଭୟଭୀତ ହୁଅନ୍ତୁ ନାହିଁ । ମାଲେରିଆ, ଯକ୍ଷ୍ମା ଭଳି ବ୍ଲାକ ଫଙ୍ଗସକୁ କେବଳ ନୋଟିଫାଏଡ୍ ଡିଜିଜି ବୋଲି ଘୋଷଣା କରାଯାଇଛି । ସମସ୍ତ ନୋଟିଫାଏଡ୍ ଡିଜିଜି ମହାମାରୀ ନୁହେଁ । ଅର୍ଥାତ ଯେଉଁଠି ରୋଗୀ ଚିହ୍ନଟ ହେବେ ତୁରନ୍ତ ସରକାରଙ୍କୁ ଜଣାଇବେ । ଆମ ରାଜ୍ୟରେ ୧୦ ଜଣ ଭିତରେ ବ୍ଲାକ ଫଙ୍ଗସ ସନ୍ଦିଗ୍ଧ ଚିହ୍ନଟ ହୋଇଛନ୍ତି ।

ଲାଲ୍ ବାହିନୀକୁ କରୋନା ଭୟ, ଆତ୍ମସମର୍ପଣ କଲେ ୪ ମାଓବାଦୀ

ମାଲକାନଗିରି: ଲାଲଗଡ଼ରେ କିଲର୍ ଭାଇରସ୍ କରୋନା । ମାଓଗଡ଼ରେ କରୋନା ପଶିବା ପରେ ଛାନିଆଁ ହୋଇ ପଡ଼ିଛନ୍ତି ନକ୍ସଲ । ଚିକିତ୍ସା ପାଇଁ ଏଣେତେଣେ ଘୁରି ବୁଲିବା ପରେ ଆତ୍ମସମର୍ପଣ କରୁଛନ୍ତି । ମାଲକାନଗିରି ସୀମାନ୍ତ ଛତିଶଗଡ଼ ଦାନ୍ତେୱାଡ଼ାରେ ୪ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ୨ ମହିଳା ମାଓବାଦୀଙ୍କ ସମେତ ୨ ଜଣ ପୁରୁଷ ଜିଲ୍ଲା ପୋଲିସ୍ ନିକଟରେ ଆତ୍ମମର୍ପଣ କରିଛନ୍ତି ।

 4 Naxals Surrendered In Dantewada After Covid Positive

ଆତ୍ମସମର୍ପଣ କରିବା ପରେ ସମସ୍ତ ୪ ଜଣ ମାଓବାଦୀଙ୍କ କୋଭିଡ୍ ଟେଷ୍ଟ କରାଯାଇଥିଲା । ସେଥିମଧ୍ୟରୁ ୩ ଜଣଙ୍କ ରିପୋର୍ଟ ପଜିଟିଭ୍ ଆସିଥିବା ଜଣାପଡ଼ିଛି । ପୂର୍ବରୁ ମାଓ ସଙ୍ଗଠନରେ କରୋନା ବ୍ୟାପି ସାରିଥିବା ବେଳେ ଗ୍ରାମାଞ୍ଚଳର ଲୋକମାନଙ୍କୁ ମାଓବାଦୀଙ୍କ ବୈଠକରେ ସାମିଲ ନହେବାକୁ ଅପିଲ କରିଛନ୍ତି ଏସପି ଅଭିଷେକ ପଲ୍ଲବ ।

ଗଡ଼ଚିରୋଲିରେ ପୋଲିସର ଏନକାଉଣ୍ଟର, ୧୩ ନକ୍ସଲ ନିହତ

ନାଗପୁର: ମହାରାଷ୍ଟ୍ରରେ ଲାଲ୍‌ ବାହିନୀକୁ ଝଟକା । ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୧୩ ନକ୍ସଲ ନିହତ ହୋଇଛନ୍ତି । ମହାରାଷ୍ଟ୍ରର ଗଡ଼ଚିରୋଲି ଫରେଷ୍ଟରେ ନକ୍ସଲ-ସୁରକ୍ଷାକର୍ମୀ ଗୁଳି ବିନିମୟ ବେଳେ ୧୩ ନକ୍ସଲ ନିହତ ହୋଇଛନ୍ତି । ଆଜି ସକାଳୁ ସୁରକ୍ଷାକର୍ମୀମାନେ ମାଓ କ୍ୟାମ୍ପ ଉପରେ ହମଲା କରିଥିଲେ ।

ଏହି ସମୟରେ ୧୩ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ କ୍ୟାମ୍ପରୁ କେତେକ ମାରଣାସ୍ତ୍ର, ବନ୍ଧୁକ, ଗୁଳି ଆଦି ଜବତ କରାଯାଇଛି । କାସାନସୁର ଦଲାମର ମାଓବାଦୀମାନେ ଗ୍ରାମବାସୀଙ୍କ ସହ ଏକ ବୈଠକ ଆୟୋଜନ କରୁଥିବା ନେଇ ପୋଲିସକୁ ସୂଚନା ମିଳିଥିଲା । ତେବେ ବୈଠକ ପୂର୍ବରୁ ମାଓକ୍ୟାମ୍ପରେ ସୁରକ୍ଷାକର୍ମୀମାନେ ଆକ୍ରମଣ କରିଥିଲେ ।

ଅପରାହ୍ଣରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବ କ୍ୟାବିନେଟ୍ ବୈଠକ

ଭୁବନେଶ୍ୱର: ଆଜି ଅପରାହ୍ଣରେ ବସିବ ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହି ବୈଠକ ବସିବ । ଭିଡିଓ କନଫରେନ୍ସିଂ ମାଧ୍ୟମରେ ବିସବାକୁ ଥିବା ରାଜ୍ୟ କ୍ୟାବିନେଟ୍ ବୈଠକରେ ବହୁ ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ଅନୁମୋଦନ କରାଯିବ ।

State Cabinet Meeting To Held Today In Chairmanship Of CM

ଅପରାହ୍ଣ ୫ଟା ୩୦ରେ କ୍ୟାବିନେଟ୍ ବୈଠକ ବସିବ । ରାଜ୍ୟରେ କରୋନା ମୁକାବିଲା ନେଇ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବ । ବିଦେଶରୁ କୋଭିଡ୍ ଟିକା ଆମଦାନୀ ପାଇଁ ଗ୍ଲୋବାଲ୍ ଟେଣ୍ଡରକୁ କ୍ୟାବିନେଟ ବୈଠକରେ ମଞ୍ଜୁରୀ ମିଳିପାରେ ।

ଏଥିସହ ପଢ଼ନ୍ତୁ: କୋଭିଡ୍ ଟିକା ପାଇଁ ଗ୍ଲୋବାଲ୍ ଇ-ଟେଣ୍ଡର ଆହ୍ୱାନ କଲା ଓଡ଼ିଶା ରାଜ୍ୟ ଔଷଧ ନିଗମ

ରାଉରକେଲା ଇସ୍ପାତ କାରଖାନାର ୨୫୨୫ ଜଣ କର୍ମଚାରୀ କରୋନା ପଜିଟିଭ୍

ରାଉରକେଲା: ରାଜ୍ୟରେ ଦୈନିକ କରୋନା ସଂକ୍ରମଣ ୧୨ ହଜାର ଉପରେ ରହିଛି । ଅନ୍ୟପଟେ ସୁନ୍ଦରଗଡ଼ ଜିଲ୍ଲାରେ ଦୈନିକ ସଂକ୍ରମଣ ମାମଲା ଖସିବାରେ ଲାଗିଛି । ଜିଲ୍ଲାରେ ଦୈନିକ ମାମଲା ହ୍ରାସ୍ ପାଉଥିବା ବେଳେ ଆରଏସପିରୁ ୨୫ ଶହରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଥିବା ଜଣାପଡ଼ିଛି ।

ଏଥିସହ ପଢ଼ନ୍ତୁ: ଦୈନିକ ସଂକ୍ରମଣରେ ନୂଆ ରେକର୍ଡ, ୨୪ ଘଣ୍ଟାରେ ୧୨ ହଜାର ୫୨୩ ଆକ୍ରାନ୍ତ ଚିହ୍ନଟ

ରାଉରକେଲା ଇସ୍ପାତ କାରଖାନାରେ ୨୫୨୫ ଜଣ କର୍ମଚାରୀ କୋଭିଡରେ ଆକ୍ରାନ୍ତ ହୋଇଛନ୍ତି । ସେଥି ମଧ୍ୟରୁ ୧୭୨୫ ଜଣ କର୍ମଚାରୀ ସୁସ୍ଥ ହୋଇ ସାରିଥିବା ବେଳେ ଅନ୍ୟ ୮ ଶହ ଜଣ କର୍ମଚାରୀ କୋଭିଡରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି । ରାଉରକେଲା ଇସ୍ପାତ କାରଖାନା ଭିତରେ କୋଭିଡ୍ ଗାଇଡଲାଇନ୍ କଡ଼ାକଡ଼ି କରାଯାଇଥିବା ପିଆର ବିଭାଗ ପକ୍ଷରୁ ସୂଚନା ଦିଆଯାଇଛି ।

ସୁନ୍ଦରଗଡ଼ ଜିଲ୍ଲାରେ ଏଯାବତ୍ ୪୮ ହଜାର ୯୫୭ ଜଣ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୩୯ ହଜାର ୯୭୫ ଜଣ ସୁସ୍ଥ ହୋଇ ସାରିଥିବା ବେଳେ ୨୩୬ ଜଣଙ୍କ ମୃତ୍ୟୁ ହୋଇଛି । ଏବେ ଜିଲ୍ଲାରେ ୮ ହଜାର ୭୪୨ ଜଣ ସକ୍ରିୟ ଆକ୍ରାନ୍ତ ରହିଛନ୍ତି  ।

ଦେଶରେ କମିଲା ଦୈନିକ ସଂକ୍ରମଣ ମାମଲା, ବଢ଼ିଲା ମୃତ୍ୟୁ

ନୂଆଦିଲ୍ଲୀ: ଦେଶରେ କମିଲା ଦୈନିକ କରୋନା ସଂକ୍ରମଣ ମାମଲା । ହେଲେ କମୁନି ଦୈନିକ ମୃତ୍ୟୁ । ଗତ ୨୪ ଘଣ୍ଟାରେ ଦେଶରୁ ଆଉ ୨ ଲକ୍ଷ ୫୯ ହଜାର ୫୯୧ଟି ପଜିଟିଭ୍ ମାମଲା ଚିହ୍ନଟ ହୋଇଛନ୍ତି । ୪ ହଜାର ୨୦୯ ସଂକ୍ରମିତଙ୍କ ଜୀବନ ନେଇଛି କିଲର କରୋନା । ଦିନକରେ ୩ ଲକ୍ଷ ୫୭ ହଜାର ୨୯୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

ଦେଶରେ କରୋନାର ସ୍ଥିତି

ମୋଟ କରୋନା ମାମଲା– ୨ କୋଟି ୬୦ ଲକ୍ଷ ୩୧ ହଜାର ୯୯୧

ମୋଟ ସୁସ୍ଥ– ୨ କୋଟି ୨୭ ଲକ୍ଷ ୧୨ ହଜାର ୭୩୫

ମୋଟ ମୃତ୍ୟୁ– ୨ ଲକ୍ଷ ୯୧ ହଜାର ୩୩୧

ସକ୍ରିୟ ସଂକ୍ରମଣ ମାମଲା– ୩୦ ଲକ୍ଷ ୨୭ ହଜାର ୯୨୫

ମୋଟ ଟିକାକରଣ– ୧୯ କୋଟି ୧୮ ଲକ୍ଷ ୭୯ ହଜାର ୫୦୩

ଦେଶରେ କରୋନା ମୃତ୍ୟୁହାର ୧.୧୧ ପ୍ରତିଶତ ରହିଥିବା ବେଳେ ସୁସ୍ଥତା ହାର ୮୬ ପ୍ରତିଶତ ରହିଛି । ସକ୍ରିୟ ମାମଲା ହ୍ରାସ ପାଇ ୧୨ ପ୍ରତିଶତ ରହିଛି । ସକ୍ରିୟ ସଂକ୍ରମଣ ମାମଲାରେ ବିଶ୍ୱରେ ଭାରତ ଦ୍ୱିତୀୟ ସ୍ଥାନରେ ରହିଛି । ମୋଟ ସଂକ୍ରମିତ ମାମଲାରେ ମଧ୍ୟ ବିଶ୍ୱରେ ଭାରତ ଦ୍ୱିତୀୟ ସ୍ଥାନରେ ଅଛି । ଯେତେବେଳେ କି ଆମେରିକା, ବ୍ରାଜିଲ୍ ପରେ ସର୍ବାଧିକ କରୋନା ମୃତ୍ୟୁ ଭାରତରେ ହେଉଛି ।

୧୧ ଦିନର ସଂଘର୍ଷ ପରେ ଇସ୍ରାଏଲ୍-ହମାସ୍ ଅସ୍ତ୍ରବିରତି ପାଇଁ ରାଜି

ଗାଜା: ଦୀର୍ଘ ୧୧ ଦିନର ଯୁଦ୍ଧ ପରେ ଏବେ ଶାନ୍ତି ନିଦ୍ରାରେ ଶୋଇବେ ଇସ୍ରାଲଏବାସୀ । କାରଣ ଟଳିଛି ଯୁଦ୍ଧ ଆଉ ଶାନ୍ତ ପଡ଼ିଛି ବୋମା ବର୍ଷଣକାରୀ ମେସିନ୍‌। ବୋମା ଆକ୍ରମଣରେ ଶୋଇଯାଇଛି ବଡ଼ ବଡ଼ କୋଠା, ମୃତ୍ୟୁ ମୁହଁକୁ ଠେଲି ହୋଇଯାଇଛନ୍ତି ଅନେକ ନିରୀହ । ଅନେକ କିଛି ହରାଇଲା ପରେ ସ୍ଥିର ପଡ଼ିଛି ସ୍ଥିତି। ଇସ୍ରାଏଲ ଏବଂ ହାମାସ ଗୁରୁବାର ଅସ୍ତ୍ରବିରତି ପାଇଁ ରାଜି ହୋଇଛନ୍ତି । ୧୧ ଦିନ ଧରି ଚାଲିଥିବା ଏହି ଯୁଦ୍ଧ ଗାଜା ପଟ୍ଟିରେ ଆତଙ୍କ ସୃଷ୍ଟି କରିଥିଲା । ଆକାଶରେ ଚାଲିଥିଲା ଅହରହ ବୋମା ବର୍ଷଣ । ଜୀବନ ବଞ୍ଚିବା ଅସମ୍ଭବ ମାତ୍ର ଲାଗୁଥିବା ବେଳେ ୨୦୦ ରୁ ଅଧିକ ଲୋକ ପ୍ରାଣ ହରାଇଥିଲେ।

ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ସୁରକ୍ଷା ମନ୍ତ୍ରୀମଣ୍ଡଳ ଗାଜା ଅଞ୍ଚଳରେ ୧୧ ଦିନ ଧରି ଚାଲିଥିବା ସାମରିକ କାର୍ଯ୍ୟକୁ ବନ୍ଦ କରିବା ପାଇଁ ଏକପାଖିଆ ଅସ୍ତ୍ରବିରତି ମଞ୍ଜୁର କରିଛନ୍ତି । ତେବେ ଯୁଦ୍ଧକୁ ରୋକିବାରେ ବଡ଼ ଭୂମିକା ଗ୍ରହଣ କରିଛି ଆମେରିକା । ଆମେରିକାର ହସ୍ତକ୍ଷେପ ପରେ ଯୁଦ୍ଧ ବନ୍ଦ ହୋଇଛି ବୋଲି ଗଣମାଧ୍ୟମରେ ପ୍ରକାଶିତ ହୋଇଥିବା ଏକ ରିପୋର୍ଟରେ କୁହାଯାଇଛି । ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ନିୟନ୍ତ୍ରଣ ହେଉନଥିବାରୁ ଚାପ ପକାଇଥିଲା ଆମେରିକା ।

ଅସ୍ତ୍ରବିରତି ଘୋଷଣା ଉପରେ ନେତନ୍ୟାହୁଙ୍କ କାର୍ଯ୍ୟାଳୟ କହିଛି ଯେ, ଇସ୍ରାଏଲର ସାମରିକ ମୁଖ୍ୟ ତଥା ଅନ୍ୟ ବରିଷ୍ଠ ସୁରକ୍ଷା ଅଧିକାରୀଙ୍କ ସୁପାରିସ୍ ପରେ ତାଙ୍କ ସୁରକ୍ଷା କ୍ୟାବିନେଟ ମିଶ୍ରର ଅସ୍ତ୍ରବିରତି ପ୍ରସ୍ତାବକୁ ସର୍ବସମ୍ମତି କ୍ରମେ ଗ୍ରହଣ କରିଛି। ବିବୃତିରେ କୁହାଯାଇଛି, ଅପରେସନରେ ମଧ୍ୟ ଉଲ୍ଲେଖନୀୟ ସଫଳତା ହାସଲ କରାଯାଇଛି । ତେବେ ରାଜନୈତିକ ନେତାମାନେ ଗୁରୁତ୍ୱାରୋପ କରିଛନ୍ତି ହମାସ ଉପରେ ହୋଇଥିବା ଆକ୍ରମଣ ଭବିଷ୍ୟତ ସ୍ଥିର କରିବ। ଏଭଳି ବିବୃତି ଦେଇ ଇସ୍ରାଏଲ ପୁଣି ହମାସକୁ ଟାର୍ଗେଟ କରିଛି। ଇସ୍ରାଏଲ୍ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଦ୍ୱାରା ଜାରି ବିବୃତି ହମାସ ପାଇଁ ଏକ ଧମକ ବୋଲି ଜଣାପଡ଼ଛି।

ଇସ୍ରାଏଲ ହମାସ ଯୁଦ୍ଧ ନେଇଛି ଅନେକଙ୍କ ଜୀବନ । ଗାଜାର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ୬୫ ଜଣ ଶିଶୁ ଏବଂ ୩୯ ଜଣ ମହିଳାଙ୍କ ସମେତ ଅତି କମରେ ୨୩୦ ପାଲେଷ୍ଟାଇନ୍‌ବାସୀଙ୍କର ମୃତ୍ୟୁ ଘଟିଛି। ଏଥିସହ ୧ହଜାର ୭୧୦ ଜଣ ଆହତ ହୋଇଛନ୍ତି। ଅନ୍ୟପଟେ ଇସ୍ରାଏଲରେ ୧୨ ଜଣଙ୍କର ମୃତ୍ୟୁ ହୋଇଥିବା ଇସ୍ରାଏଲ ପକ୍ଷରୁ କୁହାଯାଇଛି।

ସେପଟେ ଯୁଦ୍ଧ ବନ୍ଦ ପାଇଁ ମୁଖ୍ୟ ଭୂମିକା ପାଲଟିଥିବା ଆମେରିକାର ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ-ଗାଜା ଅସ୍ତ୍ରବିରତି ନେଇ ମତ ରଖିଛନ୍ତି । ଅସ୍ତ୍ରବିରତି ପାଇଁ ବାଇଡେନ ଇସ୍ରାଏଲକୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ ଆତଙ୍କବାଦୀ ଗୋଷ୍ଠୀରୁ ନିଜକୁ ରକ୍ଷା କରିବା ପାଇଁ ଆମେରିକା ଇସ୍ରାଏଲକୁ ସମର୍ଥନ କରିଛି।