ନନ୍ଦିଘୋଷ ବ୍ୟୁରୋ: କ୍ଷତିଗ୍ରସ୍ତ ଚାଷୀଙ୍କ ନିକଟରେ ପହଞ୍ଚିଲେ ପାରଳାଖେମୁଣ୍ଡି ବିଧାୟକ ଇଂ ରୁପେଶ ପାଣିଗ୍ରାହୀ । ସ୍ଥିତି ଅନୁଧ୍ୟାନ କରିବା ସହ ପ୍ରଭାବିତ ଚାଷୀଙ୍କ ସହ ଆଲୋଚନା କରିଛନ୍ତି। ଗତ କିଛିଦିନ ଧରି ଲଗାଣ ବର୍ଷାରେ ଗଜପତି ଜିଲ୍ଲାର କାଶୀନଗର ବ୍ଲକ, ରାଣିପେଣ୍ଠ ପଞ୍ଚାୟତ ଅନ୍ତର୍ଗତ ଖିଙ୍ଗା ଅଞ୍ଚଳର ଶହଶହ ଏକର ଚାଷଜମି କ୍ଷତିଗ୍ରସ୍ତ ହୋଇଥିବା ଦେଖିବାକୁ ମିଳିଛି । ଏଠାକାର କେନାଲ ପୁନରୁଦ୍ଧାର ହୋଇ ନଥିବାରୁ ଏଭଳି ସ୍ଥିତି ଉପୁଜିଛି । ଜିଲ୍ଲାରେ କ୍ଷୁଦ୍ର ଜଳସେଚନ ବିଭାଗର ଅବହେଳାରୁ ଚାଷୀ କ୍ଷତିଗ୍ରସ୍ତ ହୋଇଛନ୍ତି । ଏହାର ସ୍ଥାୟୀ ସମାଧାନ ପାଇଁ ବିଭାଗ ସହ ଆଲୋଚନା କରିବା ସହ କ୍ଷତିଗ୍ରସ୍ତ ଚାଷୀଙ୍କୁ ସରକାରୀ ସହାୟତା ନିମନ୍ତେ ପ୍ରଶାସନ ନିକଟରେ ଦାବି କରିବେ ବୋଲି ଆଶ୍ଵାସନା ଦେଇଛନ୍ତି ବିଧାୟକ । ଏବେବି ବର୍ଷା ଜଳରେ ବୁଡି ରହିଛି ଶହଶହ ଏକର ଚାଷଜମି । ଉପରମୁଣ୍ଡରେ ବର୍ଷା ପୁଣି ଲାଗି ରହିଛି । ଫଳରେ ଧାନଚାଷ ନଷ୍ଟ ହେବା ଆଶଙ୍କା ସୃଷ୍ଟି ହୋଇଛି । ଯାହାକୁ ନେଇ ହତାଶ ହୋଇପଡିଛନ୍ତି ଚାଷୀ ।
ଅଜିତ ଅଗରକରଙ୍କୁ ବଡ଼ ଉପହାର ଦେଲା ବିସିସିଆଇ
ନନ୍ଦିଘୋଷ ବ୍ୟୁରୋ: ଭାରତୀୟ କ୍ରିକେଟ ବୋର୍ଡର ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କୁ ବଡ଼ ଉପହାର ଦେଉଛି ବିସିସିଆଇ । ତାଙ୍କ କାର୍ଯ୍ୟକାଳକୁ ଆହୁରି ବର୍ଷେ ବଢ଼ାଇ ଦିଆଯାଇଛି । ୨୦୨୩ ଜୁନ ମାସରେ ନିଯୁକ୍ତି କରାଯାଇଥିବାବେଳେ ୨ ବର୍ଷ ପାଇଁ ଚୁକ୍ତି କରିଥିଲେ ଅଗରକର । ଏଣୁ ଜୁନ୍ ୨୦୨୫ରେ ତାଙ୍କ କାର୍ଯ୍ୟକାଳ ସରୁଥିବାବେଳେ ଏସିଆ କପ ପାଇଁ କିଛି ଦିନ ରହିଥିଲେ । ମାତ୍ର ଏବେ ପୁଣିଥରେ ତାଙ୍କ କାର୍ଯ୍ୟକାଳକୁ ବଢ଼ାଇ ଦେଇଛି ବିସିସିଆଇ । ଆସନ୍ତାବର୍ଷ ଭାରତ-ଶ୍ରୀଲଙ୍କା ଟି-୨୦ ବିଶ୍ବକପ ଆୟୋଜନ କରିବାକୁ ଥିବାବେଳେ ଏହି ଲାଗି ଟିମ ମଧ୍ୟ ଚୟନ କରିବେ ଅଗରକର । ତାଙ୍କ ଚୟନରେ ଭାରତ ୨୦୨୪ ଟି-୨୦ ବିଶ୍ବକପ ଏବଂ ୨୦୨୫ ଚାମ୍ପିୟନ୍ସ ଟ୍ରଫି ଜିତିଛି ଦଳ । ଏଣୁ ୨୦୨୬ ଟି-୨୦ ବିଶ୍ବକପ ଲାଗି ସେ ଦଳ ଚୟନ କରିବେ ।
ଅନ୍ୟପଟେ ତାଙ୍କ କମିଟିରେ କିଛି ପରିବର୍ତ୍ତନ ହୋଇପାରେ ବୋଲି କୁହାଯାଉଛି । ଟିମ୍ ଇଣ୍ଡିଆର ବର୍ତ୍ତମାନର ଚୟନ କମିଟିରେ ଅଗରକର, ଏସ୍.ଏସ୍. ଦାସ, ସୁବ୍ରୋତୋ ବାନାର୍ଜୀ, ଅଜୟ ରାତ୍ରା ଏବଂ ଏସ୍. ଶରଥ ଅଛନ୍ତି। ରିପୋର୍ଟରେ ବିଶ୍ୱାସ କରାଯାଉଛି ଯେ ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ବାର୍ଷିକ ସାଧାରଣ ବୈଠକ ପରେ ଚୟନ କମିଟିରେ କିଛି ପରିବର୍ତ୍ତନ ହେବ। ସେପ୍ଟେମ୍ବର ୨୦୨୧ରେ, ଶରଥ ଜୁନିଅର ଚୟନ କମିଟିର ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ ଏବଂ ଜାନୁଆରୀ ୨୦୨୩ରେ ତାଙ୍କୁ ବରିଷ୍ଠ ଚୟନ କମିଟିକୁ ପଦୋନ୍ନତି ଦିଆଯାଇଥିଲା। ତଥାପି, ସେ ଏବେ ଚାରି ବର୍ଷ ପୂରଣ କରିବେ। ରିପୋର୍ଟ ଅନୁଯାୟୀ, ବୋର୍ଡ ତାଙ୍କ ସ୍ଥାନରେ ଏକ ନୂତନ ମୁହଁ ନେଇପାରିବ।
ଛାତ୍ରୀଙ୍କୁ ପ୍ରେମ ନିବେଦନ କଲେ ପୂର୍ବତନ ଟ୍ୟୁସନ ଶିକ୍ଷକ, ଥାନାରେ ପହଞ୍ଚିଲା ମାମଲା..
ନନ୍ଦିଘୋଷ ବ୍ୟୁରୋ: କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ତନ୍ତିଆପାଳ ସାମୁଦ୍ରିକ ଥାନା ଅଞ୍ଚଳରେ ଅଭାବନୀୟ ଘଟଣା । ଜଣେ ନାବାଳିକା କଲେଜ ଛାତ୍ରୀଙ୍କୁ ପୂର୍ବତନ ଟିଉସନ ସାର ପ୍ରେମ ନିବେଦନ କରିବା ସହିତ ଅସଦାଚରଣ କରିଥିବା ନେଇ ଥାନାରେ ଅଭିଯୋଗ ହୋଇଛି । ଛାତ୍ରୀ ଜଣକ ହାଇସ୍କୁଲରେ ପାଠ ପଢ଼ୁଥିବା ସମୟରେ ସେହି ଅଞ୍ଚଳର ଜଣେ ଟିଉସନ ସାର ତାଙ୍କୁ ଅସଦାଚରଣ କରିବା ସହିତ ପ୍ରେମ ନିବେଦନ କରୁଥିଲେ । ଏପରିକି ସାର ଜଣକ ମୋବାଇଲରେ ମେସେଜ ମଧ୍ୟ ପଠାଉଥିଲେ । ପରେ ଛାତ୍ରୀ ଜଣକ ପରିବାର ଲୋକଙ୍କୁ ଜଣାଇବା ପରେ ସେ ଆଉ ତାଙ୍କ ନିକଟକୁ ପାଠ ପଢିବାକୁ ଯାଇ ନଥିଲେ । ଚଳିତ ମାସ ଅଗଷ୍ଟ ୧୫ ତାରିଖ ଦିନ ସମ୍ପୃକ୍ତ ଛାତ୍ରୀ ଜଣକ କଲେଜ ଯିବା ବାଟରେ ଟିଉସନ ଶିକ୍ଷକ ତାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି । ପୂର୍ବରୁ ଥିବା ଫଟୋ ଭାଇରାଲ କରିଦେବେ ବୋଲି ନାବାଳିକା ଛାତ୍ରୀଙ୍କୁ ଧମକ ଦେଇଥିଲେ ଟିଉସନ ସାର୍ । ଏନେଇ ଛାତ୍ରୀ ଜଣକ ତନ୍ତିଆପାଳ ସାମୁଦ୍ରିକ ଥାନାରେ ଲିଖିତ ଅଭିଯୋଗ କରିଛନ୍ତି । ତନ୍ତିଆପାଳ ସାମୁଦ୍ରିକ ଥାନା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଏହି ଅସଦାଚରଣ ଅଭିଯୋଗ ଉପରେ ସାମୁଦ୍ରିକ ଥାନା ପୋଲିସ ଏବଂ ଟିଉସନ ଶିକ୍ଷକଙ୍କ ପ୍ରତିକ୍ରିୟା ହସ୍ତଗତ ହୋଇ ପାରିନାହିଁ।.
ନବବଧୂଙ୍କ ସନ୍ଦେହଜନକ ମୃତ୍ୟୁ : ଦୀର୍ଘ ୨ କିମି ମୃତଦେହ ବୋହି ସତ୍କାର କଲା ପୋଲିସ
ନନ୍ଦିଘୋଷ ବ୍ୟୁରୋ: ନବବଧୂଙ୍କ ସନ୍ଦେହଜନକ ମୃତ୍ୟୁ । ଦୀର୍ଘ ୨ କିମି ମୃତଦେହ ବୋହି ସତ୍କାର କଲା ପୋଲିସ । ବାଲେଶ୍ବର ଜିଲ୍ଲା ବସ୍ତା ଥାନା ବଡ଼ଧନାଡ଼ି ଗାଁର ତପନ କୁମାର ଜେନାଙ୍କ ଝିଅ କବିତା ନଳବାହାର ଅଞ୍ଚଳର ରବି ମହାଳିକଙ୍କ ପୁଅ ଶନିଆଙ୍କୁ ବିବାହ କରିଥିଲେ ।ବାହାଘର ପରେ ଶନିଆ କବିତାଙ୍କୁ ଯୌତୁକ ନିର୍ଯାତନା ଦେଉଥିବା ଅଭିଯୋଗ କରିଥିଲେ । ଗତ ରକ୍ଷା ବନ୍ଧନ ଦିନ କବିତା ବାପ ଘରକୁ ଆସି ସମସ୍ତ ଘଟଣା କହିବା ସହ ଖୁବଶୀଘ୍ର ଜ୍ବାଇଁଙ୍କ ଦାବିକୁ ପୂରଣ କରିବା ପାଇଁ ଅନୁରୋଧ କରିଥିଲେ । ଗତ ମଙ୍ଗଳବାର ଦିନ କବିତାଙ୍କୁ ଜ୍ବର ହୋଇଥିବା ଶ୍ବଶୁର ଘର ଲୋକେ ବାପଘର ଲୋକଙ୍କୁ ଖବର ଦେଇଥିଲେ । ହେଲେ ବସ୍ତା ହସ୍ପିଟାଲରେ ଝିଅର ମୃତ୍ୟୁ ହୋଇଥିବା ଦେଖିବାକୁ ପାଇଥିଲେ ବାପଘର ଲୋକ । ଝିଅକୁ ଫାଶି ଦେଇ ମାରିଦେଇଥିବା ବାପଘର ଲୋକେ ଥାନାରେ ଅଭିଯୋଗ କରିଛନ୍ତି । ପୁଲିସ ସ୍ବାମୀ ଶନିଆଙ୍କୁ ଗିରଫ କରିଥିବା ବେଳେ ମୃତକଙ୍କ ଶବକୁ ବ୍ୟବଚ୍ଛେଦ କରି ବାପଘର ଲୋକଙ୍କୁ ହସ୍ତାନ୍ତର କରିବାକୁ ଚାହିଁଥିଲେ । ହେଲେ ଝିଅକୁ ହତ୍ୟା କରାଯାଇଥିବା ଅଭିଯୋଗ କରି ମୃତଦେହ ନବାକୁ ମନା କରିଦେଇଥିଲେ ବାପଘର ଲୋକେ । ଫଳରେ ପୁଲିସ ମୃତଦେହକୁ ଦୀର୍ଘ ଦୁଇ କିମି କାନ୍ଧେଇ ଶବ ସତ୍କାର କରିଛି ।…
ମୁଢ଼ି ପ୍ୟାକେଟ ଧରି ବାଲେଶ୍ୱର ଜେଲକୁ ଗଲେ ସମୀର
ନନ୍ଦିଘୋଷ ବ୍ୟୁରୋ: ହାତରେ ମୁଢ଼ି ପ୍ୟାକେଟ ଧରି ବାଲେଶ୍ୱର ଜେଲକୁ ଗଲେ ସମୀର କୁମାର ସାହୁ । ଫକୀର ମୋହନ କଲେଜ ଛାତ୍ରୀ ଆତ୍ମହତ୍ୟା ଘଟଣାରେ ପୁଣି ବିଚାରବିଭାଗୀୟ ହାଜତକୁ ଯାଇଛନ୍ତି ଫକୀର ମୋହନ କଲେଜର ବିବାଦୀୟ HOD ସମୀର କୁମାର ସାହୁ । କ୍ରାଇମବ୍ରାଞ୍ଚର ତିନି ଦିନିଆ ରିମାଣ୍ଡରେ ଥିଲେ ସମୀର ସାହୁ । ରିମାଣ୍ଡ ଅବଧି ଶେଷ ହୋଇଥିବା ବେଳେ ସମୀରଙ୍କୁ ଜେଲରେ ଛାଡ଼ିଛି କ୍ରାଇମବ୍ରାଞ୍ଚ । ସୋମବାର ତିନି ଦିନିଆ ରିମାଣ୍ଡରେ ସମୀରଙ୍କୁ ନେଇ କ୍ରାଇମବ୍ରାଞ୍ଚ ପଚରାଉଚରା କରିଥିଲା । ମୃତ ଛାତ୍ରୀଙ୍କ ଫୋନ କଲ ରେକର୍ଡ ଓ ସାଥୀଙ୍କ ବୟାନ ଓ ଫରେନସିକ ଏଭିଡ଼େନ୍ସ କ୍ରାଇମବ୍ରାଞ୍ଚର ହସ୍ତଗତ ହେବାପରେ ତଦନ୍ତ ଆଗକୁ ବଢ଼ାଇବା ପାଇଁ ସମୀରଙ୍କୁ ରିମାଣ୍ଡରେ ନେବାକୁ ଆବେଦନ କରିଥିଲା ତଦନ୍ତକାରୀ ସଂସ୍ଥା । ତେବେ ଆବେଦନକୁ ଗ୍ରହଣ କରି ବାଲେଶ୍ୱର SDJM କୋର୍ଟ ୩ ଦିନିଆ ରିମାଣ୍ଡ ମଞ୍ଜୁରୀ ଦେବାପରେ ସମୀରଙ୍କୁ ଧରି କଟକ ମୁଖ୍ୟାଳୟରେ ମାରାଥନ ପଚରାଉଚରା କରୁଥିଲା କ୍ରାଇମବ୍ରାଞ୍ଚ ଟିମ ।
ପୁରୀ-ଶାଲିମାର ଶ୍ରୀଜଗନ୍ନାଥ ଏକ୍ସପ୍ରେସର S4 ବଗିରେ ବୈଷୟିକ ତ୍ରୁଟି, ଦୀର୍ଘ ସମୟ ଅଟକି ରହିଲା ଟ୍ରେନ୍..
ନନ୍ଦିଘୋଷ ବ୍ୟୁରୋ: ପୁରୀ ରେଳଷ୍ଟେସନରେ ଦୀର୍ଘ ସମୟ ଧରି ଅଟକିଲା ଟ୍ରେନ୍ । ପୁରୀ-ଶାଲିମାର ଶ୍ରୀଜଗନ୍ନାଥ ଏକ୍ସପ୍ରେସର S4 ବଗିରେ ବୈଷୟିକ ତ୍ରୁଟି ଯୋଗୁଁ ଦୀର୍ଘସମୟ ପର୍ଯ୍ୟନ୍ତ ଟ୍ରେନଟି ୮ ନମ୍ବର ପ୍ଲାଟଫର୍ମରେ ଅଟକି ରହିଥିଲା । ଗତକାଲି ରାତିରେ ପୁରୀ ରେଳଷ୍ଟେସନରେ ଏଭଳି ସ୍ଥିତି ଦେଖିବାକୁ ମିଳିଛି । ପୁରୀ-ଶାଲିମାର୍ ଶ୍ରୀଜଗନ୍ନାଥ ଏକ୍ସପ୍ରେସର S4 ବଗିର ଏୟାର ବେଲୋ ଲିକେଜ୍ ରହିଥିବା ଯୋଗୁଁ ଅଟକି ରହିଥିଲା । ଗତକାଲି ଟ୍ରେନଟି ରାତି ୧୦.୪୦ରେ ୮ ନମ୍ବର ପ୍ଲାଟଫର୍ମରୁ ଛାଡିବାକୁ ଥିବାବେଳେ ତ୍ରୁଟି ଥିବା ବଗିର ମରାମତି ଯୋଗୁଁ ପ୍ରାୟ ରାତି ୧.୩୦ ପର୍ଯ୍ୟନ୍ତ ଟ୍ରେନ୍ ଛାଡିନଥିଲା। ବୈଷୟିକ ତ୍ରୁଟି ଥିବା ବଗିଟି ମରାମତି ହେବାପରେ ଟ୍ରେନ୍ ଚଳାଚଳ ସ୍ୱଭାବିକ୍ ହୋଇଥିଲା ।
ଗୁଜରାଟ ଦ୍ଵାରକାରେ ବର୍ଷା ବିତ୍ପାତ, ବୁଡ଼ି ରହିଛି ଶହ ଶହ ଏକର ଜମି
ନନ୍ଦିଘୋଷ ବ୍ୟୁରୋ: ଗୁଜରାଟ ଦ୍ଵାରକାରେ ବର୍ଷା ବିତ୍ପାତ। ପାଣିରେ ବୁଡିଛି ଶହ ଶହ ଏକର ଚାଷ ଜମି। ପୋରବନ୍ଦର ଓ ଜୁନାଗଡ ପ୍ରବଳ ବର୍ଷା ରେକର୍ଡ ହୋଇଛି। ଜୁନାଗଡ଼ରେ ୧୨ ଘଣ୍ଟା ମଧ୍ୟରେ ୩୩୧ ମିଲିମିଟର ବର୍ଷା ହୋଇଛି। ସେହିପରି ପୋବବନ୍ଦରରେ ମଧ୍ୟ ବର୍ଷାରୁ ନାହିଁ ନଥିବା ସ୍ଥିତି ଉପୁଜିଛି। ପାଣିରେ ଫସିଥିବା ୪୬ ଜଣ ପିଲାଙ୍କୁ ଉଦ୍ଧାର କରିଛି ଏନଡିଆରଏଫ୍ ଟିମ। ମୁମ୍ବାଇରେ ଗତକାଲି ୧୦୭.୪ ମିମି ବର୍ଷା ହୋଇଛି। ଠାଣେରେ ପାଣି ଭର୍ତ୍ତି ଖଣିରେ ପଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ପାଲଘର ବନ୍ୟାରେ ଫସି ରହିଥିବା ୪୨ ଜଣ ଶ୍ରମିକଙ୍କୁ ଏନଡିଆରଏଫ ମଧ୍ୟ ଉଦ୍ଧାର କରିଛି। ଲୋକେ ଘର ମଧ୍ୟରେ ଫସି ରହିଛନ୍ତି। ଉଦ୍ଧାରକାରୀ ଦଳ ଲୋକଙ୍କୁ ରେସକ୍ୟୁ ବୋଟ ଜରିଆରେ ଉଦ୍ଧାର କରିଛନ୍ତି। ଜୁନାଗଡ଼ ଅଂଚଳରେ ୬୦୦ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ପୋରବନ୍ଦରରେ ୫୦ ଜଣଙ୍କୁ ସ୍ଥାନାନ୍ତର କରାଯାଇଛି। ଜୁନାଗଡ ବନଥଲି ଅଂଚଳରେ ୨୭୮ ମିଲିମିଟର ବର୍ଷା ରେକର୍ଡ ହୋଇଛି। ସେପଟେ ମହାରାଷ୍ଟ୍ର ନାସିକରେ ପ୍ରବଳ ବର୍ଷାରୁ ବନ୍ୟାସ୍ଥିତି ସୃଷ୍ଟି ହୋଇଛି। ଗଙ୍ଗାପୁର ଡ୍ୟାମରୁ ପ୍ରବଳ ମାତ୍ରାରେ ପାଣି ଛାଡିବାରୁ କୃଷ୍ଣା ନଦୀର ଜଳସ୍ତର ବୃଦ୍ଧି ପାଇଛି। ନାସିକର ଆଖପାଖ ଅଂଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି।….
ଦିଲ୍ଲୀର ୫ ସ୍କୁଲକୁ ବୋମା ଧମକ
ନନ୍ଦିଘୋଷ ବ୍ୟୁରୋ: ଦିଲ୍ଲୀର ୫ ସ୍କୁଲକୁ ବୋମା ଧମକ। ଦ୍ଵାରକା ସେକ୍ଟର-୫ରେ ଥିବା ବିଜିଏସ୍ ଇଣ୍ଟରନ୍ୟାସନାଲ ପବ୍ଲିକ ସ୍କୁଲ ସମେତ ୫ ସ୍କୁଲକୁ ମିଳିଛି ଧମକ। ୪ ଦିନ ମଧ୍ୟରେ ତୃତୀୟଥର ଲାଗି ସ୍କୁଲମାନଙ୍କୁ ମିଳିଛି ଏପରି ବୋମାରେ ଉଡ଼ା ଦେବାକୁ ଧମକ। ଖବର ପାଇବା ପରେ ଦିଲ୍ଲୀ ପୋଲିସ ଓ ଅଗ୍ନିଶମବାହିନୀର ଟିମ ପହଞ୍ଚି ଖାନତଲାସି ଆରମ୍ଭ କରିଛନ୍ତି। ଗତ ସୋମବାର ଦିନ ଦିଲ୍ଲୀର ୩୦ରୁ ଅଧିକ ସ୍କୁଲକୁ ସମାନ ଧମକ ମିଳିଥିଲା। ଯାହା ପରେ ଏହି ଧମକ ମିଥ୍ୟା ବୋଲି ଜଣାପଡ଼ିଥିଲା।ବୁଧବାର ଦିନ ରାଜଧାନୀ ଦିଲ୍ଲୀର ପ୍ରାୟ ୫୦ଟି ସ୍କୁଲକୁ ଇ-ମେଲ୍ ମାଧ୍ୟମରେ ପୁଣି ଥରେ ବୋମା ଧମକ ମିଳିଥିଲା। ଯାହାକୁ ପରେ ମିଥ୍ୟା ବୋଲି ଘୋଷଣା କରାଯାଇଥିଲା। ଡିଏଭି ପବ୍ଲିକ୍ ସ୍କୁଲ, ଫେଥ୍ ଏକାଡେମୀ, ଡୁନ୍ ପବ୍ଲିକ୍ ସ୍କୁଲ, ସର୍ବୋଦୟ ବିଦ୍ୟାଳୟ, ରାହୁଲ ମଡେଲ୍ ସ୍କୁଲ, ଦ୍ୱାରକାର ମ୍ୟାକ୍ସଫୋର୍ଟ ସ୍କୁଲ, ମାଲବ୍ୟ ନଗରର ଏସକେଭି ଏବଂ ପ୍ରସାଦ ନଗରର ଆନ୍ଧ୍ର ସ୍କୁଲକୁ ବୋମା ଧମକ ମିଳିଥିବା ଜଣାଡିଛି। ଇ-ମେଲ୍ ଜରିଆରେ ଟେରରାଇଜର୍ସ ୧୧୧ ନାମକ ଗୋଷ୍ଠୀ ଦେଇଛି ଧମକ। ମଙ୍ଗଳବାର ରାତିରେ ସ୍କୁଲଗୁଡ଼ିକୁ ପଠାଯାଇଥିବା ଧମକପୂର୍ଣ୍ଣ ମେଲରେ ଗୋଷ୍ଠୀ ୨ ହଜାର ଡଲାର କ୍ରିପ୍ଟୋ କରେନ୍ସି ଦାବି କରିଥିଲା ।
ଆହୁରି ୭ ଦିନ ଧରି ରାଜ୍ୟର ବିଭିନ୍ନ ଜିଲାରେ ପ୍ରବଳ ବର୍ଷା..
ନନ୍ଦିଘୋଷ ବ୍ୟୁରୋ: ସପ୍ତାହକ ପାଇଁ ବର୍ଷା ଆଲର୍ଟ ଦେଲା ଆଂଚଳିକ ପାଣିପାଗ କେନ୍ଦ୍ର । ରାଜ୍ୟରେ ଜାରି ରହିଛି ମୌସୁମି ଜନିତ ବର୍ଷା। ଆହୁରି ୭ ଦିନ ଧରି ରାଜ୍ୟର ବିଭିନ୍ନ ଜିଲାରେ ହାଲୁକାରୁ ମଧ୍ୟମ ଧରଣ ବର୍ଷା ଜାରି ରହିବ ବୋଲି କହିଛି ପାଣିପାଗ ବିଭାଗ। କିଛି ସ୍ଥାନ ମାନଙ୍କରେ ବିଜୁଳି, ଘଡ଼ଘଡ଼ି ଜନିତ ବର୍ଷା ସମ୍ଭାବନା ଥିବା ବେଳେ ଉତ୍ତର ଓଡିଶାର କିଛି ଜିଲ୍ଲା ଓ ଉପକୂଳବର୍ତ୍ତୀ କିଛି ଜିଲ୍ଲାରେ ବର୍ଷା ସମ୍ଭାବନା ନେଇ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ସେପଟେ ଆଜିପାଇଁ ବାଲେଶ୍ଵର, ଭଦ୍ରକ, କେନ୍ଦୁଝର, ମୟୁରଭଞ୍ଜ, ଝାରସୁଗୁଡ଼ା, ବରଗଡ଼ ଓ ସମ୍ବଲପୁର ଜିଲ୍ଲାର କିଛି କିଛି ସ୍ଥାନମାନଙ୍କରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ଥିବାବେଳେ ଉତ୍ତର ଓଡିଶାର ବି କିଛି ଜିଲ୍ଲା ମାନଙ୍କରେ ବିଜୁଳି ଘଡ଼ଘଡ଼ି ଜନିତ ପ୍ରବଳ ବର୍ଷା ସମ୍ଭାବନା ରହିଛି। ୩୦ରୁ ୪୦ କିମି ବେଗରେ ପବନ ବହିବାର ସମ୍ଭାବନା ରହିଛି। ସେପଟେ ରାଜ୍ୟରେ ନିଅଣ୍ଟିଆ ବର୍ଷା ହୋଇନାହିଁ ବୋଲି ସ୍ପଷ୍ଟ କରିଛି ଆଂଚଳିକ ପାଣିପାଗ କେନ୍ଦ୍ର ।
ଆସିକାରେ ପାଗଳ କୁକୁର ଆତଙ୍କ
ନନ୍ଦିଘୋଷ ବ୍ୟୁରୋ: ଗଂଜାମ ଆସିକାରେ ପାଗଳ କୁକୁର ଆତଙ୍କ। ଧରାକୋଟ ଅଂଚଳରେ ପାଗଳ କୁକୁର କାମୁଡାରେ ୧୨ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ଆସିକା ମେଡିକାଲରେ ଭର୍ତ୍ତି କରାଯାଇଛି। ଧରାକୋଟ ଥାନା ଅନ୍ତର୍ଗତ କୁଶରାଵ ଗ୍ରାମରେ ପାଗଳା କୁକୁର ଆତଙ୍କ ଦେଖାଦେଇଛି। ବରିଗୁଡ଼ା, କୁଶରାବ ଓ ଲଷ୍ମୀପୁର ଗାଁର 12 ଜଣଙ୍କୁ କାମୁଡି ଲହୁ ଲୁହାଣ କରିଛି ପାଗଳା କୁକୁର। କୁଶରାଵ ଗାଁର 7 ଜଣ ବରିଗୁଡ଼ା ଗ୍ରାମର 4 ଜଣ ଓ ଲଷ୍ମୀପୁର ଗ୍ରାମର ଜଣେ କୁକୁର କାମୁଡ଼ାର ଶିକାର ହୋଇଛନ୍ତି। ଏହି ତିନି ଗ୍ରାମରେ ଏବେ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।