spot_img
Home Blog Page 5625

ଓ଼ଡ଼ିଶାର ମୋନା ବିଶ୍ୱରୂପା ମହାନ୍ତିଙ୍କୁ ଦୁବାଇର ‘ଗୋଲ୍ଡେନ୍ ଭିସା’, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ମୟୂରଭଞ୍ଜ ଜିଲ୍ଲାର ମୋନା ବିଶ୍ୱରୂପା ମହାନ୍ତିଙ୍କୁ ମିଳିତ ଆରବ ଏମିରଟ (ୟୁଏଇ)ର ଗୋଲ୍ଡେନ୍ ଭିସା ସମ୍ମାନ ମିଳିଛି । ଏହି ସମ୍ମାନ କାରଣରୁ ସେ ଦୁବାଇରେ ୧୦ ବର୍ଷ ପର୍ଯ୍ୟନ୍ତ ରହି ପାରିବେ । ଏହି ଲମ୍ବା ଅବଧିର ଭିସା କଳା, ସଂସ୍କୃତି, ସାହିତ୍ୟ ଓ ଐତିହାସିକ ଅଧ୍ୟୟନ କ୍ଷେତ୍ରରେ ଉତ୍କର୍ଷତା ପାଇଁ ପ୍ରଦାନ କରାଯାଇଥାଏ । ଏହି ଭିସା ବିଦେଶୀ ନାଗରିକଙ୍କୁ ୟୁଏଇରେ ରହିବା ସହିତ କାମ କରିବା ପାଇଁ ଅଧିକାର ପ୍ରଦାନ କରେ । ଏହା ସହିତ ଏହି ଭିସା ପାଇଥିବା ବ୍ୟକ୍ତି ୟୁଏଇରେ ଏକ ଶତ ପ୍ରତିଶତ ମାଲିକାନାରେ ବ୍ୟକ୍ତିଗତ ବ୍ୟବସାୟ କରି ପାରିବେ ।

ମୋନାଙ୍କ ଏହି ସଫଳତା ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମ ଓଡ଼ିଆ ଭାବେ ସେ ଏହି ସମ୍ମାନ ପାଇଥିବାରୁ ମୁଖ୍ୟମନ୍ତ୍ରୀ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହିତ ତାଙ୍କର ଏହି ଉପଲବ୍ଧ ଅନ୍ୟମାନଙ୍କୁ ବିଶ୍ୱସ୍ତରରେ ଖ୍ୟାତି ଅର୍ଜନ ଲାଗି ପ୍ରେରଣା ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ୟୁଏଇ ଏହି ୨୦୧୯ରେ ଏହି ନୂଆ ବ୍ୟବସ୍ଥା ଲାଗୁ କରିଥିଲା । ଯାହା ଅନୁଯାୟୀ ଏହି ଭିସା ୫ କିମ୍ବା ୧୦ ବର୍ଷ ପାଇ ଜାରି କରାଯାଇଥାଏ । ଗୋଲ୍ଡେନ୍ ଭିସା ସ୍ୱଂୟ ନବୀକରଣ ହୋଇଥାଏ । ଅର୍ଥାତ ଏହାକୁ ପାଇଥିବା ବ୍ୟକ୍ତିଙ୍କୁ ପୁଣିଥରେ ଏହାକୁ ରିନ୍ୟୁଆଲ କରିବାକୁ ପଡିନଥାଏ । ମହାନ୍ତି ପ୍ରଥମ ଓଡ଼ିଆ କଳାକାର ଯାହାଙ୍କୁ ଗୋଲ୍ଡେନ୍ ଭିସା ମିଳିଛି । ବିଶ୍ୱରୂପା ୨୦୦୭ରୁ ଦୁବାଇରେ ରହୁଛନ୍ତି । ସେ ପ୍ରାୟ ୮ ବର୍ଷ ଧରି ଶିକ୍ଷା ଓ ଡିଜାଇନ୍ କ୍ଷେତ୍ରରେ କାର୍ଯ୍ୟ କରୁଛନ୍ତି ।

ବିଶ୍ୱରୂପା ମହାନ୍ତି କିଏ ?
ବିଶ୍ୱରୂପା ଦୁବାଇର ଆର୍ଥିକ ବିଭାଗର କର୍ମଚାରୀ ଅଟନ୍ତି । ସେ ଓଡ଼ିଶାର ବାରିପଦାର ସ୍କୁଲ ଅଫ୍ ଆର୍ଟ୍ସ ଆଣ୍ଡ୍ କ୍ରାଫ୍ଟସରୁ ଲଳିତ କଳାରେ ଡିପ୍ଲୋମା କରିଛନ୍ତି । ତାଙ୍କ ପିତା ସଂଗ୍ରାମ କିଶୋର ମହାନ୍ତି ଗୀତିକାର ଭାବେ ଓଡ଼ିଶାର ପରିଚିତ । ତାଙ୍କ ମା’ ଜଣେ ଶିକ୍ଷୟତ୍ରୀ । ବିଶ୍ୱରୂପା ଇଟାଲିର ମିଲାନରୁ ଫେସନ ଓ ଟେକ୍ସଟାଇଲରେ ସ୍ନାତକୋତ୍ତର ଡିଗ୍ରୀ ପାଇଛନ୍ତି ।

ଗୋଲ଼୍ଡେନ୍ ଭିସା ପାଇବା ଉପରେ ପ୍ରତିକ୍ରିୟା ଦେଇ ସେ କହିଛନ୍ତି ଯେ, ଏହି ଭିସା ମୋତେ ଲମ୍ବା ଅବଧି ପାଇଁ ଦୁବାଇରେ ରହିବା ପାଇଁ ସୁଯୋଗ ଦେବା ସହିତ ସାଂସ୍କୃତିକ ଓ ଅନ୍ୟ କଳାକାରଙ୍କ ସହିତ ମିଶିକରି କାମ କରିାର ସୁଯୋଗ ଦେବ । ସେ ଆହୁରି ମଧ୍ୟ କହିଛନ୍ତି ଯେ, ଗୋଲ୍ଡେନ୍ ଭିସା ପାଇଁ ତାଙ୍କୁ ନିଜ ଦେଶର ସାଂସ୍କୃତି ପ୍ରତିନିଧିତ୍ୱ କରିବାର ଅବସର ମିଳିଛି ।

ଆମେରିକାର ଏକ ଅନୁସନ୍ଧାନରୁ ସ୍ପଷ୍ଟ: କରୋନାର ଆଲଫା ଓ ବିଟା ଭାରିଏଣ୍ଟ ପ୍ରତି ପ୍ରଭାବଶାଳୀ ହେଉଛି କୋଭାକ୍ସିନ

ନୂଆଦିଲ୍ଲୀ: ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କୋଭାକ୍ସିନ୍ କରୋନାର ଆଲଫା ଓ ବିଟା ଭାରିଏଣ୍ଟ ପ୍ରତି ପ୍ରଭାବଶାଳୀ । ଏନେଇ ସ୍ପଷ୍ଟ କରିଛି ଆମେରିକାର ଏକ ଅନୁସନ୍ଧାନ । ସୂଚନା ଅନୁସାରେ,  ଆମେରିକାର ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହେଲଥ ତାହାର ଅନୁସନ୍ଧାନ ମାଧ୍ୟମରେ ସ୍ୱୀକାର କରିଛି ଯେ ଭାରତୀୟ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚର ସହଯୋଗରେ ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କୋଭାକ୍ସିନ୍ କରୋନାର ଉଭୟ ଆଲଫା ଏବଂ ଡେଲଟା ଭାରିଏଣ୍ଟ ପ୍ରତି ପ୍ରଭାବଶାଳୀ ।

NIH ରିପୋର୍ଟ କରିଛି ଯେ କୋଭାକ୍ସିନ ଟିକା ଗ୍ରହଣ କରିଥିବା ଲୋକଙ୍କ ରକ୍ତ ନମୁନା ଉପରେ ଦୁଇଟି ଅଧ୍ୟୟନର କରାଯାଇଥିଲା । ଏବଂ ଏଥିରୁ ସ୍ପଷ୍ଟ ଜଣାଯାଇଥିଲା ଯେ, କୋଭାକ୍ସିନ ଏଭଳି ଆଣ୍ଟିବଡି ଉତ୍ପାଦନ କରେ ଯାହା B.1.17 ଆଲଫା ଏବଂ B.1.617 ଡେଲଟା ଭାରିଏଣ୍ଟ ପ୍ରତି ପ୍ରଭାବଶାଳୀ ।
ସୂଚନାନୁସାରେ, କୋଭାକ୍ସିନରେ କରୋନା ଭାଇରସର ଏକ ଏମିତି ପ୍ରକାର ସାମିଲ ରହିଛି ଯାହା ଭାଇରସ ବିରୁଦ୍ଧରେ ଆଣ୍ଟିବଡି ତିଆରି କରିବା ପାଇଁ ପ୍ରତିରକ୍ଷା ପ୍ରଣାଳୀକୁ ଉତ୍ସାହିତ କରିଥାଏ ।

NIH କହିଛି ଯେ ଟୀକାର ଦ୍ୱିତୀୟ ପର୍ଯ୍ୟାୟ ପରୀକ୍ଷଣରୁ ପ୍ରକାଶିତ ଫଳାଫଳ ଦର୍ଶାଉଛି ଯେ ଏହା ନିରାପଦ ଏବଂ ଭଲ ଭାବରେ ସହନୀୟ କ୍ଷମତା ରହିଛି। ଏହାସହ, ଟିକା ତୃତୀୟ ପର୍ଯ୍ୟାୟ ପରୀକ୍ଷଣରୁ ସୁରକ୍ଷିତ ତଥ୍ୟ ଚଳିତ ବର୍ଷ ଶେଷରେ ଉପଲବ୍ଧ ହେବ । ଏହାସହ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଆଲର୍ଜି ଆଣ୍ଡ ଇମ୍ଫେକସନ ଡିଜିଜ୍ର ନିର୍ଦ୍ଦେଶକ ଆନ୍ଥନୀ ଏସ୍ ଫାଉଚି କହିଛନ୍ତି ଯେ ‘ବିଶ୍ୱ ମହାମାରୀକୁ ସମାପ୍ତ କରିବା ପାଇଁ ବିଶ୍ୱସ୍ତରର ପ୍ରତିକ୍ରିୟା ଆବଶ୍ୟକ’।

ସେହିପରି NIH ଅନୁଯାୟୀ, NIAID ଆଡଜୁବେଣ୍ଟ ପ୍ରୋଗ୍ରାମ ୨୦୦୯ ମସିହାରୁ ବିରୋବାକ୍ସର ପ୍ରତିଷ୍ଠାତା ତଥା ସିଇଓ ସୁନୀଲ ଡେଭିଡଙ୍କ ଏହି ଅନୁସନ୍ଧାନକୁ ସମର୍ଥନ କରିଛନ୍ତି ।

NIH କହିଛି ଯେ କମ୍ପାନୀ LHydroxycim-II ର ବ୍ୟାପକ ସୁରକ୍ଷା ଅଧ୍ୟୟନ କରିଛି ଏବଂ ଉତ୍ପାଦନକୁ ବୃଦ୍ଧି କରିବା ପାଇଁ ଏକ ଜଟିଳ ପ୍ରକ୍ରିୟା କରିଛି । ୨୦୨୧ ଶେଷ ସୁଦ୍ଧା ଭାରତ ବାୟୋଟେକ୍ ଆନୁମାନିକ ୭୦ କୋଟି ଡୋଜର ଉତ୍ପାଦନ କରିବ ବୋଲି ଆଶା କରିଛି ।

ପାରାଦ୍ଵୀପ ସମୁଦ୍ର କୂଳରୁ ମିଳିଲା ବିରଳ ପ୍ରଜାତିର ବ୍ରାଜିଲ ଷ୍ଟେନେଲା ଡଲଫିନ

ପାରାଦ୍ଵୀପ: ପାରାଦ୍ଵୀପ ସମୁଦ୍ର କୂଳରୁ ମିଳିଲା ବିରଳ ପ୍ରଜାତିର (ଲଙ୍ଗ ସ୍ନାଉଟେଡ ସ୍ପିନର ଡଲଫିନ) ଷ୍ଟେନେଲା ଡଲଫିନ। ସାଢ଼େ ଚାରିଫୁଟ ଲମ୍ବ ଏହି ଡଲଫିନର ଓଜନ ପାଖାପାଖି ୨୦ ରୁ ୨୫ କିଲୋ ମଧ୍ୟରେ ହେବ। ଏହି ଷ୍ଟେନେଲା ପ୍ରଜାତିର ଡଲଫିନ ସାଧାରଣତଃ ଆମ ସମୁଦ୍ର ରେ ଖୁବ୍ କ୍ଵଚିତ ଦେଖିବାକୁ ମିଳିଥାଏ। ପାରାଦ୍ଵୀପ ବନ୍ଦରର ୫ ନମ୍ବର ଗେଟ ନିକଟ ହନୁମାନ ମନ୍ଦିର ପଛପଟ ସମୁଦ୍ର କୂଳରେ ପଡ଼ିଥିବାର ଦେଖି କିଛି ଯୁବକ ଏହାକୁ ପୋତି ଦେଇଥିଲେ।

ଏହାର ଉପର ଭାଗ କଳା ଚିକ୍ ଚିକ୍ ଦେଖାଯାଉଥିବା ବେଳେ ଏହାର ମୁହଁ ଲମ୍ବା ଥଣ୍ଟ ଭଳି ବାହାରିଛି। କୁଜଙ୍ଗ ବନ ବିଭାଗ ଖବର ପାଇବା ପରେ ଏହାକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ନେଇଛନ୍ତି। ବ୍ରାଜିଲ ଓ ଫ୍ରାନ୍ସ ଆଦି ଦେଶରେ ଏହି ପ୍ରଜାତିର ଡଲଫିନ ଦେଖିବାକୁ ମିଳିଥାଏ। ତେବେ ଏହା ଏକ ଅଣ୍ଡିରା ଡଲଫିନ ଏବଂ ବ୍ୟବଛେଦ ପରେ ଏହାର ମୃତ୍ୟୁର କାରଣ ଜଣାପଡ଼ିବ ବୋଲି ବନ ବିଭାଗ ପକ୍ଷରୁ କୁହାଯାଇଛି।

ଜୁଲାଇ ୩୧ ପର୍ଯ୍ୟନ୍ତ ଅନ୍ତର୍ଜାତୀୟ ବିମାନ ଉଡ଼ାଣ ଉପରେ ଲାଗିଲା ପ୍ରତିବନ୍ଧକ

ନୂଆଦିଲ୍ଲୀ: ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଧାର୍ଯ୍ୟ ଅନ୍ତର୍ଜାତୀୟ ବିମାନ ଉଡ଼ାଣ ଉପରେ ପ୍ରତିବନ୍ଧକକୁ ଜୁଲାଇ ୩୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ଡିଜିସିଏ କହିଛି ଯେ, ଅନ୍ତର୍ଜାତୀୟ ବାଣିଜ୍ୟିକ ଯାତ୍ରୀବାହୀ ବିମାନ ଉପରେ ପ୍ରତିବନ୍ଧକ ୩୧ ଜୁଲାଇ ୨୦୨୧ ପର୍ଯ୍ୟନ୍ତ ଲାଗୁ ରହବ। ତେବେ, ଏହି ପ୍ରତିବନ୍ଧକ ସେହି ଆନ୍ତର୍ଜାତୀୟ କାର୍ଗୋ ବିମାନଗୁଡିକ ପାଇଁ ପ୍ରଯୁଜ୍ୟ ହେବ ନାହିଁ ଯାହା ଡିଜିସିଏ ଦ୍ୱାରା ଅନୁମତି ଦିଆଯାଇଛି । ନିର୍ଦ୍ଦେଶାବଳୀରେ ଏହା ମଧ୍ୟ କୁହାଯାଇଛି ଯେ, ମନୋନୀତ ରୁଟରେ ଅନ୍ତର୍ଜାତୀୟ ବିମାନକୁ ଅନୁମତି ଦିଆଯାଇପାରିବ ।

ସୂଚନା ଯୋଗ୍ୟ ଯେ, କରୋନା ମହାମାରୀ ହେତୁ ମାର୍ଚ୍ଚ ୨୦୨୦ ରେ ପ୍ରଥମ ଥର ପାଇଁ ଅନ୍ତର୍ଜାତୀୟ ଯାତ୍ରୀ ବିମାନ ଉପରେ ନିଶେଧାଦେଶ ଜାରି କରାଯାଇଥିଲା। ଏବଂ ପରେ ମେ ୨୦୨୦ରେ ଘରୋଇ ବିମାନ ଚଳାଚଳ ପୁନରବାର ଆରମ୍ଭ ହୋଇଥିଲା କିନ୍ତୁ ପୁଣି କୋଭିଡ ମାମଲା ବହୁ ସଂଖ୍ୟାରେ ବୃଦ୍ଧି ପାଉଥିବାରୁ ଆନ୍ତର୍ଜାତୀୟ ଯାତ୍ରା ପ୍ରତିବନ୍ଧିତ ରହିଥିଲା ।

କରୋନା କଟକଣା ଭାଙ୍ଗି କରୁଥିଲେ ମଦ ବେପାର, ବିଦେଶୀ ମଦ ଦୋକାନରେ BMCରେ ଚଢ଼ାଉ

ଭୁବନେଶ୍ୱର: ରାଜ୍ୟରେ ଧିରେ ଧିରେ ତଳକୁ ଖସୁଛି କରୋନା ସଂକ୍ରମଣ। କିନ୍ତୁ ଏବେ ମଧ୍ୟ କରୋନାକୁ ନେଇ ବିପଦ ରହିଛି। କିନ୍ତୁ ସୁଧୁରୁନାହାନ୍ତି ଲୋକେ। ବାରମ୍ବାର ଭାଙ୍ଗୁଛନ୍ତି କରୋନା କଟକଣା। କେତେବେଳେ ଡ୍ରେସ୍‌ ଦୋକନି କଟକଣା ଭାଙ୍ଗିଲେଣି ତ ପୁଣି କେତେବେଳେ ହୋଟେଲ ଢ଼ାବା ଭାଙ୍ଗିଲେଣି କଟକଣା। ଆଉ ଏବେ ମଦ ଦୋକାନୀ ଭୁବନେଶ୍ୱରରେ କୋଭିଡ ନିୟମ ଉଲ୍ଲଂଘନ ଅଭିଯୋଗ ହୋଇଛି। ବିଏମସି ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ଜାରି। ବରମୁଣ୍ଡା ବିଦେଶୀ ମଦ ଦୋକାନରେ ଚଢ଼ାଉ। ୧୦ହଜାର ଟଙ୍କା ଜୋରିମାନା ଆଦାୟ। କୋଭିଡ ନିୟମ ଉଲଂଘନ ଅଭିଯୋଗରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଅନଲାଇନ ପରିବର୍ତ୍ତେ ଅଫଲାଇନରେ ବିକ୍ରୀ କରୁଥିଲେ ମଦ। ଗ୍ରାହକ ଭାବେ ବିଏମସି କର୍ମଚାରୀ ଯାଇ ମଦ କିଣିବା ପରେ ହେଲା ଚଢ଼ାଉ।

କରୋନା କଟକଣା ଭିତରେ ଚାଲିଥିଲା +୨ ପାଇଁ ଏଣ୍ଟ୍ରାନ୍ସ, ଚଢ଼ଉ କଲା ଫାଇନ କାଟିଲା ପ୍ରଶାସନ

ବାଲେଶ୍ୱର: ବାଲେଶ୍ୱରରେ କୋଭିଡ ନିୟମ ଉଲ୍ଲଂଘନ ଅଭିଯୋଗ। ଝାଡେଶ୍ୱର ଯୁକ୍ତ ଦୁଇ କଲେଜରେ ଯୁକ୍ତ ଦୁଇ ପାଇଁ ଏଣ୍ଟ୍ରାନ୍ସ ପରୀକ୍ଷା ହେଉଥିବା ଖବର ପାଇ ଚଢାଉ। ସବୁ ଛାତ୍ରଛାତ୍ରୀଙ୍କୁ କଲେଜ ଭିତରୁ ବାହାର କରିବା ସହ କଲେଜ କର୍ତ୍ତୃପକ୍ଷଙ୍କୁ ୨୦ ହଜାର ଟଙ୍କା ଜରିମାନା ହୋଇଛି। କୋଭିଡ ନିୟମକୁ ଖୋଲାଖୋଲି ଉଲ୍ଲଂଘନ କରି କଲେଜ କର୍ତ୍ତୃପକ୍ଷ ଏଣ୍ଟ୍ରାନ୍ସ ପରୀକ୍ଷା କରାଉଥିବା ବେଳେ ଜିଲ୍ଲାପାଳଙ୍କ ନିର୍ଦ୍ଦେଶରେ ତହସିଲଦାର ଚଢାଉ କରିଥିଲେ। ତେବେ ରାଜ୍ୟରେ କରୋନା କଟକଣା ପାଇଁ ସମସ୍ତ ସ୍କୁଲ କଲେଜ ବନ୍ଦ ରହିଛି। ପରୀକ୍ଷା ମଧ୍ୟ ବାତିଲ କରାଯାଇଛି। କେଉଁ ପରିସ୍ଥିତିରେ କଲେଜ କର୍ତ୍ତୃପକ୍ଷ ଏତେ ବଡ଼ ପଦକ୍ଷେପ ନେଲେ ତାହା ଜଣାପଡ଼ିନାହିଁ।

କାଳିଆ ହିତାଧିକାରୀଙ୍କୁ ୩୮୬ କୋଟି ଟଙ୍କାର ସ୍ୱତନ୍ତ୍ର କୋଭିଡ ସହାୟତା

ଭୁବନେଶ୍ୱର: କାଳିଆ ହିତାଧିକାରୀଙ୍କୁ କୋଭିଡ୍ ସହାୟତା। ରାଜ୍ୟରେ ଚାଷ ଓ ଚାଷୀଙ୍କ ଉନ୍ନତି ପାଇଁ ଆରମ୍ଭ ହୋଇଥିବା କାଳିଆ ଯୋଜନାରେ ୧୮ଲକ୍ଷ ଭୂମିହୀନ କୃଷକ ପରିବାରଙ୍କୁ ୩୮୬ କୋଟି ଟଙ୍କାର ସ୍ୱତନ୍ତ୍ର କୋଭିଡ ସହାୟତା ପ୍ରଦାନ କରାଯିବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅପରାହ୍ନ ସାଢେ ୫ଟାରେ ଏହାର ଶୁଭାରମ୍ଭ କରିବେ। ଏଥିରେ ପୂର୍ବରୁ ମେ ମାସ ୧୪ ତାରିଖରେ ଚାଷୀଙ୍କ ଖାତାକୁ କାଳିଆ ଯୋଜନାରେ ଯାଇଥିଲା ୯୨୦ କୋଟି ଟଙ୍କା। ରାଜ୍ୟର ୪୨ ଲକ୍ଷ ଚାଷୀ ପରିବାରର ବ୍ୟାଙ୍କ ଖାତାରେ ୨୦୨୧ ପାଇଁ କାଳିଆ ଯୋଜନାରେ ୯୨୦ କୋଟି ଟଙ୍କା ଜମା କରାଯାଇଥିଲା। ରାଜ୍ୟର ଛୋଟ ଚାଷୀ, ନାମମାତ୍ର ଚାଷୀ ଓ ଭୂମିହୀନ ଚାଷୀ ପରିବାରଙ୍କ ଜୀବନ ଜୀବିକାରେ ଉନ୍ନତି କରିବା ଆଶା ରଖିଛନ୍ତି ମୁଖ୍ୟମନ୍ତ୍ରୀ।

ପିଲାଙ୍କୁ ଦିଅନ୍ତୁ ମାଗଣା ନିମୋକୋକାଲ କଞ୍ଜୁଗେଟ୍ ଭ୍ୟାକ୍ସିନ୍

ଭୁବନେଶ୍ୱର: ନିୟମିତ ଟିକାକରଣ କାର୍ଯ୍ୟକ୍ରମରେ ଆଉ ଏକ ଟିକା ନିମୋକୋକାଲ କଞ୍ଜୁଗେଟ୍ ଭ୍ୟାକ୍ସିନ୍ (ପିସିଭି) ସାମିଲ୍ କରାଯାଇଛି । ଏହି ଟିକା ଛୁଆଙ୍କୁ ନିମୋକୋକସ୍ ଜୀବାଣୁ ଜନିତ ନିମୋନିଆ ଓ ମସ୍ତିଷ୍କ ସଂକ୍ରମଣରୁ ସୁରକ୍ଷା ପ୍ରଦାନ କରିଥାଏ । ଶିଶୁକୁ ଉପଯୁକ୍ତ ବ୍ୟବଧାନରେ ପିସିଭି ଟିକାର ତିନୋଟି ମାତ୍ରା ଦେବାକୁ ପଡ଼ିବ । ଏହି ଟିକା ସମ୍ପୂର୍ଣ୍ଣ ଦେୟମୁକ୍ତ ଅଟେ ।

ଏହି ଟିକାର ପ୍ରଥମ ମାତ୍ରା ଶିଶୁକୁ ଦେଢ଼ ମାସ ବେଳେ ଦିଆଯାଏ । ସେହିଭଳି ଶିଶୁ ସାଢେ ୩ ମାସର ହୋଇଥିବା ବେଳେ ଦ୍ୱିତୀୟ ଡୋଜ୍ ଏବଂ ଶିଶୁ ୯ ମାସର ହେବାବେଳେ ବୁଷ୍ଟର୍ ଡୋଜ୍ ତଥା ତୃତୀୟ ଡୋଜ୍ ଦିଆଯାଇଥାଏ । ଆଜି ଠାରୁ ସାରା ରାଜ୍ୟରେ ନିମୋକୋକାଲ କଞ୍ଜୁଗେଟ୍ ଭ୍ୟାକ୍ସିନ୍ (ପିସିଭି) ଟିକାକରଣ ଆରମ୍ଭ ହୋଇଛି ।

ଜୁଲାଇ ତୃତୀୟ ସପ୍ତାହରୁ ଆରମ୍ଭ ହୋଇପାରେ ସଂସଦର ମୌସୁମୀ ଅଧିବେଶନ

ନୂଆଦିଲ୍ଲୀ: ଜୁଲାଇ ୧୯ରୁ ଆରମ୍ଭ ହୋଇପାରେ ସଂସଦର ମୌସୁମୀ ଅଧିବେଶନ । ଏନେଇ ସୁପାରିସ୍ କରିଛି ସଂସଦୀୟ ବ୍ୟାପାର କ୍ୟାବିନେଟ୍ କମିଟି । ଜୁଲାଇ ୧୯ରୁ ଅଗଷ୍ଟ ୧୩ ଯାଏଁ ଅଧିବେଶନ ପାଇଁ ସୁପାରିସ୍ କରାଯାଇଛି । ସାଧାରଣତଃ ସଂସଦର ମୌସୁମୀ ଅଧିବେଶନ ଜୁଲାଇ ତୃତୀୟ ସପ୍ତାହରୁ ଆରମ୍ଭ ହୋଇ ଅଗଷ୍ଟ ୧୫ ସୁଦ୍ଧା ସରିଥାଏ ।

Monsoon Session 2021 may be held from July 19 to August 13

ଏହା ପୂର୍ବରୁ ଲୋକସଭା ଅଧ୍ୟକ୍ଷ ଓମ୍ ବିର୍ଲା କହିଥିଲେ, ସଂସଦର ମୌସୁମୀ ଅଧିବେଶନ ବସିବ । ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି କରାଯାଉଛି । ଓମ୍ ବିର୍ଲାଙ୍କ ଅନୁସାରେ, ସଂସଦର କର୍ମଚାରୀ ଟିକା ନେଇଛନ୍ତି । ସେହିଭଳି ଉଭୟ ଗୃହର ୪୪୫ ଜଣ ସାଂସଦ କୋଭିଡ୍ ଟିକା ନେଇ ସାରିଛନ୍ତି । ଟିକା ନେଇ ନଥିବା କର୍ମଚାରୀ ଓ ସାଂସଦ ଶୀଘ୍ର ଟିକା ନେବେ ।

ଗତ ଅଧିବେଶନରେ ସମସ୍ତଙ୍କର କୋଭିଡ୍ ଟେଷ୍ଟ କରାଯାଇଥିଲା । ଏବେ ଟିକାକରଣ ଉପରେ ଗୁରୁତ୍ୱ ଦିଆଯାଉଛି । ଟିକା ନେବା ପରେ ଗୁରୁତର ହେବା ଆଶଙ୍କା କମ୍ ରହୁଛି । ତଥାପି ଆମକୁ ସତର୍କତା ଅବଲମ୍ବନ କରିବାକୁ ପଡ଼ିବ ବୋଲି କହିଛନ୍ତି ଲୋକସଭା ଅଧ୍ୟକ୍ଷ ।

ପ୍ରସିଦ୍ଧ ଅଭିନେତ୍ରୀ ମନ୍ଦିରା ବେଦୀଙ୍କ ସ୍ୱାମୀ ରାଜ୍‌ କୌଶଲଙ୍କ ହାର୍ଟଆଟାକରେ ମୃୃତ୍ୟୁ

ନୂଆଦିଲ୍ଲୀ: ପ୍ରସିଦ୍ଧ ଅଭିନେତ୍ରୀ ମନ୍ଦିରା ବେଦୀଙ୍କ ପରିବାରରୁ ଏକ ଅତ୍ୟନ୍ତ ଦୁଃଖଦ ଖବର ଆସିଛି। ମନ୍ଦିରା ବେଦୀଙ୍କ ସ୍ୱାମୀ ରାଜ କୌଶଲଙ୍କ ହୃଦଘାତ ହେତୁ ବୁଧବାର ସକାଳେ ୪୯ ବର୍ଷ ବୟସରେ ଦେହାନ୍ତ ହୋଇଛି। ମନ୍ଦିରା ବେଦୀ ଏବଂ ତାଙ୍କ ପ୍ରଶଂସକଙ୍କ ପାଇଁ ଏହି ଖବର ଏକ ବଡ଼ ଧକ୍କା ଠାରୁ କମ୍ ନୁହେଁ। ମନ୍ଦିରା ଏବଂ ରାଜଙ୍କର ଦୁଇଟି ସନ୍ତାନ ଅଛନ୍ତି। କୌଶଙ୍କ ମୃତ୍ୟୁ ନେଇ ସୋସିଆଲ ମିଡିଆରେ ସେଲିବ୍ରିଟ୍ ଏବଂ ପ୍ରଶଂସକମାନେ ଦୁଃଖ ପ୍ରକାଶ କରିଛନ୍ତି।

https://twitter.com/IamOnir/status/1410084586638372868 

ରାଜ କୗଶଲ ବୃତ୍ତି ଅନୁଯାୟୀ ନିର୍ଦ୍ଦେଶକ ଏବଂ ନିର୍ମାତା ଥିଲେ। ରାଜ ଜଣେ କପି ରାଇଟର୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ। ପରେ ସେ ଫିଲ୍ମ କରିବାକୁ ସ୍ୱପ୍ନ ଦେଖିଥିଲେ। ରାଜ କୌଶଲ ଆନ୍ଥୋନୀ କୌନ ହେ, ଶାଦି କା ଲଡୁ, ପ୍ୟାର ମେ କଭି କଭି ପରି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ। ଅନ୍ୟ ପଟେ, ମାଇ ବ୍ରଦର … ନିଖିଲ, ସାଦି କା ଲଡୁ ଏବଂ ପ୍ୟାର ମେ କଭି କଭିକୁ ମଧ୍ୟ ରାଜ ନିର୍ମିତ କରିଥିଲେ। ରାଜ ଅନେକ ବିଜ୍ଞାପନ ଚଳଚ୍ଚିତ୍ର ମଧ୍ୟ ନିର୍ମାଣ କରିଛନ୍ତି।

ମନ୍ଦିରା ବେଦୀ ଏବଂ ରାଜ କୌଶଲ ଫେବୃଆରୀ ୧୯୯୯ରେ ବିବାହ କରିଥିଲେ। ୧୯ ଜୁନ୍ ୨୦୧୧ ରେ, ମନ୍ଦିରା ପୁଅ ଭୀରଙ୍କୁ ଜନ୍ମ ଦେଇଥିଲେ। ଗତ ବର୍ଷ ୨୦୨୦ ରେ ମନ୍ଦିରା ବେଦୀ ଏବଂ ରାଜ କୌଶଲ ୪ ବର୍ଷର ଝିଅକୁ ଆଡପ୍ଟ ମଧ୍ୟ କରିଥିଲେ। ଯାହାର ନାମ ତାରା ବେଦୀ କୌଶଲ।