spot_img
Home Blog Page 5265

ଓଡ଼ିଶା ହାଇକୋର୍ଟ ବିଚାରପତି ଭାବେ ଶପଥ ନେଲେ ଜଷ୍ଟିସ୍ ଯଶୋଓ୍ୱନ୍ତ ସିଂହ ଓ ଜଷ୍ଟିସ୍ ଅରିନ୍ଦମ ସିହ୍ନାଙ୍କ ଶପଥ ଗ୍ରହଣ

କଟକ: ଓଡ଼ିଶା ହାଇକୋର୍ଟର ବିଚାରପତି ଭାବେ ଜଷ୍ଟିସ୍ ଯଶୋୱନ୍ତ ସିଂହ ଓ ଜଷ୍ଟିସ୍ ଅରିନ୍ଦମ୍ ସିହ୍ନା ଆଜି ଶପଥ ଗ୍ରହଣ କରିଛନ୍ତି। ହାଇକୋର୍ଟ ନୂଆ କନଫ‌ରେନ୍ସ ହଲ୍‌ ଠାରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ.ମୁରଲୀଧର ଦୁଇ ବିଚାରପତିଙ୍କୁ ଶପଥ ପାଠ କରାଇଥିଲେ। ଏଠାରେ ଉଲ୍ଲେଖ ଯୋଗ୍ୟ ଯେ ପଞ୍ଜାବ ଓ ହରିୟାଣା ହାଇକୋର୍ଟର ବିଚାରପତି ଜଷ୍ଟିସ ଯଶୋୱନ୍ତ ସିଂହ ଓ କୋଲକାତା ହାଇକୋର୍ଟର ବିଚାରପତି ଜଷ୍ଟିସ ଅରିନ୍ଦମ ସିହ୍ନାଙ୍କ ଓଡ଼ିଶା ହାଇକୋର୍ଟକୁ ଏବଂ ଓଡ଼ିଶା ହାଇକୋର୍ଟର ବିଚାରପତି ଜଷ୍ଟିସ ସଂଜୟ କୁମାର ମିଶ୍ରଙ୍କୁ ଉତ୍ତରାଖଣ୍ଡ ହାଇକୋର୍ଟକୁ ବଦଳି ନେଇ କେନ୍ଦ୍ର ଆଇନ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଥିଲା। ଓଡ଼ିଶା ହାଇକୋର୍ଟରେ ମଞ୍ଜୁରୀପ୍ରାପ୍ତ ବିଚାରପତି ସଂଖ୍ୟା ୨୭ ହୋଇଥିବା ବେଳେ ବଦଳି ହୋଇ ଆସିଥିବା ଦୁଇ ବିଚାରପତିଙ୍କ ଶପଥ ଗ୍ରହଣ ପରେ ଏହି ସଂଖ୍ୟା ୧୪ରେ ପହଞ୍ଚିଛି ।

ଏଥିସହିତ ପଢ଼ନ୍ତୁ: ଆଜିଠୁ ନନ୍ଦନକାନନରେ ଗଡ଼ିବ ଟଏ ଟ୍ରେନ୍: ୫ଟି ବଗିରେ ରହିଛି ୭୨ଜଣଙ୍କ ପାଇଁ ବସିବା ବ୍ୟବସ୍ଥା

 

 

ରାସ୍ତାକଡ଼ରୁ ଯୁବକଙ୍କ ମୃତଦେହ ଉଦ୍ଧାର: ୧୫ରୁ ଅଧିକ ଅପରାଧୀକ ମାମଲା ଥିବା ସୂଚନା

ବ୍ରହ୍ମପୁର: ଗୋସାଇଁନୂଆଗାଁ ଥାନା ଅନ୍ତର୍ଗତ ହଳଦିଆପଦର ନିକଟ ରାସ୍ତା କଡ଼ରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି ।  କେହି ତାଙ୍କୁ ହତ୍ୟା କରିବା ପରେ ଫୋପାଡି ଦେଇଥିବା ଅନୁମାନ କରାଯାଉଛି । ମୃତକ ଜଣଙ୍କ ହେଲେ ଗଞ୍ଜାମ ପୋଲସରା ଅଞ୍ଚଳର ସୁଧୀର କୁମାର ସାହୁ । ସୁଧୀର ନାମରେ ପାଖାପାଖି ୧୫ଅପରାଧୀକ ମାମଲା ଥିବା ସୁଚନା ମିଳିଛି । ଘଟଣା ସମ୍ପର୍କରେ ଖବର ପାଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି  ତନାଘନା ଆରମ୍ଭ କରିଛି ।

ଏଥିସହିତ ପଢ଼ନ୍ତୁ: ଆଜିଠୁ ନନ୍ଦନକାନନରେ ଗଡ଼ିବ ଟଏ ଟ୍ରେନ୍: ୫ଟି ବଗିରେ ରହିଛି ୭୨ଜଣଙ୍କ ପାଇଁ ବସିବା ବ୍ୟବସ୍ଥା

 

 

ଅରୁଣାଚଳରେ ଭାରତ-ଚୀନ୍ ସେନା ମୁହାଁମୁହିଁ, ଭାରତ ସୀମାରେ ପଶିଲେ ୨୦୦ ଚୀନ ସୈନ୍ୟ

ଭାରତ-ଚୀନ୍ ମଧ୍ୟରେ ତିକ୍ତତା ଆହୁରି ବଢ଼ିବାରେ ଲାଗିଛି । ଲଦାଖ ପରେ ବର୍ତ୍ତମାନ ଅରୁଣାଚଳରେ ଦୁଇଦେଶର ସୈନ୍ୟ ମୁହାଁମୁହିଁ ହୋଇଛନ୍ତି । ଅରୁଣାଚଳରେ ନିୟନ୍ତ୍ରଣ ରେଖାଠାରେ ଭାରତ ଓ ଚୀନ ସେନା ମଧ୍ୟରେ ଉତ୍ତେଜନା ପ୍ରକାଶ ପାଇଛି। ପାଟ୍ରୋଲିଂ ବେଳେ ଦୁଇ ଦେଶର ସୈନ୍ୟଙ୍କ ମଧ୍ୟରେ ଉତ୍ତେଜନାମୂଳକ ସ୍ଥିତି ଉପୁଜିଥିଲା ।

 

ସୂଚନା ମୁତାବକ ଚୀନର ପ୍ରାୟ ୨୦୦ଶହ ସୈନ୍ୟ ଭାରତ ସୀମାରେ ପଶି ଭାରତୀୟ ବଙ୍କର ନଷ୍ଟ କରିବାକୁ ଚେଷ୍ଟା କରିଥିଲେ । ଏହାର ଦୃଢ଼ ଜବାବ ଦେଇଥିଲେ ଭାରତୀୟ ସେନା । ଫଳରେ LACର ବୁମଲା-ୟାଙ୍ଗସେ ନିକଟରେ ଉତ୍ତେଜନା ସୃଷ୍ଟି ହୋଇଥିଲା । ଗତ ସପ୍ତାହରେ ହୋଇଥିବା ଏହି ଘଟଣାର କମାଣ୍ଡରସ୍ତରୀୟ ଆଲୋଚନା ପରେ ସମାଧାନ ହୋଇଥିବା ସୂଚନା ମିଳିଛି ।

ସୈନ୍ୟ ପ୍ରତ୍ୟାହାର ପାଇଁ ଦୁଇ ଦେଶ ମଧ୍ୟରେ ଏଯାବତ୍ ୧୨ ଥର ଆଲୋଚନା ହୋଇଥିବା ବେଳେ ଆସନ୍ତା ସପ୍ତାହରେ ପରବର୍ତ୍ତୀ ପର୍ଯ୍ୟାୟ ଆଲୋଚନା ପାଇଁ ସ୍ଥିର କରାଯାଇଛି। ଦୁଇ ଦେଶ ମଧ୍ୟରେ ଦେଖା ଦେଇଥିବା ମତଭେଦକୁ ଆଲୋଚନା ମାଧ୍ୟମରେ ସମାଧାନ କରିବାକୁ ଚେଷ୍ଟା କରାଯାଉଛି। ସେପଟେ କିନ୍ତୁ ଇଷ୍ଟର୍ଣ୍ଣ ଲଦାଖ ଓ ଅନର୍ଥର୍ଣ୍ଣ ଫ୍ରଣ୍ଟରେ LAC ଆରପଟେ ଚୀନର ଅଧିକ ସଂଖ୍ୟାରେ ସୈନ୍ୟ ମୁତୟନ ଓ ଭିତ୍ତିଭୂମି ନିର୍ମାଣକୁ ନେଇ ଭାରତ ଉଦ୍‌ବେଗ ପ୍ରକାଶ କରିଛି।

 

 

ଆଜି ୮୯ତମ ବାୟୁସେନା ଦିବସ, ବିଶ୍ୱ ଦେଖିବ ଭାରତୀୟ ବାୟୁସେନାର ବଳ

ନୂଆଦିଲ୍ଲୀ: ଆଜି ଦେଶ ପାଳୁଛି ୮୯ ତମ ବାୟୁସେନା ଦିବସ । ଏହି ଦିବସକୁ ଧୁମଧାମରେ ପାଳନ କରିବାକୁ ଭାରତୀୟ ବାୟୁସେନା ସମସ୍ତ ପ୍ରାକରର ପ୍ରସ୍ତୁତି କରିଛି।  ଆଜି ଗାଜିଆବାଦ ହିଣ୍ଡନ ଏୟାରବେସ୍‌ରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଉଛି।

ବାୟୁସେନାର ଏହି ଉତ୍ସବରେ ଫାଈଇଟର୍ ଜେଟ୍ ରାଫେଲ୍ ପ୍ରମୁଖ ଆକର୍ଷଣ ସାଜିବ। ଆଜି ସାରା ବିଶ୍ୱ ଆକାଶରେ ଭାରତୀୟ ସେନାର ବଳ ଦେଖିବ। ପରେଡଗ୍ରାଉଣ୍ଡରେ ରାଫେଲ ସମେତ ସୁଖୋଇ, ମିରାଜ୍ , ତେଜସ ଭାଗନେବେ। ଆକାଶମାର୍ଗରେ ବାୟୁସେନା କର୍ମଚାରୀ ନିଜର କଳାକୌଶଳ ପ୍ରଦର୍ଶନ କରିବେ।

ସୂଚନାଯୋଗ୍ୟ,  ଭାରତୀୟ ବାୟୁସେନା ୧୯୩୨ ମସିହାରେ ପ୍ରତିଷ୍ଠା ହୋଇଥିଲା। ଏହାର ନାମ ରୟାଲ ଇଣ୍ଡିଆନ୍ ବାୟୁସେନା ରଖାଗଲା । ସ୍ୱାଧୀନତା ପରେ, ୧୯୫୦ମସିହାରେ ଏହାର ନାମ ଭାରତୀୟ ବାୟୁସେନାରେ ପରିବର୍ତ୍ତିତ ହେଲା। ବିଶ୍ୱର ଚତୁର୍ଥ ଶକ୍ତିଶାଳୀ ବାୟୁସେନା ଭାବେ ପରିଚିତ ଭାରତୀୟ ବାୟୁସେନାର ଇତିହାସ ବେଶ୍ ଗୌରବମୟ ହୋଇ ରହିଛି । ରାଫାଲ, ତେଜସ୍, ସୁଖୋଇ ଏବଂ ଗ୍ଲୋବେମାଷ୍ଟର ଭଳି ଅତ୍ୟାଧୁନିକ ବିମାନ ସହିତ ସଜ୍ଜିତ ଆମର ବାୟୁସେନା ଶତ୍ରୁମାନଙ୍କ ହୃଦୟରେ ଆତଙ୍କ ସୃଷ୍ଟି କରେ ଏବଂ ଦେଶବାସୀଙ୍କ ପାଇଁ ଗର୍ବର ଭାବନା ସୃଷ୍ଟି କରେ ।

ଭୁବନେଶ୍ୱର ଚାଲାଣ ବେଳେ ୫ କ୍ୱିଣ୍ଟାଲ ଗଞ୍ଜେଇ ଜବତ କଲା ଫିରିଙ୍ଗିଆ ପୋଲିସ

ଫୁଲବାଣୀ: ଫିରିଙ୍ଗିଆ ପୋଲିସ ହାତରେ ୫ କୁଇଣ୍ଟାଲ ୫ କେଜି ଗଞ୍ଜେଇ ଜବତ କରିଛି  । ଯାହା ସୂଚନା ରହିଛି ଗୋଟଏ ପିକ୍‌ଅପ୍ ଭେନରେ ଶାଢ଼ିଙ୍ଗୀଆରୁ ଭୁବନେଶ୍ୱରକୁ ଗଞ୍ଜେଇ ଚୋରାଚାଲାଣ କରିବାକୁ ଶିମିଳି ସାହିରେ ରଖାଯାଇଥିଲା  । ଫିରିଙ୍ଗିଆ ପୋଲିସ୍ ପାଟ୍ରୋଲିଂ କରୁଥିବା ସମୟରେ ଗଞ୍ଜେଇ ଚୋରାଚାଲାଣ ଭେନ୍ୟୁକୁ ଚଢ଼ାଉ କରି ଗଞ୍ଜେଇ ଜବତ କରିଥିଲେ ସେଠି ଥିବା ମାଫିଆ ମାନେ ଖସି ଚାଲିଯାଇଥିଲେ । ପୋଲିସ ସେହି ଭେନ୍ୟୁରୁ ୫ କୁଇଣ୍ଟାଲ ଗଞ୍ଜେଇ ଜବତ କରିଥିଲା  ।

ଏଥିସହିତ ପଢ଼ନ୍ତୁ: ଟେକ୍ନିକାଲ ସ୍କୁଲରେ କୁକିଂ କ୍ଳାସ୍: ତାଲିମ ସାଙ୍ଗକୁ ରୋଜଗାର କରୁଛନ୍ତି ଛାତ୍ରଛାତ୍ରୀ

ଆଜିଠୁ ନନ୍ଦନକାନନରେ ଗଡ଼ିବ ଟଏ ଟ୍ରେନ୍: ୫ଟି ବଗିରେ ରହିଛି ୭୨ଜଣଙ୍କ ପାଇଁ ବସିବା ବ୍ୟବସ୍ଥା

ଭୁବନେଶ୍ୱର: ପର୍ଯ୍ୟଟକଙ୍କ ପାଇଁ ଖୁସି ଖବର । ୭୬-ତମ ରାଜ୍ୟସ୍ତରୀୟ ବନ୍ୟପ୍ରାଣୀ ସପ୍ତାହ ସମାରୋହ ଅବସରରେ ଆଜି ଉଦଘାଟିତ ହେବ ଟଏଟ୍ରେନ ।  ନନ୍ଦନକାନନରେ ଆଜିଠୁ ଚାଲିବ ଟଏଟ୍ରେନ । ୨୦୧୪ମସିହା ଠାରୁ ବନ୍ଦ ପଡିଥିବା ଟଏଟ୍ରେନ ପଯ୍ୟଟକ ମାନଙ୍କ ପାଇଁ ଆଜିଠୁ ପୁଣି ଆରମ୍ଭ ହେଉଛି । ୫-ଟି ବଗି ବିଶିଷ୍ଟ ୭୨-ସିଟରେରେ ପଯ୍ୟଟକମାନେ ୧.୬୨ କି.ମି କୋଡିଏ ମିନିଟ ଭିତରେ ବୁଲିପାରିବେ ।

୨୦୧୧ମସିହା ଠାରୁ ବନ୍ଦ ପଡ଼ିଥିବା ରେପ-ୱେ’ର ଶିଳାନ୍ୟାସ ହେବ । 18ମାସ ଭିତରେ ରୋପୱେ ର କାର୍ଯ୍ୟସାରିବା ପାଇଁ ସମୟସୀମା ଧାର୍ଯ୍ୟ କରାଯାଇଛି । ନନ୍ଦନକାନନରୁ କାଞ୍ଜିଆ ଲେକ୍‌ ଉପର ଦେଇ ବଟନିକାଲ ଗଡେନ ପର୍ଯ୍ୟନ୍ତ ଯାଇପାରିବେ ପଯ୍ୟଟକ । ଆଜି ଏହି କାର୍ଯ୍ୟକ୍ରମର ଶୁଭ ଉଦ୍‌ଘାଟନ କରିବେ ମାନ୍ୟବର ଜଙ୍ଗଲ ଓ ପରିବେଶ ବିଭାଗ ମନ୍ତ୍ରୀ ବିକ୍ରମ କେଶରୀ ଆରୁଖ, ଜଟଣୀ ବିଧାୟକ ସୁରେଶ କୁମାର ରାଉତରାୟ, ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ, ଜଙ୍ଗଲ ବିଭାଗ ଅତିରିକ୍ତ ସଚିବ ଡ଼ଃ ମୋନା ଶର୍ମା, ଓଡିଶା ବନସରକ୍ଷକ ଶିଶିର କୁମାର ରଥ, ପି. ସି. ସି ଏଫ ଶଶୀ ପଲ ସମ୍ମାନୀତ ଅତିଥିଭାବେ ଯୋଗଦେବେ । ଅନଲାଇନ ମାଧ୍ୟମ ରେ କୁଇଜ ପ୍ରତିଯୋଗିତା ଛାତ୍ର ଛାତ୍ରୀ ଙ୍କ ମଧ୍ୟରେ ପ୍ରତିଯୋଗିତା କରାଯିବ ।

 

କିଏ ହେବ ଏୟାର ଇଣ୍ଡିଆର ମାଲିକ? ଆଜି ସ୍ପଷ୍ଟ ହେବ ଚିତ୍ର

ନୂଆଦିଲ୍ଲୀ: ଏୟାର ଇଣ୍ଡିଆର ମାଲିକ କିଏ ହେବ, ଏନେଇ ଆଜି କେନ୍ଦ୍ର ସରକାର ଔପଚାରିକ ଭାବେ ଘୋଷଣା କରିବେ। ଦୀର୍ଘ ୬୮ ବର୍ଷ ପରେ ପୁଣି ଟାଟା କମ୍ପାନୀ ପାଖକୁ ଫେରିବ ଏୟାର ଇଣ୍ଡିଆ। ଅର୍ଥାତ ଏବେ ଏୟାର ଇଣ୍ଡିଆ ସେବା ସରକାରୀରୁ ଘରୋଇ ହେବାକୁ ଯାଉଛି। ଏୟାର ଇଣ୍ଡିଆ ପାଇଁ ଟାଟା ଗ୍ରୁପ୍ ଓ ସ୍ପାଇସ ଜେଟ ନିଲାମ ଡାକିଥିଲେ। ଆଉ ଏଥିରେ ଟାଟା ଗ୍ରୁପକୁ ମଞ୍ଜୁରି ମିଳିଥିଲା ।

ସୂଚନାଯୋଗ୍ୟ, ଜେଆରଡି ଟାଟା ୧୯୩୨ରେ ଟାଟା ଏୟାରଲାଇନ୍ସର ସ୍ଥାପନ କରିଥିଲେ । ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବିମାନ ସେବାକୁ ବନ୍ଦ କରି ଦିଆଯାଇଥିଲା। ପରେ ଯେତେବେଳେ ପୁଣି ବିମାନ ସେବା ସ୍ୱାଭାବିକ ହେଲା, ସେତେବେଳେ ୨୯ ଜୁଲାଇ ୧୯୪୬ରେ ଟାଟା ଏୟାରଲାଇନ୍ସ ପରିବର୍ତନ କରି ଏୟାର ଇଣ୍ଡିଆ ଲିମିଟେଡ୍ ରଖାଯାଇଥିଲା।

ଦେଶ ସ୍ୱାଧୀନ ହେବା ପରେ ଏୟାର ଇଣ୍ଡିଆର ୪୯ ପ୍ରତିଶତ ଅଂଶଧନ ସରକାର ନିଜ ଅଧିକୁ ନେଇଥିଲେ। ୧୯୫୩ରେ ଏହାର ରାଷ୍ଟ୍ରିୟକରଣ କରାଯାଇଥିଲା । ୨୦୧୮ରେ ଏୟାର ଇଣ୍ଡିଆକୁ ଘରୋଇକରଣ କରିବା ପାଇଁ ସରକାର ପ୍ରୟାସ କରିଥିଲେ । କିନ୍ତୁ ଏଥିରେ ସଫଳ ହୋଇନଥିଲେ। କିନ୍ତୁ ଗତ ବର୍ଷ ଜାନୁଆରୀରୁ କେନ୍ଦ୍ର ସରକାର ପୁଣି ଥରେ ଏୟାର ଇଣ୍ଡିଆରୁ ଅଂଶଧନ ପ୍ରତ୍ୟାହାର ପ୍ରକ୍ରିୟା ଆରମ୍ଭ କରିଥିଲେ। ଯାହାପରେ ନିଲାମୀ ଜରିଆରେ ଟାଟା ଏୟାର ଇଣ୍ଡିଆକୁ ନିଜ ଅଧିନକୁ ନେଇଛି।

ଟେକ୍ନିକାଲ ସ୍କୁଲରେ କୁକିଂ କ୍ଳାସ୍: ତାଲିମ ସାଙ୍ଗକୁ ରୋଜଗାର କରୁଛନ୍ତି ଛାତ୍ରଛାତ୍ରୀ

ଭୁବନେଶ୍ୱର: ଟେକ୍ନିକାଲ ସ୍କୁଲରେ କୁକିଂ କ୍ଳାସ । ତାଲିମ ସାଙ୍ଗକୁ ରୋଜଗାର କରୁଛନ୍ତି ଭୁବନେଶ୍ୱର ସରକାରୀ ଆଇଟିଆଇର ଛାତ୍ରଛାତ୍ରୀ। କୁକିଂ, ବେକିଂ ଆଉ ସେଲିଂ ଭଳି ଶିକ୍ଷା ଯୋଗାଇଦେଇ ପିଲାଙ୍କୁ କରୁଛି ଆତ୍ମନିର୍ଭର । ପଞ୍ଚତାରକା ହୋଟେଲରେ ସେଫ ହୁଅନ୍ତୁ କିମ୍ବା ନିଜର ବ୍ୟବସାୟ ପ୍ରତିଷ୍ଠାନ ପାଇଁ ମିଳୁଛି ସବୁ ପ୍ରକାରର ପ୍ରଶିକ୍ଷଣ । ତା’ ସାଙ୍ଗକୁ ସୁଦକ୍ଷା ଭଳି ସରକାରୀ ଯୋଜନା ଯୁବତୀଙ୍କୁ କରିଛି ଅଧିକ ପ୍ରୋତ୍ସାହିତ।

ପାଠ ପଢା ସହ ରୋଜଗାରର ସୁଯୋଗ । ସ୍ୱଳ୍ପ ସମୟରେ ଆତ୍ମନିର୍ଭରଶୀଳ ଓ ନିଯୁକ୍ତିର ସୁବିଧା । ସଫଳ କାର୍ଯ୍ୟକାରୀ ହେଉଛି ସୁଦକ୍ଷା ଓ ନାନୋ ୟୁନିକନ ଯୋଜନା  । ସ୍ୱତନ୍ତ୍ର କୋର୍ସ ପ୍ରତି ବଢୁଛି ପିଲାଙ୍କ ଆଗ୍ରହ  । ଆଇ.ଟି.ଆଇ କହିଲେ ମନକୁ ଆସେ ଇଲେକ୍ଟ୍ରିକାଲ, ମେକାନିକାଲ କିମ୍ବା ରୋବରଟିକ୍ସ ପାଠପଢା। ହେଲେ ଭୁବନେଶ୍ୱର ସରକାରୀ ଆଇ ଟି ଆଇ ପିଲାଙ୍କୁ ଆତ୍ମନିର୍ଭରଶୀଳ କରିବାକୁ ଯୋଗାଇ ଦେଉଛି ହସ୍ପିଟାଲିଟି କୋର୍ସ । ଯେଉଁଥିରେ କୁକିଂ, ବେକିଂ ପାଲଟିଛି ମୁଖ୍ୟ ଆକର୍ଷଣ। ଫାଇଭ ଷ୍ଟାର ହୋଟେଲ କି ରେଷ୍ଟୁରାଣ୍ଟରେ ମିଳୁଥିବା ଖାଦ୍ୟ ପାନୀୟ ହେଉ କିମ୍ବା ବଜାରରେ ମିଳୁଥିବା ଅତ୍ୟାଧୁନିକ ଖାଦ୍ୟ ସେସବୁର ପ୍ରସ୍ତୁତି ପ୍ରଣାଳୀର ଦିଆଯାଉଛି ପ୍ରଶିକ୍ଷଣ । ୧ବର୍ଷର କୋର୍ସ ସାଙ୍ଗକୁ ତାରକା ହୋଟେଲରେ କାମ ଶିଖିବା ପାଇଁ ଟ୍ରେନିଂ ଫ୍ୟାସିଲିଟି ରହିଛି । ବ୍ୟବସାୟ କରିବା ମଧ୍ୟ ଶିଖାଯାଉଛି ଏହି ପାଠ୍ୟକ୍ରମ। ସେଥିପାଇଁ ଆଇ ଟି ଆଇ ପରିସରରରେ ଖୋଲିଛନ୍ତି କାଉଣ୍ଟର । ପାଠ ପଢିବା ସହ ରୋଜଗାର ବି କରୁଛନ୍ତି ପିଲା  ।

ଭୁବନେଶ୍ୱର ଆଇ ଟି ଆଇ ରାଜ୍ୟର ପ୍ରଥମ ତଥା ଏକମାତ୍ର ପଶୀକ୍ଷଣ କେନ୍ଦ୍ର ଯେଉଠି ପିଲାଙ୍କୁ ଦିଆଯାଉଛି ରୋଷେଇ ସମ୍ବନ୍ଧୀୟ ଶିକ୍ଷା। ରାଜ୍ୟ ସରକାରଙ୍କ ସୁଦକ୍ଷା ଯୋଜନାରେ ମାଗଣା ଶିକ୍ଷା ସହ ଷ୍ଟାଇପେଣ୍ଡର ସୁବିଧା ରହିଛି  । କୋର୍ସ ସରିବା ପରେ ଆତ୍ମନିର୍ଭରଶୀଳ ହେବା ପାଇଁ ପୁଣି ନାନୋ ୟୁନିକନ ଯୋଜନାରେ ରହିଛି ଏକ ଲକ୍ଷ ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ । ଭୁବନେଶ୍ୱରର କିଛି ଛୋଟ ବଡ଼ ରେଷ୍ଟୁରାଣ୍ଟ ବର୍ତ୍ତମାନ ଆଇ ଟି ଆଇ ପିଲାଙ୍କ ହାତ ତିଆରି ଜିନିଷ କିଣୁଥିବାବେଳେ ଖୁବଶୀଘ୍ର Fssi ଓ BMC ପକ୍ଷରୁ ମିଳିବ ଗୁଣବତ୍ତା ସାର୍ଟିଫିକେଟ

ଆଚାର ପ୍ରସ୍ତୁତି କାରଖାନା ସତ୍ତ୍ୱେ ମୟୂରଭଞ୍ଜ ଜିଲ୍ଲାରେ ଲେମ୍ୱୁର ଅଭାବୀ ବିକ୍ରି

ମୟୂରଭଞ୍ଜ: ଅଭାବୀ ବିକ୍ରିର ଶିକାର ଲେମ୍ବୁ ଚାଷୀ । ମୟୂରଭଞ୍ଜ ଜିଲ୍ଲାରେ ଉତ୍ପାଦନ ଲେମ୍ବୁର ଚାହିଦା କମିବାରେ ଲାଗିଲାଣି । ବିକ୍ରି ପାଇଁ ବଜାର ବ୍ୟବସ୍ଥା ନଥିବାରୁ କ୍ୱିଣ୍ଟାଲ କ୍ୱିଣ୍ଟାଲ ଲେମ୍ବୁ ପଚି ସଢି ନଷ୍ଟ ହେଉଥିବା ଅଭିଯୋଗ ହେଉଛି । ଫଳରେ ଆର୍ଥିକ ସ୍ତରରେ କ୍ଷତି ସହୁଛନ୍ତି ଚାଷୀ । ଅନ୍ୟପଟେ ସରକାରଙ୍କ ପକ୍ଷରୁ ସ୍ଥାପନା ହୋଇଥିବା ଆଚାର ପ୍ରସ୍ତୁତି କାରଖାନା ଚାଷୀଙ୍କୁ କିଛି ମାତ୍ରାରେ ସହାୟକ ହେଉଛି ।

ଲେମ୍ବୁ ଚାଷୀଙ୍କ ଉପରେ ପଡିଛି ଚଡ଼କ । ଅଭାବୀ ବିକ୍ରିର ଶିକାର ଲେମ୍ବୁ ଚାଷୀ । ନାହିଁ ବଜାର ବ୍ୟବସ୍ଥା, ହତାସ ଚାଷୀ । କମୁଛି ମୟୂରଭଞ୍ଜ ଜିଲ୍ଲାରେ ଉତ୍ପାଦିତ ଲେମ୍ବୁର ଚାହିଦା । ମହାମାରୀ କରୋନା ପାଇଁ ବ୍ୟବସାୟୀ ଆସୁନଥିବାରୁ ସମ୍ପୂର୍ଣ୍ଣ ରୂପେ ବ୍ୟବସାୟ ବାଧାପ୍ରାପ୍ତ ହୋଇଛି । ଟନ ଟନ ଗଛିତ ଲେମ୍ବୁ ଗୋଦାମ ଘରେ ସଢି ନଷ୍ଟ ହେଉଥିବା ଅଭିଯୋଗ କରିଛନ୍ତି ଚାଷୀ । ବିକ୍ରି ପାଇଁ ସ୍ଥାନୀୟ ବଜାର ଯଥେଷ୍ଟ ହେଉନଥିବାରୁ ଆର୍ଥିକ ସ୍ତରରେ କ୍ଷତି ସହୁଛନ୍ତି ଚାଷୀ ।

ମୟୂରଭଞ୍ଜ ଜିଲ୍ଲାର ବୁଢାବଳଙ୍ଗ ନଦୀପଠା ତଥା କୁଳିଆଣ ଓ ଶାମାଖୁଣ୍ଟା ଅଞ୍ଚଳ ଫଳଚାଷ ପାଇଁ ଉପଯୋଗୀ । ଦୁଇଟି ବ୍ଲକର ପ୍ରାୟ ୪ଶହ ହେକ୍ଟର ଜମିରେ ଲେମ୍ବୁ ଚାଷ ହୋଇଥାଏ । ବର୍ଷକୁ ୪୦ରୁ ୪୮ ହଜାର କ୍ୱିଣ୍ଟାଲ ଲେମ୍ବୁ ଅମଳ କରିଥାନ୍ତି ଚାଷୀ । ମାତ୍ର ଜିଲ୍ଲାରେ ବିକ୍ରି ପାଇଁ ବଜାର ବ୍ୟବସ୍ଥା ନଥିବାରୁ ଅଭାବୀ ବିକ୍ରି ଶିକାର ହେଉଛନ୍ତି ଚାଷୀ । ସେପଟେ ସରକାରଙ୍କ ଦ୍ବାରା ତିଆରି ହୋଇଥିବା ଆଚାର ଫାକ୍ଟ୍ରି କିଛି ମାତ୍ରରେ ଚାଷୀଙ୍କୁ ସହାୟକ ହେଉଛି । ପ୍ରଡ୍ୟୁସର ଗ୍ରୁପ୍ କରି ଲେମ୍ବୁ ବାହାରକୁ ଏକ୍ସପୋର୍ଟ କରାଯିବ ବୋଲି କହିଛନ୍ତି ଜିଲ୍ଲା ଉଦ୍ୟନ ବିଭାଗ ଅଧିକାରୀ । ତେବେ ସରକାରୀ ସ୍ତରରେ ଚାଷୀଙ୍କ ପାଇଁ ମାର୍କେଟିଂ ବ୍ୟବସ୍ଥା ସହିତ ଲେମ୍ବୁ ପ୍ରସେସିଂ ୟୁନିଟ ସ୍ଥାପନା ପାଇଁ ଦାବି କରିଛନ୍ତି ଚାଷୀ ।

ଆର୍ଯ୍ୟନଙ୍କୁ ମିଳିଲାନି ମୁକ୍ତି, ଆଜି ଅନ୍ତରୀଣ ଶୁଣାଣି

ମୁମ୍ବାଇ: ଆର୍ଯ୍ୟନ ଖାନ୍‌ଙ୍କୁ ମିଳିଲାନି ମୁକ୍ତି, ଆଜି ମାମଲାର ଅନ୍ତରୀଣ ଜାମିନର ଶୁଣାଣି  ହେବ। ଡ୍ରଗ୍ସ କାରବାର ମାମଲାରେ ଏନସିବି ଦ୍ୱାରା ଗିରଫ ହୋଇଥିବା କିଙ୍ଗଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ୍ ଆବେଦନକୁ ଗତକାଲି ମୁମ୍ବାଇର କିଲ୍ଲା କୋର୍ଟ ଖାରଜ କରିଥିଲେ। ଆଜି ଦିନ ୧୧ଟାରେ ଜାମିନ ଆବେଦନର ଶୁଣାଣି ହେବ। ଆର୍ଯ୍ୟନଙ୍କ ଓକିଲଙ୍କ ଦ୍ୱାରା କୋର୍ଟରେ ଜାମିନ ନେଇ ଆବେଦନ ହୋଇଥିଲା  ।

ଅନ୍ୟପଟେ କୋର୍ଟ ଆର୍ଯ୍ୟନଙ୍କ ସହ ଅନ୍ୟ ୭ ଜଣଙ୍କୁ ମଧ୍ୟ ନ୍ୟାୟିକ ହେପାଜତକୁ ପଠାଇଛନ୍ତି  । ମୁମ୍ବାଇର ଏକ ଜାହାଜରେ କ୍ରୁଜ୍ ପାର୍ଟି ଚାଲିଥିବାବେଳେ ଏ ସମସ୍ତେ ଏନସିବି ଦ୍ୱାରା ଗିରଫ ହୋଇଥିଲେ।  ଗିରଫ କରିବା ପରେ ଏନସିବି ରିମାଣ୍ଡରେ ଆଣି ପଚରା ଉଚରା ଜାରି ରଖିଛି। ଆର୍ଯ୍ୟନଙ୍କ ବନ୍ଧୁଙ୍କ ନିକଟରୁ ବିପୁଣ ପରିମାଣର ଡ୍ରଗ୍ସ ଏବଂ ଅନ୍ୟ ମାଦକ ଦ୍ରବ୍ୟ ଜବତ କରିଥିଲା ଏନସିବି । ତେବେ ଏଥିରେ ଆର୍ଯ୍ୟନଙ୍କ ପ୍ରତ୍ୟକ୍ଷ ସମ୍ପୃକ୍ତି ରହିଥିବାବେଳେ ଖୋଦ ଆର୍ଯ୍ୟନ ହିଁ ସେଥିରେ ସଂଶ୍ଲିଷ୍ଟ ରହିଥିବା ଏନସିବି କହିଛି।