ନୂଆଦିଲ୍ଲୀ: ତାମିଲନାଡୁର କୁନ୍ନୁରରେ ବୁଧବାର ସେନାର ଏକ MI-17V-5 ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ଏହି ହେଲିକପ୍ଟରରେ ଭାରତର ପ୍ରଥମ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବିପିନ୍ ରାଓ୍ୱତ ଓ ତାଙ୍କ ପତ୍ନୀଙ୍କ ସହ ୧୪ ଜଣ ଥିଲେ । ସବୁଠାରୁ ବଡ଼ କଥା ହେଉଛି ଏହି ଦୁର୍ଘଟଣାରେ ୧୩ ଜଣ ସେନା ଅଧିକାରୀଙ୍କ ମୃତ୍ୟୁ ବରଣ ହୋଇଛ । ସେଥିମଧ୍ୟରେ ଅଛନ୍ତି ଭାରତର ପ୍ରଥମ ସିଡିଏସ୍ ବିପିନ୍ ରାଓ୍ୱତ ଓ ତାଙ୍କ ପତ୍ନୀ ମଧୁଲିକା ରାଓ୍ୱତ ।

ଭାରତର ପ୍ରଥମ ସିଡିଏସ ଜେନରାଲ ବିପିନ ରାଓ୍ୱତ ଯାଉଥିବା MI-17V-5 ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ତେବେ ଆସନ୍ତୁ ଜାଣିବା ଏହି ହେଲିକପ୍ଟରରେ କ’ଣ ରହିଛି ବିଶେଷତ୍ୱ, ଭାରତ ଏହି ହେଲିକପ୍ଟରକୁ କେବେ କିଣିଲା ଏବଂ କାହିଁକି ଏହା ବିଶ୍ୱର ସବୁଠାରୁ ଆଧୁନିକ ହେଲିକପ୍ଟର?

MI-17V-5 ହେଲିକପ୍ଟର ଋଷ ଦ୍ୱାରା ନିର୍ମିତ ଯୁଗ୍ମ ଇଞ୍ଜିନ ମଲ୍ଟିପ୍ରପୋଜ୍ ହେଲିକପ୍ଟର । ଏହି MI-17V-5 ହେଲିକପ୍ଟର MI-8 ହେଲିକପ୍ଟର ନୂଆ ସଂସ୍କରଣ । ଏହି ହେଲିକପ୍ଟର ଋଷ କମ୍ପାନୀ ମିଲ୍ ମସ୍କୋ ହେଲିକପ୍ଟର ପ୍ଲାଣ୍ଟ ଏବଂ ଉଲାନ-ଉଡେ ହେଲକପ୍ଟର ପ୍ଲାଣ୍ଟରେ ନିର୍ମାଣ କରାଯାଇଥାଏ । MI-17V-5 ହେଲିକପ୍ଟର ଅଧିକ ଉଚ୍ଚରେ ଏବଂ ଖରାପ ପାଗରେ ଭଲ ଭାବରେ କାମ କରିଥାଏ । ଏହି MI-17V-5 ହେଲିକପ୍ଟର MI-8 ହେଲିକପ୍ଟରର ନୂଆ ସଂସ୍କରଣ । MI-17V-5 ବିଶେଷ ଭାବରେ ଅଧିକ ଉଚ୍ଚରେ ଏବଂ ଅଧିକ ତାପମାତ୍ରରେ ଭଲ ଭାବରେ ପ୍ରଦର୍ଶନ ପାଇଁ ଏହାକୁ ସ୍ୱତନ୍ତ୍ର ଭାବରେ ଡିଜାଇନ କରାଯାଇଛି ।

MI-17V-5 ହେଲିକପ୍ଟର ଦୁନିଆର ସବୁଠାରୁ ଉନ୍ନତ ପରିବହନ ହେଲିକପ୍ଟର । ଏହି ହେଲିକପ୍ଟର ସାହାର୍ଯ୍ୟରେ ସୈନ୍ୟବାହିନୀ, ଅସ୍ତ୍ରଶସ୍ତ୍ର ପରିବହନ, ଅଗ୍ନି ସହାୟତା, ଗାର୍ଡ ପାଟ୍ରୋଲିଂ ଏବଂ ସର୍ଚ୍ଚ ଏବଂ ଉଦ୍ଧାର ମିଶନରେ ଏହା ନିୟୋଜିତ ହୋଇପାରିବ । MI-17V-5 ହେଲିକପ୍ଟର ମଧ୍ୟ ମାଲ୍ ପରିବହନ ପାଇଁ ଡିଜାଇନ ହୋଇଛି । ଏହି ହେଲିକପ୍ଟର ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗତିବିଧିରେ ବ୍ୟବହୃତ ହୋଇଥାଏ । ଅର୍ଥାତ ଏହି ହେଲିକପ୍ଟର ଭିଭିଆଇପି ଗତିବିଧିଠାରୁ ଆରମ୍ଭ କରି ସେନା ଅପରେସନ ପର୍ଯ୍ୟନ୍ତ ଏହା ବ୍ୟବହୃତ ହୋଇଥାଏ । ବିଶ୍ୱର ପ୍ରାୟ ୬୦ ଦେଶରେ ୧୨ ହଜାରରୁ ଅଧିକ MI-17 ହେଲିକପ୍ଟର ବ୍ୟବହାର କରୁଛନ୍ତି ।

MI-17 ହେଲିକପ୍ଟର ବିଶେଷତ କ’ଣ ରହିଛି ଆସନ୍ତୁ ଜାଣିବା:-

• ଏହା ଏକ ମଧ୍ୟମ ଯୁଗଳ ଟର୍ବାଇନ ହେଲିକପ୍ଟର
• ଏହି ହେଲିକପ୍ଟର ଭାରୀ ଲିଫ୍ଟିଂ, ପରିବହନ, ଭିଭିଆଇପି ଗତିବିଧି ଏବଂ ଉଦ୍ଧାର କାର୍ଯ୍ୟରେ ବ୍ୟବହାର ହୋଇଥାଏ
• ୩୬ ହଜାର କିଲୋଗ୍ରାମ ପର୍ଯ୍ୟନ୍ତ ଓଜନ ଉଠାଇ ପାରିବ
• VVIP ଙ୍କ ଡିଜାଇନ ହୋଇଥିବା ଏହି ହେଲିକପ୍ଟରରେ ୨୦ ଜଣ ଲୋକ ଯାଇପାରିବେ
• ବିଶ୍ୱର ପ୍ରାୟ ୬୦ ଦେଶରେ ୧୨ ହଜାରରୁ ଅଧିକ MI-17 ହେଲିକପ୍ଟର ବ୍ୟବହୃତ ହେଉଛି
• ଏହି ହେଲିକପ୍ଟର ୬ ହଜାର ମିଟର ଉଚ୍ଚରେ ଉଡିପାରେ
• ଏହି ହେଲିକପ୍ଟର ୮ ମିଟର/ସେକେଣ୍ଡ ଗତିରେ ଯାଇପାରେ

ପ୍ରତିରକ୍ଷା ମନ୍ତ୍ରଣାଳୟ ଋଷଠାରୁ ୮୦ MI ହେଲିକପ୍ଟର ଆଣିବା ପାଇଁ ୨୦୦୮ରେ ୧.୩ ଅରବ ଡଲାରରେ ଚୁକ୍ତି କରିଥିଲା । ୨୦୦୮ରେ ଚୁକ୍ତି ପରେ ୨୦୧୧ ମସିହାରେ MI ହେଲିକପ୍ଟର ଡେଲିଭରୀ ଆରମ୍ଭ ହୋଇଥିଲା । ୨୦୧୩ ମସିହା ସୁଦ୍ଧା ୩୬ଟି MI ସିରିଜର ହେଲିକପ୍ଟର ଭାରତକୁ ମିଳିଥିଲା । ଭାରତ ସରକାର ୨୦୧୨-୨୦୧୩ ମସିହାରେ ୭୧ଟି MI-17V-5 ହେଲିକପ୍ଟରର ଅର୍ଡର ଦେଇଥିଲା । MI-17V-5 ହେଲିକପ୍ଟରର ଶେଷ ପର୍ଯ୍ୟାୟ ଭାରତକୁ ୨୦୧୮ ମସିହାରେ ମିଳିଥିଲା ।

ନୂଆଦିଲ୍ଲୀ: ପରଲୋକରେ ଭାରତର ପ୍ରଥମ ଚିଫ୍ ଡିଫେନ୍ସ ଷ୍ଟାଫ୍ ବିପିନ୍ ରାଓ୍ୱତ । ହେଲିକପ୍ଟର ଦୁର୍ଘଟଣାରେ ମୃତ୍ୟ ବରଣ କରିଛନ୍ତି ସିଡିଏସ୍ ବିପିନ୍ ରାଓ୍ୱତ । ତାମିଲନାଡୁର କୁନ୍ନୁରରେ ସେନାର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ବିପିନ୍ ରାଓ୍ୱତଙ୍କ ସହ ତାଙ୍କ ପତ୍ନୀ ମଧୁଲିକା ରାଓ୍ୱତ ମଧ୍ୟ ମୃତ୍ୟୁ ବରଣ କରିଛନ୍ତି । ଭାରତୀୟ ବାୟୁସେନା ପକ୍ଷରୁ ଟ୍ୱିଟ୍ କରି ଏହି ସୂଚନା ଦିଆଯାଇଛି ।

With deep regret, it has now been ascertained that Gen Bipin Rawat, Mrs Madhulika Rawat and 11 other persons on board have died in the unfortunate accident.

— Indian Air Force (@IAF_MCC) December 8, 2021

ତାମିଲନାଡୁର କୁନ୍ନୁରରେ ଦୁର୍ଘଟଣାଗ୍ରସ୍ତ ହୋଇଥିବା ସେନା ହେଲିକପ୍ଟର MI-17V5ରେ ସିଡିଏସ୍ ବିପିନ୍ ରାଓ୍ୱତଙ୍କ ସହ ୧୪ ଜଣ ଥିଲେ । ତେବେ ଏହି ଦୁର୍ଘଟଣାରେ ସିଡିଏସଙ୍କ ସହ ୧୩ ଜଣ ସହିଦ ହୋଇଛନ୍ତି । ପ୍ରାରମ୍ଭିକ ସୂଚନା ଅନୁସାରେ ଖରାପ ପାଗ ପାଇଁ ଏହି ଦୁର୍ଘଟଣା ହୋଇଛି ବୋଲି ସୂଚନା ମିଳିଛି ।

ସଂକ୍ଷେପରେ ବିପିନ୍ ରାୱତ

୧୯୫୮ ମସିହା ମାର୍ଚ୍ଚ ୧୬ରେ ଉତ୍ତରାଖଣ୍ଡରେ ଜନ୍ମ ଗ୍ରହଣ କରିଥିଲେ ବିପିନ୍ । ୧୯୭୮ ଡିସେମ୍ବର ୧୬ରେ ସେକେଣ୍ଡ ଲେଫ୍ଟଲାଣ୍ଟ ଭାବରେ ଭାରତୀୟ ସେନାରେ ଯୋଗ ଦେଇଥିଲେ ବିପିନ୍ ରାଓ୍ୱତ । ସେକେଣ୍ଡ ଲେଫ୍ଟଲାଣ୍ଟ ଭାବରେ ଯୋଗ ଦେଇଥିବା ବିପିନ୍ ଭାରତୀୟ ସେନାରେ ୩୭ ତମ ଉପ ସେନା ମୁଖ୍ୟ ଭାବରେ ୨୦୧୬ ମସିହା ସେପ୍ଟେମ୍ବର ୧ରେ ଯୋଗ ଦେଇଥିଲେ । ମାତ୍ର ତିନି ମାସ ସେନା ଉପ ମୁଖ୍ୟ ଭାବରେ କାର୍ଯ୍ୟ କରିବା ପରେ ୩୧ ଡିସେମ୍ବର ୨୦୧୬ରେ ଭାରତୀୟ ସେନାର ସେନା ମୁଖ୍ୟ ଭାବରେ ଦାୟିତ୍ୱ ତୁଲାଇଥିଲେ ବିପିନ୍ । ସେ ୨୬ତମ ସେନା ମୁଖ୍ୟ ଭାବରେ ୨୦୧୬ ଡିସେମ୍ବର ୩୧ରୁ ୨୦୧୯ ଡିସେମ୍ବର ୩୧ ପର୍ଯ୍ୟନ୍ତ ଦାୟିତ୍ୱରେ ଥିଲେ । ସେନା ମୁଖ୍ୟ ଭାବରେ କାର୍ଯ୍ୟକାଳ ଶେଷ ହେବା ପରେ ଭାରତର ପ୍ରଥମ ଚିଫ୍ ଡିଫେନ୍ସ ଷ୍ଟାଫ୍ ଭାବରେ ଦାୟିତ୍ୱ ନେଇଥିଲେ ବିପିନ ରାଓ୍ୱତ । ୨୦୨୦ ଜାନୁଆରୀ ୧ରୁ ଭାରତର ପ୍ରଥମ ସିଡିଏସ୍ ଭାବରେ ଦାୟିତ୍ୱ ତୁଲାଉଥିଲେ ବିପିନ୍ । ସିଡିଏସ ଭାବରେ ଦାୟିତ୍ୱ ନେବା ପରେ ଭାରତୀୟ ସେନା ପାଇଁ ଉଲ୍ଲେଖନୀୟ କାର୍ଯ୍ୟ କରିଥିଲେ ବିପିନ୍ ରାଓ୍ୱତ ।

ଭାରତୀୟ ସେନାରେ ବହୁ ଗୁରୁତ୍ୱପୂର୍ଣ୍ଣ ଭୂମିକାରେ ରହି ଭାରତ ପାଇଁ ସାହସିକତା କାର୍ଯ୍ୟ କରିଥିଲେ ବିପିନ୍ ରାଓ୍ୱତ । ଦୀର୍ଘ ୪୦ ବର୍ଷରୁ ଅଧିକ ଦିନ ଧରି ଦିନ ରାତି ଭାରତ ପାଇଁ ନିରନ୍ତର କାର୍ଯ୍ୟ ପାଇଁ ବିଭିନ୍ନ ସାହାସିକତା ମେଡାଲରେ ମଧ୍ୟ ସମ୍ମାନିତ ହୋଇଛନ୍ତି । ବିପିନ୍ ରାଓ୍ୱତଙ୍କ ଉଲ୍ଲେଖନୀୟ କାର୍ଯ୍ୟ ପାଇଁ ତାଙ୍କୁ ପରମ ବିଶିଷ୍ଠ ସେବା ମେଡାଲ, ଉତ୍ତମ ଯୁଦ୍ଧ ସେବା ମେଡାଲ, ଅତି ବିଶିଷ୍ଠ ସେବା ମେଡାଲ, ଯୁଦ୍ଧ ସେବା ମେଡାଲ, ସେନା ମେଡାଲ ଓ ବିଶିଷ୍ଠ ସେବା ମେଡାଲ ସହତି ବିପିନ୍ ରାଓ୍ୱତଙ୍କୁ ସେନାର ସର୍ବୋଚ୍ଚ ସମ୍ମାନ ମିଳିଥିଲା ।