ନନ୍ଦିଘୋଷ ବ୍ୟୁରୋ: ସୁପ୍ରିମକୋର୍ଟଙ୍କ ବଡ଼ ରାୟ। ଭୋଟର ତାଲିକାରେ ନାଁ ନ ଥିବା ଅର୍ଥ ନୁହେଁ ନାଗରିକତା କଟିଯିବ। ଭୋଟର ତାଲିକାରେ ଜଣକର ନାଁ ରହିବ କି ନାହିଁ କେବଳ ସେହି କ୍ଷମତା ନିର୍ବାଚନ କମିଶନରଙ୍କର ଅଛି। ନିର୍ବାଚନ କମିଶନ କାହାରି ନାଗରିକତା ସ୍ଥିର କରିପାରିବେ ନାହିଁ। ଆଇନ ଅନୁସାରେ ଏହା ସ୍ଥିର ହେବ ବୋଲି ସ୍ପଷ୍ଟ କରିଛନ୍ତି ସୁପ୍ରିମକୋର୍ଟ। ଏହି ସହିତ ସୁପ୍ରିମକୋର୍ଟ କହିଛନ୍ତି, ଯଦି ଭୁଲରେ କାହାର ନାଁ ଏସଆଇଆର୍ ଜରିଆରେ ଭୋଟର ତାଲିକାରୁ କଟି ଯାଇଛି, ତାକୁ କୋର୍ଟରେ ଚ୍ୟାଲେଞ୍ଜ କରାଯାଇପାଇବ। ଏସଆଇଆର୍ ପ୍ରସଙ୍ଗରେ ଆଜି ରାୟ ଦେଇ ଏହି ସବୁ କଥା କହିଛନ୍ତି ସୁପ୍ରିମକୋର୍ଟ। ଆଜିର ରାୟରେ ଉଚ୍ଚତମ ନ୍ୟାୟାଳୟ କହିଛନ୍ତି, ଆଇନ ଅନୁସାରେ ଏସଆଇଆର୍ ହେଉଛି ସଂପୂର୍ଣ୍ଣ ଠିକ୍। ଏହା ସହିତ ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଏସଆଇଆର୍ କରାଇବା ପାଇଁ ନିର୍ବାଚନ କମିଶନଙ୍କ କ୍ଷମତା ଅଛି। ସମ୍ବିଧାନର ଗୋଟିଏ ଲକ୍ଷ୍ୟ ହେଉଛି ମୁକ୍ତ ଓ ଅବାଧ ନିର୍ବାଚନ । ଏଥିପାଇଁ ଯେଉଁ ନିର୍ଭୁଲ ଭୋଟର ତାଲିକା ଦରକାର, ସେଥିପାଇଁ ଏସଆଇଆର୍ ଜରୁରୀ ବୋଲି କହିଛନ୍ତି ସୁପ୍ରିମକୋର୍ଟ। ଏସଆଇଆର୍ କରାଇ ନିର୍ବାଚନ କମିଶନ କୌଣସି ଆଇନ ଉଲ୍ଲଂଘନ କରି ନାହାନ୍ତି ବୋଲି କହିଛନ୍ତି ସୁପ୍ରିମକୋର୍ଟ। ବରଂ ଏହା ସମ୍ବିଧାନର ଲାଇଫ ଲାଇନ। ସୁପ୍ରିମକୋର୍ଟରେ SIR ବିରୋଧରେ ଯେଉଁ ଆବେଦନ ହୋଇଥିଲା, ତାକୁ ନେଇ ୪ଟି ପ୍ରଶ୍ନ ଉଠିଥିଲା। ପ୍ରଥମତଃ, SIR କମିଶନଙ୍କ ସାମ୍ବିଧାନିକ ଏବଂ ବୈଧାନିକ ନିର୍ଦ୍ଦେଶ ସହିତ ସୁସଙ୍ଗତ ଥିଲା କି? ଦ୍ୱିତୀୟତଃ, କମିଶନ ଦ୍ୱାରା ଗ୍ରହଣ କରାଯାଇଥିବା ଉପାୟରେ ଲକ୍ଷ୍ୟ ପୂରଣ ହେଉଛି କି। ତୃତୀୟତଃ, ଗ୍ରହଣ କରାଯାଇଥିବା ପଦକ୍ଷେପଗୁଡ଼ିକ ଆବଶ୍ୟକ ଥିଲା କି ଏବଂ ଅନ୍ୟ କୌଣସି ବିକଳ୍ପ ନଥିଲା କି? ଚତୁର୍ଥରେ ଉଦ୍ଦେଶ୍ୟ ହାସଲର ଗୁରୁତ୍ୱ ଏବଂ ସାମ୍ବିଧାନିକ ଅଧିକାର ଉପରେ ଲାଗୁ ହୋଇଥିବା ସୀମା ମଧ୍ୟରେ ଏକ ଉଚିତ୍ ସନ୍ତୁଳନ ବଜାୟ ରଖାଯାଇଛି କି? କୋର୍ଟ କହିଛନ୍ତି, ନିର୍ବାଚନୀ ଅଖଣ୍ଡତାର ଆବଶ୍ୟକତା ଏବଂ ସାମ୍ବିଧାନିକ ଅଧିକାରର ସୁରକ୍ଷା ମଧ୍ୟରେ ସନ୍ତୁଳନ ରକ୍ଷା କରିବାକୁ ଚେଷ୍ଟା କରାଯାଇଛି ଏସଆଇଆରରେ। …
ପୁଣି ଅଶାନ୍ତ ମଧ୍ୟପ୍ରାଚ୍ୟ ; ଶାନ୍ତି କଥାବାର୍ତ୍ତା ଚାଲିଥିବାବେଳେ ପୁଣି ବଡ଼ ଆକ୍ସନ ନେଇଛି ଆମେରିକା
ନନ୍ଦିଘୋଷ ବ୍ୟୁରୋ : ପୁଣି ଅଶାନ୍ତ ମଧ୍ୟପ୍ରାଚ୍ୟ । ଶାନ୍ତି କଥାବାର୍ତ୍ତା ଚାଲିଥିବାବେଳେ ପୁଣି ବଡ଼ ଆକ୍ସନ ନେଇଛି ଆମେରିକା । IRGCର ଜାହାଜ ଓ ମିସାଇଲ ଲଞ୍ଚ ସାଇଟ ଉପରେ ଆକ୍ରମଣ । ମିସାଇଲ ଆଟାକରେ ୪ ଜଣଙ୍କ ମୃତ୍ୟୁ ହୋଇଥିବା ସୂଚନା । ଇରାନର ବନ୍ଦର ଆବାସ ପୋର୍ଟ ଉପରେ ଭୟଙ୍କର ଆକ୍ରମଣ କରିଛି ଅମେରିକା । ଇରାନର ବୈଦିଶିକ ମନ୍ତ୍ରଣାଳୟ ମୁଖପାତ୍ର ଇସମାଇଲେ ବାକଇ ଶାନ୍ତି କଥାବାର୍ତ୍ତାରେ ଅଗ୍ରଗତି ହେଉଥିବା ସୂଚନା ଦେଇଥିବାବେଳେ ଆମେରିକାର ଏହି ଆକ୍ରମଣ ପୁଣି ଦ୍ବନ୍ଦ୍ବ ସୃଷ୍ଟି କରିଛି । ୟୁଏସ ସେଣ୍ଟ୍ରାଲ କମାଣ୍ଡ ତରଫରୁ କୁହାଯାଇଛି ଯେ, ଇରାନ ପକ୍ଷରୁ ହେଉଥିବା ବିପଦକୁ ଏଡ଼ାଇବାକୁ ଏପରି ଆକ୍ରମଣ କରାଯାଇଛି । CENTCOM ମୁଖପାତ୍ର ନେଭି କ୍ଯାପେଟେନ ଟିମ ହକିନ୍ସଙ୍କ କହିବା କଥା, ୟୁଏସ ସେଣ୍ଟ୍ରାଲ କମାଣ୍ଡ ସିଜଫାଇୟାରରୁ ନିଜ ସେନାଙ୍କୁ ସୁରକ୍ଷା ଦେବାକୁ ଯାଇ ଏହି ଆକ୍ରମଣ କରାଯାଇଛି । ନ୍ୟୁୟର୍କ ଟାଇମ୍ସ ର ସୂଚନା ଅନୁସାରେ, ଏହି ଆକ୍ରମଣର ଟାର୍ଗେଟ ଥିଲା ବନ୍ଦର ଆବାସ ନିକଟବର୍ତ୍ତୀ ଅଞ୍ଚଳ । ଯାହା ହର୍ମୁଜ ଷ୍ଟେଟ ନିକଟରେ ଇରାନର ନେଭାଲ ବେସ ।
ଚାପିଦେଲା ହାଇୱା ; ଜେସିବି ଅପରେଟରଙ୍କ ମୃତ୍ୟୁ
ଚାପିଦେଲା ହାଇୱା । ଜେସିବି ଅପରେଟରଙ୍କ ମୃତ୍ୟୁ । ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ଥାନା ଅନ୍ତର୍ଗତ ଢେଲୁଆ ପଞ୍ଚାୟତର ଘୋଘର ଗ୍ରାମ ସ୍କୁଲ ବସ୍ତି ନିକଟରେ ଏକ ଜମିରେ କାରଖାନା ବର୍ଯ୍ୟ ବସ୍ତୁ ପକାଇବା ସମୟରେ ଘଟିଛି ଅଘଟଣ । ବ୍ୟର୍ଯ୍ୟବସ୍ତୁ ପକାଉଥିବା ହାଇୱା ଚକ ତଳେ ଚାପି ହୋଇ ଜଣେ ଜେସିବି ଅପରେଟରଙ୍କ ମୃତ୍ୟୁ ହୋଇଛି । ମୃତକ ଜଣକ ଶୋଇ ଥିବା ବେଳେ ହାଇୱାଟି ଚଢି ଯିବରୁ ତାଙ୍କ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ମୃତକ ଜଣକ କେଶ୍ରାମାଲ ପଞ୍ଚାୟତ ରାଇବେର୍ଣ୍ଣା ଗ୍ରାମର ୨୭ବର୍ଷୀୟ ସାଲବିନ ବାର୍ଲ। । ଦୁର୍ଘଟଣା ପରେ ଦୁର୍ଘଟଣା ଘଟାଇ ଥିବା ହାଇୱାଟି ଫେରାର ହୋଇ ଯାଇଛି । ଅନ୍ୟ ପକ୍ଷରେ ବେଆଇନ ବର୍ଜ୍ୟବସ୍ତୁ ପକାଯାଉଥିବା ସ୍ଥାନୀୟ ଗ୍ରାମବାସୀମାନେ ଅଭିଯୋଗ କରିବା ସହ କ୍ଷତିପୂରଣ ଦାବିରେ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କ ସହ ଆଲୋଚନା କରିଛି ।
ଚଳଚଞ୍ଚଳ ରଥଖଳା ; ତିନି ରଥର ଦଣ୍ଡା ହଣା କାର୍ଯ୍ୟ ଜାରି ରହିଛି
ନନ୍ଦିଘୋଷ ବ୍ୟୁରୋ : ପ୍ରବଳ ଗ୍ରୀଷ୍ମ ପ୍ରବାହ ଓ ଗରମ ସତ୍ତ୍ବେ ଚଳଚଞ୍ଚଳ ରଥଖଳା। ତିନି ରଥର ନିର୍ମାଣ କାର୍ଯ୍ୟ ଜୋରସୋରରେ ଜାରି ରହିଥିବା ବେଳେ ଆବଶ୍ୟକୀୟ ୪୨ ଗୋଟି ଚକ ନିର୍ମାଣ ଶେଷ ହୋଇଛି। ତିନିରଥର ଚାରି ନାହାକା ସହ ୧୪ ନାହାକା କାମ ମଧ୍ୟ ଶେଷ ହୋଇଛି । ତେବେ ଆଜି ରଥଖଳାରେ ତିନି ରଥର ଦଣ୍ଡା ହଣା କାର୍ଯ୍ୟ ଜାରି ରହିଛି।
ସମବାୟ ସମିତି ଆଗରେ ଚାଷୀଙ୍କ ଧାରଣା ; ରାଜ୍ୟ ସରକାରଙ୍କ ଚାଷୀ ମାରଣା ନୀତି ଉପରେ ବର୍ଷିଲେ ଚାଷୀ
ନନ୍ଦିଘୋଷ ବ୍ୟୁରୋ : ସମବାୟ ସମିତି ଆଗରେ ଚାଷୀଙ୍କ ଧାରଣା ।ଜଳେଶ୍ଵର ବଡମନ୍ଦାରୁଣୀ ସେବା ସମବାୟ ସମିତି ଆଗରେ ଚାଷୀଙ୍କ ଧାରଣା। ରାଜ୍ୟ ସରକାରଙ୍କ ଚାଷୀ ମାରଣା ନୀତି ଉପରେ ବର୍ଷିଲେ ଚାଷୀ । ଭୋଗରାଇ ବ୍ଳକ ବଡମନ୍ଦାରୁଣୀ ସେବା ସମବାୟ ସମିତିରେ ଗତ ବର୍ଷ ୭୦୦ ଚାଷୀ ପଞ୍ଜୀକରଣ କରିଥିଲେ । କିନ୍ତୁ ଚଳିତ ବର୍ଷ ସମବାୟ ସମିତିର ମନମାନି ନୀତି ଯୋଗୁଁ ମାତ୍ର ୩୦୦ ଚାଷୀ ପଞ୍ଜୀକରଣ କରିଥିବା ବେଳେ ୪୦୦ ଚାଷୀ ପଞ୍ଜି କରଣରୁ ବାଦ ପଡିଛନ୍ତି । ୧୦ ରୁ ୧୫ ଦିନ ଭିତରେ ସମସ୍ତ ଚାଷୀଙ୍କ ପଞ୍ଜୀକରଣ କରିବାର ଥିଲା କିନ୍ତୁ ୩୦୦ ଚାଷୀଙ୍କ ପଞ୍ଚିକରଣ କରିଛନ୍ତି ସମବାୟ ସମିତିରେ । କିଛି ପ୍ରଭାବଶାଳୀ ଚାଷୀ ଙ୍କୁ ରାତି ଅଧିଆ ପଞ୍ଜୀକରଣ କରିଥିବା ବେଳେ ବହୁ ଚାଷୀ ବାଦ ପଡ଼ିଥିବା ଅଭିଯୋଗ ହୋଇଛି । ଯଥାଶିଘ୍ର ରାଜ୍ୟ ସରକାର ଚାଷୀଙ୍କ ନୂତନ ପଞ୍ଜୀକରଣ ଉପରେ ଧ୍ୟାନ ନ ଦେବେ ଆଗାମି ଦିନରେ ସମବାୟ ସମିତି ବନ୍ଦ କରିବା ସହିତ ଧାନ ବସ୍ତା ପକାଇ ରାସ୍ତା ଅବରୋଧ କରିବେ ବୋଲି ଚାଷୀ ମାନେ ଚେତାବନୀ ଦେଇଛନ୍ତି । ଅନ୍ୟପକ୍ଷରେ ସମବାୟ ସମିତିର ସମ୍ପାଦକ ସୁଶାନ୍ତ କୁମାର ଦାସ ଙ୍କୁ ପଚାରିବାରୁ କହିଛନ୍ତି ୧୦ ତାରିଖ ରୁ ୨୫ ତାରିଖ ମଧ୍ୟରେ ପଞ୍ଜୀକରଣ ପାଇଁ ସରକାରୀ ନିର୍ଦେଶ ଥିଲା । କିନ୍ତୁ ବ୍ଳକ୍ କାର୍ଯ୍ୟାଳୟକୁ ୧୨ ତାରିଖ ଦିନ ଡକାଗଲା ଟ୍ରେନିଂ ଦେବା ପାଇଁ । କମ୍ପୁଟରରେ ସାଇଟ ଖୋଲିଲା ୧୫ ତାରିଖରୁ । ତେଣୁ ୧୫ ତାରିଖ ପାଖରୁ ଆମେ ଫର୍ମ ଦେବା ଆରମ୍ଭ କଲୁ ଏହାରି ଭିତରେ ୬୦୦ ଚାଷୀ ପଞ୍ଜୀକରଣ କରଣ ପାଇଁ ଫୋର୍ମ ଦେଇଥିଲେ କିନ୍ତୁ ପଞ୍ଜିକରଣରେ ଜାଞ୍ଚ ହେବାରୁ କିଛି ଚାଷୀଙ୍କ ପେଣ୍ଡିଙ୍ଗ ରହିଛି । ୨୫ ତାରିଖ ଦିନ ସରକାରଙ୍କ ପକ୍ଷରୁ ପଞ୍ଜିକରଣ ବନ୍ଦ ହେଇଯିବାରୁ ଚାଷୀଙ୍କ ପଞ୍ଜିକରଣ ହେଇ ପାରିନି ।
ମିଥ୍ୟା ପ୍ରତିଶୃତି ଓ ଧୂଆଁ ବାଣରେ ରହିଯାଇଛି ବିଜେପି ସରକାର; ଏ ସରକାର ଅମଳରେ ସେତେ ବଡ଼ ପ୍ରାକୃତିକ ବିପର୍ଯୟ ହୋଇନି
ନନ୍ଦିଘୋଷ ବ୍ୟୁରୋ : ବିଶ୍ୱକୁ ବିପର୍ଯ୍ୟୟ ମୁକାବିଲା ପାଠ ପଢ଼ାଇବ ଓଡ଼ିଶା । ଭାରତର ବ୍ରିକ୍ସ ଅଧ୍ୟକ୍ଷତାରେ ଡିଜାଷ୍ଟର ରିସ୍କ ରିଡକ୍ସନ ୱାଙ୍କି ଗ୍ରୁପ୍ର ବୈଷୟିକ ସମ୍ମିଳନୀ ଆସନ୍ତା ଜୁନ ୩ରୁ ୫ ପର୍ଯ୍ୟନ୍ତ ପୁରୀରେ ଅନୁଷ୍ଠିତ ହେବ । ଏହି ସମ୍ମିଳନୀରେ ରେ ବ୍ରିକ୍ସ ଦେଶଗୁଡ଼ିକର ପ୍ରତିନିଧୂ ଓ ବିଶେଷଜ୍ଞମାନେ ଯୋଗଦେଇ ବିପର୍ଯ୍ୟୟ ପରିଚାଳନା, ପରି ପ୍ରତିରୋଧକ୍ଷମତା ବୃଦ୍ଧି ଏବଂ ଅନ୍ତର୍ଜାତୀୟ ସହଯୋଗ ସମ୍ପର୍କିତ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ । ହେଲେ ବିଜେପି ସରକାର ସମୟରେ କିଛି ପ୍ରାକୃତିକ ବିପର୍ଯ୍ୟୟ ପରିଚାଳନା ହୋଇ ନଥିବା ଅଭିଯୋଗ କରିଛି କଂଗ୍ରେସ । ୧୯୮୦, ୧୯୮୨ ରେ ଜାନକୀ ପଟ୍ଟନାୟକଙ୍କ ନେତୃତ୍ୱରେ ବନ୍ୟା ମୁକାବିଲା କରିଥିଲା କଂଗ୍ରେସ ସରକାର । ସେହିପରି ୨୦୨୪ ଯାଏଁ ନବୀନ ପଟ୍ଟନାୟକଙ୍କ ବିଜେଡି ସରକାର ବାତ୍ୟା ଓ ବନ୍ୟା ମୁକାବିଲା କରିଥିଲା। ସେ ସବୁ ସରକାରଙ୍କ ତଥ୍ୟ ସଂଗ୍ରହ କରିବା କଥା । ମିଥ୍ୟା ପ୍ରତିଶୃତି ଓ ଧୂଆଁ ବାଣରେ ରହି ଯାଇଛି ବିଜେପି ସରକାର । ଏହି ସରକାର ଅମଳରେ ସେତେ ବଡ଼ କିଛି ପ୍ରାକୃତିକ ବିପର୍ଯୟ ହୋଇନି । କେବଳ ଖରା ଟିକେ ଅଧିକ ହେଉଛି । ପୁରୀରେ ଅନ୍ୟ ଦେଶର ଲୋକଙ୍କୁ ନେଇ ଡ୍ରାମା କରିବାକୁ ବିଜେପି ଚାହୁଁଛି । ଖାଲି ପତିଆରା ରାଜନୀତିରେ ବିଜେପି ବ୍ୟସ୍ତ ବୋଲି କହିଛନ୍ତି ସୁରେଶ ।
ରାଉରକେଲାରେ କାଳବୈଶାଖୀ ତାଣ୍ଡବ ; ଵ୍ୟାପକ କ୍ଷୟକ୍ଷତି ହୋଇଥିବା ଅଭିଯୋଗ ହୋଇଛି
ନନ୍ଦିଘୋଷ ବ୍ୟୁରୋ : ରାଉରକେଲା ସହରର ସେକ୍ଟର ଅଞ୍ଚଳରେ ଝଡବର୍ଷାରେ ଵ୍ୟାପକ କ୍ଷୟକ୍ଷତି ହୋଇଥିବା ଅଭିଯୋଗ ହୋଇଛି । ଝଡବର୍ଷା ଓ କାଳ ବୈଶାଖୀ ଯୋଗୁଁ ସେକ୍ଟର ଅଞ୍ଚଳର ଅନେକ ସ୍ଥାନରେ ଵିଦ୍ୟୁତ ଖୁଣ୍ଟ ଭାଙ୍ଗି ପଡିବା ସହ ଶହଶହ ଗଛ ଉପୁଡି ପଡିଛି । ଗଛପଡି ଵହୁ ଘର ଭାଙ୍ଗିଵା ସହ କାର ଓ ଦୁଇ ଚକିଆ ଗାଡି ଭାଙ୍ଗି ଥିବା ଅଭିଯୋଗ ହୋଇଛି । ବଡ ଗଛ ଉପୁଡି ପଡିବାରୁ ମନ୍ଦିରର କିଛି ଅଂଶ ସହ ପାଚେରୀ କ୍ଷତିଗ୍ରସ୍ତ ହୋଇଛି। ଗତକାଲି ଅପରାହ୍ନରେ ଝଡବର୍ଷା ପର ଠାରୁ ବିଭିନ୍ନ ସେକ୍ଟର ଅଞ୍ଚଳରେ ବିଦ୍ୟୁତ ଯୋଗାଣ ଓ ପାନୀୟ ଜଳ ଯୋଗାଣ ବନ୍ଦ ରହିଥିବା ସେକ୍ଟର ବାସିନ୍ଦା ଅଭିଯୋଗ କରିଛନ୍ତି । ରାଉରକେଲା ଇସ୍ପାତ କାରଖାନା ଓ ଅଗ୍ନିଶମ ବିଭାଗ ପକ୍ଷରୁ ପୁନରୁଦ୍ଧାର କାର୍ଯ୍ୟ ଦୃତ ଗତିରେ ଜାରି ରହିଛି । ପ୍ରଶାସନ ପକ୍ଷରୁ ୭ଟି ଟିମ ଗଠନ କରାଯାଇ କ୍ଷୟକ୍ଷତି ଆକଳନ କରୁଛନ୍ତି। କ୍ଷତିଗ୍ରସ୍ତ ଙ୍କୁ ସହାୟତା ଯୋଗାଇ ଦିଆଯିବା ସହ ଖାଦ୍ୟ ଯୋଗାଇ ଦିଆଯାଉଥିଵା ସୁନ୍ଦରଗଡ଼ ଜିଲ୍ଲାପାଳ ସୂଚନା ଦେଇଛନ୍ତି।
ବାଲିଅନ୍ତା ସୌମ୍ୟ ରଞ୍ଜନ ସ୍ୱାଇଁ ହତ୍ୟା ଘଟଣା ; ଅନ୍ୟ ଜଣକୁ ଗିରଫ କଲା କ୍ରାଇମବ୍ରାଞ୍ଚ
ନନ୍ଦିଘୋଷ ବ୍ୟୁରୋ : ବାଲିଅନ୍ତା ସୌମ୍ୟ ରଞ୍ଜନ ସ୍ୱାଇଁ ହତ୍ୟା ଘଟଣା । କେନ୍ଦ୍ରାପଡ଼ାରୁ ଅନ୍ୟ ଜଣକୁ ଗିରଫ କଲା କ୍ରାଇମବ୍ରାଞ୍ଚ । ମୁଖ୍ୟ ଅଭିଯୁକ୍ତ ୪୮ ବର୍ଷୀୟ ବିନୋଦ ବେହେରା ଗିରଫ। ବିନୋଦ ଘର କେନ୍ଦ୍ରାପଡା ଜିଲ୍ଲା ର ଇନ୍ଦୁପୁର ହୋଇଥିବା ବେଳେ ସତ୍ୟନଗର ରେ ସେ ରହୁଥିଲା । ଏହି କେସରେ ଗିରଫ ଅଭିଯୁକ୍ତଙ୍କ ସଂଖ୍ୟା ୧୬ ରେ ପହଞ୍ଚିଛି । ପୂର୍ବରୁ ଏହି ଘଟଣାରେ ୧୫ ଜଣଙ୍କୁ ଗିରଫ କରିଥିଲା କମିଶନରେଟ ପୋଲିସ । ବିନୋଦ ବାଉଁଶରେ ସୌମ୍ୟଙ୍କ ମୁଣ୍ଡ ଓ ଅନ୍ୟ ସମ୍ବେଦନଶୀଳ ଅଙ୍ଗକୁ ମାଡ଼ ମାରିଥିଲା । କମିଶନରେଟ ପୋଲିସ ଏହି ଘଟଣାରେ ପୂର୍ବରୁ ୧୧ ଜଣଙ୍କୁ ଗିରଫ କରିଥିବା ବେଳେ କ୍ରାଇମବ୍ରାଞ୍ଚ ୫ ଜଣଙ୍କୁ ଗିରଫ କରିଛି । ପୂର୍ବରୁ ଥାନା ଓ କ୍ରାଇମସ୍ପଟକୁ ଯାଇ ଅଧିକ ତନାଘନା କରିଥିଲା କ୍ରାଇମବ୍ରାଞ୍ଚ । ଏକାଧିକ ଲୋକଙ୍କ ବୟାନ ରେକର୍ଡ, ସାଇଣ୍ଟିଫିକ ଏଭିଡ଼େନ୍ସ ଜରିଆରେ ଆକ୍ସନ ମୋଡ଼କୁ ଆସିଛି କ୍ରାଇମବ୍ରାଞ୍ଚ । ଏଥିରେ ଅନ୍ୟମାନଙ୍କ ସମ୍ପୃକ୍ତି ନେଇ ମଧ୍ୟ ତନାଘନା ଚଳାଇଛି କ୍ରାଇମବ୍ରାଞ୍ଚ । ଆହୁରି ୨୦ରୁ ଉର୍ଦ୍ଧ୍ବ ଲୋକ ସମ୍ପୃକ୍ତି ଥିବା ଜଣାପଡିବା ପରେ ଜିଲ୍ଲା ବାହାରେ ଚଢ଼ାଉ ଜାରି ରଖିଛି କ୍ରାଇମବ୍ରାଞ୍ଚ । ଭାଇରାଲ ଭିଡିଓ ଆଧାରରେ ତଦନ୍ତ ଚାଲିଥିବା ବେଳେ ବିଭିନ୍ନ ଦିଗକୁ ଦୃଷ୍ଟି ଦିଆଯାଉଥିବା ସୂଚନା ଦେଇଛନ୍ତି କ୍ରାଇମବ୍ରାଞ୍ଚ ଆଇଜି ।
ବଲାଙ୍ଗୀର ଚାନୁଟମାଲ ହାତୀ ମୃତ୍ୟୁ ମାମଲା ; ଫରେଷ୍ଟର ନିଲମ୍ବିତ
ନନ୍ଦିଘୋଷ ବ୍ୟୁରୋ : ବଲାଙ୍ଗୀର ଚାନୁଟମାଲ ହାତୀ ମୃତ୍ୟୁ ମାମଲା । ଫରେଷ୍ଟର ନିଲମ୍ବିତ । ଜମି ମାଲିକ, ଯନ୍ତ୍ରୀ ଓ ଲାଇନମ୍ୟାନ ବିରୋଧରେ NBW ଜାରି । ବଲାଙ୍ଗୀର ବନବିଭାଗ ମୁରିବାହାଲ ରେଞ୍ଜ ଚାନୁଟମାଲ ଗାଁ ନିକଟ କାଜୁ ବଗିଚାରେ ବିଦ୍ୟୁତ ଆଘାତରେ ଦନ୍ତା ହାତୀ ମୃତ୍ୟୁ ଘଟଣାରେ ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି I ପ୍ରାଥମିକ ତଦନ୍ତ ପରେ ବନ ବିଭାଗ ଚାର୍ଜସିଟ ଦାଖଲ କରିଛି I ହାତୀ ମୃତ୍ୟୁ ପାଇଁ କାଜୁବଗିଚା ମାଲିକ ସଂଜୀବ ପଟେଲ, ବିଦ୍ୟୁତ ବିଭାଗ କନିଷ୍ଠ ଯନ୍ତ୍ରୀ ଜୁନେଦ ଖାଁ ଓ ଚାନୁଟମାଲ ଲାଇନ୍ମ୍ୟାନ୍ ଅଜିତ ତରିଆକୁ ଦାୟୀ କରିଛି ବନ ବିଭାଗ I ଏହାସହ କାର୍ଯ୍ୟରେ ଅବହେଳା ପାଇଁ ମୁରିବାହାଲ ରେଞ୍ଜ୍ ଗୁଡ଼ିଘାଟ ସେକ୍ସନ ଫରେଷ୍ଟର ଜୟକୃଷ୍ଣ ଭୋଇଙ୍କୁ ଚାକିରିରୁ ନିଲମ୍ବିତ କରାଯାଇଛି I ଗତ ଏପ୍ରିଲ ୩୦ ରେ ଚାନୁଟମାଲ ଗାଁ ନିକଟ କାଜୁ ବଗିଚାରୁ ୮ ରୁ ୧୦ ବର୍ଷର ଏକ ଦନ୍ତା ହାତୀର ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର କରିଥିଲା ବନବିଭାଗ I ଘଟଣାସ୍ଥଳରେ ବିଦ୍ୟୁତ ତାର ଛିଣ୍ଡି ପଡ଼ିଥିବା ବେଳେ ମୃତ ହାତୀ ଶୁଣ୍ଢରେ କ୍ଷତଚିହ୍ନ ରହିଥିବାରୁ ବିଦ୍ୟୁତ ସ୍ପର୍ଶରେ ଦନ୍ତାର ମୃତ୍ୟୁ ହୋଇଥିବା ସନ୍ଦେହ ହୋଇଥିଲା I ବଲାଙ୍ଗୀର ଡିଏଫଓ ଅଜିତ ବିଶି, ଏସିଏଫ୍ ମୁରାରୀ ପ୍ରସାଦ ପଣ୍ଡା, ମୁରିବାହାଲ ବନାଞ୍ଚଳ ଅଧିକାରୀ ପଦ୍ମନାଭ କୁମ୍ଭାରଙ୍କ ସହ ବିଦ୍ୟୁତ ବିଭାଗ ଅଧିକାରୀ ଓ ପୋଲିସ ପହଞ୍ଚି ତଦନ୍ତ କରିଥିଲେ I ହାତୀ ମୃତ୍ୟୁର ତଦନ୍ତ କରି ଏସିଏଫ ମୁରାରୀ ପ୍ରସାଦ ପଣ୍ଡା ଡିଏଫଓଙ୍କୁ ରିପୋର୍ଟ ପ୍ରଦାନ କରିବା ସହ ଗତ ୨୦ ତାରିଖରେ ମୁରିବାହାଲ JMFCରେ ଦାଖଲ କରିଥିଲେ I ଚାର୍ଜସିଟ୍ ଦାଖଲ ପରେ ୩ ଜଣ ଅଭିଯୁକ୍ତ ଫେରାର୍ ରହିଥିବା ବେଳେ ଅଭିଯୁକ୍ତଙ୍କ ବିରୋଧରେ ମୁରିବାହାଲ JMFC ଜାମିନ ବିହୀନ ଗିରଫ ପରୱାନା ଜାରି କରାଯାଇଛି I
ଏଫେମ କଲେଜ ଛାତ୍ରୀ ମୃତ୍ୟୁ ଘଟଣା ; ପୀଡିତାଙ୍କ ଘରେ ପହଞ୍ଚିଲେ ଇପ୍ସିତା ସାହୁ ଓ ବିଧାୟକ ଗୌତମବୁଦ୍ଧ ଦାସ
ନନ୍ଦିଘୋଷ ବ୍ୟୁରୋ : ଏଫେମ କଲେଜ ଛାତ୍ରୀ ମୃତ୍ୟୁ ଘଟଣା । ପିଡିତାଙ୍କ ଘରେ ପହଞ୍ଚିଲେ ବିଜୁ ଛାତ୍ର ଜନତା ଦଳର ସଭାନେତ୍ରୀ ଇପ୍ସିତା ସାହୁ ଓ ଭୋଗରାଇ ବିଧାୟକ ଗୌତମବୁଦ୍ଧ ଦାସ । ବାଲେଶ୍ବର ଫକୀର ମୋହନ କଲେଜ ଛାତ୍ରୀଙ୍କ ପିଡିତା ଘରେ ପହଞ୍ଚି କଲେ ଆଲୋଚନା । ଭୋଗରାଇ ନିର୍ବାଚନ ମଣ୍ଡଳୀର ନାରୀ ଅଧିକାର କାର୍ଯ୍ୟକ୍ରମ ଆଗରୁ ପୀଡିତା ବାପା ମାଆ ଙ୍କ ପାଖରେ ପହଞ୍ଚି ତାଙ୍କର ଦୁଃଖ ବୁଝିଥିଲେ । ଛାତ୍ରୀଙ୍କୁ ନ୍ୟାୟ ନମିଳିବା ଏବଂ ସେତେବେଳେ ରାଜ୍ୟ ସରକାର ଦେଇଥିବା ପ୍ରତିଶ୍ରୁତି ପୁରଣ ନହେବାରୁ ଉଦ୍ବେଗ ପ୍ରକାଶ କରିଥିଲେ। ଏସ୍ ସାଇନିଙ୍କ ବଦଳି ପରେ ଘଟଣାକୁ ସମ୍ପୁର୍ଣ୍ଣ ରୁପେ ଚପାଇ ଦେଇଛନ୍ତି ରାଜ୍ୟ ସରକାର । ମାମଲା ଆଗକୁ ବଢୁନାହିଁ । ଦୁଇଦିନ ଆଗରୁ ପ୍ରିନ୍ସିପାଲଙ୍କୁ ବେଲ୍ ମିଳିଯାଇଛି । ଛାତ୍ରୀଙ୍କ ନାଁରେ ସ୍ତମ୍ଭ କରିବାର ଥିଲା, ତାହା ଆଜି ଯାଏଁ ହେଇନାହିଁ । ଛାତ୍ରୀଙ୍କୁ ନ୍ୟାୟ ଦେବା ପାଇଁ ବିଜୁ ଛାତ୍ର ସଂଗଠନ ଲଢ଼େଇ କରିବ ବୋଲି କହିଛନ୍ତି ବିଜୁ ଛାତ୍ର ସଭାନେତ୍ରୀ ଇପ୍ସିତା ସାହୁ । ସେପଟେ ଝିଅ କଥା ବହୁତ ମନେ ପଡୁଛି ବୋଲି କହିଛନ୍ତି ମାଆ । ଝିଅକୁ ନେଇ ଯେଉଁ ଆଶା ଓ ସ୍ୱପ୍ନ ଦେଖିଥିଲୁ ସବୁ ଧୁଳିସାତ ହେଇଗଲା । ଆଜି ପର୍ଯ୍ୟନ୍ତ ରାଜ୍ୟ ସରକାର ସେ ସମୟରେ ଯାହା ପ୍ରତିଶ୍ରୁତି ଦେଇଥିଲେ କିଛି ବି ପୁରଣ କରିନାହାନ୍ତି । କେବେ ନ୍ୟାୟ ମିଳିବ ସେଥିପାଇଁ ଅପେକ୍ଷାରେ ଥିବା କହିଛନ୍ତି ମାଆ ।