ମୁମ୍ବାଇ: ଫିଲ୍ମକୁ ଚମକାନ୍ତି ବଲିଉଡ୍ ତାରକା । ସେମାନଙ୍କ ନାଁରେ କେବେ ଫିଲ୍ମ ଚାଲେ ତ ଆଉ କେବେ ହୋଇଯାଏ ଫ୍ଲପ୍ । ବଲିଉଡ୍ ଷ୍ଟାର ମାନେ ଗୋଟିଏ ଗୋଟିଏ ଫିଲ୍ମ ଲାଗି ପ୍ରଯୋଜକଙ୍କ ଠାରୁ ମୋଟା ରକମର ଟଙ୍କା ନିଅନ୍ତି । ଫିଲ୍ମରେ ଅଭିନୟ ପାଇଁ କୋଟି କୋଟିରେ ହୁଏ ମୂଲଚାଲ । ତଥାପି ବଲିଉଡ୍ ଷ୍ଟାର୍ ଅନେକ ସମୟରେ ସ୍କ୍ରିପ୍ଟ, ବନ୍ଧୁତା ଅଥବା ନିଜସ୍ୱ ସମ୍ପର୍କ ପାଇଁ ମାଗଣାରେ କାମ କରିଛନ୍ତି ।

ପ୍ରିୟଙ୍କା ଚୋପ୍ରା- ‘ବିଲ୍ଲୁ’ ଚଳଚ୍ଚିତ୍ରରେ ପ୍ରିୟଙ୍କା ଚୋପ୍ରା ଏକ ଗୀତର ସୁଟ୍ କରିଥିଲେ । ଗୀତ ନାଁ ଥିଲା ‘ୟୁ ଗେଟ୍ ମେ ରୋକିଂ ଆଣ୍ଡ ରିଲିଂ’ । ଏଥିପାଇଁ ସେ କିଛି ପାରିଶ୍ରମିକ ନେଇ ନଥିଲେ । ମାଗଣାରେ ଅଭିନୟ କରିଥିଲେ ।

ସଲମାନ୍ ଖାନ- ବଲିଉଡର ଦିଲଦାର ସଲମାନ ଖାନ ଏହି ଲିଷ୍ଟରେ ସବୁଠୁ ଶୀର୍ଷରେ । ଗୋଟିଏ ନୁହେଁ ‘ସନ୍ ଅଫ୍ ସର୍ଦ୍ଦାର’, ‘ତିସ୍ ମାର ଖାଁ’ ଭଳି ଅନେକ ଫିଲ୍ମରେ ଅଭିନୟ ପାଇଁ ସଲମାନ ଖାନ ଟଙ୍କାଟିଏ ବି ନେଇ ନାହାନ୍ତି ।

କ୍ୟାଟ୍ରିନା କୈଫ- ଫିଲ୍ମ ‘ଅଗ୍ନିପଥ’ରେ କ୍ୟାଟ୍ରିନା ‘ଚିକନି ଚମେଲି’ ଗୀତ କରିଥିଲେ । ଯାହାକି ବେଶ୍ ହିଟ୍ ହୋଇଥିଲା । ତେବେ କ୍ୟାଟ୍ରିନା ଏଥିପାଇଁ କୌଣସି ଟଙ୍କା ନେଇ ନଥିଲେ । କରଣ ଜୋହରଙ୍କ ସହ ବନ୍ଧୁତା ପାଇଁ କ୍ୟାଟ୍ରିନା ମାଗଣାରେ ଅଭିନୟ କରିଥିଲେ ।

ରାଣୀ ମୁଖାର୍ଜୀ- ବଲିଉଡକୁ ଅନେକ ହିଟ୍ ଫିଲ୍ମ ଦେଇଛନ୍ତି ଅଭିନେତ୍ରୀ ରାଣୀ ମୁଖାର୍ଜୀ । ସେ ‘କଭି ଖୁସି କଭି ଗମ୍’ ଫିଲ୍ମରେ ଅଭିନୟ ପାଇଁ କରଣ ଜୋହରଙ୍କ ଠାରୁ ପ୍ରାପ୍ୟ ନେଇ ନଥିଲେ । କରଣ ଜୋହର ଓ ରାଣୀ ମୁଖାର୍ଜୀ ଭଲ ବନ୍ଧୁ ଅଟନ୍ତି ।

ସୋନାକ୍ଷୀ ସିହ୍ନା- ଅକ୍ଷୟ କୁମାରଙ୍କ ଫିଲ୍ମ ‘ବସ୍’ରେ ସୋନାକ୍ଷୀ ତାଙ୍କ ସହ ଏକ ଗୀତ କରିଥିଲେ । ‘ପାର୍ଟି ଅଲ୍ ନାଇଟ୍’ ଗୀତ ପାଇଁ ଅକ୍ଷୟଙ୍କ ଠାରୁ ଟଙ୍କା ନେଇ ନଥିଲେ ସୋନାକ୍ଷୀ ।

ଶାହିଦ କପୁର- କାଶ୍ମୀର ଯୁବକଙ୍କ ଉପରେ ଆଧାରିତ ଚଳଚ୍ଚିତ୍ର ‘ହାଇଦର’ ଶାହିଦଙ୍କ ଅଭିନୀତ ଶ୍ରେଷ୍ଠ ଫିଲ୍ମ ମଧ୍ୟରୁ ଅନ୍ୟତମ । ଏହି ଫିଲ୍ମ ଲାଗି ଶାହିଦ କପୁରଙ୍କୁ ଶ୍ରେଷ୍ଠ ଅଭିନେତା ଫିଲ୍ମ ଫେୟାର ଆୱାର୍ଡ ମଧ୍ୟ ମିଳିଛି । ଶାହିଦ ‘ହାଇଦର’ ଫିଲ୍ମ ଲାଗି କିଛି ଟଙ୍କା ନେଇ ନଥିଲେ ।

ଶାହରୁଖ ଖାନ- ଫିଲ୍ମ ‘ଭୂତନାଥ’ରେ ନଜର ଆସିଥିଲେ ଶାହରୁଖ ଖାନ । ଫିଲ୍ମରେ ଅମିତାଭ ବଚ୍ଚନ ଓ ଜୁହି ଚାୱଲା ମଧ୍ୟ କାମ କରିଥିଲେ । ଏହି ଫିଲ୍ମରେ ଶାହରୁଖ ସ୍ୱଳ୍ପ ସମୟ ପାଇଁ ନଜର ଆସିଥିଲେ । ଯେଉଁଥିପାଇଁ କିଛି ଟଙ୍କା ନେଇ ନଥିଲେ ।

କରିନା କପୁର- ଅଭିନେତ୍ରୀ କରିନା କପୁର ‘ଡବଙ୍ଗ-୨’ ଫିଲ୍ମର ‘ଫେବିକଲ’ ଗୀତ ଓ ‘ବ୍ଲୁ’ ଫିଲ୍ମର ’ମରଜାନୀ’ ପାଇଁ କିଛି ଟଙ୍କା ନେଇ ନଥିଲେ ।

ଦୀପିକା ପାଦୁକୋନ- ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ, ଶାହରୁଖ ଖାନଙ୍କ ଫିଲ୍ମ ’ଓମ୍ ଶାନ୍ତି ଓମ୍’ରେ ଡେବ୍ୟୁ କରିଥିଲେ । ତେବେ ଏହି ଫିଲ୍ମରେ ଲିଡ୍ ରୋଲରେ ନଜର ଆସିଥିବା ଦୀପିକା ଟଙ୍କାଟିଏ ବି ନେଇ ନଥିଲେ ।